ཉན་པ།: Listen ཕབ་ལེན། Download བཙན་བྱོལ་སྒྲིག་འཛུགས་ཇི་སྲིད་ཚགས་ཚུད་གནས་པར་དེ་སྲིད་བོད་ཀྱི་ཤེས་ཡོན་འཛིན་ཐུབ། བཞུགས་སྒར་དུ་གནམ་སྡེ་སྒོར་མོའི་མི་གསོད་ཁྲག་སྦྱོར་གྱི་དོན་རྐྱེན་ལ་རྗེས་དྲན་ཞུས་པ། བོད་ཧོང་ཐེ་ཝན་གསུམ་གྱི་ལས་འགུལ་བའི་བཞུགས་གྲལ་སྒོར་མོའི་ལྷན་ཚོགས་དབུ་འཛུགས། ༸གོང་ས་མཆོག་ཧི་མཱ་ཅལ་ཨ་བྷི་ཨ་བྷི་གསར་ཁང་གི་དུས་དྲན་མཛད་སྒོར་ཆིབས་སྒྱུར། བོད་རྒྱལ་ཡོངས་རྐང་སྤོལ་རུ་ཁག་ CONIFA རྩེད་འགྲན་ནས་བུད། རྒྱ་གཞུང་གི་བོད་གཞིས་ཀ་རྩེར་གཞི་རྒྱ་ཆེ་བའི་དམག་སྦྱོང་བྱེད་བཞིན་པ། Monday 04/06/2018 Dalai Lama meets with Tibet Corps volunteers Tibetans commemorate 29th anniversary of Tiananmen Massacre 2nd Tibet, Hong Kong and Taiwan Round Table Conference kicks off in Washington DC Dalai Lama graces 3rd anniversary of Himachal Abhi Abhi news paper Tibet National Team’s journey ends at the 2018 ConIFA World Foot Tournament Chinese military drills carried out in Shigatse, Tibet

ཉན་པ།: Listen ཕབ་ལེན། Download རྒྱལ་སྤྱིའི་དབུ་མའི་ལམ་མི་མང་ཚོགས་ཆེན་ཐེངས་དང་པོ་མཇུག་སྒྲིལ་གནང་སོང་། CONFIA རྐང་སྤོལ་འགྲན་བསྡུར་ནང་བོད་མིའི་རྩེད་འགྲན་པ་མཉམ་ཞུགས། ཐེ་ཝན་ཐོག་འཛིན་པའི་ལངས་ཕྱོགས་རྐྱེན་གྱིས་རྒྱ་ནག་དང་ལྷན་དུ་ཚོང་འབྲེལ་ལ་འགོག་རྐྱེན་འཕྲད་བཞིན་པ། དམིགས་བསལ་ལས་རིམ། སྨན་པ་རིན་ཆེན་བཟང་མོ་ལགས་ཀྱིས་མཁལ་མའི་ནད་གཞི་ངོ་སྤྲོད། Thursday 31/05/2018 First International Umaylam Conference concludes CONIFA 2018 begins:Tibetan Football Team plays against Abkhazia Costco facing Chinese ire over Taiwan stance HEALTH FEATURE: Dr. Rinchen Sangmo on Kidney disease

