ཨ་རིའི་ཕྱི་སྲིད་དྲུང་ཆེ་གསར་པས་བོད་དོན་ཐོག་མུ་མཐུད་རྒྱབ་སྐྱོར་གནང་རྒྱུ་ཡིན་ཅེས་གསུངས་འདུག

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ད་ལྟ་༸སྐུ་འཚོ་ཞིང་གཞེས་པའི་སྐབས་འདིར་བོད་ཀྱི་གནད་དོན་ལ་ཐུགས་འགན་བཞེས་རྒྱུའི་ནུས་པ་ཆེན་པོ་ལྡན་ཡོད་སྟབས་ཨ་རིའི་ཕྱི་སྲིད་དྲུང་ཆེ་མཆོག་གིས་རྒྱ་ནག་དང་ལྷན་དུ་དོན་དམ་གྲོས་མོལ་བརྒྱུད་བོད་རྒྱའི་དཀའ་རྙོག་སེལ་ཐབས་གནང་དགོས་པའི་ཞུ་སྐུལ་གནང་འདུགཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་ཟླ་ ༢ ཚེས་ ༥ དང་ ༦ བཅས་ཉིན་གྲངས་གཉིས་རིང་རྒྱ་ནག་གི་རྒྱལ་ས་པེ་ཅིང་དུ་གཞུང་འབྲེལ་ཕྱོགས་སྐྱོད་གནང་གི་ཡོད་པ་དེ་ནི་ཨ་རིའི་ཕྱི་སྲིད་དྲུང་ཆེ་ཞིག་རྒྱ་ནག་ཏུ་ཕེབས་པ་ཕྱི་ལོ་ ༢༠༡༨ ལོའི་རྗེས་སུ་ཐེངས་དང་པོ་ཆགས་ཀྱི་ཡོད་པ་དང་། ཁོང་གིས་ཐེངས་འདིའི་འཚམས་གཟིགས་སྐབས་རྒྱ་ནག་གི་ཕྱི་སྲིད་བློན་ཆེན་དང་རྒྱ་ནག་གི་སྲིད་འཛིན་ཞི་ཅིན་ཕིང་དང་ཐུག་འཕྲད་གནང་གི་ཡོད་པ་རེད། ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་དྲ་གནས་ཐོག་སྤྱི་བསྒྲགས་སྤེལ་བར་ཨ་རིའི་སྲིད་འཛིན་ Joe Biden མཆོག་གིས་དེ་སྔ་རང་ཉིད་སྲིད་འཛིན་གྱི་འོས་མི་ཡིན་སྐབས་སུ་བོད་ཀྱི་གནད་དོན་ལ་རྒྱབ་སྐྱོར་གནང་རྒྱུའི་ཞལ་བཞེས་དམ་བཅའ་གནང་ཡོད་པ་མ་ཟད། ཨ་རིའི་བོད་དོན་ཁྲིམས་འཆར་གྱི་དགོངས་དོན་ཨ་རིའི་ཕྱི་སྲིད་ལས་ཁུངས་ལའང་ཁྲིམས་ཐོག་ནས་འོས་འགན་དེ་བཀུར་ཡོད་པ་ལྟར་ད་རེས་ཕྱི་སྲིད་དྲུང་ཆེ་མཆོག་གིས་རྒྱ་ནག་ཏུ་འཚམས་གཟིགས་གནང་སྐབས་ཡུལ་དེའི་འགོ་ཁྲིད་ཚོར་བོད་རྒྱ་འབྲེལ་མོལ་བསྐྱར་གསོ་དགོས་པའི་གནོན་ཤུགས་སྤྲོད་དགོས་པར་གསུངས་འདུག ལས་འགུལ་ཁང་དེས་ད་དུང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགུང་ལོའི་བབ་དང་། ལྷག་པར་བོད་རྒྱ་ཕྱོགས་གཉིས་དབར་འབྲེལ་མོལ་དེ་ཕྱི་ལོ་ ༢༠༡༠ ལོ་ནས་མཚམས་ཆད་ཡོད་པ་བཅས་ཀྱི་གནད་དོན་གཞི་རྩར་བཟུང་སྟེ།ད་ལྟ་༸སྐུ་འཚོ་ཞིང་གཞེས་པའི་སྐབས་འདིར་བོད་ཀྱི་གནད་དོན་ལ་ཐུགས་འགན་བཞེས་རྒྱུའི་ནུས་པ་ཆེན་པོ་ཡོད་སྟབས་ཨ་རིའི་ངོས་ནས་བོད་རྒྱའི་དཀའ་རྙོག་སེལ་ཐབས་ལ་དོན་དམ་གྱི་འགན་བཞེས་དགོས་པར་གསུངས་འདུག ཅི་སྟེ་རྒྱ་ནག་གཞུང་གི་ངོས་ནས་བོད་རྒྱ་འབྲེལ་མོལ་གྱི་གནད་དོན་ཐད་ལ་བཟང་ཕྱོགས་ཀྱི་ཡ་ལན་ཞིག་མ་བྱས་ཚེ། ཨ་རི་གཞུང་གིས་བོད་མིའི་རང་ཐག་རང་གཅོད་ཀྱི་ཐོབ་ཐང་དང་རང་ཉིད་ཀྱི་མ་འོངས་པའི་རང་ཉིད་ཀྱིས་ཐག་གཅོད་ཆོག་པའི་ཐོབ་ཐང་དེ་སྲུང་དགོས་པ། དེ་དོན་ཨ་རིའི་ངོས་ནས་བོད་དོན་ཁྲིམས་འཆར་གྱི་དགོངས་དོན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་ཀྱི་གནད་དོན་ཐད་མགོན་པོ་༸གང་ཉིད་མཆོག་དང་བོད་བརྒྱུད་ནང་བསྟན་གྱི་ཆོས་བརྒྱུད་འཛིན་པ་མ་གཏོགས་གཞན་སུ་ལའང་ཐེ་གཏོགས་བྱ་རྒྱུའི་དབང་ཚད་མེད་པའི་བཞེངས་ཕྱོགས་དེ་སྲ་བརྟན་བཟུང་སྟེ་མཇུག་སྐྱོང་དགོས་པའི་སྐུལ་མ་གནང་འདུགརྩ་བའི་ཨ་རི་དང་རྒྱ་ནག་གཉིས་དབར་གྱི་འབྲེལ་ལམ་དེ་འདས་པའི་ལོ་ཤས་ནས་ཆེས་ཇེ་སྡུག་ཏུ་སོང་བ་དང་སྔ་ལོ་ཕྱི་ཟླ་ ༡༡ ནང་...

ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་རིང་མིན་ཕྱི་ཟླ་ ༢ པའི་ནང་རྒྱ་ནག་ཏུ་ཕེབས་གཏན་ཁེལ་འདུག ཁ་སང་རྒྱལ་སྤྱིའི་བརྒྱུད་ལམ་ཁག་ཏུ་སྤེལ་བའི་གནས་ཚུལ་ནང་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་རྒྱ་ནག་ཏུ་རིང་མིན་ཕྱི་ཟླ་ ༢ ཚེས་ ༥ དང་ ༦ བཅས་ཉིན་གྲངས་གཉིས་རིང་གི་འཚམས་གཟིགས་གནང་རྒྱུ་ཡིན་པ་དང་། ཁ་སྔོན་རེས་གཟའ་མིག་དམར་ཉིན་ཨ་རིའི་གཞུང་འབྲེལ་ལས་བྱེད་ཀྱིས་ཕྱི་སྲིད་དྲུང་ཆེ་མཆོག་རྒྱ་ནག་གི་རྒྱལ་ས་པེ་ཅིང་དུ་ཕྱི་ཟླ་ ༢ ཚེས་ ༥ ཉིན་འབྱོར་བ་དང་བསྟུན་རྒྱ་ནག་གི་ངོ་ཚབ་དང་ཐུག་འཕྲད་ཀྱིས་གྲོས་མོལ་གནང་རྒྱུ་ཡིན་པར་གསུངས་འདུག ཨ་རིའི་ཕྱི་སྲིད་དྲུང་ཆེ་མཆོག་གི་མཛད་རིམ་ཁག་ད་ཆ་ཕྱིར་བསྒྲགས་གནང་མེད་ཀྱང་འཚམས་གཟིགས་ཁྲོད་སྐུ་ཞབས་ Blinken མཆོག་ནས་རྒྱ་ནག་གི་ཕྱི་སྲིད་བློན་ཆེན་ Qin Gang...

ཁ་སང་ཕྱི་ཚེས་ ༦ ཉིན་འཛམ་གླིང་ས་ཕྱོགས་གང་སར་ཡོད་པའི་བོད་མི་རྣམས་ཀྱིས་བོད་ཀྱི་ཐུན་མིན་རྐང་བྲོ་གླུ་གཞས་འཁྲབ་སྟོན་དང་རྩེད་རིགས་འགྲན་བསྡུར། ཞལ་ལག་གང་རྒྱས་སོགས་བཞེས་ཏེ་དགའ་དད་སྤྲོ་གསུམ་འཁོལ་བའི་ངང་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་སྲུང་བརྩི་ཟབ་རྒྱས་ཞུས་ཡོད་པ་ལྟར་ཁ་སང་གི་དུས་ཚིགས་དང་བསྟུན་ཨ་རིའི་ཕྱི་སྲིད་དྲུང་ཆེ་དང་གྲོས་ཚོགས་འོག་མའི་ཚོགས་གཙོ་གཙོས་སུད་སི་དང་འཇར་མན་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པ་སོགས་ཀྱིས་མགོན་པོ་༸གང་ཉིད་མཆོག་ལ་༸སྐུའི་འཁྲུངས་སྐར་ལ་འཚམས་འདྲི་ཞུས་འདུག ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་གིས་༸གོང་ས་མཆོག་གི་འཁྲུངས་སྐར་ལ་འཚམས་འདྲི་ཞུས་པའི་གསར་འགོད་བསྒྲགས་གཏམ་ཞིག་སྤེལ་བར་༸གོང་ས་མཆོག་གིས་ཞི་བདེ་གོང་མཐོར་དང་ཆོས་ལུགས་མཐུན་སྒྲིལ། དེ་བཞིན་བོད་ཀྱི་སྐད་ཡིག་དང་རིག་གཞུང་མི་ཉམས་རྒྱུན་འཛིན། ཁོར་ཡུག་སྲུང་སྐྱོབ་ཐད་ཐུགས་འཁུར་ཆེས་བཞེས་མཛད་བཞིན་པར་ཡི་རང་བསྔགས་བརྗོད་ཞུས་པ་དང་འབྲེལ། ཨ་རི་གཞུང་གིས་མུ་མཐུད་ནས་༸གོང་ས་མཆོག་དང་བོད་མི་རྣམས་ལ་བོད་པའི་རིག་གཞུང་གཅེས་ཉར་ཐོག་རྒྱབ་སྐྱོར་གནང་ངེས་ཡིན་སྐོར་ཞལ་བཞེས་གནང་འདུག ཨ་རིའི་གྲོས་ཚོགས་འོག་མའི་ཚོགས་གཙོ་ལྕམ་སྐུ་ནེན་སི་པེ་ལོ་སི་མཆོག་གིས་Twitter དྲ་གནས་ཐོག་༸གོང་ས་མཆོག་ལ་༸སྐུའི་འཁྲུངས་སྐར་འཚམས་འདྲི་ཞུས་པ་དང་སྦྲགས། དེ་རིང་དང་དུས་ཀུན་ཏུ་ནས་ཨ་རིའི་གྲོས་ཚོགས་གོང་འོག་དང་ཚོགས་པ་ཐུན་མོང་གི་ངོས་ནས་༸གོང་ས་མཆོག་གི་བླ་ན་མེད་པའི་དབུ་ཁྲིད་ལ་ཡི་རངས་བསྔགས་བརྗོད་ཞུ་བཞིན་ཡོད་པ་དང་ལྷག་པར་མགོན་པོ་༸གང་ཉིད་མཆོག་གིས་བོད་ཀྱི་ཆོས་དང་སྐད་ཡིག   