Jai Ram Thakur

ཉེ་ལམ་རྒྱ་གར་གྱི་ཁྲལ་བསྡུ་ལས་ཁུངས་ཀྱིས་རྒྱ་གར་གྱི་ནང་དུ་དངུལ་ཚོང་གཉེར་ཞོར་དུ་༸གོང་ས་མཆོག་གི་མཛད་འཕྲིན་དང་འབྲེལ་བའི་གསང་གནས་འཚོལ་བསྡུ་བྱེད་མཁན་རྒྱ་ནག་གི་གསང་མྱུལ་བ་ཅིག་འཛིན་བཟུང་བྱས་པ་དང་འབྲེལ། ༸རྒྱལ་བའི་༸སྐུ་ཕྱྭའི་གནད་དོན་སྐོར་ལ་བློ་འཚབ་ཆེན་པོ་གནང་བཞིན་པའི་ཁྲོད་འདིར་ཧི་མཱ་ཅལ་མངའ་སྡེ་བློན་ཆེན་སྐུ་ཞབས་ཇེརཱམ་ཋཱཀུར་མཆོག་གིས་གསར་ལམ་ཁག་ཏུ་༸གོང་ས་མཆོག་གི་༸སྐུ་ཕྱྭའི་གནད་དོན་ལ་སྔོན་ནས་ལྟ་སྲུང་ནན་པོ་གནང་གི་ཡོད་པ་མ་ཟད་ད་དུང་ལྟ་སྲུང་གི་གཞོགས་འདེགས་རྒྱ་བསྐྱེད་གང་ཐུབ་གནང་རྒྱུ་ཡིན་པར་གསུངས་འདུག