བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༦ པ་མཇུག་སྒྲིལ།

ཁ་སང་ཟླ་ ༧ ཕྱི་ཚེས་ ༢༩ ཉིན་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༦ པ་མཇུག་སྒྲིལ་དང་བསྟུན། གཞོན་ནུ་ལྷན་ཚོགས་ཀྱི་དཀའ་ངལ་ཡོད་པའི་ས་གནས་ཁག་དགུ་དང་མཉམ་དུ་ནང་ཁུལ་འགྲིག་ཐབས་སོགས་ཀྱི་གྲོས་ཆོད་ཁག་ ༡༡ འཇོག་འདུག ཟླ་འདིའི་ཕྱི་ཚེས་ ༢༤ ནས། ༢༩ བཅས་ཉིན་གྲངས་དྲུག་གི་རིང་དབུས་བོད་ཀྱི་གཞོན་ནུ་ལྷན་ཚོགས་ཀྱིས་འགོ་སྒྲིག་འོག་རྒྱ་གར་གི་རྒྱལ་ས་ལྡི་ལིར་རྟེན་གཞི་བྱས་པའི་མདོ་ཁམས་ཆུ་བཞི་སྒང་དྲུག་ཚོགས་ཁང་དུ་ཚོགས་པའི་འགན་འཛིན་ལྷན་ཚོགས་ཐེངས་ ༤༦ པ་དེའི་ཐོག་ས་གནས་ཁག་ ༣༥ ནས་གཞོན་ནུའི་འཐུས་མི་ ༡༣༠ ལྷག་མཉམ་ཞུགས་གནང་འདུག ཚོགས་འདུའི་ཐོག་གཏན་འབེབས་བྱུང་བའི་གྲོས་ཆོད་གལ་གནད་ཆེ་བ་ཁག་ལས་གཙོ་བོ་གཅིག་ནི། ཉེ་ལམ་ནས་གཞོན་ནུའི་སྒྲིག་འཛུགས་ཁོངས་གཏོགས་རྒྱ་གར་ལྷོ་ཕྱོགས་གཙོས་པའི་ས་གནས་བརྒྱད་དང། ཨ་རི་ནེའི་ཡོག ནེའུ་ཇར་སིའི་ས་གནས་ཡན་ལག་ཁག་དང་དབུས་གཞོན་ནུའི་དབར་འཕྲད་བཞིན་པའི་དཀའ་ངལ་དེ་སེལ་ཐབས་སུ་དབུས་བོད་ཀྱི་གཞོན་ནུ་ལྷན་ཚོགས་ཀྱིས་གྲོས་གཞི་དོན་ཚན་...