ཨ་རིའི་གཞུང་གི་སྤྱི་དམངས་བདེ་འཇགས་དང་མང་གཙོ། དེ་བཞིན་འགྲོ་བ་མིའི་ཐོབ་ཐང་ཚན་པའི་དྲུང་གཞོན་དང་ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་ Sarah Sewall མཆོག་དེ་རིང་ཉིན་རྒྱབ་བཞུགས་སྒར་དུ་ཕེབས་གནང་སོང་བ་དང། འདི་ག་ Kangra གནམ་ཐང་དུ་བོད་མིའི་སྒྲིག་འཛུགས་ཀྱི་བཀའ་དྲུང་ཀརྨ་པ་དགེ་ལེགས་ལགས་དང་དྲིལ་བསྒྲགས་དྲུང་ཆེ་བཀྲ་ཤིས་ཕུན་ཚོགས་ལགས་སོགས་སྣེ་ལེན་དུ་ཕེབས་འདུག
གནམ་ཐང་དུ་ཕྱི་ནང་གི་གསར་འགོད་པས་ལྕམ་ Sarah Sewall མཆོག་ད་རེས་བཞུགས་སྒར་དུ་ཕེབས་དགོས་དོན་སྐོར་ལ་བཅར་འདྲི་ཞུས་སྐབས། ཁོང་ད་རེས་རྡ་རམ་ས་ལར་སླེབས་པ་དགའ་ཚོར་བྱུང་སོང་།
ཁྱེད་རྣམ་པས་ང་འདིར་ཡོང་དགོས་དོན་ཐོག་ཐུགས་སྣང་གནང་པར་ཐུགས་རྗེ་ཆེ་ཞུ་གི་ཡིན་ཞེས་གསུངས་པ་ལས་གཞན་བཀའ་ལན་གང་ཡང་གནང་མ་སོང། རྩ་བའི་ལྕམ་ Sarah Sewall མཆོག་དང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ལྡི་ལིར་མཇལ་འཕྲད་བྱུང་འདུག་པ་དང། ལྷན་རྒྱས་དེ་རིང་རྡ་རམ་ས་ལར་མཉམ་དུ་ཕེབས་གནང་འདུག
གཞན་ཡང་ད་རེས་ལྕམ་ Sewall མཆོག་དང་ལྷན་དུ་ཨ་རིའི་ USAID རོགས་སྐྱོར་ཚོགས་པའི་འགན་འཛིན་ Jonathan Addleton མཆོག་སོགས་གཞུང་གི་སྐུ་ཚབ་དགུ་ཕེབས་འདུག
འདི་ནས་ཤེས་རྟོགས་བྱུང་བར་གཞིགས་ན། ལྕམ་ Sewall མཆོག་ནས་སང་ཉིན་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུ་གནང་འཆར་འདུག་པ་དང། སྲིད་སྐྱོང་བློ་བཟང་སེང་གེ་མཆོག་དང་ལྷན་དུ་མཇལ་མོལ་ཡང་གནང་གི་ཡོད་པ་རེད་འདུག སང་ཉིན་སྐུ་ཚབ་རྣམ་པ་ཕར་མ་ཕེབས་གོང་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དང་བཙུན་དགོན་སྒྲོལ་མ་གླིང་སོགས་སུ་གཟིགས་སྐོར་ཡང་ཕེབས་འཆར་ཡོད་པ་རེད་འདུག གཞི་རྩའི་ལྕམ་ Sarah Sewell མཆོག་ཕྱི་ལོ་ ༢༠༡༤ ལོར་ཨ་རིའི་བོད་དོན་དམིགས་བསལ་འབྲེལ་མཐུད་པར་བསྐོ་གཞག་བྱུང་རྗེས་ལོ་དེའི་ཕྱི་ཟླ་ ༡༡ ནང་བཞུགས་སྒར་དུ་ཐེངས་དང་པོ་ཕེབས་ནས་༸གོང་ས་མཆོག་མཇལ་ཁ་ཞུས་ཡོད་པ་དང། ད་རེས་བཞུགས་སྒར་དུ་ཕེབས་ཐེངས་གཉིས་པ་ཆགས་ཡོད་པ་རེད།།
ཨ་རིའི་བོད་དོན་དམིགས་བསལ་འབྲེལ་མཐུད་པ་མཆོག་དེ་རིང་བཞུགས་སྒར་དུ་ཕེབས་གནང་སོང་།
Tibetan News Headlines
- Kelsang Tharchin Reaches Dharamshala After Long Walk to Raise Awareness of Tibetan Language Preservation
- China Launches New Reception Centre for Overseas Tibetans in Qinghai
- NYNJ RTYC Stages 26th ‘10th Day’ Protest Outside Chinese Embassy
- CTA Says China’s ‘Tell China’s Story Well’ Campaign Has Become ‘Tell China’s Lies Well’
- UK Lawmakers Raise Concerns over Chinese Espionage Targeting Parliament
- Nepal seeks stronger global action to address climate change impact on Himalayas at COP31
- India Hits Back at Chinese Vloggers Over Alleged Anti-India Disinformation Campaign in Dhaka
ཪེས་གཟའ་ལྷག་པ། ༢༠༢༦།༡༡།༡༡
- ཀ་ཁ་ག་ང་རྣམ་པར་རྒྱལ་གྱུར་ཅིག་ཅེས་པའི་ལ་དགས་ནས་རྡ་རམ་ས་ལ་བར་གྱི་གོམ་བགྲོད་ལས་འགུལ་མཇུག་སྒྲིལ།
- ཟི་ལིང་གྲོང་ཁྱེར་དུ་མཚོ་སྔོན་ཞིང་ཆེན་རྒྱལ་ཕྱིའི་བོད་རིགས་སྤུན་ཟླའི་སྣེ་ལེན་ས་ཚིགས་ཟེར་བ་ཞིག་སྒོ་འབྱེད་བྱས་འདུག
- ནིའུ་ཡོག་རྒྱ་ནག་གཞུང་ཚབ་མདུན་དུ་ཚེས་བཅུའི་ལས་འགུལ་སྤེལ་འདུག
- རྒྱ་ནག་གི་ལོ་རྒྱུས་ཡག་པོ་ཤོད་དགོས་ཞེས་པ་དེ། དོན་དངོས་སུ་རྒྱ་ནག་གི་རྫུན་གཏམ་ཡག་པོ་བཤད་དགོས་པའི་གོ་དོན་ཡིན་པ་ཐེར་འདོན།
- རྒྱ་ནག་གི་གསང་མྱུལ་གྱི་བྱ་སྤྱོད་ཐད་དབྱིན་ཡུལ་གྲོས་ཚོགས་འཐུས་མི་རྣམས་ནས་སེམས་འཚབ་ཀྱི་རྣམ་པ་མངོན་གསལ།
- ཧི་མ་ལ་ཡའི་རི་རྒྱུད་ཀྱི་གནམ་གཤིས་འགྱུར་ལྡོག་གི་གནད་དོན་ལ་འགན་འཁུར་དགོས་གལ་ཡིན་པ་གསུངས་འདུག
- རྒྱ་མི་བརྙན་ཐུང་བཟོ་མཁན་ཁག་ཅིག་གིས་རྒྱ་གར་ལ་དམའ་འབེབས་བཏང་བར་རྒྱ་གར་གཞུང་གིས་སྐྱོན་བརྗོད་ལན་འདེབས།
