Monthly Archives: July, 2017

བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་ Prayers to Chinese Pop: The Story of Larung Gar Nuns ཞེས་གསེར་རྟ་བླ་རུང་སྒར་ནས་ཕྱིར་འབུད་བཏང་པའི་བཙུན་མའི་སྐོར་ལ་སྐར་མ་ ༢ ཅན་གྱི་བརྙན་ཐུང་ཕྱོགས་སྒྲིག་ཞུས་པ་ཞིག་འདོན་སྤེལ་གནང་པའི་བརྒྱུད། རྒྱ་གཞུང་གིས་བོད་བརྒྱུད་ནང་བསྟན་གྱི་སློབ་གཉེར་བྱ་ཡུལ་བསྟི་གནས་ཁང་ཆེས་གཙོ་གྲས་གསེར་རྟ་བླ་རུང་སྒར་གྱི་གྲྭ་བཙུན་རྣམས་བཙན་ཤེད་ཀྱིས་དགོན་པ་ནས་ཕྱིར་འབུད་བཏང་པའི་གནས་སྟངས་ཁག་ངོ་སྤྲོད་དང་། དེ་བཞིན་དེ་རིང་ཟླ་ ༧ ཚེས་ ༢༠ ཉིན་མོ་སྟེ་རྒྱ་གཞུང་གི་ངོས་ནས་བླ་རུང་ཆོས་སྒར་དུ་གཏོར་བཤིག་གི་ལས་དོན་འགོ་བཙུགས་ནས་ལོ་གཅིག་ཧྲིལ་པོ་འཁོར་བའི་རྗེས་དྲན་གྱི་ཉིན་མོ་སྲུང་བརྩི་ཞུས་ཡོད་པ་རེད། རྒྱ་ནག་གཞུང་གིས་སྔ་ལོའི་ཕྱི་ཟླ་ ༧ ཚེས་ ༢༠ ཉིན་བོད་གསེར་རྟ་བླ་རུང་ཆོས་སྒར་ནང་བསྟན་སློབ་གླིང་དུ་གྲྭ་བཙུན་དང་སློབ་གཉེར་བའི་གྲངས་འབོར་ ༥༠༠༠ བར་ཚད་འཛིན་བྱ་རྒྱུ་ཡིན་ཟེར་ནས་བླ་རུང་ཆོས་སྒར་དུ་གྲྭ་ཤག་གཏོར་བཤིག་དང་གྲྭ་བཙུན་ཕྱིར་འབུད་ཀྱི་ལས་དོན་འགོ་བཙུགས་ནས་འདི་ལོའི་ཕྱི་ཟླ་ ༧ ཚེས་ ༢༠ ཉིན་ལོ་གཅིག་ཧྲིལ་པོ་འཁོར་བཞིན་ཡོད་པར་བརྟེན། བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་འགྲོ་བ་མིའི་ཐོབ་ཐང་དང་རྒྱལ་ཚོགས་ཚན་པའི་ངོས་ནས་སྐར་མ་ ༢ ཅན་གྱི་བརྙན་ཐུང་ཞིག་འདོན་སྤེལ་གནང་པའི་ནང་། བླ་རུང་ཆོས་སྒར་གྱི་བཙུན་མ་རྣམས་ཞི་བདེ་ངང་མི་ཚེ་སྐྱེལ་བཞིན་ཡོད་པ་དེ་ལྟར་ཡང་། སྔ་ལོ་ནང་རྒྱ་གཞུང་གིས་བླ་རུང་སྒར་དུ་གཏོར་བཤིག་གི་ལས་དོན་སྤེལ་རྒྱུ་མགོ་བཙུགས་པ་ནས་བཟུང་གྲྭ་བཙུན་གྱི་གྲྭ་ཤག་ཕོན་ཆེ་ཞིག་གཏོར་བཤིག་བཏང་པ་དང་། ཕྱིར་འབུད་བཏང་པའི་བཙུན་མ་རྣམས་ལ་རྒྱ་གཞུང་གི་དམག་ཆས་གྱོན་བཅུག་པ་དང་ཁོང་རྣམས་ལ་བོད་སྐད་ཐོག་བོད་རྒྱ་གཉིས་ཨ་མ་གཅིག་གི་ཕྲུ་གུ་ཡིན་ཅེས་པའི་གླུ་གཞས་བཏང་བཅུག་པ་མ་ཟད། བཙུན་མ་ཚོར་རྒྱལ་གཅེས་ཆོས་གཅེས་ཀྱི་སློབ་གསོ་སྤྲོད་པའི་བརྒྱུད་དམག་གི་སྦྱོང་བརྡར་གནང་བཅུག་ཡོད་པ་གཙོས་གཏོང་བཤིག་གི་ལས་དོན་སྤེལ་མུས་ཡིན་པ་སོགས་མངོན་གསལ་གནང་པ་དང་སྦྲགས། རྒྱ་གཞུང་གིས་ལག་བསྟར་བྱེད་བཞིན་པའི་གྲྭ་བཙུན་ཕྱིར་འབུད་དང་དགོན་པ་གཏོར་བཤིག་གི་ལས་དོན་དེ་དག་མཚམས་འཇོག་ཡོང་ཕྱིར་བརྙན་ཐུང་དེ་ཁྱབ་སྤེལ་རྒྱ་གང་ཆེ་གནང་སྐྱོང་ཡོང་བར་འབོད་སྐུལ་གནང་འདུག མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་བླ་རུང་སྒར་གྱི་གནད་དོན་འདི་ནི་དེ་སྔ་བོད་ནང་ཆེས་སྡུག་རྩུབ་ཆེ་བའི་རིག་གནས་གསར་བརྗེའི་དོན་རྐྱེན་དང་གཅིག་མཚུངས་ཡིན་པ་གསུངས་པ་དང་སྦྲགས། བོད་ནང་རིག་གནས་གསར་བརྗེ་བསྐྱར་ལོག་བྱེད་བཞིན་པའི་ཉེན་ཁ་ཡོད་པས་དེར་དངངས་སྐྲག་ཧ་ཅང་སྐྱེ་བཞིན་འདུག་ཅེས་གསུངས་འདུག དེ་བཞིན་བོད་མིའི་སྒྲིག་འཛུགས་ཀྱི་ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་དང་དྲིལ་བསྒྲགས་དྲུང་ཆེ་ཤར་གླིང་བསྟན་འཛིན་ཟླ་སྒྲོན་ལགས་རྣམ་གཉིས་ཀྱིས་བླ་རུང་སྒར་གྱི་གནད་དོན་ཐོག་འདས་ལོའི་ཕྱི་ཟླ་ ༡༢ ནང་ཡུ་རོབ་གྲོས་ཚོགས་ནང་བོད་དོན་རྒྱབ་སྐྱོར་ཆེད་གྲོས་ཆོད་བཞག་པ་བརྒྱུད་བོད་ནང་གི་ཛ་དྲག་གནས་སྟངས་མགྱོགས་མྱུར་གསལ་ཐབས་དགོས་པའི་རེ་འདུན་ཤུགས་ཆེ་བཏོན་པ་དང་། དེ་བཞིན་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༣༤ འཚོག་ལ་ཉེ་སྐབས་འགྲོ་བ་མིའི་ཐོབ་ཐང་གི་གནས་སྟངས་ཐོག་རྒྱལ་སྤྱིའི་ཆེད་ལས་མཁས་པ་དྲུག་གིས་གསེར་རྟ་བླ་རུང་སྒར་གཏོར་བཤིག་གཏོང་བཞིན་པའི་གནས་སྟངས་ཐད་རྒྱ་ནག་གཞུང་ལ་ཛ་དྲག་འབོད་སྐུལ་གནང་ཡོད་པ་མ་ཟད། མཁས་པ་དྲུག་གིས་རྒྱ་ནག་གཞུང་ལ་ཞུ་ཡིག་གཅིག་ཕུལ་བ་དེའི་ནང་གསེར་རྟ་བླ་རུང་སྒར་ནི་རྒྱ་ནག་རྒྱལ་ཡོངས་ཙམ་མ་ཟད། འཛམ་གླིང་ཡོངས་སུ་བོད་བརྒྱུད་ནང་བསྟན་སློབ་གཉེར་གནང་ཡུལ་གྱི་བསྟི་གནས་ཁང་ཧ་ཅང་གལ་གནད་ཅན་ཞིག་ཆགས་ཡོད་པ་དང་། ལྷག་དོན་བོད་ཀྱི་སྐད་ཡིག་དང་རིག་གཞུང་། ཆོས་སོགས་འཛིན་སྐྱོང་སྤེལ་གསུམ་གནང་སའི་བསྟི་གནས་ཁང་གྲགས་ཆེ་ཤོས་ཤིག་ཡིན་པའི་ཁར། རྒྱ་རིགས་ནང་ཆོས་དོན་གཉེར་བ་དང་གནས་སྐོར་བ་སོགས་ལ་བསྟི་གནས་ཁང་དེ་ཆེས་གལ་འགངས་ཆེ་བ་ཞིག་ཆགས་ཡོད་པ་སོགས་མངོན་གསལ་དང་སྦྲགས་ཏེ་འབོད་སྐུལ་ཞུས་འདུག རྩ་བའི་སྔ་ལོའི་ཕྱི་ཟླ་ ༧ ཚེས་ ༢༠ ནས་འགོ་བཙུགས་ཏེ་ད་བར་བཙུན་མ་ ༡༠༠༠ ལྷག་ཙམ་ཞིག་ཕྱིར་འབུད་བཏང་ཟིན་ཡོད་པ་དང་། བླ་རུང་སྒར་ནས་གྲྭ་བཙུན་ཁྱོན་ ༤༦༠༠ ཙམ་ཕྱིར་འབུད་བཏང་ཡོད། གྲྭ་ཤག་ ༡༥༠༠ ཙམ་གཏོར་བཤིག་བཏང་པ་མ་ཟད། འདི་ལོའི་ཕྱི་ཟླ་ ༣ པའི་ནང་དུ་རྒྱ་གཞུང་གིས་བླ་རུང་སྒར་དུ་གྲྭ་ཤག་ ༣༢༢༥ ཙམ་ད་དུང་གཏོར་བཤིག་གཏང་རྒྱུར་གསལ་བསྒྲགས་སྤེལ་བ་བཞིན་ གཏོར་བཤིག་གི་ལས་དོན་སྤེལ་མུས་ཡིན་པ་རེད། ལས་དོན་དེའི་རྐྱེན་པས་ཆོས་སྒར་དེའི་བཙུན་མ་གསུམ་གྱིས་རང་སྲོག་བཅད་པའི་གནས་ཚུལ་བྱུང་ཡོད་པ་རེད། དེ་བཞིན་འདི་ལོའི་ཕྱི་ཟླ་ ༤ ནང་ཨིན་ཡུལ་ནང་དུ་རྟེན་གཞི་བྱས་པའི་ Free Tibet བོད་དོན་རྒྱབ་སྐྱོར་ཚོགས་པས་ཁུངས་ལྡན་གནས་ཚུལ་སྤེལ་བར་བླ་རུང་སྒར་དུ་གནས་བཞུགས་ཚོའི་ངོས་ནས་མ་འོངས་པའི་འཚོ་གནས་ལ་བློ་འཚབས་ཆེན་པོ་ཡོད་པ་དང་འབྲེལ། རྒྱ་གཞུང་གིས་མེ་སྐྱོན་དགོག་ཐབས་དང་སྒར་མང་ཚོགས་ཀྱི་བདེ་འཇགས་ཆེད་དུ་ལས་གཞི་དེ་དག་སྤེལ་ཀྱི་ཡོད་སྐོར་བརྗོད་ཡོད་ཀྱང་། ལས་གཞི་དེར་ཕན་ཐོགས་གང་ཡང་བྱུང་མེད་པ་རེད། ཉེ་ཆར་ཟླ་བ་འདིའི་ཟླ་མགོར་སིངྒ་པུ་ཡུལ་སྐོར་སྤྲོ་འཆམ་པ་ཞིག་གིས་ལྐོག་ལ་བླ་རུང་སྒར་ནང་གི་པར་ལེན་གནང་པ་ཁག་ཅིག་ Free Tibet ཚོགས་པར་ལག་སོན་བྱུང་བའི་ནང་བླ་རུང་སྒར་གྱི་གཡས་ཡོན་དུ་མགྲོན་ཁང་སོགས་ཀྱི་འཛུགས་སྐྲུན་རྒྱ་ཆེ་འགྲོ་བཞིན་ཡོད་པ་དང་། དེ་དག་ལས་སྒར་མང་ཚོགས་ཀྱི་ངོས་ནས་བློ་འཚབས་ཆེན་པོ་གནང་བཞིན་་ཡོད་པ་དང་ཡོངས་སུ་མཐུན་གྱི་ཡོད་པ་ཆེས་གསལ་སྟོན་གནང་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་ལ་དྭགས་རྒྱལ་ས་སླེར་༸ཞབས་སོར་བདེ་བར་འཁོད་འདུག རྒྱ་གཞུང་ནས་བོད་ནང་གི་སྐད་འཕྲིན་ཚོགས་པར་དམ་བསྒྲགས། བོད་མིའི་སྒྲིག་འཛུགས་ནས་འབྲས་ལྗོངས་སྤྱི་ཁྱབ་བློན་ཆེན་ཟུར་པ་འདས་སུ་གྱུར་བར་ཐུགས་གསོ་གནང་པ། བོད་པས་གཞན་ཕན་གྱི་བསམ་བློའི་ཐོག་ནས་རྒྱལ་ཞེན་འཛིན་བཞིན་པ་དེ་ནི་རླབས་ཆེན་དུ་གསུངས་འདུག བཀའ་སློབ་ལེ་ཚན། ༸གོང་ས་མཆོག་གིས་རིགས་རུས་དབྱེ་འབྱེད་བྱ་རྒྱུ་མེད་པའི་ལམ་སྟོན་མཛད་པ། Wednesday 19/07/2017 Dalai Lama arrives back in Leh after Zanskar program Sikyong condoles the demise of former Sikkim CM Nar Bhandari Restrictions tightened on Social media users in Tibet Cultivating Inclusive, Compassionate Tibetan Nationalism: talk by Dr. Nawang Phuntsog FEATURE: Dalai Lama speech in Zanskar against caste based discrimination

