སྟོབས་རྒྱལ།

ཕྱི་ཟླ་ ༣ ཚེས་ ༩ ཉིན་གྱི་སྔ་དྲོ་རྒྱ་ནག་གི་ཨན་ཧུའེ་ཞིང་ཆེན་ཧང་ཧྲན་ནས་བསྡུས་པའི ༢༠༡༩ ལོའི་རྒྱལ་ཡོངས་འདུར་རྒྱུག་འགྲན་བསྡུར་ཆེན་མོ་དང་འཛམ་གླིང་ལུས་རྩལ་འགྲན་བསྡུར་གྱི་སྤྱི་ལེ་ ༥༠ འི་འདེམས་སྒྲུག་འགྲན་བསྡུར་ནང་བུད་མེད་དར་མའི་ཚན་ཆུང་གི་སྤྱི་ལེ ༥༠ འི་འདུར་རྒྱུག་འགྲན་བསྡུར་ཁྲོད་མཚོ་སྔོན་གྱི་ལུས་རྩལ་པ་ཀླུ་མོ་མཚོས་ཆུ་ཚོད་བཞི་དང་སྐར་མ་གསུམ་སྐར་ཆ་ལྔ་བཅུ་ལྔ་གཅིག་གིས་འཛམ་གླིང་གི་ཟིན་ཐོ་གསར་པ་ཞིག་བཞག་འདུགཐེངས་འདིའི་འགྲན་བསྡུར་སྟེང་རྒྱལ་ཡོངས་ས་གནས་ཁག་གི་འཐུས་མིའི་རུ་ཁག་ ༢༥ དང་མི་གྲངས་ ༧༠༠ ལྷག་གིས་མཉམ་ཞུགས་བྱས་ཡོད་པ་རེད། དེའི་ཁྲོད་དུ་འདུར་རྒྱུག་ལུས་རྩལ་པ་གྲགས་ཅན་ལིའུ་ཧུང་དང་ཆོས་དབྱངས་སྐྱིད། ལུའི་ཤིའུ་ཀྲི་སོགས་ཞུགས་ཡོད་པ་ལྟར། མཐར་འདུར་རྒྱུག་འདེམས་སྒྲུག་འགྲན་བསྡུར་བུད་མེད་དར་མའི་ཚན་ཆུང་གི་སྤྱི་ལེལྔ་བཅུ་ཡི་འདུར་རྒྱུག་འགྲན་བསྡུར་ཁྲོད་བསྡོམས་པས་མི་ ༡༤ བདམས་ཐོན་བྱུང་པ་རེད། མཚོ་སྔོན་གྱི་ལུས་རྩལ་པ་ཀླུ་མོ་མཚོས་ཆུ་ཚོད་བཞི་དང་སྐར་མ་གསུམ་སྐར་ཆ་ལྔ་བཅུ་ལྔ་གཅིག་གིས་འགྲན་བསྡུར་དེ་ལས་འཛམ་གླིང་གི་ཟིན་ཐོ་གསར་པ་བཞག་འདུག རྩ་བའི་རྒྱལ་མཚམས་བརྒལ་བའི་རྐང་རྒྱུག་འགྲན་བསྡུར་ཞེས་པ་ནི་རྒྱ་ནག་གི་ནང་དུ་ཕྱི་ལོ་ ༢༠༡༧ ལས་འགོ་བཙུགས་ཡོད་པ་དང་། ཐེངས་འདིའི་ལུས་རྩལ་འགྲན་བསྡུར་དེ་ཟླ་...