Uncategorized
སླར་ཡང་ལ་དྭགས་བསོད་ནམས་གླིང་གཞིས་ཆགས་སུ་ཏོག་དབྱིབས་ནད་རྟགས་ཡོད་པའི་མི་དྲུག་ཐོན་འདུག
བདུན་ཕྲག་འདིའི་འགོ་སྟོད་དུ་ལ་དྭགས་བསོད་ནམས་གླིང་གཞིས་ཁོངས་སུ་ཏོག་དབྱིབས་ནད་རྟགས་ཐོན་པའི་མི་གསུམ་བྱུང་ཡང་གཞིས་མི་རང་ལོ་ ༦༨ ལ་སོན་པའི་སྐྱེས་པ་གཅིག་དང་། ལ་དྭགས་བོད་ཕྲུག་ཁྱིམ་སྡེའི་ཁྱབ་ཁོངས་དམིགས་བསལ་སློབ་གྲྭའི་ནང་དུ་ཡོད་པའི་རང་ལོ་བཅུ་ཅན་གྱི་ཡུལ་མིའི་སློབ་ཕྲུག་བཅས་ལ་ཁ་སང་སླར་ཡང་བརྟག་དཔྱད་གནང་སྐབས་ཏོག་དབྱིབས་ནད་རྟགས་མེད་པར་ར་སྤྲོད་བྱུང་ནས་རང་ཁྱིམ་དུ་ཕྱིར་སློག་གནང་འདུག་ནའང་། ཁ་སང་གི་བར་དུ་ལ་བྱང་གཉིས་ཀྱི་བསོད་ནམས་གླིང་གཞིས་མིའི་ཁོངས་ནས་སླར་ཡང་ཏོག་དབྱིབས་ནད་རྟགས་ཐོན་པ་མི་དྲུག་བྱུང་འདུག
དེ་ཡང་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་ནད་རྟགས་ཐོན་པའི་མི་དྲུག་པོ་ནི་ལ་དྭགས་གླེ་བསོད་ནམས་གླིང་གཞིས་གྲོང་གི་ཁྱབ་ཁོངས་ནས་མི་ལྔ་དང་བྱང་ཐང་གི་ས་ཁག་གཅིག་ནས་མི་གཅིག་བཅས་ཡིན་འདུག་པ་མ་ཟད། ཁོང་རྣམ་པ་ཉེ་ལམ་རྒྱ་གར་གྱི་མངའ་སྡེ་གཞན་ནས་འབྱོར་བ་ཞིག་ཡིན་འདུག་ལ་ནད་རྟགས་མ་ཐོན་གྱི་བར་དུ་རང་ཁྱིམ་དུ་ཟུར་འཇོག་གནང་འདུག་པ་དང་། ཁ་སང་ནད་རྟགས་ཐོན་ནས་མི་གཉིས་ས་གནས་གཞུང་གི་འགོག་དབྱེ་ཟུར་འཇོག་ཁང་སྟེ། Sindhu Hotel ནང་ཟུར་འཇོག་དང་ནད་རྟངགས་ཐོན་པའི་བོད་རིགས་གཞན་རྣམས་རང་ཁྱིམ་དུ་ཟུར་འཇོག་དང་སྨན་བཅོས་གནང་མུས་ཡིན་པ་རེད་འདུག
རྩ་བའི་ཁ་སང་ལ་དྭགས་ཡོངས་ཀྱི་ནང་དུ་ཏོག་དབྱིབས་ནད་རྟགས་ཐོན་པའི་མི་ ༡༠༤ གསར་དུ་བྱུང་ནས་ལ་དྭགས་ཀྱི་ས་གནས་དེ་བཞིན་དམར་རྟགས་ཅན་གྱི་ས་གནས་སུ་གྱུར་འདུག་པ་མ་ཟད། སང་ཉིན་ནས་ཕྱི་ལ་འགྲུལ་བསྐྱོད་བྱ་རྒྱུ་གཙོས་རླངས་འཁོར་འགྲུལ་བསྐྱོད་ལ་བཀག་སྡོམ་ནན་པོ་གནང་རྒྱུ་ཡིན་འདུག་པ་མ་ཟད། ཟ་ཁང་དང་ཚོང་ཁང་སོགས་ཀྱང་དོ་དམ་ནན་པོ་གནང་རྒྱུ་ཡིན་འདུག
འདི་ག་རླུང་འཕྲིན་ཁང་ནས་གནད་དོན་འདི་དང་འབྲེལ་ནས་ལ་དྭགས་བསོད་ནམས་གླིང་བོད་མིའི་གཞིས་ཆགས་ཀྱི་ས་གནས་འགོ་འཛིན་ལ་སྤྱི་ཚེ་བརྟན་དབང་ཕྱུག་ལགས་སུ་ཞལ་པར་བརྒྱུད་བཀའ་འདྲི་ཞུས་ཡོད།
རྩ་བའི་བདུན་ཕྲག་འདིའི་རེས་གཟའ་ཕུར་བུའི་ཉིན་བོད་མིའི་སྒྲིག་འཛུགས་ཀྱི་ཝུ་ཧན་ COVID19 ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༡༡ པའི་ནང་དུ་གསོ་རིག་སྨན་པ་མཚམས་གཅོད་ལགས་ཀྱིས་བདུན་ཕྲག་སྔོན་མའི་ནང་བོད་རིགས་ལྔ་ལ་ཏོག་དབྱིབས་ནད་རྟགས་ཐོན་ཡོད་པ་གསལ་བསྒྲགས་གནང་ཡོད་ཀྱང། ལ་དྭགས་བསོད་ནམས་གླིང་ནས་ཏོག་དབྱིབས་ནད་རྟགས་ཐོན་པའི་བོད་མི་གཅིག་ལ་ནད་རྟགས་མེད་པའི་ར་སྤྲོད་བྱུང་ནས་རང་ཁྱིམ་དུ་ཕྱིར་སློག་གནང་ཡོད་པ་མ་ཟད། ཁོང་དང་ལྷན་དུ་ནད་རྟགས་ཐོན་པའི་སློབ་གྲྭའི་མ་བྱན་དང་བྱང་ཐང་ས་སྨད་ནས་ཡིན་པའི་སློབ་ཕྲུག་བཅས་ཀྱི་ནད་རྟགས་ཁ་སང་སླར་ཡང་བརྟག་དཔྱད་གནང་ཡང་སྐབས་དེར་རྟགས་དཔྱད་བྱ་རྒྱུའི་འཕྲུལ་ཆས་འཕྲོ་བརླག་སོང་བས་ནད་རྟགས་གྲུབ་འབྲས་ལག་སོན་བྱུང་མེད་སྟབས། དེ་རིང་དགོང་མོའི་བར་དུ་གྲུབ་འབྲས་ཐོན་རྒྱུའི་རེ་བ་གནང་བཞིན་འདུག
