ཏོག་དབྱིབས་གཉན་རིམས།

ཏོག་དབྱིབས་གཉན་རིམས་ཆེས་ཐོག་མར་མཆེད་ས་རྒྱ་ནག་གི་ཝུ་ཧན་གྲོང་ཁྱེར་དུ་ཁ་ཉིན་ཚེས་ ༨ ཉིན་ལས་རིགས་འདྲ་མིན་གཉེར་མཁན་རྒས་ཡོལ་དུ་ཕྱིན་ཟིན་པའི་མང་ཚོགས་ཁྲི་ཚོ་དུ་མས་ས་གནས་སྲིད་གཞུང་གི་ལས་ཁུངས་མདུན་དུ་ངོ་རྒོལ་བྱས་འདུག་པ་དང་། དེའང་སྔ་ལོའི་ཕྱི་ཟླ་བཅིུག་གི་ཟླ་མཇུག་ཏུ་ཝུ་ཧན་གཙོས་རྒྱ་ནག་གི་གྲོང་ཁྱེར་ཆེ་ཁག་འདྲ་མིན་ནང་མང་ཚོགས་དུ་མས་རྒྱ་ནག་གཞུང་གི་གཉན་རིམས་ཀླད་ཀོར་གྱི་སྲིད་བྱུས་ལ་མི་འདོད་པའི་རྣམ་པའི་ཐོག་ནས་ངོ་རྒོལ་ཤུགས་ཆེར་བྱས་པའི་རྗེས་སུ་འདི་ལོ་ནང་དེ་ལྟར་ངོ་རྒོལ་གྱི་ལས་འགུལ་སྤེལ་བ་ཐོག་མ་དེ་ཆགས་ཡོད།ཝུ་ཧན་ནང་དུ་ལས་རིགས་འདྲ་མིན་གཉེར་མཁན་རྒས་ཡོལ་དུ་ཕྱིན་ཟིན་པའི་མང་ཚོགས་རྣམས་ལ་སྲིད་གཞུང་གིས་ཟླ་རེར་རྒྱ་སྒོར་ ༢༦༠ རེ་སྨན་བཅོས་ཀྱི་གུན་གསབ་ཚུལ་དུ་སྤྲོད་སྲོལ་ཡོད་པ་དེ་ལྟར་ཡང་། ཉེ་ཆར་ཟླ་ ༢ ཚེས་ ༡ ནས་བཟུང་སྒྲིག་གཞི་དེར་བཅོས་བསྒྱུར་གྱིས་རྒྱ་སྒོར་ ༨༨ དང་འགའ་ཞིག་ལ་རྒྱ་སྒོར་ ༨༢ རེ་བཅས་སྨན་བཅོས་ཀྱི་གུན་གསབ་ལྡབ་གཅིག་མར་ཆག་པའི་གནས་སྟངས་བྱུང་འདུགཁ་སང་ The Guardian སོགས་རྒྱལ་སྤྱིའི་བརྒྱུད་ལམ་ཁག་དང་སྤྱི་ཚོགས་དྲ་ལམ་ཐོག་གནས་ཚུལ་ཐོན་ཁག་ལ་གཞིགས་ན། ཁ་ཉིན་ཕྱི་ཚེས་ ༨ ཉིན་གྱི་སྔ་དྲོ་ཚོུད་ ༨ པ་ནས་དུས་ཐུང་རིང་ལ་ཝུ་ཧན་ས་གནས་སྲིད་གཞུང་གི་ལས་ཁུངས་མདུན་དུ་དེ་སྔ་ལས་རིགས་འདྲ་མིན་ནང་ཕྱག་ལས་གནང་མཐར་ད་ཆ་རྒས་ཡོལ་དུ་ཕྱིན་པའི་མང་ཚོགས་ཁྲི་ཚོ་བརྒལ་བ་འདུ་འཛོམས་ཀྱིས་ཝུ་ཧན་གྲོང་ཁྱེར་སྤྱི་ཁྱབ་པའི་ངོས་ནས་སྨན་བཅོས་གུན་གསབ་རོགས་དངུལ་གཅོག་ཆ་བྱེད་དོན་གང་ཡིན་གསལ་བཤད་དགོས་པ་དང་། ཚེས་ ༨...

