Monthly Archives: March, 2018

དེ་རིང་ཟླ་ ༣ ཚེས་ ༥ ཉིན་མོ་ནི་དེ་སྔ་ཕྱི་ལོ་ ༡༩༨༨ ཟླ་ ༣ ཚེས་ ༥ ཉིན་བོད་ཀྱི་རྒྱལ་ས་ལྷ་སར་དགའ་ལྡན་དགོན་པའི་དགེ་འདུན་པས་སྣེ་ཁྲིད་འོག་བོད་མི་ཚོས་རྒྱ་གཞུང་ལ་ཞི་བའི་སྒེར་ལངས་གནང་ནས་མི་ལོ་ ༣༠ ཧྲིལ་པོ་འཁོར་བའི་དུས་ཚིགས་དང་བསྟུན་བཞུགས་སྒར་དུ་རྟེན་གཞི་བྱས་པའི་བོད་ཀྱི་དགུ་བཅུ་གསུམ་ལས་འགུལ་ཚོགས་པས་སྐབས་དེར་རྒྱ་གཞུང་གིས་བོད་མི་ཞི་རྒོ་བའི་ཐོག་དྲག་གནོན་བྱས་པའི་པར་རིས་འགྲེམས་སྟོན་གནང་སྟེ་རྒྱལ་གཅེས་དཔའ་བོ་དཔའ་མོ་དེ་དག་གི་བློས་བཏང་ལ་རྗེས་དྲན་སྲུང་བརྩི་ཞུས་སོང་། བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ངོས་ནས་བཞུགས་སྒར་གཙུག་ལག་ཁང་གི་ཉེ་འདབས་སུ་ཡོད་པའི་ཆོལ་གསུམ་བོད་ཀྱི་རྒྱལ་གཅེས་དཔའ་བོ་དཔའ་མོའི་རྗེས་དྲན་རྡོ་རིང་མདུན་དུ་དེ་སྔ་ཕྱི་ལོ་ ༡༩༨༨ ཟླ་ ༣ ཚེས་ ༥ ཉིན་བོད་ཀྱི་རྒྱལ་ས་ལྷ་སར་དགའ་ལྡན་དགོན་པའི་དགེ་འདུན་པས་སྣེ་ཁྲིད་འོག་བོད་མི་སེར་སྐྱ་མང་ཚོགས་ཀྱིས་རྒྱ་གཞུང་གི་དྲག་པོའི་སྲིད་བྱུས་ལ་མ་བཟོད་པའི་ཞི་རྒོལ་གྱི་ལས་འགུལ་སྤེལ་སྐབས་སུ་རྒྱ་གཞུང་གི་ཉེན་རྟོག་པས་བོད་མི་ཞི་རྒོལ་བར་ཆེས་དྲག་གནོན་གྱིས་དམར་བསད་བཏང་བ་དང་བཙོན་འཇུག་ཁྲིམས་ཐག་བཅད་པ་སོགས་ཀྱི་པར་རིས་ཁག་བཤམ་སྟོན་གནང་དང་འབྲེལ། རྒྱལ་གཅེས་པ་འདས་གསོན་ཚོའི་ཞུམ་པ་མེད་པའི་བློས་བཏང་ལ་རྗེས་དྲན་གྱི་གདུང་སེམས་མཉམ་བསྐྱེད་གནང་ཡོད་པ་རེད། འདི་ག་རླུང་འཕྲིན་ཁང་ནས་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་སྤྱི་འཐུས་ལས་ཐོག་ལྷ་རྒྱ་རི་རྣམ་རྒྱལ་སྒྲོལ་དཀར་ལགས་སུ་བཅར་འདྲི་ཞུས་པར་རྒྱལ་ཚོགས་དང་རྒྱལ་སྤྱིིའི་གཞུང་ཁག་ནས་རྒྱ་ གཞུང་གི་གནོན་ཤུགས་འོག་མི་འགྲོ་བར་བོད་ཀྱི་གནད་དོན་དང་དྲང་བདེན་གྱི་འཐབ་རྩོད་ཐོག་དོ་སྣང་དགོས་པར་འབོད་སྐུལ་གནང་ཡོད། རྩ་བའི་བཞུགས་སྒར་དུ་ཉེ་ཆར་བོད་མིའི་གཞུང་འབྲེལ་མིན་པའི་ཚོགས་པ་ཆེ་གྲས་ལྔས་ཕྱི་ལོ་ ༢༠༡༨ དེ་བཞིན་ས་བྱི་ཞི་རྒོལ་ཆེན་མོའི་རྗེས་དྲན་ལོར་སྲུང་བརྩི་ཞུ་རྒྱུ་ཡིན་པ་ཡོངས་བསྒྲགས་གནང་ཡོད།

