ལ་དྭགས

ཁ་སང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ལ་དྭགས་ཀྱི་ཀར་གྷིལ་རྫོང་ཁོངས་སུ་གཏོགས་པའི་ཝ་ཀ་མུལ་སྦེག་ཁུལ་གྱི་ Spring Dales Public High School  ནས་ཇི་ལྟར་གསོལ་འདེབས་ཞུས་དོན་ལྟར་ཁུལ་དེར་༸ཞབས་སོར་བདེ་བར་འཁོད་ཡོད་པ་དང་། མགོན་པོ་༸གང་ཉིད་མཆོག་ནས་སླར་ཡང་བླ་མའི་ཆབ་སྲིད་ལ་རྒྱུན་དུ་ནས་མི་མང་ཚོས་ཡིད་གཟབ་གནང་དགོས་པ་དང་། བོད་ཀྱི་ཆོས་བརྒྱུད་ཚང་མའི་རྩ་བ་དེ་དཔལ་ནཱ་ལེནྡཱའི་ཆོས་བརྒྱུད་འཛིན་མཁན་ཞིག་ཡིན་སྟབས། རྔ་རྡུང་། འཆམ་འཁྲབ། ཆོ་ག་འདོན་རྒྱུ་བཅས་ལ་ངོ་མཚར་གང་ཡང་མི་གནང་པར་རྒྱུན་དུ་གཞི་ལམ་འབྲས་གསུམ་གྱི་རྣམ་གཞག་གནད་ཆེར་ངོས་འཛིན་དགོས་པར་ལམ་སྟོན་མཛད་ཡོད། མགོན་པོ་༸གང་ཉིད་མཆོག་གིས་ཆོས་ལ་དད་པ་ཡོད་མེད་ལ་ལྟོས་མེད་རྒྱུན་དུ་མི་བཟང་པོ་ཞིག་ཡོང་ཐབས་སུ་འབད་བརྩོན་བྱེད་དགོས་པ་དང་། གཞན་ལ་ཕན་ཐོགས་བྱེད་དགོས་པ། དེ་ལྟར་མ་བྱུང་ཡང་གནོད་པ་མི་བྱེད་པ་ཞིག་བྱེད་རྒྱུ་ནི་ཆོས་ཀྱི་སྙིང་པོ་དང་འཇིག་རྟེན་མི་ཆོས་ཀྱི་རྩ་བ་ཡང་ཡིན་པར་ལམ་སྟོན་བསྩལ་ཡོད། ཝ་ཀ་མུལ་སྦེག་ཁུལ་གྱི་ Spring Dales Public High School  སློབ་གྲྭ་དེ་ནི་ཕྱི་ལོ་ ༡༩༩༥ལོར་གསར་འཛུགས་གནང་བ་ཞིག་དང་། སྔོན་འགྲོ་ནས་འཛིན་རིམ་བཅུ་པ་བར་ཡོད་པ་ལྟར་དེང་སྐབས་སློབ་ཕྲུག་ ༢༠༠ ལྷག་འདུག ཤེས་རྟོགས་བྱུང་བར་༸གོང་ས་མཆོག་གི་ཏཱ་ལའི་བླ་མའི་ཐེབས་རྩ་ཁང་ནས་དེ་སྔོན་སློབ་གྲྭ་དེར་ཧིན་སྒོར་འབུམ་དགུ་བཅུ་གསོལ་བསྩལ་མཛད་འདུག།...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཟངས་དཀར་དད་ལྡན་སེར་སྐྱ་མང་ཚོགས་ནས་བརྟན་བཞུགས་བསྟར་འབུལ་ཞུས་པ་དང་འབྲེལ།   ཟངས་དཀར་ཁུལ་གྱི་ནང་པ་དང་ཁ་ཆེ་གཉིས་ནས་ཕྱོགས་གཉིས་མི་མཐུན་པའི་གནས་སྟངས་རྣམས་མཚམས་འཇོག་གནང་སྟེ་མ་འོངས་པར་མཛའ་བརྩེའི་འབྲེལ་ལམ་རྒྱུན་སྐྱོང་བྱ་རྒྱུའི་ཁས་ལེན་ཞུས་འདུག