དེ་རིང་སྔ་དྲོ་ཆུ་ཚོད་ ༩༌༣༠ ཐོག་བོད་མིའི་སྒྲིག་འཛུགས་ཀྱི་བསྟི་གནས་གངས་སྐྱིད་དུ་རྟེན་གཞི་བྱས་པའི་སྲིད་སྐྱོང་ཚོགས་ཁང་དུ་སྐབས་ ༡༧ པའི་བདམས་ཐོན་བོད་མི་མང་སྤྱི་འཐུས་རྣམ་པའི་དམ་འབུལ་དང་འབྲེལ་བའི་དཀའ་རྙོག་སེལ་སླད་ནང་ཁུལ་དབར་བཞུགས་མོལ་ཚོགས་འདུ་ཞིག་དབུ་འཛུགས་གནང་ཡོད། 
འདི་ལོའི་ཕྱི་ཟླ་ ༦ ཕྱི་ཚེས་ ༨ ཉིན་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་སུ་བདམས་ཐོན་བྱུང་བའི་འཐུས་མི་རྣམ་པ་སྡིངས་ཆ་གཅིག་གི་ཐོག་ཏུ་བབས་ནས་ཚོགས་གཙོ་ཚོགས་གཞོན་གྱི་འོས་བསྡུའི་ལས་རིམ་ཐོག་ཕེབས་མ་ཐུབ་པའི་དཀའ་རྙོག་དེ་དེ་མུར་ལྷག་སྟེ་ཟླ་བ་བཞི་ཙམ་འགྲོ་བཞིན་པའི་མཚམས་འདིར་ཕྱི་རྒྱལ་ཁག་ནས་བདམས་ཐོན་བྱུང་བའི་སྤྱི་འཐུས་རྣམ་པས་འགན་བཞེས་པའི་ཐོག་བདམས་ཐོན་སྤྱི་འཐུས་རྣམས་ཀྱི་དམ་འབུལ་དང་འབྲེལ་དཀའ་རྙོག་ཁག་སེལ་ཏེ་གྲོས་ཚོགས་ཀྱི་ཚོགས་གཙོ་ཚོགས་འོས་འདེམས་གནང་རྒྱུ་གཙོས་ལས་རིམ་ཁག་སྔར་རྒྱུན་ལྟར་རྒྱུན་འཁྱོངས་གནང་ཐུབ་ཐབས་ལ་ཆེད་དམིགས་ཀྱིས་ཐེངས་འདིའི་ནང་མོལ་ཚོགས་འདུ་ཚོགས་ཐུབ་པ་ཞིག་བྱུང་ཡོད་པ་དང་། ནང་མོལ་ཚོགས་འདུ་འདི་ད་ལྟའི་ཆར་དེ་རིང་དང་སང་ཉིན་བཅས་ཉིན་གྲངས་གཉིས་ཀྱི་རིང་གནང་རྒྱུ་ཡིན་པ་དང་། དེ་རིང་ཉིན་དང་པོར་དཀའ་རྙོག་དང་འབྲེལ་བའི་ཐོག་ལ་གོ་བསྡུར་དང་ཐབས་ལམ་ཇི་ཡོད་བཀའ་བསྡུར་གནང་རྒྱུ། སང་ཉིན་གཉིས་པར་ཐབས་ལམ་རྣམས་ཕྱོགས་བསྡུས་ཀྱི་གྲོས་ཆོད་འཇོག་རྒྱུ་ཡིན་པ་རེད།
དེ་རིང་ནང་མོལ་ཚོགས་འདུའི་ཐོག་ཨོ་སི་ཀྲེ་ལེ་ཤེ་ཡའི་མངའ་ཁུལ་གྱི་བདམས་ཐོན་སྤྱི་འཐུས་རྡོ་རིང་བསྟན་འཛིན་ཕུན་ཚོགས་ལགས་ཕུད་པའི་གཞན་བདམས་ཐོན་སྤྱི་འཐུས་ ༤༤ ཆ་ཚང་དངོས་སུ་ཆེད་བཅར་གནང་འདུག་པ་དང་། ནང་མོལ་ཚོགས་འདུའི་སྐབས་བདམས་ཐོན་སྤྱི་འཐུས་རྣམས་ནས་ལག་ཐོགས་ཁ་པར་ངེས་པར་དུ་སྒོ་རྒྱག་དགོས་པ་དང་། སྒྲ་འཇུག་དང་བརྙན་ལེན་རིགས་མི་ཆོག་པ། གཞན་གྱི་བཀའ་མོལ་ལ་གསན་འཇོག་གནང་དགོས་པ། སོ་སོའི་འདོད་མོས་དང་མཐུན་མིན་འབྱུང་ཚེ་ཚོགས་ཁང་ནས་ཕྱིར་ཕེབས་པའམ་རྣམ་འགྱུར་ངན་པའི་རིགས་མི་གནང་བ། དེ་བཞིན་ནང་མོལ་ཚོགས་འདུ་མཇུག་མ་བསྒྲིལ་བར་སྒེར་སོ་སོ་ནས་སྤྱི་ཚོགས་དྲ་རྒྱ་དང་བརྒྱུད་ལམ་ཁག་ལ་གང་བྱུང་བཤད་ཐལ་མི་ཆོག་པ་སོགས་ངེས་པར་དུ་བརྩི་སྲུང་ཞུ་དགོས་པའི་སྒྲིག་ལམ་ཁག་ཅིག་གཏན་འབེབས་གནང་དོན་ལྟར་བདམས་ཐོན་སྤྱི་འཐུས་རྣམས་ཀྱིས་དེ་རིང་བརྒྱུད་ལམ་ཁག་གི་བཅར་འདྲི་དང་བཞེས་གནང་མེད་པ་མ་ཟད། ལྷག་པར་དུ་ཐེངས་འདིའི་ནང་མོལ་ཚོགས་འདུ་ཐོག་རྐང་འགན་བཞེས་མཁན་ཕྱི་རྒྱལ་ཁུལ་གྱི་བདམས་ཐོན་སྤྱི་འཐུས་ཁག་ཅིག་གི་སྐུ་ཚབ་ལ་བཅར་འདྲི་ཞུ་ཐབས་ཞུས་ཀྱང་གང་ཡང་གསུང་རྒྱུ་མེད་ཅེས་གསུངས་སོང་། 