རྒྱ་གར་ནང་གི་མཐོ་སློབ་ཁག་འདྲ་མིན་དུ་སློབ་གཉེར་གནང་བཞིན་པའི་བོད་རིགས་སློབ་མ་དང་གདན་ས་བཤད་གྲྭ་ཁག་ཏུ་གཞུང་ཆེན་དག་ལ་སློབ་གཉེར་གནང་མུན་ཡིན་པའི་དགེ་བཙུན་སོགས་ནས་ཤེས་ཡོན་དང་རིག་གནས། ཆབ་སྲིད་དང་བོད་ཕྲུག་སློབ་མར་འཁྲི་བའི་འོས་འགན་སོགས་ཀྱི་ཐོག་སློབ་མ་ཕན་ཚུན་དབར་བགྲོ་གླེང་གནང་རྒྱུར་ཆེད་དམིགས་གནང་དོན་ལྟར། ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་ཁ་སང་ཟླ་ ༣ ཚེས་ ༤ ཉིན་དབུ་འཛུགས་ཀྱིས་སྐབས་བཅུ་གཉིས་པའི་རྒྱལ་ཡོངས་བོད་རིགས་མཐོ་རིམ་སློབ་མའི་ཚོགས་ཆེན་ཚོགས་ཡོད་པ་དང་། ཐེངས་འདིའི་ཚོགས་ཆེན་ཐོག་རྒྱ་གར་ནང་གི་མཐོ་སློབ་མི་འདྲ་བ་ ༡༨ ཀྱི་བོད་རིགས་སློབ་གཉེར་བ་ཁྱོན་ ༧༠ ལྷག་ནས་ལྷན་ཞུགས་གནང་འདུག བོད་ཀྱི་མཐོ་རིམ་སློབ་མ་ཚོགས་ཆེན་གོ་སྒྲིག་ཚོགས་ཆུང་གི་ཚོགས་གཙོ་བྱམས་པ་ལྷུན་གྲུབ་ལགས་ཀྱིས་གསུངས་པར་ཉིན་གྲངས་ལྔ་རིང་གི་ཚོགས་ཆེན་ཐོག་གཙོ་བོ་སློབ་མའི་ཤེས་ཡོན་དང་འགན་འཁྲི་ཞེས་པའི་བརྗོད་གཞི་དང་འབྲེལ། མཐོ་རིམ་སློབ་མའི་ཁྲོད་ནས་ཤེས་འཇོན་གཉིས་ལྡན་གྱི་སློབ་མ་ཐོན་མཁན་ཉུང་བའི་རྒྱུ་རྐྱེན་གང་ཡིན་དང་། ལྷག་དོན་བོད་དོན་འཐབ་རྩོད་ཐོག་གཅིག་སྒྲིལ་གྱི་ནུས་པ་མཉམ་སྤུངས་ཇི་ལྟར་གནང་དགོས་པ་སོགས་ཀྱི་དོན་གནད་ ༡༤ ཐོག་གོ་བསྡུར་གནང་རྒྱུ་ཡིན་པ་གསུངས་ཡོད།

ཉན་པ།: Listen ཕབ་ལེན། Download རིས་སུ་མ་ཆད་པའི་བཙུན་དགོན་ཁག་ནས་༸གོང་ས་མཆོག་གི་བཀྲིན་རྗེས་དྲན། Sunday 04/03/2018 Words of Gratitude from Buddhist Nuns to the Dalai Lama