བོད་རང་སྐྱོང་ལྗོངས་ལྷ་ས་གྲོང་ཁྱེར་དུ་དེང་སྐབས་སྐད་འཕྲིན་ཚོགས་པ་ཁག་ལ་དམིགས་བསལ་གྱི་དམ་དྲག་བྱེད་ཤུགས་ཆེ་རུ་ཕྱིན་ཡོད་པ་དང་། རྒྱ་གཞུང་གིས་འདི་ལོའི་ཟླ་དྲུག་པ་ཙམ་ནས་ལྷ་ས་ཁུལ་དུ་སླར་དྲ་ལམ་ཞིབ་བཤེར་གྱི་ལས་འགུལ་ཞིག་སྤེལ་བཞིན་པའི་གནས་ཚུལ་ཐོན་ཡོད་ཅིང་། དོགས་གཞི་ཡོད་པའི་མི་སྒེར་ཁག་ཅིག་ལ་སྐད་འཕྲིན་ཚོགས་པ་གཉེར་མི་ཆོག་པ་དང་། ཅི་སྟེ་དེ་ལྟར་གཉེར་དགོས་ཚེ་རང་གི་ཡུལ་མི་ཐོབ་ཐང་དཔང་ཡིག་སོགས་འཁྱེར་ནས་སྲིད་གཞུང་ལ་ཐོ་འགོད་དང་ཆོག་མཆན་ཞུ་དགོས་པ་སོགས་བཤད་འདུག སྐད་འཕྲིན་ཚོགས་པ་གཉེར་མཁན་བོད་མི་ཚོར་སྲིད་གཞུང་ནས་ཕྱི་ཕྱོགས་སུ་འབྲེལ་བ་བྱེད་མི་ཆོག་པ་དང་། ཆབ་སྲིད་སོགས་ཀྱི་གནད་དོན་ཐོག་གླེང་སློང་གནང་མི་ཆོག་ཚུལ་ཆ་རྐྱེན་ཁག་ཅིག་སྟོན་ཡོད་པ་ལྟར་ཐོ་འགོད་ཞུ་བར་ཕྱིན་ཡོད་ཀྱང་། ཐོ་འགོད་གནང་ས་མེད་པའི་དཀའ་ངལ་འཕྲད་བཞིན་ཡོད་པ་རེད་འདུག རྩ་བའི་སྐད་འཕྲིན་དྲ་ལམ་དེ་དར་བ་ནས་བཟུང་བོད་གཞིས་བྱེས་གཉིས་ཀྱི་བོད་མི་ཕན་ཚུན་དབར་སྟབས་བདེའི་ངང་འབྲེལ་ལམ་གནང་རྒྱུ་བྱུང་བ་མ་ཟད། ལྷག་དོན་རྒྱལ་སྤྱིའི་གནས་ཚུལ་དང་ཤེས་ཡོན། འཕྲོད་བསྟེན་སོགས་ཀྱི་གོ་རྟོགས་སྤེལ་ཕྱིར་སྐད་འཕྲིན་ཚོགས་པ་མང་དག་ཞིག་གསར་འཛུགས་གནང་ཡོད་པ་རེད། དེ་དེ་བཞིན་བོད་ཕྱི་ནང་གཉིས་སུ་ཡོད་པའི་ཛ་དྲག་ཅན་གྱི་བོད་མི་དབུལ་ཕོངས་དང་ནད་མནར་སོགས་ཀྱི་སླད་དངུལ་བསྡུ་རུབ་གནང་རྒྱུར་ཕན་ཐོགས་ཆེན་པོ་ཡོད་པ་རེད་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཚེས་༡༦ནས་ཁ་སང་ཕྱི་ཚེས་༡༨ བར་ཉིན་གྲངས་གསུམ་རིང་རྒྱ་གར་བྱང་ཕྱོགས་ལ་དྭགས་ཟངས་དཀར་དུ་ས་གནས་མང་ཚོགས་ལ་ཆོས་འབྲེལ་དང་། སྨན་ཁང་གསར་པ་དབུ་འབྱེད་རབ་གནས་དང་། དེ་བཞིན་ས་གནས་ཀྱི་ཁ་ཆེ་མང་ཚོགས་ཚོར་བཀའ་སློབ་བཅས་ཀྱི་མཛད་འཕྲིན་ཁག་ལེགས་པར་གྲུབ་བསྟུན། དེ་རིང་སྔ་དྲོ་མགོན་པོ་མཆོག་ལ་དྭགས་ཟངས་དཀར་ནས་ཐད་འཕུར་གནམ་གྲུ་བརྒྱུད་རྒྱལ་ས་སླེ་ཕྱོགས་སུ་ཆིབས་༸ཞལ་བསྒྱུར་གནང་སོང་། རྩ་བའི་དེ་རིང་སྔ་དྲོ་མགོན་པོ་མཆོག་ཟངས་དཀར་ནས་རྒྱལ་ས་སླེ་ཕྱོགས་སུ་ཆིབས་བསྒྱུར་མ་མཛད་གོང་སྟེ། ཁ་སང་ཉིན་རྒྱབ་ཏུ་ཟངས་དཀར་ Padum ས་གནས་སུ་ཡོད་པའི་ཁ་ཆེ་མང་ཚོགས་ནས་ཇི་ལྟར་གསོལ་འདེབས་ཞུ་དོན་ལྟར།༸གོང་ས་མཆོག་གིས་ཁ་ཆེའི་སློབ་གྲྭར་ཆིབས་སྒྱུར་གྱིས་ཁ་ཆེ་མང་ཚོགས་དང་དགེ་ལས་སློབ་མ་ཚོར་བཀའ་སློབ་བཀྲིན་བསྩལ་ཡོད་པ་རེད། སྐབས་དེར་༸གོང་ས་མཆོག་གིས་འཛམ་གླིང་ཐོག་ཡོད་པའི་ཆོས་ལུགས་དང་ལྟ་གྲུབ་མི་འདྲ་བ་ཡོད་པ་དེ་དག་འགྲོ་བ་མི་སྤྱིར་ཕན་གྱི་ཡོད་སྟབས། ད་བར་ཆོས་ལུགས་དེ་དག་ལོ་ངོ་སྟོང་ཕྲག་ལྷག་རིང་གནས་ཡོད་པ་དང་། འགྲོ་བ་མི་ཚོ་ཁམས་དང་མོས་པ་མི་འདྲ་བ་ཡོད་པར་བརྟེན། ཆོས་ལུགས་དང་ལྟ་གྲུབ་མི་འདྲ་ཡང་དགོས་རྒྱུ་ནི་ཤིན་ཏུ་གལ་ཆེན་པོ་ཡིན་པ་མ་ཟད། དེ་དག་ཚང་མའི་དམིགས་ཡུལ་ནི་འགྲོ་བ་མིའི་རྒྱུད་ལ་བྱམས་བརྩེའི་རིན་ཐང་གོང་འཕེལ་གཏོང་མཁན་གཅིག་མཚུངས་ཞིག་ཆགས་ཡོད་པས་ཆོས་ལུགས་ཕན་ཚུན་དབར་གཅིག་གིས་གཅིག་ལ་གུས་བརྩི་ཞུ་དགོས་ཞེས་བཀའ་བསྩལ་སོང་། དེ་བཞིན་དེ་སྔ་༸གོང་ས་ལྔ་པ་ཆེན་པོའི་སྐབས་ལ་དྭགས་ནས་ལྷ་སར་སླེབས་པའི་ཁ་ཆེ་ཚོར་ཁེ་ཆེའི་ལྷ་ཁང་གསར་རྒྱག་གྱི་ས་ཆ་གནང་པ་དང་། དེ་བཞིན་༸གོང་ས་མཆོག་དེ་སྔ་བོད་ལ་བཞུགས་པའི་སྐབས་སུ་བོད་གཞུང་གི་མཛད་སྒོའི་ཐོག་ཁ་ཆེའི་སྐུ་ཚབ་གདན་ཞུ་བྱེད་ཀྱི་ཡོད་པ་དང་། དེ་དེ་བཞིན་སྤྱི་ཚོགས་ཁྲོད་ལ་བོད་པ་དང་བོད་པའི་ཁ་ཆེ་ཕན་ཚུན་དབར་ཆོས་ཕྱོགས་ཀྱི་ཐོག་ནས་མི་འདྲ་བ་ཡོད་ཀྱང་། ཕན་ཚུན་དབར་ལ་གུས་བརྩི་དང་འཆམ་མཐུན་ངང་གནས་ཀྱི་ཡོད་པ་སོགས་གསུངས་ཡོད་པ་རེད། ཁ་ཆེ་དང་ནང་པ་གཉིས་པོ་ཆོས་ཕྱོགས་ཀྱི་ཆ་ནས་སྐྱེ་འགྲོ་སྤྱིར་ཕན་པའི་བྱམས་བརྩེའི་བསམ་བློ་ཡོད་པ་གཅིག་མཚུངས་ཡིན་ནའང་། རང་ཉིད་སོ་སོའི་ཁམས་མོས་ལྟར་ཆོས་ལུགས་ཀྱི་ཞེན་ཁོག་དང་བསམ་བློ་གུ་དོག་པོའི་དབང་གིས་སྤྱིར་ཆོས་ལུགས་ནང་ཁུལ་དང་ཆོས་བརྒྱུད་ཕན་ཚུན་དབར་ལ་འཐེན་འཁྱེར་གྱིས་འཁྲུགས་འཛིན་རིགས་ཡོང་གི་ཡོད་པ་བཀའ་བསྩལ་བ་དང་འབྲེལ། ད་ལྟའི་ཆར་ང་ཚོ་ཚང་མ་དུས་རབས་ ༢༡ ནང་སླེབས་ཡོད་པས་ཆོས་ལུགས་མི་འདྲ་བ་འཛིན་ཚོ་ཕན་ཚུན་དབར་ལ་བསམ་བློ་གུ་ཡངས་ཐོག་ནས་ཆོས་གྲོགས་ཀྱི་མཛའ་བཤེས་ལྟ་བུའི་འདུ་ཤེས་འཛིན་དགོས་ཞེས་ལམ་སྟོན་བཀའ་སློབ་བསྩལ་སོང་། ༸གོང་ས་མཆོག་གིས་སྐབས་དེར་ཁ་ཆེའི་དགེ་ལས་སློབ་མ་དང་མང་ཚོགས་ཚོར་སྐར་མ་༢༠ལྷག་རིང་བཀའ་སློབ་སྩལ་མཐར་ལོ་ཤས་ནང་ལ་དྭགས་ཟངས་དཀར་ Padumས་གནས་ཀྱི་ཁ་ཆེ་དང་ནང་པའི་དབར་དཀའ་ངལ་ཕྲན་བུ་བྱུང་ཡོད་ཀྱང་། རྒྱ་ཆེ་ས་ནས་འཛམ་གླིང་ཐོག་ཡོད་པའི་འགྲོ་བ་མི་སྤྱིའི་བདེ་དོན་ལ་བསམ་བློ་བཏང་ནས་ཕན་ཚུན་དབར་ལ་འཆམ་མཐུན་དང་གོ་ལ་སྤྱིར་དམིགས་དཔེ་སྟོན་ཐུབ་པ་ཞིག་ཡོང་བར་ཡིད་ཆེས་དང་རེ་བ་ཡོད་ཅེས་བཀའ་བསྩལ་ཡོད་པ་རེད། མཛད་འཆར་སྔོན་སྒྲིག་ལྟར་ན། ༸གོང་ས་མཆོག་གིས་ཚེས་ ༢༨ ནས་ ༣༠ བར་ལ་དྭགས་སླེ་ཞི་བའི་ཚལ་གསུང་ཆོས་ར་བར་མང་ཚོགས་ལ་བཀའ་ཆོས་བསྩལ་རྒྱུ་དང་། དེ་རྗེས་ཟླ་ ༨ ཚེས་ ༢ ཉིན་མགོན་པོ་མཆོག་རྒྱལ་ས་སླེ་ནས་ལྡི་ལིར་ཆིབས་༸ཞལ་བསྒྱུར་གནང་གི་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་ཟངས་དཀར་ནང་གི་ཆོས་འབྲེལ་ཁག་ལེགས་གྲུབ་མཛད་པ། བསྟན་འཛིན་ཆོས་དབྱིངས་ལགས་དམིགས་བསལ་གནམ་གྲུ་བརྒྱུད་ལྡི་ལིར་འཁྱེར་རྒྱུ། བོཊ་སོ་ཝ་ནའི་སྲིད་འཛིན་ནས་༸གོང་ས་མཆོག་དང་མཇལ་ཁ་ཞུ་ཡི་མ་རེད་གསུངས་འདུག བྱིས་སྒྲུང་བྲིས་མཁན་ཚོའི་ནུས་རྩལ་གོང་འཕེལ་གྱི་ཟབ་སྦྱོང་གནང་བཞིན་པ། གླ་གཞས་ལེ་ཚན། གཞས་པ་ནོར་བུ་བསམ་འཕེལ་ལགས་ཀྱིས་བླངས་པའི་སེར་ཆེན་མེ་ཏོག Tuesday 18/07/2017 Dalai Lama concludes teaching in Zanskar Tenzin Choeying being airlifted to Safdarjung Hospital, New Delhi Botswana govt. distance itself from Dalai Lama visit Workshop for writers of children’s literature in Tibetan language held in Dharamsala MUSIC FEATURE: Serchen Metok by Norbu Samphel

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་པོ་མཆོག་གིས་དེ་རིང་ཟླ་ ༧ ཚེས་ ༡༨ ཉིན་སྔ་དྲོ་ལ་དྭགས་ཟངས་དཀར་རྒྱལ་བའི་ཕོ་བྲང་གི་ཆོས་རར་ཆེད་དུ་བྱ་བའི་གདུལ་བྱ་ཟངས་དཀར་སེར་སྐྱ་མང་ཚོགས་ཚོ་གཙོ་བོར་གྱུར་པའི་ཉེ་འཁོར་ནས་བཅར་བའི་ཆོས་ཞུ་བ་སྟོང་ཕྲག་བརྒལ་བར་སྨན་ལྷའི་རྗེས་སྣང་དང། གྲུབ་ཆེན་མི་ཏྲ་ཛོ་ཀིས་མཛད་པའི་སྙིང་པོ་དོན་གསུམ་གྱི་བཀའ་ཁྲིད་གནང་པ་དང་འབྲེལ་ཏེ་ཐེངས་འདིའི་ཆོས་འབྲེལ་ལེགས་གྲུབ་མཛད་སོང་། ༸གོང་ས་མཆོག་ནས་ཐོག་མར་སྨན་ལྷའི་རྗེས་སྣང་དང་སྙིང་པོ་དོན་གསུམ་གྱི་བཀའ་ཁྲིད་མ་སྩལ་གོང་དུ་གསུང་ཆོས་ར་བའི་ནང་ས་གནས་ཀྱི་སློབ་གྲྭའི་སློབ་མ་ཚོས་མགོན་པོ་༸གང་ཉིད་མཆོག་ལ་རྟགས་གསལ་གཟིགས་འབུལ་ཞུས་ཡོད་པ་དང་། སྐབས་དེར་མགོན་པོ་༸གང་ཉིད་མཆོག་གིས་སློབ་མ་རྣམས་ཀྱིས་གཙོས་པའི་མང་ཚོགས་ཚོར་གང་བློ་མའི་ལྗགས་ལུང་བཀྲིན་སྩལ་བ་དང་འབྲེལ། དེ་སྔ་བོད་ལ་ཆ་མཚོན་ན་མཚན་ཉིད་ཐོག་སློབ་གཉེར་བྱ་རྒྱུ་ཟེར་བ་དེ་ནི་བཤད་གྲྭ་ཆེན་མོ་ཁག་ཏུ་གནང་རྒྱུ་ཡོད་པ་ལས་གཞན་མེད་པའི་བསམ་བློ་འཛིན་པ་དེ་ནི་ཆེས་རྗེས་ལུས་དང་ནོར་འཁྲུལ་ཅན་ཞིག་རེད་ཅེས་བཀའ་ནན་སྩལ་སོང་། ལྷག་དོན་ལ་དྭགས་ཟངས་དཀར་ཁུལ་གྱི་སེར་སྐྱ་མང་ཚོགས་ཚོས་སྐྱ་སེར་དང་རྒན་གཞོན་ཁྱད་མེད་ཀྱིས་རིགས་ལམ་རྟགས་གསལ་ལ་དོ་སྣང་གནང་དགོས་གལ་ཡིན་པའི་ལམ་སྟོན་མཛད་ཡོད་པ་རེད། དེ་བཞིན་མགོན་པོ་༸གང་ཉིད་མཆོག་གིས་ད་བར་བོད་པ་ཚོས་བདག་པོ་རྒྱག་པའི་དཔལ་ནཱ་ལེནྡྲའི་མཁས་པའི་དབང་པོ་ཚོའི་རིགས་ལམ་ཐོག་བརྟག་དཔྱད་གནང་རྒྱུ་ཡོད་པ་འདི་རིམ་བཞིན་འཛམ་གླིང་ཐོག་ལ་ཞབས་འདེགས་རླབས་ཆེན་ཞུ་རྒྱུའི་ནུས་པ་ཡོད་པ་རེད་ཅེས་བཀའ་སློབ་ཕེབས་ཡོད་པ་རེད། ༸གོང་ས་མཆོག་གིས་སྔ་ལོར་དགེ་བཤེས་མའི་སློབ་ཐོན་སྐབས་སུ་དགེ་བཤེས་མའི་ཕྱག་འཁྱེར་བཞེས་པའི་བཙུན་མ་ཞིག་གཟིགས་པ་དང་འབྲེལ། བཙུན་མ་ཚོས་ནང་པའི་གཞུང་ཆེན་དག་ལ་སློབ་གཉེར་གནང་མཐར་དགེ་བཤེས་མ་སློབ་ཐོན་ཁོངས་ནས་འདི་ག་ལ་དྭགས་ཟངས་དཀར་ལུང་ཁུག་ནས་ཡིན་པའི་བཙུན་མ་གསུམ་དགེ་བཤེས་མའི་སློབ་མཐར་སོན་པར་ཐུགས་རྗེ་ཆེ་ཞེས་དང་། དེ་ལྟར་སློབ་གཉེར་གང་ལེགས་གནང་པར་བསྔགས་བརྗོད་ཀྱང་མཛད་སོང་བ་མ་ཟད། སླད་མར་དེ་ལྟར་ཐོན་ཐུབ་ཚེ་བསྟན་པ་དང་ཡུལ། དེ་བཞིན་རང་ཉིད་སྒེར་ལའང་ཕན་ཐོགས་ཡོང་གི་རེད་ཅེས་ལམ་སྟོན་མཛད་ཡོད་པ་རེད། ༸གོང་ས་མཆོག་གིས་ཉིན་མཐའ་མའི་ཆོས་འབྲེལ་ཐོག་དད་ལྡན་ཆོས་ཞུ་བ་རྣམས་ལ་སྨན་ལྷའི་རྗེས་སྣང་དང་གྲུབ་ཆེན་མི་ཏྲ་ཛོ་ཀིས་མཛད་པའི་སྙིང་པོ་དོན་གསུམ་གྱི་བཀའ་ཁྲིད་སྩལ་ཏེ་ཆོས་འབྲེལ་རེ་ཞིག་ལེགས་གྲུབ་མཛད་སོང་།  ལ་དྭགས་ཟངས་དཀར་ནང་ཚོགས་དང་དགོན་ཚོགས་ཀྱི་གོ་སྒྲིག་འོག་ལ་དྭགས་ཟང་དཀར་ས་གནས་མང་ཚོགས་བཅས་ཟུང་འབྲེལ་གྱིས་༸གོང་ས་མཆོག་ལ་བཀྲིས་མཆོད་རྫས་སྣ་ཚོགས་འདེགས་འབུལ་གྱི་སྒོ་ནས་མགོན་པོ་༸གང་ཉིད་མཆོག་༸སྐུ་ཚེ་མི་འཇིགས་རྡོ་རྗེའི་ཁམས་སུ་བརྟན་ཕྱིར་བརྟན་བཞུགས་བསྟར་འབུལ་ཞུས་ཡོད་པ་རེད། རྩ་བའི་༸གོང་ས་མཆོག་གིས་ལ་དྭགས་ཟངས་དཀར་ཁུལ་གྱི་ཆོས་འབྲེལ་ཁག་ལེགས་པར་གྲུབ་རྗེས། ཉིན་རྒྱབ་ཏུ་ Padum ས་གནས་སུ་རྟེན་གཞི་བྱས་པའི་ཁ་ཆེ་སློབ་གྲྭ་ནས་ཇི་ལྟར་གསོལ་འདེབས་ཞུ་དོན་ལྟར། ཁ་ཆེ་སློབ་གྲྭར་ཆིབས་སྒྱུར་གྱིས་དགེ་ལས་སློབ་མ་ཚོར་བླང་དོར་གྱི་བཀའ་སློབ་བཀྲིན་སྩལ་ཡོད་པ་རེད། མཛད་འཆར་ལྟར་ན། སང་ཉིན་སྔ་དྲོ་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་ཟངས་དཀར་ཁུལ་གྱི་མཛད་འཕྲིན་ཁག་ལེགས་པར་གྲུབ་བསྟུན། ལ་དྭགས་ཀྱི་རྒྱལ་ས་སླེ་ཕྱོགས་སུ་ཆིབས་ཞལ་བསྒྱུར་གནང་གི་ཡོད་པ་རེད།