  ༸གོང་ས་མཆོག་གིས་བོད་ཀྱི་རྐང་སྤོལ་རུ་ཁག་ལ་ས་གནས་གང་དུ་ཕྱིན་ནའང་བོད་མི་རིགས་ཀྱི་གཤིས་ཀ་བཟང་པོ་དེ་འཁྱེར་ནས་ཕེབས་ཞེས་བཀའ་བསྩལ་བ། ཕྱི་ཟླ་ ༥ ཕྱི་ཚེས་ ༡༨ ཉིན་གྱི་སྔ་དྲོ་ཆུ་ཚོད་དགུ་པ་ཙམ་ལ་བོད་ཀྱི་རྐང་སྤོལ་རུ་ཁག་འཚོགས་ལ་ཉེ་བའི་༢༠༡༨ ལོའི་ CONIFA འཛམ་གླིང་རྐང་རྩེད་སྤོ་ལོའི་གཟེངས་རྟགས་ཀྱི་འགྲན་སྡུར་ཆེད་དབྱིན་ཡུལ་ཕྱོགས་སུ་ཐོན་ལ་ཉེ་བ་དང་བསྟུན་༸གོང་ས་སྐྱབས་མགོན་ཆེན་པོ་མཆོག་གི་མཇལ་ཁར་བཅར་ཡོད།   དེ་ཡང་མཇལ་བཅར་ཐོག་བོད་ཀྱི་རྐང་སྤོལ་རུ་ཁག་གི་སྦྱོང་འཁྲིད་པ་སྤེན་པ་ཚེ་རིང་ལགས་དང་རུ་དཔོན་སྐར་མ་ཚེ་དབང་ལགས་གཙོས་པའི་རྩེད་མོ་བ་རྣམས་པ་དང་། བཞུགས་སྒར་དུ་རྟེན་གཞི་བྱས་པའི་བོད་རྒྱལ་ཡོངས་རྩེད་རིགས་ཚོགས་པའི་དྲུང་ཆེ་པ་སངས་རྡོ་རྗེ་ལགས་གཙོས་པའི་ལས་བྱེད་བཅས་ཕེབས་འདུག་པ་དང་། སྐབས་དེར་༸གོང་ས་སྐྱབས་མགོན་ཆེན་པོ་མཆོག་གིས་རྩེད་འགྲན་པ་རྣམས་ལ། བོད་མི་རིགས་ཀྱི་མཐུན་མོང་མ་ཡིན་པའི་ཆོས་དང་རིག་གཞུང་། ལྷག་དོན་བྱམས་བརྩེའི་གཤིས་ཀ་དེ་དག་རྒྱལ་སྤྱིའི་ཐོག་སྤོབས་པ་བྱ་འོས་པ་ཞིག་ཡིན་སྐོར་བཀའ་འགྲེལ་དང་སྦྲགས། ད་རེས་ཕྱོགས་ཐོན་གནང་མཁན་གྱི་རྩེད་འགྲན་པ་རྣམས་ས་གནས་གང་དུ་ཕྱིན་པ་ཡིན་ནའང་བོད་མི་རིགས་ཀྱི་གཤིས་ཀ་བཟང་པོ་དེ་འཁྱེར་ནས་ཕེབས་ཨ་ཞེས་བཀའ་བསྩལཡོད། གཞན་ཡང་ཁོང་རྩེད་འགྲན་པ་རྣམས་རྩེད་འགྲན་ཆེད་ཕེབས་ལ་ཉེ་བ་དང་བསྟུན། དེ་རིང་ཉིན་དགུང་ཚོུད་ ༡༢།༣༠ ཡོལ་ཙམ་ལ་བོད་རྒྱལ་ཡོངས་རྩེད་རིགས་ཚོགས་པས་བོད་མིའི་སྒྲིག་འཛུགས་བཀའ་ཤག་ཚོགས་ཁང་དུ་སྲིད་སྐྱོང་བློ་བཟང་སེང་གེ་མཆོག་དང་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག་གདན་ཞུའི་ཐོག་གསར་འགོད་ལྷན་ཚོགས་ཤིག་སྐོང་ཚོགས་གནང་སོང་བ་དང་། སྐབས་དེར་སྲིད་སྐྱོང་མཆོག་ནས་བོད་ཀྱི་རྐང་སྤོལ་རུ་ཁག་ལོ་ངོ་༡༠ ཙམ་གྱི་རྗེས་སུ་སླར་ཡང་རྒྱལ་སྤྱིའི་སྡིངས་ཆའི་ཐོག་རྩེད་འགྲན་གནང་རྒྱུའི་གོ་སྐབས་བྱུང་བ་དེ་ནི་རྩེད་མོའི་ངོ་བོ་ཁོ་ན་ཙམ་མ་ཡིན་པར། ཆབ་སྲིད་ཀྱི་ཆ་ནས་ཀྱང་བྱས་རྗེས་ཆེན་པོ་ཞིག་མཚོན་གྱི་ཡོད་པ་གསུངས་སོང་། གཞི་རྩའི་བོད་ཀྱི་རྐང་སྤོལ་རུ་ཁག་ཟླ་བ་འདིའི་ཕྱི་ཚེས་ ༣༡ ནས་དབྱིན་ཡུལ་གྱི་རྒྱལ་ས་ London ནང་འཚོགས་གཏན་འཁེལ་བའི་ ༢༠༡༨ ལོའི་ CONIFA འཛམ་གླིང་རྐང་སྤོལ་རྩེད་འགྲན་ཆེན་མོའི་ཆེད་སང་ཉིན་བཞུགས་སྒར་ནས་རྩེད་འགྲན་པ་ ༡༥ དང་ལས་བྱེད་ཁག་ཅིག་ཕྱོགས་ཐོན་གནང་གི་ཡོད་པ་མ་ཟད། རྩེད་འགྲན་དེའི་ཆེད་ཨ་རི་དང་ཁེ་ན་ཌ་ དེ་བཞིན་དབྱིན་ཡུལ་དང་ཡོ་རོབ་ཁུལ་གྱི་ས་གནས་གཞན་བཅས་ནས་བོད་རིགས་རྩེད་འགྲན་པ་ ༨ ནས་མཉམ་ཞུགས་གནང་གི་འདུག  

ཉན་པ།: Listen ཕབ་ལེན། Download འཕགས་བོད་འབྲེལ་མཐུད་ཚོགས་པའི་རྒྱལ་ཡོངས་ཚོགས་ཆེན་དབུ་འཛུགས། བོད་ཀྱི་རྐང་སྤོལ་རུ་ཁག་ནས་མཐོང་མཆན་གང་མགྱོགས་ཐོབ་རྒྱུའི་རེ་སྒུག། བོད་པའི་བེུད་ཁག་ཅིག་ལ་ཟླ་མཚན་དང་འབྲེལ་བའི་ཟབ་སྦྱོང་གནང་བ། བེུད་ལྷན་ཚོགས་ཀྱི་རྒྱལ་ཡོངས་ཚོགས་ཆེན་བདུན་ཕྲག་རྗེས་མར་འཚོགས་རྒྱུ། Saturday 05/05/2018 National Convention of Bharat-Tibet Sahyog Manch begins in Mandi Tibetan National Football team eagerly await visas for ConIFA World Cup Menstrual Health and Hygiene Management training held in Dharamsala 12th General Body Meeting of Tibetan Women’s Association to begin next week