གཞི་རྩའི་འདི་ལོའི་ཕྱི་ཟླ་ ༦ ཕྱི་ཚེས་ ༨ ཉིན་སྤྱི་འཐུས་གྲོས་ཚོགས་སུ་བདམས་ཐོན་བྱུང་བའི་སྐབས་ ༡༧ པའི་བོད་མི་མང་སྤྱི་འཐུས་རྣམ་པའི་དམ་འབུལ་གྱི་མཛད་རིམ་སྐབས་བདམས་ཐོན་སྤྱི་འཐུས་ ༢༡ ནས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༤༧ དགོངས་ལྟར་བར་བརྒལ་ཚོགས་གཙོའི་དྲུང་ནས་དམ་འབུལ་ཞུས་པ་དང་། བདམས་ཐོན་སྤྱི་འཐུས་ ༢༢ ནས་བར་བརྒལ་ཚོགས་གཙོས་འདི་ལོའི་ཕྱི་ཟླ་ ༣ པའི་གྲོས་ཚོགས་ནང་འཕོ་འགྱུར་བཏང་ཟིན་པའི་ཁྲིམས་ཞིབ་པའི་མདུན་ནས་དམ་འབུལ་ཞུས་པ་དེ་ཁྲིམས་མཐུན་མིན་པ་དང་འབྲེལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེ་དང་བཙན་བྱོལ་བོད་མིའི་བཅའ་ཁྲིམས་རིན་པོ་ཆེའི་མདུན་ནས་ལས་ཁུར་དམ་འབུལ་ཞུས་ཏེ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་དང་ཚོགས་གཞོན་འོས་འདེམས་ཀྱི་ལས་རིམ་ཐོག་ཕེབས་སྐབས་དབུས་འོས་བསྡུ་ལས་ཁང་གི་འགན་འཛིན་མཆོག་གིས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༤༧ པའི་དགོངས་དོན་ལྟར་དམ་འབུལ་ཞུ་མཁན་སྤྱི་འཐུས་ ༢༡ ལས་བྱུང་མེད་སྟབས། བཅའ་ཁྲིམས་རིན་པོ་ཆེའི་དགོངས་དོན་བཞིན་གྲོས་ཚོགས་ཀྱི་གྲུབ་ཆ་གསུམ་ཆ་གཉིས་ཚང་གི་མེད་སྐོར་གསུངས་ཏེ་གྲོས་ཚོགས་ཀྱི་ཚོགས་གཙོ་ཚོགས་གཞོན་འོས་འདེམས་གནང་རྒྱུ་གཙོས་པའི་ལས་རིམ་ཁག་རྒྱུན་འཁྱོངས་མ་ཐུབ་པར་ད་ཆ་ཟླ་བ་བཞི་ཙམ་འགྲོ་བཞིན་ཡོད་པ་མ་ཟད་གནད་དོན་དེའི་རྐྱེན་གྱིས་སྲིད་སྐྱོང་མཆོག་གི་ཕྱག་སྦྲེལ་བཀའ་བློན་རྣམས་ཀྱང་བསྐོ་གཞག་གནང་མ་ཐུབ་པར་ལུས་ཡོད།
དེ་རིང་བདམས་ཐོན་སྤྱི་འཐུས་རྣམས་ཀྱིས་དཀའ་རྙོག་ཁག་སེལ་ཕྱིར་ནང་ཁུལ་བཞུགས་མོལ་ཚོགས་འདུ་འཚོགས་བཞིན་པའི་ཁྲོད་འདིར་སྤྱི་ཚོགས་དྲ་ལམ་ཐོག་བོད་མི་མི་ཉུང་བ་ཞིག་གིས་སྤྱི་འཐུས་ནང་ཁུལ་དབར་བཞུགས་མོལ་ཚོགས་འདུ་དེ་ལམ་ལྷོངས་ཡོང་བའི་རེ་བ་དང་། དགྲ་དགའ་གཉེན་སྡུག་གི་གནས་སྟངས་ཤིག་མ་ཆགས་པར་བཀུར་འོས་མཐུས་མི་ ༤༥ ཡོངས་ནས་ཤུགས་རྒྱག་རོགས་ཞེས་དང་། ཡ་ལ་ལས་༸གོང་ས་མཆོག་གི་ཞལ་རས་དང་བོད་ནང་གི་གཞིས་ལུས་རྒྱ་ཆེ་མང་ཚོགས་ཚོའི་ཞལ་རས་ཡིད་ལ་བཅངས་ནས་འགྲིག་མཐུན་ཡོང་བར་འབད་བརྩོན་གནང་རོགས་ལ་སོགས་པའི་གཞེན་སྐུལ་དང་འབྲེལ་བའི་མཆན་འགྲེལ་བཀོད་པ་མཇལ་རྒྱུ་འདུག
