Uncategorized

ཉེ་ཆར་ཨ་རིའི་ Northwetern གཙུག་སློབ་སློབ་གཉེར་ཁང་དུ་ཆོས་ལུགས་ལོ་རྒྱུས་ཀྱི་ལོ་རྒྱུས་ཐོག་འབུམ་རམས་པའི་སློབ་སྦྱོང་གནང་བཞིན་པའི་དོན་གྲུབ་བཀྲ་ཤིས་ལགས་དང་དེ་བཞིན་ཨ་རིའི་ Michigan གཙུག་ལག་སློབ་ཁང་དུ་དངོས་ཁམས་ཚན་རིག་ཐོག་འབུམ་རམས་པའི་སློབ་སྦྱོང་གནང་བཞིན་པའི་བསྟན་འཛིན་རབ་དགའ་ལགས་གཉིས་ཀྱིས་ Podcast ཞེས་པའི་མི་སྒེར་གྱི་གླེང་མོལ་གྱི་ལེ་ཚན་ཞིག་གསར་བཟོ་གནང་སྟེ་བརྗོད་གཞི་སྣ་མང་ཐོག་ལྟ་གྲུབ་མང་པོའི་བཞེད་ཚུལ་བརྒྱུད་ནས་བགྲོ་གླེང་གི་ལས་རིམ་ཞིག་གཙོ་སྐྱོང་གནང་གི་ཡོད་པ་རེད། གསར་འགོད་པས་གླེང་མོལ་དེའི་གཙོ་སྐྱོང་བ་བསྟན་འཛིན་རབ་དགའ་ལགས་སུ་གླེང་མོལ་དེ་གསར་གཏོད་གནང་ནས་བོད་པའི་སྤྱི་ཚོགས་ལ་ཐུགས་རེ་ག་རེ་གནང་གི་ཡོད་མེད་དང་གླེང་མོལ་གྱི་ལེ་ཚན་དེར་དམིགས་བསལ་གྱི་དྲི་བ་ཞེས་པའི་མཚན་བྱང་འདོགས་དགོས་དོན་གང་ཡིན་སོགས་ཀྱི་ཐོག་དྲི་བ་ཁག་ཅིག་དྲིས་པར་དྲི་བ་ནི་སློབ་སྦྱོང་ལ་འཇུག་པའི་སྒོ་ཡིན་སྟབས་མཚན་བྱང་དེ་ལྟར་བཏགས་པ་ཡིན་པར་ངོ་སྤྲོད་གནང་སོང་བ་དང་ཆབས་ཅིག་ཏུ་གླེང་མོལ་དེ་བརྒྱུད་ནས་བོད་པའི་སྤྱི་ཚོགས་སུ་ཤེས་བྱ་གསར་པ་ནང་འདྲེན་དང་གུ་ཡངས་ཀྱི་བགྲོ་གླེང་གི་ལམ་ཁ་ཞིག་བསྐྲུན་རྒྱུའི་རེ་བ་ཡོད་སྐོར་གསུངས་ཡོད།

ཉན་པ།: Listen ཕབ་ལེན། Download ༸གོང་ས་༸སྐྱབས་མགོན་ཆེན་པོ་མཆོག་གིས་འཛམ་གླིང་གི་ཉིན་མོར་སྩལ་བའི་གསུང་འཕྲིན། ཆེས་མཐོའི་ཁྲིམས་ཞིབ་པ་ཟུར་པ་བློ་བཟང་མཁས་གྲུབ་ལགས་འདས་གྲོངས།། མཐོ་སློབ་ཁག་ཏུ་ཡོད་པའི་བོད་ཕྲུག་དགོས་ངེས་ཅན་ཚོར་འཚོ་སྣོན་གྱི་རོགས་རམ་གནང་རྒྱུ། རིམས་ནད་ཀྱི་ཁྲོད་དུ་རྒྱ་ནག་གིས་བོད་མིའི་ཆོས་དད་རང་དབང་ལ་རྡོག་རོལ་གཏོང་བཞིན་པ། འཕྲོད་བསྟེན་ཤེས་བྱ་ངོ་སྤྲོད། ཚོན་ལྡན་ཟས་རིགས་དང་ཤིང་ཏོག་གི་ཕན་ཡོན། Thursday 23/04/2020 Dalai Lama’s message for EarthDay Obituary: Former Tibetan Justice Commissioner CTA assures support to needy students during the lockdown China’s hidden crackdown in Tibet Health and Wellness: Benefits of eating Rainbow foods