བོད་རྒྱལ་ཡོངས་རྐང་རྩེད་སྤོ་ལོ་རུ་ཁག་འདི་ལོའི་ CONIFA འཛམ་གླིང་རྐང་རྩེད་སྤོ་ལོའི་གཟེངས་རྟགས་ཀྱི་འགྲན་བསྡུར་ནང་མཉམ་ཞུགས་གནང་ཆེད་མཐོང་མཆན་གང་མགྱོགས་ཐོབ་རྒྱུར་རེ་སྒུག་གནང་བཞིན་འདུག ཟླ་ ༥ ཚེས་ ༣༡ ནས་དབྱིན་ཡུལ་གྱི་རྒྱལ་ས་ལོན་ཊན་ནང་ཕྱི་ལོ་ ༢༠༡༨ ལོའི་ Confederation of Independent Football Associations ཞེས་འཛམ་གླིང་རྐང་སྤོལ་རྩེད་འགྲན་ཆེན་མོ་དབུ་འཛུགས་གནང་གི་ཡོད་པ་མ་ཟད།  རྩེད་འགྲན་གྱི་རུ་མིག་ལ་གཞིགས་ཚེ་ཟླ་ ༥ ཚེས་ ༣༡ ཉིན་རྩེད་འགྲན་གྱི་དབུ་འབྱེད་སྐབས་རྩེད་འགྲན་ཆེས་ཐོག་མ་དེ་བོད་རྒྱལ་ཡོངས་རྐང་རྩེད་སྤོ་ལོ་རུ་ཁག་དང་ Abkhazia རྒྱལ་ཁབ་ཀྱི་རྐང་སྤོལ་རུ་ཁག་དབར་རྩེད་འགྲན་གནང་རྒྱུ་རེད་འདུག  འོན་ཀྱང་བོད་རྒྱལ་ཡོངས་རྐང་སྤོལ་རུ་ཁག་ལ་མཐོང་མཆན་མ་རག་པའི་གནས་སྟངས་འོག་ལྷག་ཡོད་པ་རེད། འདི་ག་རླུང་འཕྲིན་ཁང་གིས་བོད་རྒྱལ་ཡོངས་རྩེད་རིགས་ཚོགས་པའི་དྲུང་ཆེ་པ་སངས་རྡོ་རྗེ་ལགས་སུ་ཐེངས་འདིའི་ CONIFA རྩེད་འགྲན་ནང་མཉམ་ཞུགས་གནང་རྒྱུར་བོད་རྒྱལ་ཡོངས་རྐང་སྤོལ་རུ་ཁག་གི་སྤྱི་ཡོངས་སྦྱོང་བརྡར་དང་གྲ་སྒྲིག་ཇི་ལྟར་བྱུང་ཡོད་མེད་དང་འདི་བཞིན་རྩེད་འགྲན་པ་ཚོའི་མཐོང་མཆན་གྱི་གནས་སྟངས་ཇི་ཆགས་སྐོར་བཅར་འདྲི་ཞིབ་རྒྱས་ཞུས་པར་ཁོང་གིས་རྒྱ་གར་ནས་བོད་མི་རྩེད་འགྲན་པ་ཁྱོན་ ༡༥ འཁྲིད་རྒྱུར་ཐག་གཅོད་གནང་ཟིན་པ་དེ་ལྟར། རྩེད་འགྲན་པ་ཚོའི་མཐོང་མཆན་ད་དུང་མ་ཐོབ་སྟབས། རྩེད་རིགས་ཚོགས་པའི་ངོས་ནས་འཆར་གཞི་སྔོན་སྒྲིག་ལྟར་ལག་བསྟར་གནང་ཐུབ་མིན་ཐད་ལ་ཐུགས་འཁྲལ་དང་ངལ་བ་ཆེན་པོ་འཕྲད་བཞིན་ཡོད་པ་གསུངས་སོང་། རྩ་བའི་ Confederation of Independent Football Associations (CONIFA) ཞེས་པའི་འཛམ་གླིང་རྐང་རྩེད་སྤོ་ལོའི་རྩེད་འགྲན་ནི། དུས་རྒྱུན་ FIFA