བོད་དོན་སླད་རྐང་སྤོལ་རྩེད་འགྲན་བྱ་རྒྱུ་དེས་བོད་པའི་མཚན་མཐོང་ལ་ཕན་གྱི་རེད།

༸རྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲན་ཐེངས་ ༢༨ དབུ་འཛུགས།

ཉན་པ།: Listen ཕབ་ལེན། Download ༧གོང་ས་མཆོག་གིས་ཚེ་རབ་ནས་ཚེ་རབ་བར་དུ་གཞན་དོན་གྲུབ་རྒྱུའི་ཆོད་སེམས་གཏན་པོ་ཡོད་ཅེས་བཀའ་བསྩལ་སོང་། སྤོན་ཊ་ཆོལ་གསུམ་བོད་མིའི་གཞིས་སྒར་དུ་ཀོ་ནི་ཧྥ་འཛམ་གླིང་བེུད་ཀྱི་རྐང་སྤོལ་རྩེད་འགྲན་དབུ་འཛུགས། བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་ལ་༸གོང་ས་མཆོག་གི་མཛད་རྗེས་སྐོར་བཀའ་འདྲི་ཞུས་པ་བསྐྱར་སྲིང་། Saturday 02/07/2022 HHDL addresses musical concert marking his birthday in Taiwan, expresses commitment to altruism TNSA hosts CONIFA women’s World Cup in Paonta Tibetan Settlement Former Kalon Tripa S. Rinpoche on Dalai Lama’s Legacy: re-share

ཉན་པ།: Listen ཕབ་ལེན། Download རྒྱ་གཞུང་ཉེན་རྟོག་པས་བོད་གོ་འཇོ་ཁུལ་གྱི་བོད་མི་དྲུག་ འཛིན་བཟུང་བྱས་འདུག G7 ལྷན་ཚོགས་ཀྱི་དབུ་ཁྲིད་རྣམ་པས་བོད་དང་ཤིན་ཅང་ནང་ངལ་རྩོལ་ལས་འགུལ་སྤེལ་བར་བློ་འཚབ། རྒྱལ་སྤྱིའི་ཆོས་དད་རང་དབང་ལྷན་ཚོགས་ཐེངས་གཉིས་པ་འཚོགས་བཞིན་པ། Top Gun : Maverick གློག་བརྙན་དེ་རྒྱ་ནག་གི་རྒྱབ་སྐྱོར་མེད་པའི་ཐོག་ནས་གློག་བརྙན་ཚགས་ཚུད་བྱུང་བ་མངོན་གསལ། བོད་ཀྱི་བེུད་རྐང་སྤོལ་རུ་ཁག་འཛམ་གླིང་བེུད་རྐང་སྤོལ་ཀོ་ནི་ཧྥ་རྩེད་འགྲན་ལ་ཞུགས་རྒྱུར་གྲ་སྒྲིག Wednesday 29/06/2022 China detains six Tibetans in Gonjo County G7 leaders express concerned over China’s forced labor camp in Tibet and East Turkestan Second International Religious Freedom summit begins in Washington DC Top Gun: Maverick earns over $1 Billion without single screening in China Tibetan women’s national football team gear up for CONIFA 2022

