Tibetan Royal Year of 2151 | Year of the Wood Dragon

ཨོས་ཊོལི་ཡའི་གྲོས་ཚོགས་ནང་བོད་ནང་གི་ཆེས་ཞན་པའི་འགྲོ་བ་མིའི་ཐོབ་ཐང་གི་གནས་སྟངས་འཐེར་འདོན།

Tibetan News Headlines

  • འབྲི་ཆུའི་བཞུར་རྒྱུན་དུ་ཁམས་སྡེ་དགེ་ཁུལ་གྱི་དོན་རྐྱེན་དང་འབྲེལ་ནས་གླེང་མོལ།

Saturday 02/03/2024

  • China’s dam projects in Tibet: Social and environmental impact

ཨོ་གླིང་གི་གྲོས་ཚོགས་འོག་མའི་འཐུས་མི་ལྕམ་ Susan Templeman ལགས་ཀྱིས་ཁུལ་དེའི་གྲོས་ཚོགས་ནང་བོད་ནང་གི་ཆེས་ཞན་པའི་འགྲོ་བ་མིའི་ཐོབ་ཐང་གི་གནས་སྟངས་འཐེར་འདོན་དང་སྦྲགས། བོད་མིར་འཕྲད་བཞིན་པའི་ངལ་བ་ཁག་སེལ་བར་ཕྱག་རོགས་གང་ཐུབ་གནང་རྒྱུ་ཡིན་ཞེས་གསུངས་འདུག

ཨོས་ཊོལི་ཡའི་གྲོས་ཚོགས་ཚོགས་དུས་ ༤༧ འཚོག་བཞིན་པ་དང་བསྟུན། ཁ་སྔོན་གྲོས་ཚོགས་འཐུས་མི་ལྕམ་ Susan Templeman ལགས་ཀྱིས་ཉེ་ལམ་ཁོང་རང་ཉིད་༸བཞུགས་སྒར་དུ་ཕེབས་སྐབས་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཐོབ་པར་ཧ་ཅང་སྐལ་བ་བཟང་པོ་བྱུང་ཞེས་དང་། རྒྱ་གཞུང་གིས་རྒྱལ་སྤྱིའི་ཁྲིམས་སྒྲིག་ཁག་ལ་བརྩི་མེད་རྡོག་རོལ་གྱིས་བོད་ནང་ཆེད་འཛུགས་བྱས་པའི་བཅའ་སྡོད་སློབ་གྲྭའི་བརྒྱུད་བོད་རྒྱ་སྡེར་བསྒྱུར་ཐབས་དང་བོད་མིའི་རིགས་རྫས་བཙན་གྱིས་བསྡུ་རུབ་བྱས་ཏེ་བོད་ནང་གི་གནས་སྟངས་ཆེས་ཛ་དྲག་རང་བཞིན་དུ་གྱུར་ཡོད་པ་མ་ཟད་། གནད་དོན་དེའི་ཐོག་རྒྱལ་ཚོགས་དང་རྒྱལ་སྤྱིའི་རྒྱལ་ཁབ་གཞན་ཁག་ནས་ཐུགས་འཚབ་ཀྱི་རྣམ་པ་གསལ་འདོན་གནང་ཡོད་པ་གསུངས་འདུག

དེ་བཞིན་རྒྱ་གཞུང་གིས་བཙན་བྱོལ་དུ་ཡོད་པའི་བོད་མི་རྣམས་ཀྱིས་གཞིས་བཞུགས་ཕ་མ་སྤུན་མཆེད་དང་ལྷན་འབྲེལ་བ་བྱེད་རྒྱུར་དམ་བསྒྲགས་ཆེ་ཆེར་བྱེད་ཀྱི་ཡོད་སྐོར་གསུངས་འདུག་པ་མ་ཟད། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་མོལ་གནང་བ་དྲན་གསོ་གནང་སྟེ། མགོན་པོ་༸གང་ཉིད་མཆོག་གིས་གཙོས་བོད་མི་རྣམས་ཀྱིས་རྒྱ་ནག་གཞུང་གིས་བོད་ཀྱི་ཁོར་ཡུག་རྡོག་རོལ་ཚབས་ཆེན་གཏོང་བཞིན་པ་འཐེར་འདོན་གནང་འདུག