ཝཱ་རཱ་ཎ་སཱི་ Heirtage སྨན་ཁང་དུ་མེས་འཚིག་སྐྱོན་ཕོགས་པའི་ནད་པར་སྨན་བཅོས་ཀྱི་ཐུན་རྐྱེན་ཆ་ཚང་བ་ཞིག་མེད་སྟབས། དེ་རིང་ཕྱི་དྲོ་ཝཱ་རཱ་ཎ་སཱི་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་དུ་རང་ལུས་མེར་སྲེག་གནང་མཁན་སློབ་མ་བསྟན་འཛིན་ཆོས་དབྱིངས་ལགས་ནད་པ་བོར་འདྲེན་བྱ་རྒྱུའི་དམིགས་བསལ་མཁའ་ལམ་བརྒྱུད་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ Safdarjung སྨན་ཁང་དུ་འཁྱེར་རྒྱུར་ཐག་གཅོད་གནང་འདུག རྩ་བའི་བསྟན་འཛིན་ཆོས་དབྱིངས་ལགས་ནས་ཟླ་བ་འདིའི་ཚེས་ ༡༤ ཉིན་ཝཱར་ན་གཙུག་ལག་སློབ་གཉེར་ཁང་དུ་བོད་དོན་ཆེད་རང་ལུས་མེར་སྲེག་གནང་ཡོད་པ་དང་། ཁོང་གི་ལུས་པོ་བརྒྱ་ཆ་ ༦༦ ལྷག་མེས་ཚིགས་རྐྱེན་ད་བར་ཝཱ་རཱ་ཎ་སཱི་གྲོང་ཁྱེར་ནང་དུ་རྟེན་གཞི་བྱས་པའི་ Heritage སྨན་ཁང་དུ་སྨན་བཅོས་གནང་མུས་ཡིན་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་ཟངས་དཀར་མང་ཚོགས་སྟོང་ཕྲག་ཁ་ཤས་ལ་ཐུགས་རྗེ་ཆེན་པོའི་བཀའ་དབང་བཀྲིན་བསྩལ་འདུག བསྟན་འཛིན་ཆོས་དབྱིངས་ལགས་ཀྱི་གཟུགས་པོར་ཆུ་སེར་མང་པོ་ཡོད་རྐྱེན་སྨན་ཁང་གཞན་དུ་བཏང་མི་འདུག ཡོ་རོབ་བོད་རིགས་ནང་ཁུལ་རྐང་རྩེད་སྤོ་ལོའི་རྩེད་འགྲན་ཐེངས་དགུ་པ་དེ་རིང་ནས་འགོ་འཛུགས་པ། Monday 17/07/2017 Dalai Lama confers teaching to thousands of devotees in Zanskar Dalai Lama inaugurates Health Care & Sowa Rigpa Research Institute in Zanskar Tenzin Choeying not in condition to shift to special hospital Ninth Euro Tibetan Football Cup 2017 kicks off in Belgium

དེ་རིང་ཟླ་ ༧ ཚེས་ ༡༧ ཉིན་ཡུ་རོབ་བྷེལ་ཇམ་ས་གནས་གཞོན་ནུའི་གོ་སྒྲིག་འོག་ཁུལ་དེའི་ Antwerpen ས་གནས་སུ་ཡུ་རོབ་བོད་རིགས་ནང་ཁུལ་དབར་རྐང་རྩེད་སྤོ་ལོའི་རྩེད་འགྲན་ཐེངས་དགུ་པ་དེ་འགོ་འཛུགས་འདུག འདི་ག་རླུང་འཕྲིན་ཁང་ནས་བྷེལ་ཇམ་ས་གནས་གཞོན་ནུའི་ཚོགས་གཙོ་སྒྲོལ་མ་ཆོས་འཛོམས་ལགས་སུ་ལས་རིམ་དེའི་སྐོར་ལ་བཅར་འདྲི་ཞུས་པར་ཁོང་གིས་ས་གནས་བོད་རིགས་ཚོས་རྐང་རྩེད་སྤོ་ལོའི་རྩེད་འགྲན་དེར་དོ་སྣང་ཆེན་པོ་གནང་གི་ཡོད་པ་གསུངས་སོང་། འདི་ལོ་ཕ་རན་སི་དང་བྷེལ་ཇམ། སུད་སི། ཧོ་ལེན་ཌི་བཅས་རྒྱལ་ཁབ་བཞི་ནས་བོད་པའི་རྐང་སྤོལ་རུ་ཁག་མི་འདྲ་བ་ ༡༣ ནས་མཉམ་ཞུགས་འདུག་པ་དང་། དེ་རིང་ཚེས་ ༡༧ ནས་འགོ་འཛུགས་ཀྱིས་ཚེས་ ༢༢ བར་རྩེད་འགྲན་གནང་མཐར་རྒྱལ་ཁ་ཐོབ་མཁན་ཨང་དང་པོར་ཡུ་སྒོར་ ༢༢༠༠ དང་གཉིས་པར་ཡུ་སྒོར་ ༡༥༠༠ སོགས་ཀྱི་བྱ་དགའ་གནང་ཡོད་པ་རེད་འདུག