༸དཔལ་ལྡན་དགའ་ལྡན་ཕོ་བྲང་ཡིག་ཚང་གིས་སྤྱི་རིམ་གསལ་བསྒྲགས་ཤིག་གནང་འདུག

དེ་རིང་༸དཔལ་ལྡན་དགའ་ལྡན་ཕོ་བྲང་ཡིག་ཚང་གིས་༸སྐུ་སྒེར་བོད་ཡིག་དྲྭ་རྒྱའི་ཐོག་སྐྱེ་འགྲོའི་སྤྱི་མཐུན་ལས་ཀྱིས་སྨིན་པའི་འཛམ་གླིང་འདིའི་ནད་ཡམས་འཁྲུག་རྩོད་ཞི་བ་དང་སྐྱེ་འགྲོའི་བསོད་ནམས་གསོག་ཕྱིར་བླ་ལྷའི་ཐུགས་དམ་དགོངས་དོན་བཞིན་གཟུངས་སྔགས་ཁག་ཅིག་གསོག་སྒྲུབ་གནང་དགོས་གལ་ཡིན་པའི་གསལ་བསྒྲགས་ཤིག་གནང་འདུགསྤྱི་རིམ་གསལ་བསྒྲགས་གནང་བ་དེའི་ནང་དུ་དེང་གི་ཆར་ཡང་སྐྱེ་འགྲོའི་སྤྱི་མཐུན་ལས་ཀྱིས་སྨིན་པའི་འཛམ་གླིང་འདིའི་ནད་ཡམས་འཁྲུག་རྩོད་ཞི་བ་དང་སྐྱེ་འགྲོའི་བསོད་ནམས་གསོག་ཕྱིར། བླ་ལྷའི་ཐུགས་དམ་དགོངས་དོན། མང་ཚོགས་སྤྱི་བྱིངས་ནས་རྒྱུན་དུ་འཕགས་མཆོག་ཐུགས་རྗེ་ཆེན་པོའི་གཟུངས་སྔགས་ཡིག་དྲུག་དང། ཏཱ་རེའི་བསྟོད་པ། འཕགས་མ་སྒྲོལ་མའི་གཟུངས་སྔགས། འཕགས་པ་ཡངས་པའི་གྲོང་ཁྱེར་དུ་འཇུག་པའི་མདོ་ཆེན་པོ་རྒྱུན་བསྲིངས་བསྒྲུབ་དགོས་ཕེབས་བྱུང་ན། གཟུངས་སྔགས་ཁག་མང་ཚོགས་རང་རང་སོ་སོ་ནས་དང། དེ་བཞིན་གཞན་དགོན་སྡེ་ཁག་ནས་རང་དོན་རང་གཅེས་ཀྱིས་བསྒྲུབ་གལ་ཆེ་བའི་འབོད་སྐུལ་དུ་དགའ་ལྡན་ཕོ་བྲང་ཡིག་ཚང་ནས་ཕྱི་ལོ་ ༢༠༢༠ ཟླ་ ༩ ཚེས་ ༢༥ ལ་ཞེས་ཡོངས་ཁྱབ་གནང་འདུག