བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༦ པ་མཇུག་སྒྲིལ།

དེ་རིང་ཕྱི་ཟླ་ ༡༡ ཚེས་ ༣༠ ཉིན་སྔ་དྲོ་ཚོུད་ ༡༠།༠༠ ཐོག་བཞུགས་སྒར་དུ་རྟེན་གཞི་བྱས་པའི་བོད་ཀྱི་གཞོན་ནུ་ལྷན་ཚོགས་ཀྱི་དབུས་སྤྱི་ཁྱབ་ཡིག་ཚང་དུ་གསར་འགོད་ལྷན་ཚོགས་ཤིག་གནང་སྟེ། བོད་ཀྱི་གཞོན་ནུ་ལྷན་ཚོགས་དབུས་ས་གཉིས་ཐོུང་ཐོག་རིང་མིན་ཕྱི་ཟླ་ ༡༢ ཚེས་ ༡༠ ཉིན་ནས་དབུ་འཛུགས་ཀྱིས་རྒྱ་གར་གཞུང་དམངས་གཉིས་ཀྱི་འདས་པའི་ལོ་རྒྱུས་ནང་བོད་འདི་རང་བཙན་གྱི་རྒྱལ་ཁབ་ཞིག་ཡིན་པ་དང་། ད་ལྟ་བཙན་འོག་ལ་ཡོད་པའི་རྒྱལ་ཁབ་ཅིག་ཡིན་པ་ངོས་འཛིན་ཡོང་ཐབས་སོགས་ལ་ཆེད་དམིགས་ཀྱིས་རྒྱ་གར་རྒྱལ་ཡོངས་སུ་གཞི་རྒྱ་ཆེ་བའི་རྒྱལ་ཡོངས་གཞུང་དམངས་གོ་རྟོགས་ལས་འགུལ་ཞིག་སྤེལ་རྒྱུ་ཡིན་པ་ཡོངས་བསྒྲགས་གནང་སོང་། སྐབས་དེར་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས་ཀྱིས་ལས་འགུལ་འདི་དབུས་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་ལས་ཁག་ཅིག་ས་གནས་འཆར་འགོད་ཐོག་བཞུགས་སྒར་རྡ་རམ་ས་ལ་དང་། རྒྱ་གར་བྱང་ཤར་ས་ལུ་གྷ་ར། དེ་བཞིན་རྒྱ་གར་ཕྱོགས་ཅན་ནའི་གྲོང་ཁྱེར་བཅས་སུ་ཟླ་ ༡༢ ཚེས་ ༡༠ ཉིན་དབུ་འཛུགས་ཀྱིས་རྒྱ་གར་གྱི་མངལ་སྡེ་ ༢༢ ལྷག་གི་གྲོང་ཁྱེར་དང་གྲོང་རྡལ་ཆེ་ཁག་ ༡༥༠ ནང་བསྐྱོད་གནང་གི་ཡོད་པ་དང་། སྐབས་དེར་ཁོང་རྣམས་ནས་ས་གནས་ཀྱི་དཔོན་རིགས་དང་མི་མང་མཇལ་འཕྲད།...

བོད་ཀྱི་གཞོན་ནུ་ལྷན་ཚོགས་ནས་ཁ་སས་ཚེས་ ༣ ཉིན་རྒྱ་གར་ལྷོ་ཕྱོགས་སྦེང་ལོར་གྲོང་ཁྱེར་དུ་རྔམ་སྟོན་ཁྲོམ་སྐོར་གྱི་ལས་འགུལ་ཞིག་སྤེལ་བ་དང་སྦྲགས། ཁུལ་དེར་ཚོགས་པའི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༨ པ་དེ་ཡོངས་སུ་མཇུག་སྒྲིལ་གནང་འདུག བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༨ པ་དེ་ཟླ་ ༨ ཚེས་ ༢༩ ཉིན་ནས་ཟླ་ ༩ ཚེས་ ༢ བར་སྦེང་ལོར་གྲོང་ཁྱེར་དུ་ཡོད་པའི་བོད་ཁྱིམ་གཞོན་ནུའི་སྡོད་ཁང་གི་ཚོགས་ཁང་དུ་ཚོགས་གནང་ཡོད་པ་དང་། ཚོགས་ཆེན་ཐོག་ནས་ཁྱོན་གྲོས་གཞི་ཁག་ ༩ ཐོག་བཀའ་བསྡུར་གནང་སྟེ་གཙོ་བོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་ཕྱྭ་དང་འབྲེལ་མགོན་པོ་༸གང་ཉིད་མཆོག་ལ་གཞི་མེད་སྐྱོན་འཛུགས་བྱེད་མཁན་རིགས་ལ་མཐའ་གཅིག་ཏུ་ངོ་རྒོལ་བྱ་རྒྱུ་མ་ཟད། རྒྱ་གར་སྤྱི་ཚོགས་ནང་ལོ་རྒྱུས་ཐོག་བོད་ནི་རང་བཙན་རྒྱལ་ཁབ་ཅིག་ཡིན་པའི་གོ་རྟོག་ལས་འགུལ་ཤུགས་ཆེ་རུ་གཏོང་རྒྱུ་དང་། བོད་མིའི་སྤྱི་ཚོགས་ནང་ད་ནས་བཟུང་རྒྱ་ནག་གི་དངོས་ཟོག་ཉི་ཚོང་བྱེད་རྒྱུ་མཚམས་འཇོག་དགོས་པའི་དྲིལ་བསྒྲགས་ཀྱི་ལས་འགུལ་སྤེལ་རྒྱུ་སོགས་ཀྱི་གྲོས་ཆོད་ཁག་གཅིག་གཏན་འབེབས་གནང་འདུག ཐེངས་འདིའི་ཚོགས་འདུ་ཐོག་ནས་སྒྲིག་འཛུགས་ཀྱི་ལས་དོན་བྱེད་ཕྱོགས་དང་འབྲེལ། བོད་ཀྱི་ལོ་རྒྱུས་སྨྲ་བ་གདན་ཞུས་ཀྱིས་བོད་པའི་གཞོན་སྐྱེས་ཚོར་བོད་དེ་ལོ་རྒྱུས་ཐོག་རང་བཙན་རྒྱལ་ཁབ་ཅིག་ཡིན་པའི་གོ་རྟོག་ལས་འགུལ་སྤེལ་རྒྱུ་དང་། ༸ཀུན་གཟིགས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་དབུས་པའི་བོད་ནང་གི་ཉེས་མེད་ཆབ་སྲིད་བཙོན་པ་རྣམས་གློད་བཀྲོལ་ཡོང་ཐབས་གནང་རྒྱུ། བོད་དོན་ཆེད་རང་ལུས་མེར་བསྲེགས་གནང་མཁན་རྣམས་ཀྱི་མངོན་འདོད་བསྒྲུབ་ཐབས་དང་སྦྲགས།...

དེ་རིང་ཟླ་ ༨ ཚེས་ ༢༩ ཉིན་རྒྱ་གར་ལྷོ་ཕྱོགས་སྦེང་ལོར་གྲོང་ཁྱེར་ནང་རྟེན་གཞི་བྱས་པའི་བོད་ཁྱིམ་ གཞོན་ནུའི་སྡོད་ཁང་གི་ཚོགས་ཁང་དུ་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༨ དབུ་འཛུགས་གནང་སོང་། ཚོགས་ཆེན་དེའི་ཐོག་ས་གནས་ཁག་ ༣༥ ཙམ་ནས་ཚོགས་བཅར་བ་མི་གྲངས་ ༡༠༠ ཙམ་ཞིག་ནས་མཉམ་ཞུགས་གནང་ཡོད་པ་དང་། ལྷག་དོན་མཛད་སྒོའི་ཐོག་རྒྱ་གར་རྒྱལ་ཡོངས་ཁྲིམས་ཀྱི་སློབ་གྲྭའི་ཉེ་བའི་རིགས་བདག་མཆོག་དང་ས་གནས་བི་ཇི་སྦི་ཆབ་སྲིད་ཚོགས་པའི་སྤྱི་ཁྱབ་དྲུང་ཆེ། རྒྱ་གར་དམག་སྤྱི་ཟུར་པ་བཅས་གནད་ཡོད་སྐུ་མགྲོན་གསུམ་གྱིས་བོད་དོན་ལ་རྒྱབ་སྐྱོར་དང་གདུང་སེམས་མཉམ་བསྐྱེད་ཀྱིས་གསུང་བཤད་གནང་ཡོད་པ་རེད། དེ་རིང་གི་ཚོགས་ཆེན་དབུ་འབྱེད་མཛད་སྒོར་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོ་མཆོག་ནས་འགན་འཛིན་ལྷན་ཚོགས་ཐེངས་ ༤༨ པའི་ཚོགས་འདུའི་ངོ་སྤྲོད་གནང་པ་དང་། བོད་ཀྱི་གཞོན་ནུ་ལྷན་ཚོགས་སྤྱིི་ཁྱབ་རྒྱུན་ལས་ཁང་གི་ངོས་ནས་འདི་ལོར་རྒྱ་གར་རྒྱལ་ཡོངས་བོད་པའི་སློབ་གྲྭ་ཁག་གི་འཛིན་རིམ་ ༡༢ ཀྱི་བོད་ཕྲུག་ཁག་ཅིག་ལ་བོད་ཡིག་རྒྱུགས་ལེགས་སོན་བྱུང་བར་ཆེ་བསྟོད་ཀྱི་གཟེངས་རྟགས་དང་ཕྱག་འཁྱེར་གནང་ཡོད་པ་རེད། ཕྱི་ལོ་ ༢༠༠༩ ལོ་ནས་བཟུང་ད་བར་བོད་ཕྱི་ནང་གཉིས་ནས་བོད་རྒྱལ་ཁབ་དང་མི་རིགས་ཀྱི་སླད་སྐུ་ལུས་མཆོད་འབུལ་གནང་མཁན་རྒྱལ་གཅེས་དཔའ་བོ་དཔའ་མོ་ཁྱོན་ ༡༦༠ མིན་ཙམ་བྱུང་བ་རྣམས་ཀྱི་དགོས་འདུན་དང་གནས་སྟངས་དང་ལོ་རྒྱུས་བཅས་འཛམ་གླིང་ཡོངས་ལ་གསལ་རྟོགས་ཐུབ་ཕྱིར་འབར་བཞིན་པའི་བོད་ཅེས་པའི་དྲ་རྒྱ་གསར་པ་ཞིག་ཀྱང་དབུ་འབྱེད་གནང་ཡོད་པ་རེད། དུས་ཡུན་ཉིན་གྲངས་ལྔ་རིང་ཚོགས་རྒྱུའི་ལྷན་ཚོགས་འདིའི་སྐབས་གྲོས་གཞི་མི་འདྲ་བ་ཁག་ ༩...

རྒྱ་གར་དང་རྒྱ་ནག་གཉིས་དབར་ད་ལྟ་ས་མཚམས་ཀྱི་གནད་དོན་དང་འབྲེལ་རྩོད་རྙོག་འགྲོ་བཞིན་པའི་སྐབས་འདིར་བོད་ཀྱི་གཞོན་ནུ་ལྷན་ཚོགས་ཀྱིས་དེ་རིང་རྒྱ་གར་གྱི་རྒྱལ་ས་ལྡི་ལིའི་ཁུལ་དུ་ངོ་རྒོལ་སྐད་འབོད་ཀྱི་ལས་འགུལ་ཞིག་སྤེལ་པའི་བརྒྱུད་བོད་དང་རྒྱ་གར་དབར་མ་གཏོགས་རྒྱ་ནག་དང་རྒྱ་གར་དབར་ས་མཚམས་ཀྱི་རྩོད་རྙོག་ཟེར་བ་ཞིག་ཡོང་དགོས་དོན་མེད་པ་དང་། ལྷག་དོན་འཛམ་གླིང་གི་ཆབ་སྲིད་འགྱུར་གྲོས་ལ་གཞིགས་པའི་བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་འབྲོག་ལམ་ཁུལ་གྱི་ས་མཚམས་རྩོད་རྙོག་དང་འབྲེལ་ནས་རྒྱ་གར་གཞུང་ལ་རྒྱབ་སྐྱོར་བརྒྱ་ཆ་བརྒྱ་ཡོད་པ་གསུངས་ཡོད། དེ་རིང་ཟླ་ ༨ ཚེས་ ༡༡ ཉིན་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲོག་འོག་རྒྱལ་ས་ལྡི་ལིར་རྟེན་གཞི་བྱས་པའི་ཇནྟར་མནྟར་དུ་བོད་མི་དང་བོད་དོན་རྒྱབ་སྐྱོར་བ་བཅས་ཁྱོན་ལས་འགུལ་བ་མི་གྲངས་ ༡༥༠ ལྷག་ནས་མཉམ་ཞུགས་ཀྱིས་བོད་རང་བཙན་རྒྱ་གར་གྱི་བདེ་འཇགས་ཡིན་ཞེས་པའི་འབོད་ཚིག་སྒྲོག་བཞིན་ངོ་རྒོལ་རྔམ་སྟོན་གྱི་ལས་འགུལ་ཞིག་སྤེལ་གནང་སོང་བ་དང་། །   ལས་འགུལ་བ་ཚོས་ Hindi Chini Bhai Bhai, Ye Chin Ka Dhoka Hai  