ARCHIVE
Monthly Archives: July, 2022
༸གོང་ས་མཆོག་ལ་༸དཔལ་ལྡན་རྒྱུད་གྲྭ་སྟོད་སྨད་གཉིས་ཀྱིས་བརྟན་བཞུགས་བསྟར་འབུལ་ཞུས་སོང་།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བདེ་མཆོག་ལཱུ་ཨི་པའི་བཀའ་དབང་མཇུག་སྒྲིལ་དང་འབྲེལ། དེ་རིང་༸དཔལ་ལྡན་རྒྱུད་གྲྭ་སྟོད་སྨད་གཉིས་ནས་མགོན་པོ་༸གང་ཉིད་མཆོག་སྐུ་ཚེ་ཞབས་པད་བསྐལ་བརྒྱར་བརྟན་སླད་བརྟན་བཞུགས་བསྟར་འབུལ་ཞུས་ཡོད་པ་དང་། ༸གོང་ས་མཆོག་གིས་སྐབས་དེར་༸གང་ཉིད་ལོ་བཅུ་ཕྲག་གཅིག་གཉིས་བཞུགས་རྒྱུའི་བཀའ་བཞེས་སྨིན་སྩལ་དང་འབྲེལ། ཆོས་ཁས་ལེན་མིན་ལ་མ་ལྟོས་པར་རྒྱུན་དུ་ནས་སེམས་པ་བཟང་པོ་དང་གཞན་ཕན་བསྒྲུབ་དགོས་པའི་ལམ་སྟོན་མཛད་པ་མ་ཟད། དེ་རིང་གི་གོ་སྐབས་འདིའི་བརྒྱུད་ནས་ཉེ་ལམ་༸སྐུའི་འཁྲུངས་སྐར་སྐབས་སུ་ཕྱོགས་མཐའ་ཁག་མང་པོ་ཞིག་ནས་འཚམས་འདྲི་ཞུ་མཁན་ཚང་མར་ཐུགས་རྗེ་ཆེ་ཞེས་བཀའ་སྩལ་མཛད་སོང་།
དེ་རིང་ཟླ་ ༧ ཚེས་ ༡༠ ཉིན་གྱི་ཞོགས་པ་ཕྱག་ཚོད་ ༨་༣༠ ཡོལ་ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་༸རྒྱལ་བའི་ཕོ་བྲང་ནས་ཐེག་ཆེན་ཆོས་གླིང་གཙུག་ལག་ཁང་གི་བཞུགས་ཁྲིར་༸ཞབས་སོར་འཁོད་གནང་མཛད་དེ་༸དཔལ་ལྡན་རྒྱུད་གྲྭ་སྟོད་སྨད་ཐུན་མོང་ནས་མཎྜལ་འདེགས་འབུལ་དང་མགོན་པོ་༸གང་ཉིད་མཆོག་བསྟན་འགྲོའི་མགོན་དུ་༸སྐུ་ཚེ་ཞབས་པད་མི་ཤིགས་རྡོ་རྗེ་ཁམས་ལྟར་བརྟན་པའི་བརྟན་བཞུགས་བསྟར་འབུལ་ཞུས་ཡོད།
བརྟན་བཞུགས་གྲུབ་མཚམས་སུ་མགོན་པོ་༸གང་ཉིད་མཆོག་གིས་༸དཔལ་ལྡན་རྒྱུད་གྲྭ་སྟོད་སྨད་ཐུན་མོང་ནས་བརྟན་བཞུགས་བསྟར་འབུལ་ཞུས་པར་ཐུགས་རྗེ་ཆེ་ཞུས་དང་འབྲེལ། མགོན་པོ་༸གང་ཉིད་མཆོག་ད་དུང་དགུང་ལོ་ལོ་བཅུ་ཕྲག་གཅིག་གཉིས་བཞུགས་རྒྱུའི་བཀའ་བཞེས་བཟང་པོ་སྨིན་སྩལ་མཛད་སོང་།༸གོང་ས་མཆོག་གིས་སྐབས་དེར་ད་དུང་༸དཔལ་ལྡན་རྒྱུད་གྲྭ་སྟོད་སྨད་གཉིས་ནས་རྒྱུད་གཞུང་ཙམ་མ་ཡིན་པར་གཞུང་ཆེན་དག་ལ་སློབ་གཉེར་གནང་གལ་ཡིན་པའི་ལམ་སྟོན་སྩལ་སོང་།
༸གོང་ས་༸སྐྱབས་མགོན་ཆེན་པོ་མཆོག་གིས་ཉེ་ལམ་མགོན་པོ་༸གང་ཉིད་མཆོག་གི་༸སྐུའི་འཁྲུངས་སྐར་སྐབས་ཕྱོགས་མཐའ་ཁག་མང་པོ་ཞིག་ནས་ངོས་ལ་རྒྱབ་སྐྱོར་གྱི་འཚམས་འདྲི་ཞུ་བར་ཐུགས་རྗེ་ཆེ་ཞེས་བཀའ་སྩལ་བ་དང་སྦྲགས། དེ་ནི་ངོས་ཀྱིས་ད་ལྟའི་བར་དུ་ཧུར་ཐག་བྱས་པ་ལ་ངོས་ལེན་ཡོད་པའི་ཐོག་ནས་རྒྱབ་སྐྱོར་བྱེད་ཀྱི་ཡོད་པ་རེད། དེས་ན་གོ་སྐབས་འདི་བཟུང་ནས་བཀྲ་ཤིས་བདེ་ལེགས་ཞུ་མཁན་ཚང་མར་ཐུགས་རྗེ་ཆེ་ཞེས་བཀའ་སྩལ་དང་སྦྲགས། ཆོས་ཁས་ལེན་མིན་ལ་མ་ལྟོས་པར་རྒྱུན་དུ་སེམས་པ་བཟང་པོ་དང་གཞན་ཕན་བསྒྲུབ་དགོས་པའི་ལམ་སྟོན་མཛད་པ་དང་ཆབས་ཅིག དེའི་བརྒྱུད་ནས་འཛམ་གླིང་སྤྱི་ལ་དངོས་གནས་དྲང་གནས་སེམས་ཀྱི་ཞི་བདེ་ཡོད་པ་དང་ཞི་བདེ་ཡོང་བའི་གོ་སྐབས་ཡོད་པ་རེད་ཅེས་ལམ་སྟོན་བཀྲིན་ཆེ་བ་མཛད་ཡོད།