བོད་ཀྱི་གཞོན་ནུ་ལྷན་ཚོགས་དབུས་ས་གཉིས་ཀྱིས་དེ་རིང་ཕྱི་ཟླ་ ༤ ཚེས་ ༢༢ ཉིན་༸རྒྱལ་བའི་༸སྐུའི་བླ་གཟའ་ལྷག་དཀར་དང་གནམ་གང་བཅས་དགེ་བའི་ཕུན་ཚོགས་དུས་ཚིགས་དང་བསྟུན་རྒྱ་བལ་འབྲུག་གསུམ་དང་ཕྱི་རྒྱལ་ཡུལ་གྲུ་ཁག་ཏུ་ཉིན་བརྒྱ་དུས་གཅིག་ལ་སྐམ་ཟས་བགོ་འགྲེམས་གནང་བཞིན་པ་ཡོད་པ་ལྟར། དྷ་ས་ས་གནས་བོད་ཀྱི་གཞོན་ནུ་ལྷན་ཚོག་ཀྱིས་དྷརྨ་སཱ་ལཱ་ཀོ་ཊ་ཝ་ལིའི་ཁུལ་གྱི་རྒྱ་གར་དབུལ་པོ་དང་བཞུགས་སྒར་ཁུལ་དུ་གནས་སྡོད་བྱེད་མཁན་བོད་རིགས་ཉམ་ཐག་རྣམས་ལ་སྐམ་ཟས་སོགས་བགོ་འགྲེམས་གནང་སོང་།རྒྱ་ནག་ཝུ་ཧན་ནས་ཁྱབ་བརྡལ་བྱུང་བའི་ཏོག་དབྱིབས་ནད་ཡམས་དེའི་རྐྱེན་པས་འཛམ་གླིང་ས་ཕྱོགས་གང་སར་གནས་པའི་ཉམ་ཐག་དང་། ལྷག་པར་དུ་ཉིན་གླར་བརྟེན་མཁན་རྣམས་ལ་དཀའ་ངལ་ཆེན་པོ་འཕྲད་བཞིན་པ་ཡོད་པ་མ་ཟད་རྒྱ་གར་ལྟ་བུར་མཚོན་ན་ཐེམ་སྦང་གི་དུས་ཚིགས་འདིར་དབུལ་པོར་དཀའ་ངལ་ཆེན་པོ་འཕྲད་བཞིན་ཡོད་སྟབས། དུས་ཚིགས་འདི་དང་བསྟུན་འཛམ་གླིང་ས་ཕྱོགས་གང་སར་ཡོད་པའི་བོད་མིའི་ཚོགས་སྐྱིད་ཁག་ནས་རོགས་སྐྱོར་གང་ཐུབ་གནང་དང་གནང་མུས་ཁྲོད་དེ་རིང་དྷ་ས་ས་གནས་བོད་ཀྱི་གཞོན་ནུ་ལྷན་ཚོགས་ཀྱིས་དྷརྨ་སཱ་ལཱ་ཀོ་ཊ་ཝ་ལིའི་ཁུལ་གྱི་རྒྱ་གར་དབུལ་པོ་ཉིན་གླར་བརྟེན་མཁན་ཁྱིམ་ཚང་ ༡༥༠ དང་བཞུགས་སྒར་ཁུལ་དུ་གནས་སྡོད་བྱེད་མཁན་བོད་རིགས་ཉམ་ཐག་ ༥༠ ཡོད་པ་རྣམས་ལ་སྐམ་ཟས་སོགས་བགོ་འགྲེམས་གནང་སོང་།དེ་བཞིན་དེ་རིང་གི་དགེ་བའི་ཉིན་འདིར་བཞུགས་སྒར་གངས་སྐྱིད་ཁུལ་དུ་རྟེན་གཞི་བྱས་པའི་གནས་ཆུང་སྒྲ་དབྱངས་གླིང་གྲྭ་ཚང་གིས་ཀྱང་དྷརྨ་སཱ་ལཱ་གྷམ་རུའི་ཁུལ་གྱི་རྒྱ་གར་དབུལ་པོ་དང་ལྷག་པར་ངལ་རྩོལ་གྱི་ལས་ཀ་བྱེད་མཁན་ཕྱི་ནས་ཕེབས་པའི་རྒྱ་གར་དབུལ་པོ་ ༥༠༠ ཙམ་ལ་སྐམ་ཟས་བགོ་འགྲེམས་གནང་ཡོད་པ་རེད།རྩ་བའི་ཐེམ་སྦང་གི་དུས་ཚིགས་འདིར་དབུས་བོད་ཀྱི་གཞོན་ནུ་ལྷན་ཚོགས་ཙམ་མིན་པར་བོད་མིའི་སྒྲིག་འཛུགས་ཀྱིས་གཙོས་པའི་རྒྱ་གར་གྱི་ས་གནས་གང་སར་ཡོད་པའི་བོད་ཀྱི་དགོན་སྡེ་ཁག་དང་བོད་མིའི་ཚོགས་སྒེར་ཁག་གིས་མང་ཚོགས་དབུལ་པོ་རྣམས་ལ་རོགས་སྐྱོར་མུ་མཐུད་གནང་དང་གནང་མུས་ཡིན་པ་རེད།

