Yearly Archives: 2016

ཉན་པ།: Listen ཕབ་ལེན། Download ནང་པའི་གནས་ཆེན་ཁག་དང་གནས་བསྐོར་བའི་གནང་ཕྱོགས། Sunday 25/12/2016 Buddhist pilgrimage and pilgrim's journey

ཉན་པ།: Listen ཕབ་ལེན། Download བོད་ཀྱི་དཔེ་མཛོད་ཁང་གི་ནང་ཆོས་སློབ་ཁྲི ད་གནང་མཁན་དགེ་བཤེས་རྒྱལ་མཚན་ཚེ་རིང་ལགས་སུ་དུས་འཁོར་དབང་ཆེན་ངོ་སྤྲོད་སྐོར་བཅར་འདྲི། Saturday 24/12/2016 Introduction to kalachakra: Geshe Gyaltsen Tsering, LTWA

ཁ་སང་ཚེས་ ༢༢ ཉིན་མོན་གྷོ་འདོད་རྒུ་གླིང་གཏན་ཉིན་སློབ་གྲྭ་དབུ་བརྙེས་ཏེ་ལོ་ངོ་ ༥༠ ཐམ་པ་འཁོར་བའི་དུས་དྲན་མཛད་སྒོའི་མགྲོན་གྱི་གཙོ་བོར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་གཙོས། ཁྲིམས་ཞིབ་པ་ཆེ་བ་བཀའ་བརྒྱུད་དོན་གྲུབ་མཆོག་དང་། སྲིད་སྐྱོང་བློ་བཟང་སེང་གེ་མཆོག བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག ཤེས་རིག་བཀའ་བློན་དངོས་གྲུབ་ཚེ་རིང་མཆོག བཀའ་ཟུར་ཟམ་གདོང་རིན་པོ་ཆེ་མཆོག བཀའ་ཟུར་བཀྲས་མཐོང་ཚེ་དབང་ཆོས་རྒྱལ་མཆོག བཀའ་ཤག་སྐབས་ ༡༥ སློབ་སྟོན་པ་བཀའ་ཟུར་པདྨ་ཆོས་འབྱོར་མཆོག ཕྱོགས་བཞུགས་སྤྱི་འཐུས་ཁག་ཅིག ལྷོ་སྤྱིས་གཙོས་ལྷོ་གཞིས་ཆགས་ཁག་ལྔའི་ས་གནས་འགོ་འཛིན་རྣམ་པ། ཕྱི་ནང་གི་གནད་ཡོད་སྐུ་མགྲོན་རྣམ་པ། དགེ་སློབ་ཟུར་པ། མོན་གྷོ་གཏན་སློབ་ཀྱི་དགེ་ལས་སློབ་ཕྲུག་བཅས་ལྷན་འཛོམས་ཐོག་དུས་ཆེན་སྲུང་བརྩི་གཟབ་རྒྱས་ཞུས་ཡོད་པ་རེད། མཛད་སྒོའི་ཐོག་༸གོང་ས་༸སྐྱབས་མགོན་ཆེན་པོ་མཆོག་གིས་ལོ་ངོ་ ༥༠ ནང་སློབ་གྲྭ་དེར་ཞབས་འདེགས་སྒྲུབ་མཁན་རྣམས་ལ་དྲན་གསོ་དང་ལེགས་གསོའི་བསྔགས་བརྗོད་གནང་པ་དང་སྦྲགས། འདས་པའི་ལོ་ངོ་ ༥༠ རིང་ཐོག་མར་བཙན་བྱོལ་དུ་གྱར་བའི་འཚོ་བ་རྗེས་དྲན་མཛད་པ་དང་ཆབས་ཅིག ང་ཚོ་བཙན་བྱོལ་དུ་གྱར་ཏེ་ལོ་ངོ་ ༥༧ ཙམ་འགྲོ་བཞིན་ཡོད་ཀྱང་ང་ཚོ་བཙན་བྱོལ་དུ་གནས་དགོས་པ་དེ་ནི་གཟི་བརྗིད་ལྡན་པའི་རླབས་ཆེན་གྱི་མི་རིགས་ཤིག་གི་ཆེད་དུ་ཡིན་སྐོར་བཀའ་བསྩལ་ཡོད་པ་རེད། དེ་བཞིན་༸གོང་ས་མཆོག་གིས་བོད་མི་རིགས་ནི་ཆོས་དང་རིག་གཞུང་། སྐད་ཡིག ལྟ་གྲུབ་བཅས་གང་གི་ཆ་ནས་འཛམ་གླིང་འདིའི་ཐོག་ངོམས་སུ་ཆོག་པའི་རླབས་ཆེན་ཞིག་ཡིན་པ་དང་། དུས་ད་བར་འཛམ་གླིང་འདིའི་ཐོག་བོད་ཀྱི་སྐད་ཡིག་དང་རིག་གཞུང་གནས་ཐུབ་པ་དེ་ནི་གཙོ་བོ་གཞིས་ལུགས་རྒྱ་ཆེའི་མི་མང་གི་ཞུམ་པ་མེད་པའི་སྙིང་སྟོབས་ལ་བརྟེན་ནས་བྱུང་བ་རེད་ཅེས་བཀའ་སྩལ་ཡོད་པ་རེད། ལྷག་དོན་རྒྱ་ནག་རང་གི་ནང་ལ་འགྱུར་བ་མ་ཕྱིན་པར་གནས་ཐབས་མེད་པས་བོད་དོན་བདེན་མཐའ་གསལ་ངེས་ཡིན་པ་བཀའ་སྩལ་མཛད་ཡོད་པ་མ་ཟད། ད་ལྟའི་གཞོན་སྐྱེས་སློབ་ཕྲུག་རྣམས་ནི་ང་ཚོའི་མི་རབས་གོང་མའི་ཆོས་རྒྱལ་ཚོའི་བུ་བརྒྱུད་ཆགས་ཡོད་སྟབས་ཚང་མས་རིག་པ་སྒྲིམ་སྟེ་ཧུར་ཐག་གནང་དགོས་གལ་ཡིན་པར་ལམ་སྟོན་ཡང་བསྩལ་ཡོད། གཞན་ཡང་དེ་རིང་བོད་ཟླ་ ༡༠ ཚེས་ ༢༥ ཉིན་ཤར་རྒྱལ་བ་ཙོང་ཁ་པ་བློ་བཟང་གྲགས་པ་མཆོག་གི་དགོངས་རྫོགས་དུས་ཆེན་འཁེལ་གྱི་ཡོད་སྟབས། བྱེས་ཀྱིས་གདན་ས་དགའ་ལྡན་རྣམ་པར་རྒྱལ་བའི་གླིང་གི་ཚོགས་ཆེན་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་གཙོས། དགའ་ལྡན་ཁྲི་པ་གསར་རྙིང་གཉིས་དང་། ཤར་བྱང་གི་ཆོས་རྗེ། གླིང་མཆོག་སྤྲུལ་རིན་པོ་ཆེ་མཆོག མཁན་བླ་སྤྲུལ་དགེ་བའི་བཤེས་གཉེན་རྣམ་པ། དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག གདན་ས་དགའ་ལྡན་དང་འབྲས་སྤུངས་གཉིས་ཀྱི་དགེ་འདུན་པ་ཞལ་གྲངས་ ༦༠༠༠ ལྷག་འདུ་འཛོམས་ཀྱིས་༸རྗེ་བདག་ཉིད་ཆེན་པོས་ལྗགས་རྩོམ་མཛད་པའི་ལེགས་བཤད་གསེར་ཕྲེང་གསུང་འདོན་གནང་སྟེ་དགོངས་རྫོགས་དུས་ཆེན་སྲུང་བརྩི་གཟབ་རྒྱས་ཞུས་ཡོད་པ་རེད། ༸གོང་ས་མཆོག་གིས་སྐབས་དེར་ངོས་རང་དགའ་ལྡན་ལྔ་མཆོད་ཉིན་འདི་གར་བཅར་ཐུབ་པར་དགའ་ཚོར་ཆེན་པོ་བྱུང་ཞེས་བཀའ་སྩལ་བ་མ་ཟད། དོལ་རྒྱལ་གྱི་གནད་དོན་དང་འབྲེལ་བའི་ཐོག་ནས་དགའ་ལྡན་དུ་དཀའ་ངལ་རབས་དང་རིམ་པ་འཕྲད་ཡོད་ཀྱང་ལམ་སྟོན་འོག་ཤར་སྐྱོད་དང་གདོང་ལེན་གནང་པར་ལེགས་གསོའི་བསྔགས་བརྗོད་མཛད་འདུག ༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཀྱིས་གདན་ས་དགའ་ལྡན་དང་འབྲས་སྤུངས་དགོན་གཉིས་མཉམ་དུ་༸རྗེ་བདག་ཉིད་ཆེན་པོའི་དགོངས་རྫོགས་ཉིན་དགའ་ལྡན་ལྔ་མཆོད་སྲུང་བརྩི་ཞུས་པ་དེ་ནི་ལོ་རྒྱུས་ཁྲོད་ཆེས་ཐོག་མ་ལྟ་བུ་ཆགས་ཀྱི་འདུག་པ་དང་། དགེ་འདུན་པ་ཚོས་ཀྱང་དེ་ལྟར་གནང་རྒྱུ་བྱུང་བ་དེ་ནི་ཆེས་རྙེད་པར་དཀའ་བའི་སྐལ་བཟང་ཞིག་ཏུ་ངོས་འཛིན་གནང་བཞིན་ཡོད་འདུག དེ་རིང་ཕྱི་དྲོ་དགེ་འདུན་པ་བརྒྱ་ཐམ་པས་༸རྗེའི་དྲང་ངེས་ལེགས་བཤད་སྙིང་པོ་འཕྲོ་སྐྱོང་གསུང་འདོན་གནང་རྒྱུ་རེད་འདུག མཛད་འཆར་ལྟར་ན། སང་ཞོགས་ཚོུད་ ༦།༠༠ ཙམ་ལ་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་དུ་མཛད་འཆར་ཁག་རེ་ཞིག་ལེགས་གྲུབ་ཀྱིས་རྒྱ་གརགྱི་རྒྱལ་ས་ལྡི་ལིར་ཆིབས་ཞལ་བསྒྱུར་གནང་མཛད་ཀྱི་འདུག

ཉན་པ།: Listen ཕབ་ལེན། Download ༸གོང་ས་མཆོག་དབུ་བཞུགས་ཐོག་མོན་གྷོ་འདུད་རྒུ་གླིང་གཏན་ཉིན་སློབ་གྲྭ་དབུ་བརྙེས་ནས་ལོ་ངོ་ ༥༠ འཁོར་བར་དུས་དྲན་སྲུང་བརྩི་ཞུས་པ། རྒྱ་གར་གཞུང་ནས་མོན་གྷོ་འདུད་རྒུ་གླིང་བོད་མིའི་གཞིས་ཆགས་བོགས་གཏོང་གི་གན་རྒྱར་མཚན་རྟགས་བཀོད་འདུག ༸གོང་ས་མཆོག་དབུ་བཞུགས་ཐོག་བྱེས་ཀྱི་གདན་ས་དགའ་ལྡན་དང་འབྲས་སྤུང་གཉིས་བཟུང་སྦྲེལ་གྱིས་དགའ་ལྡན་ལྔ་མཆོད་སྲུང་བརྩི་ཞུས་པ། རྒྱ་གཞུང་གི་ཉེན་རྟོག་ཁྲིམས་སྒྲིག་ཀྱི་ཟིན་བྲིས་ལ་བསྐྱར་ཞིབ་དགོས་པའི་ཞུ་འབོད། ཊོ་རོན་ཊོ་སྤྱི་སྤྱོད་རླངས་འཁོར་ལས་ཁུངས་ནས་དེ་གའི་དྲིལ་བསྒྲགས་སྲིད་བྱུས་ལ་བསྐྱར་ཞིབ་གནང་གཏན་འཁེལ་བ། དམིགས་བསལ་ལེ་ཚན། དགའ་ལྡན་ལྔ་མཆོད་ངོ་སྤྲོད། Friday 23/12/2016 Dalai Lama graces golden jubilee celebration of CST Mundgod Dalai Lama presides over prayer ceremony to commemorate ‘Gaden Ngachoe’ Mundgod Tibetan settlement becomes first in South India to sign lease agreement China’s draft police law entrenches abuses, HRW calls for revision TTC board to review policy after controversy over Tibet ad Special Program on Gaden Nga choe

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་རྒྱ་གར་དབུས་གཞུང་ནས་རྒྱ་གར་ལྷོ་ཕྱོགས་ཀ་ན་ཊ་ཀའི་མངའ་སྡེ་ནང་རྟེན་གཞི་བྱས་པའི་མོན་གྷོ་འདོད་དགུ་གླིང་བོད་མིའི་གཞིས་ཆགས་བོགས་གཏོང་གནང་རྒྱུའི་ཁྲིམས་མཐུན་གྱི་གན་རྒྱར་མཚན་རྟགས་བཀོད་འདུག ཟླ་ ༡༢ ཚེས་ ༢༡ ཉིན་ལྷོ་ཕྱོགས་མོན་གྷོ་འདོད་རྒུ་གླིང་བོད་མིའི་གཞིས་ཆགས་སུ་རྟེན་གཞི་བྱས་པའི་གདན་ས་ཆེན་པོ་དཔལ་ལྡན་འབྲས་སྤུངས་དགོན་པ་ཕྱག་བཏབ་ནས་ལོ་ངོ་ ༦༠༠ འཁོར་བའི་རྗེས་དྲན་མཛད་སྒོའི་མགྲོན་གྱི་གཙོ་བོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་མཛད་པ་དང་བསྟུན། རྒྱ་གར་དབུ་གཞུང་གི་སྐུ་ཚབ་ཀ་ན་ཊ་ཀ་མངའ་སྡེའི་ཀར་ཝར་རྫོང་གི་རྫོང་དཔོན་སྐུ་ཞབས་ S S Nukul མཆོག་དང་དབུས་བོད་མིའི་ངལ་སེལ་ཚོགས་པའི་ངོ་ཚབ་མོན་གྷོ་ས་གནས་འགོ་འཛིན་ཀརྨ་ལགས་གཉིས་ཀྱིས་མོན་གྷོ་འདོད་རྒུ་གླིང་སྐྱབས་བཅོལ་བོད་མི་རྣམས་ལ་རྒྱ་གར་གཞུང་གིས་ས་ཞིང་བོགས་གཏོང་གནང་བའི་ཁྲིམས་མཐུན་གན་རྒྱར་མཚན་རྟགས་བཀོད་འདུག གཞི་རྩའི་མོན་གྷོ་འདོད་རྒྱུ་གླིང་བོད་མིའི་གཞིས་ཆགས་དེའི་ངོས་ནས་རྒྱ་གར་གཞུང་གི་ཁྲིམས་ལུགས་གཞིར་བཟུང་བོགས་གཏོང་གི་གན་རྒྱ་བཞག་ཐུབ་པ་དེ་ནི་རྒྱ་གར་ནང་ཡོད་པའི་བོད་མིའི་གཞིས་ཆགས་ཁྲོད་ནས་ཆེས་ཐོག་མ་དེ་ཆགས་ཀྱི་ཡོད་པ་རེད།  བོགས་གཏོང་གི་གན་རྒྱ་བཞག་རྒྱུ་དེའང་ཕྱི་ལོ་ ༢༠༡༤ ལོར་རྒྱ་གར་དབུས་གཞུང་ནང་སྲིད་ལས་ཁུངས་ནས་གཏན་འབེབས་གནང་པའི་བཙན་བྱོལ་བོད་མིར་མཐུན་རྐྱེན་སྦྱོར་སྤྲོད་གནང་ཕྱོགས་ཀྱི་སྲིད་བྱུས་ ༢༠༡༤ ཞེས་པའི་དགོངས་དོན་འོག་གཏན་འབེབས་གནང་པ་ཞིག་ཆགས་ཡོད་པ་རེད། དེ་བཞིན་ཟླ་བ་འདིའི་ཚེས་ ༢༡ ཉིན་རྒྱ་གར་དབུས་གཞུང་ནས་མོན་གྷོ་འདོད་དགུ་གླིང་བོད་མིའི་གཞིས་ཆགས་བོགས་གཏོང་གནང་རྒྱུའི་ཁྲིམས་མཐུན་གྱི་གན་རྒྱར་མཚན་རྟགས་བཀོད་ཟིན་རྗེས་ཉིན་རྒྱབ་ཏུ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ས་གནས་བོད་མི་མང་ཚོགས་རྣམས་ལ་གཏམ་བཤད་གནང་པར་རྒྱ་གར་ནང་བོད་མིའི་གཞིས་ཆགས་བཙུགས་ཏེ་ལོ་ངོ་བཅུ་ཕྲག་བཞི་ལྷག་འགྲོ་བཞིན་ཡོད་ཀྱང་། ས་ཞིང་གི་བདག་དབང་སོགས་དང་འབྲེལ་བའི་ཁྲིམས་མཐུན་གྱི་ཡིག་ཆ་གང་ཡང་གཏན་འབེབས་གནང་ཐུབ་མེད་སྟབས། གཞིས་ཆགས་ཁག་ཅིག་ཏུ་ས་ཆའི་བདག་དབང་དང་འབྲེལ་བའི་དཀའ་རྙོག་མི་ཉུང་བ་ཞིག་འཕྲད་བཞིན་ཡོད་སྐོར་འགྲེལ་བརྗོད་གནང་པ་དང་སྦྲགས། ད་རེས་རྒྱ་གར་དབུས་གཞུང་དང་ཀ་ན་ཊ་ཀ་ཀར་ཝར་རྫོང་གི་རྫོང་དཔོན་སྐུ་ཞབས་ S S Nukul མཆོག་ནས་ད་བར་གནད་དོན་དེའི་ཐོག་ཕྱག་ལས་རབས་དང་རིམ་པ་གནང་སྟེ་ཁྲིམས་མཐུན་གྱི་གན་རྒྱ་བཞག་ཐུབ་པར་བཀའ་དྲིན་ཆེ་ཞེས་ཞུས་པ་མ་ཟད། རྒྱ་གར་གྱི་མངའ་སྡེ་གཞན་རྣམས་ནས་ཀྱང་དེ་ལྟར་ལག་བསྟར་གནང་སྐྱོང་ཡོང་བར་འབོད་སྐུལ་ཡང་ཞུས་འདུག ཀར་ཝར་རྫོང་གི་རྫོང་དཔོན་སྐུ་ཞབས་ S S Nukul མཆོག་ནས་ཀྱང་ཐེསངས་དེའི་ས་ཞིང་བོགས་མའི་ཁྲིམས་མཐུན་གྱི་གན་རྒྱ་བཞག་པ་དེའི་བརྒྱུད། ས་གནས་བོད་མི་རྣམས་ལ་རྒྱ་གར་གཞུང་གི་ཁང་པ་དང་ས་ཞིང་འདེབས་ལས་སོགས་དང་འབྲེལ་བའི་ལས་འཆར་གྱི་ཐོབ་ཐང་ཁག་ཅིག་ཀྱང་རིམ་པའི་ཐོབ་ངེས་ཡིན་པ་གསུངས་འདུག རྩ་བའི་བཙན་བྱོལ་བོད་མིར་མཐུན་རྐྱེན་སྦྱོར་སྤྲོད་བྱེད་ཕྱོགས་ཀྱི་སྲིད་བྱུས་ ༢༠༡༤ ཉི་སྟོང་བཅུ་བཞི་ཞེས་པའི་དགོངས་དོན་འོག་བོགས་མའི་གན་རྒྱ་དང་འབྲེལ་བའི་རྩ་འཛིན་ལ་གཞིགས་ན། ད་རེས་ཕྱོགས་གཉིས་དབར་ལ་ས་ཞིང་བོགས་མའི་ཁྲིམས་མཐུན་གྱི་གན་རྒྱ་བཞག་ཐུབ་པ་དེས། མ་འོངས་པར་བོད་མི་སྐྱབས་བཅོལ་བའི་བེད་སྤྱོད་བྱེད་བཞིན་པའི་ས་ཆ་ལ་འགོག་རྐྱེན་བྱེད་མི་ཆོག་པ་མ་ཟད། གལ་སྲིད་རྒྱ་གར་གཞུང་གི་ཁྲིམས་ཁང་ཞིག་ནས་དགོས་དབང་གི་བཀའ་རྒྱ་ལ་བརྟེན་ནས་ས་ཆའི་བདག་དབང་འཕྲོག་པའི་གནས་སྟངས་ཆགས་ཚེ་མངའ་སྡེ་གཞུང་ནས་བོད་མི་སྐྱབས་བཅོལ་བ་རྣམས་ལ་ས་ཆ་གསར་པ་ཚད་གཞི་མཉམ་པའམ། དེ་ལས་ཆེ་བ་སྤྲོད་ནས་གནས་སྤོ་བྱེད་བཅུག་པ་སོགས་ཀྱི་གནས་ཚུལ་མི་ཡོང་བ་དང་དེ་བཞིན་ས་གནས་ཡུལ་མི་དང་བོད་མི་སྐྱབས་བཅོལ་བའི་དབར་འཁྲུག་རྩོད་རིགས་མི་བྱུང་སླད་དུ་དེ་ལྟར་གཏན་འབེབས་གནང་པ་ཞིག་ཆགས་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་བཙུན་མ་ ༢༠ ལ་ཆེས་ཐོག་མའི་དགེ་བཤེས་མའི་ཕྱག་འཁྱེར་བསྩལ་བ། ལ་དྭགས་ནང་༸གོང་ས་མཆོག་ལ་རྒྱ་གར་གྱི་གཟེངས་རྟགས་མཐོ་ཤོས་དེ་ཕུལ་དགོས་པའི་གྲོས་ཆོད་གཏན་འབེབས། ༸གོང་ས་མཆོག་མ་འོངས་པར་སོག་ཡུལ་ནང་གདན་ཞུ་གནང་རྒྱུ་མིན་བརྗོད་འདུག རྒྱ་གཞུང་གིས་བོད་མི་ཆབ་སྲིད་བཙོན་ཟུར་ཚེ་མགོན་རྒྱལ་བསྐྱར་དུ་འཛིན་བཟུང་། འཕྲོད་བསྟེན་ཤེས་བྱ་ངོ་སྤྲོད། སྨྱོ་རྫས་ངན་གོམ་སྐོར། Thursday 