འཛམ་གླིང་རྐང་རྩེད་སྤོ་ལོའི་འགྲན་བསྡུར་ནང་མ་ཚུད་པའི་འཛམ་གླིང་ཁྲོད་ཀྱི་གྲངས་ཉུང་མི་རིགས་དང་སྐྱབས་བཅོལ་བ། དེ་བཞིན་རང་མི་རིགས་ཀྱི་རིག་གཞུང་དང་རྒྱལ་ཁབ་མཚོན་ཐུབ་པའི་མི་རིགས་ཁག་ལ་ཆེད་དམིགས་གནང་པའི་རྩེད་འགྲན་ཞིག་ཆགས་ཀྱི་ཡོད་པ་དང། ཚོགས་པ་དེའི་འོག་བྱང་ཨ་རི་དང་ཡོ་རོབ། ཨེ་ཤ་ཡ། ཨ་ཕི་རི་ཀ མཚོ་ངོས་རྒྱལ་ཁབ་བཅས་ཀྱི་ཚོགས་མི་རྒྱལ་ཁབ་ ༤༧ ཡོད་པ་རེད།

བོད་ཀྱི་རྐང་རྩེད་སྤོ་ལོའི་རུ་ཁག་རྒྱ་གར་གྱི་རྐང་སྤོལ་རུ་ཁག་ཆེ་གྲས་ Mohun Bagan དང་རྩེད་འགྲན་གནང་པ་ལས་ཕམ་ཉེས་བྱུང་ཡང་། བོད་མི་རྣམས་འབྲས་ལྗོངས་མངའ་སྡེའི་སྲིད་སྐྱོང་གི་རྐང་སྤོལ་རྩེད་འགྲན་ནང་ཐེངས་གསུམ་འཛུལ་ཞུགས་ཐུབ་པ་དེ་རྒྱལ་ཁ་ཐོབ་པར་ངོས་འཛིན་ཀྱི་ཡོད་ཅེས་གསུངས་སོང་། དེ་ཡང་ཟླ་བ་འདིའི་ཚེས་ ༥ ནས་རྒྱ་གར་བྱང་ཤར་མངའ་སྡེ་འབྲས་ལྗོངས་ནང་དུ་འབྲས་ལྗོངས་རྐང་སྤོལ་ཚོགས་པའི་གོ་སྒྲིག་འོག་ཁུལ་དེར་རྟེན་གཞི་བྱས་པའི་དཔལ་འབྱོར་རྐང་སྤོལ་རྩེ་ཐང་དུ་ Sikkim Governors Gold Cup ཞེས་འབྲས་ལྗོངས་མངའ་སྡེའི་སྲིད་སྐྱོང་གི་རྐང་རྩེད་སྤོ་ལོའི་འགྲན་བསྡུར་ཐེངས་ ༣༧ པ་དེ་རྩེད་བཞིན་ཡོད་པ་དང་། རྩེད་འགྲན་དེའི་ཐོག་བོད་ཀྱི་རྐང་སྤོལ་རུ་ཁག་གིས་གཙོས་པའི་འབྲས་ལྗོངས་དང་ཤི་ལོང་། Jalandhar དང་། Calcutta སོགས་རྒྱ་གར་རྒྱལ་ཡོངས་ཀྱི་རུ་ཁག་ ༡༢ ནས་མཉམ་ཞུགས་གནང་ཡོད་པ་ལྟར། ཚེས་ ༥ ཉིན་བོད་ཀྱི་རྐང་སྤོལ་རུ་ཁག་གིས་རྒྱ་གར་ Punjab མངའ་སྡེའི་ Jalandhar རྐང་རྩེད་སྤོ་ལོའི་རུ་ཁག་ལྷན་རྩེད་འགྲན་གྱིས་རིམ་པ་དང་པོའི་རྒྱལ་ཁ་ཐོབ་སྟབས། མཐའ་མའི་རིམ་པ་གསུམ་པའི་ནང་ཚུད་ནས་ཁ་སང་ཚེས་ ༡༡ ཉིན་རྒྱ་གར་གྱི་རུ་ཁག་ཆེ་གྲས་ Mohun Bagan དང་ལྷན་དུ་རྩེད་འགྲན་གནང་ཡོད་པ་རེད། སྐབས་དེར་རྩེད་འགྲན་དུས་ཡུན་སྐར་མ་ ༩༠ ནང་ལ་རུ་ཁག་གཉིས་ནས་སྤོ་ལོ་གཅིག་ཀྱང་བླུགས་ཐུབ་མེད་སྟབས། སྐར་མ་ ༣ འཕར་མ་ཕུལ་ཐོག་རྩེད་འགྲན་གནང་པ་ལས་མུ་ཧཱན་རུ་ཁག་གིས་སྐར་མ་གཉིས་ནང་ཚུད་སྤོ་ལོ་གཅིག་བླུགས་པས་བོད་ཀྱི་རྐང་སྤོལ་རུ་ཁག་ལ་ཕམ་ཉེས་བྱུང་འདུག གསར་འགོད་པས་བོད་ཀྱི་རྐང་རྩེད་སྤོ་ལོའི་རུ་ཁག་གི་རུ་དཔོན་ཀརྨ་ཚེ་དབང་ལགས་སུ་མྱོང་ཚོར་ཇི་བྱུང་ཐད་བཅར་འདྲི་ཞུས་པར་ཁོང་གིས་ད་ལན་ཁོང་རྣམ་པར་རྒྱལ་ཁ་ཐོབ་མེད་ཀྱང་རུ་ཁག་འདིའི་ནང་གི་རྩེད་འགྲན་པ་ཡོངས་ནས་ནུས་པ་གང་ཡོད་ཀྱིས་རྒྱ་གར་གྱི་རུ་ཁག་དང་རྩེད་འགྲན་གནང་ཐུབ་པ་དེ་རྒྱལ་ཁར་ངོས་འཛིན་གྱི་ཡོད་ཅེས་དང་། མ་འོངས་པར་མུ་མཐུད་རྩེད་འགྲན་འདྲ་མིན་ནང་མཉམ་ཞུགས་གནང་ནས་རྩེད་མོའི་སྒྱུ་རྩལ་གོང་མཐོར་གཏོང་ཐབས་གནང་རྒྱུ་ཡིན་སྐོར་གསུངས་ཡོད། བོད་རྒྱལ་ཡོངས་རྩེད་རིགས་ཚོགས་པའི་དྲུང་ཆེ་པ་སངས་རྡོ་རྗེ་ལགས་ཀྱིས་བོད་ཀྱི་རྐང་རྩེད་སྤོ་ལོའི་རུ་ཁག་ནས་འབྲས་ལྗོངས་མངའ་སྡེའི་སྲིད་སྐྱོང་གི་རྐང་སྤོལ་རྩེད་འགྲན་ནང་ཐེངས་གསུམ་འཛུལ་ཞུགས་གནང་པའི་ཁྲོད་ཐེངས་འདིའི་གྲུབ་འབྲས་དེ་ཚད་མཐོ་ཤོས་ལ་ངོས་འཛིན་གནང་ཆོག་པ་དང་། མི་མང་པོ་ཞིག་གིས་ཆེད་ལས་རྩེད་འགྲན་རུ་ཁག་མུ་ཧཱན་རུ་ཁག་གིས་སྤོ་ལོ་མང་པོ་བླུགས་རྒྱུའི་ཚོད་དཔག་གནང་ཡོད་ཀྱང་དེ་ལྟར་བྱུང་མེད་སྐོར་གསུངས་སོང་། རྩ་བའི་བོད་རྒྱལ་ཡོངས་རྩེད་རིགས་ཚོགས་པས་རྐང་འགན་བཞེས་པའི་ཐོག་བོད་ཀྱི་རྐང་རྩེད་སྤོལ་རུ་ཁག་ལོ་རྗེས་མ་བོད་ཀྱི་རྐང་རྩེ་སྤོ་ལོའི་རུ་ཁག་འདི་ CONIFA འཛམ་གླིང་རྐང་རྩེད་སྤོ་ལོའི་གཟེངས་རྟགས་ཀྱི་འགྲན་བསྡུར་ནང་མཉམ་ཞུགས་གནང་རྒྱུ་ཡིན་པ་དང་། འཛམ་གླིང་གང་ས་ནས་རུ་ཁག་ ༡༥ ཙམ་ནས་མཉམ་ཞུགས་གནང་གི་ཡོད་པ་རེད།

དེ་ཡང་ཁ་ཉིན་ཕྱི་ཚེས་ ༥ ནས་རྒྱ་གར་བྱང་ཤར་མངའ་སྡེ་འབྲས་ལྗོངས་ནང་དུ་འབྲས་ལྗོངས་རྐང་སྤོལ་ཚོགས་པའི་གོ་སྒྲིག་འོག་ཁུལ་དེར་རྟེན་གཞི་བྱས་པའི་དཔལ་འབྱོར་རྐང་སྤོལ་རྩེ་ཐང་དུ་ Sikkim Governors Gold Cup ཞེས་འབྲས་ལྗོངས་མངའ་སྡེའི་སྲིད་སྐྱོང་གི་རྐང་རྩེད་སྤོ་ལོའི་འགྲན་བསྡུར་ཐེངས་ ༣༧ པ་དེ་རྩེད་བཞིན་ཡོད་པ་དང་། འདི་ལོའི་འགྲན་བསྡུར་ནང་བཞུགས་སྒར་དུ་རྟེན་གཞི་བྱས་པའི་བོད་རྒྱལ་ཡོངས་རྩེད་རིགས་ཚོགས་པས་རྐང་འགན་བཞེས་ཐོག་བོད་ཀྱི་རྐང་རྩེད་སྤོ་ལོའི་རུ་ཁག་ནས་མཉམ་ཞུགས་གནང་འདུག འདས་པའི་ཉིན་གྲངས་གཉིས་ཀྱི་ནང་རྒྱ་གར་གྱི་རུ་ཁག་ཅིག་དབར་རྩེད་འགྲན་གནང་ཡོད་པ་དང་། དེ་རིང་ཉིན་རྒྱབ་ཚོུད་ ༢།༠༠ ཐོག་བོད་ཀྱི་བུའི་རྐང་སྤོལ་རུ་ཁག་དང་རྒྱ་གར་ Punjab མངའ་སྡེའི་ Jalandhar རྐང་རྩེད་སྤོ་ལོའི་རུ་ཁག་དབར་རྩེད་འགྲན་གནང་ཡོད་པ་རེད། སྐབས་དེར་རྩེད་འགྲན་དུས་ཡུན་སྐར་མ་དགུ་བཅུའི་ནང་ལ་རུ་ཁག་གཉིས་ནས་སྤོ་ལོ་གཅིག་ཀྱང་བླུགས་ཐུབ་མེད་སྟབས། སྐར་མ་ ༣༠ འཕར་མ་ཕུལ་ཐོག་རྩེད་འགྲན་གནང་ཡོད་ཀྱང་། ཁྱོན་སྐར་མ་ ༡༢༠ ནང་ཕྱོགས་གཉིས་ནས་སྤོ་ལོ་གཅིག་ཀྱང་བླུགས་ཐུབ་མེད་པར་བརྟེན་ Penalty འམ་ཐད་ཀར་སྤོ་ལོ་སླུགས་རྒྱུའི་གོ་སྐབས་གནང་ཡོད་པ་དང་། སྐབས་དེར་ Jalandhar རྐང་རྩེད་སྤོ་ལོའི་རུ་ཁག་ནས་སྤོ་ལོ་ ༥ དང་བོད་ཀྱི་རྐང་རྩེད་སྤོ་ལོའི་རུ་ཁག་ནས་སྤོ་ལོ་ ༦ བཅས་བླུགས་མཐར་བོད་ཀྱི་རྐང་རྩེད་སྤོ་ལོའི་རུ་ཁག་ལ་རྒྱལ་ཁ་ཐོབ་ཡོད་པ་དང་། བོད་ཀྱི་རྐང་རྩེད་སྤོ་ལོའི་རུ་ཁག་ Quarterfinal འམ་མཐའ་མའི་རིམ་པ་གསུམ་པའི་ནང་ཚུད་ཐུབ་པ་བྱུང་འདུག ཟླ་བ་འདིའི་ཕྱི་ཚེས་ ༡༡ ཉིན་རྒྱ་གར་གྱི་རུ་ཁག་ཆེ་གྲས་Mohun Bagan