Monthly Archives: March, 2018

དེ་རིང་ཕྱི་ལོ་ ༢༠༡༨ ཕྱི་ཟླ་ ༣ ཚེས་ ༧ ཉིན་བོད་མདོ་སྨད་རྔ་བ་རྫོང་རྨེའུ་རུ་མ་ཡུལ་ཚོ་ནས་བོད་མི་ཞིག་གིས་རྒྱ་གཞུང་ལ་ངོ་རྒོལ་གྱི་རང་ལུས་མེར་བསྲེགས་གནང་འདུག གནས་ཚུལ་མཁོ་སྤྲོད་པས་འདི་ག་རླུང་འཕྲིན་ལ་གནས་ཚུལ་དེ་དངོས་འབྲེལ་ཡིན་ནའང་། ས་གནས་སུ་དམ་དྲག་རྐྱེན་པས་གནས་ཚུལ་ཞིབ་ཕྲ་ཕྱི་ལ་ཐོན་ཐུབ་རྒྱུ་ཁག་པོ་ཆགས་ཡོད་པ་གསུངས་སོང་། འདི་ནས་གནས་ཚུལ་ཡོང་ཁུངས་ཁག་ནས་རྩད་གཅོད་ཞུ་མུས་ཡིན་པས་རིམ་པས་གསར་འགྱུར་ལས་རིམ་ནང་རྒྱང་སྲིང་ཞུ་རྒྱུ་ཡིན། གཞི་རྩའི་ཕྱི་ལོ་ ༢༠༠༩ ནས་ད་བར་གཞིས་ལུས་བོད་མི་ ༡༥༢ ནས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གནང་ཡོད་པ་དང་དེའི་ཁྲོད་བོད་མི་ ༡༢༩ འདས་གྲོངས་སུ་གྱུར་ཡོད་པ་རེད། རྔ་བ་རྨེའུ་རུ་མ་ནས་ཡིན་པའི་རྒྱལ་གཅེས་པ་དེ་ཉིད་ནི་ལོ་འདིའི་ནང་རང་ལུས་མེར་སྲེག་གནང་མཁན་ཐོག་མ་ཆགས་ཡོད་པ་རེད།

རྒྱ་གར་ Uttar Pradesh མངའ་སྡེ་ནང་དུ་རྟེན་གཞི་བྱས་པའི་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གིས་གོ་སྒྲིག་འོག་རིང་མིན་ཟླ་བ་འདིའི་ཕྱི་ཚེས་ ༡༩ ནས་ ༢༡ བར་རྒྱ་གར་རྒྱལ་ཡོངས་ནང་གི་མཐོ་སློབ་དང་གཙུག་ལག་སློབ་གཉེར་ཁང་གི་ཉེ་བའི་རིགས་བདག་དང་རིགས་བདག་ཆེན་མོའི་ལོ་འཁོར་ཚོགས་ཆེན་ཐེངས་ ༩༢ པ་ཚོགས་གཏན་འཁེལ་ཡོད་པ་ལྟར། དབུ་འབྱེད་མཛད་སྒོའི་ཚོགས་མགོན་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཆིབས་བསྒྱུར་བཀྲིན་བསྐྱང་གནང་གི་འདུག དེ་རིང་རྒྱ་གར་གྱི་ Times of India བརྒྱུད་ལམ་ནས་དེ་དོན་གནས་ཚུལ་སྤེལ་བར་ཐེངས་འདིའི་ཚོགས་ཆེན་དང་འབྲེལ་ AIU འམ་རྒྱ་གར་རྒྱལ་ཡོངས་ཀྱི་གཙུག་ལག་སློབ་གཉེར་ཁང་གི་སྤྱི་ཁྱབ་དྲུང་ཆེ་སློབ་དཔོན་ Furqan Qamar ལགས་ཀྱིས་མཐོ་སློབ་དང་གཙུག་ལག་སློབ་ཁང་སོ་སོའི་ཉེ་བའི་རིགས་བདག་དང་དབུ་འཛིན་རྣམས་ལ་འཕྲིན་ཡིག་ཞིག་ཕུལ་བའི་ནང་༸གོང་ས་མཆོག་ནས་ཚོགས་ཆེན་དབུ་འབྱེད་མཛད་རྒྱུ་ཡིན་པ་གསུངས་ཡོད་པ་དང་། ཚོགས་ཆེན་འདིའི་ཐོག་ནས་དེང་གི་ཤེས་ཡོན་ལམ་ལུགས་ཁྲོད་འགྲོ་བ་མིའི་བཟང་སྤྱོད་ཀྱི་བསླབ་བྱའི་སྐོར་ལ་གོ་བསྡུར་གླེང་མོལ་ཡོང་རྒྱུ་སྐོར་གསུངས་འདུག