22/12/2016 Dalai Lama confers first ever Geshema Degree to 20 nuns in Mundgod Ladakh Autonomous Hill Development Council seeks ‘Bharat Ratna’ for Dalai Lama Mongolia says Dalai Lama will not be allowed future visits Former Tibetan political prisoner Tsegon Gyal rearrested HEALTH FEATURE: Drug and Substance Abuse

རྒྱ་ནག་གཞུང་གིས་དེ་སྔ་བཙོན་ཁང་དུ་ལོ་དྲུག་རིང་བཙོན་འཇུག་ཁྲིམས་ཆད་མྱངས་པའི་བོད་མི་ཆབ་སྲིད་བཙོན་ཟུར་ཚེ་མགོན་རྒྱལ་ལགས་ཉེ་ཆར་བསྐྱར་དུ་འཛིན་བཟུང་བྱས་འདུག རང་ལོ་ ༥༣ ཡིན་པའི་བོད་མི་ཆབ་སྲིད་བཙོན་ཟུར་ཚེ་མགོན་རྒྱལ་ལགས་ནི། བོད་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་ནས་ཡིན་ཞིང། ཁོང་ནི་དེ་རྒྱ་ནག་གི་ལས་བྱེད་ཞིག་དང་། རྒྱ་གཞུང་གི་སྒྲོམ་གཞི་དང་ལས་དོན་ཁག་རྒྱུས་མངའ་ཧ་ཅང་ཡོད་པའི་མི་སྣ་ཞིག་ཆགས་ཀྱི་ཡོད་པ་རེད།  ཕྱི་ལོ་ ༡༩༩༤ ལོར་མཚོ་སྔོན་ཞིང་ཆེན་རྒྱལ་ཁབ་བདེ་འཇགས་ལས་ཁུངས་ནས་ཚེ་དགོན་རྒྱལ་ལགས་ཕྱི་སྡོད་གསང་བའི་རྩ་འཛུགས་དང་ལག་འབྲེལ་གྱིས་བོད་རང་བཙན་ཆེད་མདོ་སྨད་གཞོན་ནུའི་འཆི་ཕོད་ཚོགས་པ་གསར་འཛུགས་གནང་པར་ཁ་གཡར་ཏེ་གསང་མྱུལ་བ་དང་གསར་བརྗེ་ངོ་ལོག་པའི་ཉེས་མིང་འོག་ལོ་ངོ་ ༡༦ རིང་བཙོན་དུ་བཅུག་དགོས་པའི་ཁྲིམས་ཐག་བཅད་པ་དང་ལོ་བཞིའི་ཆབ་སྲིད་ཀྱི་ཁེ་དབང་འཕྲོག་ཡོད་པ་རེད། སླར་ཡང་ཕྱི་ལོ་ ༡༩༩༧ ལོར་རྒྱ་གཞུང་ཁྲིམས་ཡིག་བསྐྱར་བཅོས་འོག་མཚོ་སྔོན་ཞིང་ཆེན་འབྲིང་རིམ་མི་མང་ཁྲིམས་ཁང་ཀྱིས་ཁོང་ལ་བཙོན་བཅུག་ཀྱི་དུས་ཡུན་དེ་ལོ་ ༦ དང་ཆབ་སྲིད་ཀྱི་ཁེ་དབང་ལོ་ ༢ འཕྲོག་པའི་ཉེས་ཆད་བཏང་ཡོད་པ་རེད། ལོ་ངོ་དྲུག་རིང་རྒྱ་གཞུང་གི་བཙོན་ཁང་དུ་སྡུག་སྦྱོང་མནར་བཅོད་མྱངས་རྗེས་ཕྱི་ལོ་ ༡༩༩༧ ལོར་ཚེ་མགོན་རྒྱལ་ལགས་བཙོན་འཇུག་གི་དུས་ཡུན་ཚང་ནས་གློད་གྲོལ་ཐོབ་ཡོད་འདུག དེ་རིང་ཉིན་རྒྱབ་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གསར་འགོད་གསལ་བསྒྲགས་ཞིག་སྤེལ་བར་ཆབ་སྲིད་བཙོན་ཟུར་ཚེ་མགོན་རྒྱལ་ལགས་ཟླ་བ་འདིའི་ཚེས་ ༩ ཉིན་མཚོ་བྱང་བོད་རིགས་རང་སྐྱོང་ཁུལ་མདའ་བཞི་རྫོང་ནས་རྒྱལ་ཁབ་བདེ་འཇགས་ལས་ཁུངས་ཀྱི་མི་སྣས་གླུ་བུར་དུ་འཛིན་བཟུང་བཙན་ཁྲིད་བྱས་ཡོད་པ་ཡོངས་བསྒྲགས་གནང་སོང་། ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་ཀྱིས་རྒྱ་གཞུང་གིས་ཕྱི་ལོ་ ༢༠༠༨ ལོ་ནས་བོད་ནང་ཤེས་ལྡན་མི་སྣ་མང་པོ་ཞིག་གསང་སྟབས་ཀྱིས་འཛིན་བཟུང་བྱས་པ་དང་དམ་དྲག་གྱི་བྱ་སྤྱོད་སྤེལ་བ་དེ་དག་ལ་སྐྱོན་བརྗོན་གནང་པ་དང་འབྲེལ། ད་ལན་ཆབ་སྲིད་བཙོན་ཟུར་ཚེ་དགོན་རྒྱལ་ལགས་ལྟ་བུ་རྒྱུན་དུ་སྤྱི་བདེ་ཉེན་རྟོག་པས་འཛིན་བཟུང་བྱས་པའི་གནས་ཚུལ་ལྟར་མིན་པར་རྒྱལ་ཁབ་བདེ་འཇགས་ལས་ཁུངས་ནས་འཛིན་བཟུང་བྱས་པའི་གནད་དོན་ཞིག་ཆགས་ཡོད་སྟབས། ཏན་ཏན་རྒྱབ་ལྗོངས་གནད་དོན་གལ་ཆེན་ཞིག་ཡོད་པར་ངོས་འཛིན་བྱེད་ཀྱི་ཡོད་ཅེས་གསུངས་སོང། ལྟེ་གནས་ཁང་དེའི་ངོས་ནས་ད་ལན་རྒྱ་གཞུང་གིས་ཆབ་སྲིད་བཙོན་ཟུར་ཚེ་མགོན་རྒྱལ་འཛིན་བཟུང་བྱས་དོན་གང་ཡིན་ཕྱིར་བསྒྲགས་བྱེད་དགོས་པ་དང། ཁྲིམས་རྩོད་པ་བཙལ་བའི་ཁེ་དབང་སྤྲོད་དགོས། ལུས་སེམས་བདེ་ཐང་གི་འགན་ལེན་བྱེད་དགོས། དགོས་མཁོ་སྨན་གཏུགས་ཀྱི་མཐུན་རྐྱེན་སྦྱོར་དགོས་པ་དང་དེ་བཞིན་ཁོང་གང་མགྱོགས་བཙོན་གྲོལ་གཏོང་དགོས་པ་སོགས་དོན་ཚན་བཞི་ཅན་གྱི་འབོད་སྐུལ་ཞུ་སྙན་ཞིག་རྒྱ་གཞུང་སྲིད་བློན་དང།  ཆེས་མཐོའི་ཁྲིམས་དཔོན། རྒྱལ་ཁབ་བདེ་འཇགས་འགོ་གཙོ། ཇི་ནི་ཝའི་འགྲོ་བ་མིའི་ཐོབ་ཐང་གི་རྒྱ་ནག་སྐུ་ཚབ་བཅས་ཀྱི་མིང་ཐོག་ལ་ཕུལ་རྒྱུ་ཡིན་སྐོར་གསུངས་ཡོད་པ་རེད། གཞི་རྩའི་རྒྱ་གཞུང་གིས་དེ་སྔ་ཕྱི་ལོ་ ༡༩༩༤ ལོར་ཆབ་སྲིད་བཙོན་ཟུར་ཚེ་མགོན་རྒྱལ་ལགས་འཛིན་བཟུང་གནང་སྐབས་ཁོང་དང་ལྷན་དུ་ཀླུ་མཁར་བྱམས་ལགས་དང་གནམ་ལོ་ཡག་ལགས་བཅས་འཛིན་བཟུང་གིས་བཙོན་འཇུག་བྱས་ཡོད་པ་རེད། ཁོང་གསུམ་ལས་ཚེ་མགོན་རྒྱལ་ལགས་བོད་དུ་བཞུགས་ཡོད་པ་དང་། ཀླུ་མཁར་བྱམས་ལགས་ད་ལྟའི་ཆར་རྡ་སར་བཞུགས་ཡོད་པ་དང་གནམ་ལོ་ཡག་ལགས་ཨོ་སི་ཊོ་ལི་ཡར་བཞུགས་ཡོད་པ་རེད། རྩ་བའི་ད་ལྟའི་ཆར་བོད་ནས་ལྟེ་གནས་ཁང་ལ་གནས་ཚུལ་འབྱོར་ལ་ལྟར་ན། ཁོང་འཛིན་བཟུང་བྱས་པ་ནས་བཟུང་ད་བར་ཉིན་གྲངས་དེ་དག་གི་ནང་དུ་རྒྱ་གཞུང་གིས་ཁོང་གི་ནང་མི་ཚོར་ཐུག་འཕྲད་བྱེད་བཅུག་མེད་པ་རེད། ཁོང་གི་ཕ་མིང་ལ་ཚེ་ལོ་དང་ད་ཆ་རང་ལོ་ ༨༣ ཡིན་པ་དང་མ་མིང་ལ་ཚེ་དབང་ཟེར་ཞིང་རང་ལོ་ ༧༩ རེད་འདུག

དེ་རིང་ཟླ་ ༡༢ ཚེས་ ༢༢ ཉིན་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་བོད་མིའི་གཞིས་ཆགས་ཁུལ་དུ་རྟེན་གཞི་བྱས་པའི་བྱེས་ཀྱི་གདན་ས་ཆེན་པོ་འབྲས་སྤུངས་ཚོགས་ཆེན་མདུན་ཐང་དུ་བཙུན་དགོན་དགེ་ལྡན་ཆོས་གླིང་དང་སྒྲོལ་མ་གླིང་སོགས་བཙུན་དགོན་དྲུག་གི་ཆེས་ཐོག་མའི་དགེ་བཤེས་མ་ཐོན་མཁན་རྣམས་ལ་དགེ་བཤེས་མའི་ཕྱག་འཁྱེར་གསོལ་བསྩལ་གྱི་མཛད་སྒོ་ཚོགས་ཡོད་པ་རེད། མཛད་སྒོའི་མགྲོན་གྱི་གཙོ་བོར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་གཙོས། དགའ་ལྡན་ཁྲི་པ་གསར་རྙིང་གཉིས་དང་། ཤར་བྱང་གི་ཆོས་རྗེ། འབྲས་སྤུངས་ཁྲི་པ་རིན་པོ་ཆེ། མཁན་བླ་སྤྲུལ་དགེ་བའི་བཤེས་གཉེན་རྣམ་པ། དབུས་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ། ཕྱི་ནང་གི་གནད་ཡོད་སྐུ་མགྲོན་རྣམ་པ་དང་ས་གནས་ཀྱི་སེར་སྐྱ་མང