རྩ་བའི་ཟངས་དཀར་ཁུལ་དུ་ལོ་ཤས་གོང་ནས་ས་གནས་སུ་ཡོད་པའི་ནང་པ་དང་ཁ་ཆེའི་མི་རིགས་ཀྱི་གཉིས་དབར་མི་མཐུན་པའི་གནས་སྟངས་བྱུང་བཞིན་ཡོད་པ་མ་ཟད། ལྷག་པར་དུ་ས་གནས་ཀྱི་ནང་པའི་རིགས་དམན་པ་ཁག་ཅིག་ཁ་ཆེའི་ཆོས་ལུགས་སུ་ཞུགས་པའི་གནས་ཚུལ་བྱུང་བ་ལ་བརྟེན་ནས་དཀའ་ངལ་འཕྲད་རྐྱེན་ད་བར་ནང་པ་དང་ཁ་ཆེ་ཕྱོགས་ཕན་ཚུན་དབར་གྱི་མཛའ་བརྩེའི་འབྲེལ་ལམ་ལ་དོ་ཕོག་བྱུང་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་གིས་ད་བར་སྔ་རྗེས་ཟངས་དཀར་ཁུལ་དུ་ཆིབས་བསྒྱུར་ནམ་མཛད་ལ་ནང་པའི་ཆོས་གྲོགས་དང་ཁ་ཆེའི་ཆོས་གྲོགས་དབར་གུས་བརྩི་དང་འཆམ་མཐུན་ངང་གནས་དགོས་གལ་ཡིན་པར་ལམ་སྟོན་རིམ་པ་གནང་ཡོད་པ་དང། ༸གང་ཉིད་མཆོག་ནས་ཁ་ཆེའི་སྐུ་ཚབ་དང་མང་ཚོགས་ལ་ཟུར་དུ་མཇལ་ཁ་དང་བཀའ་སློབ་སྔ་རྗེས་སུ་བསྩལ་བ་མ་ཟད་ཉིན་དང་པོའི་ཆོས་འབྲེལ་ཐོག་ལའང་ཟངས་དཀར་མང་ཚོགས་ལ་ཆོས་ལུགས་མཐུན་སྒྲིལ་གནང་དགོས་པའི་བཀའ་སློབ་ཟབ་ནན་བསྩལ་ཡོད་པ་རེད། དེ་རིང་བོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་འཁོད་པ་གཞིགས་ན། ཁ་སང་ཟངས་དཀར་༸རྒྱལ་བའི་ཕོ་བྲང་དུ་ཟངས་དཀར་ཁུལ་གྱི་དད་ལྡན་སེར་སྐྱ་མང་ཚོགས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུས་པ་དང་འབྲེལ། ཟངས་དཀར་ཁུལ་གྱི་ནང་པ་དང་ཁ་ཆེའི་སྐུ་ཚབ་མཐུས་མི་ཁག་ནས་ད་བར་ལོ་དྲུག་བདུན་གོང་ནས་ཁ་ཆེ་དང་ནང་པ་གཉིས་དབར་མི་མཐུན་པའི་གནས་ཚུལ་ཕྲན་བུ་བྱུང་བར་བརྟེན་ཕྱོགས་གཉིས་ཀྱི་འབྲེལ་ལམ་ལ་དོ་ཕོག་བྱུང་ཡོད་པ་༸གང་ཉིད་ལ་སྙན་སེང་ཞུས་ནས་དེ་རིགས་མ་འོངས་པར་མི་ཡོང་བའི་ཁས་ལེན་དམ་བཅའ་འཁོད་པའི་ཡིག་ཆ་ཞིག་༸གོང་ས་མཆོག་གི་ཕྱག་ཏུ་འབུལ་ལམ་ཞུས་པ་མ་ཟད་ཕྱོགས་གཉིས་ཕན་ཚུན་མཛའ་བརྩེའི་འབྲེལ་ལམ་རྒྱུན་སྐྱོང་བྱ་རྒྱུ་ཞེས་འཁོད་འདུག ད་ལན་ཟངས་དཀར་ཁུལ་གྱི་ཁ་ཆེ་དང་ནང་པའི་སྐུ་ཚབ་འཐུས་མི་རྣམས་ནས་ཕན་ཚུན་འཆམ་འཐུན་གནས་རྒྱུའི་ཁས་ལེན་ཞུས་པར་མགོན་པོ་༸གང་ཉིད་མཆོག་ཐུགས་དགྱེས་ཚོར་ཆེན་པོ་དང་འབྲེལ་སྐུ་ཚབ་རྣམས་དང་ལྷན་དུ་སྐུ་པར་སྒྲོན་པ་མ་ཟད་དད་ལྡན་སེར་སྐྱ་མང་ཚོགས་ནས་དད་པ་དང་དམ་ཚིག་གཡོལ་བ་མེད་པའི་ཐོག་༸གང་ཉིད་མཆོག་ལ་བརྟན་བཞུགས་བསྟར་འབུལ་ཞུས་པར་ཐུགས་རྗེ་ཆེ་ཞེས་བཀའ་བསྩལ་བ་དང་འབྲེལ། ཆོས་ལུགས་ཕན་ཚུན་དབར་མཐུན་སྒྲིལ་བྱ་རྒྱུ་དེ་ཧ་ཅང་གི་གལ་ཆེ་ཡིན་སྐོར་ལམ་སྟོན་ཡང་མཛད་འདུག