Monthly Archives: March, 2018

སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པའི་ཚ་མོ་ཉི་མ་ལྷ་མོ་ལགས་ཁ་སང་ཚེས་ ༢༧ ཉིན་ཨོ་སི་ཊོ་ལི་ཡའི་གུ་ཡངས་ཆབ་སྲིད་ཚོགས་པའི་འཐུས་མི་དང་བདེ་སྲུང་བློན་ཆེན་ཟུར་པ་སྐུ་ཞབས་ Kevin Andrews ལགས་ཀྱིས་རྐང་གོ་སྒྲིག་འོག་ཨོ་སི་ཊོ་ལི་ཡའི་གྲོས་ཚོགས་ཀྱི་འགྲོ་བ་མིའི་ཐོབ་ཐང་ཚོགས་ཆུང་གི་ཉན་ཞིབ་ལས་རིམ་ཐོག་ལྷན་ཞུགས་ཀྱིས་བོད་ནང་གི་ཆབ་སྲིད་བཙོན་པ་ཚོའི་འགྲོ་བ་མིའི་ཐོབ་ཐང་གི་གནས་སྟངས་སྐོར་སྙན་གསེང་ཞུས་འདུག སྐབས་དེར་ཉི་མ་ལྷ་མོ་ལགས་ཀྱིས་ཁོ་མོའི་ཞང་པོ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་མཆོག་ལ་རྒྱ་གཞུང་གིས་མི་སྤྱོད་ལས་འདས་པའི་སྡུག་སྦྱོང་མནར་གཅོད་ཚད་མེད་བཏང་བ་ཁག་ལུང་འདྲེན་དང་འབྲེལ་ཨོ་སི་ཊོ་ལི་ཡའི་གྲོས་ཚོགས་ཀྱི་འགྲོ་བ་མིའི་ཐོབ་ཐང་ཚོགས་ཆུང་གིས་རྒྱ་གཞུང་ལ་རིན་པོ་ཆེ་མཆོག་གི་གནད་དོན་ཐད་ཞིབ་འཇུག་མཐིལ་ཕྱིན་གནང་དགོས་པར་གནོན་ཤུགས་སྤྲོད་དགོས་པའི་འབོད་སྐུལ་གནང་འདུག ད་དུང་ཁོང་གིས་རྒྱ་ནག་གཞུང་གིས་རིན་པོ་ཆེ་མཆོག་འཛིན་བཟུང་བྱས་པ་ནས་བཟུང་ཁོང་རང་ཉིད་གཙོས་པའི་ནང་མི་ཉེ་འབྲེལ་དང་དེ་བཞིན་གྲོང་མི་སོགས་ལ་དམ་དྲག་གིས་སུན་གཙེར་བྱས་པ་དེ་ནི་བོད་ནང་གི་བོད་མི་རྣམས་དང་ལྷག་དོན་ཆབ་སྲིད་བཙོན་པ་ཚོར་རྒྱ་ནག་གི་དབང་སྒྱུར་འོག་བསམ་ཡུལ་ལས་འདས་པའི་ངལ་བ་འཕྲད་པའི་དཔེ་མཚོན་མང་པོའི་ནང་གཅིག་ཡིན་སྐོར་གསུངས་འདུག དེ་བཞིན་ཁོང་གིས་ཕྱི་ལོ་ ༢༠༠༩ ནས་བཟུང་བོད་ས་ཁྱོན་ཡོངས་སུ་བོད་མིའི་ཁྲོད་ནས་རང་ལུས་མེར་སྲེག་གཅིག་རྗེས་གཉིས་མཐུད་གནང་བ་དེ་ནི་རྒྱ་གཞུང་གིས་བོད་ཐོག་འཛིན་པའི་དྲག་པོའི་སྲིད་བྱུས་ལ་མ་བཟོད་པར་འ་ཆད་འུ་ཐུག་ནས་གནང་བ་ཞིག་ཡིན་སྐོར་གསུངས་པ་དང་འབྲེལ། ཁོང་རང་ཉིད་ཀྱི་ངོས་ནས་ཀྱང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གློ་བུར་དུ་དགོངས་པ་རྫོགས་པའི་བརྒྱུད་རིམ་ཁྲོད། རྒྱལ་སྤྱིའི་ཚོགས་སྐྱིད་ཁག་ནས་བོད་ནང་གི་བོད་མི་ཚོས་རྒྱ་གཞུང་གི་དྲག་གནོན་འོག་དཀའ་སྡུག་དྲག་པོ་མྱོང་བའི་གནས་སྟངས་ཐོོག་ཐུགས་སྣང་ཞིག་ཡོང་བར་དགོངས་ནས་རང་སྲོག་བཅད་ཐབས་གནང་སྐོར་གསུངས་འདུག ཨོ་སི་ཊོ་ལི་ཡའི་གུ་ཡངས་ཆབ་སྲིད་ཚོགས་པའི་འཐུས་མི་དང་བློན་ཆེན་ཟུར་པ་སྐུ་ཞབས་ Kevin Andrews ལགས་ཀྱིས་ཉི་མ་ལྷ་མོ་ལགས་ཀྱི་སྙིང་སྟོབས་དང་ཆོད་སེམས་ལ་བསྔགས་བརྗོད་གནང་བ་དང་འབྲེལ། ཁོང་གི་ངོས་ནས་བོད་དོན་ལ་རྒྱབ་སྐྱོར་མུ་མཐུད་གནང་རྒྱུ་དང་འདི་བཞིན་བོད་ནང་གི་གནས་སྟངས་ལ་ཐུགས་སྣང་གནང་ངེས་ཡིན་པ་གསུངས་འདུག དེ་བཞིན་ཨོ་སི་ཊོ་ལི་ཡའི་ངལ་སྩོལ་ཚོགས་པའི་འཐུས་མི་ལྕམ་སྐུ་ Meryln Swanson ལགས་ཀྱིས་ཉི་མ་ལྷ་མོ་ལགས་དང་ཁོང་གི་ནང་མི་རྣམས་ལ་གདུང་སེམས་མཉམ་བསྐྱེད་ཞུས་པ་མ་ཟད། ཁོང་ནས་བོད་མི་རིགས་ཀྱི་བདེན་དོན་སླད་ཞུམ་པ་མེདཔའི་སྙིང་སྟོབས་དང་བློས་བཏང་ལ་ཡི་རང་བསྔགས་བརྗོད་ཀྱང་གནང་འདུག གཞི་རྩའི་ ལི་ཐང་སྤྲུལ་སྐུ་བསྟན་འཛིན་བདེ་ལེགས་རིན་པོ་མཆོག་ལ་ཁྲེན་ཏུར་འབར་རྫས་གས་ཐོར་གྱི་དོན་རྐྱེན་ཞིག་དང་འབྲེལ་བ་ཡོད་པ་བརྗོད་ནས་ཕྱི་ལོ་ ༢༠༠༢ ཟླ་ ༤ ཚེས་ ༧ ཉིན་དགོང་མོའི་ཆུ་ཚོད་ ༡༢ ཙམ་ལ་གློ་བུར་དུ་འཛིན་བཟུང་བྱས་ཡོད་པ་དང། དེའི་རྗེས་ལོ་གཉིས་དུས་འགྱངས་སྲོག་ཁྲིམས་ནས་ཚེ་བཙོན་དུ་འགྱུར་བ་བཏང་སྟེ་བཙོན་ཁང་གིས་མནར་གཅོད་འོག་ལོ་ངོ་ ༡༣ རིང་བཞག་མཐར་ཕྱི་ལོ་ ༢༠༡༥ ཕྱི་ཟླ་ ༧ ཚེས ༡༢ ཉིན་ཁྲན་ཏུ་བཙོན་ཁང་དུ་གློ་བུར་དུ་དགོངས་པ་རྫོགས་པའི་གནས་ཚུལ་བྱུང་ཡོད་པ་རེད།      

