ཐེ་ཝན་ནང་༸གོང་ས་མཆོག་གི་འཁྲུངས་སྐར་སྔ་སྣུར་གྱིས་སྲུང་བརྩི་ཞུས་པ།

རིང་མིན་ཟླ་བ་ ༧ ཚེས་ ༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་བརྒྱད་ཅུ་གྱ་ལྔར་བདག་གིར་བཞེས་ཀྱི་ཡོད་སྟབས་དེ་རིང་ཐེ་ཝན་ནང་མང་ཚོགས་ཀྱིས་དགའ་དད་སྤྲོ་གསུམ་སྒོ་གྱི་ནས་༸རྒྱལ་བའི་འཁྲུངས་སྐར་སྔ་སྣུར་གྱིས་སྲུང་བརྩི་ཞུས་སོང་།དེ་རིང་ཐེ་ཝན་གྱི་སྔ་དྲོ་ཕྱག་ཚོད་ ༡༠ ནས་ ༡༢ བར་དང་དེ་བཞིན་ཕྱག་ཚོད་ ༢ ནས ༣ པའི་བར་སྐུ་མགྲོན་གཙོ་བོ་ཐེ་ཝན་གྲོས་ཚོགས་ཀྱི་ཚོགས་གཙོ་ཟུར་པ་ལྕམ་ Yumeinu གཙོས་པའི་གྲོས་ཚོགས་འཐུས་མི་དང་། ཐེ་ཝན་སྐུ་ཚབ་དོན་གཅོད་ཟླ་བ་ཚེ་རིང་ལགས།  བོད་དོན་རྒྱབ་སྐྱོར་བ། དད་ལྡན་མང་ཚོགས་འཛོམས་པའི་ཐོག ༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་སྔ་སྣུར་ངང་སྲུང་བརྩི་ཞུས་སོང་། སྐབས་དེར་ལྕམ་Yumeinu ལགས་ཀྱིས་རྒྱ་ནག་པེ་ཅིན་དུ་གནས་བཞུགས་བོད་པའི་རྩོམ་པ་པོ་ཚེ་རིང་འོད་ཟེར་ལགས་ཀྱི་བཟའ་ཟླ་སྐུ་ཞབས་ Wang Lixiong ལགས་ཀྱིས་བརྩམས་གནང་བའི་ཕྱག་དེབ་ཡང་སྲིད་ཅེས་པ་ཞིག་དབུ་འབྱེད་གནང་སོང་བ་མ་ཟད། བོད་ཀྱི་ལོ་རྒྱུས་དང་འབྲེལ་བའི་ཕྱག་དེབ་དང་། ...