མགོན་པོ་༸གང་ཉིད་མཆོག་གིས་ད་ལན་ནང་པ་དང་དང་ཁ་ཆེའི་འཐུས་མི་ཚོ་དང་ལྷན་བཀའ་བསྡུར་གནང་ནས་བར་སྐབས་ནས་ཕན་ཚུན་དབར་མཐོང་ཕྱོགས་མི་མཐུན་པ་ཕྲན་བུ་བྱུང་བ་དེ་དག་དུས་ད་ལྟ་ནས་ནམ་མཁའ་གཡའ་དག་དང་ས་གཞི་རྡུལ་དག་ཡིན་ཞེས་ཁས་ལེན་ཞུས་པའི་ཡིག་ཆ་ངོས་ལ་གནང་བར་རྗེས་སུ་ཡི་རངས་དང་ཐུགས་རྗེ་ཆེ་ཞུ་རྒྱུ་ཡིན་ཞེས་བཀའ་བསྩལ་འདུག ༸གོང་ས་༸སྐྱབས་མགོན་ཆེན་པོ་མཆོག་སྐུ་མདུན་དུ་ཁས་ལེན་དམ་བཅའ་འབུལ་མཁན་གྱི་ཁ་ཆེ་དང་ནང་པའི་འཐུས་མི་སྐུ་ཚབ་ཚོགས་ཆུང་ནི་དེ་སྔ་ཕྱོགས་གཉིས་དབར་མིན་མཐུན་པའི་གནས་ཚུལ་གང་བྱུང་བ་རྣམས་རྒྱབ་ཏུ་སྐྱུར་ནས་སླད་ཕྱིན་མི་རབས་གཞོན་པ་ཚོར་གོམ་པ་མདུན་སྤོ་ཇི་ལྟར་བྱེད་དགོས་མིན་ལམ་སྟོན་ཞུ་རྒྱུ་དང་། མ་འོངས་པར་ཕྱོགས་གཉིས་དབར་མཐུན་པའི་གནས་ཚུལ་རིགས་བྱུང་ན་གདོང་ལེན་བྱ་རྒྱུར་ཆེད་དམིགས་བྱས་པའི་ཚོགས་ཆུང་ཞིག་ཡིན་པ་ལྟར། ཚོགས་ཆུང་ནང་ཁ་ཆེ་དང་ནང་པའི་སྐུ་ཚབ་འཐུས་མི་དྲུག་རེ་བཅས་ཁྱོན་ཚོགས་མི་ ༡༢ འདུག སྐབས་དེར་ཁ་ཆེའི་སྐུ་ཚབ་འཐུས་མི་ཚོགས་གཙོ་གུ་ལམ་ལགས་ཀྱིས་བརྒྱུད་ལམ་ཐོག་འགྲེལ་བརྗོད་བྱས་པར་གཞིགས་ན། ༸གོང་ས་མཆོག་གི་ཐུགས་རྗེ་བཀྲིན་ལ་བརྟེན་ནས་ཐེངས་འདིར་ཕྱོགས་གཉིས་དབར་གྱི་མི་མཐུན་པའི་གནས་སྟངས་རྣམས་ཡོངས་སུ་ཞི་བར་མཛད་པ་དེར་སྙིང་ཐག་པ་ནས་བཀྲིན་རྗེས་དྲན་ཞུ་རྒྱུ་ཡིན་ཞེས་གསུངས་འདུག མགོན་པོ་༸གང་ཉིད་མཆོག་གིས་ད་བར་ལ་དྭགས་གླེ་ཁུལ་དང་ཟངས་དཀར་ས་གནས་སུ་ཆིབས་བསྒྱུར་སྔ་རྗེས་སུ་སྤྱི་ཚོགས་ཁྲོད་ཌ་མ་རྡུང་མཁན་རིགས་དམན་པ་ཚོ་ལ་དབྱེ་འབྱེད་བྱེད་བཞིན་པ་ནི་རྩ་བ་འགྲིག་གི་མེད་སྐོར་བཀའ་ནན་བསྩལ་ཡོད་པ་ལྟར། ཁ་སང་༸གོང་ས་མཆོག་གིས་བཅོམ་ལྡན་འདས་ཀྱི་རྗེས་འབྲང་ཞིག་ཡིན་ན་རིགས་རུས་དབྲེ་འབྱེད་གནང་རྒྱུ་མེད་པར་བསྐྱར་ནན་གནང་བ་དང་འབྲེལ། བཅོམ་ལྡན་འདས་ཀྱི་རྗེས་འབྲང་པ་ཞིག་གིས་ཡུལ་སྲོལ་གོམས་གཤིས་རྗེས་ལུས་ཀྱི་བསམ་བློའི་འོག་ས་གནས་སུ་ད་དུང་རིགས་དམན་ཞེས་མཐོང་ཆུང་བྱས་པ་དེ་འདྲ་ཕྲན་བུ་ཡོང་བཞིན་ཡོད་ས་རེད། དེ་ཚོའི་གྲས་རྩ་བ་ནས་བྱ་རྒྱུ་མེད་ཅེས་བཀའ་བསྩལ་འདུག