Monthly Archives: October, 2022

བོད་ཁྱིམ་ལས་སློབ་ངོ་ཟུར་ཡོངས་དང་བྱང་ཨ་རི་བོད་རིགས་སྤྱི་མཐུན་ཚོགས་པ་གཉིས་ཀྱིས་ཇི་ལྟར་གསོལ་འདེབས་ཞུས་དོན་བཞིན་ཕྱི་ཟླ་ ༡༠ ཚེས་ ༢༦ རེས་གཟའ་ལྷག་པ་༸རྒྱལ་བའི་༸སྐུའི་བླ་གཟའ་དང་བསྟུན་ནས་༸རྒྱལ་བའི་བཞུགས་སྒར་དྷརྨ་སཱ་ལཱའི་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་༸སྐུ་ཚེ་མི་འཇིག་རྡོ་རྗེ་འཆང་གི་ངོ་བོར་བརྟན་ཕྱིར་བརྟན་བཞུགས་རྒྱས་པ་ཞིག་བསྟར་འབུལ་ཞུ་གཏན་ཁེལ་ཡོད་པ་ལྟར། དེ་རིང་ཕྱི་ཚེས་ ༢༤ ཉིན་གྱི་སྔ་དྲོ་བརྟན་བཞུགས་ཀྱི་རྡོ་རྗེ་སློབ་དཔོན་ཞྭ་སེར་བསྟན་པའི་གཙུག་རྒྱན་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་དབུ་བཞུགས་ཐོག་དག་སྣང་གསང་བ་རྒྱ་ཅན་ལས་ཚེ་དཔག་མེད་དྭངས་མ་བཅུད་འདྲེན་གྱི་ཆོ་གའི་ཐོག་ནས་མཁའ་འགྲོའི་བསུན་ཟློག་དང་འབྲེལ་བའི་བརྟན་བཞུགས་ཀྱི་སྒྲུབ་ཞག་དབུ་འཛུགས་གནང་ཡོད། ཐེངས་འདིའི་བརྟན་བཞུགས་བསྟར་འབུལ་དང་འབྲེལ་ཏེ་མགོན་པོ་༸གང་ཉིད་མཆོག་ལ་བརྟན་བཞུགས་ཀྱི་འབུལ་རྫས་གཙོ་བོ་ནི་སྐུ་རྟེན་དུ་ཐུབ་དབང་སྐུ་བརྙན་ ༡༡༣ དང་འཇམ་དཔལ་དབྱངས་སྐུ་བརྙན། གསུང་རྟེན་ལ་འབུམ་པོ་ཏི་ ༡༦ དང་མདོ་སྡེ་བསྐལ་བཟང་གི་ཕྱག་དཔེ། ཐུགས་རྟེན་ལ་བྱང་ཆུབ་མཆོད་རྟེན། དེ་བཞིན་པཎ་གྲུབ་ ༡༧ གྱི་སྐུ་བརྙན། སྤྱན་རས་གཟིགས་ཀྱི་མེ་ལོང་། ཕྱག་ཚོད། ཕྱག་སྨྱུག ༸གོང་ས་མཆོག་གིས་ལྗགས་རྩོམ་མཛད་པའི་བླ་མའི་རྣམ་འབྱོར་གྱི་ཕྱག་དཔེ། ནང་པའི་ལྟ་གྲུབ་ཀུན་བཏུས་ཕྱག་དཔེ་སོགས་པ་ཆགས་ཀྱི་འདུགགསར་འགོད་པས་དྷ་སྟེང་བོད་ཁྱིམ་སྤྱི་ཁྱབ་ཡིག་ཚང་གི་དྲུང་ཆེ་ཆོས་དབྱིངས་དོན་གྲུབ་ལགས་སུ་ཐེངས་འདིའི་བོད་ཁྱིམ་ལས་སློབ་ངོ་ཟུར་ཡོངས་དང་བྱང་ཨ་རི་བོད་རིགས་སྤྱི་མཐུན་ཚོགས་པ་གཉིས་ཐོུང་ཐོག་ནས་བརྟན་བཞུགས་བསྟར་འབུལ་ཞུ་རྒྱུའི་ཐོག་མའི་དགོངས་པ་སོགས་དང་འབྲེལ་བའི་བརྒྱུད་རིམ་སྐོར་བཅར་འདྲི་ཁག་ཅིག་ཞུས་པར་ཁོང་གིས་བོད་ཁྱིམ་ལས་སློབ་ངོ་ཟུར་ཡོངས་ཀྱི་ངོས་ནས་ཕྱི་ལོ་ ༢༠༡༩ ལོར་གངས་ཅན་བོད་ཀྱི་ཨ་མ་བཀའ་ཟུར་ལྷ་སྐུ་རྗེ་བཙུན་པདྨ་མཆོག་དགུང་གྲངས་བརྒྱད་ཅུར་ཕེབས་པའི་༸སྐུའི་གྱ་སྟོན་སྲུང་བརྩི་ཞུ་འཆར་གྱི་སྙན་སེང་ཞུས་སྐབས་ཨ་མ་ལགས་ཀྱིས་དེ་ལྟར་གནང་མི་དགོས་པར་དེ་ལས་༸གོང་ས་༸སྐྱབས་མགོན་ཆེན་པོ་མཆོག་ལ་བཀའ་དྲིན་གཏང་རག་གི་བརྟན་བཞུགས་བསྟར་འབུལ་གསོལ་འདེབས་ཞུ་གལ་ཆེ་བའི་བཀའ་སློབ་ཕེབས་པ་བཞིན་གྲ་སྒྲིག་ཞུས་ཡོད་པ་དེ་ལྟར་ནའང་ཏོག་དབྱིབས་གཉན་རིམས་ ༡༩ ཁྱབ་གདལ་ཤུགས་ཆེར་སོང་བར་བརྟེན་ད་བར་བརྟན་བཞུགས་བསྟར་འབུལ་ཞུ་རྒྱུའི་གོ་སྐབས་བྱུང་མེད་སྐོར་སོགས་གསུངས་སོང་།དེ་བཞིན་གསར་འགོས་པས་ཐེངས་འདིའི་བརྟན་བཞུགས་ཀྱི་རྡོ་རྗེ་སློབ་དཔོན་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ལ་གསོལ་འདེབས་ཞུས་དོན་གཙོ་བོ་དེ་རིན་པོ་ཆེ་མཆོག་བོད་ཕྲུག་ཁྱིམ་སྡེའི་སློབ་ཟུར་ཡིན་པའི་ཆ་ནས་ཡིན་ནམ་ཞེས་བཅར་འདྲི་ཞུས་སྐབས་ཁོང་གིས་བརྟན་བཞུགས་བསྟར་འབུལ་ཞུ་མཁན་བོད་ཁྱིམ་ལས་སློབ་ངོ་ཟུར་རྣམས་ཆགས་ཀྱི་ཡོད་པ་དང་ལྷག་དོན་རྡོ་རྗེ་སློབ་དཔོན་དེའང་སློབ་ཟུར་ཞིག་བྱུང་བ་དེ་རྟགས་རྟེན་འབྲེལ་དམིགས་བསལ་ལ་དགོངས་ནས་གསོལ་འདེབས་ཞུས་ཡོད་པར་གསུངས་སོང་།དྷ་སྟེང་བོད་ཁྱིམ་སྤྱི་ཁྱབ་ཡིག་ཚང་གི་དྲུང་ཆེ་ཆོས་དབྱིངས་དོན་གྲུབ་ལགས་ཀྱིས་ད་དུང་བོད་ཕྲུག་ཁྱིམ་སྡེའི་སློབ་གཉེར་བ་ཟུར་པ་དང་ད་ཡོད་ཚང་མས་༸གོང་ས་མཆོག་གིས་རྣམ་ཀུན་ནས་ལམ་སྟོན་བཀའ་སློབ་ཡང་ཡང་ཕེབས་དོན་ལྟར་བོད་ཀྱི་ཐུན་མིན་སྐད་ཡིག་དང་། ཆོས་རིག ལེགས་བྱང་བཅས་པར་ཐུགས་སྣང་རྒྱ་གང་ཆེ་གནང་དགོས་པའི་གཞེན་སྐུལ་གནང་ཡོད།༸དཔལ་ལྡན་དགའ་ལྡན་ཕོ་བྲང་གི་དྲ་རྒྱར་༸གོང་ས་མཆོག་གི་མཛད་འཆར་སྐོར་གནས་ཚུལ་སྤེལ་བར་གཞིགས་ན། ཕྱི་ཟླ་ ༡༡ ཚེས་ ༢༥ དང་ཚེས་ ༢༦ བཅས་ཉིན་གཉིས་རིང་ལ་ཀོ་རི་ཡའི་ནང་པའི་རྗེས་འཇུག་པ་ཚོས་ཇི་ལྟར་གསོལ་བ་བཏབ་པ་ལྟར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་ཐེག་ཆེན་ཆོས་གླིང་གཙུང་ལག་ཁང་དུ་དབུ་མ་རྩ་བ་ཤེས་རབ་ཀྱི་བཀའ་ཆོས་བཀའ་དྲིན་སྩལ་རྒྱུ་དང་། ཕྱི་ཟླ་ ༡༢ ཚེས་ ༢༩ དང་ ༣༠ ཉིན་གཉིས་རིང་གི་སྔ་དྲོ་བྱང་ཆུབ་སེམས་འགྲེལ་གྱི་བཀའ་ཆོས་དང་། དེ་བཞིན་ཚེས་ ༣༡ ཉིན་གྱི་སྔ་དྲོ་སྒྲོལ་མ་ཉེར་གཅིག་གི་རྗེས་གནང་བཀའ་དྲིན་སྩལ་རྒྱུ་ཡིན་པ་མ་ཟད། ཕྱི་ལོ་ ༢༠༢༣ ཕྱི་ཟླ་ ༡ ཚེས་ ༡ སྟེ་ཕྱི་ལོ་གསར་ཚེས་ཉིན་དགེ་ལུགས་ཆོས་བརྒྱུད་འཛིན་པ་ཡོངས་ནས་ཇི་ལྟར་གསོལ་བ་བཏབ་པ་ལྟར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་བཅས་ཀྱི་མཛད་འཆར་ཐུགས་གཏན་ཁེལ་འདུག

དེ་རིང་ཕྱི་ཟླ་ ༡༠  ཚེས་ ༢༤ ཉིན་འཛམ་གླིང་མཉམ་འབྲེལ་རྒྱལ་ཚོགས་དབུ་བརྙེས་ནས་མི་ལོ་ ༧༧ འཁོར་བའི་དུས་ཚིགས་སྲུང་བརྩི་དང་སྦྲགས་ཏེ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་འགན་སྲུང་བྱེད་ཐབས་ཀྱི་བརྒྱུད་རིམ་ཞེས་པའི་ལམ་སྟོན་གྱི་དཔེ་དེབ་ཞིག་དབུ་འབྱེད་གནང་སོང་།དེ་རིང་སྔ་དྲོ་ཚོུད་ ༡༡ ཐོག་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཚོགས་ཁང་དུ་ལྟེ་གནས་ཁང་གི་བོད་གནས་ཉམས་ཞིབ་པ་ཉི་མ་འོད་ཟེར་ལགས་དང་ཁྲིམས་ཐོག་ལས་བྱེད་བསྟན་འཛིན་ནོར་སྒྲོལ་ལགས་རྣམ་གཉིས་ཀྱིས་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་འགན་སྲུང་བྱེད་ཐབས་ཀྱི་བརྒྱུད་རིམ་ཞེས་པའི་ལམ་སྟོན་དཔེ་དེབ་དབུ་འབྱེད་གནང་སོང་བ་དང་།ཉི་མ་འོད་ཟེར་ལགས་ཀྱིས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནས་དཔེ་དེབ་འདི་ཉིད་སྒྱུར་སྒྲིག་གནང་བའི་རྒྱབ་ལྗོངས་ངོ་སྤྲོད་གནང་བར་དེ་རིང་མཉམ་འབྲེལ་རྒྱལ་ཚོགས་ཀྱི་ཉིན་མོ་དང་བསྟུན་རྒྱལ་ཚོགས་དབུ་བརྙེས་པ་ནས་བཟུང་ད་བར་ལོ་ངོ་བཅུ་ཕྲག་འགའི་རིང་གོ་ལའི་འགྱུར་འགྲོས་དང་བསྟུན་རྒྱལ་ཚོགས་ལའང་འགྱུར་བ་མང་དག་ཅིག་ཕྱིན་ཡོད་ཀྱང་། དེ་ཉིད་འཛམ་གླིང་རྒྱལ་ཁབ་རྣམས་གནས་གཅིག་ཏུ་འཛོམས་ནས་ཐུན་མོང་གི་དཀའ་རྙོག་ཐད་གྲོས་བསྡུར་གྱིས་ཐབས་ལམ་འཚོལ་སའི་སྡིངས་ཆ་ཉག་གཅིག་པོ་དེ་ཆགས་སྟབས། དཔེ་དེབ་འདི་གཙོ་བོ་རང་རེའི་བོད་ཀྱི་སྐད་ཡིག་སྤྱོད་མཁན་སྤྱི་དང་བྱེ་བྲག་ཏུ་བོད་དོན་ཞུ་གཏུག་གནང་མཁན་དང་བོད་ཀྱི་འགྲོ་བ་མིའི་ཐོབ་ཐང་སྲུང་སྐྱོབ་སླད་ལས་འགུལ་དང་ཕྱག་ལས་གནང་མཁན་ཚོར་ཆེད་དམིགས་གནང་བ་ཞིག་ཡིན་སྐོར་གསུངས་སོང་།UN