ARCHIVE
Monthly Archives: July, 2017
༸གོང་ས་མཆོག་གིས་ལ་དྭགས་ཞི་བའི་ཚལ་ཕོ་བྲང་དུ་ཆོས་ཞུ་བ་ཁག་ཅིག་ལ་དམིགས་བསལ་བཀའ་ཆོས་བཀྲིན་བསྐྱངས་པ།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་པོ་མཆོག་ད་ལྟའི་ཆར་ལ་དྭགས་ཁུལ་དུ་མཛད་འཕྲིན་སྐྱོང་བཞིན་ཡོད་པ་ལྟར། ཟླ་ ༧ ཚེས་ ༢༢ ནས་དབུ་འཛུགས་ཀྱིས་དེ་རིང་ཚེས་ ༢༤ བར་མགོན་པོ་མཆོག་གིས་ལ་དྭགས་ཞི་བའི་ཚལ་ཕོ་བྲང་ནང་དུ་ཆེད་དུ་བྱ་བའི་གདུལ་བྱ་ས་གནས་ཀྱི་མང་ཚོགས་གཙོ་བོར་གྱུར་པའི་ཕྱི་ནང་གི་ཆོས་ཞུ་བ་ཁག་ཅིག་ལ་དམིགས་བསལ་དཔལ་རྡོ་རྗེ་འཇིགས་བྱེད་ཆེན་པོ་དཔའ་བོ་གཅིག་པའི་དབང་ཆེན་ལ་སོགས་པའི་བཀའ་ཆོས་བཀྲིན་བསྩལ་སོང་།
རྩ་བའི་ཞི་བའི་ཚལ་ཕོ་བྲང་ནང་དུ་དམིགས་བསལ་གྱི་བཀའ་ཆོས་སྩལ་བ་དེ་ནི། ལ་དྭགས་རྣལ་འབྱོར་མ་ཚོགས་པ་ཞེས་པའི་ལ་དྭགས་ཡུལ་མི་དོན་གཉེར་བ་རྒན་གཞོན་དར་གསུམ་གྱིས་ཆེད་འཛུགས་ཞུས་པའི་ཚོགས་པས་གསོལ་འདེབས་ཞུས་པ་ཞིག་ཡིན་ཅིང་། ཉིན་གྲངས་གསུམ་རིང་གི་གསུང་ཆོས་དེའི་སྐབས་མགོན་པོ་༸གང་ཉིད་མཆོག་གིས་དཔལ་རྡོ་རྗེ་འཇིགས་བྱེད་ཆེན་པོ་དཔའ་བོ་གཅིག་པའི་དབང་ཆེན་སྟ་གོན་དང་དངོས་གཞི་སྦྲགས་མ། དཔལ་རྡོ་རྗེ་འཇིགས་བྱེད་ཆེན་པོ་དཔའ་བོ་གཅིག་པའི་བདག་བསྐྱེད་ཐོག་ནས་ཉམས་ཁྲིད། དེ་བཞིན་དཔལ་གསང་བ་འདུས་པའི་རྫོགས་རིམ་བསྡུས་པ་རིམ་ལྔ་གདན་རྫོགས་བཅས་ཀྱི་བཀྲིན་བསྩལ་ཐོག་དེ་རིང་ཉིན་མཐའ་མའི་བཀའ་ཆོས་མཇུག་ཏུ་བླ་མ་མཆོད་པའི་ཚོགས་མཆོད་དང་བཅས་ཆོས་འབྲེལ་མཇུག་སྒྲིལ་མཛད་རྒྱུ་རེད་འདུག
འདི་ག་རླུང་འཕྲིན་ཁང་གི་ས་གནས་སུ་ཡོད་པའི་གསར་འགོད་པས་ཞི་ཚལ་དུ་ཐེངས་འདིའི་ནང་མོལ་གྱི་བཀའ་ཆོས་དང་འབྲེལ་བའི་ཐོག་བཀའ་ཆོས་གོ་སྒྲིག་ཞུ་མཁན་གྲྭ་ཐུབ་བསྟན་ཆོས་བཟང་ལགས་སུ་བཅར་འདྲི་ཁག་ཅིག་ཞུས་ཡོད།
གཞི་རྩའི་༸གོང་ས་མཆོག་གིས་དེ་རིང་ཞི་བའི་འཚལ་ཕོ་བྲང་ནང་དུ་ཉིན་གྲངས་གསུམ་རིང་གི་བཀའ་ཆོས་གྲུབ་རྗེས། སང་ཉིན་ཚེས་ ༢༥ ཉིན་ལ་དྭགས་བོད་ཁྱིམ་དུ་ཆིབས་སྒྱུར་གྱིས་ལ་དྭགས་བསོད་ནམས་གླིང་བོད་མིའི་གཞིས་སྒར་དུ་མང་ཚོགས་ལ་བཀའ་སློབ་སྩལ་རྒྱུ་དང་། དེ་རྗེས་ཚེས་ ༢༨ ནས་ ༣༠ བར་ཞི་ཚལ་ཆོས་རར་བཀའ་ཆོས་བཀྲིན་ལེགས་པར་སྩལ་གྲུབ་བསྟུན། ཟླ་ ༨ ཚེས་ ༢ ཉིན་མགོན་པོ་མཆོག་ལ་དྭགས་ནས་རྒྱལ་ས་ལྡི་ལིར་ཆིབས་ཞལ་བསྒྱུར་གནང་མཛད་ཀྱི་ཡོད་པ་རེད།