དེ་བཞིན་བོད་མིའི་སྒྲིག་འཛུགས་ཀྱི་གསར་འགོད་གསལ་བསྒྲགས་ནས་བཙན་བྱོལ་བོད་མི་གནས་སྡོད་བྱེད་ས་བལ་ཡུལ་དང་འབྲུག་ཡུལ་ནས་ནད་རྟགས་ཐོན་པའི་གནད་དོན་བྱུང་མེད་པ་མ་ཟད། ཕྱི་རྒྱ་ཡུལ་གྲུ་ཁག་ཏུའང་སྐུ་ཚབ་དོན་གཅོད་བརྒྱུད་དེ་བདུན་ཕྲག་སྔོན་མའི་ནང་ནད་་རྟགས་ཐོན་པའི་བོད་རིགས་ཤིག་བྱུང་མེད་སྐོར་གསུངས་ཡོད།
ལ་དྭགས་དྷརྨ་ས་ལའི་བོད་པའི་ཁྲོམ་ར་ཟླ་བ་གཉིས་ལྷག་གི་རྗེས་སླར་ཡང་སྒོ་ཕྱེས་འདུག
ས་གནས་ཀྱི་རྒྱ་གར་བ་ཚོས་ Monastery Market ཟེར་བའི་རྒྱ་གར་རྒྱལ་ས་ལྡི་ལིའི་ལ་དྭགས་དྷརྨ་ས་ལ་ཁུལ་དུ་ཡོད་པའི་བོད་པའི་ཁྲོམ་ར་ཆེ་ཤོས་དེ་ཁ་སང་ནས་སྒོ་ཕྱེ་ཡོད་པ་རེད། ཁྲོམ་ར་དེའི་ནང་རྒྱ་གར་བ་འགའ་ཤས་ཤིག་མ་གཏོགས་དེ་མིན་ཚང་མ་བོད་རིགས་ཤ་སྟག་ཡིན་པ་དང་། བོད་མི་ཚོས་ཁྲོམ་ར་དེར་བུ་དྷ་བི་ཧར་གྱི་ཁྲོམ་ར་ཞེས་བརྗོད་ཀྱི་ཡོད་པ་རེད། ཁྲོམ་ར་དེའི་ནང་ཁྱོན་ཚོང་ཁང་ ༣༠༠ ཙམ་ཞིག་ཡོད་པ་དང་ལྡི་ལི་བོད་སྒར་བསམ་ཡས་གླིང་དང་མི་འདྲ་བར་བུ་དྷ་བི་ཧར་གི་ཚོང་ཁང་དེ་དག་ནམ་དུས་ལ་གཞིགས་པའི་ས་གནས་ཀྱི་རྒྱ་གར་ཡུལ་མི་ཚོའི་དགོས་མཁོ་ལྟར་གྱོན་གོས་རིགས་འདྲ་མིན་ཚོང་གི་ཡོད་པ་རེད།
འོན་ཀྱང་ཁ་སྔོན་ཕྱི་ཟླ་ ༣ ཚེས་ ༡༩ ཉིན་ནས་རྒྱ་གར་ནང་རྒྱ་ནག་ནས་མཆེད་པའི་ཏོག་དབྱིབས་གཉེན་རིམས་དེ་ཁྱབ་བརྡལ་འགྲོ་བ་ནས་ཟུང་བུ་དྷ་བི་ཧར་གྱི་བོད་མིའི་ཁྲོམ་ར་དེ་ཡང་སྤྱི་མཚུངས་སུ་སྒོ་རྒྱག་དགོས་འཁེལ་ཡོད་པ་དང་། ས་གནས་ཀྱི་ཚོང་པ་ཚོས་བརྗོད་དོན་ལ་ཁ་སང་བར་ཟླ་བ་གཉིས་ལྷག་ཚོང་ཁང་སྒོ་རྒྱག་དགོས་འཁེལ་བས་ཚོང་པ་ཚོར་གྱོང་གུད་ཆེན་པོ་ཕོག་ཡོད་པ་དང་ད་ལྟའི་དུས་ཚོད་དེར་དགུན་ཚོང་ལྟ་བུའི་ཚོང་མེད་ཀྱང་རྒྱ་གར་གྱི་དུས་ཆེན་ཆེ་ཁག་སྐབས་ཚོང་ཡག་པོ་ཡོད་སྟབས་། ད་རེས་བཀའ་རྒྱ་བསྡམ་པའི་དུས་ཚོད་འདིར་ཁ་ཆེའི་ཨིད་དུས་ཆེན་འཁེལ་ཡོད་ཀྱང་སྔར་རྒྱུན་བཞིན་ཚོང་ཕོག་གི་མེད་པར་བརྟེན་ཚོང་པ་ཚོར་གོང་གུད་ཆེན་པོ་ཕོག་ཡོད་འདུག
གཞི་རྩའི་བུ་དྷ་བི་ཧར་ཁྲོམ་ར་ཚོགས་པའི་ངོས་ནས་ཚོང་པ་ཚོར་ཁ་སང་ནས་ཚོང་ཁང་སྒོ་ཕྱེ་ཆོག་པའི་གསལ་བསྒྲགས་གནང་ཡོད་ཀྱང་ཁ་སང་དངོས་སུ་ཚོང་ཁང་འགའ་ཤས་མ་གཏོགས་སྒོ་ཕྱེ་མི་འདུག ཁྲོམ་འདོན་ཚོགས་པའི་ངོས་ནས་རིམ་པས་ཉིན་རེ་བཞིན་ཚོང་ཁང་མང་བ་སྒོ་ཕྱེ་རྒྱུའི་རེ་བ་བྱེད་བཞིན་པ་མ་ཟད་རྒྱ་ནག་གི་ནད་ཡམས་སྔོན་འགོག་ཆེད་དུ་ཁྲོམ་རའི་རྒྱལ་སྒོ་ལ་ Sanitizing Tunnel དུག་སེལ་ཕུག་ལམ་ཞིག་ཆེད་འཛུགས་གནང་རྒྱུ་དང་། ལྷག་པར་སྔ་དགོང་སོ་སོར་ཚོང་ཁང་དང་ཁྲོམ་ར་ཆ་ཚང་དུག་སེལ་གནང་རྒྱུ་མ་ཟད། ཁང་སོ་སོར་དུག་སེལ་རྫས་ཆུ་དང་ལག་ཤུབས། ཁ་རས་སོགས་གཞི་རྩའི་བྱེད་སྒོ་ཁག་འཐུས་ཚང་གནང་དགོས་པའི་ལམ་སྟོན་གནང་ཡོད་པ་རེད།
ཧིན་སྒོར་འབུམ་མང་པོའི་གྱོང་གུད་ཕོག་ཡོད་ཀྱང་ཕན་ཚུན་གཅིག་ཕན་གཅིག་གྲོགས་ཀྱིས་ཆིག་སྒྲིལ་གྱི་ནུས་པ་འདོན་བཞིན་པ།
རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་བོད་སྒར་བསམ་ཡས་གླིང་ངམ་མན་ཇུ་ཀྲི་ལ་ནི་བཙན་བྱོལ་ནང་གི་བོད་མིའི་ཚོང་འབྲེལ་གྱི་ལྟེ་གནས་ཆེ་ཤོས་ཤིག་ཆགས་ཡོད་པ་དང་། མན་ཇུ་ཀྲི་ལའི་ནང་བོད་པའི་མགྲོན་ཁང་ ༨༠ ཙམ་དང་ཟ་ཁང་ ༩༠ ལྷག་ཡོད་པ་མ་ཟད། དེ་བཞིན་ཇ་ཁང་དང་ཚོང་ཁང་། འགྲིམ་འགྲུལ་ལས་ཁང་མང་དག་ཅིག་ཡོད་པ་བཅས་ཡོད་པ་རེད།མན་ཇུ་ཀྲི་ལའི་བོད་སྒར་དེ་ནི་འཛམ་གླིང་ཡུལ་གྲུ་འདྲ་མིན་ནས་བོད་མི་དང་ཧི་མཱ་ལ་ཡའི་རི་རྒྱུད་ཀྱི་མི་རིགས་བཅས་པ་ལྡི་ཁུལ་དུ་ཕར་འགྲོ་ཚུར་འོང་སྐབས་བཞུགས་གནས་དང་བཟའ་བཏུང་གནང་ས་བཅས་ཀྱི་ལྟེ་གནས་གཙོ་བོ་ཞིག་ཡིན་པར་མ་ཟད་ལྷག་པར་དུ་ཉེ་ཆར་ལྡི་ལི་གཙུག་ལག་སློབ་གཉེར་ཁང་ Delhi University ཡི་སློབ་ཕྲུག་ཚོའི་བཟའ་བཏུང་གནང་ས་ལྟེ་བ་ཞིག་ཀྱང་ཆགས་ཀྱི་ཡོད་པ་རེད། འོན་ཀྱང་རྒྱ་ནག་ནས་མཆེད་པའི་ཏོག་དབྱིབས་གཉན་རིམས་དེ་འཛམ་གླིང་གི་ས་ཕྱོགས་གང་སར་ཁྱབ་བརྡལ་བྱུང་རྗེས་རྒྱ་གར་རྒྱལ་ཡོངས་སུ་ཐེམ་སྤང་གི་བཀའ་རྒྱའི་འོག་གནས་ཡོད་པ་ལྟར། ཕྱི་ཟླ་ ༣ ཚེས་ ༡༩ རྗེས་ནས་ ད་བར་མན་ཇུ་ཀྲི་ལ་འདི་ཟླ་བ་གསུམ་ཙམ་གྱི་རིང་མི་མེད་ལུང་སྟོང་ལྟ་བུར་གྱུར་ཡོད་པའི་ཁར་ས་གནས་ཀྱི་ཚོང་པ་ཚོར་ཧིན་སྒོར་འབུམ་མང་པོའི་གྱོང་གུད་ཕོག་ཡོད་པ་རེད། ཚོང་པ་དེ་དག་ལ་དཔལ་འབྱོར་གྱི་གྱོང་གུད་ཆེན་པོ་ཕོག་ཡོད་པར་བལྟོས་མེད་སོ་སོའི་ལས་བྱེད་ཉམ་ཐག་ཚོར་ལྟ་སྐྱོང་གང་ཐུབ་ཐུབ་བྱེད་བཞིན་ཡོད་པ་མ་ཟད་ཚོང་པ་ཆུང་བ་ཚོར་ཆེ་བ་ཚོས་གང་ཐུབ་ཅི་ཐུབ་ཀྱིས་རོགས་སྐྱོར་གནང་སྟེ་ཕན་ཚུན་གཅིག་ཕན་གཅིག་གྲོགས་ཀྱིས་ཆིག་སྒྲིལ་གྱི་ནུས་པ་འདོན་བཞིན་འདུགརླུང་འཕྲིན་ཁང་གིས་བོད་སྒར་ནང་གི་ཚོང་ལས་སྡེ་ཚན་ཁ་ཤས་ཡོད་པའི་ནང་ནས་ཨ་མ་ཚོང་ལས་ཁང་གི་སྐལ་བཟང་རྣམ་རྒྱལ་ལགས་སུ་བཅའ་འདྲི་ཞུས་པར་ཁོང་གིས་རྩ་བའི་ཚོང་གི་ཐོག་ནས་དཔལ་འབྱོར་གྱི་གྱོང་གུད་ཆེན་པོ་ཕོག་ཡོད་ཀྱང་། དེ་ལས་གལ་ཆེ་བ་ནི་མིའི་ཚེ་སྲོག་ཆགས་ཀྱི་ཡོད་སྟབས་དང་པོ་སོ་སོའི་ལས་བྱེད་ཚོར་བདག་སྐྱོང་གང་ཐུབ་བྱ་རྒྱུ་དེ་གཙོ་ཆེར་ངོས་འཛིན་བཞིན་པ་དང་། དཔལ་འབྱོར་གྱི་གྱོང་གུད་དེ་རིམ་པས་བསྐྱར་གསོ་བྱ་རྒྱུ་ཡོད་སྐོར་འགྲེལ་བརྗོད་གནང་བ་དང་ཆབས་ཅིག་ཏུ་ད་ལྟའི་ཛ་དྲག་གི་གནས་སྟངས་འདིའའ་སྐབས་མན་ཇུ་ཀྲི་ལའི་བོད་མི་ཚོང་པ་ཕན་ཚུན་དབར་གཅིག་ཕན་གཅིག་གྲོགས་ཀྱིས་རོགས་རམ་གང་ཐུབ་གནང་མུས་ཡིན་སྐོར་སོགས་ངོ་སྤྲོད་གནང་སོང་།མན་ཇུ་ཀྲི་ལའི་ནང་ས་སྐྱ་ཆོས་སྒར་གྱི་ས་ཁང་འགའ་ཞིག་ཡོད་པ་ལས་ས་སྐྱ་མཐོ་རིམ་སློབ་གཉེར་མགྲོན་ཁང་གི་སྐུ་ཞབས་བཀྲིས་ཚེ་ཐར་ལགས་སུ་བཅའ་འདྲི་ཞུས་པར་ས་སྐྱའི་ཆོས་སྒར་གྱིས་དེའི་ཁྱབ་ཁོངས་སུ་གཏོགས་པའི་ཟ་ཁང་དང་ཚོང་ཁང་བོགས་མ་ལེན་མཁན་ཚོར་བཀག་རྒྱ་བསྡམས་པ་ནས་ད་བར་གྱི་ཁང་གླ་ཧིན་སྒོར་གཅིག་ཀྱང་བླང་རྒྱུ་མིན་པ་མ་ཟད། མགྲོན་ཁང་དེ་ཚོའི་ནང་ཐེམ་སྤང་བཀའ་རྒྱའི་འོག་དེ་མུར་ལུས་པའི་འགྲུལ་པ་ཚོའི་ལག་ནས་ཁང་གླ་ཆ་ལེན་གྱི་མེད་པ་དང་ལྷག་དོན་ཞལ་ལག་རྣམས་རིན་མེད་གནང་གི་ཡོད་པ་སོགས་འགྲེལ་བརྗོད་གནང་སོང་།གཞི་རྩའི་དེ་རིང་ཕྱི་ཟླ་ ༦ ཚེས་ ༡ ནས་རྒྱ་གར་རྒྱལ་ཡོངས་སུ་ཐེམ་སྤང་བཀའ་རྒྱའི་ཁྲིམས་སྒྲིག་ཁག་ཅུང་ལྷོད་དུ་གནང་རྒྱུར་ཐག་གཅོད་གནང་ཡོད་པ་མ་ཟད། རྒྱལ་ས་ལྡི་ལིར་ཆ་མཚོན་ན་ཕྱི་ཟླ་ ༥ ཚེས་ ༡༧ ཉིན་ཆ་རྐྱེན་ཁག་ཅིག་གི་འོག་ཚོང་ཁང་སྒོ་ཕྱེ་ཆོག་པའི་གུ་ཡངས་གནང་ཡོད་པ་དང་། དེ་རིང་ནས་ཟ་ཁང་དང་མགྲོན་ཁང་སོགས་ཀྱང་ཉེན་གཡོལ་གྱི་སྒྲིག་ཁྲིམས་འོག་ནས་སྒོ་ཕྱེ་ཆོག་གི་ཡོད་ཀྱང་མན་ཇུ་ཏི་ལའི་ཟ་ཁང་དང་མགྲོན་ཁང་སོགས་ད་དུང་ཡང་སྒོ་ཕྱེ་མེད་པ་མ་ཟད་ཚོང་པ་ཚོས་ད་ལྟའི་གནས་སྐབས་འདིར་ཚོང་ཁང་སྒོ་ཕྱེ་ཡང་ཚོང་དེ་ཙམ་རྒྱུག་རྒྱུར་ཐུགས་རེ་གནང་གི་མི་འདུག་པ་དང་། ལྷག་དོན་ཁོང་རྣམས་ལ་ཧིན་སྒོར་འབུམ་མང་པོའི་གྱོང་གུད་ཕོག་ཡོད་ཀྱང་དངངས་སྐྲག་དེ་ཙམ་མི་གནང་བར་དེ་ལས་ཛ་དྲག་གི་དུས་སྐབས་འདིར་གཅིག་ཕན་གཅིག་གྲོགས་གནང་ཐུབ་ཚེ་དཔལ་འབྱོར་གྱི་གྱོང་གུད་ཕོག་པ་དེ་དག་རིམ་པས་བསྐྱར་གསོ་ཐུབ་པར་ཡིད་ཆེས་གནང་གི་ཡོད་པ་རེད།
བོད་དོན་ཁྲིམས་འཆར་ལ་དགའ་བསུ་ཞུ་བཞིན་ཡོད་ཀྱང་དབུ་མའི་ལམ་གྱི་སྲིད་བྱུས་ལ་འགྱུར་བ་མེད་གསུངས་སོང་།
ཨ་མི་རི་ཀའི་གྲོས་ཚོགས་འོག་མའི་འཐུས་མི་སྐུ་ཞབས་ Scott Perry ལགས་ཀྱིས་བོད་རང་སྐྱོང་ལྗོངས་ཞེས་པ་དེ་ཐ་དད་དུ་རང་བཙན་ལྡན་པའི་རྒྱལ་ཁབ་ཅིག་ཏུ་ངོས་འཛིན་དགོས་པའི་ཁྲིམས་འཆར་གསར་པ་ཞིག་ཆེད་འདོན་གནང་འདུག
དེ་ཡང་ཉེ་ལམ་ཕྱི་ཚེས་ ༡༩ ཉིན་སྐུ་ཞབས་པེ་རི་ལགས་ཀྱིས་ཁྲིམས་འཆར་དེ་ཨ་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་ནང་འདོན་སྤེལ་གནང་བ་དང་། ཁྲིམས་འཆར་དེ་བརྒྱུད་ཨ་རིའི་སྲིད་འཛིན་མཆོག་ནས་བོད་རང་སྐྱོང་ལྗོངས་ཞེས་པ་དེ་རང་བཙན་གྱི་རྒྱལ་ཁབ་ཅིག་ཏུ་ངོས་འཛིན་དགོས་པ་འཁོད་འདུག འདི་ག་རླུང་འཕྲིན་ཁང་ནས་ཁྲིམས་འཆར་དེའི་གལ་གནད་དང་ཤུགས་རྐྱེན་སྐོར་ཨ་རིའི་སྐུ་ཚབ་དོན་གཅོད་དངོས་གྲུབ་ཚེ་རིང་མཆོག་ལ་བཀའ་འདྲི་ཞུས་སྐབས། ཁོང་གིས། སྐུ་ཞབས་པེ་རི་ལགས་ཀྱིས་ཆེད་འདོན་གནང་བའི་ཁྲིམས་འཆར་དེ་སྐུ་ཚབ་དོན་གཅོད་ཁང་ནས་ཞུ་གཏུགས་གནང་བ་ཞིག་མིན་པ་དང་། སྤྱིར་ཁྲིམས་འཆར་དེ་བསྣམས་པ་ཙམ་གྱིས་བོད་དོན་ཐད་རྒྱབ་སྐྱོར་མཚོན་གྱི་ཡོད་སྟབས་དོན་གཅོད་ཁང་ངོས་ནས་དེར་དགའ་བསུ་ཞུ་རྒྱུ་ཡིན་ཡང་། བོད་མིའི་སྒྲིག་འཛུགས་ཀྱི་ཆབ་སྲིད་ཀྱི་ལངས་ཕྱོགས་དེ་དབུ་མའི་ལམ་གཞིར་བཟུང་བོད་མིར་མིང་དོན་མཚུངས་པའི་རང་སྐྱོང་གི་ཁེ་དབང་རྩོད་རྒྱུ་དེ་ཡིན་སྟབས་ང་ཚོའི་རྩ་བའི་ལངས་ཕྱོགས་ལ་འགྱུར་བ་མེད་སྐོར་གསུངས་གནང་སོང་།