Human Rights Mechanisms ཞེས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་འགན་སྲུང་བྱེད་ཐབས་ཀྱི་བརྒྱུད་རིམ་ཞེས་པའི་དེབ་དེ་ནི་ས་བཅད་ལྔ་ཙམ་དུ་ཕྱེས་ཡོད་པའི་ཁོངས་ལས་ས་བཅད་དང་པོ་ནི་མཉམ་འབྲེལ་རྒྱལ་ཚོགས་ཀྱི་ངོ་སྤྲོད་དང་གཉིས་པ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ཁྲིམས་ཡིག་ཁག་དང་འབྲེལ་ཡོད་ལས་ཁུངས་ཁག་ངོ་སྤྲོད། ས་བཅད་གསུམ་པ་བཅའ་ཁྲིམས་གཞིར་བཞག་གི་འགྲོ་བ་མིའི་ཐོབ་ཐང་འགན་སྲུང་བྱེད་ཐབས་ཀྱི་བརྒྱུད་རིམ་དང་བཞི་པ་སྤྱི་ཚོགས་གཞིར་བཞག་གི་འགྲོ་བ་མིའི་ཐོབ་ཐང་འགན་སྲུང་བྱེད་ཐབས་ཀྱི་བརྒྱུད་རིམ། དེ་བཞིན་ས་བཅད་ལྔ་པ་བརྡ་ཆད་ངོ་སྤྲོད་བཅས་འཁོད་ཡོད་པ་རེད།བརྗོད་བྱ་གཙོ་བོ་རེ་རེ་རྫོགས་མཚམས་སུ་རྒྱ་ནག་དང་འབྲེལ་བའི་གནས་ཚུལ་ཞེས་པའི་དུམ་མཚམས་ཐུང་ངུ་རེ་བསྣན་ཡོད་པ་དང་དེར་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་སྲུང་སྐྱོབ་ཚན་པས་རྒྱ་ནག་གི་འགྲོ་བ་མིའི་ཐོབ་ཐང་གི་གནས་བབ་ཐད་ཞིབ་བཤེར་བྱས་པ་དང་བོད་དང་འབྲེལ་བའི་གནད་དོན་གླེང་སློང་བྱས་པ་དག་ཟུར་བཏོན་གནང་ཡོད།

དེ་རིང་ཞོགས་པ་ཕྱག་ཚོད་ ༡༠ པའི་ཐོག་བཞུགས་སྒར་དུ་རྟེན་གཞི་བྱས་པའི་བོད་ཀྱི་དཔེ་མཛོད་ཁང་དུ་ ༡༨༩༥ ནས་ ༡༩༥༩ བར་ལོ་རྒྱུས་ལྡན་པའི་བོད་ཀྱི་དམག་དཔུང་གི་འདྲ་པར་འགྲེམས་སྟོན་དབུ་འཛུགས་གནང་སོང་།དེ་ཡང་བོད་ཀྱི་དཔེ་མཛོད་ཁང་དང་། འབུམ་རམས་པ་ Alice Travers ཨེ་ལི་སེ་ཊ་ར་ཝེ་སི་ལགས་གཉིས་ཀྱི་གོ་སྒྲིག་འོག་དེ་གའི་དཔེ་མཛོད་ཁང་གི་སེ་སྒར་ཚན་རིག་ལྟེ་གནས་ཁང་གི་ཐོག་བརྩེགས་གསུམ་པར་འགྲེམས་སྟོན་དབུ་འཛུགས་གནང་ཡོད་པ་དང་། འགྲེམས་སྟོན་འདི་ཉིད་དངོས་སུ་དབུ་འཛུགས་མ་གནང་གོང་དུ། དེ་གའི་དཔེ་མཛོད་ཁང་གི་ཚོགས་ཁང་དུ་དེ་འབྲེལ་དབུ་འབྱེད་མཛད་སྒོའི་སྐབས། སྐུ་མགྲོན་གཙོ་བོ་དིང་རི་བོད་དམག་ཟུར་པ་སྐུ་ཞབས་ངག་དབང་ལགས་དང་། སྐུ་སྲུང་དམག་ཟུར་བཀྲ་ཤིས་ཚེ་རིང་ལགས་དང་ཐུབ་བསྟན་ལགས། གཞན་ཡང་སྐུ་མགྲོན་ཁག་ཅིག་དང་ཟུར་ཉན་པ་རྣམས་ལྷན་བཞུགས་གནང་ཡོད།སྐབས་དེར་སྐུ་མགྲོན་གཙོ་བོ་དིང་རི་བོད་དམག་ཟུར་པ་ངག་དབང་ལགས་ཀྱིས་རང་ཉིད་ཀྱི་སྐྱེས་ཡུལ་ངོ་སྤྲོད་དང་འབྲེལ་ནས། དེ་སྔ་རང་ཉིད་དམག་མི་ཡིན་པའི་རྐྱེན་གྱི་རྒྱའི་བཙོན་ཁང་ནང་ལོ་ ༢༡ བཞུགས་མྱོང་བ་ངོ་སྤྲོད་དང་འབྲེལ། བོད་ཀྱི་ལོ་རྒྱུས་ནང་བོད་དམག་དང་བོད་དངུལ་ཀྱི་ཐད་ལ་རོབ་ཙམ་གླེང་སློང་གནང་བའི་བརྒྱུད་བོད་འདི་ཉིད་རང་བཙན་གཙང་མ་ཞིག་ཡིན་པ་འགྲེལ་བརྗོད་གནང་བྱུང་།འདི་ག་རླུང་འཕྲིན་ཁང་ནས་འགྲེམས་སྟོན་དེའི་བཀོད་སྒྲིག་པ་འབུམ་རམས་པ་ Alice Travers