ཡོ་རོབ་བོད་རིགས་མཐུན་ཚོགས་ཀྱི་ཚོགས་གཙོ་རྣམ་པའི་ཚོགས་ཆེན་ཐེངས་ ༩ པ་སི་པཱེན་གྲོང་ཁྱེར་བྷར་སེ་ལོ་ནར་ཚོགས་འདུག
vot.org -
ཡོ་རོབ་བོད་རིགས་ཚོགས་པའི་ཚོགས་གཙོ་རྣམ་པའི་ཚོགས་ཆེན་ཐེངས་ ༩ པ་དེ་ཉེ་ཆར་ཟླ་ ༧ ཚེས་ ༢༢ ཉིན་ཡོ་རོབ་རྒྱལ་ཁབ་སི་པཱེན་གྲོང་ཁྱེར་ Barcelona ནང་དུ་ཚོགས་འདུག་པ་དང་། དེའི་ཐོག་ཕྱི་ལོ་ ༢༠༡༨ ལོར་ཡོ་རོབ་རྒྱལ་ཁབ་སུད་སིར་ཡུ་རོབ་བོད་རིགས་ཚོགས་པ་རྣམས་ཐུན་མོང་ཐོག་གསུམ་བཅུའི་དུས་དྲན་སྲུང་བརྩི་རྒྱ་གང་ཆེ་ཞུ་རྒྱུ་དང། ལོ་རྗེས་མ་བྷར་སེ་ལོ་ན་ནང་དུ་ཡོ་རོབ་ཁུལ་གྱི་བོད་རིགས་སློབ་མ་རྣམས་ལ་དབྱར་དུས་བོད་ཡིག་ཟབ་སྦྱོང་གནང་གཏན་ཁེལ་འདུག
ཡོ་རོབ་སྤྱི་འཐུས་ཐུབ་བསྟན་དབང་ཆེན་ལགས་དང་བྱམས་པ་ཚེ་རིང་བཅས་ཡོ་རོབ་སྤྱི་འཐུས་རྣམ་གཉིས་ཀྱིས་འགན་ཁུར་ཐོག་ཡོ་རོབ་ཁུལ་གྱི་ས་ཁུལ་ཁག་བཅུ་ཙམ་གྱི་བོད་རིགས་ཚོགས་པའི་ཚོགས་གཙོ་རྣམ་པའི་ཚོགས་ཆེན་ཐེངས་ ༩ པ་དེ་བྷར་སེ་ལོ་ན་བོད་ཁང་དུ་ཚོགས་ཡོད་པ་རེད། སྐབས་དེར་སུད་སི་དང་སུ་ཌིན། བྷེལ་ཇམ། ཧྥ་རན་སི། དབྱིན་ཡུལ་དང་ནོར་ཝེ། ཇར་མ་ནི། ཨི་སི་ཊོ་ལི་ཡ། སི་པཱན་བཅས་ཡོ་རོབ་རྒྱལ་ཁབ་ཁག་གི་ནང་དུ་ཡོད་པའི་བོད་རིགས་ཚོགས་པའི་ཚོགས་གཙོ་འམ་ཚོགས་གཞོན་བཅས་མཉམ་ཞུགས་གནང་འདུག་པ་དང། བོད་དོན་དང་འབྲེལ་བའི་ལས་འགུལ་སྤེལ་ཕྱོགས་དང་ས་གནས་བོད་མིའི་གནས་སྟངས་ཤེས་རྟོགས་བྱ་རྒྱུ། དེ་བཞིན་བཙན་བྱོལ་བོད་མིའི་སྒྲིགས་འཛུགས་དང་སྤྱི་ཚོགས་མཉམ་དུ་འབྲེལ་བ་བྱེད་ཕྱོགས་བཅས་ཀྱི་སྐོར་ལ་གྲོས་བསྡུར་གནང་འདུག
ཚོགས་འདུའི་ཐོག་མ་འོངས་ཕྱི་ལོ་ ༢༠༡༨ ལོའི་གསུམ་བཅུའི་དུས་དྲན་དེ་ཡོ་རོབ་བོད་རིགས་ཚོགས་པ་རྣམས་ཐུན་ཐོང་ཐོག་སུད་སི་གྲོང་ཁྱེར་ཇི་ནི་ཝར་སྲུང་བརྩི་ཞུ་རྒྱུ་དང། དེ་བཞིན་ལོ་རྗེས་མའི་ཚོགས་ཆེན་དེ་བཞིན་བྷེལ་ཇམ་དུ་འཚོགས་རྒྱུ། ཕྱི་ལོ་ ༢༠༡༨ ལོར་བྷར་སེ་ལོ་ན་བོད་ཁང་གི་རྐང་འགན་བཞེས་ཐོག་ཡོ་རོབ་ཁུལ་གྱི་བོད་རིགས་སློབ་ཕྲུག་རྣམས་ལ་ Summer Camp འམ་བོད་ཀྱི་ཆོས་དང་རིག་གཞུང། སྐད་ཡིག་སོགས་ངོ་སྤྲོད་ཀྱི་དབྱར་ཁའི་སློབ་དུས་ཚོགས་གཏན་ཁེལ་འདུག
ཡོ་རོབ་ཁུལ་དུ་གནས་སྡོད་བོད་མི་རྣམས་ཀྱི་ཁྲོད་ནས་དྭངས་བླངས་དཔྱ་དངུལ་འབུལ་ཕྱོགས་ཐད་གཙོ་བོ་སྒེར་སོ་སོ་ནས་འགན་ཁུར་བཞེས་དགོས་པ་དང། དེ་བཞིན་ཁུལ་དེར་བོད་མི་སྐྱབས་བཅོལ་བ་མང་དག་ཞིག་ཕེབས་བཞིན་པ་རྣམས་ལ་དཀའ་ངལ་དུ་མ་འཕྲད་བཞིན་ཡོད་པ་དེ་ལྟར། སྔ་ནས་ནས་གྲ་སྒྲིག་འཐུས་ཚང་གནང་གལ་ཡིན་པ་སོགས་ཀྱི་ཐོག་གྲོས་བསྡུར་ལྷུག་པོ་གནང་འདུག