རིག་གཞུང་བཅས་ཀྱི་རང་དབང་ཐད་འཐབ་རྩོད་མཛད་བཞིན་པར་རྒྱབ་སྐྱོར་ཞུ་ངེས་ཡིན་པ་གསུངས་འདུག ཁ་སང་༸སྐུའི་འཁྲུངས་སྐར་གྱི་ཉིན་མོ་དང་བསྟུན་བྱང་ཨ་རིའི་སྐུ་ཚབ་དོན་ཁང་དུ་ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Uzra Zeya མཆོག་དང་། ཅེཀ་སྤྱི་མཐུན་རྒྱལ་ཁབ་ཀྱི་སྐུ་ཚབ་དོན་གཅོད། བཀའ་ཟུར་ཀིརྟི་རིན་པོ་ཆེ་མཆོག་བཅས་དམིགས་བསལ་སྐུ་མགྲོན་ལ་གདན་འདྲེན་ཞུས་པའི་ཐོག་ནས་༸སྐུའི་འཁྲུངས་སྐར་སྲུང་བརྩི་ཞུས་འདུག ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Uzra Zeya མཆོག་གིས་Twitter དྲ་གནས་ཐོག་མགོན་པོ་༸གང་ཉིད་མཆོག་གིས་༸སྐུ་ཚེ་གང་པོར་བྱམས་བརྩེའི་གོང་མཐོར་སླད་མཛད་འཕྲིན་བསམ་གྱིས་མི་ཁྱབ་པ་བསྐྱངས་པར་གུས་བརྩི་ཡོད་པ་དང་མགོན་པོ་མཆོག་དང་ལྷན་བོད་རྒྱའི་དཀའ་རྙོག་སེལ་ཐབས་སུ་རྒྱ་ནག་མི་དམངས་སྤྱི་མཐུན་རྒྱལ་ཁབ་དང་གྲོས་མོལ། བོད་མི་རྣམས་ཀྱི་འགྲོ་བ་མིའི་ཐོབ་ཐང་སྐོར། དེ་བཞིན་བཙན་བྱོལ་དུ་ཡོད་པའི་བོད་མི་རྣམས་ཀྱི་དགོས་མཁོ་ལ་སོགས་པའི་གནད་དོན་ཐོག་ཕྱག་ལས་གནང་རྒྱུ་རེ་བ་ཡོད་ཅེས་གསུངས་འདུག ད་དུང་...

རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ཨ་རིའི་གཞུང་ཚབ་ཁང་དུ་ཟླ་སྔོན་མའི་ཚེས་ ༡ ཉིན་གཞུང་ཚབ་ཆེན་མོར་བསྐོ་གཞག་གནང་བའི་སྐུ་ཞབས་ Atul Keshap མཆོག་གིས་ཁ་སང་ཚེས་ ༡༠ ཉིན་༸གོང་ས་མཆོག་གི་ལྡི་ལི་སྐུ་ཚབ་དོན་གཅོད་བཀའ་ཟུར་འབྲོང་ཆུང་དངོས་གྲུབ་མཆོག་དང་མཇལ་འཕྲད་ཀྱིས་བོད་ཀྱི་ཐུན་མིན་ལེགས་བྱང་དང་སྐད་ཡིག་བཅས་པ་སྲུང་སྐྱོབ་གནང་རྒྱུར་རྒྱབ་སྐྱོར་སྔར་ལྷག་གནང་ངེས་ཡིན་པར་ཞལ་བཞེས་གནང་འདུགཁ་སང་རེས་གཟའ་མིག་དམར་ཉིན་གྱི་སྔ་དྲོར་ཨ་རིའི་གཞུང་ཚབ་ཁང་དུ་སྐུ་ཞབས་ Atul Keshap མཆོག་དང་ལྡི་ལི་སྐུ་ཚབ་དོན་གཅོད་བཀའ་ཟུར་འབྲོང་ཆུང་དངོས་གྲུབ་མཆོག་རྣམ་གཉིས་དབར་ཕྱག་ཚོད་གཅིག་རིང་མཇལ་མོལ་གནང་ཡོད་པ་དང་། སྐུ་ཞབས་ Keshap མཆོག་གིས་རང་ཉིད་ཀྱི་ Twitter དྲ་གནས་ཐོག་ལྷན་རྒྱས་ཀྱི་མཇལ་འཕྲད་སྐོར་འགྲེལ་བརྗོད་གནང་བ་དང་འབྲེལ་ཏེ་ཨ་རི་གཞུང་གི་ངོས་ནས་བོད་མིའི་ཆོས་དད་རང་དབང་དང་། ལྷག་པར་དུ་བོད་ཀྱི་ཐོུང་མ་ཡིན་པའི་རིག་གནས་དང་སྐད་ཡིག་བཅས་སྲུང་སྐྱོབ་ཀྱི་འཐབ་རྩོད་ལ་རྒྱབ་སྐྱོར་གནང་བཞིན་པ་མ་ཟད། ༸གོང་ས་༸སྐྱབས་མགོན་ཆེན་པོ་མཆོག་གི་འགྲོ་བ་མི་ཀུན་གྱི་འདྲ་མཉམ་ཐོབ་ཐང་གི་དགོངས་གཞིར་གུས་བརྩི་ཞུ་བཞིན་ཡོད་སྐོར་གསུངས་འདུགཐེངས་འདིའི་ཨ་རིའི་གཞུང་ཚབ་ཆེན་མོ་མཆོག་དང་ལྡི་ལི་སྐུ་ཚབ་དོན་གཅོད་དབར་གྱི་མཇལ་མོལ་འདི་ནི་ཉེ་སྔོན་ཟླ་ ༧ ཚེས་ ༢༨ ཉིན་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་གིས་རྒྱ་གར་ནང་གཞུང་འབྲེལ་གཟིགས་སྐོར་ཁྲོད་ཡུལ་དེའི་གནད་ཡོད་དབུ་ཁྲིད་ཚོ་དང་མཇལ་འཕྲད་མ་གནང་བའི་གོང་དུ་ལྡི་ལི་སྐུ་ཚབ་དོན་གཅོད་བཀའ་ཟུར་འབྲོང་ཆུང་དངོས་གྲུབ་མཆོག་དང་ཟུར་དུ་མཇལ་འཕྲད་གནང་བ་དང་དེའི་རྗེས་སུ་རྒྱ་གར་གྱི་གཞི་རིམ་མི་མང་དང་ཆོས་ལུགས་ཀྱི་སྐུ་ཚབ་ཁག་ཅིག་དང་མཇལ་མོལ་གནང་སྐབས་སུ་ལྡི་ལི་བོད་ཁང་གི་ངེས་སྟོན་པ་དགེ་བཤེས་རྡོ་རྗེ་དགྲ་འདུལ་ལགས་དང་མཇལ་འཕྲད་གནང་བ་བཅས་ཀྱི་རྗེས་འབྲེལ་ལྟ་བུ་ཆགས་ཡོད་པ་རེད།བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་ཀྱིས་ Wion གསར་ཁང་ལ་ད་རེས་ཀྱི་མཇལ་མོལ་འདི་ནི་གཙོ་བོ་བོད་ནང་གི་ད་ལྟའི་གནས་སྟངས་སྤྱི་དང་ལྷག་པར་དུ་ཆོས་དད་རང་དབང་གི་གནས་བབ་བཅས་ཀྱི་སྐོར་ལ་གོ་རྟོགས་གང་ལེགས་སྤེལ་ཐབས་ཆེད་ཡིན་པར་གསུངས་འདུགགཞི་རྩའི་ཉེ་ལམ་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony...

ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་གིས་རྒྱ་གར་ནང་གཞུང་འབྲེལ་འཚམས་གཟིགས་ཁྲོད་ཁ་སང་ལྡི་ལི་བོད་ཀྱི་སྐུ་ཚབ་དོན་གཅོད་བཀའ་ཟུར་འབྲོང་ཆུང་དངོས་གྲུབ་མཆོག་དང་མཇལ་འཕྲད་གནང་ཡོད་པ་ལྟར་མཇལ་འཕྲད་དེས་ཨ་རིའི་སྲིད་འཛིན་སྐུ་ཞབས་ Joe Biden མཆོག་གི་གཞུང་འཛིན་ནས་བོད་དོན་ལ་རྒྱབ་སྐྱོར་ཡོད་པ་དང་ལྷག་པར་དུ་ད་ཆ་རྒྱ་དཀར་ནག་གཉིས་ཀྱི་དབར་འཕགས་བོད་མཐའ་མཚམས་ཀྱི་རྙོག་གླེང་ཆེ་བའི་དུས་ཚིགས་ཁྲོད་རྒྱ་གར་ནང་མཇལ་འཕྲད་གནང་བ་དེ་ནི་གལ་གནད་ཆེན་པོ་ཞིག་ཆགས་ཡོད་པར་གསུངས་འདུག ཨ་རིའི་ཕྱི་སྲིད་དྲུང་ཆེ་མཆོག་གིས་རྒྱ་གར་ནང་གི་གཞུང་འབྲེལ་འཚམས་གཟིགས་ཁྲོད་རྒྱ་གར་གྱི་སྲིད་བློན་སྐུ་ཞབས་ Narendra Modi མཆོག་དང་ཕྱི་སྲིད་བློན་ཆེན་སྐུ་ཞབས་ Jaishankar མཆོག རྒྱལ་སྲུང་སློབ་སྟོན་པ་སྐུ་ཞབས་ Arjit Doval ལགས་གཙོས་རྒྱ་གར་གྱི་དབུ་ཁྲིད་ཚོ་དང་མཇལ་མོལ་གནང་སྟེ་སྲིད་བློན་མཆོག་གིས་ཨ་རིའི་སྲིད་འཛིན་ཇོ་བྷ་ཌན་མཆོག་གིས་ཨ་རིའི་ཕྱི་སྲིད་དྲུང་ཆེ་དང་ལྷན་ཏོག་དབྱིབས་གཉན་རིམས་དང་ཨཕ་གྷ་ནིསྟཱན་སོགས་ཀྱི་གནད་དོན་ཐད་བཀའ་བསྡུར་གནང་འདུག་པ་མ་ཟད། སྲིད་འཛིན་བྷ་ཌན་མཆོག་གི་རྒྱ་གར་དང་ཨ་རི་ཕྱོགས་གཉིས་ཀྱི་ཐབས་བྱུས་ཀྱི་འབྲེལ་ལམ་ནུས་ཤུགས་གོང་མཐོར་གཏོང་རྒྱུའི་ཞལ་བཞེས་ལ་དགའ་བསུ་ཞུས་ཡོད་པ་རེད། ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་གིས་རྒྱ་གར་གྱི་གནད་ཡོད་དབུ་ཁྲིད་ཚོ་དང་མཇལ་འཕྲད་མ་གནང་བའི་གོང་དུ་ལྡི་ལི་སྐུ་ཚབ་དོན་གཅོད་བཀའ་ཟུར་འབྲོང་ཆུང་དངོས་གྲུབ་མཆོག་དང་ཟུར་དུ་དམིགས་བསལ་མཇལ་འཕྲད་གནང་ཡོད།ཨ་རིའི་ཕྱི་སྲིད་དྲུང་ཆེ་མཆོག་གིས་ལྡི་ལི་སྐུ་ཚབ་དོན་གཅོད་མཆོག་དང་མཇལ་འཕྲད་གནང་བ་དེ་དེ་སྔ་ཨ་རིའི་སྲིད་འཛིན་ཟུར་པ་སྐུ་ཞབས་ Barack Obama མཆོག་གིས་ཕྱི་ལོ་...