ཞེས་རྒྱ་གར་དང་རྒྱ་ནག་གཉིས་སྤུན་ཟླ་ཡིན་པའི་འབོད་ཚིག་དེ་རྒྱ་ནག་གིས་མགོ་སྐོར་བཏང་པ་ཞིག་རེད། དེས་ན་བོད་རང་བཙན་རྒྱ་གར་གྱི་བདེ་འཇག་རེད་ཅེས་སོགས་ཀྱི་འབོད་ཚིག་སྒྲོག་བཞིན་ངོ་རྒོལ་གནང་སོང་། བོད་ཀྱི་གཞོན་ནུ་ལྷན་ཚོགས་ཀྱི་དབུས་སྤྱི་ཁྱབ་རིག་གཞུང་འགན་འཛིན་བཀྲིས་དོན་གྲུབ་ལགས་ཀྱིས་ལས་འགུལ་དེའི་དམིགས་ཡུལ་གཙོ་བོ་ནི། རྒྱ་གར་གཞུང་དམངས་གཉིས་ལ་བོད་མི་རྣམས་དུ་རྟག་ཏུ་ཁོང་རྣམ་པའི་རྒྱབ་ཏུ་ཡོད་པའི་བརྡ་ལན་སྤྲོད་ཐབས་ཤིག་དང་། རྒྱ་གཞུང་ལ་བཟང་སྤྱོད་ལྡན་པའི་སྒོ་ནས་བོད་མིར་རང་བཙན་སྤྲོད་དགོས་པའི་བརྡ་ལན་མངོན་པ་གསལ་བ་ཞིག་སྤྲོད་རྒྱུ་བཅས་ལ་ཆེད་དམིགས་གནང་ཡོད་སྐོར་གསུངས་སོང་། དེ་རིང་ཇནྟར་མནྟར་ལས་འགུལ་དེའི་སྐབས་བོད་མི་ཙམ་མ་ཟད་རྒྱ་གར་བོད་དོན་རྒྱབ་སྐྱོར་ཚོགས་མི་ཁག་ཅིག་ནས་ཀྱང་ལས་འགུལ་དེའི་ནང་མཉམ་ཞུགས་གནང་ཡོད་པ་ལྟར། ང་ཚོས་གསར་འགོད་པ་གྲགས་ཅན་སྐུ་ཞབས་...

བོད་མིའི་གཞིས་སྒར་ལྡི་ལི་བསམ་ཡས་གླིང་གྱི་དགོན་པ་རྙིང་པའི་མདུན་ཐང་དུ་ས་གནས་བོད་ཀྱི་གཞོན་ནུ་ལྷན་ཚོགས་ཀྱིས་སླེབས་ལ་ཉེ་བའི་དུས་དབང་ཐེངས་ ༣༤ པའི་ཐོག་ཆོས་ཞུར་བཅར་མཁན་རང་རིགས་བོད་མི་རྣམས་ལ་གང་སྤྱིའི་མཐུན་འགྱུར་སྦྱོར་བཞིན་འདུག་པ་དང་། ལྷག་དོན་བོད་ནས་གསར་དུ་ཕེབས་མཁན་བོད་མི་རྣམས་ཀྱིས་གཙོས་ཧི་མཱ་ལ་ཡའི་ས་ཁུལ་འདྲ་མིན་ནས་ཕེབས་པའི་ཆོས་ཞུ་བ་ཚོར་སྐད་ཡིག་གཉིས་ཀྱི་ཐོག་ནས་མེ་འཁོར་དང་སྤྱི་སྤྱོད་རླངས་འཁོར་གྱི་ཕྱག་འཁྱེར་སོགས་ཉོ་རྒྱུར་རོགས་རམ་གནང་མུས་རེད་འདུག གཞན་ཡང་སྐབས་རེ་ཆོས་ཞུ་བ་ཚོར་ནད་མནར་གྱི་ངལ་བ་མི་ཉུང་བ་ཞིག་འཕྲད་སྲིད་སྟབས་ལྡི་ལི་ས་གནས་བོད་ཀྱི་གཞོན་ནུ་ལྷན་ཚོགས་ཀྱིས་ངལ་བ་དེའི་རིགས་སེལ་ཕྱིར་དང་བླངས་ཀྱི་ཞབས་ཕྱི་ཞུ་རྒྱུའི་ལས་འགུལ་ཞིག་དབུ་འཛུགས་གནང་པ་དང་སྦྲགས ཁྱད་པར་དུ་བོད་ནས་དུས་དབང་ཞུ་ཕྱིར་བོད་མི་གང་ཙམ་ཞིག་ཆེད་ཕེབས་གནང་ཡོད་སྟབས་དུས་དབང་གི་སྔོན་ཚོད་ནས་ཁོང་རྣམ་པར་རོགས་རམ་ཞུ་རྒྱུའི་ལས་གཞི་དེ་དངོས་སུ་དབུ་འཛུགས་གནང་པ་ཞིག་ཡིན་པ་རེད།