ཉན་པ།: Listen ཕབ་ལེན། Download ཉེན་རྟོག་དམག་མི་འགྲེམས་འཇོགས་འོག་སྐུ་འབུམ་དགོན་པའི་བཅོ་ལྔ་མཆོད་པ་ཚོགས་པ། རྒྱལ་ཚོགས་སུ་བོད་མིའི་ཆོས་དད་རང་དབང་ལ་མུ་མཐུད་དམ་དྲག་སྐོར་སྙན་སེང་ཞུས་པ། བཞུགས་སྒར་དུ་རྗེ་བཙུན་མི་ལ་རས་པའི་དགོངས་ཚོགས་ཉིན་མོ་སྲུང་བརྩི། ལྷོ་ཕྱོགས་ཁུལ་དུ་ཆོ་འཕྲུལ་དུས་ཆེན་སྲུང་བརྩི་ཞུས་པ། བོད་ཕྲུག་ཞིག་ལ་དབྱིན་ཇིའི་རྩོམ་ཡིག་འགྲན་སྡུར་ནང་དངུལ་གྱི་རྟགས་མ་ཐོབ་པ། ༸གོང་ས་མཆོག་གི་གསུང་ཆོས་ལེ་ཚན། སྟོན་པ་ཐུབ་པ་དབང་པོའི་སྐུ་བརྙན་སྐོར། Saturday 03/03/2018 Massive display of army force at Kubum Monastery China’s revised regulations further threat to survival of Tibetan Buddhism: Helsinki Foundation Commemoration of Milarepa’s Maha Parnivara Day held in Dharamsala Tibetans in South India mark Chotrul Duechen, Day of Miracles Tibetan students bags silver medal in State Essay competition FEATURE: Dalai Lama speaks on the Buddha

ཉན་པ།: Listen ཕབ་ལེན། Download ༸གོང་ས་མཆོག་གིས་བོད་ཆོལ་གསུམ་ཆིག་སྒྲིལ་གྱི་གལ་གནད་སྐོར་ལ་བཀའ་སློབ་བསྩལ་བ། བཀྲ་ཤིས་དབང་ཕྱུག་ལགས་ཀྱི་གནད་དོན་ཐོག་ཨོ་སི་ཊོ་ལི་ཡ་གཞུང་ལ་འདྲི་རྩད། རྒྱ་ནག་གཞུང་ནས་རྒྱ་གར་གྱི་དཔོན་རིགས་ཚོར་བརྡ་ཁྱབ་བཏང་བ། བོད་ཀྱི་སྐད་ཡིག་དེ་ཨ་རིའི་གྲངས་ཉུང་མི་རིགས་ཀྱི་སྐད་ཡིག་ཁོངས་སུ་ངོས་འཛིན་གནང་འདུག དེང་དུས་རི་མོའི་སྒྱུ་རྩལ་ཐོག་ནས་བོད་མིའི་མྱོང་ཚོར་འགྲེམས་སྟོན་གནང་བ། ༢༠༡༨ ལོ་ས་བྱི་ཞི་རྒོལ་ཆེན་མོ་ལོར་སྲུང་བརྩི་ཞུ་རྒྱུ། Friday 02/03/2018 Dalai Lama urges Tibetans to uphold Cholsum unity and religious harmony Indian officials told to avoid Tibetan exile events citing sensitive ties with China Tibetan NGOs announce chain of