འདི་ལོ་ ༢༠༡༨ ཟླ་ ༣ ཚེས་ ༣༡ ཉིན་མོ་དེ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་བོད་མི་རྣམས་རྒྱ་གར་དུ་བཙན་བྱོལ་ལ་འབྱོར་ནས་མི་ལོ་ ༦༠ ཧྲིལ་པོ་འཁོར་བའི་དུས་ཚིགས་དང་བསྟུན། དབུས་བོད་མིའི་སྒྲིག་འཛུགས་ནས་ཟླ་ ༤ ཚེས་ ༡ ཉིན་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་རྒྱ་གར་གྱི་རྒྱལ་ས་ལྡི་ལི་ནང་རྒྱ་གར་གྲོས་ཚོགས་འཐུས་མི་དང་བོད་དོན་རྒྱབ་སྐྱོར་བ། གཞུང་འབྲེལ་གནད་ཡོད་མི་སྣ་སོགས་གདན་ཞུ་ཐོག་རྒྱ་གར་གཞུང་མང་གཉིས་ལ་ཐུགས་རྗེ་ཆེ་ཞུའི་མཛད་སྒོ་གཞི་རྒྱ་ཆེ་བ་ཞིག་ཚོགས་གཏན་འཁེལ་ཡོད་ཀྱང་། རྒྱ་དཀར་ནག་གཉིས་ཀྱི་དབར་ཚོར་བ་རྣོ་བའི་འབྲེལ་ལམ་སོགས་དང་འབྲེལ། མཛད་རིམ་དེ་རྒྱལ་ས་ལྡི་ལི་ནས་ཕྱིེར་འཐེན་གནང་སྟེ་ཟླ་ ༣ ཚེས་ ༣༡ ཉིན་བཞུགས་སྒར་དྷ་རྨ་སཱ་ལཱར་ཚོགས་གནང་རྒྱུ་རེད་འདུག ཐེངས་འདིའི་མཛད་རིམ་ལ་འགྱུར་ལྡོག་ཕྱིན་པ་དང་འབྲེལ་རྒྱ་གར་གཞུང་མང་གཉིས་ལ་ཐུགས་རྗེ་ཆེ་ཞུའི་ལས་འགུལ་གོ་སྒྲིག་ཚོགས་ཆུང་གི་ཚོགས་གཙོ་བོད་མིའི་སྒྲིགས་འཛུགས་ཀྱི་མགྲིན་ཚབ་པ་ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་སུ་བཀའ་འདྲི་ཁག་ཅིག་ཞུས་པར་ཁོང་གིས་ཉེ་ཆར་རྒྱ་གར་ཕྱི་སྲིད་ཁུངས་ཀྱི་དྲུང་ཆེའི་མཚན་ཐོག་བརྒྱུད་རྒྱ་གར་དབུས་གཞུང་གི་འཛིན་སྐྱོང་དྲུང་ཆེ་ PK Sinha ལགས་ནས་རྒྱ་གར་དབུས་གཞུང་དང་མངའ་སྡེ་སོ་སོའི་དཔོན་རིགས་མཐོ་གྲས་དང་འབྲེལ་ཡོད་ལས་བྱེད་རྣམས་ལ་བརྡ་ཁྱབ་ཞིག་བཏང་ཐོག་ད་ལྟའི་དུས་སྐབས་དེ་ནི་རྒྱ་དཀར་ནག་གཉིས་ཀྱི་འབྲེལ་ལམ་ཐད་ལ་ཆེས་ཚོར་བ་རྣོ་བའི་དུས་ཚིགས་ཤིག་ཆགས་ཡོད་སྟབས་རྒྱ་གར་དབུས་གཞུང་དང་མངའ་སྡེ་སོ་སོའི་དཔོན་རིགས་དང་ལས་བྱེད་རྣམས་ནས་༸གོང་ས་༸སྐྱབས་མགོན་ཆེན་པོ་མཆོག་བཙན་བྱོལ་དུ་ཕེབས་ནས་མི་ལོ་ ༦༠ འཁོར་བའི་རྗེས་དྲན་གྱི་མཛད་སྒོའི་ལས་རིམ་ཁག་ལ་མཉམ་ཞུགས་གནང་རྒྱུ་མེད་པར་ལམ་སྟོན་གནང་ཡོད་པ་རེད། དེས་ན་མཛད་རིམ་དེ་རྒྱལ་ས་ལྡི་ལིར་ཚོགས་རྒྱུ་དཀའ་བར་བརྟེན་༸རྒྱལ་བའི་བཞུགས་སྒར་དྷ་རྨ་སཱ་ལཱར་ཚོགས་གཏན་འཁེལ་ཡོད་ཀྱང་། ད་ལྟའི་ཆར་བཞུགས་སྒར་གྱི་ས་གནས་གང་དུ་ཚོགས་གནང་མིན་ཐད་ལ་བཀའ་བསྡུར་གནང་མུས་ཡིན་སྐོར་གསུངས་ཡོད། གཞི་རྩའི་བོད་མིའི་སྒྲིག་འཛུགས་ནས་ཟླ་ ༣ ཚེས་ ༣༡ ཉིན་མོ་ཙམ་མིན་པར་ཕྱི་ལོ་ ༢༠༡༨ ལོ་འཁོར་མོ་འདི་ཐུགས་རྗེ་ཆེ་ཞུའི་ལོར་སྲུང་བརྩི་ཞུ་རྒྱུ་དང་སྦྲགས། བོད་མི་གནས་ཡུལ་རྒྱ་གར་གི་ས་ཁུལ་གང་སར་གཞུང་འབྲེལ་གྱི་ཐོག་ནས་རྒྱ་གར་གཞུང་མང་གཉིས་ལ་ཐུགས་རྗེ་ཆེ་ཞུའི་ལས་འགུལ་འདྲ་མིན་སྤེལ་འཆར་ཡོད་པ་རེད།

ཉན་པ།: Listen ཕབ་ལེན། Download བཙན་བྱོལ་བོད་མིའི་ཤེས་ཡོན་ལྷན་ཚོགས་ཐེངས་དྲུག་པ་དབུ་འཛུགས། དཔལ་འབྱོར་བཀའ་བློན་མཆོག་གིས་དང་བླངས་དཔྱ་དངུལ་གྱིས་སྒྲིག་འཛུགས་ཀྱི་ཛ་དྲག་ལས་གཞི་ལ་ཕན་ཐོགས་ཡོད་པ་གསུངས་འདུག བོད་པའི་བེུད་གཉིས་ལ་ Harvard གཙུག་ལག་སློབ་གཉེར་ཁང་ནས་ཆེ་བསྟོད་ཞུས་པ། དམིགས་བསལ་ལེ་ཚན། མཐོ་སློབ་ཀྱི་མི་ཚེ་དང་གླུ་གཞས་ལ་དོ་སྣང་། Tuesday 06/03/2018 Education Council and Advisory Committee holds 6th annual meeting Finance Kalon visits Swiss and Belgium Two Tibetan women among Harvard’s 2018 International Women’s Day Honourees MUSIC FEATURE: Music & college life : budding singer Tsering and Yangkyi

བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གི་ལྷན་ཚོགས་ཐེངས་དྲུག་པའི་ཐོག་ལ་འདི་ལོ་ནས་དབུ་འཛུགས་ཀྱིས་གཟའ་འཁོར་གཅིག་ནང་བོད་པའི་སློབ་གྲྭ་ཁག་ཏུ་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་ཚོགས་ཐེངས་གཅིག་རེ་ཚོགས་རྒྱུ་གཏན་འབེབས་བྱུང་འདུག དེ་རིང་ཟླ་ ༣ ཚེས་ ༦ ཉིན་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཤེས་ཡོན་ལྷན་ཚོགས་ཀྱིས་གོ་སྒྲིག་འོག་བཀའ་ཤག་གི་ཡང་སྟེང་ཚོགས་ཁང་དུ་བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གི་ལྷན་ཚོགས་ཐེངས་ ༦ པ་དབུ་འཛུགས་གནང་བ་དང་། ཤེས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་གིས་ལྷན་ཚོགས་དེ་དབུ་འབྱེད་གནང་ཡོད་པ་རེད། དེ་རིང་དང་སང་ཉིན་བཅས་ཉིན་གྲངས་གཉིས་རིང་ཚོགས་རྒྱུའི་ལྷན་ཚོགས་དེའི་ཐོག་ལ་ཤེས་ཡོན་ལྷན་ཚོགས་ཀྱི་ཚོགས་གཙོ་དགེ་བཤེས་ལྷག་རྡོར་ལགས། ཤེས་རིག་དྲུང་ཆེ་ཀརྨ་སེང་གེ་ལགས། ཤེས་ཡོན་ལྷན་ཚོགས་ཡིག་ཚང་གི་འགན་འཛིན་ཚེ་རིང་བསམ་འགྲུབ་ལགས། ཤེས་རིག་དེང་སྲོལ་ཤེས་ཡོན་ཚན་པའི་འགན་འཛིན་བསྟན་འཛིན་རྡོ་རྗེ་ལགས་ཀྱིས་གཙོས། སཾ་བྷོ་ཊ་དང་། དྷ་སྟེང་བོད་ཁྱིམ། མ་སུ་རི་བོད་ཁྱིམ། ས་རཱ་མཐོ་སློབ། ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་། དེ་བཞིན་བལ་ཡུལ་གངས་ཅན་བདེ་རྩ་བཅས་ཀྱི་ཤེས་ཡོན་དང་འབྲེལ་བའི་འགན་འཛིན་སོགས་ཚོགས་བཅར་གནང་འདུག འདི་ག་རླུང་འཕྲིན་ཁང་ཤེས་ཡོན་ལྷན་ཚོགས་ཡིག་ཚང་གི་འགན་འཛིན་ཚེ་རིང་བསམ་འགྲུབ་ལགས་སུ་བཅར་འདྲི་ཞུས་པར་ཁོང་གིས་ལྷན་ཚོགས་ཉིན་དང་པོའི་ཚོགས་ཐེངས་ཐོག་ལ་འདི་ལོ་ནས་དབུ་འཛུགས་ཀྱིས་གཟའ་འཁོར་གཅིག་ནང་བོད་པའི་སློབ་གྲྭ་ཁག་ཏུ་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་ཚོགས་ཐེངས་ཐེངས་གཅིག་རེ་ཚོགས་རྒྱུ་གཏན་འབེབས་བྱུང་སྐོར་གསུངས་སོང་། གཞི་རྩའི་བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་ཞེས་པ་དེ་བཙན་བྱོལ་ནང་ཆེད་ལས་མི་སྣ་དང་། བོད་མིའི་སློབ་གྲྭ་ཁག་གི་འགན་འཛིན། ཤེས་ཡོན་དང་འབྲེལ་བའི་ལས་བྱེད་ཁག་ཅིག་ལས་གྲུབ་པའི་མཁས་པའི་ཚོགས་ཆུང་ཞིག་ཡིན་ཞིང་། ཚོགས་ཆུང་དེའི་ལས་དོན་གཙོ་བོ་ནི་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཤེས་ཡོན་དང་འབྲེལ་བའི་ལས་འཆར་ཁག་ལ་ལམ་སྟོན་དང་གཟིགས་ཞིབ། དེ་བཞིན་ཐུགས་ཐག་གཅོད་རྒྱུ་བཅས་ཡིན་པ་རེད།

