དྲིལ་བསྒྲགས་དྲུང་ཆེ་བཀྲིས་ཕུན་ཚོགས་ལགས་བྷར་སེལ་སྐུ་ཚབ་དོན་གཅོད་དུ་བསྐོ་གཞག་གནང་པ།

བོད་མིའི་སྒྲིག་འཛུགས་ཀྱི་དྲིལ་བསྒྲགས་དྲུང་ཆེ་བཀྲིས་ཕུན་ཚོགས་ལགས་ཡུ་རོབ་རྒྱལ་ཁབ་བྷེལ་ཇམ་ནང་དུ་རྟེན་གཞི་བྱས་པའི་བྷར་སེལ་སྐུ་ཚབ་དོན་ཁང་གི་དོན་གཅོད་པར་བསྐོ་གཞག་གནང་འདུག   དེ་རིང་ཟླ་ ༥ ཚེས་ ༡༠ ཉིན་བོད་མིའི་སྒྲིག་འཛུགས་བཀའ་དྲུང་ཡིག་ཚང་གི་ཡོངས་ཁྱབ་གསལ་བསྒྲགས་ཤིག་སྤེལ་བའི་ནང་འཁོད་དོན། དྲིལ་བསྒྲགས་དྲུང་ཆེ་བཀྲིས་ཕུན་ཚོགས་ལགས་བྷར་སེལ་སྐུ་ཚབ་དོན་གཅོད་དུ་བསྐོ་གཞག་པ་ དང་སྦྲགས། ཁོང་ལ་བྷེལ་ཇམ་གྱི་ལས་གཉེར་ཐོངས་མཆན་ཐོན་ཚེས་དང་ཕྱི་ལོ་ ༢༠༡༦ ཟླ་ ༧ ཚེས་ ༡ གང་སྔ་ནས་ལས་ཁུར་འགོ་འཛུགས་གནང་རྒྱུ་ཡིན་པ་རེད་འདུག རྩ་བའི་བཀྲིས་ཕུན་ཚོགས་ལགས་ནས་མི་ལོ་ ༣༥ ལྷག་གི་རིང་བོད་མིའི་སྒྲིག་འཛུགས་ནང་ཞབས་ཕྱི་ཞུ་གནང་ཡོད་པ་དང་། དེའི་ཁྲོད་ནས་ཕྱི་ལོ་ ༡༩༩༧ ་་ ༢༠༠༡ བར་ལྷོ་ཨ་ཕི་རི་ཀའི་སྐུ་ཚབ་དོན་གཅོད་དང་། ཕྱི་ལོ་ ༢༠༠༡ ནས་...