དེ་བཞིན་ཁྲིམས་འཆར་དེའི་ནང་བོད་རང་སྐྱོང་ལྗོངས་ཞེས་པ་དེ་རང་བཙན་ལྡན་པའི་རྒྱལ་ཁབ་ཅིག་ལ་ངོས་འཛིན་གནང་དགོས་ཀྱི་རེད་ཅེས་འཁོད་ཡོད་སྟབས། བོད་རང་སྐྱོང་ལྗོངས་ནང་མ་ཚུད་པའི་བོད་ཀྱི་ས་ཁུལ་གཞན་ཁག་གི་གནས་བབ་སྐོར་ལ་བཀའ་འདྲི་ཞུས་སྐབས། སྐུ་ཚབ་དོན་གཅོད་མཆོག་གིས། རྩ་བའི་དུས་རྒྱུན་ང་ཚོའི་དབུ་མའི་ལམ་གྱི་བཀའ་མོལ་གནང་སྐབས་བོད་ས་ཁྱོན་ཡོང་རྫོགས་ཟེར་གྱི་ཡོད་དུས་སྐུ་ཞབས་པེ་རི་ལགས་ཀྱི་ཁྲིམས་འཆར་འདི་ལྟ་བུ་ཆེད་འདོན་གནང་བ་དེ་དགོངས་འཆར་གང་འདྲ་ཡོང་མིན་གསལ་པོ་མི་ཤེས་པ་དང་། ཡང་སྒོས་དེ་འབྲེལ་གྱི་ཡིག་ཆ་ཀྱང་ལག་སོན་བྱུང་མེད་སྐོར་གསུངས་གནང་སོང་།
ཁ་སང་སྤྱི་ཚོགས་དྲྭ་རྒྱའི་ཐོག་ད་ལན་ཨ་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་ནང་སྐུ་ཞབས་ Scott Perry ལགས་ཀྱིས་འདི་ལྟ་བུའི་ཁྲིམས་འཆར་ཆེད་འདོན་གནང་བའི་གནས་ཚུལ་ཐོན་མ་ཐག་བོད་མི་ཁག་གཅིག་གིས་དེར་དགའ་བསུ་ཞུས་ཀྱང་། བོད་མི་མང་དག་ཅིག་གིས་ཁྲིམས་འཆར་དེའི་ནང་བོད་རང་སྐྱོང་ལྗོངས་ཟེར་བ་གཅིག་པོའི་སྐོར་ལ་བཀོད་ཡོད་སྟབས་དེའི་ཕྱི་ཕྱོགས་ཀྱི་བོད་ཀྱི་ས་ཁུལ་གཞན་ཁག་གི་གནས་བབ་གང་ཆགས་ཀྱི་ཡོད་མེད་སྐོར་དྲི་བ་བཏང་བ་མ་ཟད་། བོད་རང་བཙན་དོན་གཉེར་བ་དང་ལས་འགུལ་བ་བསྟན་འཛིན་བརྩོན་འགྲུས་ལགས་ཀྱིས་ཀྱང་། ཁྲིམས་འཆར་དེའི་ནང་བོད་རང་སྐྱོང་ལྗོངས་ཚབ་ཏུ་བོད་ས་ཁྱོན་བཀོད་དགོས་པ་དང་། བོད་རང་སྐྱོང་ལྗོངས་ཞེས་པ་དེ་ནི་རྒྱ་ནག་གི་དབྱེ་བའི་ས་ཁུལ་ཞིག་ཡིན་སྟབས། དེ་ནི་བོད་ཀྱི་ས་ཁུལ་ཆ་བགོས་གསུམ་ཆ་གཅིག་ལས་མཚོན་གྱི་མེད་པ་གསུངས་འདུག
གཞི་རྩའི་སྐུ་ཞབས་པེ་རི་ལགས་ནི་ཨ་རི་Pennsylvania མངའ་སྡེ་ནས་ཡིན་པ་དང་། ཁོང་ནི་དེ་སྔ་ཕྱི་ལོ་ ༢༠༡༩ ཟླ་བ་ ༥ པའི་ནང་ཨ་རིའི་གྲོས་ཚོགས་འཐུས་མི་ ༣༢ ནས་ཨ་རིའི་སྲིད་གཞུང་ནས་དེ་སྔ་ཨ་རིའི་གྲོས་ཚོགས་གོང་འོག་ནས་བོད་དོན་རྒྱབ་སྐྱོར་གྱི་སྲིད་བྱུས་ ༢༠༠༢ ཞེས་པ་དང་། དེ་བཞིན་བོད་ནང་ཕར་འགྲོ་ཚུར་འོང་གི་ཁྲིམས་འཆར་གཏན་འབེབས་གནང་བ་རྣམས་ངེས་པར་དུ་ལག་བསྟར་གནང་དགོས་པའི་ཞུ་སྐུལ་གནང་མཁན་གྱི་གྲོས་ཚོགས་འཐུས་མི་ཞིག་ཆགས་ཀྱི་ཡོད་པ་རེད།
རེས་གཟའ་ཟླ་བ། ༢༠༢༠།༠༥།༢༥
ཉན་པ།: Listen
ཕབ་ལེན། Download
དྷརྨ་ས་ལའི་ཁུལ་དུ་བོད་མི་ལྔ་བཅུ་ང་བཞི་ཙམ་འགོག་དབྱེ་ཟུར་འཇོག་ཏུ་བཞུགས་མུས།
ཏོག་དབྱིབས་གཉན་རིམས་ཁྱབ་གདལ་གྱི་འགན་ཡོངས་རྫོགས་རྒྱ་གཞུང་གིས་འཁུར་དགོས།
ཡོ་རོབ་ཁུལ་གྱི་བོད་རིགས་ཚོགས་ཁག་ཚོས་གནས་ཡུལ་རྒྱལ་ཁབ་ལ་གདུང་སེམས་མཉམ་བསྐྱེད་ཞུས་པ།
བྷན་ད་ར་ནོར་རྒྱས་གླིང་གཞིས་ཁུལ་གྱི་གཉན་རིམས་གནས་སྟངས་རྒྱུས་ལོན།
Monday 25/05/2020
Make China Accountable 2020: TYC launches digital campaign
Tibetans in Europe express solidarity towards their host countries
Over 54 Tibetans quarantined around Dharamsala, residents concerned
COVID 19: Situation of Bandara Norgyeling Tibeans amidst Covid-19 lockdown
རེས་གཟའ་པ་སངས། ༢༠༢༠།༠༥།༢༢
ཉན་པ།: Listen
ཕབ་ལེན། Download