་ཚོགས་བཅས་ཁྱོན་མི་གྲངས་ཉིས་སྟོང་ལྷག་འདུ་འཛོམས་ཐོག་མཛད་སྒོ་ཚོགས་ཡོད་པ་རེད། མཛད་སྒོའི་ཐོག་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་སློབ་སྩལ་དོན། ང་ཚོ་བོད་ཀྱི་སངས་རྒྱས་པའི་ཆོས་དེ་དཔལ་ན་ལེནྡྲའི་ཆོས་བརྒྱུད་ཞིག་ཡིན་ཅེས་བསྟན་པ་སྤྱི་མཚན་ཐོག་ལ་ཤུགས་སྣོན་བརྒྱབ་ཀྱི་ཡོད་སྟབས། བསྟན་པ་སྤྱི་མཚན་ཐོག་བསྐྱོད་རྒྱུ་དེ་གནད་འགག་ཆེན་པོ་ཆགས་ཀྱི་འདུག་པ་དང་། དེའང་གཙོ་བོ་རབ་བྱུང་ཕོ་མོ་ཚོས་གཞུང་ཆེན་བཀའ་པོད་ལྔའི་ཐོག་ལ་རིགས་གཅིག་རྐང་འཛིན་གྱི་སློབ་གཉེར་མཐིལ་ཕྱིན་པ་ཞིག་གནང་དགོས་གལ་ཡིན་པ་ལམ་སྟོན་གནང་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་སྐྱེ་དངོས་ཚན་རིག་པའི་ཐོག་ནས་བེུད་ཀྱི་ལུས་རྟེན་དེ་བྱམས་བརྩེའི་ནུས་པ་ཆེ་བ་ཡོད་པ་བཤད་དོན་ལྟར། ཕྱི་དངོས་པོའི་ཡར་རྒྱས་ཁོ་ནར་དམིགས་པའི་ཤེས་ཡོན་སྤྲོད་ཀྱི་ཡོད་སྟབས། འཛམ་གླིང་འདི་བྱམས་བརྩེའི་ཕོངས་པ་ཞིག་ཆགས་ཡོད་པའི་ཁྲོད་འདིར་ང་ཚོས་ཆོས་དང་མ་འབྲེལ་བའི་བཟང་སྤྱོད་ཐོག་ཤུགས་བསྐྱོན་དགོ་པ་མ་ཟད། བེུད་ཚོས་ཤུགས་སྣོན་ཆེ་བ་བསྐྱོན་དགོས་པ་དང་བེུད་ཚོས་ཀྱང་གཞུང་ཆེན་དག་ལ་སློབ་གཉེར་བྱེད་དགོས་པའི་ལམ་སྟོན་བཀའ་སློབ་བསྩལ་ཡོད་པ་རེད། དེ་བཞིན་༸གོང་ས་མཆོག་གི་ངོས་ནས་རབ་བྱུང་མའི་ནང་ནས་གཞུང་ཆེན་བཀའ་པོད་ལྔའི་ཐོག་ལ་བསླབ་པ་སློབ་གཉེར་གནང་སྟེ་དགེ་བཤེས་མ་ཐོན་ཐུབ་པ་དགོས་ཀྱི་འདུག་ཅེས་ཐག་བཅད་པ་རེད། དེའང་ངོས་ནས་བཙུན་མ་ཚོ་ལ་སྤྲེལ་ལད་བྱེད་པ་མ་ཡིན་པར་བེུད་ཚོ་གནད་འགག་ཆེན་པོ་ཞིག་དང་བེུད་ཚོ་ཆོས་དང་རིག་གཞུང་སོགས་ལ་ཞབས་འདེབས་བསྒྲུབ་པར་སློབ་སྦྱོང་ཡོད་པ་བྱུང་ན། དེའི་ཚོད་ཀྱིས་བེུད་ཚོར་ནུས་པ་ཞིག་ཡོང་ངེས་ཡིན་པར་བརྟེན་བཀའ་གནང་པ་ཞིག་ཡིན་སྐོར་བཀའ་བསྩལ་ཡོད། དེ་བཞིན་༸གོང་ས་མཆོག་གིས་སྔར་བོད་ནང་བླ་མའི་ཡང་སྲིད་སྔ་ཤོས་ངོས་འཛིན་པའི་ཁོངས་ལས་བསམ་སྡིངས་རྡོ་རྗེ་ཕག་མོ་ལྟ་བུ་ནི་བེུད་ཀྱི་རྟེན་ཅན་དུ་ངོས་འཛིན་གནང་པ་བྱུང་ཡོད། བེུད་ཀྱི་རྟེན་ཅན་དུ་རང་བཞིན་གྱི་རྣལ་འབྱོར་མ་ཕེབས་པ་བྱུང་ཡོད་པ་རེད། དེས་ན་མ་འོངས་པར་༸གང་ཉིད་མཆོག་གི་༸སྐུའི་ཡང་སྲིད་དེ་བེུད་ཀྱི་རྟེན་ཅན་དུ་ཕེབས་ཚེ་འགྲོ་དོན་ཆེ་བ་ཡོང་ན་དེ་ལྟར་ཕེབས་ངེས་ཡིན་ཅེས་བཀའ་བསྩལ་མཛད་ཡོད་པ་རེད། དེ་བཞིན་ཞྭ་སེར་བསྟན་པའི་གསལ་བྱེད་འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་༸རྗེ་བཙུན་བློ་བཟང་བསྟན་འཛིན་མཆོག་ནས་འཚམས་འདྲིི་གནང་པ་དང་སྦྲགས། ཐེངས་འདིར་དགེ་བཤེས་མའི་མཛད་སྒོ་ཚོགས་རྒྱུ་བྱུང་བ་འདི་ནི་གཙོ་ཆེ་སྤྱི་ནོར་༸གོང་ས་༸སྐྱབས་་མགོན་ཆེན་པོ་མཆོག་གི་ཐུགས་རྗེ་བཀའ་དྲིན་ཁོ་ནར་བརྟེན་ནས་བྱུང་བ་ཞིག་ཡིན་པ་དུས་ནམ་ཡང་བརྗེད་མི་རུང་བ་ཡིན་སྐོར་བཀའ་སློབ་གནང་པ་མ་ཟད། དགེ་བཤེས་མ་དེ་དག་ནས་རང་ཉིད་ལ་དཔེ་ཁྲིད་གནང་མཁན་གྱི་དགེ་བའི་བཤེས་གཉེན་རྣམས་ཀྱི་བཀའ་དྲིན་ཡིད་ལ་དྲན་པའིི་སྒོ་ནས་བཙུན་མ་གཞན་རྣམས་ལ་དཔེ་ཁྲིད་ཀྱི་དགེ་རྒན་གནང་རྒྱུ་མཚོན་པའི་སངས་རྒྱས་ཀྱི་བསྟན་པ་དར་ཞིང་རྒྱས་པ་ཞིག་ཡོང་བའི་དགོངས་པ་ཆེ་བཞེས་གནང་དགོས་སྐོར་སོགས་ཀྱི་ལམ་སྟོན་བཀའ་སློབ་བསྩལ་ཡོད་པ་རེད། སྲིད་སྐྱོང་བློ་བཟང་སེང་གེ་མཆོག་ནས་བཀའ་ཤག་གི་དགའ་བསུའི་འཚམས་འདྲི་དང་གསུང་བཤད་གནང་པར་ད་ལྟའི་དགེ་བཤེས་མའི་མཚན་རྟགས་བཞེས་མཁན་རྣམས་ནི་ལོ་རྒྱུས་ཐོག་ཐེངས་དང་པོ་ཆགས་ཡོད་སྟབས་སྤྱི་ཚོགས་ཀྱི་ཁྲོད་ནས་དམིགས་བསལ་གྱི་དོ་སྣང་དང་རེ་བ་གནང་ཡུལ་ཞིག་ཆགས་ཡོད་པ་རེད། དེས་ན་དགེ་བཤེས་མ་དེ་དག་ནས་ཀྱང་དམིགས་བསལ་གྱི་འགན་ཞིག་ཡོད་པ་མཁྱེན་པ་གནང་དགོས་སྐོར་སོགས་གསུངས་སོང་། ཆོས་རིག་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་གིས་མཛད་སྒོ་དེར་ངོ་སྤྲོད་གསུང་བཤད་གནང་སྐབས་དགེ་བཤེས་མ་དེ་དག་ནས་དགེ་བཤེས་མའི་བརྒྱུད་རིམ་ཐད་ནང་པའི་གཞུང་ཆེན་བཀའ་པོད་ལྔ་སྔོན་འགྲོ་དང་བཅས་པ་དུས་ཡུན་ལོ་གྲངས་ ༡༧ རིང་སློབ་གཉེར་གནང་དགོས་པ་དང་ལོ་རེ་ནང་རྒྱུགས་སྤྲོད་སྐབས་བརྒྱ་ཆ་ ༧༥ ལས་མི་ཉུང་བ་ལེན་དགོས་པ་སོགས་ཀྱི་ཆ་རྐྱེན་ཁག་སྒྲོག་སྦྱངས་གནང་ཡོད་པ་རེད། གཞི་རྩའི་ཐེངས་འདིའི་ཆེས་ཐོག་མའི་དགེ་བཤེས་མའི་ཕྱག་འཁྱེར་བཞེས་མཁན་བཙུན་མ་ ༢༠ ཡོད་པ་དེ་དག་ནི། རྡ་ས་འཇམ་དབྱངས་ཆོས་གླིང་ནས་བཙུན་མ་ ༦ དང་རྡ་ས་སྒྲོལ་མ་གླིང་ནས་བཙུན་མ་ ༦ མོན་གྷོ་བཙུན་དགོན་བྱང་ཆུབ་ཆོས་གླིང་ནས་བཙུན་མ་ ༥ དང་བལ་ཡུལ་མཁའ་སྤྱོད་དགའ་འཁྱིལ་གླིང་ནས་བཙུན་མ་ ༢ དེ་བཞིན་རྡ་ས་དགེ་ལྡན་ཆོས་གླིང་ནས་བཙུན་མ་ ༡ བཅས་ཁྱོན་དགེ་བཤེས་མ་ ༢༠ ཐོན་ཐུབ་པ་བྱུང་ཡོད་པ་དང་། དེ་དག་ལས་ཨང་དང་པོ་དེ་བལ་ཡུལ་མཁའ་སྤྱོད་དགའ་འཁྱིལ་གླིང་བཙུན་དགོན་གྱི་བཙུན་མ་འཕན་པོ་བ་རྣམ་སྒྲོལ་ཕུན་ཚོགས་ལགས་དང་། ཨང་གཉིས་པ་དེ་རྡ་ས་བཙུན་དགོན་སྒྲོལ་མ་གླིང་གི་བཙུན་མ་བསྟན་འཛིན་སྣང་གསལ་ལགས། ཨང་གསུམ་པ་རྡ་ས་འཇམ་དབྱངས་ཆོས་གླིང་དགོན་པའི་བཙུན་མ་བློ་བཟང་ཆོས་སྒྲོན་ལགས་བཅས་ཡིན་པ་རེད། མཛད་འཆར་ལྟར་ན། སང་ཕྱི་ཚེས་ ༢༣ ཉིན་༸གོང་ས་མཆོག་༸རྗེ་ཙོང་ཁ་པ་ཆེན་པོ་དགོངས་རྫོགས་ཉིན་དང་བསྟུན་དགའ་ལྡན་དགོན་པར་༸ཞབས་སོར་བདེ་བར་འཁོད་གནང་སྟེ་མཛད་འཕྲིན་ཁག་ཅིག་བསྐྱང་རྒྱུ་ཡིིན་འདུག དེ་རྗེས་ཚེས་ ༢༤ ཉིན་༸གོང་ས་མཆོག་མོན་གྷོ་འདོད་རྒུ་གླིང་ཁུལ་གྱི་མཛད་འཆར་ཁག་རེ་ཞིག་ལེགས་གྲུབ་གནང་ཐོག་མོན་གྷོ་འདོད་རྒུ་གླིང་ནས་ཆིབས་ཞལ་བསྒྱུར་གནང་མཛད་ཀྱི་འདུག