དེ་རིང་ཧི་མཱ་ཅལ་མངའ་སྡེའི་རྒྱལ་ས་སིམ་ལར་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Jai Ram Thakur མཆོག་དབུ་བཞུགས་ཐོག་བློན་ཆེན་ལྷན་འཛོམས་གནང་སྟེ་མངའ་སྡེ་ནང་གནངས་ཚེས་ ༡༠ ནས་བཟུང་གཞི་རིམ་བར་མ་དང་། ཚེས་ ༡༥ ནས་བཟུང་གཞི་རིམ་འོག་མའི་འཛིན་གྲྭ་ཁག་དངོས་སུ་དབུ་འཛུགས་གནང་རྒྱུར་ཐག་གཅོད་གནང་འདུགརྒྱ་ནག་ནས་ཐོག་མར་མཆེད་པའི་ཏོག་དབྱིབས་ ༡༩ རྐྱེན་གྱིས་རྒྱ་གར་གྱི་ས་གནས་གཞན་ལྟར་ཧི་མཱ་ཅལ་མངའ་སྡེ་ནང་གི་སློབ་གྲྭ་ཁག་རྒྱུན་ལྡན་བཞིན་འཛིན་གྲྭ་དངོས་སུ་འཚོགས་མ་ཐུབ་པར་དྲྭ་ཐོག་ནས་སློབ་ཁྲིད་གནང་གི་ཡོད་པར་མ་ཟད་རིམ་པས་ནད་ཡམས་ཀྱི་གནས་སྟངས་ཕྲན་བུ་བཟང་དུ་ཕྱིན་སྐབས་སློབ་ཕྲུག་རྒན་པ་རྣམས་སློབ་གྲྭར་ཆེད་སྐོང་གིས་འཛིན་གྲྭ་ཚོགས་པ་མ་གཏོགས། སྔོན་འགྲོ་དང་གཞི་རིམ་འོག་མ། དེ་བཞིན་གཞི་རིམ་བར་མ་བཅས་ཀྱི་སློབ་མ་རྣམས་མུ་མཐུད་དྲྭ་ཐོག་ནས་སློབ་ཁྲིད་གནང་བཞིན་པའི་ཁྲོད་འདིར་དེ་རིང་ཧི་མཱ་ཅལ་མངའ་སྡེ་གཞུང་གིས་གནངས་ཚེས་ ༡༠ ནས་བཟུང་གཞི་རིམ་བར་མ་དང་། ཚེས་ ༡༥ ནས་བཟུང་གཞི་རིམ་འོག་མའི་འཛིན་གྲྭ་ཁག་དངོས་སུ་དབུ་འཛུགས་གནང་རྒྱུར་ཐུགས་གཏན་འཁེལ་འདུག བློན་ཆེན་ལྷན་འཛོམས་ཐོག་ད་དུང་གློ་རྒྱག་་དང་ཚ་བ་ཡོད་པ་སོགས་ཆམ་རྟགས་ཕོག་པའི་སློབ་མ་རྣམས་སློབ་གྲྭར་ཕེབས་རྒྱུ་མེད་པའི་འབོད་སྐུལ་དང་། ལྷག་པར་སློབ་མ་རྣམས་སློབ་གྲྭར་མ་ཞུགས་གོང་དུག་སེལ་སོགས་ཀྱི་སྔོན་འགོག་ལས་དོན་ཐུས་ཚང་ཞུ་དགོས་པའི་འབོད་སྐུལ་གནང་འདུག གཞི་རྩའི་བོད་ཁྱིམ་ལྟ་བུ་བཙན་བྱོལ་བོད་མིའི་གྲྭར་མཚོན་ན། ཉེ་ལམ་སློབ་གྲྭའི་ངོས་ནས་ལོ་འདིའི་སློབ་དུས་མཇུག་སྒྲིལ་ལ་ཉེ་བའི་ཁྲོད་ ༢༠༢༡ ལོའི་འཛིན་རིམ་གསུམ་པ་ནས་བརྒྱད་པ་དང་། དགུ་པ་དང་བཅིུག་བཅས་ཀྱི་དུས་ཚིགས་གཉིས་པའི་ཡིག་རྒྱུགས་ཀྱི་དུས་ཚིགས་དང་།...

དྷརྨ་ས་ལའི་ཉེ་འདབས་སུ་རྟེན་གཞི་བྱས་པའི་ནོར་བུ་གླིང་ཁར་གནས་བཞུགས་བོད་མི་ ༣༣ ཙམ་ལ་གཉན་རིམས་ཕོག་འདུག་ཀྱང་ནད་གཞི་ཕོག་མཁན་རྣམས་ཀྱི་གནས་སྟངས་ཛ་དྲག་གང་ཡང་མི་འདུག ཟླ་བ་འདིའི་ཕྱི་ཚེས་ ༡༧ ཉིན་རྒྱ་གར་གྱི་སྲིད་བློན་ན་རེནྡྲ་མོ་དི་མཆོག་གི་འཁྲུངས་སྐར་དང་བསྟུན་བདེ་ལེགས་སྨན་ཁང་གིས་རིན་མེད་ཐོག་ཏོག་དབྱིབས་ནད་གཞི་ཕོག་ཡོད་མེད་ཀྱི་བརྟག་དཔྱད་གནང་སྐབས་ནོར་བུ་གླིང་ཁའི་ཁྱབ་ཁོངས་ནས་བོད་མི་ ༩ ལ་ནད་གཞི་ཕོག་ཡོད་པར་ཤེས་རྟོགས་བྱུང་ཡོད་པ་དང་། ཕྱོགས་མཚུངས་ཕྱི་ཚེས་ ༢༠ ཉིན་བསྐྱར་དུ་མི་བརྒྱད་དང་། དེ་བཞིན་ཚེས་ ༢༡ ཉིན་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་དང་བདེ་ལེགས་སྨན་ཁང་གཉིས་ཟུང་འབྲེལ་གྱིས་མི་ ༩༥ ལ་བརྟག་དཔྱད་གནང་འབྲས་སུ་མི་དགུར་ནད་རྟགས་ཐོན་པ་མ་ཟད། ཁག་ཅིག་ཛོ་ནཱལ་སྨན་ཁང་སོགས་ལ་བརྟག་དཔྱད་སླད་ཕེབས་སྐབས་མི་འགར་ནད་གཞི་ཐོན་པ་བྱུང་སྟེ་ཁྱོན་ཁ་སང་ཚེས་ ༢༢ བར་ནོར་བུ་གླིང་ཁ་ཁུལ་ནས་བོད་མི་ ༣༣ ཙམ་ལ་ནད་གཞི་ཕོག་འདུག་སྟབས། ད་ཆ་ནོར་བུ་གླིང་ཁ་དེ་  Containment Zone འམ་བཀག་སྐྱིལ་གྱི་ས་ཚིགས་སུ་ངོས་འཛིན་གྱིས་དམ་གནང་བར་བརྟེན་ནོར་གླིང་གི་ཉེ་འཁོར་དུ་འཁེལ་བའི་ས་ཁུལ་ལ་ཕེབས་རྒྱུ་སོགས་ཀྱི་གནང་སྒོ་ཁག་ཡོང་རྫོགས་བཀག་སྡོམ་གནང་མུས་ཡིན་པ་རེད།དེ་དོན་དྷ་ས་ས་གནས་འགོ་འཛིན་ཀུན་དགའ་ཚེ་རིང་ལགས་སུ་བཅར་འདྲི་ཞུས་པར་ནོར་བུ་གླིང་ཁར་གནས་བཞུགས་བོད་མི་ནད་གཞི་ཕོག་པ་རྣམས་ལ་ནད་རྟགས་ཕྲན་བུ་ཡོད་པ་མ་གཏོགས་ཛ་དྲག་གི་གནས་སྟངས་མེད་པ་དང་ད་ཆ་ཁོང་རྣམས་ཟུར་བཀག་དུ་བཞུགས་མུས་ཡིན་པ་རེད། འཕྲོད་བསྟེན་ལས་ཁུངས་དང་དབུས་ཛ་དྲག་ཚོགས་ཆུང་། བདེ་ལེགས་སྨན་ཁང་། དེ་བཞིན་ས་གནས་འགོ་འཛིན་ལས་ཁུངས་བཅས་ཐུན་མོང་གིས་ཁོང་རྣམས་ལ་ཉེར་མཁོའི་མཐུན་འགྱུར་ཁག་གནང་མུས་ཡིན་པར་གསུངས་ཡོད།གཞི་རྩའི་རྒྱ་གར་ནང་ནད་རླབས་གཉིས་པའི་སྐབས་གཉན་རིམས་ཕོག་མཁན་གྱི་གྲངས་ཐོ་ཇེ་མང་ཕྱིན་པ་དང་སྦྲགས་འདས་གྲོངས་སུ་གྱུར་མཁན་མང་དག་ཅིག་བྱུང་བར་བརྟེན་ས་གནས་སོ་སོར་ཐེམ་སྤང་གི་བཀོད་ཁྱབ་དང་། སློབ་གྲྭ་ཁག་ཕྱིར་བཤོལ་གནང་བ། འདུ་འཛོམས་རིགས་གནང་སྒོ་ཚང་མར་དམ་དྲག་གནང་ཡོད་པ་རེད།...

བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་སྲི་ཞུ་བའི་ཁྲོད་ཏོག་དབྱིབས་ནད་གཞི་ཕོག་མཁན་ཇེ་མང་དུ་འགྲོ་བཞིན་པར་བརྟེན་སྲི་ཞུ་བའི་ཁྲོད་ལ་དེ་འབྲེལ་ནད་གཞི་ཡོད་མེད་བརྟག་དཔྱད་དབུ་འཛུགས་གནང་སྟེ་སྲི་ཞུ་བ་ཚོ་བརྒྱ་ཆ་ལྔ་བཅུའི་ཐོག་ནས་ཕྱག་ལས་གནང་རྒྱུ་རེད་འདུགའདས་པའི་གཟའ་འཁོར་ནས་བོད་མིའི་སྒྲིག་འཛུགས་ཀྱི་བསྟི་གནས་གངས་སྐྱིད་ཁུལ་དང་ Forsyth Ganj ནས་བོད་མི་ཁག་ཅིག་ལ་ཏོག་དབྱིབས་ནད་གཞི་ཕོག་པའི་གནས་ཚུལ་བསྟུད་མར་བྱུང་བ་དང་འབྲེལ། འཕྲོད་བསྟེན་ལས་ཁུངས་ཀྱིས་ཟླ་བ་འདིའི་ཚེས་ ༡༥ ནས་ལྷན་ཁང་ཁག་གི་སྲི་ཞུ་བ་ཡོངས་ལ་ནད་གཞི་དེ་ཕོག་ཡོད་མེད་ཀྱི་བརྟག་དཔྱད་དབུ་འཛུགས་གནང་དོན་ལྟར་དེ་རིང་བར་ཁྱོན་སྲི་ཞུ་བ་ ༤༥༣ ཙམ་ལ་བརྟག་དཔྱད་གནང་ཟིན་པའི་ཁྲོད་ནད་གཞི་ཕོག་མཁན་ ༡༥ བྱུང་ཡོད་སྟབས་སྲི་ཞུ་བ་དེ་དག་དབུས་སྣེ་ལེན་ཁང་གི་གཉན་རིམས་གསོ་བཅོས་ཁང་དུ་ཕེབས་ཡོད་པ་རེད། བོད་མིའི་སྒྲིག་འཛུགས་ཀྱི་དབུས་ཏོག་དབྱིབས་གཉན་རིམས་ཛ་དྲག་ལས་དོན་ཚོགས་ཆུང་གི་ཚོགས་གཙོ་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་ཀྱིས་ད་ཆ་བོད་མིའི་སྒྲིག་འཛུགས་ཀྱི་བསྟི་གནས་གངས་སྐྱིད་གཙོས་བཞུགས་སྒར་ཁུལ་ནས་སླར་ནད་གཞི་ཕོག་མཁན་ཇེ་མང་དུ་འགྲོ་བཞིན་པར་བརྟེན་ལས་ཁུངས་ཁག་གི་སྲིད་ཞུ་བའི་ལས་བཅར་ཞུ་ཕྱོགས་ཐད་ལ་དམིགས་བསལ་དགོངས་པ་བཞེས་ཏེ་སྲི་ཞུ་བ་ཚོ་བརྒྱ་ཆ་ལྔ་བཅུའི་ཐོག་ནས་ལས་བཅར་ཞུ་གཏན་འཁེལ་ཡོད་སྐོར་གསུངས་སོང་།རྩ་བའི་བོད་མིའི་སྒྲིག་འཛུགས་ཀྱི་ COVID19 ལས་དོན་ཚོགས་ཆུང་གིས་སྤེལ་བའི་གསར་འགོད་གསལ་བསྒྲགས་ཐེངས་ ༧༧ ནང་དོན་ལྟར་ན་རྒྱ་གར་དང་བལ་ཡུལ་གཉིས་ཀྱི་བཙན་བྱོལ་བོད་མིའི་འདུས་སྡོད་ཁག་ཏུ་འདས་པའི་རེས་གཟའ་ཕུར་བུ་བར་ནད་གཞི་གསར་པ་ཕོག་མཁན་མི་གྲངས་ ༣༦ བྱུང་བ་དང་དེའི་ཁོངས་ནས་བོད་མིའི་སྒྲིག་འཛུགས་བསྟི་གནས་གངས་སྐྱིད་དང་ Forsyth Ganj ནས་ནད་གཞི་ཕོག་མཁན་བོད་མི་ཁག་ཅིག་བྱུང་ཡོད་ཀྱང་ནད་གཞི་ཕོག་མཁན་རེ་ཟུང་མ་གཏོགས་གཞན་རྣམས་ལ་ནད་རྟགས་མངོན་གསལ་མེད་པ་་རེད། འོན་ཀྱང་ད་ཆ་ས་གནས་སུ་སླར་ནད་གཞི་ཕོག་མཁན་བྱུང་བར་བརྟེན་དབུས་སྣེ་ལེན་ཁང་དུ་ཏོག་དབྱིབས་གཉན་རིམས་གསོ་བཅོས་ཁང་བསྐྱར་དུ་སྒོ་འབྱེད་གནང་ཡོད་པ་མ་ཟད། ནད་གཞི་ཕོག་པ་རྣམས་དེ་མ་ཐག་ཏུ་སྒྲིག་འཛུགས་ཀྱིས་གོ་སྒྲིག་ཞུས་པའི་གཉན་རིམས་གསོ་བཅོས་ཁང་དུ་ཕེབས་དགོས་པའི་བཀོད་ཁྱབ་གནང་འདུགགཞི་རྩའི་ད་བར་བཙན་བྱོལ་འདུས་སྡོད་སྤྱི་ཚོགས་ནང་ནད་གཞི་ཕོག་མཁན་ཁྱོན་མི་གྲངས་ ༦༢༧༩...

གཟའ་འཁོར་འདིའི་ནང་རྒྱ་གར་དང་བལ་ཡུལ་ནང་བཙན་བྱོལ་བོད་མིའི་ཁྲོད་ནས་ཏོག་དབྱིབས་གཉན་རིམས་གསར་པ་ཕོག་མཁན་ཁྱོན་མི་གྲངས་ ༣༦ བྱུང་བའི་ཁོངས་ནས་སྐྱེས་པ་གཉིས་འདས་གྲོངས་དུ་གྱུར་འདུག་པ་དེ་ལྟར་ནའང་། བཙན་བྱོལ་བོད་མིའི་འདུས་སྡོད་ས་ཁུལ་ཁག་ཏུ་ཏོག་དབྱིབས་ནད་གཞི་ཕོག་མཁན་ཇེ་ཉུང་དུ་འགྲོ་བཞིན་འདུག ཁ་སང་བོད་མིའི་སྒྲིག་འཛུགས་ཀྱི་ཏོག་དབྱིབས་སྔོན་འགོག་ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༧༤ སྤེལ་བའི་ཐོག་འཕྲོད་བསྟེན་ལས་ཁུངས་ཀྱི་ལས་བྱེད་བསྟན་འཛིན་སྒྲོལ་དཀར་ལགས་ཀྱིས་འདས་པའི་བདུན་ཕྲག་གཅིག་གི་ནང་རྒྱ་གར་དང་བལ་ཡུལ་ནང་ནད་གཞི་ཕོག་པ་མི་གྲངས་ ༣༦ བྱུང་ཡོད་པ་ལས་སྐྱེས་པ་གྲངས་ ༢༦ དང་བུད་མེད་གྲངས་ ༡༠ དེའི་ནང་ནས་དགུང་ན་མཐོ་ཤོས་དེ་ ༩༤ དང་ཆུང་ཤོས་དེ་བྱིས་པ་ལོ་ ༢ ཅན་ཆགས་ཀྱི་ཡོད་པ་དང་དེ་དག་ལས་གཉན་རིམས་ཀྱི་རྐྱེན་གྱིས་མི་གྲངས་ ༢ འདས་གྲོངས་སུ་གྱུར་ཡོད་པར་གསུངས་ཡོད།ཁོང་གིས་ད་དུང་ཏོག་དབྱིབས་གཉན་རིམས་ཁྱབ་བརྡལ་སྔོན་འགོག་སླད་དུ་རྒྱ་གར་ནང་གི་ས་གནས་གྲངས་ ༡༣ དང་བལ་ཡུལ་ནང་གི་ས་གནས་ ༣ བཅས་ཀྱི་བོད་མི་གྲངས་ ༡༣༡༥ ལ་ནད་གཞི་ཕོག་ཡོད་མེད་བརྟག་དཔྱད་གནང་ཐུབ་པ་བྱུང་ཡོད་སྐོར་གསུངས་པ་དང་སྦྲགས། ལྷག་དོན་རྒྱ་གར་དང་བལ་ཡུལ་རྒྱལ་ཁབ་གཉིས་ཀྱི་ནང་དུ་གཉན་རིམས་ཕོག་མཁན་གྱི་གྲངས་འབོར་དེ་ཇེ་ཉུང་དུ་འགྲོ་བཞིན་ཀྱང་ཡོད་མང་ཚོགས་ཚོས་སྔོན་འགོག་གི་གནང་སྒོ་ཁག་མུ་མཐུད་འཐུས་ཚང་གནང་དགོས་པར་གཞེན་སྐུལ་གནང་ཡོད་པ་རེད།དེ་བཞིན་བསྟན་འཛིན་སྒྲོལ་དཀར་ལགས་ཀྱིས་ད་ལྟའི་ཆར་དབུས་ཛ་དྲག་ཚོགས་ཆུང་གི་ཚོགས་གཙོ་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་ཀྱིས་དབུ་ཁྲིད་པའི་ཚོགས་མི་ཁག་ཅིག་གཞུང་འབྲེལ་ཕྱོགས་ཕེབས་གནང་དང་གནང་མུས་ཡིན་པ་མ་ཟད། དེ་བཞིན་ཤེས་རིག་དྲུང་ཆེ་འཇིགས་མེད་རྣམ་རྒྱལ་ལགས་ཀྱིས་དབུ་ཁྲིད་པའི་ཚོགས་མི་ཁག་ཅིག་རྒྱ་གར་བྱང་ཕྱོགས་ཁུལ་གྱི་བཙན་བྱོལ་བོད་མིའི་གཞིས་སྒར་ཁག་ལ་རྟོག་ཞིབ་སླད་གཞུང་འབྲེལ་ཕྱོགས་ཕེབས་གནང་གཏན་ཁེལ་ཡོད་པར་གསུངས་ཡོད།བསྟན་འཛིན་སྒྲོལ་དཀར་ལགས་ཀྱིས་ཐུགས་སྣང་གཞེན་སྐུལ་དང་འབྲེལ་ཏེ་རྒྱ་གར་དང་བལ་ཡུལ་གཉིས་ཀྱི་ནང་གཉན་རིམས་ཕོག་མཁན་གྱི་གྲངས་འབོར་དེ་ཇེ་ཉུང་དུ་འགྲོ་བཞིན་ཡོད་ཀྱང་སྔོན་འགོག་གི་གནང་སྒོ་ཁག་མུ་མཐུད་གནང་གལ་ཡིན་པ་དང་། སྔོན་ཁབ་རྒྱག་རྒྱུ་དེ་ཧ་ཅང་གནད་ཆེ་ཆགས་སྟབས་ཁྱད་ལས་པའི་ལམ་སྟོན་གནང་བ་བཞིན་སྔོན་ཁབ་གཉིས་ཀ་རྒྱག་དགོས་པ།...

བོད་མིའི་སྒྲིག་འཛུགས་ཀྱི་ཏོག་དབྱིབས་གཉན་རིམས་སྔོན་འགོག་ལས་དོན་ཚོགས་ཆུང་གིས་ད་བར་གཞིས་སྒར་ཁག་གི་བོད་མིར་ཏོག་དབྱིབས་སྔོན་ཁབ་ཐོབ་པར་མཐུན་འགྱུར་རྒྱབ་སྐྱོར་དང་སྦྱིན་བདག་གནང་མཁན་དགོན་སྡེ་ཁག་དང་ཚོགས་སྒེར་སྒྲིག་འཛུགས་ཡོངས་ལ་ཐུགས་རྗེ་ཆེ་ཞུས་པ་དང་འབྲེལ། རྒྱ་གར་ནང་ད་དུང་ཡང་བོད་མི་བརྒྱ་ཆ་ ༢༩ ཙམ་དང་བལ་ཡུལ་ནང་བརྒྱ་ཆ་ ༧༨ ལྷག་ཙམ་ལ་སྔོན་ཁབ་ཐོབ་མེད་སྐོར་གསུསང་སོང་། གསར་འགོད་གསལ་བསྒྲགས་ཐེངས་ ༦༤ སྤེལ་སྐབས་བོད་མིའི་སྒྲིག་འཛུགས་ཀྱི་འཕྲོད་བསྟེན་དྲུང་འཕར་བྱམས་པ་ཕུན་ཚོགས་ལགས་ཀྱིས་སྤྱིར་འདི་ལོའི་ཟླ་ ༡ ཚེས་ ༡༦ ནས་བཟུང་རྒྱ་གར་གྱི་ནང་དུ་ཏོག་དབྱིབས་གཉན་རིམས་ཀྱི་འགོག་ཁབ་བརྒྱབ་ཡོད་པ་ལྟར་བོད་མིའི་སྤྱི་ཚོགས་ནང་དུའང་སྔོན་ཁབ་དེ་ཐོབ་ཐབས་ཀྱི་ལས་དོན་ཆེས་ཆེར་སྤེལ་བའི་ངང་ནན་མདུན་སྐྱོད་གནང་བཞིན་ཡོད་པར་འགྲེལ་བརྗོད་དང་སྦྲགས། ད་ལྟའི་ཆར་རྒྱ་གར་ནང་གི་བོད་མིའི་གཞིས་སྒར་ཁག་ཏུ་སྔོན་ཁབ་རིམ་པ་དང་པོ་ཐོབ་ཟིན་པ་མི་གྲངས་ ༢༡༣༧༠ དང་སྔོན་ཁབ་རིམ་པ་གཉིས་ཀ་བརྒྱབ་ཟིན་པ་མི་གྲངས་ ༡༤༠༩༦ ཆགས་ཀྱི་ཡོད་སྐོར་གསུངས་པ་མ་ཟད་བལ་ཡུལ་ནང་ལ་མཚོན་ན་ད་བར་ཁྱོན་བོད་མི་ ༣༥༣ ལ་སྔོན་ཁབ་རིམ་པ་གཉིས་ཀ་བརྒྱབ་ཟིན་པ་དང་དེ་བཞིན་ ༡༠༨༤ ལ་སྔོན་ཁབ་རིམ་པ་དང་པོ་བརྒྱབ་ཟིན་ཡོད་ཀྱང་། ད་དུང་རྒྱ་བལ་གཉིས་ཀྱི་ནང་སྔོན་ཁབ་མ་ཐོབ་པའི་གྲངས་འབོར་དེ་ ༢༠༦༨༥...