events to honor 2008 National Uprising Day heroes Australian MP grills government over effort to seek Tashi Wangchuk’s release Madison City Council recognizes Tibetan as official minority language Tibetan artist highlightsTibet situation through contemporary art exhibition

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཕྱི་ཟླ་ ༣ ཚེས་ ༢ དང་བོད་ཟླ་ ༡ ཚེས་ ༡༦ ཉིན་བཅོ་ལྔ་མཆོད་པའི་ཆོས་ཕྱོགས་ཀྱི་དུས་ཚིགས་ཁྱད་པར་ཅན་དང་བསྟུན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་ནས་གསར་དུ་འབྱོར་བ་དང་ཕྱི་ནང་གི་དད་ལྡན་སེར་སྐྱ་སྟོང་ཕྲག་ལྷག་ལ་སྐྱེས་རབས་སོ་བཞི་དང་རྟེན་འབྲེལ་བསྟོད་པའི་བཀའ་ཆོས་སྩལ་བ་དང་འབྲེལ། མགོན་པོ་༸གང་ཉིད་མཆོག་གིས་བོད་ཀྱི་ཆོལ་གསུམ་དང་ཆོས་བརྒྱུད་ཁག་གི་དབར་སྔར་ལྷག་དམ་ཚིག་འོ་ཆུ་གཅིག་འདྲེས་ལྟར་དགོས་གལ་ཆེན་པོ་ཡིན་པར་ལམ་སྟོན་བསྩལ་སོང་། ༸གོང་ས་༸སྐྱབས་མགོན་ཆེན་པོ་མཆོག་གིས་སློབ་དཔོན་དཔའ་བོས་མཛད་པའི་སྐྱེས་རབས་སོ་བཞིའི་བཀའ་ཆོས་བསྩལ་གྲུབ་མཚམས་སུ་༸རྗེ་ཙོང་ཁ་པ་ཆེན་པོ་བློ་བཟང་གྲགས་པས་མཛད་པའི་རྟེན་འབྲེལ་བསྟོད་པའི་བཤད་ལུང་བསྩལ་བ་ལས་བོད་གངས་ཅན་ལྗོངས་ལ་ཡོད་པའི་སངས་རྒྱས་ཀྱི་བསྟན་པ་འདི་ནི་འཛམ་བུ་གླིང་གི་སྤྱི་ནོར་ཞིག་ཆགས་ཡོད་པ་དང་། དེང་གི་དུས་སུ་སངས་རྒྱས་ཀྱི་བཀའ་སྡེ་སྣོད་གསུམ་ཆ་ཚང་བ་དང་དེ་བཞིན་བཀའ་བསྟན་པོ་ཏི་ ༣༠༠ བཅས་ཡོད་པ་དེ་དག་འགྲེལ་བརྗོད་ཕྱིན་ཅི་མ་ལོག་པ་རྒྱག་ཐུབ་མཁན་དེ་བོད་ཡིག་ཁོ་ན་ཆགས་ཡོད་སྐོར་བཀའ་ནན་བསྩལ་ཡོད། ལྷག་པར་དུ་བོད་ཡིག་དེ་ལ་བརྟེན་ནས་ད་ལྟའི་འཆར་བོད་ཆོལ་གསུམ་ཡོངས་རྫོགས་གཅིག་ཏུ་གནས་ཐུབ་པ་བྱུང་ཡོད་པས་བོད་ཆོལ་གསུམ་དང་ཆོས་བརྒྱུད་ཁག་གི་དབར་སྔར་ལྷག་དད་དམ་གཡོ་བ་མེད་པའི་ཐོག་ནས་དམ་ཚིག་འོ་ཆུ་གཅིག་འདྲེས་ལྟར་གནང་དགོས་གལ་ཆེན་པོ་རེད་ཅེས་བཀའ་ནན་མཛད་སོང་། དེ་བཞིན་༸གོང་ས་མཆོག་གིས་དེང་སྐབས་འཛམ་གླིང་ཐོག་ཆོས་ལུགས་ཕན་ཚུན་དབར་ལ་འཁྲུག་འཛིང་དང་གསོད་རེས་ཀྱི་གནས་ཚུལ་འབྱུང་བཞིན་པའི་དུས་སྐབས་འདིར་བོད་ཀྱི་ཆོས་བརྒྱུད་ཁག་གིས་འཛམ་གླིང་ཐོག་གི་མི་རིགས་གཞན་ཚོའི་ངོས་ནས་མིག་ལྟོས་འོས་པ་ཞིག་གནང་དགོས་གནད་ཡིན་པའི་ལམ་སྟོན་རྒྱ་ཆེ་བསྩལ་ཡོད་པ་རེད། བོད་མི་སེར་སྐྱ་མང་ཚོགས་ཚོས་བོད་ཡིག་ཐོག་ཡོད་པའི་ནང་པ་སངས་རྒྱས་པའི་ཆོས་ལ་སློབ་གཉེར་གནང་དགོས་གལ་ཡིན་པ་དང་། ནང་ཆོས་དེས་འཛམ་གླིང་ཐོག་བོད་ཀྱི་སྐད་ཡིག་གི་གཟི་བརྗིད་ཐོན་ཐུབ་པ་ཙམ་མ་ཟད། ལྷག་པར་དུ་འཛམ་གླིང་ཐོག་རང་གཞན་གཉིས་ལ་ཕན་པ་བསྒྲུབ་ཐུབ་པའི་ནུས་པ་ཁྱད་པར་བ་ཞིག་ཡོད་སྟབས་སེམས་འདུལ་ཐབས་ལ་ཕན་ཐོགས་ཆེན་པོ་ཡོད་སྐོར་བཀའ་བསྩལ་ཡོད།

རྒྱ་དཀར་ནག་གཉིས་ཀྱི་དབར་ཚོར་བ་རྣོ་བའི་འབྲེལ་ལམ་རྒྱུ་མཚན་དུ་བཀོད་དེ་༸གོང་ས་༸སྐྱབས་མགོན་ཆེན་པོ་མཆོག་བཙན་བྱོལ་དུ་ཕེབས་ནས་མི་ལོ་ ༦༠ འཁོར་བའི་མཛད་སྒོའི་ཐོག་རྒྱ་གར་གྱི་དཔོན་རིགས་རྣམས་མཉམ་ཞུགས་གནང་རྒྱུ་མེད་པའི་ལམ་སྟོན་གནང་འདུག དེའང་རྒྱ་གར་གྱི་གསར་འགྱུར་བརྒྱུད་ལམ་ཆེ་གྲས་ཁག་ཅིག་གི་ཐོག་གནས་ཚུལ་ཐོན་པར་གཞིགས་ན། ཉེ་ཆར་ཕྱི་ཟླ་ ༢ ཚེས་ ༢༢ ཉིན་རྒྱ་གར་ཕྱི་སྲིད་ལས་ཁུངས་ཀྱི་དྲུང་ཆེ་ Vijay Gokhale ལགས་ཀྱིས་དབུས་གཞུང་གི་འཛིན་སྐྱོང་དྲུང་ཆེ་ PKSinha ལགས་སུ་ཞུ་སྐུལ་གནང་བ་ལྟར་སྐུ་ཞབས་ Sinha ལགས་ཀྱིས་དེ་རྗེས་རྒྱ་གར་དབུས་གཞུང་དང་མངའ་སྡེ་སོ་སོའི་དཔོན་རིགས་མཐོ་གྲས་དང་འབྲེལ་ཡོད་ལས་བྱེད་རྣམས་ལ་ནང་ཁུལ་བཀོད་ཁྱབ་ཞིག་གནང་སྟེ་༸གོང་ས་༸སྐྱབས་མགོན་ཆེན་པོ་མཆོག་བཙན་བྱོལ་དུ་ཕེབས་ནས་མི་ལོ་ ༦༠ འཁོར་བའི་རྗེས་དྲན་གྱི་མཛད་སྒོའི་ལས་རིམ་ཁག་ལ་མཉམ་ཞུགས་གནང་རྒྱུ་མེད་པའི་ལམ་སྟོན་གནང་འདུག སྐུ་ཞབས་ Sinha