དེ་རིང་ཟླ་ ༡༠ ཚེས་ ༧ ཉིན་བཞུགས་སྒར་དུ་བོད་ཀྱི་གཞོན་ནུ་ལྷན་ཚོགས་དབུ་བརྙེས་ནས་མི་ལོ་ ༤༧འཁོར་བའི་དུས་དྲན་སྲུང་བརྩི་ཞུས་པ་དང་འབྲེལ་བཙན་བྱོལ་ནང་གི་གཞོན་སྐྱེས་ཚོས་ཤེས་འཇོན་གཉིས་ཀྱི་ཐོག་ནས་བོད་དོན་འཐབ་རྩོད་ལ་འགན་ཁུར་བཞེས་དགོས་པ་གསུངས་སོང། བཞུགས་སྒར་དུ་རྟེན་གཞི་བྱས་པའི་ས་གནས་བོད་ཀྱི་གཞོན་ནུ་ཚོགས་པས་གོ་སྒྲིག་འོག་མཛད་སྒོའི་སྐུ་མགྲོན་གཙོ་བོ་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ཟུང་དྲུང་ངག་དབང་ཡོན་ཏན་ལགས་དང། དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས། གཞན་ཡང་རྡ་ས་ཁུལ་གྱི་མང་ཚོགས་བཅས་འདུ་འཛོམས་ཀྱིས་བོད་ཀྱི་གཞོན་ནུ་ལྷན་ཚོགས་དབུ་བརྙེས་ནས་མི་ངོ་ ༤༧ འཁོར་བའི་དུས་དྲན་སྲུང་བརྩི་ཟབ་རྒྱས་ཞུས་ཡོད་པ་རེད། སྐབས་དེར་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས་ཀྱིས་གཞོན་ནུ་ཚོགས་པའི་རྒྱབ་ལྗོངས་ཀྱི་ལོ་རྒྱུས་སྙིང་བསྡུས་ངོ་སྤྲོད་གནང་པ་དང་འབྲེལ། ༸གོང་ས་༸སྐྱབས་མགོན་ཆེན་པོ་མཆོག་གི་དབུས་པའི་ད་བར་མི་རབས་རྒན་པ་རྣམས་ཀྱི་མཛད་རྗེས་ལ་བཀྲིན་རྗེས་དྲན་ཞུས་པ་མ་ཟད། ལྷག་པར་དུ་ད་ལྟའི་ཆར་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་དེར་བོད་ཕྱི་ནང་གཉིས་སུ་ཡོད་པའི་བོད་མི་ཚོས་ཡིད་ཆེས་བློ་གཏད་བྱ་ཡུལ་ཞིག་དང། རྒྱ་གཞུང་གི་སྡང་ཟུག་བྱ་ཡུལ་ཞིག་ཆགས་ཡོད་ཅེས་གསུངས་སོང། ད་དུང་ཁོང་གིས་བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་ད་བར་བོད་ཕྱི་ནང་གཉིས་ཀྱི་བོད་དོན་ཆེད་རང་སྲོག་བློས་གཏོང་གནང་མཁན་རྒྱལ་གཅེས་པ་ཡོངས་ཀྱི་བཀྲིན་ལ་ཆེད་བསྟོད་དང་རྗེས་དྲན་ཞུ་རྒྱུ་མ་ཟད། བོད་ནང་ཛ་དྲག་གི་གནས་སྟངས་ལ་གཞིགས་ཏེ་བཙན་བྱོལ་ནང་གི་གཞོན་སྐྱེས་ཚོས་ཤེས་འཇོན་གཉིས་ཀྱི་ཐོག་ནས་བོད་དོན་འཐབ་རྩོད་ལ་འགན་ཁུར་བཞེས་དགོས་པ་གསུངས་སོང། རྩ་བའི་བོད་ཀྱི་གཞོན་ནུ་ལྷན་ཚོགས་དེ་ ༡༩༧༠ ལོའི་ཟླ་ ༡༠ ཚེས་ ༧ ཉིན་དབུ་བརྙེས་པའི་གཞུང་འབྲེལ་མིན་པའི་ཚོགས་པ་ཆེ་གྲས་ཤིག་ཡིན་པ་དང་། དེ་རིང་རྒྱལ་སྤྱིའི་ས་ཕྱོགས་གང་སར་ཡོད་པའི་བོད་ཀྱི་གཞོན་ནུའི་ཡན་ལག་ཁག་གིས་རྣམ་པ་འདྲ་མིན་ཐོག་ལས་འགུལ་སྤེལ་ཏེ་དུས་དྲན་སྲུང་བརྩི་ཞུ་བཞིན་ཡོད་པ་ལྟར།   རྡ་ས་བོད་ཀྱི་གཞོན་ནུ་ཚོགས་པའི་ངོས་ནས་ཟླ་བ་གོང་མའི་ཚེས་ ༡༨...

དེ་རིང་ཟླ་ ༨ ཚེས་ ༢༩ ཉིན་བཞུགས་སྒར་རྡ་ཤོད་མུ་ནི་སི་པལ་ཚོགས་ཁང་དུ་སྐུ་མགྲོན་གཙོ་བོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་གཙོས་པའི་ཚོགས་གཞོན་ཨ་ཅཱརྱ་ཡེ་ཤེས་ཕུན་ཚོགས་མཆོག སྤྱི་འཐུས་རྒྱུན་ལས་རྣམ་པ། དམིགས་བསལ་སྐུ་མགྲོན་བཀའ་ཟུར་ཀིརྟིན་རིན་པོ་ཆེ་མཆོག རྡ་ས་ཁུལ་གྱི་གཞུང་འབྲེལ་མིན་པའི་ཚོགས་སྐྱིད་ཁག་གི་སྐུ་ཚབ་རྣམས་དང་། དེ་བཞིན་རྒྱ་བལ་འབྲུག་གསུམ་གཙོ་བོར་འགྱུར་པའི་ནིའུ་ཡོག་དང་ནིའུ་ཇར་སི་བཅས་ཀྱི་ས་གནས་ཁག་ ༤༠ འི་ཚོགས་མི་ ༡༤༠ ལྷག་འདུ་འཛོམས་ཀྱིས་བོད་ཀྱི་གཞོན་ལྷན་ཚོགས་ཀྱི་ཚོགས་ཆེན་ཐེངས་ ༡༦ དབུ་འཛུགས་གནང་སོང་། སྐབས་དེར་བོད་ཀྱི་གཞོན་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས་ཀྱིས་བོད་ཀྱི་གཞོན་ནུ་ལྷན་ཚོགས་ཐོག་མར་ཆེད་འཛུགས་གནང་བའི་བརྒྱུད་རི་མ་དང། ད་ལྟའི་ཆར་བོད་ཀྱི་གཞོན་ནུ་ལྷན་ཚོགས་ཀྱི་དབུས་ས་གཉིས་ཀྱི་གནས་བབ་སོགས་འགྲེལ་བརྗོད་གནང་པ་མ་ཟད།  ལྷག་པར་དུ་ཁོང་གིས་ཆིག་སྒྲིལ་ནི་འཐབ་རྩོད་ཀྱི་སྟོབས་ཤུགས་ཤིག་དང། ཁ་འཐོར་ནི་ཕམ་ཉེས་ཤིག་ཡིན་སྟབས། མ་འོངས་པར་བོད་དོན་འཐབ་རྩོད་རྒྱུན་སྐྱོང་ཡོང་བར་བོད་ཀྱི་གཞོན་ནུའི་སྒྲིག་འཛུགས་ནང་ཁུལ་དབར་ཆིག་སྒྲིལ་ཐོག་གནས་ཐབས་གནང་རྒྱུ་ནི་ཤིན་ཏུ་ནས་གལ་ཆེན་པོ་རེད་ཅེས་གསུངས་སོང། ད་དུང་ཁོང་གིས་གཞོན་ནུ་སྒྲིག་འཛུགས་དེ་ཕོ་མོ་འདྲ་མཉམ་དང་ཆོལ་ཁ་དང་ཆོལ་བརྒྱུད་རིས་མེད་་ཐོག་ནས་བོད་དོན་འཐབ་རྩོད་གནང་ཡུལ་གྱི་སྡིངས་ཆ་ཞིག་ཡིན་པ་འགྲེལ་བརྗོད་དང་འབྲེལ།  རྒྱ་གཞུང་གིས་ད་བར་སྔ་རྗེས་སུ་སྒྲིག་འཛུགས་དེ་གཏོར་བཤིག་གཏོང་རྒྱུར་འབད་བརྩོན་བྱེད་བཞིན་མིན་ལ་ལྟོས་མེད། ད་ལྟའི་ཆར་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་དེ་བརྟན་པོ་དང་ཧྲ་ཏག་ཏག་ཡོད་ཅེས་སྐད་གསང་མཐོན་པོས་རྒྱ་གཞུང་ལ་བརྡ་ལན་ཞིག་གནང་ཡོད་པ་རེད། དེ་བཞིན་མཛད་སྒོའི་སྐུ་མགྲོན་གཙོ་བོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་རང་ཅག་བོད་མི་རྣམས་ཀྱི་ལངས་ཕྱོགས་གཙོས་པའི་ལྟ་བ། དེ་བཞིན་དགོངས་པ་བཞེས་ཕྱོགས་བཅས་མཐུན་མིན་ལ་མ་ལྟོས་པར་ནང་ཕན་ཚུན་དབར་གུས་བརྩི་གནང་གལ་ཆེ་བ་ཡིན་སྐོར་སོགས་གསུངས་སོང་། དམིགས་བསལ་སྐུ་མགྲོན་བཀའ་ཟུར་ཀིརྟིན་རིན་པོ་ཆེ་མཆོག་གིས་བོད་ཕྱི་ནང་གཉིས་ཀྱི་ཛ་དྲག་དུས་སྐབས་འདིར་ཁ་བདེ་པོ་ཞིག་དང་འདྲ་ཆགས་པོ་བཤད་ནས་བསྡད་ན་ཕན་ཐོགས་ཅི་ཡང་མེད་ཅེས་དང། ད་ལྟའི་དུས་སྐབས་འདིར་གཞུང་སྒེར་ཚོགས་པ་ཁག་གིས་༸གོང་ས་མཆོག་གི་ཐུགས་དགོངས་དང་མི་འགལ་བ་ཞིག་གནང་གལ་ཡིན་པ་སོགས་གསུངས་པ་མ་ཟད། ལྷག་པར་དུ་ད་ཡོད་བོད་ཀྱི་གཞོན་ནུའི་སྒྲིག་འཛུགས་ནང་ཡོད་པའི་ཚོགས་མི་ཚོས་རྣམ་ཀུན་བོད་ཕྱི་ནང་གཉིས་ཀྱི་གཞོན་ནུའི་མངོན་འདོད་དང།...

