Day5

སྤྱི་འཐུས་ས་བགོས་ཕྱོགས་བསྐྱོད་དང་འབྲེལ་བའི་གྲོས་ཆོད་ཕྱིར་འཐེན་ཡོང་བའི་སྤྱི་འཐུས་སྒེར་གྱི་གྲོས་ཆོད་གྲོས་འཆར།

དཔྱ་དངུལ་ཆག་ཡང་གི་གོ་སྐབས་ཁྲོད་བོད་མི་ ༦༥༡༨ ནས་དཔྱ་དངུལ་ལག་དེབ་གསར་བཟོ་དང་ནོར་བཅོས་སོགས་གནང་འདུག

ཁ་ཉིན་རེས་གཟའ་སྤེན་པའི་ཉིན་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཞི་པའི་ལས་ཉིན་བཞི་པའི་ཐོག་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པའི་འོས་ཆོས་དང་འབྲེལ་བའི་བསྐྱར་བཅོས་ཀྱི་ཁྲིམས་འཆར་ཐོག་བརྗོད་པ་གཉིས་པར་ཕེབས་སྐབས་ཡིག་ཆ་ཨང་ ༣༩ པ་དང་འབྲེལ་ཏེ་གླེང་སློང་མང་དག་ཅིག་གནང་རྐྱེན་སྤྱི་འཐུས་ཁག་གཅིག་གྲོས་ཚོགས་ནས་ངོ་རྒོལ་ཕྱིར་ཐོན་གནང་སྟབས་གྲོས་ཚོགས་ཀྱི་ངོ་ཡོད་རྩ་འབོར་གྱི་གསུམ་ཆ་གཉིས་མ་ཚང་པར་བརྟེན་ལས་ཉིན་བཞི་པའི་ཚོགས་གསུམ་ ༣ དང་ ༤ ཚོགས་ཐུབ་མེད་པའི་ཁར་དེ་རིང་ཕྱི་ཟླ་ ༩ ཚེས་ ༡༢ སྟེ་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཞི་པའི་ལས་ཉིན་ ༥ པའི་སྔ་དྲོའི་ཚོུད་  ༩།༣༠ ཐོག་ཏུའང་ཁ་ཉིན་གྲོས་ཚོགས་ར་བ་ནས་ངོ་རྒོལ་ཕྱིར་ཐོན་གནང་མཁན་སྤྱི་འཐུས་གཙོ་བོར་གྱུར་པའི་སྤྱི་འཐུས་གཞན་ཁག་གཅིག་མུ་མཐུད་གྲོས་ཚོགས་ནང་ཕེབས་མེད་པར་བརྟེན་སླར་ཡང་གྲོས་ཚོགས་ཚོགས་མ་ཐུབ་པའི་གནས་སྟངས་ཆགས་ཡོད།གསར་འགོད་པས་གནད་དོན་དེ་དང་འབྲེལ་ནས་སྤྱི་འཐུས་ཚོགས་གཙོ་མཆོག་ལ་བཀའ་འདྲི་ཞུ་ཐབས་ཞུས་ཀྱང་ད་ལྟའི་ཆར་གང་ཡང་གསུང་རྒྱུ་མེད་ཅེས་གསུངས་སོང་། འོན་ཀྱང་སྲིད་སྐྱོང་སྤེན་པ་ཚེ་རིང་མཆོག་གྲོས་ཚོགས་ནས་ཕྱིར་ཕེབས་སྐབས་གསར་འགོད་པས་བཀའ་འདྲི་ཞུས་པར་སྲིད་སྐྱོང་མཆོག་གིས་གྲོས་ཚོགས་ཀྱི་ལས་དོན་གནང་མིན་ཐོག་ཚོགས་གཙོ་སྦྲེལ་པོའི་ངོས་ནས་ཐུགས་ཐག་གཅོད་གནང་རྒྱུ་ཡིན་པ་དང་། ཡིག་ཆ་ཨང་ ༣༩ པ་དང་འབྲེལ་བའི་ཐད་བཀའ་ཤག་གི་དེ་སྔའི་བཞེངས་ཕྱོགས་གང་ཡིན་པ་དེ་རང་འཇགས་ཡིན་ཅེས་གསུངས་སོང་།དེ་བཞིན་ཁ་ཉིན་གྲོས་ཚོགས་ནས་ཕྱིར་ཐོན་གནང་མཁན་ཁོངས་སུ་ཡོད་པའི་སྤྱི་འཐུས་ཁག་གཅིག་ལ་བཀའ་འདྲི་ཞུས་སྐབས་ཁོང་རྣམས་ཀྱིས་ཁ་ཉིན་བྱུང་བའི་གནད་དོན་དེའི་ཐད་བཀའ་ལན་གསར་པ་གང་ཡང་གནང་རྒྱུ་མེད་སྐོར་གསུངས་ཡོད།རྩ་བའི་ཁ་ཉིན་ལས་ཉིན་བཞི་པའི་ཉིན་རྒྱབ་ཀྱི་གྲོས་ཚོགས་ཚོགས་སྐབས་སུ་ཚོགས་གཙོ་མཆོག་གིས་ཉིན་རྒྱབ་ཀྱི་ལས་རིམ་ལ་བསྒྱུར་བཅོས་གནང་སྟེ་ལྷན་ཁང་ཁག་གི་ལས་བསྡོམས་ཐོག་ཕེབས་རྒྱུ་ཡིན་པའི་གསལ་བསྒྲགས་གནང་ཡོད་ཀྱང་། ཕྱིར་ཐོན་གནང་བའི་སྤྱི་འཐུས་རྣམས་འཚོགས་ཞུགས་མ་གནང་བར་བརྟེན་ངོ་ཡོད་རྩ་འབོར་གྱི་གསུམ་ཆ་གཉིས་མ་ཚང་བའི་གནས་སྟངས་འོག་ནས་དེ་རིང་རེས་གཟའ་ཟླ་བའི་སྔ་དྲོ་བར་ཚོགས་སེང་གནང་དགོས་བྱུང་ཡོད། སྐབས་དེར་གསར་འགོད་པས་ཕྱིར་ཐོན་གནང་མཁན་གྲས་སུ་ཡོད་པའི་སྤྱི་འཐུས་ཟླ་བ་ཕུན་སྐྱིད་ལགས་སུ་བཀའ་འདྲི་ཞུས་པར་ཁོང་གིས་ཁ་ཉིན་སྔ་དྲོ་གྲོས་ཚོགས་ནང་བསྣམས་ཕེབས་པའི་ཁྲིམས་ཞིབ་པའི་འོས་ཆོས་དང་འབྲེལ་བའི་བཅའ་ཁྲིམས་བསྐྱར་བཅོས་ཀྱི་ཁྲིམས་འཆར་དེ་གལ་གནད་ཆེན་པོ་ཡིན་པ་དང་། གནད་དོན་དེའི་ཐོག་ཐུགས་ཐག་གཙང་མ་ཞིག་མ་གནང་བར་ཁོང་རྣམས་ནས་གྲོས་ཚོགས་ནང་ཆ་ཤས་བཞེས་རྒྱུ་མིན་པར་གསུངས་ཡོད།ཤེས་རྟོགས་བྱུང་བར་གཞིགས་ན། རེས་གཟའ་སྤེན་པའི་ཉིན་གྲོས་ཚོགས་ནང་གནད་དོན་དེ་བྱུང་འཕྲལ་ཉིན་རྒྱབ་ཚོུད་ ༣ ཐོག་སྤྱི་འཐུས་རྣམ་པ་བཞུགས་མོལ་ཚོགས་འདུ་འཚོགས་ཤིག་གཏན་ཁེལ་ཡོད་ཀྱང་། སྤྱི་འཐུས་ཁག་གཅིག་བཞུགས་མོལ་ཚོགས་འདུ་ཐོག་མ་ཕེབས་སྟབས། བཞུགས་མོལ་ཚོགས་འདུ་དེའང་ཚོགས་མེད་པ་རེད།དེ་རིང་གི་ལས་རིམ་གཞིགས་ཚེ་གྲོས་ཚོགས་ཀྱི་ལས་ཉིན་ ༥ ཐོག་དཔལ་འབྱོར་ལས་ཁུངས་ཀྱི་ལས་ཁུངས་མ་ལག་བཅས་པའི་ལོ་འཁོར་ལས་བསྡོམས་ཐོག་ཕེབས་རྒྱུ་དང་། དཔལ་འབྱོར་ལས་ཁུངས་ཁྱབ་ཁོང་གངས་ལྗོངས་དཔལ་འབྱོར་ཞབས་ཞུ་ཁང་རྒྱུན་གནས་དགོས་མིན་ཐོག་ཆེད་འཛུགས་ཚོགས་ཆུང་གི་སྙན་ཐོ་གྲོས་ཚོགས་སུ་འགོད་འབུལ་དང་དེའི་ཐོག་བགྲོ་གླེང་སོགས་ཀྱི་ལས་རིམ་སྔོན་སྒྲིག་གནང་འདུག པར་ཁག བོད་མིའི་སྒྲིག་འཛུགས། བོད་མི་མང་སྤྱི་འཐུས་ལྷན་ཚོགས།

སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གསུམ་པའི་ལས་ཉིན་ལྔ་པའི་ཐོག་སྤྱི་འཐུས་རྣམ་པས་བོད་མིའི་སྒྲིག་འཛུགས་ཀྱི་དབུས་དང་ཁྱབ་ཁོངས་ལས་ཁུངས་ཁག་གི་རྩིས་ལོ་ ༢༠༠༠་་༢༠༠༡ ནས་ ༢༠༢༠་་༢༠༢༡ བར་གྱི་མ་དངུལ་གནས་བབ་སྙན་ཐོའི་ཐོག་བགྲོ་གླེང་དང་། དཔལ་འབྱོར་བཀའ་བློན་མཆོག་ནས་ལན་འདེབས་གསལ་བཤད་སོགས་གནང་ཡོད།

དེ་རིང་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་དུས་གཉིས་པའི་ལས་ཉིན་མཐའ་མར་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་དང་བདེ་སྲུང་ལས་ཁུངས་ཀྱི་ཕྱི་ལོ་ ༢༠༢༠་དང་ ༢༡ ལོའི་ལས་ཁུངས་མ་ལག་དང་བཅས་པའི་ལས་བསྡོམས་སྙན་སྒྲོན་དང་། དེའི་ཐོག་སྤྱི་འཐུས་རྣམ་པའི་བགྲོ་གླེང་བཅས་གནང་སྟེ་སྐབས་༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གཉིས་པ་མཇུག་སྒྲིལ་གནང་སོང་།དེའང་དེ་རིང་སྔ་དྲོ་ཆོ་འཕྲུལ་དུས་ཆེན་དང་བསྟུན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་སྔ་དྲོ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་སྐྱེས་རབས་དང་སེམས་བསྐྱེས་ཀྱི་བཀའ་ཆོས་བཀྲིན་བསྐྱངས་བ་ལྟར། བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དེ་བཞིན་བཀའ་ཆོས་ཡོངས་སུ་གྲུབ་པའི་རྗེས་སུ་ཚོུད་ ༡༡།༣༠ ཐོག་དབུ་འཛུགས་གནང་བ་དང་། ཚོགས་དུས་དབུ་འཛུགས་ཀྱི་ཐོག་མར་སྤྱི་འཐུས་ཚོགས་གཙོ་མཆོག་གིས་དེ་རིང་༸གོང་ས་མཆོག་གིས་ལོ་གཉིས་ཙམ་གྱི་རྗེས་མང་ཚོགས་ལ་དངོས་སུ་བཀའ་ཆོས་སྩལ་བའི་སྐལ་བཟང་གི་དུས་ཚིགས་དེའི་ཐོག ༸གོང་ས་མཆོག་གིས་བོད་ཀྱི་བདེན་དོན་འཐབ་རྩོད་ཐད་བོད་ཀྱི་ཆོས་དང་རིག་གཞུང་སྲོག་རྩ་ལྟ་བུ་ཡིན་པའི་བཀའ་སློབ་བསྐྱར་ནན་མཛད་པ་བཞིན། ང་ཚོའི་ངོས་ནས་ཀྱང་ནུས་པ་གང་ཡོད་ཀྱིས་ཧུར་ཐག་ཐོག་ནས་ལས་འགན་གཞི་རྒྱ་ཆེ་ཙམ་བཞེས་དགོས་པའི་ཞུ་སྐུལ་གནང་སོང་།དེ་རིང་གི་གྲོས་ཚོགས་ཚོགས་དུས་གཉིས་པའི་ལས་ཉིན་མཐའ་མའི་ཐོག་བོད་མིའི་སྒྲིག་འཛུགས་བདེ་སྲུང་ལས་ཁུངས་ཀྱི་ཕྱི་ལོ་ ༢༠༢༠་དང་ ༢༡ ལོའི་ལས་ཁུངས་མ་ལག་དང་བཅས་པའི་ལས་བསྡོམས་སྙན་སྒྲོན་དང་དེའི་ཐོག་བགྲོ་གླེང་ཞུས་ཡོད་པ་ལྟར། སྐབས་དེར་སྤྱི་འཐུས་རྣམས་ཀྱིས་གཙོ་བོ་བཙན་བྱོལ་བོད་མིའི་སྐྱབས་བཅོལ་ལག་དེབ་དང་ཕྱིར་སྐྱོད་ལག་དེབ་ཐོག་འཕྲད་པའི་དཀའ་ངལ་ཁག་ཅིག་དང་། ཨོ་གླིང་དུ་བོད་མི་གཞིས་སྤོར་གྱི་གནད་དོན། དམག་ཟུར་རྣམ་པའི་བདེ་དོན། ལྷག་པར་སྐུའི་སྲུང་ཕྱྭ་སོགས་གལ་ཆེའི་གནད་དོན་འདྲ་མིན་ཁག་གཅིག་གི་ཐོག་བཀའ་བློན་མཆོག་ལ་དྲི་རྩད་ནན་པོ་གནང་སོང་།གཞན་ཡང་ཕྱི་དྲོའི་ཚོགས་དུས་ཐོག་སྲིད་སྐྱོང་དང་འཕྲོད་བསྟེན་བཀའ་བློན་གཅིག་ལྕོག་སྤེན་པ་ཚེ་རིང་མཆོག་གིས་འཕྲོད་བསྟེན་ལས་ཁུངས་མ་ལགས་དང་བཅས་པའི་ཕྱི་ལོ་ ༢༠༢༠དང་༢༡ ལོའི་ལས་བསྡོམས་སྙན་སྒྲོན་དང་དེའི་ཐོག་བགྲོ་གླེང་གནང་ཡོད་པ་ལྟར། སྐབས་དེར་སྤྱི་འཐུས་མི་ཉུང་བ་ཞིག་གིས་བཀའ་བློན་མཆོག་ལ་ཏོག་དབྱིབས་ཀྱི་གནས་སྟངས་ཁྲོད་མང་ཚོགས་ལ་སྔོན་འགོག་སྨན་ཁབ་རྒྱག་ཕྱོགས་ཐད་བཀའ་ཤག་གི་ཕྱག་ལས་གནང་ཕྱོགས་ལ་དོགས་འདྲི་དང་། བོད་མིའི་ས་གནས་ཁག་ཏུ་སྨན་པ་འདང་ངེས་མེད་པའི་དཀའ་ངལ་དང་འབྲེལ་བའི་དྲི་བ་ཕུལ་མཁན་བྱུང་བ་མ་ཟད། སྐུའི་བླ་སྨན་པ་རྣམས་ལ་དམིགས་བསལ་ཆེ་མཐོང་དགོས་བའི་འབོད་སྐུལ་ཞུ་མཁན་ཡང་བྱུང་སོང་།དེ་དང་ཆབས་ཅིག    ཐེངས་འདིའི་སྤྱི་འཐུས་གྲོས་ཚོགས་ཀྱི་ཚོགས་དུས་གཉིས་བ་ཡོངས་སུ་མཇུག་སྒྲིལ་གནང་ཡོད་པ་དང་། དེ་རིང་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམ་བསྟན་འཕེལ་མཆོག་གིས་མཇུག་བསྡོམས་གསུང་བཤད་གནང་སྐབས། ཐེངས་འདིའི་ཚོགས་དུས་ཐོག་མྱ་ངན་གུས་འདུད་ཀྱི་གྲོས་ཆོད་ཁག་ཅིག་དང་ལྷན་དུ་གཙོ་བོ་བོད་ནང་གི་ཛ་དྲག་གི་གནས་སྟངས་ཐད་གདུང་སེམས་མཉམ་སྐྱེད་ཀྱི་གྲོས་ཆོད་ཅིག་སྤྱི་མོས་ཀྱིས་གཏན་འབེབས་གནང་ཡོད་པ་ལྟར། གཙོ་བོ་གྲོས་ཆོད་ཀྱི་དགོངས་དོན་གཞིན་རྒྱ་ནག་གི་འགོ་ཁྲིད་དང་ལྷན་གྲོས་མོལ་གྱི་སྒོ་ནས་བོད་ཀྱི་དཀའ་རྙོག་སེལ་ཐབས་དང་། ལྷག་པར་རྒྱ་ནག་གི་ཆབ་སྲིད་ཀྱི་གནས་སྟངས་ལ་འགྱུར་བ་འགྲོ་ཐུབ་པའི་གནས་བབ་ཅིག་བཟོ་ཐུབ་རྒྱུ་གལ་ཆེན་ཡིན་པ་བཅས་གྲོས་ཆོད་དེའི་གནད་འགག་སྐོར་ལ་འགྲེལ་བརྗོད་གནང་སོང་།ཕྱོགས་མཚུངས་ཐེངས་འདིའི་གྲོས་ཚོགས་ཀྱི་ཚོགས་དུས་དེ་བཀའ་ཤག་གོང་མའི་ལས་བསྡོམས་ལྟ་བུ་ཆགས་ཡོད་ཀྱང་། ལས་བསྡོམས་དེ་དག་བཀའ་ཤག་གསར་པར་ལས་དོན་རྒྱུན་འཁྱོངས་ཀྱི་གཞི་ལྟ་བུ་ཞིག་ཆགས་ཡོད་པའི་རེ་བ་དང་། བཀའ་ཤག་གོང་མའི་ཕྱག་ལས་རྣམས་གྲོས་ཚོགས་ཀྱི་དེབ་ཐེར་ནང་ལྷག་ཐུབ་པ་དང་མང་ཚོགས་ཀྱི་མཁྱེན་རྟོགས་ཐུབ་པའི་གནས་སྟངས་ཆགས་ཡོད་པའི་འགྲེལ་བརྗོད་གནང་སོང་། རྩ་བའི་ཐེངས་འདིའི་གྲོས་ཚོགས་ཐོག་དཔལ་འབྱོར་ལས་ཁུངས་ཀྱི་ལས་བསྡོམས་དང་འབྲེལ་སྲིད་སྐྱོང་མཆོག་གིས་གངས་ལྗོངས་དཔལ་འབྱོར་ཞབས་ཞུ་ཁང་གི་གནས་སྟངས་ཐད་གྲོས་ཚོགས་ནས་ཚོགས་ཆུང་ཞིག་ཆེད་འཛུགས་ཀྱིས་ཞིབ་འཇུག་མཐིལ་ཕྱིན་པ་གནང་དགོས་པའི་ལམ་སྟོན་དང་།གཞན་ཡང་ཁྲིམས་ཞིབ་པ་ཆེ་བའི་འོས་མི་འདེམས་སྒྲུག་ཚོགས་ཆུང་གིས་དངོས་དང་དྲ་ཐོག་བཅས་སུ་གོ་བསྡུར་དང་། ཁྲིམས་ཞིབ་པ་ཆེ་བའི་འོས་མིའི་ཆེད་ཐབས་ཤེས་ཡོད་རྒུ་ཞུས་ཀྱང་། བཅའ་ཁྲིམས་དོན་ཚན་ ༦༣ པའི་ནང་གསེས་དོན་ཚན་ ༡ དང་ ༢ པ་གཉིས་སུ་གསལ་བའི་འོས་ཆོས་ཡོངས་སུ་ཚང་བའི་འོས་མིའི་མཚན་གཞུང་ཞིག་འབུལ་ཐུབ་མ་སོང་ཞེས་གསུངས་བའི་ཡིག་ཆུང་ཞིག་འཆར་འབུལ་ཞུས་པ་བྱུང་ཡོད་པ་ལྟར།དེ་རིང་ཚོགས་གཙོ་མཆོག་གིས་གསུང་བཤད་ཁྲོད་རྒྱུན་ལས་དང་གོ་བསྡུར་སྒོ་ནས་བདུན་ཕྲག་རྗེས་མའི་ནང་འཚོགས་རྒྱུའི་སྔོན་རྩིས་གྲོས་ཚོགས་ཐོག་ལས་དོན་དེ་དག་ཐད་མཇུག་སྐྱོང་གང་གནང་མིན་བཀའ་བསྡུར་ཡོང་རྒྱུ་ཡིན་པར་གསུངས་ཡོད། སྤྱིར་ལས་རིམ་ལྟར་ན། བདུན་ཕྲག་རྗེས་མའི་རེས་གཟའ་ཟླ་བ་ནས་སྐབས་༡༧་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གསུམ་པ་སྟེ་སྔོན་རྩིས་གྲོས་ཚོགས་དབུ་འཛུགས་གནང་གི་ཡོད་པ་རེད།  

དེ་རིང་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༧ པའི་ལས་ཉིན་  ༥ པའི་ཚོགས་དུས་ ༢ པའི་ཐོག་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་ཁྱབ་ཁོངས་ཁག་གི་སྔོན་རྩིས་ཐོག་བགྲོ་གླེང་གནང་སྐབས་སྤྱི་འཐུས་ཁག་གཅིག་ནས་སྔ་ལོར་དབུ་འབྱེད་གནང་བའི་གངས་ལྗོངས་དཔལ་འབྱོར་ཞབས་ཞུ་ཁང་དེ་ད་ལྟའི་བཀའ་ཤག་སྐབས་དངུལ་ཁང་གི་ངོ་བོར་འགྱུར་ཐུབ་རྒྱུ་ཡིན་མིན་དང། མ་འོངས་པར་དངུལ་འཇོག་གི་ལམ་ཞིག་ཡོད་དམ། དེ་ལྟར་ཡོད་ཚེ་དེར་ཡིད་ཆེས་ཞུ་རུང་བ་ཞིག་ཡིན་མིན་སོགས་ཀྱི་དྲི་བ་ཁག་གཅིག་གནང་ཡོད།  སྐབས་དེར་དཔལ་འབྱོར་བཀའ་བློན་ཀརྨ་ཡེ་ཤེས་མཆོག་གིས་དཔལ་འབྱོར་ལས་ཁུངས་ཀྱི་ཁྱབ་ཁོངས་གངས་ལྗོངས་དཔལ་འབྱོར་ཞབས་ཞུ་ཁང་འདི་བོད་མིའི་སྒྲིག་འཛུགས་ཀྱི་ཁེ་ཡོད་ཚོགས་པའི་ངོ་བོར་དེབ་སྐྱེལ་ཞུས་ཐུབ་པ་ཆེས་ཐོག་མ་ཆགས་ཡོད་པ་དང་། སྔ་ལོའི་ལོ་མཇུག་ཏུ་རྒྱ་གར་དངུལ་ཁང་ཆེན་མོ་ནས་ལོ་གཉིས་ཀྱི་རིང་བུན་གཏོང་གྱི་བཀའ་འཁྲོལ་ཐོབ་དོན་ལྟར་ལོ་གཉིས་ཀྱི་རྗེས་སུ་དངུལ་འཇོག་ཆོག་པའི་བཀའ་འཁྲོལ་ཞུ་རྒྱུའི་ལམ་ཡོད་པ་དང་། བཀའ་ཤག་གི་ངོས་ནས་གངས་ལྗོངས་དཔལ་འབྱོར་ཞབས་ཞུ་ཁང་འདི་ལོ་གཉིས་ཀྱི་རྗེས་སུ་དངུལ་ཁང་ཚད་ལྡན་ཞིག་ཏུ་འགྱུར་ཐུབ་པའི་དམིགས་ཚད་ཡོད་པ་དང་། དེའི་ཐོག་ལ་མང་ཚོགས་ནས་རྒྱབ་སྐྱོར་གནང་དགོས་པའི་རེ་སྐུལ་གནང་སོང་།དཔལ་འབྱོར་ལས་ཁུངས་ཀྱི་ཁྱབ་ཁོངས་ཁག་གི་སྔོན་རྩིས་ཐོག་བགྲོ་གླེང་གནང་སྐབས་སྤྱི་འཐུས་ཤིག་ནས་བཙན་བྱོལ་སྒྲིག་འཛུགས་འདི་སྲ་བརྟན་གནས་པར་མིའི་ནུས་ཤུགས་དེ་གལ་ཆེན་པོ་ཆགས་ཀྱི་ཡོད་སྟབས། སྒྲིག་འཛུགས་ནས་ལས་བྱེད་དགོངས་ཞུས་གནང་བའི་བརྒྱ་ཆ་གང་འདྲ་ཆགས་ཀྱི་ཡོད་མེད་དང་། ལོ་རེ་ནས་སྲི་ཞུ་བ་རྣམས་ཀྱི་གསོལ་ཕོག་སྤར་ཆ་གནང་སྟངས་དེ་གང་འདྲ་ཆགས་ཀྱི་ཡོད་མེད། གཞུང་འབྲེལ་མིན་པའི་ཚོགས་ཁག་གི་ནང་དུ་ཕྱག་ལས་གནང་བཞིན་པའི་བོད་རིགས་ན་གཞོན་དེ་དག་གི་མི་ཚེ་ལ་སྒྲིག་འཛུགས་ནས་གཟིགས་རྟོག་གནང་ཐུབ་ཀྱི་ཡོད་མེད་སོགས་ཀྱི་ཐོག་ལ་བཀའ་འདྲི་ཞུས་པར་དཔལ་འབྱོར་བཀའ་བློན་མཆོག་གིས་སྲི་ཞུ་བ་མང་དག་ཅིག་སྒེར་དོན་རྐྱེན་པས་དགོངས་པ་ཞུ་བཞིན་པར་བཀའ་ཤག་ནས་ཐུགས་འཚབ་ཆེན་པོ་གནང་བཞིན་སྐོར་གསུངས་པ་དང་། མུ་མཐུད་ཕྱག་ལས་གནང་བཞིན་པ་ལྟར་བཀའ་དྲིན་ཆེན་པོ་ཡིན་པ་དུས་རྟག་ཏུ་ཚོར་བཞིན་ཡོད་ཅེས་གསུངས་པ་དང་ཆབས་ཅིག སྲི་ཞུ་བ་རྣམས་སྒྲིག་འཛུགས་ནང་རྒྱུན་རིང་པོར་གནས་དགོས་གལ་ཡིན་པ་གསུངས་སོང་།ཁོང་གིས་ལས་བྱེད་ཚོའི་གསོལ་ཕོག་དེ་སྒྲིག་འཛུགས་གཞན་དང་བཙན་བྱོལ་བའི་གནས་བབས་ལ་གཞིགས་ཏེ་ཡག་ཐག་ཆོད་ཡོད་ཅེས་གསུངས་ཡོད་པ་དང་། གཞུང་འབྲེལ་མིན་པའི་ཚོགས་སྡེ་ཁག་ལ་ལས་འཆར་རོགས་དངུལ་རྩ་བ་ནས་ཕུལ་ཐུབ་ཀྱི་མེད་ནའང་རིག་གཞུང་དང་ཤེས་ཡོན་སོགས་སྡེ་ཁག་ཁ་ཤས་ཤིག་ལ་དེ་སྔ་ནས་འབུལ་བཞིན་ཡོད་པ་ལྟར་མ་འོངས་པར་དབུལ་རྒྱུ་ཡིན་ཞེས་གསུངས་ཡོད།སྤྱི་འཐུས་ཁག་གཅིག་ནས་བཀའ་ཤག་གི་དམིགས་བསལ་ལས་བྱེད་ ༡༨ བསྐོ་གཞག་གནང་ཆོག་པའི་ཁོངས་སུ་གནས་སྤར་གྱི་གནད་དོན་དང་འབྲེལ་ནས་དེ་ཁྲིམས་མཐུན་ཆགས་ཀྱི་ཡོད་མེད་ཐོག་ལ་དོགས་འདྲི་དང་དམིགས་བསལ་ ༡༨ བསྐོ་གཞག་གི་ཁོངས་སུ་ས་གནས་འགོ་འཛིན་ཁག་གཅིག་ཡོད་པ་དབང་ལྡན་འགན་འཛིན་ཆགས་ཀྱི་ཡོད་མེད། དེ་བཞིན་བཀའ་ཤག་གིས་སོ་སོའི་ཁྱབ་ཁོངས་ཀྱི་བུད་མེད་རྣམས་ཆེད་བསྐོང་གིས་བུད་མེད་ཀྱི་ཉིན་མོ་ཞེས་སྲུང་བརྩི་ཞུ་བཞིན་པ་དེ་གནས་སྟངས་གང་འདྲ་ཞིག་ཆགས་ཀྱི་ཡོད་མེད་སོགས་ཀྱི་དྲི་བ་ཁག་གནང་ཡོད་པ་རེད།

བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གིས་ཁ་སང་བདམས་ཐོན་བྱུང་བའི་བཀའ་བློན་སྟོབས་རྒྱལ་ཚེ་རིང་ལགས་སུ་བཙན་བྱོལ་བོད་མིའི་བཅའ་ཁྲིམས་ནང་གསལ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་གནང་ཕྱོགས་ཀྱི་སྒྲིག་གཞི་དོན་ཚན་ ༨༦ པའི་ནང་གསལ་ལྟར་ངོ་ཡོད་སྤྱི་འཐུས་ཀྱི་བརྒྱ་ཆ་ ༥༠ ལོན་ཡོད་མེད་ཀྱི་འདྲི་རྩད་གནང་འདུགཁ་སང་སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་དུས་བདུན་པའི་ལས་ཉིན་བཞི་པའི་ཐོག་བཀའ་བློན་འོས་འདེམས་གནང་སྐབས་བཀའ་བློན་འོས་མི་སྟོབས་རྒྱལ་ཚེ་རིང་ལགས་སུ་འོས་གྲངས་ ༢༡ ཐོབ་པའི་ཐོག་ནས་མང་མོས་ཀྱིས་བཀའ་བློན་དུ་བདམས་ཐོན་གནང་ཡོད་ཀྱང་། བཅའ་ཁྲིམས་དགོངས་དོན་ལྟར་ཁོང་ལ་ངོ་ཡོད་སྤྱི་འཐུས་ ༤༣ ལས་བརྒྱ་ཆ་ ༥༠ འི་རྒྱབ་སྐྱོར་ཐོབ་ཡོད་མེད་ཐོག་ལ་གླེང་གཞི་ཞིག་བྱུང་བ་མ་ཟད། ཆེས་མཐོའི་ཁྲིམས་ཞིབ་ཁང་ནས་ཁ་སང་ཕྱི་དྲོ་བོད་མི་མང་སྤྱི་འཐུས་ལྷན་མཚོགས་ཀྱི་ཚོགས་གཙོ་སྦྲེལ་པོའི་མཚན་ཐོག་ཏུ་དེ་འབྲེལ་བཀའ་རྩད་ཅིག་ཀྱང་ཕེབས་འདུགཆེས་མཐོའི་ཁྲིམས་ཞིབ་ཁང་གི་བཀའ་རྩད་དེ་དང་འབྲེལ་དེ་རིང་གྲོས་ཚོགས་ལས་ཉིན་ལྔ་པའི་སྔ་དྲོའི་གསོལ་ཇའི་བར་གསེང་དང་བསྟུན་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་མཆོག་ལ་བཅར་འདྲི་ཞུས་པར་ཚོགས་གཙོ་མཆོག་ནས་སྤྱི་འཐུས་ལྷན་ཚོགས་དང༌། དེའི་རྒྱུན་ལས་གཉིས་ཀར་སྤྱི་འཐུས་རྩ་འབོར་གྱི་གསུམ་ཆ་གཉིས་འཛོམས་ན་ཚོགས་གཙོ་ཚོགས་གཞོན་འོས་བསྡུ་བྱ་རྒྱུའི་མཚོན་རང་རང་གི་ལས་དོན་བྱེད་པའི་དབང་ཆ་ཡོད། འོན་ཀྱང་སྤྱི་འཐུས་རྩ་འབོར་དང་ངོ་ཡོད་ཆ་བགོས་རྩིས་སྐོར་སྐབས་འཕྲོས་ལྷག་སྐར་ཆ་བརྩི་མ་དགོས་ཞེས་བཙན་བྱོལ་བོད་མིའི་བཅའ་ཁྲིམས་ཀྱི་དོན་ཚན་ ༤༩ པ་ལུང་འདྲེན་དང་སྦྲགས། ཁ་སང་བདམས་ཐོན་བྱུང་བའི་བཀའ་བློན་དེར་ངོ་ཡོད་སྤྱི་འཐུས་ ༤༣ ཡོད་པ་ནས་བརྒྱ་ཆ་ལྔ་བཅུ་དེ་ ༢༡ དང་སྐར་ཆ་ ༥༠ ཆགས་ཀྱི་ཡོད་ཀྱང་། སྐར་ཆ་བརྩི་དགོས་ཀྱི་མེད་སྟབས་བཀའ་བློན་ལ་འོས་བདམས་ཐོན་བྱུང་བར་ངོས་འཛིན་བྱས་པ་ཡིན་ཞེས་ལན་གནང་ཡོད་པ་གསུངས་སོང་། དེ་བཞིན་སྐབས་དེར་བཅར་བའི་གསར་འགོད་པ་ཁག་གཅིག་ནས་གསལ་བཤད་དེར་ཆེས་མཐོའི་ཁྲིམས་ཞིབ་ཁང་ནས་ངོས་བཞེས་མ་གནང་ཚེ་གང་གནང་གི་རེད་དམ་སོགས་བཀའ་འདྲི་ཁག་ཞུས་པར་ཚོགས་གཙོ་མཆོག་གིས་གྲོས་ཚོགས་ནས་འོས་འཕང་སྟངས་འགྲིག་དང་མ་འགྲིག བཀའ་མོལ་གནང་སྟངས་འགྲིག་དང་མ་འགྲིག