དབུས་བོད་ཀྱི་བེུད་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༡༢ ཐོག་བཙན་བྱོལ་བོད་མིའི་འོས་བསྡུ་སྒྲིག་གཞི་བསྐྱར་བཅོས་ཐད་ས་གནས་རྒྱུན་ལས་ཚོགས་མི་ཚོས་དགོངས་འཆར་ཕུལ་ཏེ་གླེང་སློང་ཤུགས་ཆེ་ག
ནང་འདུག
དེའང་དབུས་བོད་ཀྱི་བེུད་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༡༢ དེ་ཟླ་འདིའི་ཚེས་ ༨ ཉིན་ནས་དབུ་འཛུགས་ཀྱིས་ཚེས་ ༡༣ བར་རྒྱ་གར་ལྷོ་ཕྱོགས་ནང་རྟེན་གཞི་བྱས་པའི་བོད་མིའི་གཞིས་སྒར་ཧུན་སུར་རབ་རྒྱས་གླིང་ནང་གཟའ་འཁོར་གཅིག་རིང་འཚོགས་ཡོད་པ་རེད།
ད་ལན་གྱི་ཚོགས་འདུ་དེའི་ནང་དབུས་བོད་ཀྱི་བེུད་ལྷན་ཚོགས་ཀྱིས་གཙོས་ས་གནས་ཁག་ ༣༠ ནས་ཆེད་བཅར་ཞུས་པའི་རྒྱུན་ལས་ཚོགས་བཅར་བ་ཁྱོན་མི་གྲངས་ ༡༠༥ ལྷག་ལྷན་འཛོམས་ཐོག་ཕན་ཚུལ་དབར་གྲོས་བསྡུར་རིམ་པ་གནང་སྟེ་མ་འོངས་པའི་ལས་དོན་གནང་ཕྱོགས་དང་འབྲེལ་བའི་གྲོས་གཞི་མི་འདྲ་བ་ཁག་དགུའི་ཐོག་གྲོས་ཆོད་གཏན་འབེབས་གནང་འདུག
དེའང་བོད་ནང་ཛ་དྲག་གནས་སྟངས་ལ་གདུང་སེམས་མཉམ་བསྐྱེད་ཀྱི་ལས་འགུལ་སྤེལ་ཕྱོགས་དང་། ༸གོང་ས་མཆོག་གི་༸སྐུ་ཕྱྭ་དང་བཀའ་དགོངས་ཚུ
ལ་བཞིན་བསྒྲུབ་ཐབས། དབུ་མའི་ལམ་གྱི་སྲིད་བྱུས་མུ་མཐུད་རྒྱུན་སྐྱོང་གནང་རྒྱུ་དང་གོ་རྟོགས་སྤེལ་ཕྱོགས། བོད་མིའི་མི་འབོར་འཕེལ་སྐྱེད་དང་ཕྲུ་གུར་སློབ་ཡོན་རོགས་རམ་གནང་ཕྱོགས། བོད་ཀྱི་བེུད་ལྷན་ཚོགས་ཀྱི་སྒྲིག་འཛུགས་སྔར་ལྷག་ཚགས་ཚུད་ཡར་རྒྱས་ཡོང་ཐབས། བོད་ཀྱི་བསྟན་སྲིད་ཁོར་ཡུག་དང་བཅས་པ་ཉམས་ཆག་གུད་དུ་འགྲོ་བཞིན་པ་ལས་སྐྱོབ་ཐབས། བོད་ཀྱི་སྐད་ཡིག་སྲུང་སྐྱོབ་ཀྱི་མཚོན་པའི་ཤེས་ཡོན་ཡར་རྒྱས་དང་ནུས་སྟོབས་གོང་མཐོར་གཏོང་ཕྱོགས་བཅས་ཡིན་པ་རེད།
ཚོགས་གཙོ་སྒྲོལ་མ་དབྱངས་འཛོམས་ལགས་ཀྱིས་ད་ལྟའི་ཆར་བོད་ཀྱི་བེུད་ལྷན་ཚོགས་ནང་དུ་མཐོ་རིམ་སློབ་གཉེར་ཁང་དུ་སྐྱོད་བཞིན་པའི་བོད་ཀྱི་བེུད་གཞོན་སྐྱེས་ཁྲོད་ནས་མཉམ་ཞུགས་གནང་མཁན་ཧ་ཅང་ཉུང་ཉུང་ཡིན་སྟབས། མ་འོངས་པར་བེུད་དེ་དག་བེུད་ཚོགས་པ་ཁག་གི་ནང་མཉམ་ཞུགས་ཐུབ་པ་ཡོང་རྒྱུར་འབད་བརྩོན་ཞུ་རྒྱུ་ཡིན་ཅེས་གསུངས་ཀྱི་འདུག
གཞི་རྩའི་བོད་ཀྱི་བེུད་ལྷན་ཚོགས་ནི་དེ་སྔ་ཕྱི་ལོ་ ༡༩༨༤ ལོའི་ཟླ་ ༩ ཚེས་ ༡༠ ཉིན་སླར་གསོ་བྱུང་ཞིང་། ཚོགས་པ་དེ་བོད་ཀྱི་ལོ་རྒྱུས་ནང་བུད་མེད་ཀྱི་ཚོགས་པ་ནུས་ཤུགས་ཆེ་ཤོས་ཤིག་དང་། བཙན་བྱོལ་ནང་དུ་བོད་པའི་བུད་མེད་ཀྱི་ཚོགས་པ་རྙིང་གྲས་ཤིག་དང་གཅིག་པུ་དེ་ཡིན་པ་མ་ཟད། ད་ལྟའི་ཆར་ཚོགས་པ་འདིར་རྒྱ་གར་གཙོས་པའི་ཨ་རི་དང་ཡུ་རོབ་སོགས་འཛམ་གླིང་ཡུལ་གྲུ་གང་སར་ས་གནས་ཡན་ལག་ཁག་ ༥༧ དང་། ཚོགས་མི་ ༡༧༠༠༠ ལྷག་ཡོད་པ་རེད།