འདི་ལོའི་སྐབས་ ༡༦ པའི་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐོག་བོད་ཀྱི་གཞོན་ནུ་ལྷན་ཚོགས་ཀྱི་དམིགས་ཡུལ་ཐད་བགྲོ་གླེང་གནང་རྒྱུ་རེད་འདུག དེ་ཡང་སྐབས་བཅུ་དྲུག་པའི་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་དེ་རྡ་རམ་ས་ལར་རིང་མིན་ཟླ་འདིའི་ཚེས་ ༢༩ ནས་དབུ་འཛུགས་ཀྱིས་ཟླ་ ༩ ཚེས་ ༣ བར་འཚོགས་རྒྱུ་ཡིན་པ་དང་། ཚོགས་ཆེན་དེའི་ཐོག་རྒྱ་བལ་འབྲུག་གསུམ་གཙོས་པའི་ཨ་རི་སོགས་སུ་ཡོད་པའི་ས་གནས་གཞོན་ནུ་ཁག་ ༤༠ ལྷག་གི་སྐུ་ཚབ་ཚོ་མཉམ་ཞུགས་གནང་གི་འདུག འདི་ག་རླུང་འཕྲིན་ཁང་གིས་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས་སུ་དེ་འབྲེལ་བཅར་འདྲི་ཞུས་པར་ཁོང་གིས་ཉིན་གྲངས་དྲུག་རིང་གི་ཚོགས་ཆེན་དེའི་ཐོག་ལ་གཙོ་བོ་དབུས་རྒྱུན་ལས་གསར་འདེམས་ཞུ་རྒྱུ་མཚོན་པའི། དབུས་ས་གཉིས་ཀྱི་ལོ་གསུམ་གྱི་ལས་བསྡོམས་སྙན་སྒྲོན་དང་དེར་བགྲོ་གླེང་དང། བོད་ནང་གི་ཛ་དྲགས་གནས་སྟངས་སྐོར། བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་སོགས་ཀྱི་གྲོས་གཞི་འདྲ་མིན་ཐད་ལ་གྲོས་བསྡུར་གནང་རྒྱུ། ལྷག་པར་དུ་ཚོགས་ཆེན་དེའི་སྐབས་ལ་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་གཞི་བསྐྱར་བཅོས་དང་འབྲེལ་གཞོན་ནུ་ལྷན་ཚོགས་ཀྱི་དམིགས་ཡུལ་ཐོག་བགྲོ་གླེང་གིས་མང་མོས་ཐག་གཅོད་གནང་རྒྱུ་ཡིན་པ་གསུངས་སོང་། གཞི་རྩའི་དེ་སྔོན་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་སྐབས་ ༡༥པའི་སྐབས་སུ་གཞོན་ནུའི་དམིགས་ཡུལ་ཐོག་ནང་ཁུལ་ཕན་ཚུན་བསམ་ཚུལ་མཐུན་མིན་བྱུང་སྟབས། རྒྱ་གར་ནང་གི་གཞོན་ནུའི་ཡན་ལག་ས་གནས་ཆེ་ཁག་བརྒྱད་ཀྱི་གཞོན་ནུའི་སྒྲིག་འཛུགས་དེ་དག་དབུས་སྒྲིག་འཛུགས་ནས་ཕྱིར་འཐེན་གནང་པའི་གནས་ཚུལ་བྱུང་ཡོད་པ་མ་ཟད། བོད་པའི་སྤྱི་ཚོགས་ཁྲོད་ལའང་གཞོན་ནུ་ཚོགས་པའི་དམིགས་ཡུལ་ཐད་ལབ་ལེན་ཤུགས་ཆེ་བྱུང་ཡོད་པ་རེད། དེ་རྗེས་སྔ་ལོའི་ཕྱི་ཟླ་ ༧ པའི་ནང་རྒྱ་གར་གི་རྒྱལ་ས་ལྡི་ལིར་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༦ ཐོག་དབུས་བོད་ཀྱི་གཞོན་ནུ་ལྷན་ཚོགས་ཀྱིས་ས་གནས་ཁག་བརྒྱད་པོ་དེ་དག་དང། དེ་བཞིན་ཨ་རིའི་ནིའུ་ཡོག་དང་ནིའུ་ཇར་སིའི་གཞོན་ནུའི་སྒྲིག་འཛུགས་བཅས་ལ་བཅར་ཏེ་ཕན་ཚུལ་དབར་འདུམ་སྒྲིག་བྱ་རྒྱུའི་གྲོས་ཆོད་འཇོག་དོན་ལྟར།...