ཁྲིམས་ཞིབ་ཁང་གང་གི་ཁྱབ་ཁོངས་ལ་མེད་པ་སོགས་བཙན་བྱོལ་བོད་མིའི་བཅའ་ཁྲིམས་ལུང་འདྲེན་གནང་བ་དང་འབྲེལ། ཆེས་མཐོའི་ཁྲིམས་ཞིབ་ཁང་ནས་ངོས་བཞེས་མ་གནང་ཚེ་བཅའ་ཁྲིམས་ཀྱི་ཁྱབ་ཚད་ཡོད་པ་དེར་དགོངས་པ་བཞེས་དགོས་རྒྱུ་གལ་ཆེན་པོ་ཡིན་པ་དང་། གྲོས་ཚོགས་ཀྱི་ངོས་ནས་བདམས་ཐོན་བྱུང་བར་ངོས་འཛིན་བྱས་ཡོད་ཅེས་གསུངས་སོང་། གཞི་རྩའི་བཙན་བྱོལ་བོད་མིའི་བཅའ་ཁྲིམས་དོན་ཚན་ཞེ་དྲུག་པ། སྤྱི་འཐུས་ཀྱི་དམིགས་བསལ་ཐོབ་ཐང་གི་ནང་གསེས་དང་པོར་སྤྱི་འཐུས་སུ་རུང་ནས་སྤྱི་འཐུས་ལྷན་ཚོགས་སམ། དེའི་ཚོགས་ཆུང་གང་རུང་ནང་གྲོས་མོལ་གླེང་ཕྱོགས་དང༌། འོས་བསྡུ་བྱེད་སྟངས་འགྲིག་མིན་གྱི་སྐོར་ལ་སུས་ཀྱང་ཁྲིམས་ཞིབ་ཁང་དུ་ཞུ་གཏུགས་མི་ཆོག་ཞེས་དང་། དོན་ཚན་ང་བརྒྱད་པ། སྤྱི་འཐུས་ལྷན་ཚོགས་ཀྱི་ལས་དོན་ལ་ཁྲིམས་ཞིབ་རྩད་གཅོད་མི་ཆོག་པ་ཞེས་པ་ཞེས་པའི་ནང་ལ། སྤྱི་འཐུས་ལྷན་ཚོགས་ཀྱི་ལས་དོན་གང་ཞིག་ཚད་ལྡན་ཡིན་མིན་དང་ཐག་གཅོད་བྱེད་ཕྱོགས་ལྷན་ཚོགས་ཀྱི་སྒྲིག་གཞི་དང་མཐུན་མིན་ལ་བསྙད་དེ་ཁྲིམས་ཞིབ་ཁང་ནས་རྩད་གཅོད་མི་ཆོག དེ་བཞིན་ལྷན་ཚོགས་ཀྱི་འགྲོ་ལུགས་དང༌། སྒྲིག་གཞི་བཟོ་འགོད་བཅས་ཀྱི་ཆེད་བཅའ་ཁྲིམས་འདི་ཐོག་ནས་སྤྲད་པའི་དབང་ཚད་ལག་བསྟར་བྱེད་ཕྱོགས་ལ་སྤྱི་འཐུས་ལྷན་ཚོགས་ཀྱི་ཚོགས་མི་སུ་ཡང་ཁྲིམས་ཞིབ་ཁང་གང་གིའང་ཁྱབ་ཁོངས་སུ་མེད་ཅེས་འཁོད་ཡོད། དེ་རིང་ཚོགས་གཙོ་མཆོག་ལ་བཅར་འདྲི་ཞུས་ཟིན་མ་ཐག་ཆེས་མཐོའི་ཁྲིམས་ཞིབ་ཁང་ལ་གནད་དོན་འདི་དང་འབྲེལ་བཅར་འདྲི་ཞུ་ཕྱིར་བཅར་ཡོད་ཀྱང་དེའི་ཐོག་ལ་གང་ཡང་གསུང་རྒྱུ་མེད་ཅེས་གསུངས་སོང་། ད་ལྟའི་ཆར་བདམས་ཐོན་བཀའ་བློན་སྟོབས་རྒྱས་ཚེ་རིང་ལགས་ནས་ཆེས་མཐོའི་ཁྲིམས་ཞིབ་པའི་དྲུང་ནས་ལས་ཁུར་དང་གསང་རྒྱའི་དམ་འབུལ་ཞུ་རྒྱུ་ལྷག་ཡོད་པ་རེད།

བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་པདྨ་དབྱངས་ཅན་མཆོག་གིས་དེ་རིང་གྲོས་ཚོགས་ནང་ཤེས་རིག་གི་ལས་དོན་དང་འབྲེལ་བའི་དོགས་དྲི་ཁག་ལ་ལན་འདེབས་གསལ་བཤད་གནང་སོང་བ་དང།  དེ་ཡང་ཁོང་གིས་འདི་ལོའི་ཕྱི་ཟླ་ ༤ ཚེས་ ༣ ཉིན་བཀའ་བློན་གྱི་ལས་འཁུར་དམ་འབུལ་ཞུས་པའི་རྗེས་ད་ལན་གྲོས་ཚོགས་སུ་ཤེས་རིག་ལས་ཁུངས་ཀྱི་ལོ་འཁོར་ལས་བསྡོམས་འགོད་འབུལ་ཞུས་པ་ཐེངས་དང་པོ་དེ་ཆགས་ཀྱི་ཡོད་པ་རེད། སྐབས་དེར་སྤྱི་འཐུས་གཅིག་གིས་དུས་དང་མཚམས་པའི་འགྱུར་གྲོས་དགོས་གལ་སྐོར་དང་འབྲེལ་ནས་ད་ཆ་བོད་པའི་སློབ་གྲྭ་ཁག་གི་འགོ་འཛིན་འདེམས་སྒྲུག་བྱེད་ཕྱོགས་དེ་རྒྱ་གར་གྱི་ཚད་མཐོའི་སློབ་གྲྭ་ཁག་གི་འགོ་འཛིན་འདེམས་ཕྱོགས་དེ་དག་ལས་དམིགས་དཔེ་བླངས་བའི་ཐོག་ནས་ལག་བསྟར་ཐུབ་པའི་ཁོར་ཡུག་ཞིག་བསྐྲུན་དགོས་པའི་དགོངས་འཆར་ཕེབས་ཡོད་སྟབས། ཤེས་རིག་བཀའ་བློན་མཆོག་གིས་དེའི་ཐོག་དགོངས་བཞེས་གནང་ཐོག་དམིགས་བསལ་ཆ་རྐྱེན་ཞིག་བསྐྲུན་པའི་བརྒྱུད་སློབ་གྲྭ་ཁག་གི་འགོ་འཛིན་འདེམས་སྒྲུག་བྱ་རྒྱུ་ཡིན་པའི་ལན་འདེབས་གནང་སོང་། ལྷག་པར་དུ་དེ་རིང་སྔ་དྲོ་མཐོ་སློབ་སློབ་ཡོན་དང་འབྲེལ་ནས་བོད་མིའི་སྒྲིག་འཛུགས་ཤེས་རིག་ལས་ཁུངས་བརྒྱུད་སློབ་ཡོན་ཐོབ་ནས་ཕྱི་རྒྱལ་དུ་སློབ་སྦྱོང་གནང་བར་ཕེབས་པའི་ཁྲོད་ནས་ད་ཆ་བོད་ཕྲུག་སློབ་མ་ག་ཚོད་ཕྱིར་ལོག་གནང་མིན་ཐོག་དྲི་བ་ཕེབས་པ་མ་ཟད།  