ཨོ་གླིང་གི་ Box Hill ཉེན་རྟོག་ཁང་གིས་རྒྱ་ནག་གི་རྒྱལ་སྟོན་དུས་ཆེན་ལ་རྒྱལ་དར་བསྒྲེངས་བར་སྐྱོན་བརྗོད།

དེ་རིང་ The  Australian  ཞེས་པའི་གསར་ཁང་གིས་གནས་ཚུལ་སྤེལ་བར་རྒྱ་ནག་དམར་ཤོག་སྲིད་གཞུང་བཙུགས་ནས་མི་ལོ་ ༧༠ འཁོར་བའི་དུས་དྲན་དང་བསྟུན་ཨོ་གླིང་གི་ Box Hill ཞེས་པའི་གྲོང་སྡེ་ཡི་ཉེན་རྟོག་ཁང་གིས་རྒྱ་ནག་གི་རྒྱལ་སྟོན་དུས་ཆེན་གྱི་རྟེན་འབྲེལ་དུ་ལས་ཁུངས་སུ་རྒྱ་ནག་གི་རྒྱལ་དར་འཕྱར་བ་དང་རྒྱལ་གླུ་བཏང་བ་སོགས་ཀྱི་གནད་དོན་བྱུང་ཡོད་པ་རེད། གནས་ཚུལ་དེ་དང་འབྲེལ་ནས་ Victoria མངའ་སྡེ་ཡི་ཕྱོགས་འགལ་ཚོགས་པའི་ཚོགས་གཙོ་སྐུ་ཞབས་ Michael O’Brien ལགས་ཀྱིས་ཨོ་གླིང་གི་ཉེན་རྟོག་ཁང་དུ་རྒྱ་ནག་གི་རྒྱལ་དར་སྒྲེང་འཛུགས་བྱས་པ་དེར་སྐྱོན་བརྗོད་ཚ་ནན་བྱས་ཏེ་རྒྱ་ནག་གིས་ཟླ་ ༡ ཚེས་ ༢༦ གི་ཨོ་གླིང་གི་རྒྱལ་སྟོན་དུས་ཆེན་སྲུང་བརྩི་བྱས་ཏེ་རྒྱལ་དར་སྒྲེང་འཛུགས་བྱེད་ཀྱི་རེད་དམ་ནམ་ཡང་སྲིད་ཀྱི་མ་རེད་ཅེས་བསྒྲགས་པ་དང་ལྷན་དུ་ཐེངས་འདིར་ཨོ་གླིང་གི་ཉེན་རྟོག་ཁང་ཞིག་གིས་རྒྱ་ནག་གི་རྒྱལ་དར་སྒྲེང་འཛུགས་བྱས་པ་དེ་བརྡ་སྟོན་སྐོར་ལོག་གི་ནོར་འཁྲུལ་ཆེན་པོ་ཞིག་ཡིན་པ་མ་ཟད། ཨོ་གླིང་གི་རྒྱལ་ཁབ་ངོ་གནོངས་དགོས་བའི་གནད་དོན་ཞིག་ཡིན་པར་བརྟེན་ཉེན་རྟོག་ཁང་དེ་ཡི་འགོ་ཁྲིད་ཀྱིས་གནད་དོན་དེའི་ཐོག་ཐུགས་ཞིབ་གནང་དགོས་པ་གསུངས་འདུག ས་གནས་ཀྱི་ཡུལ་མི་མང་པོས་ཀྱང་ཐེངས་འདིའི་རྒྱ་ནག་གི་རྒྱལ་དར་སྒྲེང་འཛུགས་ཀྱི་གནད་དོན་དེ་ནི་འོས་འཚམས་ཤིག་མིན་པར་བརྗོད་མཁན་མང་པོ་འབྱུང་བཞིན་པ་དང་། ཧོང་ཀོང་གི་ལས་འགུལ་བ་རྣམས་ཀྱིས་ཀྱང་ twitter དྲྭ་ངོས་སུ་ Victoria ཉེན་རྟོག་ཁང་གི་མིང་ཐོག་...