དང་ལྷན་དུ་རྩེད་འགྲན་གནང་གི་ཡོད་པ་རེད། འདི་ག་རླུང་འཕྲིན་ཁང་ནས་བོད་རྒྱལ་ཡོངས་རྩེད་རིགས་ཚོགས་པའི་དྲུང་ཆེ་པ་སངས་རྡོ་རྗེ་ལགས་སུ་ཞལ་པར་རྒྱུད་བཅར་འདྲི་ཞུས་པར་ཁོང་གིས་ད་རེས་མཉམ་ཞུགས་གནང་དགོས་དོན་གཙོ་བོ་ནི་ལོ་རྗེས་མ་བོད་ཀྱི་རྐང་རྩེ་སྤོ་ལོའི་རུ་ཁག་འདི་ CONIFA འཛམ་གླིང་རྐང་རྩེད་སྤོ་ལོའི་གཟེངས་རྟགས་ཀྱི་འགྲན་བསྡུར་ནང་མཉམ་ཞུགས་གཏན་འཁེལ་ཡོད་སྟབས། རྩེད་མོ་རྩེད་མཁན་ཚོར་ཉམས་མྱོང་རག་ཆེད་དུ་ཡིན་པ་གསུངས་སོང་། གཞི་རྩའི་རྩེད་འགྲན་དེ་རྒྱ་གར་ནང་གི་རྐང་སྤོལ་རྩེད་འགྲན་ཆེ་གྲས་ཤིག་ཆགས་ཀྱི་ཡོད་པ་དང་། འདི་ལོའི་རྩེད་འགྲན་ནང་བོད་ཀྱི་རྐང་སྤོལ་རུ་ཁག་གིས་གཙོས་པའི་རྒྱ་གར་གི་འབྲས་ལྗོངས་དང་སི་ལོང་། Jalandhar དང་Calcutta དེ་བཞིན་Kerala བཅས་ནས་ཁྱོན་རུ་ཁག་ ༡༢ ནས་མཉམ་ཞུགས་གནང་ཡོད་པ་མ་ཟད། རྩེད་འགྲན་ཁྲོད་མཐའ་མའི་རྒྱལ་ཁ་ཐོབ་མཁན་དེ་ལ་རྟགས་མ་དང་སྒོར་འབུམ་གཉིས་ཀྱི་བྱ་དགའ་གནང་གི་ཡོད་པ་རེད་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་སེམས་བཟང་པོ་བྱེད་ན་ང་ཚོ་མི་ལུས་ཐོབ་པ་གོ་ཆོད་པ་རེད་གསུངས་སོང་། རྒྱ་ནག་དམར་ཤོག་ཚོགས་པའི་ཚོགས་ཆེན་ཐེངས་ ༡༩ ཟླ་ ༡༠ ཚེས་ ༡༨ ཉིན་འཚོག་རྒྱུ་རེད་འདུག བོད་ཀྱི་མཐུན་ཚོགས་གསར་འཛུགས་བརྒྱུད་བོད་ནང་གི་འགྲོ་བ་མིའི་ཐོབ་ཐང་སྐོར་གོ་རྟོགས་སྤེལ་བཞིན་པ། བོད་ཀྱི་རྐང་སྤོལ་རུ་ཁག་ CONIFA འཛམ་གླིང་རྐང་སྤོལ་འགྲན་བསྡུར་ནང་མཉམ་ཞུགས་གནང་རྒྱུ། Friday 01/09/2017 Dalai Lama concludes teaching to South East Asian devotees, Dharamsala CPC to convene 19th National Congress on October 18 New Tibet Unity Club in Ithaca raises awareness of human rights issues in Tibet Tibetan National Team to play at World Football Cup 2018 in London