Tibetan Royal Year of 2151 | Year of the Wood Dragon

ཆོས་བརྒྱུད་ལུང་ཚན་ནང་ཁུལ་དམ་ཚིག་གཙང་མ་ཞིག་བྱུང་ན། ངོས་ནས་ཀྱང་རིང་དུ་འཚོ་བའི་འཕེན་པ་ཤུགས་དྲག་བྱེད།

Tibetan News Headlines

  • Press watchdog RSF: China’s communist regime leads world in repression of journalistic rights
  • Sikyong Penpa Tsering meets President of South Tyrol, before leaving for Berlin
  • Xi Jinping faces strong protests from Tibetans and rights advocates in Paris
  • Nancy Pelosi honored with Presidential Medal of Freedom, US highest civilian award
  • Tibetan MMA fighter Rinchen Griffithsgolha makes history with first professional victory
  • History Feature: Panchen Rinpoche’s Footprints Across Tibet

རེས་གཟའ་ཟླ་བ། ༢༠༢༤།༠༥།༠༦

  • རྒྱ་ནག་ནི་གསར་འགོད་རང་དབང་གི་གནས་སྟངས་ཆེས་ཞན་ཤོས་ཡིན་པ་ཐེར་འདོན།
  • སྲིད་སྐྱོང་མཆོག་ལྷོ་ཊེ་རོལ་རང་སྐྱོང་མངའ་སྡེའི་སྲིད་འཛིན་དང་མཇལ་མོལ་གནང་རྗེས་འཇར་མ་ནིའི་རྒྱལ་ས་ Berlin དུ་ཕེབས་འབྱོར།
  • ཞི་ཅིན་ཕིང་ལ་ཧྥ་རན་སིར་བསླེབས་སྐབས་བོད་མིས་ངོ་རྒོལ།
  • ལྕམ་ Pelosi མཆོག་ཨ་རིའི་ལོ་རྒྱུས་ནང་གྲོས་ཚོགས་ཀྱི་ཚོགས་གཙོ་ཆེས་རླབས་ཆེན་ཞིག་ཡིན་པའི་ཆེ་བསྟོད།
  • བོད་མི་ཞིག་གིས་ཁུ་ཚུར་དྲག་རྩལ་གྱི་ཆེད་ལས་རྩེད་འགྲན་ནང་ཆེས་ཐོག་མ་མཉམ་ཞུགས་ཀྱིས་རྒྱལ་ཁ་ཐོབ་འདུག
  • བོད་ཀྱི་རྒྱལ་རབས་དང་ལོ་རྒྱུས། ༸པཎ་ཆེན་ཨེར་ཏེ་ནི་ཞིབ་འཇུག་ལས་ལེའུ་དྲུག་པ་བོད་ཁམས་ཞབས་ཀྱིས་བཅགས་པ།