ཉེ་ཆར་ཟླ་བ་སྔོན་མའི་ཕྱི་ཚེས་ ༣༡ ཉིན་དྷ་ས་མེག་གྷན་གྱི་རི་ཁྲོད་དུ་རང་ལོ་ ༢༦ ཙམ་ཡིན་པ་བསོད་ནམས་འཕེལ་ཁོ་ཞུ་བ་བོད་པའི་ན་གཞོན་ཞིག་གིས་རང་སྲོག་བཅད་ཡོད་པ་དང་དེ་བཞིན་ཕ་རན་སིར་གནས་སྡོད་བོད་མི་ན་གཞོན་གཞན་ཞིག་གིས་ཁང་པ་ནས་མར་མཆོངས་ཏེ་རང་སྲོག་བཅད་པའི་གནས་ཚུལ་ཐོན་ཡོད་པ་རེད།དེ་རིང་གི་ལས་རིམ་ནང་ད་ཆ་ཕྱི་དངོས་པོའི་ཡར་རྒྱས་དང་སྤྱི་ཚོགས་ནང་གི་དཀའ་ངལ་འདྲ་མིན་ལ་བརྟེན་ནས་རང་སྲོག་གཅོད་མཁན་ཇེ་མང་དུ་འགྲོ་བཞིན་པ་དེ་ནི་འཛམ་གླིང་གི་དཀའ་ངལ་ཆེ་གྲས་ཤིག་ཆགས་ཡོད་པ་ལྟར། བཙན་བྱོལ་བོད་མིའི་སྤྱི་ཚོགས་ནང་དུའང་སེམས་ངལ་དྲག་པོ་དང་སེམས་གུ་དོག་པ་སོགས་ཀྱི་གནད་དོན་དབང་གིས་རང་སྲོག་བཅད་པའི་གནད་དོན་མི་ཉུང་བ་ཅིག་འབྱུང་བཞིན་ཡོད་པ་རེད།དེ་རིང་རླུང་འཕྲིན་ཁང་གིས་བཞུགས་སྒར་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་སུ་དལ་འབྱོར་མི་ལུགས་རིན་ཆེན་རྙེད་དཀའ་བ་ཇི་ལྟར་ཡིན་ཚུལ་དང་རང་སྲོག་བཅད་པའི་ཉེས་དམིགས་གང་དང་གང་ཡོད་པའི་ཐོག་བཀའ་འདྲི་ཁག་ཅིག་ཞུས་ཡོད། དེ་བཞིན་ཨ་རིའི་མི་ནི་སོ་ཊར་གནས་བཞུགས་སེམས་ཁམས་འཕྲོད་བསྟེན་སློབ་གསོ་བ་འབུམ་རམས་པ་ཀུན་དགའ་ནོར་འཛོམས་ལགས་ཀྱིས་རང་སྲོག་བཅད་རྒྱུའི་ཀུན་སློང་ཡོད་མཁན་རྣམས་ལ་ལམ་སྟོན་གནང་ཕྱོགས་དང་འབྲེལ་བའི་དམིགས་བསལ་ལས་ཕྱོགས་བསྒྲིགས་ཞུས་ཡོད།

རྒྱ་ནག་ཝུ་ཧན་ནས་ཁྱབ་བརྡལ་བྱུང་བའི་ Covid19 ཞེས་པའི་ཏོག་དབྱིབས་རིམས་ནད་དེ་རྒྱལ་སྤྱིའི་སྟེང་ཆེས་ཆེར་འགོས་ཁྱབ་འགྲོ་བཞིན་པའི་གནས་སྟངས་ཁྲོད་འདིར་རླུང་འཕྲིན་ཁང་གིས་བཙན་བྱོལ་བོད་མིའི་འདུས་སྡོད་ཆེ་ཁག བལ་ཡུལ་རྒྱལ་ཁབ་ཀྱི་ནང་དུ་བཞུགས་པའི་བོད་མི་རྣམས་ཀྱི་གནས་སྟངས་ཀྱི་ཐོག་བལ་ཡུལ་བོད་མིའི་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་སུ་བཀའ་འདྲི་ཞུས་པར་ཁོང་གིས་ད་ལྟའི་ཆར་བོད་མི་སུ་གཅིག་ལ་ཡང་རིམས་ནད་འགོས་པའི་གནས་ཚུལ་བྱུང་མེད་པར་ངོ་སྤྲོད་གནང་སོང་།