ལགས་ཀྱིས་བརྡ་ཁྱབ་དེའི་ནང་ཕྱི་སྲིད་ལས་ཁུངས་ཀྱི་དྲུང་ཆེ་སྐུ་ཞབས་ Gokhale ལགས་ཀྱིས་གནང་བའི་བཀའ་མོལ་ཁག་ཅིག་ལུང་འདྲེན་དང་སྦྲགས་ཏེ་བོད་མིའི་སྒྲིག་འཛུགས་ཀྱི་ངོས་ནས་༸གོང་ས་མཆོག་བཙན་བྱོལ་དུ་ཕེབས་ནས་མི་ལོ་ ༦༠ འཁོར་བའི་རྗེས་དྲན་དང་འབྲེལ་ཕྱི་ཟླ་ ༤ ཚེས་ ༡ ཉིན་རྒྱལ་ས་ལྡི་ལིར་རྒྱ་གར་གཞུང་མང་གཉིས་ལ་ཐུགས་རྗེ་ཆེ་ཞུའི་མཛད་སྒོ་ཆེ་གྲས་ཤིག་གོ་སྒྲིག་གནང་གི་ཡོད་པ་དང། དེའི་ཐོག་རྒྱ་གར་གཞུང་གི་དཔོན་རིགས་མཐོ་གྲས་ཁག་ཅིག་གདན་འདྲེན་ཞུ་འཆར་ཡོད་པ་མ་ཟད། དེ་བཞིན་རིམ་པས་རྒྱལ་ས་ལྡི་ལི་དང་མངའ་སྡེ་གཞན་ཁག་གི་ནང་དུ་དེ་འབྲེལ་ལས་རིམ་ཚོགས་ཀྱི་ཡོད་པ་རེད། དུས་སྐབས་དེ་ནི་རྒྱ་དཀར་ནག་གཉིས་ཀྱི་འབྲེལ་ལམ་ཐད་ལ་ཆེས་ཚོར་བ་རྣོ་བའི་དུས་ཚིགས་ཤིག་ཆགས་ཀྱི་ཡོད་སྟབས་རྒྱ་གར་དབུས་གཞུང་དང་མངའ་སྡེ་སོ་སོའི་དཔོན་རིགས་མཐོ་གྲས་རྣམས་ནས་ལས་རིམ་དེ་དག་ཐོག་མཉམ་ཞུགས་གནང་ན་འོས་འཚམས་མེད་པ་དང། དེ་ལྟར་གནང་རྒྱུ་མེད་པར་ཞུ་སྐུལ་གནང་དགོས་ཀྱི་རེད་ཅེས་བཀོད་འདུག རྒྱ་གར་དབུས་གཞུང་གི་འཛིན་སྐྱོང་དྲུང་ཆེ་ PKSinha ལགས་ཀྱིས་བཏང་བའི་བརྡ་ཁྱབ་དེའི་སྐོར་གྱི་གནས་ཚུལ་ཕྱིར་འགྱར་བྱུང་མ་ཐག་རྒྱ་གར་གྱི་བརྒྱུད་ལམ་ཁག་ཅིག་ནས་དབུས་གཞུང་ལ་གནད་དོན་དེའི་སྐོར་འདྲི་རྩད་གནང་བ་ལྟར། དེ་རིང་རྒྱ་གར་ཕྱི་སྲིད་ལས་ཁུངས་ཀྱིས་སྤྱི་བསྒྲགས་ཤིག་སྤེལ་བའི་ནང་རྒྱ་གར་གཞུང་གི་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་གི་ཐོག་འཛིན་པའི་བཞེངས་ཕྱོགས་ལ་འགྱུར་བ་གང་ཡང་མེད་པ་ཁ་གསལ་ཡིན་པ་དང། ༸གོང་ས་མཆོག་ནི་རྒྱ་གར་མི་མང་གི་གུས་བརྩི་ཆེན་པོ་ཞུ་བཞིན་པའི་ཆོས་ཕྱོགས་ཀྱི་དབུ་ཁྲིད་ཞིག་ཡིན་པ་ལྟར། ༸གོང་ས་མཆོག་ལ་རྒྱ་གར་གྱི་ས་གནས་གང་ཞིག་ཏུ་ཆོས་ཕྱོགས་ཀྱི་གནང་སྒོ་སྤེལ་རྒྱུའི་ཁེ་དབང་ཡོངས་རྫོགས་ཕུལ་ཡོད་སྐོར་འགྲེལ་བརྗོད་དང་ལྷན་ཅིག་ཏུ་རྒྱ་གར་གཞུང་ནས་༸གོང་ས་མཆོག་གི་ཐོག་འཛིན་པའི་བཞེངས་ཕྱོགས་ལ་འགྱུར་བ་རྩ་བ་ནས་མེད་པར་འགྲེལ་བརྗོད་གནང་བ་དེ་ལྟར་ཡང། རྒྱ་གར་གྱི་དཔོན་རིགས་ཚོར་གནང་བའི་བརྡ་ཁྱབ་སྐོར་ལ་འགྲེལ་བརྗོད་གང་ཡང་གནང་མི་འདུག