གཞི་རྩའི་༸དཔལ་ལྡན་རྒྱུད་གྲྭ་སྟོད་སྨད་གཉིས་ནས་ཇི་ལྟར་གསོལ་འདེབས་ཞུས་དོན་ལྟར་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་བ་འདིའི་ཕྱི་ཚེས་ ༨ དང་ ༩ བཅས་ཉིན་གཉིས་ཀྱི་རིང་བདེ་མཆོག་ལཱུ་ཨི་པའི་བཀའ་དབང་གི་སྟ་གོན་དང་དངོས་གཞི་རིམ་པར་བཀའ་དྲིན་སྩལ་བའི་སྐལ་བཟང་དགའ་སྟོན་གྱི་རྗེས་འབྲེལ། དེ་རིང་ཕྱི་ཚེས་ ༡༠ ཉིན་༸དཔལ་ལྡན་རྒྱུད་གྲྭ་སྟོད་སྨད་ཐུན་མོང་ནས་བརྟན་བཞུགས་བསྟར་འབུལ་ཞུས་སྐབས་༸སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གིས་དབུས་པའི་བླ་ཆེན་དང་མཁན་པོ་རྣམ་པ། དེ་བཞིན་མི་མང་སྟོང་ཚོ་དུ་མ་དྷརྨ་སཱ་ལཱའི་ཆར་ཤོད་ཆེན་པོ་ཡོད་མེད་ལ་མ་ལྟོད་པར་༸རྒྱལ་བའི་བརྟན་བཞུགས་སྐབས་བཅར་ཡོད་པ་རེད།
རེས་གཟའ་ཉི་མ། ༢༠༢༢།༠༧།༡༠
vot.org -
ཉན་པ།: Listen
ཕབ་ལེན། Download
གོང་ས་མཆོག་གི་སེམས་ཀྱི་ཞི་བདེའི་བརྒྱུད་ནས་འཛམ་གླིང་ཡོངས་ལ་ཞི་བདེ་ཡོང་རྒྱུ་གོ་སྐབས་ཡོད་པ་བཀའ་སྩལ་བ།
བོད་ཀྱི་བུད་མེད་རྐང་སྤོལ་རུ་ཁག་གི་རྩེད་འགྲན་པ་གཉིས་ཀྱི་ངོ་སྤྲོད།
Sunday 10/07/2022
HHDL expresses gratitude for birthday wishes, calls for warm heartedness during Tenshug this morning
Women of Tibet: Captain and Midfielder of Tibetan Women’s National football team
རེས་གཟའ་སྤེན་པ། ༢༠༢༢།༠༧།༠༩
vot.org -
ཉན་པ།: Listen
ཕབ་ལེན། Download
སངས་རྒྱས་སྐྱབས་ལགས་སུ་ཉེ་ཆར་ཁེ་ན་ཌ་ནང་མཇུག་སྒྲིལ་གནང་བའི་བོད་དོན་གོམ་བགྲོད་ཀྱི་སྐོར་སྐྱོད་སྐོར་བཅར་འདྲི།
ལ་དྭགས་ཁུལ་དུ་བོད་མི་དང་ཡུལ་མི་ཐོུང་ནས་༸སྐུའི་འཁྲུངས་སྐར་སྲུང་བརྩི་ཞུ་ཕྱོགས།
Saturday 09/07/2022
Interview with Sangyal Kyab on the recently concluded peace march in Canada
‘Trungkar’ in Ladakh: Special feature
རེས་གཟའ་པ་སངས། ༢༠༢༢།༠༧།༠༨
vot.org -
ཉན་པ།: Listen
ཕབ་ལེན། Download
༸གོང་ས་མཆོག་གིས་ས་ཁྱད་ཉེ་རྒྱང་མེད་པར་བདེ་མཆོག་ལཱུ་ཨི་པའི་བཀའ་དབང་འདི་ཐོབ་ཀྱི་རེད་ཅེས་བཀའ་སྩལ་བ།
༸གོང་ས་མཆོག་གིས་ཉི་ཧོང་གི་སྲིད་བློན་ཟུར་པའི་སྐུ་ཟླར་ཐུགས་གསོ་སྩལ་འདུག
རྒྱ་ནག་གིས་རྒྱ་གར་གྱི་སྲིད་བློན་དང་ཨ་རིའི་ཕྱི་སྲིད་དྲུང་ཆེ་གཉིས་ཀྱིས་༸སྐུའི་འཁྲུངས་སྐར་ལ་འཚམས་འདྲི་ཞུས་པར་སྐྱོན་བརྗོད།
ཕྱི་རྒྱལ་གཞུང་ཚབ་ཁང་དུ་ཆེད་ཕེབས་ཀྱིས་བལ་ཡུལ་དུ་༸སྐུའི་འཁྲུངས་སྐར་སྲུང་བརྩི།
༸རྒྱལ་བའི་༸སྐུའི་འཁྲུངས་སྐར་དང་བསྟུན་དགོས་མཁོ་ཅན་ལ་སྦྱིན་གཏོང་གནང་བ།
རྒྱལ་ཚོགས་ཀྱིས་ཧོང་ཀོང་ནང་གི་འགྲོ་བ་མིའི་ཐོབ་ཐང་གི་གནས་བབ་ལ་བསྐྱར་ཞིབ།
བཀའ་བསྟན་ལས་བྱུང་བའི་གཟུགས་ཅན་དང་ཤེས་པའི་རྣམ་གཞག་ཀུན་བཏུས་བགྲོ་གླེང་ཆེན་མོ་དབུ་འཛུགས།
Friday 08/07/2022