རྩ་བའི་༸གོང་ས༸་སྐྱབས་མགོན་ཆེན་པོ་མཆོག་གིས་ཉིན་གཉིས་པའི་ཆོས་འབྲེལ་ཐོག་ས་གནས་ཀྱི་དད་ལྡན་སེར་སྐྱ་མང་ཚོགས་ལ་འཕགས་པ་ཐུགས་རྗེ་ཆེན་པོ་སྤྱན་རས་གཟིགས་ཀྱི་བཀའ་དབང་དང། དེ་བཞིན་སལམ་སྒྲོན་སློབ་གྲྭ་གཙོ་བོར་འགྱུར་པའི་ས་གནས་ཀྱི་སློབ་གྲྭ་ཁག་གི་སློབ་མ་ཚོར་གང་བློ་མའི་ལྗགས་ལུང་བཀྲིན་བསྩལ་ཡང་བསྩལ་འདུག  

ལ་དྭགས་ཀྱི་ནང་པ་དང་ཁ་ཆེ་ཚོས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནི་བླ་ན་མེད་པའི་སྐྱེས་བུ་ཞིག་ཏུ་ངོས་འཛིན་གནང་བཞིན་ཡོད་པ་མ་ཟད།   ལྷག་དོན་ཁ་ཆེ་བ་ཚོས་ཀྱང་མགོན་པོ་༸གང་ཉིད་མཆོག་ཕྱི་ནང་མཐུན་འབྲེལ་གྱི་རེ་བའི་བློ་གཏད་བཅོལ་ཡུལ་གྱི་དབུ་ཁྲིད་ཞིག་དང་།  ༸གང་ཉིད་མཆོག་གི་ལམ་སྟོན་འོག་ས་གནས་སུ་མི་རིགས་དང་རིགས་རུས། དབུལ་ཕྱུག་སོགས་ཀྱི་དབྱེ་འབྱེད་མི་གནང་བར་ཤུགས་རྐྱེན་ངེས་ཅན་ཞིག་ཐེབས་ཡོད་པ་ལ་ངོས་འཛིན་ཡང་གནང་བཞིན་འདུག ༸གོང་ས་༸སྐྱབས་མགོན་ཆེན་པོ་མཆོག་གི་ལ་དྭགས་ནང་གི་མཛད་འཕྲིན་ཁག་ལས་ཤེས་རྟོགས་བྱུང་བར་གཞིགས་ན། ཟླ་ ༧ ཚེས་ ༣ ཉིན་མགོན་པོ་མཆོག་ལ་དྭགས་ཀྱི་གླེ་གྲོང་ཁྱེར་དུ་༸ཞབས་སོར་བདེ་བར་འཁོད་ཡོད་པ་དང་། ཚེས་ ༦ ཉིན་མགོན་པོ་༸གང་ཉིད་མཆོག་གིས་ལ་དྭགས་མི་མང་དང་ས་གནས་བོད་མི་བཅས་ནས་གོ་སྒྲིག་ཞུས་པའི་༸སྐུའི་འཁྲུངས་སྐར་གྱི་མཛད་སྒོར་དབུ་བཞུགས་དང་འབྲེལ་མང་ཚོགས་ལ་བླང་དོར་ལམ་སྟོན་བཀྲིན་བསྩལ་གནང་ཡོད་པ་རེད། ཕྱི་ཚེས་  ༡༢  ཉིན་མགོན་པོ་མཆོག་གིས་གླེ་གྲོང་ཁྱེར་ནས་ཀི་ལོ་མི་ཊར་ ༡༢༠ ལྷག་གི་སར་ཡོད་ལྡུམ་ར་ས་གནས་སུ་ཆིབས་བསྒྱུར་དང་འབྲེལ་ཁུལ་དེའི་མང་ཚོགས་ལ་ཆོས་འབྲེལ་དང་མི་ཚེ་དོན་དང་ལྡན་པ་ཞིག་སྐྱེལ་ཐབས་སོགས་ལམ་སྟོན་མཛད་ཡོད་པ་རེད། ༸སྐུའི་འཁྲུངས་སྐར་གྱི་མཛད་སྟོན་ཐོག་སྐུ་མགྲོན་རྣམ་པ་དང་མི་མང་ཚོ་ནང་པ་ཁོ་ཙམ་མིན་པར་ཁ་ཆེ་བ་རྣམས་ནས་ཀྱང་མཉམ་ཞུགས་གནང་ཡོད་པ་ལྟར་ཏུར་ཏུག་ཞེས་པའི་ས་གནས་ལྡུམ་ར་ནས་ཀི་ལོ་མི་ཊར་ ༧༠ ལྷག་གི་ས་གནས་ནས་ཕེབས་པའི་ཁ་ཆེ་མི་གྲངས་ ༤༠ ལྷག་གི་སྐུ་ཚབ་ Haji Abdul Khadhir...