བལ་ཡུལ་ནང་དུ་རྟེན་གཞི་བྱས་པའི་ཤྲི་ཆུ་བཟང་གྲྭ་ཚང་དུ་བལ་ཡུལ་དགེ་ལྡན་ལྷན་ཚོགས་ཀྱི་གོ་སྒྲིག་འོག་ཆོས་བརྒྱུད་རིས་མེད་ཀྱི་དགོས་སྡེ་ཁག་གི་གྲྭ་བཙུན་རྣམས་ལྷན་ཞུགས་ཐོག་འཇང་དགུན་ཆོས་ཆོས་ཐོག་ཆེན་མོ་ཐེངས་ ༡༢ པ་དེ་ཁ་ཉིན་ཕྱི་ཚེས་ ༩ ཉིན་དབུ་འཛུགས་གནང་ཡོད་པ་ལྟར་སྤྱི་ནོར་༸གང་ས་༸སྐྱབས་མགོན་ཆེན་པོ་མཆོག་གིས་ཐེངས་འདིའི་ཆོས་ཐོག་ཐོག་བཀའ་ཡིག་སྩལ་བའི་ནང་ཆོས་ཐོག་ལ་ཡི་རང་བསྔགས་བརྗོད་མཛད་པ་དང་ཆབས་ཅིག་ཆོས་བརྒྱུད་ལུང་ཚན་ནང་ཁུལ་དམ་ཚིག་གཙང་མ་ཞིག་བྱུང་ན། མགོན་པོ་༸གང་ཉིད་མཆོག་ནས་ཀྱང་བསྟན་འགྲོའི་ཕན་བདེར་དམིགས་ཏེ་སྐུ་ཚེ་ཡུན་རིང་མཛད་པའི་འཕེན་པ་ཤུགས་དྲག་མཛད་ཀྱི་ཡོད་ཅེས་བཀའ་བཞེས་བཟང་པོ་སྨིན་སྩལ་མཛད་འདུགབལ་ཡུལ་དགེ་ལྡན་ལྷན་ཚོགས་ནི། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགོན་པའི་ནང་བསླབ་པ་སློབ་གཉེར་གནང་རྒྱུ་གལ་ཆེན་པོ་ཡིན་པ་སོགས་ཀྱི་བཀའ་སློབ་ལམ་སྟོན་མཛད་པའི་འོག་དབུ་འཛུགས་གནང་བ་ཞིག་ཡིན་པ་དང་། བལ་ཡུལ་དགེ་ལྡན་ལྷན་ཚོགས་ཀྱི་གོ་སྒྲིག་འོག་ཁུལ་དེའི་ནང་ལྷན་ཚོགས་དེའི་ཁྱབ་ཁོངས་དགོན་སྡེ་ཁག་གི་སློབ་གཉེར་བ་རྣམས་འདུ་འཛོམས་ཀྱིས་ཚད་མའི་གཞུང་ལ་སློབ་གཉེར་གནང་ཕྱིར་འཇང་དགུན་ཆོས་ཀྱི་ཆོས་ཐོག་ཆེན་མོ་དེ་ལོ་ལྟར་ཚོགས་སྲོལ་ཡོད་པ་ལྟར་འདི་ལོའི་ཆོས་ཐོག་འདི་ཕྱི་ཚེས་ ༩ ནས་དབུ་འཛུགས་ཀྱིས་ཚེས་ ༢༣ བར་འཚོགས་རྒྱུ་ཡིན་པ་རེད།སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྩལ་བའི་བཀའ་ཡིག་ནང་བལ་ཡུལ་དགེ་ལྡན་ཤེས་ཡོན་ལྷན་ཚོགས་དངོས་སུ་བཙུགས་པ་ནས་བཟུང་དགེ་བཤེས་རབ་འབྱམས་པའི་བར་སློབ་གཉེར་བྱ་རྒྱུའི་གོ་སྐབས་བསྐྲུན་ཏེ་ལོ་རེ་བཞིན་ཡར་རྒྱས་ཀྱི་རྣམ་པ་གསལ་ཐོན་ཐོག རྣམ་འགྲེལ་དགུན་ཆོས་རིང་ཆོས་བརྒྱུད་གཞན་ནས་ཀྱང་མཉམ་ཞུགས་གནང་མུས་བཅས་ཀྱི་གཏམ་བཟང་ལ་མགོན་པོ་༸གང་ཉིད་མཆོག་གིས་བསྔགས་བརྗོད་མཛད་བཞིན་ཡོད་སྐོར་བཀའ་གནང་བ་དང་འབྲེལ། རྒྱལ་བའི་གསུང་རབ་ལ་ཐོས་བསམ་སློབ་གཉེར་གྱིས་ཐོས་དོན་རྣམས་རང་ཉིད་ཀྱི་རྒྱུད་ལ་སྦྱར་ཏེ་སྒོ་གསུམ་གྱི་སྤྱོད་ཚུལ་ཐོག་ཉམས་རྟོགས་ཀྱི་མཚན་མ་ཐོན་པ་ཞིག་ཡོང་ཐབས་འབད་འབུངས་ཧུར་བསྐྱེད་གནང་དགོས་གལ་ཡིན་པའི་ལམ་སྟོན་སྩལ་ཡོད། གཙོ་ཆེ་ཆོས་བརྒྱུད་ལུང་ཚན་ཐོག་ཅོལ་ཆུང་རྨོངས་ཞེན་གྱི་ཕྱོགས་རིས་ཕྱི་བའི་གཏམ་གླེང་རིགས་མངོན་ལྐོག་གང་ལའང་མེད་པར། ནང་ཁུལ་དམ་ཚིག་གཙང་མ་ཞིག་བྱུང་ན། ངོས་ནས་ཀྱང་བསྟན་འགྲོའི་ཕན་བདེར་དམིགས་ཏེ་རིང་དུ་འཚོ་བའི་འཕེན་པ་ཤུགས་དྲག་བྱེད་ཅེས་བཀའ་བཞེས་བཟང་པོ་སྨིན་སྩལ་མཛད་འདུག

བལ་ཡུལ་ཤྲི་ཆུ་བཟང་གྲྭ་ཚང་དུ་ཕྱི་ཚེས་ ༩ ཉིན་ཚོགས་པའི་འཇང་དགུན་ཆོས་ཀྱི་དབུ་འབྱེད་མཛད་སྒོ་ཐོག་སྐུ་མགྲོན་གྱི་གཙོ་བོ་བལ་ཡུལ་སྐུ་ཚབ་དོན་གཅོད་རྩིབས་རི་ལོ་པཎ་སྤྲུལ་སྐུ་ངག་དབང་མཆོག་གྲུབ་མཆོག་དང་། ༸སྐྱབས་རྗེ་ཆུ་བཟང་རིན་པོ་ཆེ་མཆོག བལ་ཡུལ་ནང་པའི་ཚོགས་ཆེན། བལ་ཡུལ་གཞུང་གི་དགོན་པ་ཡར་རྒྱས་ཚོགས་པ་བཅས་ཀྱི་ལས་ཀྱི་སྣེ་མོ་བ་གཙོས་དགོན་སྡེ་ཁག་གི་མཁན་བླ་སྤྲུལ་རྣམ་པ། གཞུང་འབྲེལ་དང་གཞུང་འབྲེལ་མིན་པའི་ཚོགས་སྒེར་ཁག་གི་སྐུ་ཚབ། དེ་བཞིན་མི་མང་བཅས་ཁྱོན་མི་གྲངས་སྟོང་ཕྲག་གཅིག་ལྷག་ལྷན་འཛོམས་གནང་ཡོད།

 

 

འབྲེལ་ཡོད་གསར་གནས།

གསར་གནས།