Dalai Lama begins preliminary Heruka empowerment in Dharamshala
HHDL condoles unfortunate demise of former Japanese PM Shinzo Abe
China raises objections over PM Modi and the U.S SecState birthday wish to HHDL
U.S representative and other international diplomats attend HHDL birthday celebration in Nepal
Tibetans in South India donate food and clothes to celebrate Dalai Lama’s birthday
U.N. kicks off first Hong Kong rights review after security law
The Dalai lama Library and Archives organizes seminar on Matter and Mind
༸གོང་ས་མཆོག་གིས་ས་ཁྱད་ཉེ་རྒྱང་མེད་པར་བདེ་མཆོག་ལཱུ་ཨི་པའི་བཀའ་དབང་འདི་ཐོབ་ཀྱི་རེད་ཅེས་བཀའ་སྩལ་སོང་།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་༸དཔལ་ལྡན་རྒྱུད་གྲྭ་སྟོད་སྨད་གཉིས་ཀྱིས་ཇི་ལྟར་གསོལ་འདེབས་ཞུས་དོན་ལྟར། དེ་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བདེ་མཆོག་ལཱུ་ཨི་པའི་བཀའ་དབང་གི་སྟ་གོན་བཀྲིན་སྩལ་བ་དང་སྦྲགས་ཏེ་གཞིས་ལུས་རྒྱ་ཆེ་མང་ཚོགས་ཀྱིས་གཙོས་པའི་རྒྱ་ནག་གི་དད་ལྡན་མང་ཚོགས་ལ་སོགས་པ་རྣམས་ས་ཁྱད་ཉེ་རྒྱང་མེད་པར་བཀའ་དབང་འདི་ཐོབ་ཀྱི་རེད་ཅེས་བཀའ་སྩལ་སོང་།སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ལོ་ཤས་གོང་ནས་༸དཔལ་ལྡན་རྒྱུད་གྲྭ་སྟོད་སྨད་གཉིས་ཀྱིས་ཇི་ལྟར་གསོལ་བ་འདེབས་དོན་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཟླ་ ༧ ཚེས་ ༨ ཉིན་བདེ་མཆོག་ལཱུ་ཨི་པའི་བཀའ་དབང་གི་སྟ་གོན་དབུ་འཛུགས་བཀའ་དྲིན་བསྐྱང་སྐབས་འཇམ་མགོན་༸རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་རྡོ་རྗེ་འཆང་ཆེན་པོ་མཆོག་གིས་དབུས་པའི་མཚུངས་མེད་བྱང་རྩེ་ཆོས་རྗེ་སྒོ་སོག་རིན་པོ་ཆེ་མཆོག་དང་བོད་བརྒྱུད་ནང་བསྟན་གྱི་ཆོས་ལུགས་རིས་མེད་མཁན་བླ་སྤྲུལ་གསུམ་དང་དགེ་འདུན་པ་རྣམ་པ་བཅས། གཞན་ཡང་ཕྱི་ནང་གི་དད་ལྡན་སེར་སྐྱ་མང་ཚོགས་ཁྲི་ཚོ་བརྒལ་ཕེབས་འདུག༸གོང་ས་༸སྐྱབས་མགོན་ཆེན་པོ་མཆོག་གིས་ཆེས་ཐོག་མར་༸དཔལ་ལྡན་རྒྱུད་སྟོད་གྲྭ་ཚང་གིས་རྐང་འགན་བཞེས་ཏེ་བདེ་མཆོག་ལཱུ་ཨི་པའི་བཀའ་དབང་བཀའ་དྲིན་བསྩལ་གནང་ཡོང་བའི་གསོལ་འདེབས་ཞུས་ཡོད་པ་བཀའ་སྩལ་བ་དང་སྦྲགས། བདག་ཅག་གི་སྟོན་པ་མཉམ་མེད་སངས་རྒྱས་བཅོམ་ལྡན་འདས་ཀྱིས་ཀྱང་གདུལ་བྱར་དབང་པོ་རབ་འབྲིང་མཐའ་གསུམ་ཡོད་པ་ལྟར་སེམས་ཅན་གྱི་ཁམས་དང་མོས་པ། བསམ་པ་བཅས་དང་མཐུན་པའི་མདོ་སྔགས་ཀྱི་ཆོས་ཇི་ལྟར་བསྟན་ཚུལ་སོགས་ཞིབ་རྒྱས་སུ་ངོ་སྤྲོད་མཛད་སོང་།དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་གསང་བདེ་འཇིགས་གསུམ་གྱི་དམིགས་བསལ་ཐུན་མིན་ཁྱད་ཆོས་གང་ཡོད་པ་རྣམས་ངོ་སྤྲོད་མཛད་པ་དང་སྦྲགས། གསང་བདེ་འཇིགས་གསུམ་ཡ་མ་བྲལ་བ་ཉམས་བཞེས་ཇི་ལྟར་གནང་དགོས་པའི་ཚུལ་སོགས་གསུངས་སོང་།༸གོང་ས་མཆོག་གིས་༸དཔལ་ལྡན་རྒྱུད་གྲྭ་སྟོད་སྨད་གཉིས་ཀྱི་དགེ་འདུན་པ་གཙོས་གདན་ས་ཁག་ནས་ཕེབས་པའི་དགེ་འདུན་པ་ཚོར་ཆེད་དམིགས་ཀྱིས་མགོན་པོ་༸གང་ཉིད་མཆོག་གིས་ཉིན་ལྟར་བྱང་ཆུབ་ཀྱི་སེམས་དང་སྟོང་ཉིད་ལྟ་བར་དགོངས་བཞེས་ཀྱིས་ཉམས་བཞེས་མཛད་ཀྱི་ཡོད་སྐོར་བཀའ་སྩལ་བ་དང་ཆབས་ཅིག་ཏུ་དེ་ལྟར་ཉམས་ལེན་གནང་དགོས་གལ་ཡིན་པའི་ལམ་སྟོན་བཀྲིན་ཆེ་བ་སྩལ་སོང་། ༸གོང་ས་མཆོག་གིས་གཞིས་ལུས་རྒྱ་ཆེ་མང་ཚོགས་ཀྱིས་གཙོས་པའི་རྒྱ་ནག་གི་དད་ལྡན་མང་ཚོགས་ལ་སོགས་པ་རྣམས་ངོས་ཀྱིས་དམིགས་འོག་ཏུ་བཅུག་གི་ཡིན་ཞེས་བཀའ་བཞེས་བཟང་པོ་སྨིན་སྩལ་མཛད་སོང་བར་མ་ཟད་ས་ཁྱད་ཉེ་རྒྱང་མེད་པར་བདེ་མཆོག་ལཱུ་ཨི་པའི་བཀའ་དབང་འདི་འཐོབ་རྒྱུ་ཡོད་ཅེས་བཀའ་སྩལ་སོང་། ཤེས་རྟོགས་བྱུང་བར་གཞིགས་ན། དེ་རིང་གི་བཀའ་ཆོས་ཀྱི་སྟ་གོན་ཐོག་བཅར་བའི་ཕྱི་ནང་གི་དད་ལྡན་མང་ཚོགས་ཁྲི་ཚོ་བརྒལ་བ་ཡོད་པ་ཁྲོད་མཁན་ཆེན་དང་སྤྲུལ་སྐུ་ཁྱོན། ༡༢༨ གྲྭ་བཙུན་ཁྱོན། ༢༥༤༢ དགེ་བཤེས་དང་དགེ་བཤེས་མ། དེ་བཞིན་མཁན་པོ་ཁྱོན་ ༡༡༤༥ ཧི་མཱ་ཡའི་མི་རིགས། ༢༥༠ དེ་བཞིན་རྒྱ་གར་མི་རིགས། ༢༡༥ དང་ཕྱི་རྒྱལ་བ། ༡༡༥༡ སོགས་ཆེད་བཅར་ཞུས་འདུག ༸སྐུ་པར་ཁག་གཅིག་གི་བདག་དབང་༸དཔལ་ལྡན་དགའ་ལྡན་ཕོ་བྲང་ལ་ཡོད།
༸གོང་ས་མཆོག་གིས་ཉི་ཧོང་གི་སྲིད་བློན་ཟུར་པའི་སྐུ་ཟླར་ཐུགས་གསོ་སྩལ་འདུག
vot.org -
དེ་རིང་སྔ་དྲོ་ཉི་ཧོང་གི་སྲིད་བློན་ཟུར་པ་སྐུ་ཞབས་ Shinzo Abe མཆོག་གུ་ཡངས་མས་གཙོ་ཚོགས་པར་རྒྱབ་སྐྱོར་གྱི་གསུང་བཤད་གནང་བར་ཕེབས་སྐབས་མགུལ་ལ་མེ་མདས་བརྒྱབ་རྐྱེན་ཛ་དྲག་ངང་སྨན་བཅོས་གནང་ཡོད་ཀྱང་ཕན་འབྲས་མ་སོན་པར་དགོངས་པ་རྫོགས་པའི་གནས་ཚུལ་ཐོན་ཡོད་སྟབས། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དམ་པ་དེ་ཉིད་ཀྱི་སྐུ་ཟླ་ Abe Akie ལགས་ཀྱི་མཚན་ཐོག་ཏུ་ཐུགས་གསོའི་གསུང་འཕྲིན་ཞིག་སྩལ་འདུགམགོན་པོ་༸གང་ཉིད་མཆོག་གིས་གསུང་འཕྲིན་ནང་། དེ་རིང་སྔ་དྲོ་ངོས་ཀྱི་མཛའ་གྲོགས་སྐུ་ཞབས་ Shinzo Abe མཆོག་ལ་མེ་མདས་བརྒྱབ་པའི་རྐྱེན་གྱིས་སྐུ་གྲོངས་པའི་གནས་ཚུལ་ཐོས་པར་ཆེས་བློ་ཕམ་བྱུང་ཞེས་དང་ཁོང་གིས་གཞན་ཕན་གྱི་ཕྱག་ལས་གནང་སྟེ་མི་ཚེ་དོན་སྙིང་ལྡན་པ་ཞིག་བསྐྱེལ་ཡོད་སྐོར་དང་འབྲེལ། མགོན་པོ་༸གང་ཉིད་མཆོག་གིས་དམ་པ་ཁོང་དང་ཤུལ་ལུས་སྐུ་འཁོར་ནང་མི་ཡོངས་ལ་ཐུགས་གསོ་དང་ཐུགས་སྨོན་མཛད་འདུག
ད་དུང་༸གོང་ས་མཆོག་གིས་སྐུ་ཉིད་ཀྱིས་མཁྱེན་གསལ་ལྟར་སྐུ་ཞབས་དམ་པ་ཁོང་ནི་བོད་མི་རྣམས་ཀྱི་མཛའ་གྲོགས་ཡིད་བརྟན་འཕེལ་བ་ཞིག་ཡིན་པ་དང་། མགོན་པོ་མཆོག་གིས་དམ་པ་ཁོང་གིས་བོད་མིར་འགྱུར་མེད་ཀྱི་མཛའ་གྲོགས་དང་ཆེས་ཕྱུག་པའི་གཅེས་ནོར་ནང་པའི་ལེགས་བྱང་དང་བོད་མིའི་ངོ་བོ་བཅས་པར་རྒྱབ་སྐྱོར་གཡོ་བ་མེད་པ་གནང་བར་ཡི་རངས་མཛད་ཀྱི་ཡོད་སྐོར་བཀའ་སྩལ་འདུག