རྩ་བའི་ད་ལྟའི་ཆར་ཡོ་རོབ་རྒྱལ་ཁབ་ཁོངས་ནས་སུད་སི་ནང་དུ་བོད་མི་སྐྱབས་བཅོལ་བའི་གྲངས་འབོར་དེ་ ༧༠༠༠ ཙམ་ཆགས་ཀྱི་ཡོད་པ་དང། ཧྥ་རན་སིར་བོད་མི་ ༦༠༠༠ ཙམ་དང་བྷེལ་ཇམ་དུ་བོད་མི་ ༣༥༠༠ ཇར་མ་ནིར་བོད་མི་ ༡༠༠༠ དབྱིན་ཡུལ་ནང་དུ་བོད་མི་ ༩༠༠ ཨོ་སི་ཊོ་ལི་ཡའི་ནང་དུ་བོད་མི་ ༥༠༠ སུ་ཌིན་ནང་དུ་བོད་མི་ ༡༤༠ ཙམ་དེ་བཞིན་ནོར་ཝེ་ནང་དུ་ ༤༥ ཙམ་ཡོད་པ་མ་ཟད། སི་པཱན་ནང་དུ་བོད་མི་ ༡༡༠ བཅས་ཁྱོན་ཡོ་རོབ་ཁུལ་དུ་ད་ལྟའི་ཆར་བོད་མི་ཁྲི་ ༢ ཙམ་ཞིག་གནས་སྡོད་གནང་བཞིན་ཡོད་པར་ཚོད་དཔག་གནང་གི་འདུག
རེས་གཟའ་ཉི་མ། ༢༠༡༧།༠༧།༢༣
vot.org -
ཉན་པ།: Listen
ཕབ་ལེན། Download
བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་ལ་རྒྱ་གར་དང་ཆོས་ལུགས་ལ་མ་བརྟེན་པའི་བཟང་སྤྱོད་ཅེས་པའི་སྐོར་བཅར་འདྲི།
Sunday 23/07/2017
Prof. Samdhong Rinpoche on Secular Ethics and India ‘VOT special series’
རེས་གཟའ་སྤེན་པ། ༢༠༡༧།༠༧།༢༢
vot.org -
ཉན་པ།: Listen
ཕབ་ལེན། Download
དགེ་ལས་ཁ་ཤས་དང་ལྷན་དུ་བོད་པའི་སློབ་གྲྭའི་ནང་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བྱེད་སྒོ་སྐོར་བཅར་འདྲི།
Saturday 22/07/2017
Secular Ethics in Tibetan Schools : ‘VOT special series’
རེས་གཟའ་པ་སངས། ༢༠༡༧།༠༧།༢༡
vot.org -
ཉན་པ།: Listen
ཕབ་ལེན། Download
༸གོང་ས་མཆོག་དང་བོད་གཞུང་མང་གཉིས་ནས་རྒྱ་གར་གྱི་སྲིད་འཛིན་གསར་པར་འཚམས་འདྲི་ཞུས་འདུག
བསྟན་འཛིན་ཆོས་དབྱིངས་ལགས་ཀྱི་སྐུ་གཟུགས་གནས་སྟངས་ཛ་དྲག་ཡོད་པ་གསུངས་འདུག
བོད་མིའི་སྒྲིག་འཛུགས་ནས་སྐུ་ཞབས་ལིའུ་ཞོ་པའི་དམ་པར་མྱ་ངན་ཞུས་སོང་།
ཧྥ་རན་སི་གྲོས་ཚོགས་སུ་༸སྐུའི་འཁྲུངས་སྐར་སྲུང་བརྩི་ཞུས་འདུག
༸གོང་ས་མཆོག་གིས་ཁ་སང་བར་ལ་དྭགས་ནང་གི་མཛད་འཕྲིན་སྐོར།
Friday 21/07/2017
Dalai Lama, Sikyong and TPiE Speaker congratulates India’s new President
Tenzin Choeying condition very critical, treatment continues in Safdarjung
French Senate celebrates 82nd birthday of His Holiness the Dalai Lama
