Monthly Archives: July, 2017

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པ་མཆོག་དེ་རིང་སྔ་དྲོ་རྒྱ་གར་བྱང་ཕྱོགས་ལ་དྭགས་སླེ་རྒྱལ་སར་རྟེན་གཞི་བྱས་པའི་ཇོ་ཁང་དུ་གནས་གཟིགས་མཛད་པ་དང་འབྲེལ། ལ་དྭགས་གཞོན་སྐྱེས་ཚོས་ནང་པའི་ལྟ་གྲུབ་ཐོག་སློབ་སྦྱོང་ཤུགས་ཆེ་བྱེད་ཐུབ་རྒྱུར་ཐུགས་རེ་ཡོད་པ་བཀའ་ནན་སྩལ་སོང། དེ་རིང་ཟླ་ ༧ ཚེས་ ༥ ཉིན་སྔ་དྲོ་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་ཞི་བའི་ཚལ་ཕོ་བྲང་ནས་རྒྱང་ཐག་སྤྱི་ལེ་བདུན་སར་རྟེན་གཞི་བྱས་པའི་རྒྱལ་ས་སླེ་ཇོ་ཁང་དུ་གནས་གཟིགས་ཕེབས་བསྟུན། ཕེབས་ལ མ་གྱི་གཡས་གཡོན་ཕྱོགས་གང་སར་སེར་སྐྱ་མང་ཚོགས་ཚོས་དགའ་དད་སྤྲོ་གསུམ་ངང་ཕེབས་བསུ་གཟབ་རྒྱས་ཞུས་སོང་། མགོན་པོ་མཆོག་ཇོ་ཁང་དུ་ཕེབས་འབྱོར་སྐབས་ཐུགས་བརྩེ་བ་ཆེན་པོས་ཕེབས་བསུར་བཅར་བའི་ས་གནས་མང་ཚོགས་ཁ་ཤས་ལ་ཞལ་མཇལ་དང་ཕྱག་དབང་བསྩལ་སོང། ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ཁང་དུ་གནས་གཟིགས་མཛད་པ་དང་འབྲེལ། ཁུལ་དེའི་ནང་དུ་མགོན་པོ་༸གང་ཉིད་མཆོག་གི་མཇལ་ཁར་བཅར་བའི་ལ་དྭགས་རི་ལྗོངས་ཡར་རྒྱས་ལྷན་ཚོགས་ཀྱི་ཚོགས་གཙོ་ཌོ་ཌར་ཟླ་བ་ལགས་ཀྱིས་གཙོས། ལ་དྭགས་ནང་ཚོགས་དང་དགོན་ཚོགས་ཀྱི་ཚོགས་གཙོ། དེ་བཞིན་ས་གནས་མང་ཚོགས་ལ་བཀའ་སློབ་བསྩལ་ཡོད་པ་རེད། སྐབས་དེར་༸གོང་ས་མཆོག་གིས་སྤྱིར་འཛམ་གླིང་འདིའི་སྟེང་ཡོད་པའི་ཆོས་ལུགས་ཚང་མས་ད་བར་འཛམ་གླིང་ཐོག་གི་སྐྱེས་འགྲོ་ཀུན་ལ་ཕན་ཐོགས་ཆེན་པོ་བྱུང་ཡོད་པ་དང། དེ་དག་ལས་ལྟ་གྲུབ་ཀྱི་ཆ་ནས་ནང་པ་སངས་རྒྱས་པའི་ཆོས་དེ་མི་འདྲ་བ་ཞིག་ཡོད་པ་དང། ལ་དྭགས་པ་ཚོ་ཡིན་ན་ཆོས་ལུགས་བསྒྱུར་བ་ཞིག་མིན་པར་རང་ཉིད་ཀྱི་ཕ་མེས་ཚོ་ནང་པ་ཞིག་ཡིན་སྟབས། ལ་དྭགས་ཀྱི་ཆོས་གྲོགས་ཚོས་ནང་པ་སངས་རྒྱས་པའི་ལྟ་གྲུབ་དེ་ཆོས་ཙམ་ལ་ངོས་མ་འཛིན་པར་ཤེས་ཡོན་གྱི་འདུ་ཤེས་འཛིན་ཏེ་སློབ་གཉེར་བྱེད་དགོས་གལ་ཡིན་པ་བཀའ་སྩལ་དང་ཆབས་ཅིག