བོད་ནང་དུ་དངོས་དོན་བདེན་འཚོལ་གྱི་རྟོག་ཞིབ་རུ་ཁག་གཏོང་རྒྱུའི་ཞུ་སྐུལ།
རྒྱ་ནག་རྒྱལ་ཡོངས་མི་དམངས་འཐུས་མི་ཚོགས་ཆེན་ཐོག་ཧོང་ཀོང་གི་ཁྲིམས་འཆར་གོ་བསྡུར་བྱ་འཆར།
བོད་མིའི་སྒྲིག་འཛུགས་ཀྱི་ཏོག་དབྱིབས་གཉན་རིམས་ངལ་སེལ་ཛ་དྲག་ཚོགས་ཆུང་གི་དྲ་ཚིགས་དབུ་འབྱེད།
ཏོག་དབྱིབས་གཉན་རིམས་ཁྲོད་མོན་གྷོ་འདོད་རྒུ་གླིང་ནང་གི་གནས་སྟངས་རྒྱུས་ལོན།
Friday 22/05/2020
Canadian MPs urge China to allow independent fact finding mission into Tibet
China’s parliament to discuss controversial security law aimed at silencing Hong Kong's protests
CTA launches official COVID 19 Emergency Relief Committee Website
Situation in Mundgod Tibetan settlement amidst Covid-19 lockdown: Interview
རེས་གཟའ་པ་སངས། ༢༠༢༠།༠༥།༡༥
ཉན་པ།: Listen
ཕབ་ལེན། Download
ཅེཀ་གྲོས་ཚོགས་ཀྱི་འཐུས་མི ༡༦ གིས་རྒྱ་གཞུང་གི་བྱ་སྤྱོད་ལ་སྐྱོན་བརྗོད་ཀྱི་བསྒྲགས་གཏམ་སྤེལ་བ།
ཏོག་དབྱིབས་རིམས་ནད་ཁྱབ་བརྡལ་ཁྲོད་སླར་ཡང་རྒྱ་མི་ལས་བཟོ་བ་མང་པོ་བོད་ཁུལ་དུ་འབྱོར་བ།
ནག་སེལ་གཤེད་བཅོམ་གྱི་ཁ་གཡང་འོག་བོད་མི་རྣམས་བཙོན་འཇུག་བྱེད་བཞིན་པ།
ཨ་རིའི་རོགས་ཚོགས་ཀྱིས་བོད་མིར་ཛ་དྲག་ངལ་སེལ་སླད་རོགས་དངུལ་བྱེ་བ་གསུམ་ལྷག་གནང་འདུག
སྐྱབས་རྟེན་བསྔོ་རྟེན་རྣམས་དྲ་ཐོག་ནས་འཇོག་ཐུབ་ན་དགེ་མཚན་ཆེ་བ་ཡོད་པར་གསུངས་སོང་།
Friday 15/05/2020
Czech Parliamentarians call for immediate release of Panchen Lama
Chinese cadres and migrants resume work at Tibet dams amid Coronavirus fears
CTA announces 3.3 crores INR for COVID-19 Program
Tibet anti-crime campaign silences dissent: HRW
‘Kyabten’ and ‘Ngoten’ offering and need to turn it digital: Feature
༸སྐྱབས་རྗེ་གླིང་རིན་པོ་ཆེ་མཆོག་གི་མཚན་ཐོག་ཏུ་ངོ་དེབ་འདྲ་བཟོ་བརྒྱུད་མ་དངུལ་བསྡུ་རུབ་བྱས་འདུག
ཟླ་བ་འདིའི་ནང་དུ་སྤྱི་ཚོགས་བརྒྱུད་ལམ་ཐོག་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་མཚན་ཏུ་ཡོད་པའི་ངོ་དེབ་ཞིག་བརྒྱུད་རིན་པོ་ཆེ་མཆོག་གི་རྗེས་འཇུག་ཕྱི་ནང་གི་དད་ལྡན་སེར་སྐྱ་མང་ཚོགས་དག་ལས་མ་དངུལ་བསྡུ་རུབ་བྱེད་བཞིན་ཡོད་པའི་གནས་ཚུལ་ཐོན་ཡོད་པ་དང་། གླིང་བླ་བྲང་གི་དྲུང་ཆེས་གང་ཟག་གཡོ་ཅན་ཁག་ཅིག་གིས་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་༸སྐུ་སྒེར་གྱི་ངོ་དེབ་ཐོག་གི་༸སྐུ་པར་དང་ངོ་དེབ་ཀྱི་བཟོ་བཀོད་ཇི་ལྟར་ཡོད་པ་བཞིན་འདྲ་བཟོ་བྱས་ནས་དྲྭ་ཐོག་གི་དད་ལྡན་མང་ཚོགས་བསླུ་ཁྲིད་ཀྱིས་མ་དངུལ་བསྡུ་རུབ་བྱེད་ཐབས་བྱས་པ་ཞིག་རེད་ཅེས་གསུངས་སོང་།དེའང་ཕྱི་ཟླ་ ༤ པའི་ནང་དུ་གང་ཟག་ཁག་ཅིག་གིས་སྤྱི་ཚོགས་བརྒྱུད་ལམ་སྤྱོད་དེ་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་ངོ་དེབ་རྫུན་བཟོ་བྱས་ཏེ་རིན་པོ་ཆེ་མཆོག་གི་རྗེས་འཇུག་ཕྱི་ནང་གི་དད་ལྡན་རྣམས་ལ་ངོ་དེབ་ཀྱི་གྲོགས་པོའི་རེ་སྐུལ་བཏང་བ་དང་། དེ་རྗེས་ཁོང་རྣམ་པར་འཕྲིན་བསྐུར་བརྒྱུད་རིམ་པས་སྤྱི་ཚོགས་ཀྱི་བདེ་ཐབས་ལ་བསྙད་ནས་བསླུ་ཁྲིད་ཀྱིས་མ་དངུལ་བསྡུ་རུབ་བྱེད་བཞིན་པའི་གནས་ཚུལ་བྱུང་ཡོད་སྟབས། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་བླ་བྲང་གི་ངོས་ནས་འདི་ལོའི་ཕྱི་ཟླ་ ༤ ཚེས་ ༢༡ ཉིན་བརྡ་འཕྲིན་ནག་ཉེས་དང་འབྲེལ་བའི་གནས་དོན་ཐོག་རྒྱལ་ས་དི་ལླཱིའི་ཉེན་རྟོག་པར་ FIR འམ་གྱོད་གཞི་སྙན་སེང་ཞུས་ཡོད་པ་རེད།དེའི་ནང་དུ་རིན་པོ་ཆེ་མཆོག་གི་༸སྐུ་སྒེར་གྱི་ངོ་དེབ་ཐོག་གི་༸སྐུ་པར་དང་ངོ་དེབ་ཀྱི་བཟོ་བཀོད་ཇི་ལྟར་ཡོད་པ་བཞིན་འདྲ་བཟོ་ཐོག་ཕྱི་ལོ་ ༢༠༡༨ ལོ་ནས་བཟུང་ད་བར་དྲྭ་ཐོག་བརྒྱུད་དད་ལྡན་མང་ཚོགས་ལ་ཐེངས་བཞི་ཙམ་མགོ་སྐོར་བསླུ་ཁྲིད་བཏང་བའི་གནད་དོན་བྱུང་ཡོད་པ་དང་། བླ་བྲང་གིས་ཀྱང་དད་ལྡན་མང་ཚོགས་རྣམས་ལ་གཡོ་ཅན་རེ་འགས་དྲྭ་ཐོག་བརྒྱུད་དངུལ་ཁ་བསླུས་བརྒྱབ་པའི་གནས་ཚུལ་ཁག་གསལ་བཟོ་གནང་ཡོད་སྐོར་སོགས་ཆེད་བཀོད་གནང་འདུགགཞི་རྩའི་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་མཚན་སྤྱོད་དེ་ཕྱི་ལོ་ ༢༠༡༨ ལོ་ནས་བཟུང་ད་བར་སྤྱི་ཚོགས་བརྒྱུད་ལམ་ཐོག་དད་ལྡན་མང་ཚོགས་ལ་ཐེངས་བཞི་ཙམ་མགོ་སྐོར་བསླུ་ཁྲིད་བཏང་བའི་གནས་དོན་བྱུང་མྱོང་ཡོད་པ་རེད། དེའང་གང་ཟག་གཡོ་ཅན་ཚོས་དྲྭ་ཐོག་རྗེས་འབྲང་པ་དག་ལས་དངུལ་རྐུ་ཐབས་ཁོ་ནར་ཆེད་དམིགས་བྱས་པ་ཞིག་ཆགས་ཀྱི་ཡོད་པར་བརྟེན་གླིང་མཆོག་སྤྲུལ་རིན་པོ་ཆེའི་༸སྐུ་སྒེར་གྱི་བླ་བྲང་ངམ་ཡིག་ཚང་གིས་ཀྱང་ལན་མང་རིང་ཕྱི་ནང་གི་དད་ལྡན་རྗེས་འབྲང་པར་གནད་དོན་དེ་རིགས་ལ་ཡིད་གཟབ་གནང་དགོས་པའི་གཞེན་བསྐུལ་ཡང་གནང་ཡོད་པ་རེད།
རྒྱ་ནག་ལ་༸པཎ་ཆེན་རིན་པོ་ཆེའི་གནས་སྟངས་ཐོག་འདྲི་རྩད་གནང་དགོས་པའི་ཞུ་སྐུལ།
༸ཀུན་གཟིགས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་རྒྱ་ནག་གཞུང་གིས་བཙན་ཁྲིད་ཀྱིས་གསང་ཉར་བྱས་ཏེ་ལོ་ངོ་ ༢༥ འཁོར་བ་དང་བསྟུན་ཡོ་རོབ་ Lithuania རྒྱལ་ཁབ་ཀྱི་གྲོས་ཚོགས་འཐུས་མི་སྐུ་ཞབས་ Andrius Navickas ལགས་ཀྱིས་ཡུལ་དེའི་སྲིད་འཛིན་སྐུ་ཞབས་ Gitanas Nausėda མཆོག་དང་ཕྱི་སྲིད་བློན་ཆེན་སྐུ་ཞབས་ Linas Linkevičius ལགས་གཉིས་ནས་རྒྱ་ནག་གཞུང་ལ་༸པཎ་ཆེན་རིན་པོ་ཆེས་གཙོས་པའི་སྐུ་འཁོར་རྣམས་ཀྱི་གནས་སྟངས་གང་འདྲ་ཡོད་མེད་ཐོག་འདྲི་རྩད་གནང་དགོས་པའི་ཞུ་སྐུལ་གནང་འདུགསྐུ་ཞབས་ Andrius Navickas ལགས་ནས་འདས་པའི་ལོ་དུས་མང་པོའི་རིང་ནས་རྒྱལ་སྤྱིའི་གཞུང་དང་ཚོགས་སྐྱིད་ཁག་གིས་རྒྱ་ནག་གཞུང་ལ་༸ཀུན་གཟིགས་༸པཎ་ཆེན་རིན་པོ་ཆེ་དང་གང་ཉིད་མཆོག་གི་ནང་མིའི་གནས་སྟངས་སོགས་ཀྱི་ཐད་ཕྱི་གསལ་ནང་གསལ་གྱི་གསལ་བཤད་བྱེད་དགོས་པའི་ཞུ་སྐུལ་གནང་ཡོད་ཀྱང་། རྒྱ་གཞུང་ནས་རིན་པོ་ཆེའི་གནད་དོན་ཐོག་ད་བར་རྫུན་གཏམ་དང་འཁྱོག་བཤད་ཅན་གྱི་གསལ་བཤད་ཁོ་ན་བྱས་ཡོད་པ་དང་ལྷག་པར་དུ་ཕྱི་ལོ་ ༢༠༡༩ ལོར་རྒྱལ་ཚོགས་ཀྱི་གར་སོང་ཆ་མེད་དུ་གྱུར་བའི་ཆབ་སྲིད་བཙོན་པའི་གནད་དོན་གླེང་སློང་སྐབས་སུ་རྒྱ་ནག་གཞུང་གིས་༸ཀུན་གཟིགས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་སློབ་གཉེར་གང་ལེགས་གནང་བཞིན་ཡོད་སྐོར་ཙམ་བཤད་པ་ལས་རིན་པོ་ཆེ་མཆོག་གང་དུ་བཞུགས་ཡོད་མེད་སོགས་ཞིབ་ཕྲའི་གནས་ཚུལ་་གང་ཡང་གསལ་བཤད་བྱེད་ཀྱི་མེད་སྟབས། ད་ལྟའི་ཆར་བོད་མི་གཙོས་རྒྱལ་སྤྱིའི་མང་ཚོགས་ཀྱིས་རིན་པོ་ཆེ་མཆོག་གི་དངོས་ཡོད་གནས་སྟངས་གང་ཡིན་པ་གསལ་པོ་ཤེས་ཐུབ་ཀྱི་མེད་པ་རེད་ཅེས་ནན་བརྗོད་གནང་འདུགལྷག་པར་དུ་ཁོང་གིས་རིན་མིན་ཕྱི་ཚེས་ ༡༧ ཉིན་ཆུང་སྲིད་རིན་པོ་ཆེ་མཆོག་རྒྱ་གཞུང་གིས་བཙན་ཁྲིད་འོག་གར་སོང་ཆ་མེད་དུ་གྱུར་ནས་ལོ་ངོ་ ༢༥ འཁོར་སྐབས་སུ་བོད་མི་རྣམས་ནས་ཆུང་སྲིད་རིན་པོ་ཆེ་མཆོག་མགྱོགས་མྱུར་གློད་བཀྲོལ་ཡོང་སླད་སྒྲོན་མེ་མཆོད་འབུལ་སོགས་ཀྱི་ལས་འགུལ་སྤེལ་སྐབས་ལི་ཐོ་ནི་ཡའི་རྒྱལ་ཁབ་ཀྱིས་བོད་མིའི་འཐབ་རྩོད་ལ་རྒྱབ་སྐྱོར་དང་། ལྷག་པར་དུ་སྲིད་འཛིན་སྐུ་ཞབས་ Gitanas Nausėdam མཆོག་དང་ཕྱི་སྲིད་བློན་ཆེན་སྐུ་ཞབས་ Linas Linkevičius ལགས་རྣམ་གཉིས་ཀྱིས་དུས་སྐབས་འདི་དང་བསྟུན་རྒྱ་ནག་གཞུང་ལ་༸པཎ་ཆེན་རིན་པོ་ཆེས་གཙོས་པའི་སྐུ་འཁོར་རྣམས་ཀྱི་གནས་སྟངས་གང་འདྲ་ཡོད་མེད་ཐོག་འདྲི་རྩད་གནང་དགོས་པའི་ཞུ་སྐུལ་གནང་འདུག
སྐུ་ཞབས་ Andrius Navickas ལགས་ཀྱིས་ཞུ་སྐུལ་དེའི་ནང་འདས་པའི་ལོ་དུས་མང་པོའི་རིང་ནས་རྒྱ་ནག་གཞུང་གིས་བོད་ནང་གི་དངོས་ཡོད་གནས་ཚུལ་ལ་འཁྱོག་བཤད་དང་། ཁྲིམས་མཐུན་མ་ཡིན་པའི་སྲིད་བྱུས་འདྲ་མིན་ལག་བསྟར་བྱས་ཏེ་བོད་མིའི་སྲོལ་རྒྱུན་གྱི་བྱེད་སྒོ་ཁག་ལ་དམ་དྲག་བྱས་པ་མ་ཟད། ཆོས་ཕྱོགས་དང་འབྲེལ་བའི་༸གོང་ས་མཆོག་གི་༸སྐུའི་ཡང་སྲིད་ཀྱི་གནད་དོན་ཐོག་ཐེ་བྱུས་བྱེད་བཞིན་པའི་རྒྱ་གཞུང་གི་བྱ་སྤྱོད་ཁག་ཅིག་ཐེར་འདོན་གནང་འདུག་པ་དང་། སྐུ་ཞབས་མཆོག་གི་ཞུ་སྐུལ་དེར་ཡུལ་དེའི་གྲོས་ཚོགས་ཀྱི་ཚོགས་གཙོ་ཟུར་པ་སྐུ་ཞབས་ Vytautas Landsbergis ལགས་དང་གྲོས་ཚོགས་འཐུས་མི་ ༡༤ དེ་བཞིན་ས་གནས་བོད་དོན་རྒྱབ་སྐྱོར་བ་སོགས་ཀྱིས་རྒྱབ་སྐྱོར་ཡོད་པའི་མཚན་རྟགས་བསྐྱོན་གནང་འདུགགཞི་རྩའི་༸ཀུན་གཟིགས་༸པཎ་ཆེན་རིན་པོ་ཆེ་མཆོག་ནི་ཕྱི་ལོ་ ༡༩༩༥ ལོར་རྒྱ་ནག་གཞུང་གིས་འཛིན་བཟུང་བཙན་ཁྲིད་བྱས་པ་ནས་བཟུང་ད་བར་རིན་པོ་ཆེ་མཆོག་གི་ད་ལྟའི་གནས་སྟངས་གང་ཡིན་ཤེས་རྟོགས་ཐུབ་ཀྱི་མེད་པ་དང་བདུན་ཕྲག་འདིའི་རེས་གཟའ་ཉི་མ་སྟེ་ཕྱི་ཚེས་ ༡༧ ཉིན་གཞུང་དང་གཞུང་འབྲེལ་མ་ཡིན་པའི་ཚོགས་པ་ཁག་ནས་༸ཀུན་གཟིགས་༸པཎ་ཆེན་རིན་པོ་ཆེ་མཆོག་མགྱོགས་མྱུར་གློད་བཀྲོལ་ཡོང་བའི་ཞུ་གཏུག་དང་སྒྲོན་མེ་མཆོད་འབུལ་སོགས་ཀྱི་ལས་འགུལ་སྤེལ་གྱི་ཡོད་པ་རེད།