CTA holds prayer vigil for deceased Nobel Laureate Liu Xiaobo
Overview of Dalai Lama’s Ladakh visit till today
༸གོང་ས་མཆོག་དང་བོད་གཞུང་མང་གཉིས་ནས་རྒྱ་གར་གྱི་སྲིད་འཛིན་གསར་པ་སྐུ་ཞབས་རཱམ་ནཱཐ་ཀོ་བིཾད་མཆོག་ལ་འཚམས་འདྲི་གནང་པ།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ལ་དྭགས་རྒྱལ་ས་གླེ་ནས་གསར་དུ་འདེམས་ཐོན་བྱུང་བའི་རྒྱ་གར་གྱི་སྲིད་འཛིན་ ༡༤ པ་སྐུ་ཞབས་རཱམ་ནཱཐ་ཀོ་བིཾད་མཆོག་ལ་དགའ་བསུའི་འཚམས་འདྲི་བསྩལ་བ་དང་ཆབས་ཅིག རྒྱ་གར་གཞུང་མང་གཉིས་ནི་བོད་མིར་བཀྲིན་ཆེན་པོ་ཡིན་པའི་གསུང་འཕྲིན་ཞིག་གནང་འདུག
མགོན་པོ་མཆོག་གིས་འཚམས་འཕྲིན་དེའི་ཐོག་ནས་སྲིད་འཛིན་སྐུ་ཞབས་ Ram Nath Kovind མཆོག་ལ་འདི་ལོ་བོད་མི་རྣམས་རྒྱ་གར་ནང་བཙན་བྱོལ་བྱས་ནས་ལོ་ ༥༨ ཆགས་ཀྱི་ཡོད་པ་དང་། དུས་ཡུན་འདིའི་རིང་ལ་རྒྱ་གར་གཞུང་མང་གཉིས་བོད་མི་རྣམས་ལ་བརྩེ་བ་ཆེན་པོས་གཟིགས་སྐྱོང་དང་བོད་མི་འབུམ་གཅིག་ལྷག་ཙམ་ཡོད་པ་རྣམས་མུ་མཐུད་གནས་ཚང་གཡར་གནང་བཞིན་ཡོད་སྟབས། རྒྱ་གར་ནི་བོད་མི་རྣམས་ལ་ཧ་ཅང་གི་བཀྲིན་ཆེན་པོ་ཡིན་པ་བཀའ་གནང་འདུག ཁྱད་པར་དུ་མགོན་པོ་༸གང་ཉིད་མཆོག་ལྟ་བུ་ལ་ཆ་མཚོན་ན་རྒྱ་གར་གྱི་འབྲས་དང་། སྲན་མ། བག་ལེབ་བཅས་ལ་བརྟེན་ནས་ཕྱི་ལུས་པོ་འཚོ་བཞིན་ཡོད་པ་དང་། དེ་བཞིན་༸གང་ཉིད་མཆོག་གི་ནང་བསམ་བློའི་ཡོན་ཏན་དེ་དག་༸དཔལ་ནཱ་ལེནྡྲའི་ནང་པའི་རིག་གཞུང་ལ་བརྟེན་ནས་བྱུང་ཡོད་སྟབས། ༸སྐུ་ཉིད་མཆོག་ནས་རྒྱ་གར་རྒྱལ་ཁབ་ཆེན་པོ་འདི་ལ་དོན་དམ་གྱི་འབྲེལ་བ་དམིགས་བསལ་བ་ཞིག་དང་རྒྱལ་ཁབ་ཀྱི་བདེ་དོན་སླད་ཡང་ཡང་སེམས་ཚོར་ཡོང་གི་ཡོད་པ་བཀའ་གནང་འདུག
ད་དུང་༸གོང་ས་༸སྐྱབས་མགོན་ཆེན་པོ་མཆོག་གིས་འཚམས་འཕྲིན་དེའི་ནང་། སྲིད་འཛིན་མཆོག་ལ་མགོན་པོ་༸གང་ཉིད་མཆོག་ནས་འཛམ་གླིང་ཆོས་ལུགས་མཐུན་སྒྲིལ་སོགས་༸སྐུའི་ཐུགས་བསྐྱེད་དམ་བཅའ་གསུམ་གྱི་ཐོག་ནས་འཛམ་གླིང་བྱམས་བརྩེ་ལྡན་པ་ཞིག་སྐྲུན་ཐབས་གནང་བཞིན་ཡོད་པ་བཀའ་གནང་པ་མ་ཟད། ཉེ་ལམ་ནས་མགོན་པོ་མཆོག་གིས་མཛད་འཁུར་བཞི་པ་སྟེ་རྒྱ་གར་གྱི་གནའ་བོའི་ཤེས་བྱ་བསྐྱར་གསོ་གནང་འགོ་ཚུགས་ཡོད་པ་དེ་ཡང་རྐང་ནང་སེམས་ཁམས་རིག་པའི་རྣམ་གཞག་སྐོར་ཆགས་ཀྱི་ཡོད་པ་བཀའ་གནང་འདུག ལྷག་པར་དུ་༸གོང་ས་༸སྐྱབས་མགོན་ཆེན་པོ་མཆོག་གིས་ད་ལྟའི་དུས་འདིར་དེང་དུས་ཤེས་ཡོན་དང་གནའ་བོའི་ཤེས་བྱ་ཟུང་འབྲེལ་ཐོག་ནས་ནང་སེམས་རྒྱུད་ཀྱི་བཟང་པོའི་རིན་ཐང་གོང་འཕེལ་དང་སེམས་རྒྱུད་འདུལ་རྒྱུའི་ནུས་པ་ཁྱད་པར་བ་དེ་རྒྱ་གར་ཁོ་ན་མ་གཏོགས་མེད་པ་གཟིགས་ཀྱི་ཡོད་པ་བཀའ་ནན་གནང་འདུག