ལ་དྭགས་ཀྱི་མང་ཚོགས་རྒན་པ་ཚོས་གང་ཐུབ་དཔེ་ཀློག་བྱེད་དགོས་ཞེས་བཀའ་བསྩལ་བ་མ་ཟད། ལྷག་པར་དུ་མགོན་པོ་མཆོག་གིས་ལ་དྭགས་གཞོན་སྐྱེས་ཚོས་ནང་པའི་ལྟ་གྲུབ་ཐོག་སློབ་སྦྱོང་ཤུགས་ཆེ་བྱེད་ཐུབ་རྒྱུར་རེ་བ་ཡོད་ཅེས་བཀའ་ནན་སྩལ་ཡོད་པ་རེད། མཛད་འཆར་ལ་གཞིགས་ན། སང་ཟླ་ ༧ ཚེས་ ༦ ཉིན་སྔ་དྲོ་ལ་དྭགས་ཞི་བའི་ཚལ་གསུང་ཆོས་ར་བར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་ལ་དྭགས་གཞུང་དམངས་དང་ས་གནས་བོད་མི་ཚོས་མགོན་པོ་མཆོག་ཕྱི་ལུགས་ ལྟར་དགུངས་གྲངས་ ༨༢ ཕེབས་པའི་༸སྐུའི་འཁྲུངས་སྐར་སྲུང་བརྩི་གཟབ་རྒྱས་ཞུ་རྒྱུ་ཡིན་པ་དང་། ལ་དྭགས་བསོད་ནམས་གླིང་གཞིས་སྒར་གྱི་བོད་མི་ཡོངས་ནས་མགོན་པོ་མཆོག་༸སྐུ་ཚེ་མི་འཇིགས་རྡོ་རྗེའི་ཁམས་སུ་བརྟན་ཕྱིར་བརྟན་བཞུགས་བསྟར་འབུལ་ཞུ་གནང་གི་ཡོད་པ་རེད། འཁྲུངས་སྐར་གྱི་མཛད་སྒོ་ཐོག་ལ་དྭགས་རི་ལྗོངས་ཡར་རྒྱས་ལྷན་ཚོགས་ཀྱི་ཚོགས་གཙོ། ས་གནས་གྲོས་ཚོགས་འཐུས་མི། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང ་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག དེ་བཞིན་གཞུང་འབྲེལ་གནད་ཡོད་མི་སྣ་སོགས་ལྷན་འཛོམས་གནང་གི་ཡོད་རེད་འདུག

བལ་ཡུལ་གཞུང་གིས་ཁུལ་དེར་གནས་བཞུགས་བོད་མི་ཚོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༢ ཕེབས་པའི་༸སྐུའི་འཁྲུངས་སྐར་སྲུང་བརྩི་ཞུ་རྒྱུའི་ཆོག་མཆན་སྤྲད་མེད་སྟབས། དེ་རིང་བོད་མི་རྣམས་ནས་ཉིན་མོ་དེ་སྔ་ནུར་གྱིས་སྲུང་བརྩི་ཞུས་ཡོད་ཀྱང་། ༸སྐུའི་འཁྲུངས་སྐར་སྲུང་བརྩི་ཞུ་ཡུལ་ཡུལ་འཕགས་ཤིང་རྣམ་རྒྱལ་འབྲིང་རིམ་སློབ་གྲྭའི་ཉེ་འཁོར་དུ་ཉེན་རྟོག་པ་འགྲེམས་འཇོག་གིས་དམ་དྲག་ཤུགས་ཆེ་བྱས་འདུག དེའང་བལ་ཡུལ་དོན་གཅོད་ལས་ཁུངས་དང་འཁྲུངས་སྐར་གོ་སྒྲིག་ཚོགས་ཆུང་གི་ངོས་ནས་བལ་ཡུལ་གཞུང་ལ་༸སྐུའི་འཁྲུངས་སྐར་སྲུང་བརྩི་ཞུ་ཆོག་པའི་ཆོག་མཆན་ཞུས་ཡོད་ཀྱང་། སྐབས་མཚམས་སུ་ཆོག་མཆན་སྤྲད་མེད་པ་རེད་འདུག དེར་བརྟེན་བལ་ཡུལ་གྱི་རྒྱལ་ས་དང་འཕགས་པ་ཤིང་ཀུན་གྱི་འཁྲུངས་སྐར་གོ་སྒྲིག་ཚོགས་ཆུང་ཐོུང་གིས་དེ་རིང་ཟླ་ ༧ ཚེས་ ༥ ཉིན་འཕགས་པ་ཤིང་ཀུན་ཉེ་འདབས་ཀྱི་གློ་བོ་དགོན་པའི་ནང་དུ་སྔ་དྲོ་ཚོུད་ ༨ ནས་འགོ་འཛུགས་ཀྱིས་༸སྐུའི་འཁྲུངས་སྐར་སྲུང་བརྩིའི་བྱེད་སྒོ་སྟབས་བདེ་ཞིག་གནང་ཡོད་པ་རེད། བལ་ཡུལ་གཞུང་གིས་འཁྲུངས་སྐར་དངོས་གཞི་བཀག་སྡོམ་ཆེད་ཁ་སང་མཚན་གྱི་ཚོུད་དང་པོ་ནས་ཐོ་རངས་ཚོུད་བཞི་པ་བར་དུ་བལ་ཡུལ་དམག་མི་མང་པོ་ཞིག་འཁྲུངས་སྐར་གོ་སྒྲིག་ཞུ་ཡུལ་རྣམ་རྒྱལ་འབྲིང་རིམ་སློབ་གྲྭའི་ནང་ཡོང་ནས་དམ་དྲག་བྱས་འདུག་པ་མ་ཟད། དེ་རིང་འཕགས་པ་ཤིང་ཀུན་གཡས་གཡོན་ས་ཚིགས་དང་གློ་བོ་དགོན་པའི་ཕྱི་ནང་གང་སར་ཉེན་རྟོག་དམག་མི་འགྲེམས་འཇོག་གིས་མཛད་སྒོའི་སྐབས་༸གོང་ས་མཆོག་གི་༸སྐུ་པར་སྒྲིག་གཤོམ་ཞུས་པའང་ཕྱིར་བསྡུ་བྱེད་བཅུག་ཡོད་པ་རེད། མཛད་སྒོ་དེར་བོད་མི་ཆིག་སྟོང་བརྒལ་བ་ཞིག་མཉམ་ཞུགས་གནང་ཐུབ་ཡོད་ཀྱང་། སྦོ་ཏ་མཆོད་རྟེན་དང་འཇོར་པ་ཏྲི་བཅས་ནས་ཡོང་མཁན་རྣམས་དང་དགོན་སྡེ་ཁག་ནས་ཡོང་མཁན་ཚོ་ལམ་བར་དུ་བཀག་སྡོམ་ཀྱིས་ཕྱིར་ལོག་བཏང་འདུག མཛད་སྒོའི་ཐོག་མར་བལ་ཡུལ་སྐུ་ཚབ་དོན་གཅོད་ནས་འཁྲུངས་སྐར་གྱི་གོ་སྒྲིག་ཞུས་པ་ལྟར་ཆོག་མཆན་མ་རག་སྟབས་དེ་རིང་དུས་ཚོད་སྔ་སྣུར་གྱིས་སྲུ་བརྩི་ཞུ་དགོས་བྱུང་དོན་ངོ་སྤྲོདང་། སང་ཉིན་འཁྲུངས་སྐར་དངོས་གཞི་སྐབས་བལ་ཡུལ་མཆོད་རྟེན་དང་འཇོར་བ་ཏྲི་ཁུལ་ས་གནས་སོ་སོར་སྲུང་བརྩི་གནང་དགོས་སྐོར་སོགས་ཀྱི་གསུང་བཤད་གནང་ཡོད་པ་རེད། དེ་རྗེས་བལ་ཡུལ་ལྷ་མོ་ཚོགས་པ་དང་རྣམ་རྒྱལ་འབྲིང་རིམ་སློབ་གྲྭ་སྐྱིད་རོང་སྐྱིད་སྡུག་དང་། ར་སུ་ལྦ་ཚོགས་པ་བཅས་ནས་གཞས་སྣ་ཁག་ཅིག་གཟིགས་འབུལ་ཞུ་ཐོག་མཇུག་སྒྲིལ་བྱེད་དགོས་བྱུང་འདུག ཤེས་རྟོགས་བྱུང་བར། སང་ཉིན་ས་གནས་སོ་སོར་སྲུང་བརྩི་ཞུ་རྒྱུར་དམ་དྲག་བྱས་འདུག་པ་མ་ཟད། མཆོད་རྟེན་ཉེ་འཁོར་དུ་ཡང་དམག་མི་དང་ཉེན་རྟོག་པ་མང་པོ་འགྲེམས་འཇོག་གིས་དམ་དྲག་བྱེད་བཞིན་ཡོད་པ་རེད་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་ལ་དྭགས་གཞོན་སྐྱེས་ཚོས་ནང་པའི་ལྟ་གྲུབ་ཐོག་སློབ་སྦྱོང་ཤུགས་ཆེ་བྱེད་ཐུབ་རྒྱུར་ཐུགས་རེ་ཡོད་པ་བཀའ་བསྩལ་སོང་། བོད་ཀྱི་ཨ་ཆེན་གངས་རྒྱབ་ས་ཁུལ་དེ་རྒྱལ་ཚོགས་ཀྱི་རང་བྱུང་ཤུལ་བཞག་སྲུང་སྐྱོབ་ཀྱི་མིང་གཞུང་ཁོངས་སུ་བཅུག་འཆར་ལ་ངོ་རྒོལ། ལྷོ་ཀོ་རི་ཡའི་ནང་དུ་༸གོང་ས་མཆོག་གི་༸སྐུའི་འཁྲུངས་ལྷ་དབྱར་གསོལ་སྔ་སྣུར་གྱིས་སྲུང་བརྩི་། བལ་ཡུལ་ནང་དམ་དྲག་ཆེན་པོའི་འོག་༸སྐུའི་འཁྲུངས་ལྷ་དབྱར་གསོལ་སྔ་ནུར་ཐོག་སྲུང་བརྩི་ཞུས་འདུག