ཨ་མི་རི་ཀའི་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་གིས་རྒྱ་གར་ནང་གི་གཞུང་འབྲེལ་འཚམས་གཟིགས་ཁྲོད་ལྡི་ལི་སྐུ་ཚབ་དོན་གཅོད་བཀའ་ཟུར་འབྲོང་ཆུང་དངོས་གྲུབ་མཆོག་དང་མཇལ་འཕྲད་གནང་འདུགཁ་སང་ཕྱི་དྲོ་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་རྒྱ་གར་ནང་དུ་གཞུང་འབྲེལ་མཚམས་གཟིགས་སུ་ཕེབས་ཡོད་པ་དང་། དེ་རིང་ཕྱི་སྲིད་དྲུང་ཆེ་མཆོག་གིས་རྒྱ་གར་གྱི་གནད་ཡོད་དབུ་ཁྲིད་ཚོ་དང་མཇལ་འཕྲད་མ་གནང་བའི་གོང་དུ་ལྡི་ལི་སྐུ་ཚབ་དོན་གཅོད་བཀའ་ཟུར་འབྲོང་ཆུང་དངོས་གྲུབ་མཆོག་དང་ཟུར་དུ་དམིགས་བསལ་མཇལ་འཕྲད་གནང་བ་མ་ཟད་དེའི་རྗེས་སུ་རྒྱ་གར་གྱི་གཞི་རིམ་མི་མང་དང་ཆོས་ལུགས་ཀྱི་སྐུ་ཚབ་ཁག་ཅིག་དང་མཇལ་མོལ་གནང་སྐབས་སུ་ལྡི་ལི་བོད་ཁང་གི་ངེས་སྟོན་པ་དགེ་བཤེས་རྡོ་རྗེ་དགྲ་འདུལ་ལགས་དངོས་སུ་མཉམ་ཞུགས་གནང་འདུགཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་གིས་ལྡི་ལི་སྐུ་ཚབ་དོན་གཅོད་དང་མཇལ་འཕྲད་གནང་བ་དེ་ནི་ཨ་རིའི་སྲིད་འཛིན་ཟུར་པ་སྐུ་ཞབས་ Barack Obama མཆོག་གིས་ཕྱི་ལོ་ ༢༠༡༦ ལོར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་མོལ་གནང་བའི་རྗེས་སུ་ཨ་རིའི་ཆེས་མཐོའི་དབུ་ཁྲིད་ཅིག་གིས་བོད་མིའི་དབུ་ཁྲིད་དང་དངོས་སུ་མཇལ་འཕྲད་གནང་བའི་གནད་དོན་དེ་གལ་འགངས་ཅན་ཞིག་ཆགས་ཀྱི་ཡོད་སྟབས། འདི་ག་རླུང་འཕྲིན་ཁང་གིས་ལྡི་ལི་སྐུ་ཚབ་དོན་གཅོད་མཆོག་ལ་ཐེངས་འདིའི་མཇལ་མོལ་དང་འབྲེལ་བའི་བཀའ་འདྲི་ཞུ་ཐབས་ཞུས་ཀྱང་དོན་གཅོད་མཆོག་གིས་ད་ལྟའི་ཆར་བརྒྱུད་ལམ་ཁག་ཏུ་ཐེངས་འདིའི་མཇལ་མོལ་སྐོར་གསུང་འཆར་མེད་ཅེས་གསུངས་སོང་།ཤེས་རྟོགས་བྱུང་བར་སྐུ་ཞབས་ Antony Blinken མཆོག་དང་མཇལ་མོལ་གནང་སྐབས་སྐུ་ཚབ་དོན་གཅོད་མཆོག་དང་ལྷན་དུ་དོན་གཅོད་ལས་ཁུངས་ཀྱི་དྲུང་ཆེའང་ཆེད་བཅར་ཞུས་ཡོད་པ་དང་ཕྱོགས་གཉིས་དབར་གྱི་མཇལ་འཕྲད་ཀྱི་དུས་ཚོད་དེ་དེ་ཙམ་རིང་པོ་བྱུང་མི་འདུགདེ་བཞིན་ཕྱི་སྲིད་དྲུང་ཆེ་མཆོག་གིས་རྒྱ་གར་གྱི་གཞི་རིམ་མི་མང་དང་ཆོས་ལུགས་ཀྱི་སྐུ་ཚབ་ཁག་ཅིག་དང་མཇལ་མོལ་གནང་སྐབས་སུ་ལྡི་ལི་བོད་ཁང་གི་ངེས་སྟོན་པ་དགེ་བཤེས་རྡོ་རྗེ་དགྲ་འདུལ་ལགས་ལྷན་ཞུགས་གནང་ཡོད་པ་ལྟར་རླུང་འཕྲིན་ཁང་གིས་དགེ་བཤེས་ལགས་སུ་སྐབས་དེའི་མཇལ་མོལ་ཁྲོད་བཀའ་བསྡུར་གཙོ་བོ་གང་དང་གང་བྱུང་ཡོད་དམ་ཞེས་བཀའ་འདྲི་ཞུས་པར་ཁོང་གིས་མཛད་རིམ་ཐོག་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་དང་ལྷན་དུ་ལྡི་ལིར་ཡོད་པའི་ཨ་རིའི་གཞུང་ཚབ་སྐུ་ཞབས་ Atul Keshap ལགས་ཆེད་ཕེབས་གནང་ཡོད་པ་དང་ཕྱི་སྲིད་དྲུང་ཆེ་མཆོག་གིས་སྤྱི་ཚོགས་འཆམ་མཐུན་དང་སྤྱི་ཚོགས་ཁྱོན་ཡོངས་ཀྱི་གནས་བབ་ཡར་རྒྱས་གཏོང་ཐབས་སོགས་ཀྱི་སྐོར་གསུངས་ཡོད་པ་དང་། སྐབས་དེར་དགེ་བཤེས་ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བསྐྱེད་ཆེན་པོ་བཞི་ལས་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞིའི་ཐོག་ལ་ཨ་རི་དང་རྒྱ་གར་རྒྱལ་ཁབ་གཉིས་པོ་ཟུང་འབྲེལ་གྱིས་ཤུགས་སྣོན་རྒྱ་གང་ཆེ་གནང་གལ་ཡིན་པའི་གཞེན་སྐུལ་ཞུས་ཡོད་པ་རེད།ཕྱི་སྲིད་དྲུང་ཆེ་མཆོག་གིས་སྐུ་སྒེར་གྱི་འཕྲུལ་སྒྲའི་དྲ་གནས་ཐོག་ཐེངས་འདིའི་མཇལ་འཕྲད་དང་འབྲེལ་ཏེ་རྒྱ་གར་དང་ཨ་རི་གཉིས་ཀྱི་མི་སེར་རྣམས་འགྲོ་བ་མིའི་རིན་ཐང་དང་འདྲ་མཉམ།...