མགོན་པོ་མཆོག་གི་རྒྱ་གར་གྱི་སྲིད་འཛིན་གསར་པ་མཆོག་ལ་སྩལ་བའི་གསུང་འཕྲིན་དེའི་མཐའ་མཇུག་ཏུ། དེ་རིང་སང་ཉིན་རྒྱ་གར་དེ་བཞིན་ཡར་རྒྱས་དང་ནུས་སྟོབས་གོང་འཕེལ་འགྲོ་བཞིན་པའི་དུས་སྐབས་སུ་༸གང་ཉིད་མཆོག་སྤོབས་པ་སྐྱེས་གནང་གི་འདུག་ཅེས་དང་། ཡང་སྒོས་ཁྱད་དུ་མཚར་བའི་རྒྱ་གར་གྱི་མིག་དཔེ་འོས་པའི་ཆོས་ལུགས་མཐུན་སྒྲིལ་དང་བྱམས་རྙིང་རྗེ། དེ་བཞིན་འཚེ་མེད་ཞི་བའི་ཡོན་ཏན་དེ་དག་ལ་བརྟེན་ནས་དེང་སང་རྒྱལ་སྤྱིའི་སྤྱི་ཚོགས་ནས་རྒྱ་གར་གྱི་གལ་གནད་སྐོར་ལ་གོ་རྟོགས་སླེབས་མཚམས་སུ་མགོན་པོ་༸གང་ཉིད་མཆོག་དམིགས་བསལ་ཐུགས་དགྱེས་ཚོར་ཡོང་ཡོད་པ་མ་ཟད། རྒྱ་གར་གྱི་ངོས་ནས་སྤྱི་ཚོགས་དང་རྒྱལ་ཕྲན་གཞན་གྱི་བདེ་རྩའི་སླད་རང་གི་གནའ་བོའི་རིག་གཞུང་ཕྱུག་པོ་དེ་སྤྱོད་ནས་རོགས་ཕན་གནང་གལ་ཡིན་པའི་བསྔགས་བརྗོད་མཛད་པ་དང་ལྷན་ཅིག་ཏུ་སྐུ་ཞབས་ Ram Nath Kovind མཆོག་གིས་ད་བར་འདས་པའི་དུས་ཡུན་དེའི་ནང་དཀའ་སྡུག་འོག་ཚུད་པ་དང་དབུལ་ཕོངས་མང་པོར་རོགས་རམ་གནང་ཡོད་པའི་རླབས་ཆེན་གྱི་ཕྱག་ལས་ཁག་ལ་བསྔགས་བརྗོད་དང་། ཁོང་གིས་དབུ་ཁྲིད་འོག་རྒྱ་གར་དེ་བཞིན་འཛམ་གླིང་འགོ་ཁྲིད་ཐུབ་པའི་རྒྱལ་ཁབ་ཅིག་ཡོང་སླད་ཕྱོགས་གང་ཅིའི་ཐད་ནས་ནུས་པ་གོང་མཐོར་སྤེལ་གནང་རྒྱུར་ཡིད་ཆེས་གཏན་པོ་ཡོད་པ་སོགས་བཀའ་གནང་འདུག
དུས་མཚུངས་དེ་རིང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་ནས་ཀྱང་སྐུ་ཞབས་ Ram Nath Kovind མཆོག་ལ་བོད་གཞིས་བྱེས་མང་ཚོགས་ཀྱི་ཚབ་ཞུས་ནས་འཚམས་འདྲི་དང་ད་བར་བོད་དང་བོད་མིར་རྒྱབ་སྐྱོར་གནང་པར་ཐུགས་རྗེ་ཆེ་ཞུ་སོགས་གསུངས་འདུག
བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཐེངས་འདིར་སྐུ་ཞབས་རཱམ་ནཱཐ་ཀོ་བིཾད་མཆོག་ལ་སྲིད་འཛིན་འོས་བསྡུའི་ནང་ནས་ཚད་མཐོའི་རྒྱལ་ཁ་ཐོབ་པ་དེས་རྒྱ་གར་མི་མང་གིས་མང་གཙོའི་རིན་ཐང་དང་། ཆོས་ལུགས་མཐུན་སྒྲིལ། སྤྱི་ཚོགས་འཆམ་མཐུན་ངང་འཚོ་གནས་བྱ་རྒྱུའི་རིན་ཐང་དེ་དག་མུ་མཐུད་རྒྱུན་སྐྱོང་བྱེད་བཞིན་པ་གསལ་འདོན་གནང་ཡོད་པ་གསུངས་པ་དང་འབྲེལ། རྒྱ་གར་གནའ་རབས་ནས་དར་སྲོལ་ཡོད་པའི་ཆོས་ལུགས