དེ་རིང་ཕྱི་ཟླ་ ༧ ཚེས་ ༡༧ ཉིན་བོད་མི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལ་དྭགས་ལྡུམ་ར་བསམ་གཏན་གླིང་དགོན་པར་དགའ་ལྡན་ཁྲི་ཟུར་རི་རྫོང་རིན་པོ་ཆེ་མཆོག་དང་ཁྲིག་རྩེ་རིན་པོ་ཆེ་མཆོག་རྣམ་གཉིས་ཀྱིས་གཙོས་ཆོས་ཞུ་བ་མང་ཚོགས་སྟོང་ཕྲག་ལྷག་ལ་སྒྲོལ་དཀར་ཡིད་བཞིན་འཁོར་ལོའི་ཚེ་དབང་བཀའ་དྲིན་སྩལ་གྲུབ་རྗེས་བསམ་གླིང་དགོན་པ་དང་རི་རྫོང་དགོན་པ་གཉིས་ཀྱིས་དབུ་ཁྲིད་དེ་ཏེ་གར་དང་གསུམ་ཡུར། ཚ་ཏི། ཁལ་གཙར། ཧ་ས་ར། པིན་ཆི་མིག་བཅས་གྲོང་གསེབ་ཁག་གི་དད་ལྡན་མང་ཚོགས་ཚོས་མགོན་པོ་༸གང་ཉིད་མཆོག་ལ་༸སྐུ་ཚེ་མི་འཇིགས་རྗེ་འཆང་གི་ངོ་བོར་བརྟན་ཕྱིར་བརྟན་བཞུགས་བསྟར་འབུལ་ཞུས་ཡོད་པ་རེད། མགོན་པོ་༸གང་ཉིད་མཆོག་གིས་ཚེ་སྲིང་རྒྱུའི་རྒྱུ་གཙོ་བོ་ནི་སེམས་ཀྱི་ཞི་བདེ་ཡིན་པ་དང་། རྐྱེན་ངན་རིགས་ཡོང་བའི་སྐབས་ངེས་པར་དུ་བྱང་ཆུབ་ཀྱི་སེམས་སྒོམ་ཐུབ་ཚེ་རྐྱེན་ངན་དེ་དག་བྱང་ཆུབ་ཀྱི་གྲོགས་སུ་འགྱུར་བ་ཡིན་ཞེས་ལམ་སྟོན་མཛད་འདུག ལྷག་དོན་མི་ཚེ་རིང་པོ་དང་མི་ཚེ་དོན་དང་ལྡན་པ་ཞིག་ཡོང་བར་བསམ་པ་བཟང་པོ་བྱ་གལ་ཡིན་པ་དང་གཞན་ལ་ཕན་པ་སྒྲུབ་པ་མ་ཐུབ་ཀྱང་གནོད་པ་མི་བྱེད་ཨ་སྙམ་པའི་ཀུན་སློང་དགོས་གལ་ཡིན་པ་སོགས་རང་གཞན་གཉིས་ཀར་སྨན་པའི་ཚོགས་བསགས་ཚུལ་ལམ་སྟོན་རྒྱ་ཆེ་མཛད་འདུག ༸གོང་ས་མཆོག་གིས་ཆོས་ཀྱི་སྙིང་པོ་ནི་གཞན་ཕན་གྱི་བསམ་པ་ཡིན་པ་དང་བསམ་པ་བཟང་པོ་དང་ཆབས་ཅིག་ཏུ་ཤེས་རབ་ཀྱི་གྲོགས་བྱེད་ཐུབ་ཚེ་གཞན་དང་མི་འདྲ་བའི་ནུས་པ་དམིགས་བསལ་བ་ཞིག་ཡོད་པ་བཀའ་བསྩལ་འདུག རྩ་བའི་ཉེ་སྔོན་ཕྱི་ཚེས་ ༡༥ ཉིན་མགོན་པོ་༸གང་ཉིད་མཆོག་ནས་ལ་དྭགས་ལྡུམ་ར་བསམ་གཏན་གླིང་དགོན་པའི་ ༢༠༡༨ ལོའི་དབྱར་ཆོས་ཆེན་མོ་དབུ་འབྱེད་ཀྱི་ཚོགས་མགོན་དུ་དབུ་བཞུགས་མཛད་པ་མ་ཟད། ཁ་སང་ཚེས་ ༡༦ ཉིན་༸གང་ཉིད་མཆོག་ནས་ཁུལ་དེའི་མང་ཚོགས་སྟོང་ཕྲག་ལ་ལམ་གཙོ་རྣམ་གསུམ་དང་། སེམས་བསྐྱེད་བཀའ་བརྒྱ་མ། དེ་བཞིན་འཇམ་དཔལ་མཚན་བརྗོད་ཀྱི་བཤད་ལུང་བཅས་བཀྲིན་བསྩལ་མཛད་པ་དང་། མཛད་འཆར་གཞིགས་ན་༸གོང་ས་མཆོག་སང་ཚེས་ ༡༨ ཉིན་གྲོང་ཁྱེར་གླེ་ནང་ཕྱིར་༸ཞབས་སོར་བདེ་བར་འཁོད་གནང་གི་འདུག ༸སྐུ་དཔར་དཔལ་ལྡན་དགའ་ལྡན་ཕོ་བྲང་།

དེ་རིང་སྔ་དྲོ་ཆུ་ཚོད་ ༩་༣༠ ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་ལྡུམ་ར་ཁུལ་གྱི་བདེ་སྐྱིད་ས་གནས་ཀྱི་མཛད་འཆར་ཁག་ལེགས་པར་གྲུབ་ནས་ཁུལ་དེ་ནས་ཀི་ལོ་མི་ཀྲར་ ༣༠ ལྷག་གི་སར་ཡོད་པའི་སུ་མུར་ཞེས་པའི་ས་གནས་ཀྱི་བསམ་གཏན་གླིང་དགོན་པར་༸ཞབས་སོར་བདེ་བར་འཁོད་ཡོད་པ་དང་། མགོན་པོ་༸གང་ཉིད་མཆོག་བསམ་གཏན་གླིང་དགོན་པར་༸ཞབས་སོར་འཁོད་སྐབས་དགའ་ལྡན་ཁྲི་ཟུར་རི་རྫོང་རིན་པོ་ཆེ་མཆོག་གིས་དབུས་པའི་དགོན་པའི་གྲྭ་མང་དང་ས་གནས་མི་མང་བཅས་ནས་ཕེབས་བསུ་གཟབ་རྒྱས་ཞུས་སོང་། ལ་དྭགས་ཀྱི་ལྡུམ་རའི་ས་ཁུལ་དུ་ཡོད་པའི་སི་མུར་གྱི་བསམ་གཏན་གླིང་དགོན་པ་ནི། དགའ་ལྡན་ཁྲི་ཟུར་རི་རྫོང་སྲས་རིན་པོ་ཆེའི་དགོན་པ་ཡིན་པ་དང་དགོན་པ་འདི་ལོ་ ༡༧༠ ལྷག་གི་སྔོན་དུ་བླ་མ་ཚུལ་ཁྲིམས་ཉི་མས་ཕྱག་བཏབ་འདུག ད་ལྟའི་དགའ་ལྡན་ཁྲི་ཟུར་རི་རྫོང་རིན་པོ་ཆེ་མཆོག་བླ་མ་ཚུལ་ཁྲིམས་ཉི་མའི་གདུང་བརྒྱུད་ཞིག་ཡིན་པ་རེད། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འདི་ག་བསམ་གཏན་གླིང་དགོན་པར་དེ་རིང་ཕྱི་ཚེས་ ༡༤ ནས་ཕྱི་ཚེས་ ༡༧ བར་སྐུ་བཞུགས་གནང་གི་ཡོད་པ་དང་། ཉིན་གྲངས་ ༣ རིང་བཞུགས་ཞག་གནང་ནས་མགོན་པོ་མཆོག་དགོན་པའི་ ༢༠༡༨ ལོའི་དབྱར་ཆོས་ཆེན་མོའི་ཚོགས་མགོན་དུ་དབུ་ཞུགས་མཛད་ཀྱི་ཡོད་པ་མ་ཟད། སེམས་བསྐྱེད་བཀའ་བརྒྱ་མ་དང་། འཇམ་དཔལ་མཚན་བརྗོད། ལམ་གཙོ་རྣམ་གསུམ་བཅས་ཀྱི་ཆོས་འབྲེལ་བཀྲིན་བསྩལ་གནང་རྒྱུ་དང་། ལྷག་དོན་ཕྱི་ཚེས་ ༡༧...