ཉན་པ།: Listen ཕབ་ལེན། Download ༸གོང་ས་མཆོག་ཕྱི་ཟླ་ ༩ པའི་ནང་སུད་སིར་ཆིབས་བསྒྱུར་བསྐྱང་གཏན་འཁེལ་འདུག ༸གོང་ས་མཆོག་རྒྱ་གར་དུ་ཕེབས་ནས་ལོ་ ༦༠ འཁོར་བའི་དྲན་གསོའི་གོམ་བགྲོད་ལས་འགུལ་མཇུག་སྒྲིལ། ཆབ་སྲིད་བཙོན་ཟུར་དོན་གྲུབ་དབང་ཆེན་དང་ཨ་རི་སྐུ་ཚབ་དོན་གཅོད་ནས་བོད་དོན་ཞུ་གཏུགས་གནང་། གླུ་གཞས་ལེ་ཚན། ཟླ་བ་མཚོ་སྣ་ལགས་ཀྱི་གཞས་མ་གཏམ་གསར་པའི་སྐོར། Tuesday 27/03/2018 #DalaiLama to grace 50th anniversary of Rikon Institute in September Padyatra marking Dalai Lama’s arrival in India concludes in Tezpur Dhondup Wangchen and US Representative meet lawmakers in Minnesota MUSIC FEATURE: ‘Reconnect’ by Tibetan rapper Dawa Tsona

དེ་རིང་ཟླ་ ༣ ཚེས་ ༡༧ ཉིན་མོ་འདི་ནི་དེ་སྔ་ཕྱི་ལོ་ ༡༩༥༩ ལོར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལྷ་ས་ནོར་གླིང་རྟག་བརྟན་མི་འགྱུར་ཕོ་བྲང་ནས་རྒྱ་གར་འཕགས་པའི་ཡུལ་དུ་བཙན་བྱོལ་ལ་ཆིབས་བསྒྱུར་མཛད་པའི་ཉིན་མོ་དང་བསྟུན། རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་གྲོང་ཁྱེར་རྟ་དབང་ནང་རྟེན་གཞི་བྱས་པའི་རྒྱ་གར་བོད་དོན་རྒྱབ་སