རྒྱ་ནག་ཕྱི་སྲིད་བློན་ཆེན་གྱིས་ Kashmir སྐོར་འགྲེལ་བརྗོད་བྱེད་ཕྱོགས་ལ་རྒྱ་གར་གྱིས་སྐྱོན་བརྗོད།

ཉེ་ཆར་པཀི་སི་ཐན་གྱི་རྒྱལ་ས་ Islamabad ནང་དུ་ཚོགས་པའི་ Organization of Islamic Cooperation ཞེས་ཁ་ཆེའི་མཐུན་སྒྲིལ་ཚོགས་པའི་ཚོགས་འདུའི་ཐོག རྒྱ་ནག་གི་ཕྱི་སྲིད་བློན་ཆེན་ཝང་ཡིས་ཀྱིས་མཉམ་ཞུགས་བྱས་ཏེ་རྩོད་རྙོག་ཆེ་བའི་ Kashmir གྱི་གནད་དོན་དང་འབྲེལ། ཁོང་གིས་ད་རེས་སླར་ཡང་ཁ་ཆེའི་གྲོགས་པོ་མང་པོའི་རེ་འབོད་ཐོས་ཡོད་པ་དང་། རྒྱ་ནག་ནས་ཀྱང་དེ་ལྟར་འདོད་ཀྱི་ཡོད་པ་བརྗོད་ཡོད་པ་ལྟར། དེ་རིང་རྒྱ་གར་གྱི་ཕྱི་སྲིད་ལས་ཁུངས་ནས་ཝང་ཡིས་ཀྱིས་གཏམ་བཤད་དེར་སྐྱོན་བརྗོད་ཤུགས་ཆེར་བྱས་འདུགརྩ་བའི་དེ་རིང་རྒྱ་ནག་གི་ཕྱི་སྲིད་བློན་ཆེན་ཝང་ཡིས་རྒྱ་གར་ནང་དུ་གཞུང་འབྲེལ་འཚམས་གཟིགས་ལ་འབྱོར་གྱི་ཡོད་པ་དང་།  དེའང་དེ་སྔ་ཕྱི་ལོ་ ༢༠༢༠ ལོའི་ཕྱི་ཟླ་ ༥ པའི་ནང་རྒྱ་དཀར་ནག་གཉིས་ཀྱི་དབར་ Galwan འཕགས་བོད་ས་མཚམས་ས་ཁུལ་དུ་གདོང་ཐུག་གི་གནད་དོན་བྱུང་སྟེ། རྒྱལ་ཁབ་ཕྱོགས་གཉིས་དབར་གྱི་འབྲེལ་ལམ་ཇེ་སྡུག་ཏུ་ཕྱིན་པའི་རྗེས་སུ། རྒྱ་ནག་གི་ཕྱོགས་ནས་འབྲེལ་ལམ་ཡར་རྒྱས་གཏོང་ཐབས་དང་འབྲེལ་ནས་རྒྱ་ནག་གི་དཔོན་རིགས་རྒྱ་གར་ནང་དུ་བསྐྱོད་པ་ཐོག་མ་དེ་ཆགས་ཀྱི་ཡོད་པ་རེད།དེ་རིང་རྒྱ་གར་གྱི་བརྒྱུད་ལམ་ཁག་གིས་གནས་ཚུལ་སྤེལ་བར་གཞིགས་ན། ཁ་སང་རྒྱ་གར་གྱི་ཕྱི་སྲིད་ལས་ཁུངས་ཀྱི་འགྲིན་ཚབ་པ་...