སྐུ་ཞབས་ Shinzo Abe མཆོག་རིང་མིན་སླེབས་ལ་ཉེ་བའི་ཉི་ཧོང་གི་གྲོས་ཚོགས་གོང་མའི་འོས་བསྡུ་ཆེན་མོ་དང་འབྲེལ་ནས་དེ་རིང་སྔ་དྲོ་ཉི་ཧོང་གི་ Nara ས་ཁུལ་དུ་མང་ཚོགས་ཁྲོད་གཏམ་བཤད་གནང་བཞིན་སྐབས་ཚོུད་ ༡༡ ཙམ་ལ་གློ་བུར་དུ་ Tetsuya Yamagami ཟེར་བའི་གང་ཟག་ཞིག་གིས་མགུལ་ལ་མེ་མདའ་བརྒྱབ་རྐྱེན་ས་ལ་འགྱེལ་བར་བརྟེན་ཛ་དྲག་མྱུར་སྐྱོབ་ཆེད་དུ་ན་ར་ཁུལ་གྱི་སྨན་ཁང་ཞིག་ཏུ་སྨན་གཏུགས་གནང་ཡོད་ཀྱང་ཕན་འབྲས་གང་ཡང་མ་སོན་པར་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་ཡོད་པ་རེད།
སྐབས་དེར་ཉེན་རྟོག་པས་ལག་ཏུ་རང་གིས་བཟོས་པའི་མེ་མདའ་ཞིག་འཁྱེར་ནས་ཡོང་བའི་རང་ལོ་ ༤༡ སོན་པ་ Tetsuya Yamagami ཟེར་བའི་སྐྱེས་པ་དེ་འཛིན་བཟུང་བྱས་འདུག ཉི་ཧོང་གི་བརྒྱུད་ལམ་ཁག་ཏུ་གནས་ཚུལ་སྤེལ་བར་མེ་མདའ་རྒྱག་མཁན་གང་ཟག་དེ་དེ་སྔ་ཉི་ཧོང་གི་མཚོ་དམག་ནང་དུ་ལོ་ ༣ བསྡད་མྱོང་ཡོད་པ་དང་། ཁོ་པས་སྐུ་ཞབས་ཨ་བྷི་མཆོག་གི་ཕྱག་ལས་གནང་ཕྱོགས་ལ་འདོད་བློ་མི་འཁེངས་པའི་རྐྱེན་གྱིས་མེ་འདའ་བརྒྱབ་ཡིན་སྐོར་བཤད་འདུག
རྩ་བའི་སྐུ་ཞབས་ Shinzo Abe དམ་པ་དེ་ཉིད་ཕྱི་ལོ་ ༡༩༥༤ ལོར་སྐུ་འཁྲུངས་ཤིང་ད་ལྟ་དགུང་ལོ་ ༦༧ ཡིན་པ་དང་། ཁོང་གིས་ཉི་ཧོང་གི་ Liberal Democratic Party ཞེས་པའི་ཆབ་སྲིད་ཚོགས་པའི་ཚོགས་མིའི་ཐོག་ནས་ཕྱི་ལོ་ ༢༠༠༦༌༠༧ དང་། རྗེས་སུ་སླར་ཕྱི་ལོ་ ༢༠༡༢ ནས་ ༢༠༢༠ བར་དུ་རྒྱལ་ཁབ་ཀྱི་སྲིད་བློན་གྱི་ཐུགས་འགན་བཞེས་ཡོད་སྟབས། ཁོང་ནི་ཡུལ་དེའི་སྲིད་བློན་རྒྱུན་རིང་ཤོས་གནང་མཁན་དེ་ཆགས་ཀྱི་ཡོད་པ་རེད།
རྒྱ་ནག་གིས་རྒྱ་གར་གྱི་སྲིད་བློན་དང་ཨ་རིའི་ཕྱི་སྲིད་དྲུང་ཆེ་གཉིས་ཀྱིས་༸སྐུའི་འཁྲུངས་སྐར་ལ་འཚམས་འདྲི་ཞུས་པར་སྐྱོན་བརྗོད།
vot.org -
རྒྱ་གར་གྱི་སྲིད་བློན་ན་རེནྡྲ་མོ་དི་་མཆོག་དང་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་རྣམ་གཉིས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་ལ་འཚམས་འདྲི་ཞུས་པར་རྒྱ་ནག་གིས་སྐྱོན་བརྗོད་བྱས་འདུག རྒྱ་ནག་ཕྱི་སྲིད་ལས་ཁུངས་ཀྱི་མགྲིན་ཚབ་པ་ Zhao Lijian ཡིས་རྒྱུན་ལྡན་ལྟར་བསྐོང་ཚོགས་བྱས་པའི་གསར་འགོད་གསལ་བསྒྲགས་ཐོག་བོད་དང་འབྲེལ་བའི་གནད་དོན་རྣམས་རྒྱ་ནག་རྒྱལ་ནང་གི་གནད་དོན་ཡིན་པ་དང་ཕྱི་ཕྱོགས་ནས་ཐེ་བྱུས་གནང་བར་ངོས་ལེན་མེད་སྟབས། རྒྱ་ནག་ནས་ཕྱི་ཕྱོགས་ཀྱི་དབུ་ཁྲིད་དང་༸གོང་ས་མཆོག་དབར་འབྲེལ་བ་ཡོངས་ལ་དགག་པ་ཡོད་ཅེས་བཤད་འདུག