ཁ་སང་དགོང་མོ་ཕྱག་ཚོད་བརྒྱད་པ་ཡོལ་ཙམ་ལ་སྒྲུབ་བརྒྱུད་བསྟན་པའི་གསལ་བྱེད་དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གིས་༸སྐུ་ཉིད་ཀྱི་ངོ་དེབ་བརྒྱུད་རྒྱ་ནག་ཝུ་ཧན་ནས་ཁྱབ་བརྡལ་བྱུང་བའི་ཏོག་དབྱིབས་རིམས་ནད་དང་འབྲེལ་བའི་སྐར་མ་དྲུག་ལྷག་གི་རིང་ལ་དམིགས་བསལ་བཀའ་སློབ་ལམ་སྟོན་ཞིག་ཐད་སྲིང་གནང་སོང་བ་དང་། སྐབས་དེར་རིན་པོ་ཆེ་མཆོག་གིས་རིམས་ནད་དེ་མྱུར་དུ་ཞི་བའི་སླད་དུ་བདུན་ཕྲག་འདིའི་རེས་གཟའ་སྤེན་པ་ནས་བཟུང་གཟའ་འཁོར་གཅིག་གི་རིང་ལ་དྲྭ་ཐོག་ནས་ཉིན་ལྟར་ཆུ་ཚོད་གཅིག་གི་རིང་དད་ལྡན་བ་རྣམས་ལྷན་འཛོམས་ཀྱི་ཐོག་ནས་ཞབས་རིམ་གསོག་སྒྲུབ་གནང་བ་བརྒྱུད་བསྔོ་སྨོན་གནང་རྒྱུ་ཡིན་པའི་བཀའ་སློབ་བཀའ་དྲིན་བསྩལ་གནང་མཛད་སོང་། ད་དུང་རིན་པོ་ཆེ་མཆོག་གིས་ཏོག་དབྱིབས་རིམས་ནད་དེས་རྐྱེན་པའི་འཛམ་གླིང་ཁྱོན་ཡོངས་སུ་ཀུན་གྱི་འཚོ་བ་དང་བདེ་ཐང་ལ་བསམ་ཡུལ་ལས་འདས་བའི་གོད་ཆག་ཆེན་པོ་བྱུང་ཡོད་པ་མ་ཟད། འབྱུང་འགྱུར་གྱི་གནས་སྟང་ལ་ངེས་གཏན་མེད་སྟབས། ཚང་མས་དངངས་སྐྲག་མི་བྱེད་པར་ཁ་ནང་དུ་ཕྱོགས་ནས་བསམ་བློ་གཏང་ཨེ་ཐུབ་བལྟ་དགོས་པ་ནི་གལ་ཆེན་པོ་ཞིག་ཡིན་པ་དང་། རྐྱེན་ངན་ལ་བལྟས་ནས་སོ་སོ་ཡར་རྒྱས་དང་སློབ་གསོ་གསར་པ་ཐེབས་ཐབས་ལ་འབད་བརྩོན་གནང་ཚེ་ཕན་ཐོགས་ཆེན་པོ་ཡོང་ངེས་ཡིན་པ་བཀའ་བསྩལ་སོང་། དེ་བཞིན་ཏོག་དབྱིབས་རིམས་ནད་དེས་རྐྱེན་པའི་ཉིན་ལྟར་རིམས་ནད་ཕོག་པའི་གྲངས་འབོར་འཕར་བཞིན་པའི་ཁར། འདས་གྲོངས་སུ་གྱུར་བའི་གྲངས་འབོར་ཡང་བརྒྱ་དང་སྟོང་སོགས་འབྱུང་བཞིན་པའི་དུས་སྐབས་འདི་རང་ངོས་ནས་གོ་སྐབས་དེ་དང་དུ་བླངས་ཏེ་བློས་གཏོང་ཆེན་པོའི་ཐོག་ནས་གཡུལ་སར་འཐབ་རྩོད་གནང་མཁན་གྱི་སྨན་པ་དང་སྨན་ཞབས་པ་ཚོར་རྗེས་སུ་ཡི་རངས་དང་བསྔགས་བརྗོད་ཆེན་པོ་གནང་དགོས་པའི་ལམ་སྟོན་བཀའ་དྲིན་ཆེ་བར་བསྩལ་གནང་མཛད་སོང་། གཞི་རྩའི་ཉེ་ལམ་༸དཔལ་རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གི་བཀའ་དགོངས་བཞིན་འབྲེལ་ཡོད་མཚུར་ཕུ་བླ་བྲང་གི་ཀུན་སྐྱོང་ཐེབས་རྩ་ཁང་དང་གདན་ས་རུམ་བཏེག་ཀརྨ་བཤད་སྒྲུབ་ཆོས་འཁོར་གླིང་། དེ་བཞིན་བཀའ་བརྒྱུད་སྨོན་ལམ་ཆེན་མོའི་ཐེབས་རྩ་ཁང་བཅས་ཀྱིས་རྒྱ་གར་དབུས་གཞུང་དང་མངའ་སྡེའི་ཏོག་དབྱིབས་རིམས་ནད་དང་འབྲེལ་ཐེབས་རྩར་ཁྱོན་ཧིན་སྒོར་འབུམ་ ༢༨ ཞལ་འདེབས་ཕུལ་ཡོད་པ་མ་ཟད། ཆེས་ཛ་དྲག་གི་ད་ལྟའི་དུས་ཚིགས་འདིར་བོད་ཀྱི་བླ་སྤུལ་ཁག་གི་གཙོས་མཁན་པོ་དང་དགེ་བཤེས་བཅས་ཀྱིས་དྲྭ་ཐོག་ནས་བཀའ་སློབ་ལམ་སྟོན་དང་། བཀའ་བསྒོ། དེ་བཞིན་ནང་ཆོསས་ངོ་སྤྲོད་དང་ཞབས་རིམ་གསོག་སྒྲུབ་གནང་བཞིན་ཡོད་པའི་ཁྲོད་ཉེ་ལམ་ཕྱི་ཚེས་ ༡༠ ཉིན་༸དཔལ་ས་སྐྱ་༸གོང་མ་ཁྲི་ཆེན་རིན་པོ་ཆེ་མཆོག་གིས་ཀྱང་བཀའ་སློབ་ལམ་སྟོན་དང་རྡོ་རྗེ་ཕུར་པའི་བཀའ་བསྒོ་བཀའ་དྲིན་བསྩལ་གནང་མཛད་ཡོད་པ་རེད།

རྒྱ་ནག་ཝུ་ཧན་ནས་ཐོག་མར་ཁྱབ་གདལ་དུ་བྱུང་བའི་ Covid19 རིམས་ནད་དེ་ད་ཆ་འཛམ་གླིང་གི་རྒྱལ་ཁབ་ ༢༠༠ ཙམ་ཞིག་ནང་ཁྱབ་གདལ་དུ་འགྲོ་མུས་ཡིན་པ་དང་ནད་ཡམས་དེར་གདོང་ལེན་སླད་རྒྱ་གར་བྱང་ཕྱོགས་ཨུཏྲ་ཁན་ཌ་མངའ་སྡེའི་ནང་རྟེན་གཞི་བྱས་པའི་མ་སུ་རི་བོད་ཁྱིམ་སློབ་གྲྭས་རྫོང་གི་ཏོག་དབྱིབས་གཉན་རིམས་གྱི་ངལ་སེལ་ཐེབས་རྩར་འབུམ་གསུམ་ལྷག་ཞལ་འདེབས་ཕུལ་འདུགཉེ་ལམ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་བོད་མི་ཚོགས་སྒེར་སོ་སོ་ནས་སྲིད་བློན་དང་མངའ་སྡེའི་སོགས་ཀྱི་ཏོག་དབྱིབས་གཉན་རིམས་གྱི་ངལ་སེལ་ཐེབས་རྩར་རྒྱབ་སྐྱོར་སླད་ཞལ་འདེབས་རྒྱ་གང་ཆེ་གནང་རྒྱུའི་ཞུ་སྐུལ་གནང་བ་ལྟར་འདས་པའི་ཉིན་ཤས་ནས་བོད་པའི་བླ་སྤྲུལ་གཙོས་པའི་དགོན་སྡེ་ཁག་དང་། ཚོགས་སྒེར་སོ་སོ་ནས་སྲིད་བློན་དང་མངའ་སྡེ་དེ་བཞིན་རྫོང་གི་ཏོག་དབྱིབས་གཉན་རིམས་ཀྱི་ངལ་སེལ་ཐེབས་རྩར་ཞལ་འདེབས་རྒྱ་གང་ཆེ་གནང་དང་གནང་མུས་ཡིན་པ་མ་ཟད།ས་གནས་སོ་སོར་ཡོད་པའི་ཉམ་ཐག་དབུལ་ཕོངས་ཚོར་བཟའ་ཆས་སོགས་ཀྱི་སྦྱིན་གཏོང་གནང་ཡོད་པ་དང་ཆབས་ཅིག དེའི་ཁྲོད་ཁ་སང་ཕྱི་ཚེས་ ༡༣ ཉིན་མ་སུ་རི་བོད་ཁྱིམ་སློབ་གྲྭས་རྒྱ་གར་གཞུང་གིས་ཏོག་དབྱིབས་གཉན་རིམས་ལ་གདོང་ལེན་གནང་ཕྱོགས་ལ་གདུང་སེམས་མཉམ་བསྐྱེད་དང་རྒྱབ་སྐྱོར་མཚོན་ཕྱིར་སློབ་གྲྭའི་ལས་བྱེད་དང་ལས་ཡོལ་གསོལ་ཕོགས་བཞེས་མཁན་རྣམས་ཀྱི་ཉིན་གཅིག་གི་གསོལ་ཕོགས་ཧིན་སྒོར་ ༣༠༠༧༨༨ ས་གནས་རྫོང་གི་ཏོག་དབྱིབས་གཉན་རིམས་ཀྱི་ངལ་སེལ་ཐེབས་རྩར་ཞལ་འདེབས་ཕུལ་གནང་འདུགདེ་བཞིན་ཁ་ཉིན་ཕྱི་ཚེས་ ༡༢ ཉིན་རྙིང་མའི་དགོན་སྡེ་ཁག་གིས་རིམས་ནད་དེར་གདོང་ལེན་སླད་སྨན་བཅོས་དང་དགོས་ངེས་ཅན་ལ་བཟའ་འབྲུ་རིགས་མཐུན་སྦྱོར་ཆེད་རྒྱ་གར་ནུབ་བྷེང་གྷལ་མངའ་སྡེར་རྟེན་གཞི་བྱས་པའི་ཨོ་རྒྱན་སྨིན་གྲོལ་བསམ་གཏན་གླིང་དགོན་པས་མངའ་སྡེའི་ཏོག་དབྱིབས་གཉན་རིམས་ཀྱི་ངལ་སེལ་ཐེབས་རྩར་འབུམ་གསུམ་དང་། འབྲས་ལྗོངས་སྨིན་གྲོལ་གླིང་དགོན་པས་མངའ་སྡེའི་ཏོག་དབྱིབས་ངལ་སེལ་ཐེབས་རྩར་འབུམ་གསུམ། དེ་བཞིན་རྒྱ་གར་བྱང་ཕྱོགས་དོན་གྲུབ་གླིང་གཞིས་སྒར་དུ་ཆགས་པའི་ངེས་དོན་དགའ་ཚལ་གླིང་ནས་ཨུ་ཏྲ་ཁན་ཌ་མངའ་སྡེའི་ཏོག་དབྱིབས་ཀྱི་ངལ་སེལ་ཐེབས་རྩར་འབུམ་བཅུ་ཞལ་འདེབས་གནང་འདུག དེ་བཞིན་བཞུགས་སྒར་དུ་རྟེན་གཞི་བྱས་པའི་གཞུང་འབྲེལ་མིན་པའི་ཚོགས་ཁག་ལས་དྷ་སྟེང་བོད་ཁྱིམ་གྱིས་མངའ་སྡེའི་སྤྱི་ཁྱབ་བློན་ཆེན་གྱི་ངལ་སེལ་ཐེབས་རྩར་ཧིན་སྒོར་འབུམ་གསུམ་དང་ཀཱངྒ་རྰ་རྫོང་གི་ངལ་སེལ་ཐེབས་རྩར་འབུམ་གཉིས། བོད་ཀྱི་དཔེ་མཛོད་ཁང་གིས་ཆིག་འབུམ་ཆིག་ཁྲི། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་འབུམ་གཅིག གཞན་ཡང་ཧིན་བོད་མཛའ་འབྲེལ་ཚོགས་པས་འབུམ་གཅིག་བཅས་ཞལ་འདེབས་སུ་ཕུལ་འདུགགཞི་རྩའི་ད་ཆ་འཛམ་གླིང་སྤྱི་ཡོངས་ནང་ཏོག་དབྱིབས་གཉན་རིམས་ཀྱི་ངལ་བ་འཕྲད་བཞིན་པའི་སྐབས་འདིར་གཉན་རིམས་དེར་གདོང་ལེན་སླད་རྒྱལ་ཁབ་སོ་སོ་ནས་ཛ་དྲག་གི་ཐོག་ནས་ཕར་འགྲོ་ཚུར་འོང་གི་བྱ་གཞག་ལ་བཀག་སྡོམ་དང་དེ་བཞིན་སྤྱི་ཚོགས་རྒྱང་ཐ་་བསྟེན་དགོས་པ། ལྷག་པར་ཕྱིར་ཕེབས་དགོས་པ་འབྱུང་ཚེ་ངེས་པར་དུ་ཁ་རས་གྱོན་དགོས་པ་མ་ཟད་དོགས་གཞི་ཡོད་མཁན་རྣམས་རང་ཁྱིམ་དུ་ཟུར་བཀག་གནང་དགོས་པ་སོགས་ལམ་སྟོན་གནང་ཡོད་པ་རེད། འོན་ཀྱང་དཀའ་ཚེགས་ཀྱི་དུས་ཚིགས་འདིར་ཉིན་གླ་ཁོ་ནར་བསྟེན་མཁན་དབུལ་ཕོངས་དང་ཉམ་ཐག་རྣམས་ལ་ངལ་བ་ཧ་ཅང་འཕྲད་ཀྱི་ཡོད་པ་ལྟར་རང་རེའི་སྤྱི་ཚོགས་ནང་བོད་མི་ཚོགས་སྒེར་ཁག་ཅིག་ནས་ངལ་བ་དེ་དག་སེལ་སླད་བཟའ་འབྲུ་ཟམ་མི་ཆད་པར་སྦྱིན་གཏོང་གནང་བཞིན་འདུག