བཞུགས་སྒར་དུ་ཕྱི་ལོ་ ༡༩༨༧ ལོར་བོད་མིའི་ཞི་རྒོལ་དང་འབྲེལ་བའི་སྙན་ཐོ་འདོན་སྤེལ་གྱིས་རྗེས་དྲན་ཞུས་པ།

དེ་རིང་ཟླ་ ༣ ཚེས་ ༥ ཉིན་མོ་ནི་དེ་སྔ་ཕྱི་ལོ་ ༡༩༨༨ ཟླ་ ༣ ཚེས་ ༥ ཉིན་བོད་ཀྱི་རྒྱལ་ས་ལྷ་སར་དགའ་ལྡན་དགོན་པའི་དགེ་འདུན་པས་སྣེ་ཁྲིད་འོག་བོད་མི་ཚོས་རྒྱ་གཞུང་ལ་ཞི་བའི་སྒེར་ལངས་གནང་ནས་མི་ལོ་ ༣༠ ཧྲིལ་པོ་འཁོར་བའི་དུས་ཚིགས་དང་བསྟུན་བཞུགས་སྒར་དུ་རྟེན་གཞི་བྱས་པའི་བོད་ཀྱི་དགུ་བཅུ་གསུམ་ལས་འགུལ་ཚོགས་པས་སྐབས་དེར་རྒྱ་གཞུང་གིས་བོད་མི་ཞི་རྒོ་བའི་ཐོག་དྲག་གནོན་བྱས་པའི་པར་རིས་འགྲེམས་སྟོན་གནང་སྟེ་རྒྱལ་གཅེས་དཔའ་བོ་དཔའ་མོ་དེ་དག་གི་བློས་བཏང་ལ་རྗེས་དྲན་སྲུང་བརྩི་ཞུས་སོང་། བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ངོས་ནས་བཞུགས་སྒར་གཙུག་ལག་ཁང་གི་ཉེ་འདབས་སུ་ཡོད་པའི་ཆོལ་གསུམ་བོད་ཀྱི་རྒྱལ་གཅེས་དཔའ་བོ་དཔའ་མོའི་རྗེས་དྲན་རྡོ་རིང་མདུན་དུ་དེ་སྔ་ཕྱི་ལོ་ ༡༩༨༨ ཟླ་ ༣ ཚེས་ ༥ ཉིན་བོད་ཀྱི་རྒྱལ་ས་ལྷ་སར་དགའ་ལྡན་དགོན་པའི་དགེ་འདུན་པས་སྣེ་ཁྲིད་འོག་བོད་མི་སེར་སྐྱ་མང་ཚོགས་ཀྱིས་རྒྱ་གཞུང་གི་དྲག་པོའི་སྲིད་བྱུས་ལ་མ་བཟོད་པའི་ཞི་རྒོལ་གྱི་ལས་འགུལ་སྤེལ་སྐབས་སུ་རྒྱ་གཞུང་གི་ཉེན་རྟོག་པས་བོད་མི་ཞི་རྒོལ་བར་ཆེས་དྲག་གནོན་གྱིས་དམར་བསད་བཏང་བ་དང་བཙོན་འཇུག་ཁྲིམས་ཐག་བཅད་པ་སོགས་ཀྱི་པར་རིས་ཁག་བཤམ་སྟོན་གནང་དང་འབྲེལ། རྒྱལ་གཅེས་པ་འདས་གསོན་ཚོའི་ཞུམ་པ་མེད་པའི་བློས་བཏང་ལ་རྗེས་དྲན་གྱི་གདུང་སེམས་མཉམ་བསྐྱེད་གནང་ཡོད་པ་རེད། འདི་ག་རླུང་འཕྲིན་ཁང་ནས་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་སྤྱི་འཐུས་ལས་ཐོག་ལྷ་རྒྱ་རི་རྣམ་རྒྱལ་སྒྲོལ་དཀར་ལགས་སུ་བཅར་འདྲི་ཞུས་པར་རྒྱལ་ཚོགས་དང་རྒྱལ་སྤྱིིའི་གཞུང་ཁག་ནས་རྒྱ་ གཞུང་གི་གནོན་ཤུགས་འོག་མི་འགྲོ་བར་བོད་ཀྱི་གནད་དོན་དང་དྲང་བདེན་གྱི་འཐབ་རྩོད་ཐོག་དོ་སྣང་དགོས་པར་འབོད་སྐུལ་གནང་ཡོད། རྩ་བའི་བཞུགས་སྒར་དུ་ཉེ་ཆར་བོད་མིའི་གཞུང་འབྲེལ་མིན་པའི་ཚོགས་པ་ཆེ་གྲས་ལྔས་ཕྱི་ལོ་ ༢༠༡༨ དེ་བཞིན་ས་བྱི་ཞི་རྒོལ་ཆེན་མོའི་རྗེས་དྲན་ལོར་སྲུང་བརྩི་ཞུ་རྒྱུ་ཡིན་པ་ཡོངས་བསྒྲགས་གནང་ཡོད།

ཁ་སང་རེས་གཟའ་ཟླ་བའི་དགོང་དྲོ་ཚོུད་ ༤།༠༠ ཐོག་དབྱིན་ཡུལ་ནང་ཡོད་པའི་ Tibet Watch འམ་བོད་གནས་ལྟ་ཞིབ་ཁང་ནས་བཞུགས་སྒར་དུ་རྟེན་གཞི་བྱས་པའི་ནོར་བུ་གསོལ་མགྲོན་ཁང་དུ་ཕྱི་ལོ་ ༡༩༨༧ ལོར་ལྷ་སའི་ནང་ཞི་བའི་སྒེར་ལངས་གནང་ནས་ལོ་ངོ་ ༣༠ འཁོར་བའི་དུས་ཚིགས་དང་བསྟུན། 30 Years Of Resistance ཞེས་པའི་སྙན་ཐོ་ཞིག་འདོན་སྤེལ་དང་འདི་བཞིན་སྐབས་དེའི་ཞི་རྒོལ་དང་འབྲེལ་བའི་གྲོས་བསྡུར་གྱི་ལས་རིམ་བཅས་ཚོགས་པའི་བརྒྱུད། ཕྱི་ལོ་ ༡༩༨༧ ལོར་བོད་མིའི་ཞི་བའི་སྒེར་ལངས་ཉིན་མོ་རྗེས་དྲན་ཞུས་སོང་། རྗེས་དྲན་གྱི་འདུ་འཛོམས་ཐོག་བོད་གནས་ལྟ་ཞིབ་ཁང་དང་བོད་རང་དབང་ཚོགས་པའི་ངེས་སྟོན་པ་ Eleanor་J Byrne- Rosengren ལགས་ཀྱིས་གཙོས་པའི་ཚོགས་མི་དང་ལས་བྱེད། དེ་བཞིན་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་ངེས་སྟོན་པ་ Alison...