ལགས་ལ་འགྲེམས་སྟོན་དེའི་གལ་གནད་ཐད་ལ་བཅར་འདྲི་ཞུས་སྐབས་ཁོང་གིས། བོད་དམག་ནི་བོད་ཀྱི་དཔལ་ཡོན་ནང་ནས་གླེང་སློང་ཆེས་ཉུང་བ་ཞིག་ཆགས་ཀྱི་ཡོད་པ་དང་འབྲེལ་དེའི་ལོ་རྒྱུས་ཐོག་ཉམས་ཞིབ་བྱ་དགོས་རྒྱུ་གལ་ཆེན་པོ་ཞིག་ཆགས་ཀྱི་ཡོད་སྐོར་དང་། བོད་དམག་ཐོག་ཉམས་ཞིབ་གནང་དགོས་པའི་དམིགས་ཡུལ་གཙོ་བོ་ནི་བོད་དམག་གི་ལོ་རྒྱུས་དེ་དག་སྲུང་སྐྱོབ་བྱ་རྒྱུ་ཙམ་མ་ཟད། སྐབས་འགར་བརྗེད་ཚར་བའི་ལོ་རྒྱུས་ཀྱི་བདེན་དཔང་དེ་དག་ཉར་འཚག་ཐུབ་རྒྱུའི་ཆེད་དུ་ཡིན་པ་འགྲེལ་བརྗོད་གནང་བྱུང་།ཁོང་གིས་ད་དུང་འགྲེམས་སྟོན་དེའི་བརྒྱུད་ནས་བོད་དམག་དམག་ཆས་དེ་དག་གི་འགྱུར་བའི་ཁྲོད་ནས་སྐབས་དེ་དང་དེའི་དུས་ཀྱི་བོད་ཀྱི་ཆབ་སྲིད་ཀྱི་འགྱུར་གྲོས་མཚོན་ཐུབ་ཀྱི་ཡོད་སྐོར་གསུངས་བྱུང་།རྩ་བའི་འབུམ་རམས་པ་ Alice Travers ལགས་ཀྱིས་ལྷ་སའི་སྐུ་དྲག་གི་སྐོར་ལ་ཉམས་ཞིབ་གནང་ཡོད་པ་དང་འབྲེལ། སྐུ་དྲག་རྣམས་དམག་དཔོན་དང་སྡེ་དཔོན་སོགས་ཀྱི་གོ་གནས་ཡོད་པའི་རྐྱེན་གྱིས་བོད་དམག་ཐོག་ཞིབ་འཇུག་ཀྱིས་དེ་འབྲེལ་དཔེ་དེབ་མི་ཉུང་བ་ཞིག་འདོན་སྤེལ་གནང་ཡོད་པ་རེད་འདུགཕྱོགས་མཚུངས། དེ་རིང་བོད་ཀྱི་དཔེ་མཛོད་ཁང་གི་སེ་སྒར་ཚན་རིག་ལྟེ་གནས་ཁང་དུ་བོད་མིའི་སྒྲིག་འཛུག་ཆོས་རིག་ལས་ཁུངས་ཀྱི་གོ་སྒྲིག་འོག་དགེ་འདུན་པའི་དེང་དུས་ཚན་རིག་ཟབ་སྦྱོང་ཐེངས་བདུན་པ་དེ་བཞིན་དེ་རིང་སྔ་དྲོ་ཕྱག་ཚོད་ ༡༠ ཐོག་དབུ་འཛུགས་ཀྱིས་ཟླ་ ༡༡ ཚེས་ ༥ བར་ཚོགས་ཀྱི་ཡོད་པ་རེད་འདུག

ཁ་སང་ཕྱི་ཚེས་ ༢༣ ཉིན་དྷརྨ་སཱ་ལཱར་རྟེན་གཞི་བྱས་པའི་དྷ་སྟེང་བོད་ཕྲུག་ཁྱིམ་སྡེ་དབུ་བརྙེས་ནས་མི་ལོ་ ༦༢ ཧྲིལ་པོ་འཁོར་བའི་དུས་སྟོན་སྲུང་བརྩི་དང་སྦྲགས་བཀའ་ཟུར་ལྷ་སྐུ་རྗེ་བཙུན་པདྨ་མཆོག་གིས་བོད་ཕྲུག་སློབ་མ་ཚོའི་ཤེས་ཡོན་དང་བདེ་དོན་ཐོག་བློས་བཏང་ཆེན་པོས་ཕྱག་ལས་གནང་བར་བཀའ་དྲིན་གཏང་རག་གི་གཟེངས་རྟགས་འབུལ་བཞེས་སོགས་ཀྱི་མཛད་སྒོ་ཚོགས་ཡོད།མཛད་སྒོའི་སྐུ་མགྲོན་གཙོ་བོ་སྐུ་མགྲོན་གཙོ་བོ་ཞྭ་སེར་བསྟན་པའི་གཙུག་རྒྱན་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་དང་དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག སྐུ་མགྲོན་དུ་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ། ༸དཔལ་ལྡན་དགའ་ལྡན་ཕོ་བྲང་གི་སྐུ་ཚབ། གཞུང་དང་གཞུང་འབྲེལ་མིན་པའི་ཚོགས་ཁག་གི་སྐུ་ཚབ། དེ་བཞིན་བོད་ཕྲུག་ཁྱིམ་སྡེའི་སྦྱིན་བདག་ཁག་ཅིག དགེ་སློབ་ལས་ཟུར་དང་བཞུགས་སྒར་ཉེ་འཁོར་གྱི་ས་གནས་བོད་མི་སོགས་མཉམ་ཞུགས་གནང་ཡོད།སྐབས་དེར་སྐུ་མགྲོན་གཙོ་བོ་༸སྐྱབས་རྗེ་ཡོངས་འཛིན་གླིང་རིན་པོ་ཆེ་མཆོག་གིས་ད་ཆ་ང་ཚོའི་ཤེས་ཡོན་དང་འབྲེལ་བའི་གྲུབ་འབྲས་མཐོང་རྒྱུ་ཡོད་པ་དེ་དག་ནི་གཙོ་བོ་༸གོང་ས་མཆོག་གི་བཀའ་དྲིན་དང་རྒྱ་གར་གཞུང་མང་གཉིས་ཀྱི་རྒྱབ་སྐྱོར། དེ་བཞིན་ལྷ་སྐུ་རྗེ་བཙུན་པདྨ་མཆོག་མཆོག་གིས་དབུས་པའི་མི་རབས་རྒན་པ་ཚོས་སྐུ་ལས་བསྐྱོན་པ་ལས་བྱུང་བ་ཞིག་ཡིན་པ་སོགས་བཀའ་གནང་ཡོད་པར་མ་ཟད། རིན་པོ་ཆེ་མཆོག་གིས་ད་དུང་ང་ཚོའི་མི་རབས་འདི་དུས་ནས་དུས་སུ་བརྗེ་པོ་ཐེབས་ཀྱི་ཡོད་སྟབས་གཞོན་སྐྱེས་རྣམས་ཀྱིས་བོད་མི་རིགས་དང་རྩ་དོན་ཐོག་འགན་མང་ཙམ་བཞེས་གལ་ཆགས་ཡོད་པར་ལམ་སྟོན་གནང་ཡོད། དེ་བཞིན་ཨ་མ་རྗེ་བཙུན་པདྨ་མཆོག་གིས་བོད་ཕྲུག་ཁྱིམ་སྡེ་ཐོག་མང་གསར་འཛུགས་གནང་སྐབས་ཀྱི་བརྒྱུད་རིམ་ཁག་དྲན་གསོ་གནང་བ་དང་འབྲེལ་ཏེ། ད་ཆ་ཕྱིར་གཟིགས་གནང་སྐབས་ད་བར་གྱི་ལས་དོན་དེ་དག་དངོས་གནས་འགྲིག་འདུག་པའི་ཐུགས་ཚོར་བྱུང་ཞེས་བཀའ་གནང་སོང་ལ། ལས་དོན་གང་ཞིག་གཉེར་ཡང་གཙོ་བོ་༸རྒྱལ་བ་རིན་པོ་ཆེ་མཆོག་གི་བཀའ་སློབ་སེམས་ལ་བཅངས་ནས་གནང་ཚེ་ལས་དོན་གང་ཡིན་ལེགས་གྲུབ་ཐུབ་ཀྱི་ཡོད་སྟབས་ད་ལྟ་ཕྱག་ལས་གནང་མཁན་ཚོས་ཀྱང་མུ་མཐུད་དེ་ལྟར་གནང་བའི་ཐུགས་རེ་ཡོད་པར་བཀའ་གནང་བ་དང་ཆབས་ཅིག་ལྷག་པར་ང་ཚོའི་ཕྲུ་གུ་ཚོ་མ་འོངས་བོད་ཀྱི་སོན་རྩ་ཡིན་པ་དང་སོན་རྩ་དེ་ཚོ་ཧྲ་ཏག་ཏག་ཅིག་འབྱུང་ཚེ་ང་ཚོར་སོ་སོའི་རྒྱལ་ཁབ་མེད་ཀྱང་ང་ཚོར་སོན་རྩ་ཧྲག་ཏག་ཏག་ཅིག་ཡོད། དེས་ན་བོད་ཕྲུག་སློབ་མ་ཚོའི་ཤེས་ཡོན་དང་བདེ་དོན་ཐོག་འབྲེལ་ཡོད་ཚང་མས་མུ་མཐུད་ཤུགས་སྣོན་རྒྱག་རོགས་ཞེས་རེ་སྐུལ་གནང་སོང་།   དེ་བཞིན་ཨ་མ་ལགས་ཀྱིས་ང་ཚོའི་ངོས་ནས་རྟག་ཏུ་ཕྱིའི་རོགས་ཚོགས་ལ་བརྟེན་རྒྱུ་དེ་ཁག་པོ་ཆགས་ཡོད་སྟབས་བོད་ཕྲུག་ཁྱིམ་སྡེའི་སློབ་ཟུར་དང་ང་རང་ཚོའི་སྤྱི་ཚོགས་ནང་དཔལ་འབྱོར་གྱི་གནས་བབ་གང་ལེགས་ཡོད་པ་ཚོས་ཐུགས་འགན་བཞེས་ཏེ་རོགས་རམ་གནང་གལ་ཡིན་པ་བཀའ་གནང་སོང་།   དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དེང་སང་རྒྱ་ནག་གཞུང་གིས་བོད་ནང་ལ་རང་ལོ་ ༦ ནས་ ༡༨ བར་གྱི་བོད་ཕྲུག་རྣམས་གཏན་འཇགས་སློབ་གྲྭར་བཅུགས་ཏེ་སོ་སོའི་སྐད་ཡིག་དང་རིག་གཞུང་ལ་སློབ་གཉེར་གནང་རྒྱུར་ངལ་བ་ཆེད་བཟོ་བྱེད་བཞིན་པ་སོགས་བོད་ནང་གི་ད་ལྟའི་ཛ་དྲག་གནས་སྟངས་ཁག་ཅིག་དྲན་གསོ་དང་སྦྲགས། ང་ཚོ་བཙན་བྱོལ་རང་དབང་ལུང་པའི་ནང་ལ་བོད་ཀྱི་སྐད་ཡིག་དང་ཆོས་རིག ལེགས་བྱང་བཅས་པར་དོ་སྣང་དང་འབད་རྩོལ་གནང་གནད་ཡིན་པ་གསུངས་ཡོད། སྲིད་སྐྱོང་མཆོག་གིས་ད་ལྟའི་བཙན་བྱོལ་སྤྱི་ཚོགས་ནང་བོད་ཕྲུག་སློབ་མའི་གྲངས་འབོར་ཉུང་དུ་འགྲོ་བཞིན་པའི་གནས་སྟངས་སོགས་དང་འབྲེལ། མ་འོངས་བཙན་བྱོལ་བོད་མིའི་ཤེས་ཡོན་གྱི་གནས་སྟངས་ཇི་ཆགས་ཐད་ལ་སློབ་གྲྭ་དང་སྡེ་ཚན་བྱེ་བྲག་པའི་བདེ་དོན་ཙམ་མིན་པར་ཕྱོགས་ཡོངས་ཀྱི་གནས་སྟངས་ལ་དགོངས་བཞེས་གནང་དགོས་པ་སོགས་གསུངས་ཡོད། དེ་བཞོན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་སློབ་ཕྲུག་རྣམས་ལ་བོད་ཀྱི་ཐུན་མིན་ཡ་རབས་བཟང་སྤྱོད་ཀྱི་གོམས་གཤིས་འཇག་ཐབས་དང་ཕྲུ་གུའི་ལུས་སེམས་གཉིས་ཀྱི་འཕྲོད་བསྟེན་སོགས་ལ་མུ་མཐུད་རོགས་རམ་གནང་དགོས་པའི་བསྐུལ་མ་གནང་ཡོད། ལྷག་པར་དུ་དྷ་སྟེང་བོད་ཕྲུག་ཁྱིམ་སྡེ་དབུ་བརྙེས་པའི་དུས་ཆེན་དང་བསྟུན། བོད་ཕྲུག་ཁྱིམ་སྡེའི་ལས་སློབ་ངོ་ཟུར་ཡོངས་ཀྱིས་བཀའ་ཟུར་ལྷ་སྐུ་རྗེ་བཙུན་པདྨ་མཆོག་ལ་བཀའ་དྲིན་གཏང་རག་མཚོན་ཕྱིར་རིན་ཆེན་གཉིས་པ་དངུལ་ལས་གྲུབ་པའི་རྗེ་བཙུན་སྒྲོལ་མའི་སྐུ་ཞིག་ཕུལ་ཡོད།མཛད་སྒོའི་ཐོག་ཨ་མ་རྗེ་བཙུན་པདྨ་མཆོག་གི་སྐུ་ཚེའི་ལོ་རྒྱུས་དང་འབྲེལ་བའི་གློག་བརྙན་ཨ་མ་ལགས་ཞེས་པ་དང་། ཕྱག་དེབ་གངས་ཅན་བོད་ཀྱི་ཨ་མ་ལགས། དེ་སྔ་ཨ་མ་ལགས་ཀྱིས་དབྱིན་ཡིག་ནང་ལྗགས་རྩོམ་གནང་བའི་ Tibet: My Story བོད་སྒྱུར་ཞུས་པ་བཅས་དབུ་འབྱེད་གནང་ཡོད།བོད་ཕྲུག་ཁྱིམ་སྡེ་ནང་ཞབས་ལོ་ ༢༠ ལྷག་སོང་བ་དགེ་ལས་དང་ཤེས་ཡོན་ཐོག་གཟེངས་ཐོན་སློབ་མ་ཁག་ཅིག་བཅས་ལ་ལེགས་གསོའི་གཟེངས་རྟགས་སོགས་གསོལ་སྩལ་གནང་ཡོད།

ཉན་པ།: Listen ཕབ་ལེན། Download བོད་ཀྱི་བེུད་ལེ་ཚན། བེུད་ཀྱི་ཐོབ་ཐང་རྩོད་ལེན་པ་དང་ཉམས་ཞིབ་པ། ངལ་རྩོལ་གཞིས་སྤོ་དང་ཡར་རྒྱས་བཅས་ཀྱི་ཆེད་ལས་པ་བསྟན་འཛིན་སྒྲོལ་དཀར་ལགས་དང་ལྷན་དུ་གླེང་མོལ། Sunday 23/10/2022 Women of Tibet: In Conversation with Tenzin Dolker, Researcher and advocate for transformative feminist change  

PTI གསར་ཁང་གིས་གནས་ཚུལ་བརྒྱུད་སྤེལ་བྱས་པའི་རྐྱེན་གྱིས་ཁ་སང་རྒྱ་གར་གྱི་བརྙན་འཕྲིན་དང་གསར་ཤོག།དྲ་རྒྱ་བཅས་ཀྱི་ནང་ལྡི་ལི་བོད་སྒར་བསམ་ཡས་གླིང་ངམ་མན་ཇུ་ཊི་ལ་ནས་རྒྱལ་ཁབ་ལ་རྒྱབ་འགལ་བྱེད་མཁན་རྒྱའི་བེུད་ཅིག་འཛིན་བཟུང་བྱས་པའི་གནས་ཚུལ་ཁྱབ་སྤེལ་ཤུགས་ཆེར་འགྲོ་བཞིན་ཡོད་པ་དེ་ལྟ་ནའང་། བོད་སྒར་བསམ་ཡས་གླིང་གི་བརྒྱ་འཐུས་ཡིག་ཚང་དང་ས་གནས་སྐོར་སྲུང་བ་ཚོར་གནད་དོན་དེ་འདྲ་ཞིག་བྱུང་ཡོད་མེད་ཤེས་རྟོགས་གང་ཡང་མེད་པར་མ་ཟད་བརྒྱ་འཐུས་ཡིག་ཚང་གིས་གནས་ཚུལ་དེ་གསན་མ་ཐག་ཏུ་ས་གནས་ཀྱི་ཟ་ཁང་དང་མགྲོན་ཁང་། ཚོང་ཁང་གསུམ་གྱི་བདག་པོ་དང་སེར་སྐྱ་མང་ཚོགས་ཀུན་ལ་དེ་འབྲེལ་རྟོག་ཞིབ་གནང་འདུགབོད་སྒར་བསམ་ཡས་གླིང་ནས་འཛིན་བཟུང་བྱས་པའི་གང་ཟག་དེ་སུ་ཡིན་མིན་སོགས་གང་ཡང་ཤེས་རྟོགས་བྱུང་མེད་པར་འགྲེལ་བརྗོད་གནང་སོང་བ་དང་བརྒྱ་དཔོན་གྱིས་ཉེ་ཆར་བོད་སྒར་བསམ་ཡས་གླིང་དེ་ཟ་འཐུང་གི་ལྟེ་གནས་ Food Hub བཟོ་རྒྱུའི་གནས་ཚུལ་ཁྱབ་སྤེལ་སོང་བའི་རྗེས་སུ་ས་གནས་ལ་ཚོང་ལས་ཀྱི་གནས་བབ་ཕྲན་བུ་ཡར་རྒྱས་འགྲོ་བཞིན་ཡོད་སྟབས། ཕྲད་དོག་མཁྲེགས་བཟུང་གིས་དཀྲོག་གཏམ་སྤེལ་བ་ཞིག་ཡིན་སྲིད་པར་གསུངས་པ་དང་ཆབས་ཅིག་གནས་ཚུལ་དེ་བདེན་པ་ཡིན་མིན་ལ་ལྟོས་མེད་བོད་སྒར་བསམ་ཡས་གླིང་གི་མང་ཚོགས་ཚོའི་ངོས་ནས་རྒྱ་གར་རྒྱལ་ཁབ་ལ་གནོད་པའི་གསང་ལས་བྱེད་མཁན་སོགས་འབྱུང་ཚེ་ཞིབ་འཇུག་གནང་མཁན་ཚོར་བོད་སྒར་བསམ་ཡས་གླིང་ནས་མཐུན་འགྱུར་གང་འོས་ཞུ་རྒྱུའི་གྲ་སྒྲིག་ཡོད་ཅེས་གསུངས་སོང་། བརྒྱ་དཔོན་ཀརྨ་རྡོ་རྗེ་ལགས་ཀྱིས་ཁ་སང་རྒྱ་གར་གྱི་གསར་ཁང་ཁག་ཏུ་རྒྱའི་བེུད་ཅིག་འཛིན་བཟུང་བྱས་པའི་སྐོར་གནས་ཚུལ་སྤེལ་བ་གནས་ཚུལ་རྙིང་པ་ཡིན་པར་འགྲེལ་བརྗོད་གནང་མཁན་ཡང་བྱུང་ཞེས་གསུངས་པ་དང་སྦྲགས། བོད་སྒར་བསམ་ཡས་གླིང་གི་མགྲོན་ཁང་ཁག་གི་བདག་པོ་དང་ས་གནས་ཀྱི་སྐོར་སྲུང་བའི་དབར་ཉེན་སྲུང་དང་འབྲེལ་བའི་གཟའ་འཁོར་གཅིག་གཉིས་ནང་ཚོགས་འདུ་ཚོགས་ཀྱི་ཡོད་པ་མ་ཟད་མགྲོན་ཁང་གི་འགྲུལ་པ་སོ་སོའི་