ཕྱི་ཟླ་ ༧ ཚེས་ ༡ ཪེས་གཟའ་པ་སངས་ནས་འདི་ག་རྒྱ་གར་གྱི་ཧི་མཱ་ཅལ་མངའ་སྡེའི་སྤོན་ཊ་ཆོལ་གསུམ་གཞིས་ཆགས་ནང་འཛམ་གླིང་བེུད་ཀྱི་རྐང་སྤོལ་རྩེད་འགྲན་ Conifa ཞེས་པ་དེ་དབུ་འཛུགས་གནང་གི་ཡོད་པ་དང་།  བོད་ཀྱི་བེུད་རྐང་སྤོལ་རུ་ཁག་རྩེད་འགྲན་དེའི་ནང་ཞུགས་རྒྱུ་དང་ཁ་གཏད་ཀྱི་རུ་ཁག་རྣམས་ལ་གདོང་ལེན་གནང་རྒྱུར་གྲ་སྒྲིག་རེད་འདུག ཕྱི་ཟླ་ ༧ ཚེས་ ༡ ནས་སྤོན་ཊ་ཆོལ་གསུམ་གཞིས་ཆགས་སུ་རྩེད་འགྲན་གནང་རྒྱུའི་རྒྱལ་སྤྱིའི་རང་བཞིན་ལྡན་པའི་རྐང་སྤོལ་རྩེད་འགྲན་གྱི་ཆེད་དུ་ཨ་ཕི་རི་ཀ་གླིང་ཕྲན་ནས་རྐང་སྤོལ་རུ་ཁག་གཅིག་དང་ཡོ་རོབ་དང་ཨེ་ཤ་ཡ་ནས་རུ་ཁག་གཅིག་རེ་བཅས་ཁྱོན་རུ་ཁག་གསུམ་མཉམ་ཞུགས་གནང་གི་ཡོད་པ་ལྟར། ཡོ་རོབ་སུད་ཌན་ཁུལ་གྱི་ས་གནས་མི་རིགས་ཀྱི་ Sapmi ཪུ་ཁག་ཁ་སང་ཕྱི་དྲོ་སྤོན་ཊ་གཞིས་ཆགས་སུ་འབྱོར་ཡོད་པ་དང་། ཨ་ཕི་རི་ཀའི་ཛིམ་སྦ་ཝི་ཁུལ་ནས་ཡིན་པའི་རུ་ཁག་དེ་རིང་ས་གནས་སུ་འབྱོར་གྱི་ཡོད་པ་རེད།རུ་ཁག་གསུམ་པོ་དེ་དག་དབར་ཕྱི་ཚེས་ ༡ ནས་ ༦ བར་རྩེད་འགྲན་གནང་རྒྱུ་ཡིན་པ་ལྟར་བོད་ཀྱི་བེུད་རྩེད་འགྲན་རུ་ཁག་གི་ངོས་ནས་ཁ་གཏད་ཀྱི་རྩེད་འགྲན་པ་ཚོར་གདོང་ལེན་གནང་རྒྱུའི་གྲ་སྒྲིག་ཨང་གསར་རེད་འདུག   Team Tibet བོད་ཀྱི་བེུད་རུ་ཁག་གི་རུ་དཔོན་འཇམ་དབྱངས་ཆོས་མཚོ་ལགས་ཀྱིས་ནད་ཡམས་རྐྱེན་པས་ལོ་གསུམ་རིང་རྩེད་འགྲན་གནང་རྒྱུ་བྱུང་མེད་ཀྱང་། འདི་ལོར་ཟླ་བ་གཉིས་ལྷག་སྦྱོང་བརྡར་གནང་ཡོད་པར་མ་ཟད་བོད་ཀྱི་མིང་ཐོག་ནས་རྩེད་འགྲན་གནང་གི་ཡོད་སྟབས་ང་ཚོས་གང་ཐུབ་འབད་བརྩོན་ཞུ་རྒྱུ་ཡིན་ཞེས་གསུངས་ཡོད།བོད་ཀྱི་བུད་མེད་རྩེད་འགྲན་རུ་ཁག་ལ་རྐང་སྤོལ་སྦྱོང་བརྡར་གནང་མཁན་མགོན་པོ་རྡོ་རྗེ་ལགས་ཀྱིས་འདི་ལོ་གཞི་རྩའི་བོད་པའི་བེུད་སུམ་ཅུ་ལྷག་ལ་སྦྱོང་བརྡར་གནང་ཡོད་པའི་ཁོངས་ནས་དངོས་སུ་བེུད་ ༢༡ དྲག་འདེམས་གནང་ཡོད་པ་མ་ཚད་པར་བོད་ཀྱི་བེུད་ཚོས་ཕྱི་རྒྱལ་རུ་ཁག་རྣམས་ལ་ཁ་གཏད་གང་ལེགས་གཅོག་ཡོད་སྐོར་གསུངས་སོང་། གཞི་རྩའི་ Conifa རྩེད་འགྲན་ཞེས་པ་ནི། FIFA ལྟ་བུའི་རྒྱལ་སྤྱིའི་ཁྱོན་ཡོངས་ནས་ངོས་འཛིན་ཡོད་པའི་རྩེད་དྲན་ཞིག་མིན་པ་དེ་ལྟར་ནའང་། རྩེད་འགྲན་དེ་འཛམ་གླིང་ནང་རྒྱལ་ཁབ་ངོས་འཛིན་མེད་པ་དང་ས་གནས་ཀྱི་གྲངས་ཉུང་མི་རིགས།  རྩེད་འགྲན་ནས་ཁེར་རྐྱང་ལུས་པའི་མི་རིགས་བཅས་ཀྱི་རྩེད་འགྲན་ཞིག་ཡིན་པ་བཅས་ཀྱི་རྒྱལ་སྤྱིའི་རང་བཞིན་ལྡན་པ་ཞིག་ཆགས་ཀྱི་ཡོད། འདི་ལོའི་ཕྱི་ཟླ་ ༧ ཚེས་ ༡ ནས་ ༦ བར་རྩེད་འགྲན་གནང་རྒྱུ་དེ་བོད་རྒྱལ་ཡོངས་རྩེད་རིགས་ཚོགས་པས་མགྲོན་བདག་གནང་གི་ཡོད་པར་མ་ཟད། འདི་ལོའི་༸རྒྱལ་ཡུམ་ཆེན་མོའི་རྐང་སྤོལ་རྩེད་འགྲན་དང་བསྟུན་ཚོགས་ཡུལ་དེ་སྤོན་ཊ་གཞིས་འདམ་ཡོད་པ་རེད། གོ་སྒྲིག་ཚོགས་ཆུང་གི་ངོས་ནས་ཀྱང་སྤོན་ཊ་གཞིས་ཆགས་ཀྱིས་རྒྱལ་སྤྱིའི་རང་བཞིན་ལྡན་པའི་རྩེད་འགྲན་གྱི་ཆེད་དུ་ཕྱོགས་གང་ས་ནས་གྲ་སྒྲིག་གང་ཡོང་གནང་ཡོད་པར་འགྲེལ་བརྗོད་གནང་གི་འདུག

དེ་རིང་ཕྱི་དྲོ་ཚོུད་ ༥`༌༣༠ ཐོག་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༧ པའི་མཐའ་མའི་འགྲན་བསྡུར་རིམ་པ་དང་པོ་ Quarter Final  དབུ་འཛུགས་གནང་གི་འདུགཐེངས་འདིའི་༸རྒྱལ་ཡུམ་ཆེན་མོའི་རྩེད་འགྲན་གསེར་གྱི་གཟེངས་རྟགས་རྐང་རྩེ་སྤོ་ལོའི་འགྲན་བསྡུར་ནང་རྒྱ་གར་བྱང་ཕྱོགས་དང་བལ་ཡུལ་ནས་ཁྱོན་སྡོམ་རུ་ཁག་ ༡༦ གིས་མཉམ་ཞུགས་གནང་ཡོད་པ་རེད། རུ་ཁག་ ༡༦ དེ་དག་སྡེ་ཚན་བཞིར་འཆར་འགོད་ཀྱིས་སྡེ་ཚན་རེ རེ་ནང་རུ་ཁག་བཞི་ཡོད་ཐོག་ཁ་སྔོན་ཕྱི་ཚེས་ ༡༡ ནས་ ༡༩ བར་སྡེ་ཚན་སོ་སོའི་ནང་གི་རུ་ཁག་ཕན་ཚུན་དབར་རྩེད་འགྲན་གནང་སྟེ་ལྡི་ལི་བོད་སྒར་བསམ་ཡས་གླིང་རུ་ཁག་དང་ས་སྐྱ་པུར་ཝ་ལ་རུ་ཁག སྒང་ཏོག་གངས་སེང་རུ་ཁག གླིང་ཚང་རུ་ཁག ཕུན་ཚོགས་གླིང་ཆིག་སྒྲིལ་རུ་ཁག ལྡི་ལི་ན་གཞོན་སྡོད་ཁང་རུ་ཁག ཝཱ་རཱ་ཎ་སཱི་རུ་ཁག མེའོ་ཆོས་འཕེལ་གླིང་རུ་ཁག་བཅས་ཁྱོན་རུ་ཁག་བརྒྱད་མཐའ་མའི་འགྲན་བསྡུར་རིམ་པ་དང་པོ་ནས་བུད་ཟིན་འདུག ཁ་སང་ཕྱི་དྲོ་ཁོང་རྣམ་པར་གྱེས་སྟོན་གྱི་མཛད་སྒོ་སྟབས་བདེ་ཞིག་ཀྱང་ཚོགས་ཡོད་པ་རེད།དེ་རིང་དང་སང་ཉིན་བཅས་ཉིན་གཉིས་རིང་སྡེ་ཚན་བཞི་ནས་རྩེ་ཕུད་སོན་པའི་རུ་ཁག་བརྒྱད་དབར་མཐའ་མའི་འགྲན་བསྡུར་རིམ་པ་དང་པོ་དེ་གནང་གི་ཡོད་པ་དང་། དེ་རིང་གི་རྩེད་འགྲན་དང་པོ་དེ་དྷ་ས་ཆིག་སྒྲིལ་རུ་ཁག་དང་བལ་ཡུལ་རུ་ཁག་གཉིས་དབར་གནང་རྒྱུ་དང་གཉིས་པ་དོན་གྲུབ་གླིང་རུ་ཁག་དང་ལ་དྭགས་བསོད་ནམས་གླིང་རུ་ཁག་དབར་རྩེད་གནང་རྒྱུ་ཡིན་པ་རེད། དེ་བཞིན་སང་རྩེད་འགྲན་དང་པོ་སྦིར་རུ་ཁག་དང་སིམ་ལ་རུ་ཁག་དབར་གནང་རྒྱུ་དང་། གཉིས་པར་བདེ་སྐྱིད་གླིང་རུ་ཁག་དང་སྤོན་ཊ་ཆོལ་གསུམ་རུ་ཁག་དབར་རྩེད་འགྲན་གནང་རྒྱུ་ཡིན་པ་རེད།བོད་རྒྱལ་ཡོངས་རྩེད་རིགས་ཚོགས་པའི་ངོ་དེབ་ཐོག་ཏུ་འཁོད་པའི་ཕྱི་ཚེས་ ༡༨ བར་སྤོ་ལོ་མང་ཤོས་བླུགས་མཁན་དོན་གྲུབ་གླིང་རུ་ཁག་གི་རྩེད་འགྲན་པ་པདྨ་ལྷུན་འགྲུབ་ལགས་དང་བསྟན་འཛིན་ཆོས་བཟང་ལགས་རྣམ་གཉིས་ཀྱིས་སྤོ་ལོ་གསུམ་གསུམ་དང་། དེ་བཞིན་དྷ་ས་རུ་ཁག་ནས་རྩེད་འགྲན་པ་རིན་ཆེན་བཟང་པོ་ལགས་ཀྱིས་སྤོ་ལོ་གསུམ་བཅས་གཅིག་པ་ཆགས་འདུགགཞི་རྩའི་བོད་རྒྱལ་ཡོངས་རྩེད་རིགས་ཚོགས་པའི་གོ་སྒྲིག་འོག་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༧ པའི་ཆེས་མཐའ་མའི་རྩེད་འགྲན་དེ་ཕྱི་ཚེས་ ༢༤ ཉིན་གནང་གི་ཡོད་པ་དང་། དེ་བཞིན་རིང་མིན་ཕྱི་ཟླ་ ༧ ཚེས་ ༡ ནས་ ༦ བར་ CONIFA འཛམ་གླིང་བེུད་རྐང་སྤོལ་རྩེད་འགྲན་ཡང་སྤོན་ཊ་ཆོལ་གསུམ་བོད་མིའི་གཞི་ཆགས་སུ་འཚོགས་གཏན་ཁེལ་ཡོད།