བོད་མིའི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་སྔ་དྲོ་འདི་ག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བའི་དབུ་གཡབ་ཏུ་ཕྱི་རྒྱལ་བ་ ༦༠༠ ལྷག་ལ་མཇལ་ཁ་དང་བཀའ་སློབ་བཀྲིན་བསྩལ་བའི་ཁྲོད། ང་ཚོ་འགྲོ་བ་མི་དུང་ཕྱུར་ ༧༠ ཡོད་པའི་འཛམ་གླིང་འདི་སྤྱི་ཚོགས་གཅིག་ལྟ་བུ་ཆགས་ཡོད་པ་དང་། ཆོས་དད་ཡོད་མེད་ལ་མ་ལྟོས་པར་མི་གཅིག་པ་ཡིན་པའི་འདུ་ཤེས་དགོས་རྒྱུ་ཤིན་ཏུ་ནས་གལ་ཆེ་ཡིན་པའི་ལམ་སྟོན་རྒྱ་ཆེ་བསྩལ་སོང་། མཇལ་ཁའི་ཐོག་ཧོང་ཀོང་དང་མེཀ་སི་ཁོ། ཁོ་ལམ་བིཡ། དེ་བཞིན་སོག་པོ་སོགས་རྒྱལ་ཁབ་ ༥༤ འི་སེར་སྐྱ་མང་ཚོགས་བཅར་འདུག་པ་དང་། མང་ཚོགས་དེ་དག་ལས་ཁག་ཅིག་༸གོང་ས་མཆོག་དང་མཇལ་མོལ་ཞུ་བ་ཐོག་མ་ཆགས་ཀྱི་འདུག ༸གོང་ས་མཆོག་སྐབས་དེར་ཕྱི་རྒྱལ་བ་ཀུན་ལ་འཚམས་འདྲི་བསྩལ་བ་དང་འབྲེལ་ཏེ་༸གང་ཉིད་མཆོག་ད་ཆ་དགུང་ནའི་བབ་ཀྱི་ཆ་ནས་དེ་སྔ་ལྟར་ཕྱི་རྒྱལ་དུ་ཆིབས་སྒྱུུར་བསྐྱང་ཐུབ་ཀྱི་མེད་སྟབས། ཕྱི་རྒྱལ་བ་རྣམས་བཞུགས་སྒར་དུ་བཅར་སྐབས་མགོན་པོ་མཆོག་ནས་ཁོང་རྣམ་པ་དང་ལྷན་དུ་མཇལ་མོལ་གནང་རྒྱུའི་འགན་ཡོད་པ་གཟིགས་ཀྱི་ཡོད་པ་བཀའ་གནང་སོང་། ཁྱད་པར་དུ་སྐབས་དེར་༸གང་ཉིད་མཆོག་གིས་བཀའ་སློབ་སྩལ་བའི་ཁྲོད་གཙོ་བོ་༸སྐུའི་ཐུགས་བསྐྱེད་མཛད་ཁུར་ཆེན་པོ་གསུམ་ལས་དང་པོ་བྱམས་སྙིང་རྗེ་གཞི་རྩར་བཞག་པའི་འགྲོ་བ་མི་གཅིག་གྱུར་གྱི་འདུ་ཤེས་གོང་འཕེལ་སྐོར་བཀའ་བསྩལ་བ་དང་སྦྲགས། དེང་གི་འཛམ་གླིང་འདིའི་ནང་ཆོས་དད་ཡོད་མེད་ལ་མ་ལྟོས་པར་མི་ཚང་མ་བདེ་སྐྱིད་འདོད་པ་དང་སྡུག་བསྔལ་མི་འོདད་པ་གཅིག་མཚུངས་ཡིན་ཞིང་། ཁྱད་པར་དུ་དཔལ་འབྱོར་དང་ཁོར་ཡུག་སོགས་ཕྱོགས་གང་སྤྱིའི་གནས་སྟངས་དང་ད་དུང་རང་གཞན་སུ་ཞིག་གི་བདེ་སྡུག་གི་ཚོར་བ་དེ་གཅིག་ལ་གཅིག་བརྟེན་ལྟ་བུ་གྱུར་ཡོད་སྟབས། ང་ཚོས་ང་ཚོ་དང་ཁོ་ཚོ་ཞེས་དབྱེ་བ་མི་བྱེད་པར་འགྲོ་བ་མི་སྤྱིའི་བདེ་རྩའི་སླད་བསམ་བློ་གཏོང་རྒྱུའི་དུས་ལ་སླེབས་པ་དང་ཁྱིམ་ཚང་དང་རྒྱལ་ཁབ། འཛམ་གླིང་བྱམས་བརྩེ་དང་བདེ་སྐྱིད་ལྡན་པ་ཞིག་བསྐྲུན་རྒྱུའི་འགན་མཉམ་ཁུར་གནང་གལ་ཡིན་པར་བཀའ་བསྩལ་ཡོད། ༸གོང་ས་མཆོག་གིས་དེང་སང་འཛམ་གླིང་འདིའི་ནང་ཕྲད་དང་འཕྲད་བཞིན་པའི་དཀའ་ངལ་སྐོར་བཀའ་སྩལ་བ་དང་ཆབས་ཅིག