བོད་ས་ཁྱོན་ཡོངས་སུ་བོད་ཟླ་ ༡༠ པའི་ཚེས་ ༢༥ ཉིན་རྗེ་ཙོང་ཁ་པ་ཆེན་པོ་མཆོག་གི་དགོངས་རྫོགས་ཏེ་དགའ་ལྡན་ལྔ་མཆོད་ཅེས་སྲུང་བརྩི་གནང་སྲོལ་ཡོད་པ་ལྟར། ཁ་ཉིན་ཕྱི་ཚེས་ ༢༡ ཉིན་དགའ་ལྡན་ལྔ་མཆོད་ཀྱི་དུས་ཚིགས་དེར་འཁེལ་བ་དང་བསྟུན། བོད་མི་ཡོངས་ཀྱིས་མཆོད་མེ་ཕུལ་བ་སོགས་ཆོས་ཕྱོགས་ཀྱི་བྱེད་སྒོ་སྣ་ཚོགས་ཐོག་ཉིན་མོ་དེ་སྲུང་བརྩི་གནང་ཡོད་ནའང་བོད་ནང་དུ་རྒྱ་གཞུང་གིས་ཉིན་དེར་མཆོད་མཇལ་དང་ཆོས་ཕྱོགས་ཀྱི་བྱེད་སྒོར་མཉམ་ཞུགས་བྱེད་མི་ཆོག་པའི་དམ་དྲག་བྱས་ཡོད་པ་རེད་འདུག
དེ་ཡང་ Bitter Winter ཞེས་པའི་གསར་ཁང་གི་དྲ་གནས་ཐོག་གནས་ཚུལ་སྤེལ་བར་ཞིག་ན། སྲིད་འཛིན་ཞི་ཅིན་ཕིང་གི་འགོ་ཁྲིད་འོག་བོད་མིའིཆོས་དད་རང་དབང་ལ་དྲག་གནོན་ཤུགས་ཆེན་བྱེད་བཞིན་པའི་ཁྲོད། ཁ་ཉིན་དགའ་ལྡན་ལྔ་མཆོད་ཀྱི་དུས་ཚིགས་དང་བསྟུན། རྒྱ་གཞུང་གིས་བཀའ་རྒྱ་ཞིག་བཏང་བའི་ནང་དུ་མི་སུ་ཞིག་གིས་དེ་ཉིན་མཆོད་མཇལ་སོགས་ཆོས་ཕྱོགས་ཀྱི་བྱེད་སྒོར་མཉམ་ཞུགས་བྱེད་མི་ཆོག་པ་དང་། གལ་ཏེ་དེ་ལྟར་བྱེད་མཁན་བྱུང་བ་ཡིན་ན། མཇུག་འབྲས་ངན་པ་འཕྲད་རྒྱུ་ཡིན་པས་འགན་རང་ངོས་ནས་ཁྱེར་དགོས་པ་བརྗོད་འདུག དེའང་སློབ་ཕྲུག་དང་། སློབ་གྲའི་ལས་བྱེད། དེ་བཞིན་གཞུང་གི་ལས་བྱེད་སོགས་གཙོ་བོར་བཟུང་ནས་བཀའ་ཁྱབ་དེ་བཏང་ཡོད་ནའང་། དེའི་བོད་མིའི་སྤྱི་ཚོགས་ཡོངས་ཀྱི་ཁྲོད་ལ་ཆོས་ཕྱོགས་ཀྱི་བྱེད་སྒོ་སྤེལ་བར་དམ་དྲག་བྱེད་རྒྱུ་ཡིན་པའི་བརྡ་ལན་ཞིག་བཏང་ཡོད་པ་གསུངས་མཁན་འདུག
མ་ཟད་གཞིས་བཞུགས་རྩོམ་པ་པོ་ཚེ་རིང་འོད་ཟེར་ལགས་ཀྱིས་ཁོང་གི་པར་མཛོད་ནང་དུ་གཙུག་ལག་ཁང་གི་མདུན་དུ་དམག་མི་ཕོན་ཆེན་འགྲེམས་འཇོག་བྱས་ཡོད་པའི་བརྙན་ཐུང་ཞིག་བཞག་སྟེ། དོན་དུ་དགའ་ལྡན་ལྔ་མཆོད་ཟེར་བ་ནི་འདི་འདྲ་ཞིག་རེད་ཅེས་ཟུར་བྱས་འདུག
གསར་ཁང་གིས་གནས་ཚུལ་དེ་སྤེལ་བ་དང་འབྲེལ། འདི་ལོ་གསུམ་བཅུའི་དུས་དྲན་དེ་གཟའ་ཉི་མར་ཁེལ་བ་དང་། དེ་བཞིན་འདི་ལོ་༸གོང་ས་མཆོག་གི་འཁྲུངས་སྐར་བཟའ་སྤེན་པར་ཁེལ་སྐབས། རྒྱ་གཞུང་གིས་ཉིན་མོ་དེ་གཉིས་གུང་གསེང་ཡིན་ནའང་འཛིན་གྲྭ་འཚོགས་དགོས་པའི་བཙན་བཀའ་བཏང་བ་སོགས་ཀྱི་གནད་དོན་ལུང་འདྲེན་དང་སྦྲགས། ད་རེས་དགའ་ལྡན་ལྔ་མཆོད་ཉིན་རྒྱ་གཞུང་གི་དམ་དྲག་བྱས་པ་དེ་ནི་རྒྱ་ནག་གཞུང་གིས་བོད་མིའི་ཆོས་ཕྱོགས་དང་ཆབ་སྲིད་ཀྱི་གནད་འགག་ཆེ་བའི་ཉིན་མོ་ཁག་སྲུང་བརྩི་བྱེད་པར་འགོག་ཐབས་བྱས་པའི་གནད་དོན་མང་པོའི་ནང་ནས་གཅིག་ཡིན་པ་མངོན་གསལ་གནང་འདུག
