ཨོ་སི་ཊོ་ལི་ཡས་བོད་ནང་འདྲ་མཉམ་འགྲུལ་སྐྱོད་ཀྱི་ཁྲིམས་འཆར་གཏན་འབེབས་གནང་གལ་ཡིན་པ་གསལ་འདོན།

འདས་པའི་བདུན་ཕྲག་འདིའི་ནང་ Australia དང་རྒྱ་ནག་གཉིས་ཀྱི་འབྲེལ་ལམ་ཐད་དཀའ་ངལ་གང་བྱུང་བ་དེས་ཨོ་སི་ཊོ་ལི་ཡའི་ངོས་ནས་རང་ཉིད་ཀྱི་བཞེངས་ཕྱོགས་དེ་མཁྲེགས་པོར་འཛིན་ཏེ་བོད་དང་ཤིན་ཅང་། ཧོང་ཀོང་བཅས་ཀྱི་གནད་དོན་ཐོག་ལས་དོན་གནང་ཤུགས་ཆེ་རུ་གཏང་དགོས་གལ་ཇི་ཆགས་གསལ་འདོན་བྱས་ཡོད་ཅེས་གསུངས་འདུག དེ་ཡང་བདུན་ཕྲག་སྔོན་མའི་ནང་ Australia ཡི་ Liberal ཆབ་སྲིད་ཚོགས་པའི་གྲོས་ཚོགས་འཐུས་མི་སྐུ་ཞབས་ Andrew Hastie ལགས་དང་ James Paterson ལགས་གཉིས་ལ་རྒྱ་ནག་གཞུང་ནས་ཡུལ་དེའི་ནང་ཤེས་ཡོན་དང་འབྲེལ་བའི་འཚམས་གཟིགས་སླད་ཕེབས་རྒྱུའི་མཐོང་མཆན་སྤྲད་མེད་པའི་གནས་ཚུལ་ཐོན་པ་ལྟར་ཨོ་སི་ཊོ་ལི་ཡའི་ Sydney གྲོང་ཁྱེར་ནང་རྟེན་གཞི་བྱས་པའི་ ATC Australia བོད་དོན་ལྷན་ཁང་གིས་ད་རེས་ཀྱི་གོ་སྐབས་དེ་དང་འབྲེལ་ཏེ་ཡུལ་དེའི་གྲོས་ཚོགས་ནས་རྒྱ་ནག་གི་མགོ་ཁྲིད་ Australia ནང་བསྐྱོད་རྒྱུར་བཀག་སྡོམ་སླད་ཕར་འགྲོ་ཚུར་འོང་གི་རང་དབང་འདྲ་མཉམ་དགོས་པའི་གྲོས་ཆོད་བཞག་གལ་ཆེ་བའི་ཞུ་སྐུལ་གནང་འདུག རྩ་བའི་སྐུ་ཞབས་ Hastie ལགས་དང་...