བོད་མི་ཚོས་ལྷག་བསམ་གཅིག་པོ་མིན་པར་དཔལ་འབྱོར་གྱི་ཐོག་ནས་རོགས་རམ་གནང་དགོས་པ་གསུངས་སོང་། Wednesday 05/07/2017 Dalai Lama visits Jokhang, urges Ladakhi youth to study Buddhist philosophy Tibet activists protest China branding Kekexili as ‘no man’s land’ Clampdown in Nepal as Tibetans celebrate Dalai Lama’s birthday in advance NWTCA Portland adopts Phuntsoking, a Tibetan donates INR 10 lacs

སྐུའི་གཅུང་མོ་རྗེ་བཙུན་པདྨ་ལགས་དབུ་བཞུགས་ཐོག་ལྷོ་ཀོ་རི་ཡའི་ནང་དུ་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༢ ཕེབས་པའི་༸སྐུའི་འཁྲུངས་སྐར་སྔ་སྣུར་ཐོག་སྲུང་བརྩི་ཞུས་འདུག ཟླ་ ༧ ཚེས་ ༡ ཉིན་བོད་ཁང་གི་གོ་སྒྲིག་འོག་ཀོ་རི་ཡའི་ནང་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༢ ཕེབས་པའི་༸སྐུའི་འཁྲུངས་འཁྲུངས་སྐར་སྔ་སྣུར་ཐོག་སྲུང་བརྩི་ཞུས་འདུག མཛད་སྒོའི་སྐུ་མགྲོན་གཙོ་བོ་སྐུའི་གཅུང་མོ་བཀའ་ཟུར་རྗེ་བཙུན་པདྨ་ལགས་དང་། བོད་མིའི་སྒྲིག་འཛུགས་ཀྱི་བཀའ་ཟུར་དང་ལྡི་ལི་དོན་གཅོད་ཟུར་པ་བསྟན་པ་ཚེ་རིང་ལགས། ལྷོ་ཀོ་རི་ཡའི་ནང་པའི་དགོན་ཁག་གི་མཁན་པོ་ ༤༠ ཙམ་དང་། ཤྲི་ལངྐ་དང་ལའོ་སིའི་སྐུ་ཚབ།  དེ་བཞིན་བོད་མི་དགེ་འདུན་པ་ ༡༥ དང་ཁུལ་དེར་བཅའ་བཞུགས་བོད་མི་དང་ཀོ་རི་ཡའི་དད་ལྡན་པ་བཅས་ཁྱོན་མི་གྲངས་ ༥༥༠ ཙམ་འདུ་འཛོམས་ཀྱིས་ཐོག་མར་ ༸རྒྱལ་བའི་༸སྐུ་པར་མཐོང་གྲོལ་རིན་པོ་ཆེར་མཇལ་དར་སྒྲོན་འབུལ་དང་མཇལ་ཞུ། དེ་བཞིན་སྨོན་ལམ་གསུང་འདོན་སོགས་གནང་པ་མ་ཟད། KBS ཞེས་པའི་ལྷོ་ཀོ་རི་ཡའི་གཞུང་འབྲེལ་བརྙན་འཕྲིན་བརྒྱུད་ལམ་ཀྱི་མི་སྣ་ཞིག་དེ་སྔ་རྡ་སར་ཆེད་བཅར་གྱིས་༸གོང་ས་མཆོག་ལ་བཀའ་འདྲི་ཞུས་པའི་བོད་མི་དང་འབྲེལ་བའི་གློག་བརྙན་དེ་གཟིགས་འབུལ་ཞུས་ནས་ཉིན་མོ་དེ་སྲུང་བརྩི་གཟབ་རྒྱས་ཞུས་འདུག