སུ་ཝེ་ཌན་དང་བོད་གཉིས་ཀས་དབུ་མའི་ལམ་གྱི་ལྟ་གྲུབ་གཅིག་པ་འཛིན་གྱི་ཡོད་པས་བོད་དོན་ལ་རྒྱབ་སྐྱོར་གནང་གི་ཡོད་ཅེས་གསུངས་སོང་།

དེ་རིང་ཟླ་ ༨ ཚེས་ ༣༡ ཉིན་སྔ་དྲོ་ཚོུད་ ༡༠ སྟེང་དྷ་ས་གངས་སྐྱིད་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ་སུ་ཝེ་ཌན་ལྗང་ཁུ་ཚོགས་པའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་མི་སྐུ་ཞབས་ Carl Schlyter ལགས་དང་། སུ་ཝེ་ཌན་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ Mattias bjornersedt ལགས། སུ་ཝེ་ཌན་བོད་རིགས་ཚོགས་པའི་ཚོགས་གཙོ་འཇམ་དབྱངས་ཆོས་སྒྲོན་ལགས་བཅས་མི་སྣ་གསུམ་བཞུགས་སྒར་དུ་ཆེད་ཕེབས་ཀྱིས་གསར་འགོད་ལྷན་ཚོགས་ཤིག་བསྐོང་ཚོགས་གནང་སོང་། གསར་འགོད་ལྷན་ཚོགས་ཀྱི་ཐོག་མར་སུ་ཝེ་ཌེན་བོད་རིགས་ཚོགས་པའི་ཚོགས་གཙོ་འཇམ་དབྱངས་ཆོས་སྒྲོན་ལགས་ཀྱིས་ང་ཚོ་འདིར་བཅར་བ་ནི་སུ་ཝེ་ཌན་གྲོས་ཚོགས་བོད་དོན་རྒྱབ་སྐྱོར་ཚོགས་པ་དང་སུ་ཝེ་ཌན་བོད་དོན་རྒྱབ་སྐྱོར་ཚོགས་པ་གཉིས་ནས་བོད་དོན་ལ་རྒྱབ་སྐྱོར་ཞུ་ཕྱིར་ཡིན་སྐོར་དང་། སུ་ཝེ་ཌན་བོད་རིགས་ཚོགས་པ་ནི་ཧ་ཅང་ཆུང་ཆུང་ཞིག་རེད། སུ་ཝེ་ཌན་ནང་ཁྱོན་བོད་མི་ ༡༤༠ ཙམ་ལས་མེད་པ་སོགས་ངོ་སྤྲོད་གནང་སོང་། སྐབས་དེར་སྐུ་ཞབས་ Carl Schlyter ལགས་ཀྱིས་ད་རེས་ཁོང་རྣམས་ནས་རྡ་རམ་ས་ལར་འཚམས་གཟིགས་སུ་ཕེབས་པ་དེའི་བརྒྱུད་སུ་ཝེ་ཌན་ནང་དུ་བོད་དོན་སྐོར་གླེང་སློང་མང་ཙམ་ཡོང་བར་ཕན་ཐོགས་ཡོང་རྒྱུར་རེ་བ་གནང་བཞིན་ཡོད་སྐོར་དང། སུ་ཝེ་ཌན་དེ་བཞིན་འདས་པའི་ལོ་ ༢༠༣...