ཨ་རིའི་ཕྱི་སྲིད་དྲུང་ཆེ་སྐུ་གཞོན་ལྕམ་ Wendy Sherman མཆོག་རྒྱ་ནག་ལ་གཞུང་འབྲེལ་འཚམས་གཟིགས་གནང་བ་དང་སྦྲགས་ཏེ་རྒྱ་ནག་ནག་གི་དཔོན་རིགས་ཚོ་དང་ཕྱོགས་གཉིས་ཀྱི་ཆབ་སྲིད་དང་ཚོང་འབྲེལ་སོགས་ཀྱི་གནད་དོན་ཙམ་མིན་པར་བོད་དང་ཤིན་ཅང་། ཧོང་ཀོང་སོགས་ཀྱི་ནང་རྒྱ་ནག་གཞུང་གིས་ལག་བསྟར་བྱེད་བཞིན་པའི་བྱ་སྤྱོད་ཁག་གི་ཐོག་གླེང་སློང་གནང་འདུགཕྱི་སྲིད་དྲུང་ཆེ་སྐུ་གཞོན་ Wendy Sherman མཆོག་ཁ་ཉིན་དང་ཁ་སང་བཅས་ཉིན་གྲངས་གཉིས་ཀྱི་རིང་རྒྱ་ནག་ནང་གཞུང་འབྲེལ་འཚམས་གཟིགས་ལ་ཕེབས་ཡོད་པ་དང་ཁ་སང་ཨ་རིའི་ཕྱི་སྲིད་ལས་ཁུངས་ནས་ཐེངས་འདིའི་འཚམས་གཟིགས་དང་འབྲེལ་གསར་འགོད་གསལ་བསྒྲགས་ཤིག་ཡོངས་ཁྱབ་གནང་བར་གཞིགས་ན། ཨ་རིའི་ཕྱི་སྲིད་དྲུང་ཆེ་གཞོན་པ་ Wendy Sherman མཆོག་གིས་རྒྱ་ནག་གི་གྲོང་ཁྱེར་ཐེན་ཅིན་དུ་རྒྱ་ནག་གི་ཕྱི་སྲིད་བློན་ཆེན་ཝང་ཡེ་དང་ཕྱི་སྲིད་བློན་ཆེན་གཞོན་པ་ Xie Feng གཙོས་པའི་དཔོན་རིགས་ཁག་ཅིག་དང་ཐུག་འཕྲད་ཀྱིས་ཨ་རི་དང་རྒྱ་ནག་དབར་གྱི་ཆབ་སྲིད་དང་ཚོང་འབྲེལ་སོགས་ཀྱི་གནད་དོན་ཐོག་གྲོས་བསྡུར་གནང་ཡོད་པ་རེད། སྐབས་དེར་ཨ་རིའི་ཕྱི་སྲིད་དྲུང་ཆེ་སྐུ་གཞོན་ལྕམ་ Wendy Sherman མཆོག་གིས་ཨ་རི་དང་རྒྱ་ནག་དབར་གྱི་འབྲེལ་ལམ་ཁྲོད་རྣོ་ངར་ལྡན་པའི་འགྲན་བསྡུར་གྱི་རྣམ་པ་མུ་མཐུད་ཡོང་རྒྱུར་དགའ་བསུ་ཡོད་ཀྱང་འགྲན་བསྡུར་གྱི་རྣམ་པ་དེ་དག་ཕྱོགས་གཉིས་ཀྱི་དབར་ལ་འགལ་ཟླ་བཟོ་རྒྱུའི་འདུན་པ་རྩ་བ་ནས་མེད་སྐོར་སོགས་གསུངས་འདུགཨ་རིའི་ཕྱི་སྲིད་དྲུང་ཆེ་སྐུ་གཞོན་ལྕམ་ Wendy Sherman མཆོག་གིས་རྒྱ་ནག་གཞུང་ནས་ཨ་རིའི་རིན་ཐང་དང་ཨ་རིའི་མཐུན་གྲོགས་རྒྱལ་ཁབ་ལ་རྒོལ་ལན་བྱེད་ཀྱི་ཡོད་པའི་བྱ་སྤྱོད་དང་། ལྷག་པར་དུ་རྒྱལ་སྤྱིའི་ཁྲིམས་སྒྲིག་ཁག་ལ་བརྩི་བཀུར་མ་ཞུས་པ་མ་ཟད། འགྲོ་བ་མིའི་ཐོབ་ཐང་གི་གནད་དོན་ཐད་ནས་རྒྱ་ནག་གཞུང་གིས་ཧོང་ཀོང་མང་གཙོའི་ལས་འགུལ་བར་དྲག་གནོན་དང་ཤིན་ཅང་ནང་ཡུ་གུར་མི་རིགས་རྩ་མེད་བཟོ་རྒྱུའི་སྲིད་བྱུས་ལག་བསྟར་བྱས་པ། དེ་བཞིན་བོད་ནང་གདུག་རྩུབ་ཅན་གྱི་བྱ་སྤྱོད་སྤེལ་བཞིན་པ་སོགས་ཀྱི་ཐོག་སེམས་འཚབ་ཆེན་པོ་ཡོད་པ་གསུངས་འདུག སྐབས་དེར་རྒྱ་ནག་གི་ཕྱི་སྲིད་བློན་ཆེན་གཞོན་པ་...