བོད་ཁང་གིས་ཇི་ལྟར་གསོལ་འདེབས་ཞུ་དོན་ལྟར་༸གོང་ས་མཆོག་ནས་དད་ལྡན་མང་ཚོགས་རྣམས་ལ་གསུང་འཕྲིན་ཞིག་བསྩལ་གནང་བའི་ནང་དུ་མགོན་པོ་༸གང་ཉིད་མཆོག་གིས་དུས་རྟག་ཏུ་བྱམས་པ་དང་སྙིང་རྗེ་གོང་འཕེལ་གཏོང་རྒྱུའི་ཐད་མཛད་འགན་བཞེས་དོན་བཞིན་དད་ལྡན་མང་ཚོགས་རྣམས་ནས་ཀྱང་དེ་དག་དོན་འཁྱོལ་ལག་བསྟར་ཐུབ་ཚེ་མགོན་པོ་མཆོག་གི་༸སྐུའི་འཁྲུངས་སྐར་གྱི་ཕྱག་རྟགས་ལེགས་ཤོས་དེ་ཡིན་པ་བཀའ་བསྩལ་མཛད་འདུག རྩ་བའི་ལྷོ་ཀོ་རི་ཡང་ནང་དུ་བོད་མི་སྐྱ་སེར་ཁྱོན་ ༣༥ ཙམ་ལས་མེད་ཀྱང་ཁུལ་དེར་ལོ་ལྟར་༸སྐུའི་འཁྲུངས་སྐར་སྲུང་བརྩི་ཞུ་སྐབས་བོད་མི་དེ་དག་དང་། མགོན་པོ་༸གང་ཉིད་མཆོག་ལ་དད་གུས་ཡོད་པའི་ལྷོ་ཀོ་རི་ཡའི་མང་ཚོགས་བཅས་མི་གྲངས་ ༦༠༠ ནས་ ༧༠༠ བར་ཚང་འཛོམས་ཐོག་འཁྲུགས་ལྷ་དབྱར་གསོལ་སྲུང་བརྩི་ཞུ་གནང་གི་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་ཤེས་ཡོན་བརྒྱུད་དང་པོ་ནང་སེམས་རྒྱུད་འདུལ་དགོས་པ་རེད་བཀའ་བསྩལ་འདུག ཁེ་ན་ཌའི་གྲོས་ཚོགས་འཐུས་མི་ཞིག་གིས་བོད་མི་ཆབ་སྲིད་བཙོན་པའི་གནས་སྟངས་སྐོར་དྲིས་རྩད་གནང་འདུག ༸གོང་ས་མཆོག་དབུ་བཞུགས་Botswana ནང་ཚོགས་རྒྱུའི་ལྷན་ཚོགས་དེ་ལམ་ལྷོང་ཡོང་རྒྱུ་ཡིན་པ་གསུངས་འདུག Inframe ཞེས་བོད་པའི་པར་རིས་དུས་དེབ་འདོན་སྤེལ་གནང་བ། ཀརྨ་པ་རིན་པོ་ཆེ་མཆོག་ཨ་རིའི་ནང་ཞབས་སོར་བདེ་བར་འཁོད་འདུག ལྷ་སའི་ནང་ལོ་ངོ་ ༥༦ རྗེས་ Tornado རླུང་འཚུབ་ཐེངས་དང་པོ་བྱུང་འདུག རྒྱུད་སྨད་གྲྭ་ཚང་དུ་བོད་ཀྱི་སྐད་ཡིག་དང་ནང་དོན་རིག་པའི་ཟབ་འཁྲིད་ཐེངས་བཞི་པ་འགོ་འཛུགས། གླུ་གཞས་ལེ་ཚན། གཞས་པ་བསྟན་འཛིན་བཟང་པོ་ལགས་ཀྱི་གཞས་ང་ནི་བོད་ཕྲུག་ཞིག་སྟེ། Tuesday 04/07/2017 Education can contribute to inner disarmament: Dalai Lama Canadian MP questions government on its efforts to defend Tibetan political prisoners In Frame: First Tibetan Photography Magazine launched in Dharamsala Karmapa arrives in Washington DC Rare tornado in Lhasa, first since 56 years Gyurmey monastery hosts 6th Tibetan language class for college students MUSIC FEATURE: ‘I am a Tibetan’ by Tenzin Sangpo