རྒྱ་གར་གྱི་རྒྱལ་ས་ལྡི་ལིར་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་ལས་གསུམ་ནས་ཟླ་ ༩ ཕྱི་ཚེས་ ༡༠ ནས་དམིགས་ཡུལ་གསུམ་དང་དགོས་འདུན་དོན་ཚན་ལྔའི་ཐོག་བོད་དོན་དུས་ཚོད་ངེས་མེད་ཀྱི་ཟས་བཅད་ལས་འགུལ་སྤེལ་ནས་ཁ་སང་ཉིན་གྲངས་ ༣༢ སོང་མཚམས་དེར་ལས་འགུལ་མཇུག་སྒྲིལ་གནང་འདུག ཁ་སང་ཟླ་ ༡༠ ཕྱི་ཚེས་ ༡༡ ཉིན་གྱི་ཕྱི་དྲོ་ས་གནས་སུ་རྒྱལ་ཚོགས་ཀྱི་འབྲེལ་མཐུད་པ་སྐུ་ཞབས་ Yuri Afanasiev མཆོག་ཕྱག་སྦྲེལ་དང་བཅས་ཆེད་ཕེབས་ཀྱིས་ཚོགས་གཞོན་རྟ་མགྲིན་སྲིད་གཅོད་ལགས་དང་དཔལ་འབྱོར་འགན་འཛིན་བསྟན་འཛིན་དབང་ཕྱུག་ལགས། ཕྱི་དྲིལ་འགན་འཛིན་ཚེ་དབང་སྒྲོལ་མ་ལགས་བཅས་རྣམ་པ་གསུམ་དང་མཇལ་འཕྲད་གནང་པ་དང།  སྐབས་དེར་ Yuri Afanasiev  མཆོག་གིས་ཁོང་རྣམ་པས་དུས་ཚོད་ངེས་མེད་ཀྱི་ཟས་བཅད་ངོ་རྒོལ་གྱི་ལས་འགུལ་སྤེལ་བའི་ཆོད་སེམས་ལ་བསྔགས་བརྗོད་དང་སྦྲགས། གཟུགས་པོའི་གནས་སྟངས་ཐོག་ལ་བློ་འཚབ་ཆེན་པོ་ཡོད་ལུགས་གསུངས་པ་མ་ཟད། ད་དུང་ཁོང་གིས་ཁོང་རྣམ་པའི་ལས་འགུལ་སྤེལ་བའི་དམིགས་ཡུལ་དང་མངོན་འདོད་ཇི་ལྟར་བཅངས་ཡོད་རུང་གཙོ་བོ་གཟུགས་པོའི་གནས་སྟངས་དེ་ཤིན་ཏུ་གལ་འགངས་ཆེ་བ་ཡིན་པ་གསུངས་འདུག ཁོང་གིས་ལས་འགུལ་བ་གསུམ་པོར་ཤིང་འབྲས་ཀྱི་ཉིང་ཁུ་གནང་ནས་ཟས་བཅད་ཀྱི་ལས་འགུལ་མཚམས་འཇོག་གནང་ཡོད་པ་རེད། དེའི་མཚམས་སུ་ཚོགས་གཞོན་རྟ་མགྲིན་སྲིད་གཅོད་ལགས་ཀྱིས་བོད་ཀུན་གྱི་ཚབ་ཞུས་ཏེ་བོད་ནང་གི་ཛ་དྲག་གི་གནད་དོན་དེ་འགྲོ་བ་མིའི་གནད་དོན་ཞིག་ཏུ་ངོས་འཛིན་གནང་ནས་ཐུགས་འཁུར་བཞེས་དགོས་པའི་འབོད་སྐུལ་ཡང་ཞུས་ཡོད་པ་རེད།...