ཨ་རིའི་ཕྱི་སྲིད་དྲུང་ཆེ་སྐུ་གཞོན་ལྕམ་ Wendy Sherman མཆོག་རྒྱ་ནག་ལ་འཚམས་གཟིགས་ཕེབས་གཏན་འཁེལ་བ་ལྟར། ཁོང་གིས་ཐེངས་འདིའི་འཚམས་གཟིགས་སྐབས་རྒྱ་ནག་གཞུང་གིས་བོད་མིའི་གཞི་རྩའི་འགྲོ་བ་མིའི་ཐོབ་ཐང་ལ་གུས་བརྩི་དང་ལྷག་དོན་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་ཚབ་ལྷན་གྲོས་མོལ་མ་བྱས་བར་དུ་ཨ་རིའི་ངོས་ནས་དུས་ནམ་ཡང་ཁ་ཁུ་སིམ་པོར་གནས་མེད་པ་གསལ་པོ་བཟོ་དགོས་ཞེས་གསུངས་འདུགཉེ་ལམ་ཨ་རིའི་ཕྱི་སྲིད་ལས་ཁུངས་ཀྱི་དྲྭ་གནས་ཐོག་ལྕམ་ Sherman མཆོག་ཟླ་བ་འདིའི་ཚེས་ ༢༥ དང་ ༢༦ བཅས་ཉིན་གཉིས་ཀྱི་རིང་རྒྱ་ནག་ཏུ་གཞུང་འབྲེལ་ཕྱོགས་སྐྱོད་གནང་རྒྱུ་ཡིན་པར་ཡོང་གྲགས་གནང་བ་མ་ཟད་ལྕམ་  Sherman མཆོག་གིས་རང་ཉིད་ཀྱི་འཕྲུལ་སྒྲའི་ཐོག་ཁོང་རྒྱ་ནག་ལ་རྒྱལ་དོན་འཚམས་གཟིགས་སུ་མ་ཕེབས་པའི་སྔ་རོལ་དུ་འགྲོ་བ་མིའི་ཐོབ་ཐང་ལྟ་ཞིབ་ཚོགས་པའི་རྒྱ་ནག་སྡེ་ཚན་གྱི་འགན་འཛིན་ལྕམ་སྐུ་ Sophie Richardson ལགས་དང་རྒྱལ་སྤྱིའི་ཉེས་ཡངས་ཚོགས་པའི་ཨེ་ཤ་ཡའི་ཞུ་གཏུག་འགན་འཛིན་ལྕམ་སྐུ་ Carolyn Nash ལགས། དེ་བཞིན་རྒྱ་ནག་གི་འགྲོ་བ་མིའི་ཐོབ་ཐང་སྲུང་སྐྱོབ་འགན་འཛིན་ལྕམ་སྐུ་ Renee Xia ལགས་བཅས་རྣམ་པ་གསུམ་དང་ལྷན་བོད་ཀྱིས་གཙོས་པའི་ཤིན་ཅང་དང་ཧོང་ཀོང་བཅས་ཀྱི་འགྲོ་བ་མིའི་ཐོབ་ཐང་གི་གནས་བབ་སྐོར་བཀའ་བསྡུར་གནང་བ་དང་། ལྷག་དོན་ཨ་རིའི་ངོས་ནས་ངལ་བ་ཆེས་ཆེར་འཕྲད་བཞིན་པའི་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་བབ་གཙོས་འཛམ་གླིང་ཁྱོན་ཡོངས་ཀྱི་གཞི་རྩའི་འགྲོ་བ་མིའི་ཐོབ་ཐང་གི་གནད་དོན་ཐོག་མུ་མཐུད་འགྱུར་བ་མེད་པར་བཞེངས་ཕྱོགས་བརྟན་པོ་ཡོད་སྐོར་གསུངས་འདུགཨ་རིའི་རྒྱལ་ས་ཝ་ཤིན་ཊོན་དུ་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་ཁ་སང་ལས་ཁང་གི་འཕྲུལ་སྒྲའི་དྲྭ་གནས་ཐོག་ལྕམ་སྐུ་མཆོག་རྒྱ་ནག་ལ་འཚམས་གཟིགས་སུ་ཕེབས་རྒྱུར་དགའ་བསུ་ཞུས་པ་དང་འབྲེལ། ལྕམ་སྐུ་མཆོག་གིས་གསུངས་པ་བཞིན་ཨ་རིས་རྒྱ་ནག་གཙོ་གྱུར་འཛམ་གླིང་ཁྱོན་གྱི་གཞི་རྩའི་འགྲོ་བ་མིའི་ཐོབ་ཐང་གི་གནད་དོན་ཐོག་འགྱུར་བ་མེད་པར་མུ་མཐུད་བཞེངས་ཕྱོགས་བརྟན་པོ་འཛིན་བཞིན་པའི་ཁྲོད་ད་རེས་ལྕམ་སྐུ་མཆོག་གིས་རྒྱ་ནག་གི་འགོ་ཁྲིད་ཚོ་དང་མཇལ་འཕྲད་སྐབས་བོད་ཀྱི་གནད་དོན་དེ་ངེས་པར་དུ་གླེང་བའི་ཡིད་ཆེས་དང་རེ་བ་ཡོད་སྐོར་གསུངས་པ་མ་ཟད། རྒྱ་ནག་གཞུང་གིས་བོད་མིའི་གཞི་རྩའི་འགྲོ་བ་མིའི་ཐོབ་ཐང་ལ་གུས་བརྩི་དང་ཁྱད་པར་དུ་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་ཚབ་ལྷན་གྲོས་མོལ་མ་བྱས་བར་དུ་ཨ་རི་ངོས་ནས་དུས་ནམ་ཡང་ཁ་ཁུ་སིམ་པོ་གནང་ཐབས་མེད་ཅེས་ནན་པོ་གསུངས་དགོས་པའི་འབོད་སྐུལ་ཞུས་འདུགརྒྱལ་སྤྱིའི་བོད་དོན་ལས་འགུལ་ཁང་གིས་ད་དུང་ད་ལྟའི་ཆར་རྒྱ་ནག་གིས་དེ་སྔ་བྱུང་མྱོང་མེད་པའི་བོད་ཀྱི་ཐུན་མིན་ལེགས་བྱང་དང་ཡུལ་སྲོལ་གོམས་གཤིས་རྩ་གཏོར་གྱི་བྱ་སྤྱོད་སྤེལ་དང་སྤེལ་མུས་ཁྲོད་འདིར་ཨ་རི་གཞུང་གིས་གོ་སྐབས་ནམ་བྱུང་ལ་བོད་ཀྱི་གནད་དོན་ཐད་རྒྱ་ནག་ལ་སྔར་བཞིན་གནོན་ཤུགས་སྤྲོད་དགོས་པ་ནི་ཆེས་ཛ་དྲག་གི་གནད་དོན་ཞིག་ཡིན་པར་གསུངས་འདུགགཞི་རྩའི་ཨ་རིའི་ཕྱི་སྲིད་ལས་ཁུངས་ཀྱིས་རེས་གཟའ་ལྷག་པ་སྟེ་ཕྱི་ཚེས་ ༢༡ ཉིན་གཞུང་འབྲེལ་གྱི་སྤྱི་བསྒྲགས་ཤིག་སྤེལ་བར་གཞིགས་ན། ཨ་རིའི་ཕྱི་སྲིད་དྲུང་ཆེ་སྐུ་གཞོན་ལྕམ་ Wendy Sherman མཆོག་ཕྱི་ཚེས་ ༢༥ དང་ ༢༦ ཉིན་གྲངས་གཉིས་ཀྱི་རིང་རྒྱ་ནག་གི་ནུབ་བྱང་གྲོང་ཁྱེར་ Tianjin དང་ཕྱི་ཚེས་ ༢༧ ཉིན་དཀྱིལ་ཤར་ Oman རྒྱལ་ཁབ་ནང་ཉིན་གྲངས་གཅིག་གི་རིང་འཚམས་གཟིགས་གནང་རྒྱུ་དང་།...

ཟླ་བ་འདིའི་ཕྱི་ཚེས་ ༡༣ ཉིན་ Motion Picture Association of America ཞེས་པའི་ཨ་རིའི་གློག་བརྙན་བཟོ་སྐྲུན་ལྷན་ཚོགས་ཤིག་གི་ཐོག་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Mike Pompeo མཆོག་གིས་ Hollywood གློག་བརྙན་བཟོ་ལས་ཁང་གིས་རང་ཉིད་ཀྱི་ཚོང་གི་ཁེ་ཕན་ལ་བརྟེན་ནས་རྒྱ་ནག་གཞུང་གི་གནོན་ཤུགས་འོག་མི་འགྲོ་བར་འགོག་རྒོལ་གནང་དགོས་པ་བརྗོད་འདུག སྐུ་ཞབས་ Mike Pompeo མཆོག་གིས་ Hollywood གློག་བརྙན་བཟོ་སྐྲུན་ལས་ཁང་ནི་ཨ་རིའི་རང་དབང་དང་གསར་གཏོད་ཀྱི་མཚོན་རྟགས་ཤིག་ཡིན་ཀྱང་། ཉེ་བའི་ཆར་ཨ་རིའི་གློག་བརྙན་མང་དག་ཅིག་གིས་རྒྱ་ནག་གི་ཁྲོམ་རའི་ནང་རང་ཉིད་ཀྱི་གློག་བརྙན་འགྲེམས་ཚོང་ཐུབ་ཆེད་རྒྱ་ནག་གཞུང་གི་གནོན་ཤུགས་ལ་མགོ་བོ་སྒུར་བའི་གནས་ཚུལ་མང་པོ་འཐོན་བཞིན་ཡོད་པ་འགྲེལ་བརྗོད་དང་འབྲེལ་ཏེ་ཧོ་ལི་ཝུ་ཌི་གློག་བརྙན་བཟོ་སྐྲུན་པ་རྣམས་ནས་དེ་ལྟ་བུའི་བྱ་སྤྱོད་མཚམས་འཇོག་གིས་རང་ཉིད་ཀྱི་གློག་བརྙན་ནང་རྒྱ་ནག་གི་གནས་སྟངས་ངོ་མ་གང་ཡིན་པ་དེ་དག་གསལ་འདོན་གནང་དགོས་པ་གསུངས་འདུག རྩབའི་ཉེ་ལམ་རྒྱལ་སྤྱིའི་ཁྲོམ་རའི་ནང་ Red Dawn དང་ Top...