ལི་ཝར་པུལ་རྐང་སྤོལ་རུ་ཁག་ལ་རྒྱ་ནག་དང་ཚོང་འབྲེལ་གྲོས་མཐུན་ཕྱིར་འཐེན་དགོས་པའི་ཞུ་འབོད་གནང་བ།

ཁ་སང་དབྱིན་ཡུལ་གྲོས་ཚོགས་ཀྱི་འཐུས་མི་ ༢༥ ནས་དབྱིན་ཡུལ་ Liverpool རྐང་རྩེད་སྤོ་ལོ་རུ་ཁག་ལ་ཕྱག་བྲིས་ཤིག་གནང་སྟེ་རུ་ཁག་དེའི་ངོས་ནས་བོད་ཀྱི་དྭངས་ཆུ་ཚོང་ལས་ཁང་ Tibet Water Resources Ltd. དང་ཚོང་འབྲེལ་གྲོས་མཐུན་བཞག་པ་དེ་ནི་རྐང་སྤོལ་རུ་ཁག་གི་འགྲོ་བ་མིའི་ཐོབ་ཐང་ལངས་ཕྱོགས་དང་ཡོངས་སུ་མི་མཐུན་ཚུལ་འགྲེལ་བརྗོད་ཀྱིས་གྲོས་མཐུན་ཕྱིར་འཐེན་དགོས་པར་ཞུ་འབོད་གནང་འདུག དེ་ཡང་ Free Tibet བོད་རང་དབང་ཚོགས་པའི་དྲ་གནས་ཐོག་གནས་ཚུལ་སྤེལ་བར་གཞིགས་ན། དབྱིན་ཡུལ་གྲོས་ཚོགས་ཀྱི་འཐུས་མི་རྣམས་ཀྱིས་ཕུལ་བའི་ཕྱག་ཡིག་དེའི་ནང་། རྒྱ་ནག་གི་བོད་ཀྱི་དྭངས་ཆུ་ཚོང་ལས་ཁང་དེས་ཤེལ་དམ་གྱི་འཐུང་ཆུ་བཙོང་བ་དང་རྒྱ་ནག་གིས་དབང་སྒྱུར་འོག་ཡོད་པའི་བོད་ལ་བཀོལ་སྤྱོད་བྱེད་པའི་ཐོན་སྐྱེད་ཞིག་ཡིན་པ་དང་། དབྱིན་ཡུལ་ Liverpool རྐང་རྩེད་སྤོ་ལོ་རུ་ཁག་གིས་རྒྱ་ནག་དང་ལྷན་དུ་ཚོང་འབྲེལ་གྲོས་མཐུན་བཞག་པ་དེ་ནི་འགྲོ་བ་མིའི་ཐོབ་ཐང་ལངས་ཕྱོགས་དང་མི་མཐུན་པ་ཞིག་ཡིན་པས་གྲོས་མཐུན་དེ་ངེས་པར་དུ་ཕྱིར་འཐེན་བྱེད་དགོས་ཞེས་ཞུ་འབོད་གནང་བ་དང་ཆབས་ཅིག ལི་ཝར་པུལ་རྐང་སྤོལ་རུ་ཁག་གི་ངོས་ནས་འགྲོ་བ་མིའི་ཐོབ་ཐང་གོང་འཕེལ་དང་སྲུང་སྐྱོབ་གནང་རྒྱུའི་དམ་བཅའ་བསྐྱར་དུ་གཏན་འབེབས་དགོས་པའི་རེ་སྐུལ་བསྐྱར་ནན་གནང་ཡོད་པ་འཁོད་འདུག དབྱིན་ཡུལ་ནང་རྟེན་གཞི་བྱས་པའི་ Bristol གྲོང་ཁྱེར་གྱི་གྲོས་ཚོགས་འཐུས་མི་ལྕམ་ Kerry McCarthy མཆོག་དང་བྱང་...