གཞི་རྩའི་འདི་ལོ་ཕྱི་ལོ་ ༢༡༠༨ ཟླ་ ༣ ཚེས་ ༣༡ ཉིན་མོ་དེ་ནི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་བོད་མི་རྣམས་བཙན་བྱོལ་རྒྱ་གར་དུ་འབྱོར་ནས་མི་ལོ་ ༦༠ ཧྲིལ་པོ་འཁོར་བའི་དུས་ཚིགས་འཁེལ་གྱི་ཡོད་པ་ལྟར། དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་གཙོས་པའི་ཕྱི་དྲིལ་ལས་ཁུངས་ཀྱི་དྲུང་ཆེ་རྣམ་པ་གཉིས་བཅས་ལྷན་ཞུགས་ཐོག་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ Press Club of India ནང་གསར་འགོད་ལྷན་ཚོགས་གནང་བ་དང་འབྲེལ། རྒྱ་གར་གྱི་རྒྱལ་ས་ལྡི་ལི་ནང་ཕྱི་ཟླ་ ༣ ཚེས་ ༣༡ དང་ཕྱི་ཟླ་ ༤ ཚེས་ ༡ བཅས་ཉིན་གྲངས་གཉིས་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་རྒྱ་གར་གྲོས་ཚོགས་འཐུས་མི་དང་བོད་དོན་རྒྱབ་སྐྱོར་བ། གཞུང་འབྲེལ་གནད་ཡོད་མི་སྣ་སོགས་གདན་ཞུ་ཐོག་རྒྱ་གར་གཞུང་མང་གཉིས་ལ་ཐུགས་རྗེ་ཆེ་ཞུའི་མཛད་སྒོ་གཞི་རྒྱ་ཆེ་བ་ཞིག་ཚོགས་རྒྱུ་ཡིན་པ་ཡོངས་བསྒྲགས་གནང་ཡོད་པ་མ་ཟད། ཕྱི་ལོ་ ༢༠༡༨ ལོ་འཁོར་མོ་ནང་བོད་མི་གནས་ཡུལ་རྒྱ་གར་གི་ས་ཁུལ་གང་སར་གཞུང་འབྲེལ་གྱི་ཐོག་ནས་རྒྱ་གར་གཞུང་མང་གཉིས་ལ་ཐུགས་རྗེ་ཞུའི་ལས་འགུལ་འདྲ་མིན་སྤེལ་འཆར་ཡོད་སྐོར་གསུངས་ཡོད་པ་རེད། འདི་ག་རླུང་འཕྲིན་ཁང་ནས་བོད་མིའི་སྒྲིགས་འཛུགས་ཀྱི་མགྲིན་ཚབ་པ་ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་སུ་གནད་དོན་དེ་འབྲེལ་བཀའ་འདྲི་ཞུས་པར་ཁོང་གིས་བོད་མིའི་སྒྲིག་འཛུགས་ཀྱི་ངོས་ནས་ད་ལྟའི་ཆར་གནད་དོན་དེའི་ཐད་ལ་ལན་འདེབས་གང་ཡང་གནང་རྒྱུ་མེད་ཅེས་གསུངས་ཡོད།