ཁོ་པས་ད་དུང་རྒྱ་གར་ཕྱོགས་ནས་རྒྱ་ནག་ལ་བོད་དོན་ཐོག་ཀྱི་བཞེངས་ཕྱོགས་ཁས་ལེན་གནང་བ་ལྟར་དོན་ལ་གནས་དགོས་པ་དང་བོད་དོན་དང་འབྲེལ་བའི་གནད་དོན་སྤྱོད་ནས་རྒྱ་ནག་ནང་མོལ་གྱི་གནད་དོན་ལ་ཐེ་བྱུས་གནང་མཚམས་འཇོག་དགོས་ཞེས་སྐྱོན་བརྗོད་གནང་འདུགགཞི་རྩའི་སྲིད་བློན་མོ་དི་མཆོག་ནས་༸རྒྱལ་བ་རིན་པོ་ཆེའི་༸སྐུའི་འཁྲུངས་སྐར་ལ་ཞལ་པར་བརྒྱུད་འཚམས་འདྲི་ཞུས་པ་དང་ཆབས་ཅིག་མགོན་པོ་༸གང་ཉིད་མཆོག་༸སྐུ་ཚེ་ཞབས་པད་བརྟན་པ་དང་༸སྐུ་ཁམས་གསལ་ཐང་ཡོང་བའི་སྨོན་འདུན་ཞུས་ཡོད་པ་ Twitter དྲ་གནས་ཐོག་བཀོད་ཡོད་པ་དང་འབྲེལ་ཏེ། རྒྱ་གར་གྱི་ཕྱི་སྲིད་ལས་ཁུངས་ཀྱི་མགྲིན་ཚབ་པ་ Arindam Bagchi ལགས་ཀྱིས་རྒྱ་ནག་ལ་སྲིད་བློན་མོ་དི་མཆོག་གིས་འདས་ལོར་༸གོང་ས་མཆོག་གི་༸སྐུའི་འཁྲུངས་སྐར་ལ་འཚམས་འདྲི་ཞུས་ཡོད་པ་དང་། རྒྱ་གར་གཞུང་གི་ངོས་ནས་ཀྱང་༸གོང་ས་མཆོག་སྐུ་མགྲོན་གལ་ཆེ་ཞིག་དང་ཆོས་ཕྱོགས་ཀྱི་དབུ་ཁྲིད་རླབས་ཆེན་ཞིག་ལ་ངོས་འཛིན་ཞུས་ཏེ་སྣེ་ལེན་ཞུ་རྒྱུ་ནི་མུ་མཐུད་ནས་ལག་བསྟར་གནང་བཞིན་པའི་སྲིད་བྱུས་ཞིག་ཡིན་པ་གསུངས་འདུག
ལྷག་པར་མགོན་པོ་༸གང་ཉིད་མཆོག་གི་༸སྐུའི་འཁྲུངས་སྐར་ནི་རྒྱ་གར་ཙམ་མ་ཟད་ཕྱི་རྒྱལ་ཡུལ་གྲུ་ཁག་ཏུ་གནས་བཞུགས་༸གོང་ས་མཆོག་ལ་དད་གུས་ཡོད་མཁན་རྣམས་ནས་སྲུང་བརྩི་ཞུས་དང་ཞུ་བཞིན་ཡོད་པ་ལྟར་སྲིད་བློན་མོ་དི་མཆོག་གིས་༸སྐུའི་འཁྲུངས་སྐར་འཚམས་འདྲི་ཞུས་པ་དེའང་གཅིག་མཚུངས་ཡིན་པ་གསུངས་འདུགརྒྱ་ནག་ཕྱི་སྲིད་ལས་ཁུངས་ཀྱི་མགྲིན་ཚབ་པ་ Zhao Lijian ཡིས་ ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་གིས་༸གོང་ས་མཆོག་གི་༸སྐུའི་འཁྲུངས་སྐར་ལ་འཚམས་འདྲི་ཞུས་པར་སྐྱོན་བརྗོད་བྱས་ཏེ་༸གོང་ས་མཆོག་ནི་ཡུན་རིང་ནས་བོད་དེ་རྒྱ་ནག་དང་ཁ་བྲལ་ཐབས་གནང་བཞིན་ཡོད་སྟབས། ཨ་རིའི་ངོས་ནས་རྒྱ་ནག་ནང་མོལ་གྱི་གནད་དོན་ལ་གུས་བརྩི་ཞུས་ཏེ་༸གོང་ས་མཆོག་དང་འབྲེལ་བ་ཞུ་མཚམས་འཇོག་དགོས་པ་དང་འཛམ་གླིང་སྤྱིར་བརྡ་ལན་ནོར་བ་གཏོང་རྒྱུ་མཚམས་འཇོགས་དགོས་ཞེས་རེ་སྐུལ་ཞུས་འདུག
གཞི་རྩའི་སྲིད་བློན་མོ་དི་མཆོག་གིས་དེ་སྔའི་བཞེངས་ཕྱོགས་དང་མི་འདྲ་བར་སྔ་ལོར་མགོན་པོ་༸གང་ཉིད་མཆོག་ལ་ཞལ་པར་ཕུལ་ཏེ་༸སྐུའི་འཁྲུངས་སྐར་གྱི་འཚམས་འདྲི་ཞུས་ཡོད་པ་མ་ཟད་དེའི་སྐོར་ Twitter དྲ་གནས་ཐོག་ཡོངས་གྲགས་གནང་ཡོད་པ། རྒྱ་གར་གྱི་དཔྱད་ཞིབ་པ་ཁག་ཅིག་གིས་སྲིད་བློན་མཆོག་ལ་བསྔགས་བརྗོད་དང་འབྲེལ། སྲིད་བློན་མཆོག་གི་གནང་སྟངས་དེ་རིམ་པས་སྲོལ་ལྟ་བུ་ཞིག་ལ་གྱུར་ཡོད་པ་དེ་ནི་བཟང་ཕྱོགས་ཀྱི་རྣམ་པ་ཞིག་ལ་ངོས་འཛིན་གནང་ཡོད། རྩ་བའི་རྒྱ་དཀར་ནག་གཉིས་དབར་ཕྱི་ལོ་ ༢༠༢༠ ལོར་འཕགས་བོད་མཐའ་མཚམས་ཀྱི་རྩོད་རྙོག་བྱུང་ནས་ཕྱོགས་གཉིས་ཀྱི་འབྲེལ་ལམ་ལ་དོ་ཕོག་གང་ཙམ་ཐེབས་ཡོད་པ་རེད། ཁ་སང་ཨིན་ཌོ་ནི་ཤ་ཡའི་བྷ་ལི་ནང་ཚོགས་པའི་ G20 ཡི་ཕྱི་སྲིད་བློན་ཆེན་ཚོགས་འདུར་རྒྱ་ནག་གི་ཕྱི་སྲིད་བློན་ཆེན་ Wang Yi དང་རྒྱ་གར་གྱི་ཕྱི་སྲིད་བློན་ཆེན་ Jaishankar