ཤེས་རིག་ལས་ཁུངས་ནས་བོད་སློབ་ཁག་ཏུ་རིག་ལམ་བརྒྱུད་ཚན་རིག་སློབ་ཚན་ཁྲིད་ཐབས་ཀྱི་ལག་དེབ་ངོ་སྤྲོད་དང་ཟབ་སྦྱོང་ཕུལ་བཞིན་པ་དེ་དག་གིས་དོན་དངོས་སློབ་ཕྲུག་རྣམ་པར་དགེ་མཚན་བྱུང་གི་ཡོད་མེད་སྐོར་དྲི་བ་ཕུལ་སྐབས།  བཀའ་བློན་མཆོག་ནས་ལས་གཞི་དེ་ཕན་ཐོག་ཆེན་པོ་བྱུང་བཞིན་པ་དང་། མ་འོངས་པར་ཨང་རྩིས་སློབ་ཚན་ཡང་རིག་ལམ་བརྒྱུད་སློབ་ཁྲིད་གནང་ཐབས་བྱ་རྒྱུར་འབད་རྩོན་ཞུ་རྒྱུ་ཡིན་སྐོར་གསུངས་སོང་། གཞན་ཡང་དེ་རིང་གི་གྲོས་ཚོགས་ལས་རིམ་དེའི་ཐོག་ཤེས་རིག་ལས་ཁུངས་ཀྱི་བོད་པའི་སློབ་གྲྭ་ཁག་ཏུ་སྤེལ་བཞིན་པའི་ཆོས་ལུགས་ལ་མ་བརྟེན་པའི་བཟང་སྤྱོད་དམ་ཚུལ་སྤྱོད་ཤེས་ཡོན་སློབ་གསོའི་ལས་འཆར་དང་འབྲེལ།  ཆོས་ལུགས་ཀྱི་སྤྱི་འཐུས་ཁག་ཅིག་གིས་ལས་གཞི་དེ་བོད་མིའི་སྤྱི་ཚོགས་ཁྲོད་དུ་དགོས་གལ་མེད་པར་གཟིགས་ཀྱི་ཡོད་པའི་དགོངས་འཆར་ཕུལ་མཁན་བྱུང་སོང་བ་མ་ཟད། རེ་བཟུང་གིས་དེའི་ཐ་སྙད་དང་འབྲེལ་བའི་ཐོག་དོགས་དྲི་ཁག་གཅིག་ཕེབས་པ་དེ་ལྟར་ཡང་ཤེས་རིག་བཀའ་བློན་མཆོག་གིས་དེའི་ཐོག་ལན་འདེབས་ཞིབ་ཕྲ་གང་ཡང་གནང་མ་སོང་། གཞི་རྩའི་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཁྱབ་ཁོངས་རྒྱ་གར་དང་བལ་ཡུལ་གཉིས་ནང་གཏན་ཉིན་སློབ་གྲྭ་ཆེ་འབྲིང་ཆུང་གསུམ་བསྡོམས་ ༦༤ ཡོད་པ་དང་འདས་པའི་ལོ་དེའི་ནང་སློབ་ཕྲུག་ཕོ་མོ་གྲངས་ ༡༧༤༨༦ དང་དགེ་རྒན་ལས་བྱེད་ ༡༩༢༢ བཅས་ཡོད་པ་རེད། བཀའ་བློན་མཆོག་གིས་ཤེས་རིག་ལས་ཁུངས་ཀྱིས་ཕྱི་ལོ་ ༢༠༡༣ ལོར་དབུས་བོད་སློབ་འཛིན་ཚོགས་ཀྱི་སློབ་གྲྭ་ཁག་རྩིས་ལེན་གནང་འགོ་འཛུགས་ནས་འདི་ལོའི་ཕྱི་ཟླ་ ༤ པའི་བར་ཁྱོན་སློབ་ཁག་ ༡༤ རྩིས་བླངས་ཟིན་པ་དང་ལྷག་འཕྲོས་སློབ་ཁག ༦ རྣམས་གང་མགྱོགས་རྩིས་ལེན་ཐུབ་ཐབས་སུ་རྒྱ་གར་དབུས་ཤེས་རིག་ལས་ཁུངས་དང་བཀའ་བསྡུར་ཞུས་མུས་ཡིན་སྐོར་གསུངས་ཡོད་པ་རེད། དེ་རིང་ཤེས་རིག་ལས་ཁུངས་ཀྱི་ལས་བསྡོམས་ཐོག་གཞན་ཡང་སློབ་མའི་ཤེས་ཚད་ཡར་རྒྱས་ཇེ་མཐོར་གཏང་སྟངས་དང་དགེ་རྒན་གྱི་མཐུན་རྐྱེན་སྦྱོར་ཕྱོགས་དང་གསོལ་ཕོགས་སོགས་ཐོབ་ཐང་ཇེ་བཟང་དུ་གཏོང་རྒྱུའི་སྐོར། དེ་བཞིན་མདུན་ལམ་སློབ་སྟོན་དང་འབྲེལ་བའི་རྒྱུས་སྟོན་ཟབ་སྦྱོང་ཁག་དང་ཕྱི་རྒྱལ་དུ་གཟའ་མཇུག་སློབ་གྲྭའི་གལ་གནད་སོགས་ཤེས་ཡོན་སྤྱིའི་སྐོར་ལ་བཀའ་མོལ་ལྷུག་པོ་བྱུང་སོང་།