དེའི་ཁྲོད་ཉེ་ལམ་དོན་གྲུབ་གླིང་གཞིས་སྒར་བོད་མི་རྣམས་ནས་ས་གནས་དེར་ཡོད་པའི་རྒྱ་གར་གྱི་ལས་མི་དང་དབུལ་ཕོངས་རྣམས་ལ་བཟའ་འབྲུ་སོགས་སྦྱིན་གཏོང་གནང་འདུགདཔལ་འབྱོར་ཡོད་མཁན་བོད་མི་ཁག་ཅིག་གིས་ས་གནས་སུ་དངུལ་གྱི་ཞལ་འདེབས་དང་དེ་བཞིན་ལ་ལས་ས་གནས་ཀྱི་སྨན་ཁང་སོགས་སུ་ཕྱག་ལས་གནང་བཞིན་པའི་འཕྲོད་བསྟེན་གྱི་འབྲེལ་ཡོད་ལས་བྱེད་ཚོར་རིན་མེད་ཐོག་ཁ་རས་བགོ་འགྲེམས་དང་གདོང་ཁེབས་ལ་སོགས་པ་བཟོས་ཏེ་གཞན་ཕན་གྱི་ཕྱག་ལས་གནང་སྟེ་སེམས་འགུལ་ཐེབས་པའི་ལས་འགུལ་སྣ་མང་སྤེལ་བཞིན་པའི་གནས་ཚུལ་མང་པོ་མཐོང་རྒྱུ་འདུག

༸དཔལ་རྒྱལ་དབང་ཀརྨ་པ་མཆོག་གི་བཀའ་དགོངས་ལམ་སྟོན་འོག་རྒྱ་གར་དབུས་གཞུང་དང་ས་གནས་མངའ་སྡེའི་ངལ་སེལ་ཐེབས་རྩར་ཞལ་འདེབས་ཕོན་ཆེ་གནང་འདུགད་ཆ་རྒྱ་ནག་ཝུ་ཧན་ནས་ཁྱབ་བརྡལ་བྱུང་བའི་ཏོག་དབྱིབས་རིམས་ནད་རྐྱེན་པས་རྒྱལ་སྤྱིའི་གཞུང་དང་མང་ཚོགས་སྤྱིའི་གནས་སྟངས་ལ་དཀའ་ངལ་རབས་དང་རིམ་པ་འཕྲད་བཞིན་པའི་ཁྲོད་འདིར་བོད་མིའི་སྒྲིག་འཛུགས་དང་བོད་མིའི་ཆོས་ཕྱོགས་ཀྱི་དབུ་ཁྲིད་རྣམ་པས་དབུས་པའི་ཚོགས་སྐྱིད་དང་གང་ཟག་སྒེར་སོགས་ནས་རྒྱ་གར་དབུས་གཞུང་དང་འབྲེལ་ཡོད་མངའ་སྡེ་གཞུང་སོ་སོས་གཉན་རིམས་སྔོན་འགོག་དང་འབྲེལ་བའི་ལས་གཞི་སྤེལ་རྒྱ་གང་ཆེ་བཞིན་པར་རྒྱབ་སྐྱོར་དང་། ལྷག་དོན་ཡུལ་མི་ཉམ་ཐག་དུ་མའི་ཛ་དྲག་གི་གནས་སྟངས་ལ་གདུང་སེམས་མཉམ་བསྐྱེད་མཚོན་སླད་བཟའ་ཆས་སྦྱིན་གཏོང་དང་དཔལ་འབྱོར་སོགས་ཉེར་མཁོ་ཁག་གཅིག་ཞལ་འདེབས་འབུལ་བཞིན་ཡོད་པ་ལྟར། ཉེ་ལམ་༸དཔལ་རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གི་བཀའ་དགོངས་བཞིན་འབྲེལ་ཡོད་ མཚུར་ཕུ་བླ་བྲང་གི་ཀུན་སྐྱོང་ཐེབས་རྩ་ཁང་དང་གདན་ས་རུམ་བཏེག་ཀརྨ་བཤད་སྒྲུབ་ཆོས་འཁོར་གླིང་། དེ་བཞིན་བཀའ་བརྒྱུད་སྨོན་ལམ་ཆེན་མོའི་ཐེབས་རྩ་ཁང་བཅས་ཀྱིས་རྒྱ་གར་དབུས་གཞུང་དང་མངའ་སྡེའི་ཏོག་དབྱིབས་རིམས་ནད་དང་འབྲེལ་ཐེབས་རྩར་ཁྱོན་ཧིན་སྒོར་འབུམ་ ༢༨ ཞལ་འདེབས་ཕུལ་འདུག ༸དཔལ་རྒྱལ་དབང་ཀརྨ་པ་མཆོག་གི་སྤྱི་ལས་ཁང་འཛིན་སྐྱོང་མཚུར་ཕུ་བླ་བྲང་གི་ཀུན་སྐྱོང་ཐེབས་རྩས་ རྒྱ་གར་གྱི་སྲིད་བློན་མཆོག་གི་དབུལ་ཕོངས་ལ་དམིགས་པའི་ངལ་སེལ་གྱི་རོགས་དངུལ་ཐེབས་རྩ་ཧིན་སྒོར་འབུམ་ ༡༢ དང་ཧི་མཱ་ཅལ་མངའ་སྡེའི་བློན་ཆེན་མཆོག་གི་ཐེབས་རྩར་ཧིན་སྒོར་འབུམ་ ༣ བཅས་ཕུལ་འདུག་པ་མ་ཟད་རྒྱ་གར་འབྲས་ལྗོངས་མངའ་སྡེའི་ནང་ཆགས་པའི་གདན་ས་རུམ་བཏེག་ཀརྨ་བཤད་སྒྲུབ་ཆོས་འཁོར་གླིང་གི་གདན་སའི་འདུས་སྤྱིས་འབྲས་ལྗོངས་མངའ་སྡེའི་བློན་ཆེན་མཆོག་གི་ཐེབས་རྩར་ཧིན་སྒོར་འབུམ་ ༣ བཅས་ཞལ་འདེབས་ཕུལ་འདུག དེ་བཞིན་རྒྱ་གར་བི་ཧཱར་མངའ་སྡེའི་གནས་མཆོག་རྡོ་རྗེ་གདན་དུ་ཡོད་པའི་བཀའ་བརྒྱུད་སྨོན་ལམ་ཆེན་མོའི་ཐེབས་རྩ་ཁང་གིས་འབྲེལ་ཡོད་བི་ཧཱར་མངའ་སྡེའི་བློན་ཆེན་མཆོག་གི་ཐེབས་རྩར་ཧིན་སྒོར་འབུམ་ ༥ དང་རྒྱ་གར་གྱི་སྲིད་བློན་མཆོག་གི་དབུལ་ཕོངས་ལ་དམིགས་པའི་ངལ་སེལ་གྱི་རོགས་དངུལ་ཐེབས་རྩར་ཧིན་སྒོར་འབུམ་ ༥ བཅས་ཞལ་འདེབས་ཕུལ་ཡོད་པ་རེད།ལྷག་དོན་༸དཔལ་རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གིས་ངོ་དེབ་བརྒྱུད་སང་ཟླ་ ༤ ཚེས་ ༡༤ ཉིན་རྒྱལ་སྤྱིའི་ཉིན་མོའི་ཚོུད་ ༢ པ་དང་རྒྱ་གར་ནང་གི་གི་དགོང་མོའི་ཚོུད་ ༧ ཐོག་ཏོག་དབྱིབས་གཉན་རིམས་དང་འབྲེལ་བའི་དམིགས་བསལ་བཀའ་སློབ་བསྩལ་རྒྱུ་རེད་འདུགགཞི་རྩའི་རིམས་ནད་ཀྱི་ཛ་དྲག་གནས་སྟངས་ཁྲོད་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་གཡུང་དྲུང་བོན་གྱི་འཛིན་སྐྱོང་ལྷན་ཚོགས་དང་ལྷོ་ཕྱོགས་བཀྲ་ཤིས་ལྷུན་པོ་དགོན་པ། ས་སྐྱ་མཐོ་སློབ་དང་ས་སྐྱ་སྨོན་ལམ་ཐེབས་རྩ་ཁང་། སྒྲོལ་མ་ཕོ་བྲང་ཚོགས་པ། ས་སྐྱ་དབུས་ལྟེ་གནས་ཁང་སོགས་བོད་པའི་དགོན་སྡེ་གྲྭ་ཚང་དང་གཞིས་སྒར་ཁག དེ་བཞིན་བོད་མི་མང་ཚོགས་སོགས་ནས་ཉེ་འཁོར་གྱི་རྒྱ་གར་ཡུལ་མི་རྣམས་ལ་ཟས་སྦྱིན་དང་མངའ་སྡེ་སོ་སོའི་སྤྱི་ཁྱབ་བློན་ཆེན་དང་རྒྱ་གར་གྱི་སྲིད་བློན་མཆོག་གི་དབུལ་ཕོངས་ལ་དམིགས་པའི་ངལ་སེལ་གྱི་རོགས་དངུལ་ཐེབས་རྩ་བཅས་ལ་གང་ནུས་ཀྱིས་ཞལ་འདེབས་གནང་མཁན་མང་པོ་བྱུང་ཡོད་པ་རེད།

ཨ་རི་ནང་བོད་མི་ལས་ཤོར་མཁན་གི་དཀའ་ངལ་དང་གཞུང་གི་རོགས་དངུལ།