མ་ཟད་ཁོང་གིས་བོད་མི་རྣམས་ནས་ཨོ་གླིང་གཞུང་གི་རྒྱབ་སྐྱོར་ལ་བསམ་པ་རྣམ་དག་གིས་བསྔགས་བརྗོད་དང་། དེ་སྔོན་ཁོང་༸བཞུགས་སྒར་རྡ་རམ་ས་ལར་ཆེད་ཕེབས་སྐབས་དེར་འཁོད་བོད་མིས་དགའ་བསུ་ཆེན་པོ་གནང་ཡོད་སྐོར་གསུངས་པ་དང་ཆབས་ཅིག ཁོང་རྣམ་པར་བཙན་བྱོལ་བོད་མིའི་འཚོ་བའི་སྐོར་རྒྱུས་ལོན་ཞུ་རྒྱུའི་གོ་སྐབས་གནང་བར་བཀའ་དྲིན་ཆེན་པོ་ཡིན་པ་དང་། དེ་བཞིན་རྒྱ་གཞུང་གིས་དྲག་གནོན་ལ་ལྟོས་མེད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དབུ་ཁྲིད་པའི་བོད་མི་རྣམས་ཀྱིས་དཀའ་ངལ་གདོང་ལེན་གནང་ཐབས་ཀྱི་ཆོད་སེམས་སྙིང་སྟོབས་དེ་གཞན་དང་མ་འདྲ་བར་ཆེས་བསྔགས་འོས་པར་སྒོས་སུ་བཙན་བྱོལ་ནང་རྟེན་གཞི་བྱས་པའི་བོད་མིའི་སྒྲིག་འཛུགས་དེ་ཉིད་མང་གཙོ་ཡང་དག་པའི་ཐོག་རང་ཉིད་ཀྱི་ཐུན་མིན་ཆོས་རིག་དང་སྐད་ཡིག་བཅས་པ་ཉམས་པ་སོར་ཆུད་དང་མི་ཉམས་གོང་འཕེལ་སླད་འབད་བརྩོན་ཤུགས་ཆེར་གནང་བཞིན་ཡོད་པ་གསུངས་འདུག

གཞི་རྩའི་ཉེ་སྔོན་ཕྱི་ཟླ་ ༠༤ ནང་ལྕམ་སྐུ་སུ་སན་ལགས་ཐེ་བའི་ཨོ་སི་ཊི་ལི་ཡའི་གྲོས་ཚོགས་འཐུས་མི་བཞི་ལས་གྲུབ་པའི་སྐུ་ཚབ་ཚོགས་ཆུང་ཞིག་གིས་བཞུགས་སྒར་རྡ་རམ་ས་ལར་ཆེད་ཕེབས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་དང་འབྲེལ། བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་ཐུག་འཕྲད་ཀྱིས་བོད་མིའི་བདེ་དོན་དང་རང་དབང་སོགས་ཀྱི་ཐད་གྲོས་མོལ་གནང་ཡོད་པ་མ་ཟད། ཁོང་རྣམས་ཀྱིས་གསར་འགོད་ལྷན་ཚོགས་ཤིག་ཀྱང་བསྐོང་ཚོགས་གནང་སྟེ། བཙན་བྱོལ་བོད་མིའི་མང་གཙོའི་འཕེལ་རིམ་ལ་བསྔགས་བརྗོད་དང་། བོད་མིར་མུ་མཐུད་རྒྱབ་སྐྱོར་གནང་རྒྱུ་ཡིན་ཞེས་གསུངས་ཡོད།

འབྲེལ་ཡོད་གསར་གནས།

གསར་གནས།