དེ་རིང་སྔ་དྲོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱལ་ས་ལྡི་ལིའི་མཛད་འཆར་ཁག་ལེགས་པར་གྲུབ་ནས་རྒྱ་གར་ཇ་མུ་ཀཤྨིར་མངའ་སྡེའི་ལ་དྭགས་སླེ་གྲོང་ཁྱེར་དུ་༸ཞབས་སོར་བདེ་བར་འཁོད་གནང་འདུག ཞི་བའི་ཚལ་ཕོ་བྲང་དུ་མགོན་པོ་༸གང་ཉིད་ལ་ཕེབས་བསུའི་སྣེ་ལེན་མཛད་སྒོ་སྟབས་བདེ་ཞིག་གོ་སྒྲིག་ཞུས་པའི་ཐོག་༸གང་ཉིད་མཆོག་ནས་ད་རེས་སླར་ཡང་ལ་དྭགས་སླེ་རུ་༸ཞབས་སོར་འཁོད་ཐུབ་པ་དེ་ཡག་པོ་བྱུང་ཞེས་བཀའ་བསྩལ་བ་དང་། ལ་དྭགས་མི་མང་རྣམས་ཀྱི་གཡོ་བ་མེད་པའི་དད་པ་དང་དམ་ཚིག་ལ་ཡི་རང་བསྔགས་བརྗོད་གནང་བ་མ་ཟད་ལྷག་པར་དུ་འདས་པའི་དུས་ཚོད་དང་ད་ལྟའི་གནས་སྐབས་ལ་གཞིགས་ན་ལ་དྭགས་དེ་དཔལ་འབྱོར་གྱི་ཐོག་ནས་མི་མང་གི་འཚོ་བ་ཡར་རྒྱས་ཆེན་པོ་ཕྱིན་ཡོད་པ་དང་བསྟུན། སོ་སོའི་ཆོས་དང་རིག་གཞུང་གི་བག་ཆགས་དེ་མ་ཡལ་བར་དགོན་པ་ཁག་འཛུགས་སྐྲུན་ཡར་རྒྱས་དང་སློབ་གཉེར་བཅས་ཕྱོགས་གཉིས་ཀ་ནས་ཡར་རྒྱས་ཕྱིན་ཡོད་པ་དེ་ལེགས་པོ་བྱུང་འདུག་ཅེས་བཀའ་བསྩལ་མཛད་འདུག ད་རེས་སླར་ཡང་མགོན་པོ་༸གང་ཉིད་ཁུལ་དེར་ཕེབས་རྒྱུ་བྱུང་བར་ཐུགས་དགྱེས་ཚོར་ཆེན་པོ་དང་སྦྲགས་ཏེ་ཐུགས་རྗེ་ཆེ་ཞེས་བཀའ་བསྩལ་ཡོད་པ་རེད།   ཞི་བའི་ཚལ་གྱི་ཕོ་བྲང་དུ་གོ་སྒྲིག་ཞུས་པའི་ཕེབས་བསུའི་མཛད་སྒོ་ཐོག་དགའ་ལྡན་ཁྲི་ཟུར་རི་རྫོང་སྲས་རིན་པོ་ཆེ་མཆོག་གིས་དབུས་པའི་འབྲི་གུང་ཆེ་ཚང་རིན་པོ་ཆེ་མཆོག ལ་དྭགས་ཀྱི་མཁན་པོ་བླ་སྤྲུལ་ཁག་ཅིག འབྲེལ་ཡོད་ཆིབས་བསྒྱུར་གོ་སྒྲིག་གནང་མཁན་ཚོ། དེ་བཞིན་ས་གནས་ཀྱི་དཔོན་རིགས་ཁག་ཅིག་བཅས་ཁྱོན་མི་གྲངས་ ༡༠༠ སྐོར་ཞིག་འདུ་འཛོམས་བྱུང་འདུག སྐབས་དེར་མགོན་པོ་༸གང་ཉིད་མཆོག་ནས་ཉེ་ཆར་རྒྱལ་ས་ལྡི་ལིའི་ནང་ཧི་མཱ་ལ་ཡའི་རིགས་རྒྱུད་ཁག་ཏུ་ཡོད་པའི་དགོན་པ་ཁག་ཤེས་ཡོན་གྱི་བསྟི་གནས་སུ་བསྒྱུར་ཐབས་འབད་བརྩོན་གནང་མཁན་གྱི་ཚོགས་མི་དང་མཇལ་འཕྲད་བྱུང་སྐབས་ཡི་རང་བསྔགས་བརྗོད་གནང་སྐོར་བཀའ་བསྩལ་བ་དང་ཆབས་ཅིག་ཏུ་ནང་པ་སངས་རྒྱས་པའི་ཆོས་དེ་དེང་དུས་ཀྱི་ཚན་རིག་དང་ཟུང་དུ་འགྲོ་ཐུབ་པའི་མིའི་དགོས་མཁོ་དང་མཐུན་པའི་ཆོས་ཤིག་ཡིན་སྐོར་ལམ་སྟོན་རྒྱ་ཆེ་མཛད་འདུག