དེབ་སྐྱེལ་སོགས་ཚུལ་བཞིན་གནང་གི་ཡོད་པར་འགྲེལ་བརྗོད་གནང་སོང་།་ལྷག་དོན་ཁོང་གིས་བོད་སྒར་བསམ་ཡས་གླིང་གི་བརྒྱ་འཐུས་ཡིག་ཚང་དང་ས་གནས་སྐོར་སྲུང་བའི་ངོས་ནས་གནད་དོན་དེ་འདྲ་ཞིག་བྱུང་ཡོད་མེད་ཀྱི་ཤེས་རྟོགས་གང་ཡང་མེད་ཅེས་གསུངས་ཡོད། གཞི་རྩའི་རྒྱ་གར་གྱི་གསར་ཁང་ཁག་གིས་སྤེལ་བའི་གནས་ཚུལ་ལ་གཞིགས་ན་རྒྱ་མིའི་བུད་མེད་དེ་བལ་པོའི་ལག་འཁྱེར་རྫུན་མ་བཟོས་ཏེ་མིང་ལ་སྒྲོལ་མ་བླ་མ་དང་སྡོད་ཡུལ་ཁ་བྱང་བལ་ཡུལ་རྒྱལ་ས་འཁོད་ཡོད་ཀྱང་། ཕྱིས་སུ་སྐོར་སྲུང་བས་ས་གནས་ཀྱི་ཕྱི་མི་དེབ་སྐྱེལ་ལས་ཁུངས་ནས་ཞིབ་འཇུག་གནང་སྐབས་བེུད་དེའི་མིང་ངོ་མ་ Cai Rou ཡིན་པ་དང་།  ཁོ་མོས་བོད་སྒར་བསམ་ཡས་གླིང་དུ་ནང་པའི་བཙུན་མ་ཡིན་ཁུལ་ཐོག་ནས་བསྡད་ཀྱི་ཡོད་སྐོར་འཁོད་འདུག་པ་དང་ཁོ་མོ་ཕྱི་ལོ་ ༢༠༡༩ ཐོག་མར་རྒྱ་གར་ནང་འཛུལ་ཞུགས་བྱས་པར་འགྲེལ་བརྗོད་གནང་ཡོད། འོན་ཀྱང་གསར་ཁང་ཁག་གིས་གནས་ཚུལ་དེ་དག་ནང་རྒྱ་མིའི་བེུད་དེ་མན་ཇུ་ཊི་ལ་ནས་འཛིན་བཟུང་བྱས་ཡོད་པ་མ་གཏོགས་ཁང་པའི་ཨང་གྲངས་སམ་མགྲོན་ཁང་སོགས་ཀྱི་ཞིབ་ཕྲའི་གནས་ཚུལ་གང་ཡང་བཀོད་མེད་པ་རེད།

ཉན་པ།: Listen ཕབ་ལེན། Download བློ་གསར་གཞོན་ནུ། བོད་མིའི་ངོ་བོ་དང་རྒྱལ་ཞེན། Saturday 22/10/2022 Young Minds: Tibetan Identity and Nationalism    

རྒྱ་ནག་གི་རྒྱལ་ས་པེ་ཅིང་དུ་དམར་ཤོག་ཚོགས་པའི་ཚོགས་ཆེན་ཐེངས་ ༢༠ པ་དེ་འཚོགས་བཞིན་པ་དང་བསྟུན། བོད་ཀྱི་ས་ཁུལ་མང་ཆེ་བའི་ནང་སྐྱ་སེར་དང་། ན་གཞོན་དབྱེ་བ་མེད་པར་ཚོགས་ཆེན་དེ་བཞིན་བཙན་གྱིས་ལྟ་རུ་བཅུག་གི་ཡོད་པ་དང་། དེ་ནི་རྒྱ་དམར་གཞུང་གིས་འཛམ་གླིང་ཕྱི་ལ་བོད་མི་རྣམས་ཀྱིས་ཏང་གི་ཚོགས་ཆེན་ ༢༠ པ་དེར་རེ་བ་དང་དགའ་ཚོར་ཆེན་པོ་བྱེད་ཀྱི་ཡོད་པའི་འཁྱོག་བརྗོད་ཀྱིས་དྲིལ་བསྒྲགས་ཀྱི་རྣམ་པར་བདེ་སྤྱོད་གཏོང་གི་ཡོད་སྐོར་གསུངས་སོང་། དེ་ཡང་བརྒྱུད་ལམ་ཁག་ཏུ་བོད་ནས་ཕྱིར་གྱར་བྱུང་བའི་བརྙན་པར་ཁག་ཅིག་སྤེལ་བར་གཞིགས་ན། རྒྱ་ནག་གི་རྒྱལ་ས་པེ་ཅིང་དུ་འཚོགས་བཞིན་པའི་དམར་ཤོག་ཚོགས་ཆེན་ཐེངས་ ༢༠ པ་དེ་བོད་ནང་དགེ་འདུན་པ་རྣམས་ལ་བཙན་གྱིས་ལྟ་རུ་བཅུག་གི་ཡོད་པ་མ་ཟད། ལྷག་པར་དུ་རྒྱ་ནག་གི་དབྱེ་བའི་བོད་རང་སྐྱོང་ལྗོངས་ནང་དུ་རྟེན་གཞི་བྱས་པའི་རྒྱ་ནག་གི་སྟངས་འཛིན་འོག་ཡོད་པའི་དཀར་མཛེས་ནང་པའི་ལྷན་ཚོགས་ཀྱི་དགེ་འདུན་པ་རྣམས་དམར་ཤོག་ཀྱི་སྲོལ་གཏོད་པ་པོ་ Marx ནས་རྒྱུད་དེ་ཞི་ཅིན་ཕིང་གི་བར་དུ་པར་རིས་དེ་དག་ལ་མགོ་སྒུར་དུ་བཅུག་ཅིང་། བརྙན་འཕྲིན་ནང་ཞི་ཅིན་ཕིང་གི་གཟུགས་བརྙན་ནམ་ཤར་ཚེ་རྒྱ་ནག་གི་རྒྱལ་དར་བཙན་གྱི་འཕྱར་དུ་བཅུག་ཀྱི་ཡོད་པ་མངོན་རྒྱུ་འདུག རྒྱ་ནག་གི་ Youth.cn གི་དྲ་ཐོག་སྤེལ་བའི་གནས་ཚུལ་ལ་གཞིགས་ན། ཆབ་མདོ་ཁུལ་གྱི་ན་གཞོན་ལས་བྱེད་དང་། དང་བླངས་པ། ལྷ་ས་ཁུལ་དུ་ཡོད་པའི་བོད་ཀྱི་གཙུག་ལག་སློབ་ཁང་གི་སློབ་ཕྲུག་སོགས་བོད་ཀྱི་ས་ཁུལ་མང་པོའི་ནང་བོད་ཀྱི་ན་གཞོན་དང་བྱིས་པ་རྣམས་ནས་ཏང་གི་ཚོགས་ཆེན་ཐེངས་ ༢༠ པའི་དབུ་འབྱེད་མཛད་སྒོ་དེ་ཉིད་བརྙན་འཕྲིན་དང་གློག་ཀླད། དེ་བཞིན་ཁ་པར་བརྒྱུད་བལྟས་ཏེ། རང་ཉིད་དགའ་སྣང་ཆེན་པོའི་བྱུང་བའི་ཚོར་བ་དང་ཚོགས་ཆེན་དེའི་བརྒྱུད་ནས་སྲིད་འཛིན་ཞི་ཅིན་ཕིང་དང་། རྒྱ་ནག་དམར་པོའི་གཞུང་ལ་ལ་རེ་བ་ཆེན་པོ་བྱེད་ཀྱི་ཡོད་ཚུལ་འཁོད་འདུག འདི་ག་རླུ་འཕྲིན་ཁང་ནས་གནད་དོན་དེའི་ཐོག་བཞུགས་སྒར་ཁུལ་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱལ་ལྟེ་གནས་ཁང་གི་བོད་གནས་ཉམས་ཞིབ་པ་ཉི་འོད་ལགས་སུ་དེ་འབྲེལ་བཅར་འདྲི་ཞུས་སྐབས་ཁོང་གིས། རྒྱ་ནག་གཞུང་ནས་དེ་ལྟར་བྱེད་དགོས་དོན་ནི། འཛམ་གླིང་ཕྱི་ལ་བོད་མི་རྣམས་ཀྱིས་ཏང་གི་ཚོགས་ཆེན་ཐེངས་ ༢༠ པ་དེ་ལ་དགའ་སྣང་དང་རེ་བ་ཆེན་པོ་བྱེད་ཀྱི་ཡོད་པའི་འཁྱོག་བརྗོད་ཀྱིས་དྲིལ་བསྒྲགས་ཆེད་ཡིན་པ་དང་འབྲེལ་ནས། དེའི་བརྒྱུད་ནས་རྒྱལ་སྤྱིའི་སྤྱི་ཚོགས་དང་། བོད་རིགས་རྣམས་ནས་དེར་འཁྲུལ་ནོར་གྱི་མགོ་སྐོར་ཐེབས་རྒྱུ་མེད་པ་གསུངས་བྱུང་། དེ་བཞིན་ཁོང་གིས་གལ་ཏེ་ཚོགས་ཆེན་དེའི་བརྒྱུད་ནས་ཞི་ཅིན་ཕིང་སླར་ཡང་དུས་ཡུན་ཐེངས་གསུམ་པར་འཁོད་ཚེ། བོད་ནང་སྔར་ལྷག་དམ་དྲག་དང་འགྲོ་བ་མིའི་ཐོབ་ཐང་གི་གནད་དོན་ཐད་སེམས་འཚབ་ཡོད་པ་གསུངས་བྱུང་། གཞན་ཡང་གནད་དོན་དེ་དང་འབྲེལ་ནས་ཁ་སྔོན་བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་ཀྱིས། རྒྱ་ནག་གཞུང་གི་དེ་ལྟར་བྱེད་དགོས་ནི་ཚོགས་ཆེན་འཚོགས་པའི་རིང་བོད་མི་རྣམས་ཀྱི་ངོ་རྒོལ་བྱ་མི་ཡོང་སྙམ་པའི་ཞེད་སྣང་གི་རྐྱེན་པས་ཡིན་པ་དང་། རྒྱ་ནག་གཞུང་ནས་བོད་འདི་ཧ་ཅང་ཚོར་བ་རྣོ་བའི་གནད་དོན་ཞིག་ལ་ངོས་འཛིན་བྱེད་ཀྱི་ཡོད་པ་དང་འབྲེལ། བོད་ཀྱི་གནད་དོན་ཐག་མ་གཅོད་བར་དུ་དཀའ་ངལ་དེ་དག་སེལ་ཐུབ་ཀྱི་མེད་སྐོར་གསུངས་འདུག  

ཉན་པ།: Listen ཕབ་ལེན། Download ༸གོང་ས་མཆོག་གིས་འདས་པའི་ལོ་ངོ་བཅུ་ཕྲག་མང་པོའི་རིང་ཐག་གང་བཅད་པ་དེ་དག་ཚང་མ་འགྲིག་འདུག་པར་སྤོབས་པ་ཡོད། བཞུགས་སྒར་དུ་བོད་དོན་རྒྱབ་སྐྱོར་ཚོགས་པའི་ཚོགས་འདུ་དབུ་འཛུགས། བོད་ནང་དམར་ཤོག་ཚོགས་ཆེན་ཐེངས་ ༢༠ པ་དེ་བཙན་གྱིས་ལྟ་རུ་བཅུག་འདུག ༸གོང་ས་མཆོག་གིས་ཨ་རི་བོད་ཁང་གི་འགན་འཛིན་གཙོས་ལས་བྱེད་ཚོར་མཇལ་ཁ་བཀའ་སློབ་སྩལ་བ། ཨ་རུ་ནཱ་ཅལ་མངའ་སྡེའི་སྤྱི་ཁྱབ་བློན་ཆེན་མཆོག་སེར་བྱེས་གྲྭ་ཚང་དུ་ཆེད་ཕེབས་གནང་བ། རྒྱ་ནག་གིས་སྤྱི་ཚོགས་ཁྲོད་ཤུགས་རྐྱེན་ཡོད་མཁན་རྣམས་བེད་སྤྱོད་བྱེད་དེ་འཁྱོགས་བཤད་ཀྱི་ལས་འགུལ་སྤེལ་བ་མངོན་གསལ། Friday 21/10/2022 When I look back over 80 years, I do not find any big mistakes: The Dalai Lama Tibet groups gather in Dharamshala for three-day regional meeting China forces Tibetan to watch 20th party congress Dalai Lama gives speaks to members of Tibet House US Arunachal CM Pema Khandu visits Sera monastery China using influencers to whitewash human rights abuses, report finds