དཀའ་ངལ་དེ་དག་སེལ་ཆེད་དངོས་ཡོད་གནས་ཚུལ་དང་མཐུན་པའི་སྒོ་ནས་ཐབས་ལམ་འཚོལ་གལ་དང་། ཁྱད་པར་དུ་བྱམས་པ་དང་བརྩེ་བ། བཟོད་སྒོམ་སོགས་མིའི་ནང་སེམས་རྒྱུད་ཀྱི་བཟང་སྤྱོད་ཀྱི་རིན་ཐང་ཁག་ཆོས་དད་དང་མ་འབྲེལ་བར་གཙོ་བོ་ཤེས་ཡོན་གྱི་ངོ་བོའི་ཐོག་ནས་སློབ་གྲྭ་སོགས་ཀྱི་ནང་དུ་ངོ་སྤྲོད་གནང་ཐུབ་ཚེ་མ་འོངས་པའི་སྤྱི་ཚོགས་སྤྱི་དང་འཛམ་གླིང་ནང་བཟང་ཕྱོགས་ཀྱི་འགྱུར་བ་ཡོང་རྒྱུར་ཐུགས་རེ་གཟིགས་བཞིན་ཡོད་པ་བཀའ་སློབ་བསྩལ་སོང་། དེ་བཞིན་༸གོང་ས་མཆོག་གིས་རྒྱ་གར་གྱི་དཔལ་ནཱ་ལེནྡཱའི་གཞུང་ནས་བསྟན་པའི་ནང་སེམས་ཁམས་རིག་པའི་རྣམ་གཞག་སྐོར་ལ་སློབ་སྦྱོང་གནང་གལ་ཡིན་པའི་ལམ་སྟོན་མཛད་པ་མ་ཟད། ནང་སེམས་ཀྱི་བདེ་སྐྱིད་ཀྱི་འབྱུང་ཁུངས་དཀའ་གནད་ཁག་ཅིག་གི་སྐོར་ལའང་ལམ་སྟོན་གཟབ་རྒྱས་བསྩལ་ཡོད་པ་རེད། རྩ་བའི་དེ་རིང་༸གོང་ས་མཆོག་གི་མཇལ་ཁ་དང་བཀའ་སློབ་ཞུ་བར་ཆེད་བཅར་གནང་བའི་ཕྱི་རྒྱལ་མང་ཚོགས་ཀྱི་ཁྲོད་ནས་མགོན་པོ་༸གང་ཉིད་མཆོག་ལ་བཀའ་འདྲི་དགོངས་སྐོར་ཞུ་མཁན་མང་དག་ཞིག་བྱུང་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་དེང་གི་འཛམ་གླིང་འདི་སྤྱི་ཚོགས་གཅིག་ལྟར་ཆགས་ཡོད་པ་ལམ་སྟོན་མཛད་སོང་། བཞུགས་སྒར་དུ་ ༡༩༨༨ ལོའི་ལྷ་སའི་ཞི་རྒོལ་རྗེས་དྲན་ཞུས་པ། བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༢ པ་ཚོགས་བཞིན་པ། དམིགས་བསལ་ལེ་ཚན། ༸རྒྱལ་མཆོག་༸སྐུ་ཕྲེང་བཞི་པའི་མཛད་རྣམ། Monday 05/03/2018 Dalai Lama meets foreigners visiting Dharamsala, call for Oneness of humanity Tibetans in Dharamsala mark 30th anniversary of 1988 Uprising 12th Tibetan College Students Conference under way in Varanasi HISTORY FEATURE: The 4th Dalai Lama