བདམས་ཐོན་སྤྱི་འཐུས་རྣམ་པའི་ནང་མོལ་ཚོགས་འདུ་དབུ་འཛུགས།
Tibetan News Headlines
- Hokkaido Shimizu Town Delegation Visits Tibet House Japan, Presents First Harvest of the Region for His Holiness the Dalai Lama
- Tibet Advocacy Group Calls on US to Restore Tibetan Broadcasting Services to Counter Chinese Propaganda and Censorship
- China-Linked UK Businessman Tried to Hire Ex-Met Detective to Investigate MPs Critical of Beijing
- Nvidia CEO Jensen Huang Admits Affair with Suspected Chinese Spy; Company Launches Investigation
- Tibetan Representative Jigme Tsultrim Briefs India’s Minority Commission Chairperson on Tibetan Settlements in South India
- China Expands Media Influence in Thailand Through Partnerships, Propaganda and Diplomatic Pressure, RSF Reports
- History Feature: Tsarong Dasang Damdul
ཪེས་གཟའ་ཟླ་བ། ༢༠༢༦།༡༡།༠༩
- ཉི་ཧོང་གྲོང་སྡེ་ཞིག་གི་སྐུ་ཚབ་ཚོ་ཁག་ནས་ས་གནས་དེའི་ལོ་ཏོག་ཐོན་སྐྱེད་ཐོག་མ་༸གོང་ས་མཆོག་ལ་འབུལ་བཞེས་གནང་འདུག
- རྒྱ་ནག་གི་འཁྱོག་བཤད་དྲིལ་བསྒྲགས་ལ་གདོང་ལེན་སླད་ཨ་རི་གཞུང་གིས་བོད་སྐད་རླུང་འཕྲིན་ཁང་ལ་རྒྱབ་སྐྱོར་བྱེད་དགོས་གལ་ཡིན་པ་གསུངས་འདུག
- དབྱིན་ཡུལ་ཚོང་པ་ཞིག་གིས་སོ་མྱུལ་བ་གླ་གཡར་བརྒྱུད་རྒྱ་ནག་གི་ཆེད་དུ་དབྱིན་ཡུལ་གྲོས་ཚོགས་འཐུས་མི་ཁག་གཅིག་ལ་གསང་ཉུལ་བྱས་པ་མངོན་གསལ།
- Nvidia ཁེ་ལས་ཁང་གི་འགན་འཛིན་གྱིས་དོགས་གཞི་ཅན་གྱི་རྒྱ་རིགས་བུད་མེད་སོ་བ་ཞིག་དང་ནང་འབྲེལ་བྱུང་བའི་ཁས་ལེན་བྱས་རྗེས། ཁེ་ལས་ཁང་གིས་ཁོའི་བྱ་སྤྱོད་ལ་ཞིབ་བཤེར་འགོ་འཛུགས།
- ལྷོ་སྤྱི་ཡིས་རྒྱ་གར་གཞུང་གི་གྲངས་ཉུང་མི་རིགས་ལྷན་ཚོགས་ཀྱི་ཚོགས་གཙོ་དང་མཇལ་འཕྲད་གནང་བ།
- རྒྱ་གཞུང་གིས་ Thailand ནང་གི་གསར་འགོད་རང་དབང་ལ་དམ་དྲག་ཆེན་པོ་བྱེད་བཞིན་པ་གསལ་སྟོན།
- བོད་ཀྱི་ལོ་རྒྱུས་ཁྲོད་མི་སྣ་གྲགས་ཅན་ངོ་སྤྲོད། དམག་སྤྱི་ཚ་རོང་ཟླ་བཟང་དགྲ་འདུལ་ལགས་ཀྱི་སྐོར།