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ Archbishop of Canterbury འམ་དབྱིན་ཇིའི་ཡི་ཤུའི་ཆོས་དཔོན་ཟུར་པ་ Rowan Williams གཙོས་དབུས་པའི་རྒྱལ་སྤྱིའི་ཆོས་ལུགས་ཀྱི་དབུ་ཁྲིད་ཁག་ཅིག་གིས་ G7 ཞེས་པའི་རྒྱལ་སྤྱིའི་སྟོབས་ཆེན་གྱི་རྒྱལ་ཁབ་བདུན་ལ་དེང་སྐབས་ཏོག་དབྱིབས་རིམས་ནད་སྔོན་ཁབ་བགོ་འགྲེམས་ཆ་སྙོམས་མེད་པ་དེ་མཚམས་འཇོག་གནང་དགོས་པའི་ཞུ་ཡིག་ཅིག་ཕུལ་འདུགདེ་རིང་ནས་དབྱིན་ཡུལ་དུ་སྟོབས་ཆེན་རྒྱལ་ཁབ་བདུན་གྱི་ཆེས་མཐོའི་ལྷན་ཚོགས་དེ་འཚོགས་ཀྱི་ཡོད་པ་དང་བསྟུན་མགོན་པོ་༸གང་ཉིད་མཆོག་གིས་དབུས་བའི་ཆོས་ལུགས་ཀྱི་དབུ་ཁྲིད་ཁག་ཅིག་གིས་དབུ་ཁྲིད་མཛད་པ་བརྒྱུད་དབྱིན་ཡུལ་གྱི་སྲིད་འཛིན་ Boris Johnson མཆོག་གིས་གཙོས་པའི་སྟོབས་ཆེན་རྒྱལ་ཁབ་ཁག་གི་དབུ་ཁྲིད་ཚོར་ཞུ་ཡིག་ཅིག་ཕུལ་བའི་ནང་དུ་སྟོབས་ཆེན་གྱི་རྒྱལ་ཁབ་དེ་དག་གིས་རིམས་ནད་སྔོན་ཁབ་ཀྱི་བདག་དབང་ཚོང་བསྒྱུར་གྱི་གནས་བབ་དེ་ཕྱིར་བསྡུ་གནང་སྟེ་འཛམ་གླིང་ནང་གི་དཔལ་འབྱོར་གྱི་ཡོངས་འབབ་ཆེས་ཞན་པའི་རྒྱལ་ཁབ་ཁག་གི་ནང་དུ་རིམས་ནད་སྔོན་ཁབ་བགོ་འགྲེམས་ཀྱི་མཐུན་རྐྱེན་སྐྲུན་པར་ཤུགས་སྣོན་གནང་དགོས་རར་ཐུགས་བརྩོན་མཛད་འདུག བཀའ་ཡིག་དེའི་ནང་དུ་དེང་གི་སྤྱི་ཚོགས་ཀྱི་ནང་འཛམ་གླིང་འཕྲོད་བསྟེན་ལྷན་ཚོགས་ཀྱིས་རྒྱལ་སྤྱིའི་སྤྱི་ཚོགས་ཁྲོད་ཏོག་དབྱིབས་རིམས་ནད་སྔོན་འགོག་གནང་རྒྱུར་འགོག་ཁབ་འགྲེམས་སྤེལ་གནང་བར་བསྔགས་བརྗོད་དང་སྦྲགས་ཏེ། ད་ཆ་རྒྱལ་སྤྱིའི་ཁྲོད་རིམས་ནད་འགོག་ཁབ་ཀྱི་བརྒྱུད་རིམ་ཁྲོད་དུ་རྒྱལ་ཁབ་ཕན་ཚུན་དབར་དབུལ་ཕྱུག་གི་ཧེ་བག་ཉིན་རེ་ནས་ཇེ་ཆེར་འགྲོ་བཞིན་ཡོད་པར་བཀའ་སྩལ་བ་དང་ད་ལྟའི་བར་འགོག་ཁབ་ས་ཡ་ ༩༠༠ ལྷག་བགོ་འགྲེམས་ཀྱི་ཁྲོད་དཔལ་འབྱོར་ཡོང་འབབ་མཐོ་བའི་རྒྱལ་ཁབ་ཁག་ཏུ་བརྒྱ་ཆ་ ༨༣ ལྷག་རག་ཡོད་ཀྱང་། འཚོ་བའི་ཡོང་འབབ་ཞན་པའི་དབུལ་ཕོངས་ཀྱི་རྒྱལ་ཁབ་ཁག་གི་ནང་འགོག་ཁབ་བརྒྱ་ཆ་ ༡ ལས་ཉུང་བ་ལས་རག་མེད་ཅེས་བཀའ་སྩལ་ཏེ། ད་ཆ་སྟོབས་ཆེན་རྒྱལ་ཁབ་ཁག་གིས་དབུ་ཁྲིད་པའི་ཐོག་ནས་དབུལ་ཕོངས་ཀྱི་རྒྱལ་ཁབ་ཁག་གི་ནང་དུ་འགོག་ཁབ་མང་ཙམ་མཁོ་འདོན་གནང་དགོས་པའི་ཞུ་སྐུལ་གནང་འདུག འཛམ་གླིང་གི་འབྱོར་ལྡན་ཡར་ཐོན་ཅན་གྱི་རྒྱལ་ཁབ་བདུན་གྱི་ཁོངས་སུ་ཨ་མི་རི་ཀ་དང་ཕ་རན་སི། འཇར་མན། དབྱིན་ཇི། ཁེ་ན་ཌ། ཨི་ཊ་ལི།...