རྩ་བའི་རྒྱ་ནག་གཞུང་གིས་འདས་པའི་ལོ་ཤས་ནང་བོད་ནང་བོད་མིའི་ཆོས་དད་རང་དབང་ལ་དམ་དྲག་ཤུགས་ཆེར་བྱེད་བཞིན་པའི་ཁྲོད། བོད་བརྒྱུད་ནང་བསྟན་སློབ་གླིང་ཆེ་ཤོས་སུ་གྲགས་པའི་བླ་རུང་སྒར་དང་ཡ་ཆེན་སྒར་དུ་གྲྭ་བཙུན་གྱི་གྲངས་འབོར་ཚད་འཛིན་གྱིས་གྲྭ་བཙུན་སྟོང་ཕྲག་མང་པོ་དགོན་པ་ནས་ཕྱིར་ཕུད་བཏང་བ་དང་། གྲྭ་ཤག་ཕྱེད་ཀ་ལས་མང་བ་གཏོར་བཤིག་བཏང་བ། དེ་བཞིན་ཕྱིར་ཕུད་བཏང་བའི་གྲྭ་བཙུན་རྣམས་རང་ཡུལ་དུ་ཕྱིར་ལོག་རྗེས་ཕྱིར་དགོན་པར་ཞུགས་སུ་མ་བཅུག་པ་དང་། གྲྭ་ཆས་སྤྲོས་མི་མཆོག་པ། དེ་བཞིན་ས་ག་ཟླ་བ་སོགས་ཀྱི་ཆོས་ཕྱོགས་ཀྱི་དུས་ཚིགས་ཁྱད་པར་ཅན་གྱི་སྐབས་སུ་བོད་རིགས་ལས་བྱེད་པ་དང་། སློབ་ཕྲུག དེ་བཞིན་དེ་དག་གི་ཕ་མ་རྣམས་ལ་ཆོས་ཕྱོགས་ཀྱི་བྱེད་སྒོའི་ཅི་རིགས་ཀྱི་ནང་མཉམ་ཞུགས་བྱེད་མི་ཆོག་པའི་བཙན་བཀའ་བཏང་བ་སོགས་ཀྱི་བྱ་སྤྱོད་སྤེལ་མུས་ཡིན་པ་རེད།
རྒྱ་གཞུང་གིས་བོད་ནང་དུ་དགའ་ལྡན་ལྔ་མཆོད་སྲུང་བརྩི་བྱེད་པར་དམ་དྲག་བྱས་འདུག
Tibetan News Headlines
- Kelsang Tharchin Reaches Dharamshala After Long Walk to Raise Awareness of Tibetan Language Preservation
- China Launches New Reception Centre for Overseas Tibetans in Qinghai
- NYNJ RTYC Stages 26th ‘10th Day’ Protest Outside Chinese Embassy
- CTA Says China’s ‘Tell China’s Story Well’ Campaign Has Become ‘Tell China’s Lies Well’
- UK Lawmakers Raise Concerns over Chinese Espionage Targeting Parliament
- Nepal seeks stronger global action to address climate change impact on Himalayas at COP31
- India Hits Back at Chinese Vloggers Over Alleged Anti-India Disinformation Campaign in Dhaka
ཪེས་གཟའ་ལྷག་པ། ༢༠༢༦།༡༡།༡༡
- ཀ་ཁ་ག་ང་རྣམ་པར་རྒྱལ་གྱུར་ཅིག་ཅེས་པའི་ལ་དགས་ནས་རྡ་རམ་ས་ལ་བར་གྱི་གོམ་བགྲོད་ལས་འགུལ་མཇུག་སྒྲིལ།
- ཟི་ལིང་གྲོང་ཁྱེར་དུ་མཚོ་སྔོན་ཞིང་ཆེན་རྒྱལ་ཕྱིའི་བོད་རིགས་སྤུན་ཟླའི་སྣེ་ལེན་ས་ཚིགས་ཟེར་བ་ཞིག་སྒོ་འབྱེད་བྱས་འདུག
- ནིའུ་ཡོག་རྒྱ་ནག་གཞུང་ཚབ་མདུན་དུ་ཚེས་བཅུའི་ལས་འགུལ་སྤེལ་འདུག
- རྒྱ་ནག་གི་ལོ་རྒྱུས་ཡག་པོ་ཤོད་དགོས་ཞེས་པ་དེ། དོན་དངོས་སུ་རྒྱ་ནག་གི་རྫུན་གཏམ་ཡག་པོ་བཤད་དགོས་པའི་གོ་དོན་ཡིན་པ་ཐེར་འདོན།
- རྒྱ་ནག་གི་གསང་མྱུལ་གྱི་བྱ་སྤྱོད་ཐད་དབྱིན་ཡུལ་གྲོས་ཚོགས་འཐུས་མི་རྣམས་ནས་སེམས་འཚབ་ཀྱི་རྣམ་པ་མངོན་གསལ།
- ཧི་མ་ལ་ཡའི་རི་རྒྱུད་ཀྱི་གནམ་གཤིས་འགྱུར་ལྡོག་གི་གནད་དོན་ལ་འགན་འཁུར་དགོས་གལ་ཡིན་པ་གསུངས་འདུག
- རྒྱ་མི་བརྙན་ཐུང་བཟོ་མཁན་ཁག་ཅིག་གིས་རྒྱ་གར་ལ་དམའ་འབེབས་བཏང་བར་རྒྱ་གར་གཞུང་གིས་སྐྱོན་བརྗོད་ལན་འདེབས།