་མཐུན་སྒྲིལ་དང་སྤྱི་ཚོགས་འཆམ་མཐུན། བྱམས་སྙིང་རྗེ་གོང་འཕེལ་གཏོང་རྒྱུ་སོགས་མིག་དཔེར་འོས་པའི་རིག་གཞུང་བཟང་པོ་དེ་དག་རྒྱུན་འཛིན་གནང་མཁན་གྱི་སྣེ་ཁྲིད་ཞིག་ཏུ་གྱུར་ཐུབ་རྒྱུར་ང་ཚོས་རེ་བ་ཞུ་བཞིན་ཡོད་ཅེས་དང་། རྒྱ་གར་གཞུང་མང་གཉིས་ནི་བོད་མི་བཙན་བྱོལ་བ་རྣམས་ལ་བཀྲིན་ཆེན་པོ་ཡིན་པ་མ་ཟད། བོད་མིའི་འཐབ་རྩོད་ཀྱི་གཞི་རྟེན་ནི་རྒྱ་གར་གནའ་རབས་ཀྱི་སྲོལ་རྒྱུན་ལ་གཞི་བཅོལ་བ་ཞིག་ཡིན་སྟབས་ང་ཚོ་བོད་མི་ཚོས་དགའ་སྤོབས་སྐྱེ་གཞི་ཞིག་ཏུ་གྱུར་ཡོད་པ་སོགས་གསུངས་འདུག མཐའ་དོན་དུ་སྲིད་སྐྱོང་མཆོག་གིས་སྐུ་ཉིད་མཆོག་ལ་འབྱུང་འགྱུར་ལས་དོན་གང་ཅིའི་ཐོག་བྱ་བ་ལམ་ལྷོང་ཡོང་བའི་སྨོན་འདུན་ཡོད་པ་གསུངས་འདུག
ཕྱོགས་མཚུངས་སུ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་ཀྱང་བོད་གཞིས་བྱེས་གཉིས་ཀྱི་ངོ་ཚབ་ཞུས་ཏེ་འཚམས་འདྲི་དང་འབྲེལ། རྒྱ་གར་གཞུང་མང་གཉིས་ནི་བོད་མིའི་བདེ་དོན་གྱི་འཐབ་རྩོད་ཀྱི་གནད་དོན་གཙོས་ཕྱོགས་གང་ཅིའི་ཐད་ནས་རོགས་རམ་གནང་དང་གནང་མུས་ཡིན་པ་མ་ཟད། བོད་མིའི་ངོ་བོ་མཚོན་པའི་བོད་པའི་སྐད་ཡིག་དང་། རིག་གཞུང་། བཙན་བྱོལ་བོད་མིའི་སྒྲིག་འཛུགས་སོགས་གསར་འཛུགས་ཐུབ་ཐབས་བཅས་ལ་བཀྲིན་ཆེན་པོ་ཆགས་ཡོད་པ་གསུངས་འདུག
དེ་བཞིན་ཚོགས་གཙོ་མཆོག་གིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་རྒྱ་གར་གྱི་སྲིད་འཛིན་དང་པོ་སྐུ་ཞབས་ Rajendra Prasad མཆོག་གིས་གཙོས་སྔ་ལོའི་ནང་སྲིད་འཛིན་ ༡༣ པ་སྐུ་ཞབས་ Pranab Mukherjee མཆོག་གི་བར་སྲིད་འཛིན་རིམ་ཕེབས་རྣམས་ལ་མཇལ་མོལ་མཛད་མྱོང་ཡོད་པ་གསལ་འདོན་གནང་ཡོད།
སྐུ་ཞབས་རཱམ་ནཱཐ་ཀོ་བིཾད་མཆོག་གིས་དབུ་ཁྲིད་པའི་གཞུང་འཛིན་འོག་བོད་མིའི་བདེ་དོན་ཐོད་རྒྱབ་སྐྱོར་སྔར་ལྷག་གནང་སྐྱོང་ཡོང་བ་དང་། སྐུ་ཉིད་ཀྱི་སྲིད་འཛིན་གནང་རིང་ལ་རྒྱ་ནག་གཞུང་དང་༸གོང་ས་མཆོག་གི་༸སྐུ་ཚབ་དབར་འབྲེལ་མོས་བསྐྱར་གསོ་ཐུབ་པར་རེ་བ་ཞུ་བཞྀན་ཡོད་པ་གསུངས་འདུག
མཐར་དོན་དུ་ཁོང་གིས་སྐུ་ཉིད་མཆོག་གི་གཞུང་འཛིན་ལས་ཡུན་རིང་ལ་ལས་དོན་གང་ཅིའི་ཐོག་བྱ་བ་ལམ་ལྷོང་ཡོང་བའི་སྨོན་འདུན་ཡོད་པ་གསུངས་འདུག