ཁ་སང་བོད་མིའི་སྒྲིག་འཛུགས་ཀྱི་ཏོག་དབྱིབས་གཉན་རིམས་ ༡༩ ཛ་དྲག་ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༦༢ པའི་ཐོག་བོད་མིའི་སྒྲིག་འཛུགས་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་ཀྱིས་རྒྱ་གར་ནང་ད་ཆ་ལོ་ན་བཅོ་བརྒྱད་ཡན་ལ་སྔོན་ཁབ་བསྐྱོན་རྒྱུ་བཀའ་འཁྲོལ་ཐོབ་ཡོད་ཀྱང་མང་ཚོགས་སྤྱིར་སྔོན་ཁབ་རག་ཐབས་ད་ཆ་དཀའ་བས་བོད་མིའི་སྒྲིག་འཛུགས་ནས་ལོ་ན་བཅོ་བརྒྱད་ཡན་ལ་ཏོག་དབྱིབས་སྔོན་ཁབ་ཐོབ་ཐབས་ལ་འབད་བརྩོན་གནང་གི་ཡིན་སྐོར་གསུངས་པ་དང་འབྲེལ་ཏེ་འདས་པའི་དུས་ཡུན་ནང་བོད་པར་ཤ་ཚ་ཡོད་མཁན་དང་བོད་མི་རྣམས་ནས་ནད་ཡམས་འགོག་ཐབས་སླད་ཁ་རས་དང་སྲོག་རླུང་སོགས་ཀྱི་ཞལ་འདེབས་ཕོན་ཆེ་གནང་ཡོད་པ་དང། ད་ཆ་སྔོན་ཁབ་ཐད་དཀའ་ངལ་འཕྲད་བཞིན་ཡོད་སྟབས་དེའི་ཐད་ཞལ་འདེབས་གནང་མཁན་ཡོད་ན་དགའ་བསུ་ཡོད་སྐོར་གསུངས་སོང་།དྲུང་ཆེ་མཆོག་གིས་བཙན་བྱོལ་བོད་མིའི་འདུས་སྡོད་ནང་ནད་རླབས་གཉིས་པར་བོད་མི་ནད་གཞི་ཕོག་པ་དང་འདས་གྲོངས་སུ་གྱུར་བའི་ཁ་གྲངས་དེ་ནད་རླབས་དང་པོ་ལས་ལྡབ་འགྱུར་གྱི་མང་བ་བྱུང་ཡོད་པས་བོད་མི་མང་ཚོགས་ནས་མུ་མཐུད་ནད་ཡམས་ཁྱབ་གདལ་འགོག་ཐབས་སླད་སྔོན་འགོག་གི་ལམ་སྟོན་ཁག་བསྟེན་དགོས་པ་དང་ལྷག་པར་དུ་ནད་རླབས་གཉིས་པའི་ཁྲོད་འཕྲོད་བསྟེན་ཁྱབ་ཁོངས་སྨན་ཁང་ཆེ་བ་ཁག་ཅིག་ནང་ནད་གཞི་ཕོག་པ་ ༡༢༠ ཙམ་ཞིག་ལསྨན་བཅོས་གནང་བཞིན་པ་དང་དེ་མིན་གཞན་ནད་གཞི་ཛ་དྲག་མེད་པ་རྣམས་རང་ཤག་ཏུ་བཞུགས་ཡོད་སྐོར་གསུངས་པ་དང་ཆབས་ཅིག   སྨན་ཁང་སོ་སོར་ནད་པ་ཛ་དྲག་དེ་ཙམ་མེད་པ་རྣམས་སྨན་བཅོས་གནང་ནས་དྲག་སྐྱེད་འགྲོ་མཁན་ཚོར་ཟླ་བ་འདིའི་ཚེས་ ༡ ནས་སྨན་བཅོས་ཡོངས་འཕྲོད་བསྟེན་ལས་ཁུངས་ནས་རིན་མེད་གནང་གི་ཡིན་ཞེས་གསུངས་ཡོད། དེ་བཞིན་ད་ལྟའི་ཆར་ལོ་ན་བཅོ་བརྒྱད་ཡན་ལ་ཏོག་དབྱིབས་སྔོན་ཁབ་བསྐྱོན་གྱི་ཡོད་པས་སྔོན་ཁབ་རག་དཀའ་བའི་གནས་སྟངས་ཆགས་སྟབས་སྒྲིག་འཛུགས་ནས་སྔོན་ཁབ་ཐོབ་ཐབས་ལ་འབད་བརྩོན་གནང་གི་ཡོད་སྐོར་གསུངས་སོང་བ་མ་ཟད། ཁག་ཅིག་གིས་ནད་རླབས་གསུམ་པ་ཡོང་གི་རེད་ཅེས་བཀའ་མོལ་གནང་གི་ཡོད་སྟབས་བོད་མིའི་སྒྲིག་འཛུགས་ནས་བྱིས་པ་ལོ་ ༤ ནས་བཅོ་བརྒྱད་དང་། དེ་བཞིན་དེའི་ཡན་སྔོན་ཁབ་མ་ཐོབ་མཁན་ཚོར་སྨན་རྩིས་ཁང་ནས་བཟོ་སྐྲུན་གནང་བའི་གསོ་རིག་ལུས་སེམས་ནུས་གསོའི་སྨན་ཕུལ་གྱི་ཡིན་ཅེས་གསུངས་སོང་བ་དང་། ད་ལྟ་ནད་ཡམས་ཀྱི་དུས་ཚོད་ལ་འདུ་འཛོམས་གནང་ནས་ཆོས་ཕྱོགས་ཀྱི་ལས་དོན་མ་གནང་རོགས་ཞེས་འབོད་སྐུལ་གནང་སོང་།  ལས་དོན་ཚོགས་ཆུང་གི་གསར་འགོད་འབྲེལ་མཐུད་པ་གསོ་རིག་སྨན་པ་ཚེ་རིང་མཚམས་གཅོད་ལགས་ཀྱིས་ད་རེས་གཟའ་འཁོར་འདིའི་ནང་བོད་མིའི་འདུས་སྡོད་ཁག་ཏུ་མི་གྲངས་ ༢༩༦ ལ་ནད་གཞི་ཕོག་པ་དང་དེའི་ཁྲོད་དགུང་གྲངས་མཐོ་ཤོས་དེ་ལོ་ན་ ༦༦ དང་ཆུང་ཤོས་ནི་བྱིས་པ་ལོ་ ༢ ཡིན་པར་གསུངས་པ་མ་ཟད་བདུན་ཕྲག་འདིའི་ནང་བོད་མི་ ༨ འདས་གྲོངས་སུ་ཕྱིན་པ་དང་ཁོང་རྣམས་ནི་ལོ་ན་ ༥༠ ནས་ ༩༠...

