བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ད་ལྟ་ཨ་རིའི་མི་ནེ་སོ་ཊ་ Minnesota མངའ་སྡེའི་གྲོང་ཁྱེར་ Rochester ནང་དུ་༸སྐུའི་འཕྲོད་བཞེས་བརྟག་དཔྱད་གནང་ནས་སྐུ་ངལ་གསོ་བཞུགས་མཛད་བཞིན་ཡོད་པ་ལྟར། ཁ་ཉིན་ཚེས་ ༢༢ ཉིན་ སེམས་ཁམས་ཚན་རིག་པ་སྐུ་ཞབས་ Paul Ekman ལགས་ཀྱི་བོུ་ལྕམ་སྐུ་ Dr Eve Ekman ལགས་ཀྱིས་ཁོ་མོའི་ཡབ་ཀྱིས་དབུ་འཛུགས་གནང་བའི་ Atlas of Emotion འམ་སེམས་ཀྱི་ས་ཁྲའི་ལས་འཆར་སྐོར་སྙན་གསེང་ཞུས་འདུག
ལྷན་རྒྱས་མཇལ་མོལ་དེའི་སྐབས་ལྕམ་ Eve Ekman ལགས་ནས་༸གོང་ས་མཆོག་ལ་སེམས་ཀྱི་ས་ཁྲའི་ལས་འཆར་དེའི་ངོ་བཤུ་རག་ཟིན་ཁག་སྤྱན་འབུལ་ཞུས་པ་དང་ཆབས་ཅིག གཞི་རྐང་ལས་འཆར་དེའི་དམིགས་ཡུལ་གཙོ་བོ་ནི་གཞན་ཕན་བསྒྲུབ་རྒྱུ་དང་།...