སྒྲུབ་བརྒྱུད་བསྟན་པའི་གསལ་བྱེད་དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་ཁེ་ན་ཌའི་ནང་གི་མཛད་འཕྲིན་ཁག་ལེགས་གྲུབ་ཀྱིས་དེ་རིང་ཨ་རིའི་རྒྱལ་ས་ཝ་ཤིང་ཊོན་དུ་༸ཞབས་སོར་བདེ་བར་འཁོད་འདུག དེ་ཡང་ཨ་རི་བོད་ཀྱི་སྐུ་ཚབ་དོན་ཁང་གི་ངོ་དེབ་ཐོག་གནས་ཚུལ་སྤེལ་བར་གཞིགས་ན། ཀརྨ་པ་རིན་པོ་ཆེ་མཆོག་དེ་རིང་ཨ་རིའི་རྒྱལ་ས་ཝ་ཤིང་ཊོན་དུ་༸ཞབས་སོར་བདེ་བར་འཁོད་བསྟུན། རིན་པོ་ཆེའི་བཞུགས་གནས་གསོལ་མགྲོན་ཁང་དུ་སྐུ་ཚབ་དོན་གཅོད་སྤེན་པ་ཚེ་རིང་མཆོག་གིས་གཙོས་པའི་དོན་ཁང་གི་ལས་བྱེད་ཁག་ཅིག་དང་ས་གནས་བོད་རིགས་སྤྱི་མཐུན་ཚོགས་པ་བཅས་ནས་ཕེབས་བསུའི་སྣེ་ལེན་གཟབ་རྒྱས་ཞུས་འདུག རྩ་བའི་རིན་པོ་ཆེ་མཆོག་ཟླ་ ༧ ཚེས་ ༥ ཉིན་ཨ་རི་དོན་གཅོད་ལས་ཁུངས་སུ་འཚམས་གཟིགས་ལ་ཕེབས་ཀྱི་ཡོད་པ་རེད། གཞི་རྩའི་རིན་པོ་ཆེ་མཆོག་ད་རེས་ཨ་རི་ནང་ཆིབས་བསྒྱུར་མ་བསྐྱང་གོང་དུ་ཁེ་ན་ཌའི་ Vancouver གྲོང་ཁྱེར་ནང་བདུན་ཕྲག་གཅིག་ཙམ་རིང་ལ་གྲོང་ཁྱེར་དེའི་སྤྱི་ཁྱབ་པ་སྐུ་ཞབས་Gregor Robertson མཆོག་དང་མཇལ་འཕྲད་ཀྱིས་ཁོར་ཡུག་སྲུང་སྐྱོབ་ཀྱི་ཐབས་ལམ་དང་འཆར་གཞི་བཅས་ཀྱི་བརྗོད་གཞི་ཐོག་བཀའ་མོལ་གནང་པ་དང་། ས་གནས་བོད་མིར་སྤྱན་རས་གཟིགས་ཀྱི་བཀའ་དབང་དང་བཀའ་སློབ་བསྩལ་བ་མ་ཟད། དེ་བཞིན་མངའ་སྡེ་ཨོན་ཊ་རོའོ་བཅས་ཀྱི་ནང་ལ་ཆིབས་སྒྱུར་གྱིས་ཆོས་ཕྱོགས་ཀྱི་མཛད་འཕྲིན་མང་དག་བསྐྱངས་ཡོད་པ་རེད།

ཉེ་ཆར་རྒྱ་ནག་དང་རྒྱལ་སྤྱིའི་གསར་འགྱུར་བརྒྱུད་ལམ་ཁག་གིས་གནས་ཚུལ་སྤེལ་བར་ཟླ་བ་འདིའི་ཕྱི་ཚེས་ ༡ ཉིན་བོད་ཀྱི་རྒྱལ་ས་ལྷ་སའི་མཁའ་དབྱིངས་ངོས་སུ་དུས་ཡུན་སྐར་མ་ ༡༠ ཙམ་རིང་ལ་ Tornado འམ་རླུང་འཁོར་འཚུབ་མའི་གནད་དོན་བྱུང་འདུག་པ་དང། དེའང་རྩ་བའི་ས་མཐོ་ཐོག་རླུང་འཚུབ་དེ་རིགས་མང་པོ་ཡོང་སྲོལ་མེད་སྟབས། དེ་སྔ་ཕྱི་ལོ་ ༡༩༦༡ ལོར་རླུང་འཁོར་འཚུབ་མ་དེ་འདྲ་གཅིག་བྱུང་བ་ནས་བཟུང་ལོ་ངོ་ ༥༦ རྗེས་ཀྱི་ཆེས་ཐོག་མ་དེ་ཆགས་ཀྱི་ཡོད་འདུག