བོད་པའི་བུད་མེད་ཅིག་དངུལ་ཁང་སྟངས་འཛིན་གྱི་ཆེས་ཤུགས་རྐྱེན་ཆེ་བའི་བེུད་དུ་བདམས་ཐོན།

ཨ་རིའི་ Ohio མངའ་སྡེའི་ Columbus ཁུལ་དུ་རྟེན་གཞི་བྱས་པའི་ Huntington Bancshares དངུལ་ཁང་དུ་ཕྱག་ལས་གནང་མཁན་བོད་རིགས་བུད་མེད་ Tenzin Alexander ལགས ཨ་རིའི་ནང་དུ་ལོ་འདིའི་དངུལ་ཁང་སྟངས་འཛིན་གྱི་ལས་དོན་ཐད་ཆེས་ཤུགས་རྐྱེན་ཆེ་བའི་བེུད་དུ་བདམས་ཐོན་བྱུང་འདུགདེའང་ American Banker ཞེས་ཚོང་ལས་དང་འབྲེལ་བའི་ཉིན་རེའི་གསར་ཤོག་ངོས་ནས་ལོ་ལྟར། སྡེ་ཚན་བཞིར་ཆ་བགོས་ཀྱིས་དངུལ་ཁང་གི་ལས་དོན་ཐད་ནས་མང་ཚོགས་ལ་ལེགས་ཕྱོགས་ཀྱི་ཤུགས་རྐྱེན་ཆེས་ཆེ་བའི་བུད་མེད་རྩེ་ཕུད་ཉེར་ལྔའི་མཚན་གཞུང་འདོན་སྤེལ་གནང་གི་ཡོད་པ་བཞིན། འདི་ལོའི་མཚན་གཞུང་ནང་ Tenzin Alexander ལགས་མཚན་འདོན་གནང་ཡོད་པ་རེད། དྲ་ལམ་དུ་གནས་ཚུལ་ཐོན་པ་ལྟར་ན།འདི་ལོ་རྒྱ་ནག་གི་ཏོག་དབྱིབས་རིམས་ནད་ཀྱི་རྐྱེན་གྱིས་མི་མང་གི་འགྲོ་འདུག་སོགས་ལ་དཀའ་ངལ་འཕྲད་བཞིན་པའི་ཁྲོད་དུ། བསྟན་འཛིན་ལགས་ཀྱིས་སྤྱི་ཚོགས་དྲ་རྒྱ་བརྒྱུད་ནས་རང་ནུས་ཅི་ཡོད་ཀྱིས་མི་མང་གི་འཚོ་བའི་དགོས་མཁོ་དང་བཟོ་ལས་ཁང་གི་དངོས་ཟོག་ཐོན་སྐྱེད་སོགས་ཀྱི་ཐད་ནས་མི་མང་དང་བཟོ་ལས་ཁང་གི་འབྲེལ་མཐུད་ཀྱི་ཕྱག་ལས་རྒྱ་ཆེར་གནང་སྟེ། Huntington དངུལ་ཁང་གི་མ་དངུལ་ཨ་སྒོར་ཐེར་འབུམ་ ༡༡༤...