གཞི་རྩའི་ཁ་སང་གསར་དུ་འདེམས་ཐོན་བྱུང་བའི་རྒྱ་གར་གྱི་སྲིད་འཛིན་ ༡༤ པ་སྐུ་ཞབས་ Ram Nath Kovind མཆོག་ནས་ཕྱི་ལོ་ ༢༠༡༥ ནས་བི་ཧཱར་མངའ་སྡེའི་སྲིད་སྐྱོང་གནང་ཡོད་པ་དང། དེའི་གོང་ལ་ཕྱི་ལོ་ ༡༩༩༤ ནས་ ༢༠༠༦ བར་ལ་རྒྱ་གར་གྲོས་ཚོགས་གོང་མའི་འཐུས་མི་སོགས་གཞུང་གི་མཛད་འཁུར་གཙོ་གནད་ཁག་ཅིག་བཞེས་གནང་ཡོད་པ་རེད།
བསྟན་འཛིན་ཆོས་དབྱིངས་ལགས་ཀྱི་གཟུགས་གཞིའི་གནས་སྟངས་ཛ་དྲག་ཡོད་པ་གསུངས་འདུག
vot.org -
ཉིན་ཤས་གོང་རང་ལུས་མེར་སྲེག་གནང་མཁན་ཝཱ་རཱ་ཎ་སཱི་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་སློབ་མ་བསྟན་འཛིན་ཆོས་དབྱིངས་ལགས་ཀྱི་གཟུགས་གཞིའི་གནས་སྟངས་ཛ་དྲག ་ཆགས་ཡོད་པ་གསུངས་འདུག
དེ་ཡང་བསྟན་འཛིན་ཆོས་དབྱིངས་ལགས་ཀྱིས་ཕྱི་ཚེས་ ༡༤ སྔ་ཐོག་ཝཱ་རཱ་ཎ་སཱི་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་དུ་རང་ལུས་མེར་སྲེག་གནང་རྗེས་ཁོང་གི་ལུས་པོ་བརྒྱ་ཆ་དྲུག་བཅུ་ལྷག་ལ་འཚིག་སྐྱོན་བྱུང་སྟབས། ཁུལ་དེར་རྟེན་གཞི་བྱས་པའི་ Heritage སྨན་ཁང་དུ་ཉི་གྲངས་དྲུག་ཙམ་རིང་ལ་སྨན་བཅོས་གནང་ཡོད་ཀྱང་། སྨན་ཁང་དེར་མེས་ཚིགས་པའི་ནད་པ་ལ་དམིགས་བསལ་གྱི་སྨན་བཅོས་མཐུན་རྐྱེན་མེད་སྟབས། ཁ་སང་བསྟན་འཛིན་ཆོས་དབྱིངས་ལགས་ཛ་དྲག་གི་ནད་པ་བོར་འདྲེན་བྱ་རྒྱུའི་དམིགས་བསལ་མཁའ་ལམ་གནམ་གྲུ་བརྒྱུད་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ Safdarjung སྨན་ཁང་དུ་འཁྱེར་དགོས་བྱུང་ཡོད་པ་རེད།
འདི་ག་རླུང་འཕྲིན་ཁང་ནས་བསྟན་འཛིན་ཆོས་དབྱིངས་ལགས་དང་ལྷན་དུ་ཡོད་པའི་བོད་དོན་ལས་འགུལ་བ་བསྟན་འཛིན་བརྩོན་འགྲུས་ལགས་སུ་ཁོང་གི་གཟུགས་གཞིའི་གནས་སྟངས་སྐོར་བཅར་འདྲི་ཞུས་པར་ཁོང་གིས་བསྟན་འཛིན་ཆོས་དབྱིངས་ལགས་དེ་རིང་སྔ་ཐོག་ཕྱག་ཚོད་དགུ་པ་ཙམ་ནས་དབུགས་གཏོང་ལེན་གནང་སྐབས་དཀའ་ངལ་འཕྲད་བཞིན་ཡོད་པ་དང་། ད་ལྟའི་ཆར་ཁོང་ལྡི་ལིར་རྟེན་གཞི་བྱས་པའི་ Safdarjung སྨན་ཁང་གི་ ICU ཞེས་མྱུར་སྐྱོབ་སྨན་བཅོས་ཁང་དུ་སྨན་བཅོས་གནང་མུས་ཡིན་ཀྱང་། ཁོང་ལ་སྨན་བཅོས་གནང་མཁན་གྱི་ཆེད་ལས་སྨན་པས་བསྟན་འཛིན་ཆོས་དབྱིངས་ལགས་ཀྱི་གཟུགས་གཞིའི་གནས་སྟངས་ཆེས་ཛ་དྲག་ཆགས་ཡོད་པ་གསུངས་སོང་།
གཞི་རྩའི་སློབ་མ་བསྟན་འཛིན་ཆོས་དབྱིངས་ལགས་ཀྱིས་ཟླ་ ༧ ཚེས་ ༡༤ ཉིན་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་དུ་བོད་དོན་ཆེད་རང་ལུས་མེར་སྲེག་གནང་ཡོད་པ་དང་། སྐབས་དེར་ཁོང་ནས་རང་ཉིད་ཀྱི་གྲོགས་པོ་ནོར་བུ་འམ་དངོས་མིང་ལ་དཀོན་མཆོག་མཐར་ཕྱིན་ལགས་ཀྱི་མཚན་ཐོག་ལ་ཞལ་ཆེམས་ཤིག་བཞག་པའི་ནང་། ངའི་ལུས་པོ་འདི་བོད་ཀྱི་རང་དབང་དང་། བོད་རིགས་གཞོན་སྐྱེས་རྣམས་ནས་རང་མི་རིགས་ཀྱི་སྐད་ཡིག་ལ་དོ་སྣང་དགོས་སྐོར་སོགས་འཁོད་ཡོད་པ་རེད།