གནད་དོན་དེ་དང་འབྲེལ་བའི་བརྙན་པར་མང་དག་ཞིག་ཕྱིར་འགྱར་བྱུང་འདུག་པའི་ནང་དུ་ལྷ་ས་ཁུལ་འདམ་གཞུང་རྫོང་དུ་བོད་མི་དང་ལོ་ཆུང་སློབ་ཕྲུག་མང་པོས་མཁའ་དབྱིངས་ལ་མཛུབ་མོ་འཛུགས་ནས་རླུང་འཚུབ་དེར་ལྟ་བཞིན་འདུག་པ་དང་། ནམ་ཁར་སྤྲིན་ནག་གིས་སྒྲིབ་ནས་རླུང་འཚུབ་དཀར་པོ་ཞིག་ཀྱང་ཐོན་པ་སོགས་མངོན་རྒྱུ་འདུག མང་ཚོགས་ནས་ཆུ་རླུང་ཡིན་པར་འགྲེལ་བརྗོད་བྱས་འདུག་ཀྱང། བོད་ཀྱི་གནམ་ཤིས་ལས་ཁུངས་ཀྱི་གནམ་གཤིས་རིག་པ་ Du Jun ཞུ་བ་ཁོང་གིས་དེ་ནི་ཆུ་རླུང་མ་ཡིན་པར་རླུང་འཁོར་འཚུབ་མ་ཡིན་པར་གསལ་བཤད་གནང་འདུག དེ་ཉིན་རླུང་འཚུབ་སྐར་མ་བཅུ་ཙམ་རིང་བྱུང་བ་འདུག་པ་དང་ Millimeter  ༦ ཚད་ཀྱི་ཆར་ཤུགས་ཤིག་བྱུང་ཡོད་ཀྱང་། མི་རྒྱུ་སོགས་ལ་གནོད་འཚེ་རིག་གང་ཡང་བྱུང་མི་འདུག

དེའང་ཟླ་ ༦ ཚེས་ ༣༠ ཉིན་ཁེ་ན་ཌའི་བོད་དོན་རྒྱབ་སྐྱོར་ཚོགས་པས་གནས་ཚུལ་སྤེལ་བར་གཞིགས་ན། ཁེ་ན་ཌའི་གྲོས་ཚོགས་འཐུས་མི་སྐུ་ཞབས་ Randall Garrsion ལགས་ཀྱིས་ཁེ་ན་ཌ་ཕྱི་སྲིད་ལས་ཁུངས་ནས་བོད་མི་ཆབ་སྲིད་བཙོན་པ་ཚོའི་གནད་དོན་ཐོག་གང་གནང་ཡོད་མེད་ཀྱི་གསལ་བཤད་དགོས་པའི་ཡིག་ཐོག་ཞུ་སྙན་ཞིག་ཕུལ་འདུག རྩ་བའི་ཁེ་ན་ཌའི་གཞུང་གི་ངོས་ནས་སྔ་ལོའི་ཕྱི་ཟླ་ ༡༢ ནང་འཛམ་གླིང་ཁྲོད་འགྲོ་བ་མིའི་ཐོབ་ཐང་སྲུང་སྐྱོབ་པར་རྒྱབ་སྐྱོར་གནང་ཕྱོགས་དང་འབྲེལ་བའི་རྩ་འཛིན་སྲིད་བྱུས་འོག་ལམ་སྟོན་གསར་པ་གཅིག་གཏན་འབེབས་གནང་ཡོད་པ་དང། སྲིད་བྱུས་ལམ་སྟོན་གསར་པ་དེ་དག་ནང་རྒྱལ་སྤྱིའི་ཡུལ་གྲུ་ཁག་གི་ནང་དུ་རྟེན་གཞི་བྱས་པའི་ཁེ་ན་ཌའི་གཞུང་ཚབ་ལས་ཁུངས་དང་གཞན་ཡན་ལག་ལས་ཁུངས་རྣམས་ནས་འགྲོ་བ་མིའི་ཐོབ་ཐང་སྲུང་སྐྱོབ་པར་རྒྱབ་སྐྱོར་གནང་རྒྱུ་དེ་ལས་དོན་གནད་ཆེ་གྲས་སུ་བཞག་དགོས་པ་འཁོད་ཡོད་པ་རེད། སྐུ་ཞབས་ Garrison ལགས་ནས་ད་རེས་ལམ་སྟོན་དེ་གཞིར་བཟུང་༸ཀུན་གཟིགས་པཎ་ཆེན་རིན་པོ་མཆོག་དང་། སྐད་ཡིག་ལས་འགུལ་བ་བཀྲིས་བདང་ཕྱུག་ལགས། རྩོམ་པ་པོ་ཞོགས་ལྗང་ལགས། དེ་བཞིན་སྨན་པ་ཡེ་ཤེས་ཆོས་སྒྲོན་ལགས་བཅས་བོད་མི་ཆབ་སྲིད་བཙོན་པ་བཞི་མིང་བཏོན་གནང་སྟེ། ཁེ་ན་ཌ་གཞུང་ནས་ཁོང་བཞི་པོ་གཙོས་པའི་བོད་མི་ཆབ་སྲིད་བཙོན་པ་སྤྱིའི་གནད་དོན་ཐོག་ད་བར་གང་གནང་ཡོད་མེད་ཀྱི་གསལ་བཤད་གནང་དགོས་པ་གསུངས་འདུག