རྒྱ་གར་ནང་ཏོག་དབྱིབས་གཉན་རིམས་ཀྱི་ནད་རླབས་གཉིས་པའི་ཆེས་ཛ་དྲག་གི་གནས་སྟངས་འོག་མང་ཚོགས་མང་པོའི་ཚེ་སྲོག་ཤོར་བའི་གནས་སྟངས་བྱུང་བ་ལྟར་ཁྱིམ་མཚེས་རྒྱལ་ཁབ་བལ་ཡུལ་ནང་དུའང་ཁྱབ་གདལ་ཆེས་ཆེར་སོང་རྐྱེན་དཀའ་ངལ་ཆེན་པོ་འཕྲད་བཞིན་ཡོད་པ་དངཉེ་ལམ་རེས་གཟའ་པ་སངས་ཉིན་བལ་ཡུལ་ནང་མི་གྲངས་ ༨༦༠༧ ལ་ནད་གཞི་ཕོག་པ་དང་མི་གྲངས་ ༡༧༧ འདས་གྲོངས་སུ་གྱུར་འདུགསྤྱིར་བལ་ཡུལ་ནི་བོད་མིའི་ཕོན་ཆེ་བཞུགས་གནས་ཤིག་ཆགས་ཀྱི་ཡོད་པ་དང་དེ་སྔ་ཚེས་ ༡༢ བར་བལ་ཡུལ་ནང་བོད་མི་ནད་རྟགས་ཐོན་པ་ ༧༨ དང་འདས་གྲོངས་སུ་ཕྱིན་མཁན་ ༣ བྱུང་ཡོད་པ་རེད།   རླུང་འཕྲིན་ཁང་ནས་དེ་རིང་བསྐྱར་དུ་བལ་ཡུལ་སྐུ་ཚབ་དོན་གཅོད་ཚུལ་ཁྲིམས་རྡོ་རྗེ་ལགས་སུ་བལ་ཡུལ་ནང་གི་བོད་མིའི་སྤྱིའི་གནས་སྟངས་སྐོར་ལ་བཀའ་འདྲི་ཞུས་པར་ཁོང་གིས་ཏོག་དབྱིབས་གཉན་རིམས་ཁྱབ་གདལ་བྱུང་བ་ནས་བཟུང་བལ་ཡུལ་ནང་བོད་མིའི་ས་གནས་སོ་སོར་ཟུར་འཇོག་ཁང་དང་ཕྱི་ལུགས་དང་བོད་ལུགས་གཉིས་ཀྱི་གསོལ་སྨན་གནང་བ་དང་ལྷག་པར་དུ་ས་གནས་ནང་དང་བླངས་པ་བཅས་གོ་སྒྲིག་ཞུས་ཡོད་པ་དང་། ད་ལྟའི་ཆར་ཐོ་འགོད་བྱུང་བར་གཞིགས་ན་བལ་ཡུལ་ནང་ད་བར་ནད་རྟགས་ཐོན་པ་བོད་མི་ ༢༠༢ དང་འདས་གྲོངས་ཟིན་པ་ ༥ བྱུང་ཡོད་སྐོར་འགྲེལ་བརྗོད་གནང་སོང་། གཞན་ཡང་རླུང་འཕྲིན་ཁང་ནས་བལ་ཡུལ་མཆོད་འཇོར་ས་གནས་འགོ་འཛིན་ངག་དབང་མཆོག་གྲུབ་ལགས་སུ་ཁུལ་དའི་ཁྱབ་ཁོངས་བོད་མི་ཚོའི་གནས་སྟངས་ཇི་ཆགས་ཐད་ལ་བཀའ་འདྲི་ཞུས་སྐབས་ཁོང་གིས་ཆོས་འབྱོར་ས་གནས་ཁྱབ་ཁོངས་དེ་ཁ་འཐོར་ཡིན་པས་བོད་མི་ཁག་ཅིག་ནས་ནད་གཞི་ཕོག་སྐབས་ཐོ་འགོད་སོགས་གནང་གི་མེད་སྐོར་དང་ལྷག་དོན་ས་གནས་ནང་ཏོག་དབྱིབས་ཀྱི་ཛ་དྲག་ཚོགས་ཆུང་ནས་ལས་དོན་ཇི་གནང་སྐོར་འགྲེལ་བརྗོད་གནང་བ་མ་ཟད། དེ་སྔ་ས་གནས་ནང་མི་ཆའི་ཆ་ནས་དཀའ་ངལ་ཁག་ཅིག་འཕྲད་པ་དེ་དག་ད་ཆ་གཙང་སེལ་ཐུབ་པ་ལྟ་བུར་གྱུར་ཡོད་སྐོར་སོགས་གསུངས་སོང་། གཞི་རྩའི་ད་ཆ་བལ་ཡུལ་ནང་ནད་རླབས་གཉིས་པའི་རྐྱེན་སྨན་ཁང་ནང་ཉལ་ཁྲི་དང་སྲོག་རླུང་གི་ཡོ་ཆས་འདང་ངེས་མེད་པའི་དཀའ་ངལ་འཕྲད་ཀྱི་ཡོད་པ་དང་། worldometer གྲངས་ཐོར་གཞིགས་ན། བལ་ཡུལ་ནང་ད་བར་ཏོག་དབྱིབས་ནད་གཞི་ཕོག་མཁན་མི་གྲངས་ ༥༢༠༤༦༡ བྱུང་ཡོད་པ་དང་དེའི་ཁྲོད་ ༦༥༣༡ འདས་གྲོངས་དང་དྲག་སྐྱེད་བྱུང་བ། ༣༩༨༤༨༣...