ཉན་པ།: Listen ཕབ་ལེན། Download ཨང་རྟགས་ ༠༥༥ ཅན་གྱི་དམག་གྲུར་ལྷ་ས་ཞེས་པའི་མིང་བཏགས་པར་སྐྱོན་བརྗོད། རྒྱ་གར་ལྷོ་ཕྱོཊ་སུ་ཉིན་གཉིས་ཀྱི་གསུམ་བཅུའི་དུས་དྲན་ལས་འགུལ་དབུ་འཛུགས། སྲིད་སྐྱོང་མཆོག་ཧི་མ་ཅཱལ་མངའ་སྡེའི་ཤིང་ནགས་བློན་ཆེན་མཆོག་དང་མཇལ་འཕྲད། བོད་ཀྱི་བེུད་རྐང་སྤོལ་རུ་ཁག་ CONIFA རྐང་སྤོལ་རྩེད་འགྲན་ནང་ཞུགས་རྒྱུ། གླུ་གཞས་ལས་རིམ། ལྷ་རྒོད་ལགས་ཀྱི་གཞས་རང་བཙན། Tuesday 09/03/2021 China names new naval destroyer after Lhasa, rights group calls it ‘disgusting insult’ 62nd National Uprising Day marked with Dharna and prayer vigil in Mysore Himachal Forest Minister and MLA call on Sikyong Tibetan women’s football team in take part in CONIFA 2021 Tibet Uprising Day: An account by former Gaden Phodrang government staff Song Feature: ‘Rangzen’ by Lhagoe

ནིའུ་ཡོག་དང་ནིའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་ཀྱིས་ཟླ་བ་སྔོན་མའི་ཕྱི་ཚེས་ ༣༡ ནས་ཁ་སང་ཕྱི་ཚེས་ ༢ བར་ཁུལ་དེར་རྟེན་གཞི་བྱས་པའི་ Randalls Islands དུ་༸རྒྱལ་བའི་བཀའ་དྲིན་རྗེས་དྲེན་གྱི་རྐང་སྤོལ་རྩེད་འགྲན་ཐེངས་གསུམ་པ་དེ་གོ་སྒྲོག་ཞུས་ཡོད་པ་དང་། ཐེངས་འདིའི་རྩེད་འགྲན་གྱི་མཐའ་མའི་རྒྱལ་ཁ་དེ་ New York བོད་ཀྱི་རུ་ཁག་ལ་ཐོབ་འདུག ནིའུ་ཡོག་དང་ནིའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་ཞུས་པའི་༸རྒྱལ་བའི་བཀའ་དྲིན་རྗེས་དྲེན་གྱི་རྐང་སྤོལ་འགྲན་བསྡུར་ཐེངས་གསུམ་པའི་ནང་ཁེ་ན་ཌ་དང་བྷོས་ཊོན་སོགས་བྱང་ཨ་མི་རི་ཀའི་ས་གནས་འདྲ་མིན་ནང་བཞུགས་པའི་བོད་པའི་གཞོན་སྐྱེས་ཀྱི་རྐང་རྩེད་སྤོ་ལོའི་རུ་ཁག་ ༡༣ ནས་མཉམ་ཞུགས་གནང་ཡོད་པ་དང་། རྩེད་འགྲན་གྱི་ཐོག་མར་རུ་ཁག་ ༡༣ རྣམས་སྡེ་ཚན་བཞིར་འཆར་འགོད་ཀྱིས་ནང་ཁུལ་གྱི་འགྲན་བསྡུར་གནང་ཡོད་པ་ལྟར་ནིའུ་ཡོག་བོད་ཀྱི་རུ་ཁག་དང་གཡག་རུ་ཁག་གཉིས་དབར་རྩེད་འགྲན་ཆེས་མཐའ་མ་དེ་གནང་ཡོད་པ་རེད། རྩེད་འགྲན་མཐའ་མ་དེ་ཁ་སང་ཕྱི་ཚེས་ ༢ སྟེ་བོད་ཀྱི་མང་གཙོའི་དུས་ཆེན་ཐེངས་ ༥༩ པའི་ཉིན་སྐུ་མགྲོན་གཙོ་བོ་༸ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་༸སྐྱབས་རྗེ་སྨན་རི་ཁྲི་འཛིན་ ༣༤ པ་ལུང་རྟོགས་ཟླ་བ་དར་རྒྱས་རིན་པོ་ཆེ་མཆོག་དབུ་བཞུགས་ཐོག་ New York བོད་ཀྱི་རུ་ཁག་དང་གཡག་རུ་ཁག་དབར་རྩེད་འགྲན་གནང་ཡོད་པ་དང་། སྐབས་དེར་ New York བོད་ཀྱི་རུ་ཁག་ནས་གཡག་ཏུ་ཁག་ལ་སྤོ་ལོ་གསུམ་བླུགས་ཏེ་ལ་མཐའ་མའི་རྒྱལ་ཁ་ཐོབ་པ་དང་སྦྲགས། ༸རྒྱལ་བའི་བཀའ་དྲིན་རྗེས་དྲེན་གྱི་གཟེངས་རྟགས་ཕོར་པ་དང་ཨ་སྒོར་ཆིག་ཁྲི་བཅས་ཀྱི་བྱ་དགའ་གནང་འདུག་པ་དང་། ཨང་གཉིས་པ་སོན་པ་གཡག་རུ་ཁག་ལ་ཨ་སྒོར་ཉིས་སྟོང་བཅས་ཀྱི་བྱ་དགའ་གནང་ཡོད་པ་རེད། གཞི་རྩའི་༸རྒྱལ་བའི་བཀའ་དྲིན་རྗེས་དྲེན་གྱི་རྐང་སྤོལ་འགྲན་སྡུར་འདི་ནིའུ་ཡོག་དང་ནིའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་ཀྱིས་ཕྱི་ལོ་ ༢༠༡༧ ལོ་ནས་བཟུང་ལོ་ལྟར་ས་གནས་བོད་མི་རྣམས་ནས་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེ་དཀའ་དྲིན་རྗེས་སུ་དྲན་ཏེ་མགོན་པོ་༸གང་ཉིད་མཆོག་གི་མཛད་རྗེས་ལ་ཆེ་བསྟོད་ཞུ་རྒྱུ་དང་། ས་གནས་བོད་པའི་གཞོན་སྐྱེས་ཚོར་རྩེད་མོ་ཐོག་རང་ཉིད་ཀྱི་སྒྱུ་རྩལ་འདོན་རྒྱུའི་གོ་སྐབས་བསྐྲུན་ཐབས་སོགས་ལ་དམིགས་པ་ཞིག་ཡིན་པ་རེད། རྩ་བའི་རྐང་རྩེད་སྤོལ་ལོའི་རྩེད་མོ་ནི་རྒྱལ་སྤྱི་ཙམ་མ་ཟད་བོད་པའི་སྤྱི་ཚོགས་ཁྲོད་ལའང་དར་ཁྱབ་ཆེན་པོ་ཡོད་པ་ལྟར། ལོ་ལྟར་བོད་མི་གནས་ཡུལ་ས་གནས་ཁག་ཏུ་མཚན་བྱང་འདྲ་མིན་འོག་རྐང་རྩེད་སྤོལ་ལོའི་རྩེད་འགྲན་མི་ཉུང་བ་ཅིག་གོ་སྒྲིག་ཞུ་བཞིན་ཡོད་པ་དང་། ལྷག་པར་དུ་བཞུགས་དུ་རྟེན་གཞི་བྱས་པའི་བོད་རྒྱལ་ཡོངས་རྩེད་རིགས་ཚོགས་པས་ལོ་ལྟར་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་སྤོལ་འགྲན་བསྡུར་གོ་སྒྲིག་ཞུས་ཏེ་གཟེངས་སུ་ཐོན་པའི་རྩེད་མོ་བ་ཁག་གཅིག་བོད་རྒྱལ་ཡོངས་རྐང་རྩེད་སྤོ་ལོའི་རུ་ཁག་ནང་འདེམས་སྒྲུག་གནང་གི་ཡོད་པ་རེད། འདི་ལོ་བོད་རྒྱལ་ཡོངས་རྩེད་རིགས་ཚོགས་པས་རྒྱ་གར་ནང་ལ་འཚོགས་གཏན་ཁེལ་བའི་ GTA Chairman's Gold Cup དང་འབྲས་ལྗོངས་མངའ་སྡེའི་སྲིད་སྐྱོང་གི་རྐང་རྩེད་སྤོ་ལོའི་འགྲན་བསྡུར། དེ་བཞིན་ལོ་རྗེས་མའི་ CONIFA འཛམ་གླིང་རྐང་རྩེད་སྤོ་ལོའི་རྩེད་འགྲན་སོགས་ཀྱི་ནང་འཛུགས་ཞུགས་གནང་རྒྱུའི་གྲ་སྒྲིག་དང་འབྲེལ། ཁ་ཉིན་ཕྱི་ཚེས་ ༡ ནས་བཟུང་རྒྱ་གར་ཤར་ཕྱོགས་ Kalimpong བོད་མིའི་གཞིས་སྒར་དུ་བོད་རྒྱལ་ཡོངས་རྐང་རྩེད་སྤོ་ལོའི་རུ་ཁག་འདེམས་སྒྲུག་གཉིས་པ་དེ་གནང་བཞིན་ཡོད་པ་དང་། ཐེངས་འདིའི་འདེམས་སྒྲུག་ནང་བོད་པའི་གཞོན་སྐྱེས་རྐང་སྤོལ་བ་ ༡༡ ནས་གསར་དུ་མཉམ་ཞུགས་གནང་འདུག

བཞུགས་སྒར་དུ་རྟེན་གཞི་བྱས་པའི་བོད་རྒྱལ་ཡོངས་རྩེད་རིགས་ཚོགས་པས་རྒྱབ་སྐྱོར་གནང་ཐོག་རྒྱ་གར་བྱང་ཕྱོགས་ Uttarakhand མངའ་སྡེའི་རྒྱལ་ས་ Dehradun གྱི་གྲོང་ཁྱེར་ Clement Town ནང་ལ་ཡོད་པའི་དོན་གྲུབ་གླིང་སློབ་གྲྭར་ཁུལ་དེའི་ཉེ་འཁོར་དུ་རྟེན་གཞི་བྱས་པའི་བོད་པའི་སློབ་ཁག་གི་རང་ལོ་ ༡༤ མན་གྱི་བུའི་རྐང་རྩེད་སྤོལ་འགྲན་ཞིག་གོ་སྒྲིག་གནང་འདུག རྐང་རྩེད་སྤོལ་ལོའི་རྩེད་འགྲན་དེ་ཁ་ཉིན་དང་ཁ་སང་བཅས་ཉིན་གཉིས་ཀྱི་རིང་རྩེད་ཡོད་པ་དང་། རྩེད་འགྲན་ནང་ལ་མ་སུ་རི་བོད་ཁྱིམ་དང་། སེ་ལ་ཀུལ་བོད་ཁྱིམ། པོན་ཊ་སཾམ་བྷོ་ཊའི་སློབ་གྲྭ མ་སུ་རི་བོད་ཁྱིམ་གྱི་ཡན་ལག་རཱཇ་པུར་དང་ གྷོ་རི་མཱ་ཧྥི་སློབ་གྲྭ དེ་བཞིན་དོན་གྲུབ་གླིང་སློབ་གྲྭ་བཅས་ནས་མཉམ་ཞུགས་གནང་ཡོད་པ་དང་། ཉིན་གྲངས་གཉིས་རིང་གི་རྩེད་འགྲན་ཁྲོད་སློ་གྲྭ་ཁག་གི་རུ་ཁག་དབར་འགྲན་བསྡུར་གནང་སྟེ་ཨང་དང་པོ་ པོན་ཊ་སཾ་བྷོ་ཊའི་སློབ་གྲྭ་ལ་ཧིན་སྒོར་ལྔ་སྟོང་དང་། ཨང་གཉིས་པ་སོན་པ་མ་སུ་རི་བོད་ཁྱིམ་གྱི་ཡན་ལག་ Gohri Mafi སློབ་གྲྭར་ཧིན་སྒོར་སུམ་སྟོང་བཅས་ཀྱི་བྱ་དགའ་གནང་འདུག གཞི་རྩའི་བོད་རྒྱལ་ཡོངས་རྩེད་རིགས་ཚོགས་པས་བོད་པའི་སྤྱི་ཚོགས་ཁྲོད་ཀྱི་རྩེད་མོའི་གནས་བབས་གོང་མཐོར་གནང་རྒྱུ་སོགས་ལ་དམིགས་ཏེ་འདས་པའི་ལོ་ཤས་ནས་སློབ་གྲྭ་ཁག་གི་རྩེད་ཆས་ཉོ་རྒྱུའི་ཐོག་མ་དངུལ་རོགས་རམ་དང་། ལྷག་པར་དུ་ལོ་ལྟར་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོལ་རྩེད་འགྲན་དང་སློབ་གྲྭ་ཁག་གི་དབར་བུ་དང་བུ་མོའི་བསིལ་སྤོལ་དང་རྐང་རྩེད་སྤོ་ལོ་སོགས་ཀྱི་རྩེད་རྩེད་འགྲན་གོ་སྒྲིག་གནང་མུས་ཡིན་པ་རེད། སྤྱི་ཁྱབ་དྲུང་ཆེ་པ་སངས་རྡོ་རྗེ་ལགས་ཀྱིས་རིང་མིན་རྒྱ་གར་ནང་འཚོགས་གཏན་ཁེལ་བའི་ GTA Chairman's Gold Cup དང་འབྲས་ལྗོངས་མངའ་སྡེའི་སྲིད་སྐྱོང་གི་རྐང་རྩེད་སྤོ་ལོའི་འགྲན་བསྡུར། དེ་བཞིན་ལོ་རྗེས་མའི་ CONIFA འཛམ་གླིང་རྐང་རྩེད་སྤོ་ལོའི་རྩེད་འགྲན་སོགས་ཀྱི་ནང་འཛུལ་ཞུགས་གནང་རྒྱུའི་གྲ་འགྲིག་དང་འབྲེལ། རིང་མིན་ཕྱི་ཟླ་ ༩ ཚེས་ ༡ ནས་ཀ་སྦུག་བོད་མིའི་གཞིས་སྒར་དུ་བོད་རྒྱལ་ཡོངས་རྐང་རྩེད་སྤོ་ལོའི་རུ་ཁག་འདེམས་སྒྲུག་གནང་གཏན་ཁེལ་ཡོད་པ་ལྟར། འདི་ལོའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ནས་འདེམས་སྒྲུག་ཟིན་པའི་རྩེད་མོ་བ་རྣམ་པ་དང་། རྩེད་འགྲན་རུ་ཁག་ནང་ཞུགས་བློ་ཡོད་མཁན་བོད་པའི་ན་གཞོན་རྣམས་ནས་ངེས་པར་དུ་མཉམ་ཞུགས་གནང་རོགས་ཞེས་འབོད་སྐུལ་གནང་སོང་། འབྲེལ་ཡོད་པར་རྣམས། Tnsa Dharamsala