ཁོང་གིས་ལྷག་པར་དུ་༸ཀུན་གཟིགས་པཎ་ཆེན་རིན་པོ་ཆེ་མཆོག་གི་གནད་དོན་ཆེད་དུ་མངོན་བཏོན་དང་སྦྲགས། རིན་པོ་མཆོག་གི་གནས་སྟངས་ཤེས་རྟོགས་ཡོང་སླད་ཁེ་ན་ཌ་གཞུང་གི་ངོས་ནས་རྒྱལ་ཚོགས་ལ་རིན་པོ་ཆེའི་གནད་དོན་རྟོགས་ཞིབ་ཐད་རྒྱ་ནག་ལ་གནོན་ཤུགས་སྤྲོད་དགོས་པའི་ལས་དོན་གང་དང་གང་སྤེལ་ཡོད་མེད་ཀྱི་གསལ་བཤད་དགོས་པ་ཡང་ནན་བརྗོད་གནང་འདུག རྩ་བའི་སྐུ་ཞབས་ Randall Garrsion ལགས་ནི་ཁེ་ན་ཌའི་New Democratic Party ཞེས་པའི་མང་གཙོ་ཚོགས་པའི་གྲོས་ཚོགས་འཐུས་མི་ཞིག་དང། ཡུལ་དེའི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་གཞོན་ཡང་ཡིན་པ་རེད། འགྲོ་ལུགས་ལྟར་ན་ཁེ་ན་ཌའི་ཕྱི་སྲིད་ལས་ཁུངས་ངོས་ནས་སྐུ་ཞབས་ Garrion ལགས་ཀྱིས་ཡིག་ཐོག་ཏུ་ཕུལ་བའི་དྲི་བ་དེར་ཉིན་གྲངས་ ༤༥ ནང་ཚུད་བཀའ་ལན་གནང་དགོས་ཀྱི་ཡོད་པ་རེད་འདུག

ཉན་པ།: Listen ཕབ་ལེན། Download ༸གོང་ས་མཆོག་སླར་ཡང་ཐེ་ཝན་དུ་ཆིབས་གྱུར་བསྐྱངས་ཐུབས་པའི་རེ་བ་ཡོད་གསུངས་པ། སྲིད་སྐྱོང་མཆོག་གིས་སྐུ་ཞབས་ལིའུ་ཞའོ་པའོ་ལགས་ལ་ཕྱི་རྒྱལ་དུ་སྨན་བཅོས་ཐོབ་ཐང་སྤྲོད་དགོས་གསུངས་འདུག རྒྱ་གཞུང་ནས་རྒྱ་གར་གསར་འགོད་པ་ཁག་ཅིག་བོད་ནང་བསྐྱོད་རྒྱུར་བཀག་སྡོམ་བྱས་འདུག བོད་ཀྱི་གཏམ་བརྗོད་ཚན་པས་རྒྱ་གར་ལྷོ་ཕྱོགས་སུ་གཏམ་བརྗོད་འཁྲབ་སྟོན་གནང་བཞིན་པ། ལྷ་སའི་བོད་མི་རྣམས་འཕུར་ཐུབ་ཡག་མེད་པའི་བྱ་ལྟར་ཡིན་པ་གསུངས་སོང་། Monday 03/07/2017 Taiwan Tibetans celebrate Dalai Lama birthday, eagerly awaits his visit Sikyong urges China to allow Liu Xiaobo to travel abroad for treatment China cancels Indian journalists' Tibet trip amidst Sikkim stand-off Awareness through theater: DoE organizes plays in Tibetan schools in South India ‘Tibetans in Lhasa like birds in a cage’ Tibetan girl gives account of her recent Tibet visit