གཉིས་ཐུག་འཕྲད་ཀྱིས་ཆུ་ཚོད་གཅིག་ཙམ་རིང་ཚོགས་འདུ་ཚོགས་ཡོད་པ་དང་། རྒྱ་ནག་ཕྱི་སྲིད་ལས་ཁུངས་ཀྱིས་གསར་འགོད་བསྒྲགས་གཏམ་སྤེལ་བ་དེ་འབྲེལ་ Xinhua གསར་ཁང་གིས་གནས་ཚུལ་བཀོད་པའི་ནང་Wang Yi ཡིས་Jaishankar ལ་རྒྱ་དཀར་ནག་གཉིས་ནས་འདི་ལོ་ཟླ་བ་ ༣ ནས་རྩིས་ཏེ་ཕྱོགས་གཉིས་ཀྱི་མི་མཐུན་པའི་གནད་དོན་ལ་ཕན་ཚུན་དབར་གོ་བསྡུར་གྱིས་ད་ཆ་ཕྱོགས་གཉིས་ཀྱི་འབྲེལ་ལམ་དེ་ཡར་རྒྱས་ཀྱི་རྣམ་པ་ཡོད་པ་བཤད་པ་མ་ཟད་རྒྱལ་ཁབ་གཉིས་ཀྱི་འབྲེལ་ལམ་ཇེ་བཟང་དང་མ་འོངས་འབྲེལ་ལམ་ལེགས་པོ་ཡོང་བར་མཉམ་འབྲེལ་གནང་དགོས་སྐོར་སོགས་བཤད་པ་བཀོད་འདུག་ཀྱང་། བརྒྱུད་ལམ་ཁག་ཏུ་འཕགས་བོད་མཐའ་མཚམས་སུ་ཡོད་པའི་དམག་མི་ཕྱིར་འཐེན་ཐད་གང་ཡང་བཤད་མེད་པ་གསལ་འདུག འོན་ཀྱང་རྒྱ་གར་ཕྱི་སྲིད་ལས་ཁུངས་ནས་འདོན་སྤེལ་གནང་བའི་སྤྱི་བསྒྲགས་ནང་ཕྱི་སྲིད་བློན་ཆེན་ Jaishankar མཆོག་ནས་ Wang Yi ལ་ལ་དྭགས་ཕྱོགས་ཀྱི་འཕགས་བོད་མཐའ་མཚམས་ཀྱི་རྩོད་རྙོག་གཙོས་གནད་དོན་ལྷག་མ་ཁག་ཅིག་ཡོད་པ་དེ་དག་གང་མགྱོགས་གསེལ་དགོས་སྐོར་གསུངས་པ་བཀོད་འདུག
བལ་ཡུལ་དུ་༸སྐུའི་འཁྲུངས་སྐར་སྲུང་བརྩི་ཞུས་འདུག
vot.org -
བལ་ཡུལ་དེ་རྒྱ་ནག་གི་ཁྱིམ་མཚེས་རྒྱལ་ཁབ་ཅིག་ཡིན་པ་དང་རྒྱ་ནག་དང་ལྷན་དུ་ཚོང་འབྲེལ་སོགས་ཀྱི་འབྲེལ་ལམ་ཤུགས་ཆེ་ཡོད་པའི་ཆ་ནས་བལ་ཡུལ་གཞུང་གིས་བལ་ཡུལ་ནང་དུ་རྒྱ་ནག་ལ་གནོད་པའི་ལས་དོན་རིགས་སྤེལ་བར་འཛེམ་ཟོན་དང་དམ་དྲག་ཆེས་ཆེར་བྱེད་ཀྱི་ཡོད་པའི་ཁྲོད། བལ་ཡུལ་དུ་གནས་བཞུགས་བོད་མི་རྣམས་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་སྲུང་བརྩི་ཞུ་རྒྱུ་གཙོས་གནད་ཆེ་བའི་དུས་ཚིགས་ཁག་སྲུང་བརྩི་ཞུ་བར་དམ་དྲག་བྱེད་བཞིན་ཡོད་མེད་ལ་ལྟོས་མེད་ཁ་ཉིན་བལ་ཡུལ་འཇོ་ལ་ཁེལ་བསམ་གྲུབ་གླིང་དུ་བལ་ཡུལ་སྐུ་ཚབ་དོན་གཅོད་གཙོས་ཕྱི་རྒྱལ་གཞུང་ཚབ་ཁག་གི་སྐུ་ཚབ་མི་སྣ་ཆེད་ཕེབས་ཀྱིས་༸སྐུའི་འཁྲུངས་སྐར་སྲུང་བརྩི་ཟབ་རྒྱས་ཞུས་འདུགཁ་ཉིན་ཕྱི་ཟླ་ ༧ ཚེས་ ༦ སྟེ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༧ དང་བོད་ལུགས་ལྟར་དགུང་གྲངས་ ༨༨ བདག་གིར་བཞད་པའི་༸སྐུའི་འཁྲུངས་སྐར་ཉིན་མོ་དང་བསྟུན། ས་གནས་བལ་ཡུལ་སྲིད་གཞུང་ལ་༸སྐུའི་འཁྲུངས་སྐར་ཉིན་མོ་སྲུང་བརྩི་ཞུ་འཐུས་ཀྱི་ཆོག་མཆན་ཞུས་པ་ལྟར་ངག་ཐོག་ནས་ཆོག་མཆན་ཐོབ་འདུག དེ་ཉིན་ཚོུད་གཉིས་ཙམ་རིང་མཛད་སྒོ་ཟབ་རྒྱས་གོ་སྒྲིག་ཞུས་ཏེ་ཡུ་རོབ་མཐུན་ཚོགས་ཀྱི་གཞུང་ཚབ་པ་དང་ཨ་རི། ཨིན་ཡུལ། ཉི་ཧོང་། འཇར་མ་ནི། སུད་སི། དེ་བཞིན་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་ཁུངས་ཀྱི་སྐུ་ཚབ་རྣམ་པ་དང་། ས་གནས་མི་མང་ ༢༠༠༠ མིན་ཙམ་ཞིག་འདུ་འཛོམས་ཐོག་བོད་ཀྱི་ཐུན་མིན་རྐང་བྲོ་གླུ་གཞས་གཟིགས་འབུལ་བརྒྱུད་དགའ་སྤྲོ་འཁོལ་བའི་ཐོག་ནས་སྲུང་བརྩི་ཞུས་འདུགབལ་ཡུལ་སྐུ་ཚབ་དོན་གཅོད་ཚུལ་ཁྲིམས་རྒྱ་མཚོ་ལགས་སུ་ཞལ་པར་བརྒྱུད་བཀའ་འདྲི་ཞུས་སྐབས་ཁོང་གིས་ཁ་ཉིན་བལ་ཡུལ་གཞུང་གིས་བོད་མི་གནས་སྡོད་གང་སར་ཉེན་རྟོག་པ་ཕོན་ཆེ་འགྲེམས་འཇོག་གིས་དམ་དྲག་སྔར་བཞིན་བྱས་ཡོད་ཀྱང་། ༸སྐུའི་འཁྲུངས་སྐར་སྲུང་བརྩི་ཟབ་རྒྱས་ཞུས་ཡོད་སྐོར་གསུངས་སོང་།རྩ་བའི་བལ་ཡུལ་གཞུང་གི་ངོས་ནས་རྒྱ་ནག་ལ་བསྟུན་མཁས་གནང་ཆེ་དྲག་པའི་ཁྲོད། འདས་པའི་ལོ་མང་ནང་ཡུལ་དེའི་ནང་དུ་བཅའ་སྡོད་བོད་མི་མང་པོ་ཞིག་ལ་སྐྱབས་བཅོལ་གྱི་ཡིག་ཆ་མ་གནང་བ་དང་། བོད་མི་རྣམས་ལ་གནད་ཆེའི་དུས་ཚིགས་ཁག་ལ་དམ་དྲག་དང་། བོད་མི་བཙན་བྱོལ་དུ་ཕེབས་མཁན་རྣམས་རྒྱ་ནག་ལ་ཕྱིར་རྩིས་སྤྲོད་བྱས་དང་བྱེད་བཞིན་ཡོད་པ་དེ་ལྟར་ཡང་། ཉེ་ཆར་གནས་ཚུལ་ཐོན་ཁག་ལ་གཞིགས་ན། དེང་སྐབས་བལ་ཡུལ་དང་རྒྱ་ནག་དབར་གྱི་འབྲེལ་ལམ་ལ་འགྱུར་ལྡོག་འགྲོ་བཞིན་པའི་ཁྲོད་བལ་ཡུལ་གྱི་གཞུང་འཛིན་གསར་པའི་ངོས་ནས་ཨ་རི་དང་རྒྱ་གར་བཅས་ཀྱི་ལྷན་དུ་འབྲེལ་བ་བསྐྱར་གསོ་གནང་རྒྱུར་ཤུགས་སྣོན་རྒྱག་བཞིན་ཡོད་པ་མངོན་གསལ་བྱུང་ཡོད་པ་རེད། དེའི་བར་ན་བལ་ཡུལ་གཞུང་གིས་བོད་མི་ཞེས་ལོགས་སུ་མིང་འབོད་མ་གནང་ཡང་སྐྱབས་བཅོལ་བ་རྣམས་ལ་ཡིག་ཆ་གནང་རྒྱུའི་ཐག་གཅོད་གནང་ཡོད་པ་སོགས་ཡོངས་གྲགས་གནང་ཡོད། པར་ཁག་གི་བདག་དབང་། theannapurnaexpress
རེས་གཟའ་ཕུར་བུ། ༢༠༢༢།༠༧།༠༧
vot.org -
ཉན་པ།: Listen
ཕབ་ལེན། Download
ཨ་རིའི་ཕྱི་སྲིད་དྲུང་ཆེ་གཙོས་སུད་སི་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པ་སོགས་ཀྱིས་༸སྐུའི་འཁྲུངས་སྐར་འཚམས་འདྲི་ཞུས་པ།
རྒྱ་གར་གཞུང་གི་བློན་ཆེན་གཉིས་དབུས་ཕྱི་རྒྱལ་གཞུང་ཚབ་ལྔ་བཅུ་ལྷག་ནས་༸སྐུའི་འཁྲུངས་སྐར་གྱི་མཛད་སྒོར་ལྷན་ཞུགས།
རྒྱ་གར་ལྷོ་ཕྱོགས་བོད་མིའི་གཞིས་ཆགས་ནང་༸སྐུའི་འཁྲུངས་སྐར་སྲུང་བརྩི་ཞུས་པ།
རྒྱ་ནག་གཞུང་ཚབ་མདུན་དུ་ངོ་རྒོལ་དང་འབྲེལ་བོད་དོན་ཞི་བའི་གོམ་བགྲོད་མཇུག་སྒྲིལ།
ཨ་རི་དང་དབྱིན་ཡུལ་གཉིས་ཀྱི་གསང་བའི་ལས་ཁུངས་ཀྱི་འགོ་འཛིན་རྣམ་པ་གཉིས་ནས་རྒྱ་ནག་གི་ཉེན་ཁའི་སྐོར་ཕྱིར་འདོན་གནང་བ།
བཞུགས་སྒར་ཁུལ་དུ་ཏོག་དབྱིབས་གཉན་རིམས་ཕོག་མཁན་ ༢༥ ཙམ་བྱུང་འདུག
Thursday 07/07/2022
Leaders from U.S, Swiss, Germany wish Dalai lama on 87th birthday
Indian ministers and 50 other International diplomats attend Dalai Lama birthday reception in New Delhi
Tibetans in south India celebrate Dalai Lama birthday with great pomp
Tibet activist conclude peace walk with a protest in front of Chinese embassy.
Twenty Five Tibetans test positive for Covid in Dharamshala
U.S and UK spy chief warns about the China’s espionage threats