རང་གཅེས་དོར་ཏེ་གཞན་སེམས་བསྐྱེད་ཐུབ་ན་བདེ་སྐྱིད་འབྱུང་བར་བཀའ་བསྩལ་

དེ་རིང་སྔ་དྲོ། ཕྱི་ལོ་ ༢༠༢༠ ཟླ་ ༩ ཚེས་༢༢ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མེཁ་སི་ཀོ་ཡུལ་གྱི་གློག་བརྙན་ཁྲབ་པ་དང་བཟོ་སྐྲུན་མཁན་གྲགས་ཅན། སྐུ་ཞབས་ཡུ་རྗིན་རྡེར་བྷེཛི་ Eugenio Derbez ལགས་དང་ལྷན་དུ་བདེ་སྐྱིད་དང་བཞད་གད། དེ་བཞིན་བྱམས་བརྩེ་བཅས་ཀྱི་སྐོར་ལ་གླེང་མོལ་མཛད་དེ། ཕྱི་གཟུགས་པོའི་འཕྲོད་བསྟེན་གལ་ཆེན་པོ་ཡིན་ནའང་། དེ་ལས་ཀྱང་གལ་ཆེ་བ་ནི་ནང་སེམས་ཀྱི་འཕྲོད་བསྟེན་ཡིན་པའི་ལམ་སྟོན་མཛད་སོང་།