མཚོ་སྔོན་གསེར་ཁོག་རྫོང་ཁོངས་སུ་ཆུ་ལོག་རྐྱེན་གྱིས་མི་བཅུ་དྲུག་འདས་གྲོངས།

རྒྱ་གཞུང་གིས་དབྱེ་བའི་མཚོ་སྔོན་ཞིང་ཆེན་གསེར་ཁོག་རྫོང་ཁོངས་སུ་ཆར་ཞོད་ཆེན་པོ་བབས་ནས་ཆུ་ལོག་རྒྱུག་རྐྱེན་དེ་རིང་ཉིན་དགུང་བར་དུ་མི་ ༡༦ འདས་གྲོངས་དང་མི་གྲངས་ ༣༦ གར་སོང་ཆ་མེད་དུ་གྱུར་འདུགརྒྱ་གཞུང་གིས་གཉེར་བའི་ Xinhua གསར་ཁང་གིས་དེ་རིང་སྤེལ་བའི་གནས་ཚུལ་ལ་གཞིགས་ན། ཁ་སང་རེས་གཟའ་ལྷག་པའི་མཚན་མོའི་ཚོུད་ ༡༠༌༢༥ ཙམ་ཞིག་ལ་གློ་བུར་དུ་ཆར་ཞོད་ཆེན་པོ་འབབ་པར་བརྟེན་གསེར་ཁོག་རྫོང་ཁོངས་སུ་ཆུ་ལོག་དང་འདམ་རུད་ཀྱིས་ཁུལ་དེའི་ཡུལ་ཚོ་དྲུག་གི་སྡེ་མི་ ༦༢༤༥ ཡི་སྡོད་ཁང་སོགས་ལ་གནོད་སྐྱོན་བཏང་ཡོད་པ་བཀོད་འདུགགཞི་རྩའི་རྒྱ་ནག་གཞུང་འབྲེལ་གྱི་དྲ་ལམ་ནང་གོད་ཆག་ཕོག་ཡུལ་གྱི་ས་གནས་སུ་སྲིད་གཞུང་ནས་མྱུར་སྐྱོབ་ཆེད་ཉེན་རྟོག་པ་དང་སྤྱི་དམངས་བདེ་འཇགས། ཛ་དྲག་མྱུར་སྐྱོབ་རུ་ཁག་སོགས་ཀྱི་ལས་མི་ ༢༠༠༠ ལྷག་དང་རླངས་འཁོར་ ༡༦༠ ཆེད་གཏོང་བྱས་ཡོད་པར་བཀོད་འདུག་ཀྱང་། སྤྱི་ཚོགས་དྲ་ལམ་ཁག་ཏུ་ཐོན་པའི་བརྙན་པར་ལ་བལྟས་ཚེ་ཆུ་ལོག་གིས་རླངས་འཁོར་རྣམས་སྣུབ་ཀྱི་འདུག་པ་དང་དེ་བཞིན་རྒྱ་ལམ་དང་སྡོད་ཁང་སོགས་སུ་འདམ་གྱིས་ཁེངས་ཏེ་མི་རྒྱུ་གཉིས་ལ་གནོད་འཚེ་ཕོག་ཡོད་སྟབས། ཡུལ་མི་ཚོས་གཙང་བཟོ་བྱེད་བཞིན་པ་མཐོང་རྒྱུ་འདུག