གནས་ཚུལ་རྒྱས་པ་གཤམ་ལ་གསན་རོགས།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་ ༦ ཚེས་ ༢༨ ཉིན་ནས་དབུ་འཛུགས་ཀྱིས་ཟླ་ ༨ ཚེས་ ༡༤ བར་རྒྱ་གར་བྱང་ཕྱོགས་ལ་དྭགས་དང་རྒྱ་ས་ལྡི་ལི། རྒྱ་གར་ལྷོ་ནུབ་མངའ་སྡེ་ཧཱ་རཱཤྟྲའི་རྒྱལ་ས་མུམ་བའེ་བཅས་ཀྱི་ནང་ཟླ་བ་གཅིག་དང་ཕྱེད་ཀ་ལྷག་གི་རིང་མཛད་འཕྲིན་ཁག་ལེགས་པར་གྲུབ་ནས་དེ་རིང་རྒྱ་གར་རང་བཙན་ཉིན་མོ་སྟེ་ཚེས་ ༡༥ ཉིན་དགུང་ཚོུད་ ༡༢།༠༠ ཙམ་ལ་བཞུགས་སྒར་དུ་༸ཞབས་སོར་བདེ་བར་འཁོད་གནང་སོང་། བཞུགས་སྒར་ཉེ་འདབས་སུ་ཡོད་པའི་གྷ་གལ་གནམ་ཐང་དུ་༸ཞབས་སོར་འཁོད་བསྟུན་༸གང་ཉིད་མཆོག་ནས་གསར་འགོད་པའི་བཅར་འདྲི་དང་ལེན་གནང་སྟེ་ཐོག་མར་རྒྱ་གར་རང་བཙན་ཉིན་མོར་འཚམས་འདྲི་གནང་པ་དང་འབྲེལ། འདས་པའི་ལོ་ངོ་ ༧༠ ལྷག་གི་རིང་རྒྱ་གར་རྒྱལ་ཁབ་ཡར་རྒྱས་བྱུང་བ་ནི་མང་ཚོགས་ཀྱི་སྙིང་སྟོབས་དང་འགྱུར་བ་མེད་པའི་རེ་བ་སོགས་ལ་བརྟེན་ནས་བྱུང་བ་ཞིག་ཡིན་པ་དང་། རྒྱ་གར་འདི་མུ་མཐུད་སྔར་ལྷག་ཡར་རྒྱས་འགྲོ་བར་འཕྲུལ་རིགས་དང་ཕྱི་དངོས་པོའི་ཡར་རྒྱས་སོགས་དང་མཉམ་དུ་དེང་དུས་ཀྱི་ཤེས་ཡོན་ཁོ་ན་མིན་པར་རྒྱ་གར་གྱི་གནའ་བོའི་རིག་གཞུང་ཁག་ལ་དེ་མཚུངས་ཀྱི་དོ་སྣང་དང་སློབ་གཉེར་གནང་ཐོག་དེང་དུས་ཀྱི་རྒྱ་གར་བ་རྣམས་ནས་རང་ཉིད་ཀྱི་གནའ་བོའི་རིག་གཞུང་དེ་དག་སླར་གསོ་གནང་དགོས་ཀྱི་རེད་ཅེས་ལམ་སྟོན་བཀའ་སློབ་བསྩལ་ཡོད་པ་རེད། གཞན་ཡང་སྐབས་དེར་མགོན་པོ་༸གང་ཉིད་མཆོག་གིས་ཟླ་བ་འདིའི་ཚེས་ ༡༥ ནས་ ༢༠ བར་ཨ་ཕི་རི་ཀའི་རྒྱལ་ཁབ་བྷོ་རྩ་ཝ་ན་ནང་ཆིབས་སྒྱུར་མཛད་དེ་ཁུལ་དེའི་སེམས་དང་སྲོག་གི་བགྲོ་གླེང་ལྷན་ཚོགས་ཐོག་དབུ་བཞུགས་གནང་སྟེ་སྲིད་འཛིན་སྐུ་ཞབས་ Khama མཆོག་དང་༸གང་ཉིད་མཆོག་གི་ཐུགས་ཉེ་བའི་མཛའ་གྲོགས་ཡི་ཤུའི་ཆོས་དཔོན་...