རེས་གཟའ་ཕུར་བུ། ༢༠༡༧།༠༧།༢༠
vot.org -
ཉན་པ།: Listen
ཕབ་ལེན། Download
༸གོང་ས་མཆོག་གིས་༸དཔལ་ས་སྐྱའི་མང་སྤྲོ་དགོན་དུ་ཆིབས་སྒྱུར་བཀྲིན་བསྐྱངས་འདུག
ལོ་གཅིག་སོང་བའི་བླ་རུང་ཆོས་སྒར་གྱི་ཡང་ང་བའི་གནས་ཚུལ་རྗེས་དྲན་ཞུས་པ།
རྒྱ་གར་གཞུང་གི་བོད་ཐོག་འཛིན་པའི་ལངས་ཕྱོགས་ནོར་ཡོད་པ་གསུངས་འདུག
བོད་ཀྱི་སྨན་རྩིས་ཁང་གི་སྨན་དང་ཐོན་དངོས་རྫུན་རིགས་ལ་ཡིད་ཟབ་དགོས་པ་གསུངས་སོང།
འཕྲོད་བསྟེན་ལེ་ཚན། གཞང་འབྲུམ་ནད་སྐོར།
Thursday 20/07/2017
Dalai Lama visits Sakya Mang-Tro Monastery near leh, Ladakh
CTA marks 1 year of demolitions at Larung Gar with video release on story of nuns
Former defence minister Mulayam Singh says India policy on Tibet is wrong
Men Tsee Khang alerts patrons of fake Men Tsee Khang medicines and products
HEALTH FEATURE: Dr. Dekyi Tsomo on Piles (haemorrhoids)
༸གོང་ས་མཆོག་གིས་ལ་དྭགས་ཀྱི་༸དཔལ་ས་སྐྱའི་མང་སྤྲོ་དགོན་དུ་ཆིབས་སྒྱུར་བཀྲིན་བསྐྱངས་པ།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཁ་སང་ཚེས་ ༡༩ ཉིན་སྔ་ཐོག་ཟངས་དཀར་ནས་ལ་དྭགས་ཀྱི་རྒྱལ་ས་གླེར་༸ཞབས་སོར་བདེ་བར་འཁོད་ཡོད་པ་ལྟར། དེ་རིང་ཟླ་ ༧ ཚེས་ ༢༠ ཉིན་སྔ་དྲོ་༸གོང་ས་མཆོག་རྒྱལ་ས་གླེ་ནས་རྒྱང་ཐག་སྤྱི་ལེ་ ༣༠ ཙམ་གྱི་སར་ཆགས་པ་ཁུལ་དེའི་ནང་གི་༸དཔལ་ས་སྐྱ་མང་སྤྲོ་དགོན་ཐུབ་བསྟན་ཤྭ་གླིང་ཆོས་འཁོར་དུ་ཆིབས་སྒྱུར་བཀའ་དྲིན་བསྐྱངས་ཡོད་པ་རེད།
རྩ་བའི་མང་སྤྲོ་དགོན་པ་དེ་ནི་ལོ་ངོ་ ༦༠༠ ལྷག་སོང་བའི་ལོ་རྒྱུས་ཡོད་པའི་ལ་དྭགས་ནང་གི་༸དཔལ་ས་སྐྱའི་དགོན་པ་ཆེ་ཤོས་ཤིག་ཡིན་པ་དང་། ད་རེས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགོན་པ་དེར་ཆིབས་སྒྱུར་མཛད་པ་ཐེངས་ ༣ དེ་ཆགས་ཀྱི་ཡོད་པ་རེད།
འདི་ག་རླུང་འཕྲིན་ཁང་གིས་མང་སྤྲོ་དགོན་པའི་སློབ་དཔོན་འཇམ་དབྱངས་ཀརྨ་ལགས་སུ་དེ་རིང་སྔ་དྲོའི་༸གོང་ས་མཆོག་གི་ཆིབས་སྒྱུར་དང་འབྲེལ་བའི་སྐོར་བཅར་འདྲི་ཁག་ཅིག་ཞུས་ཡོད།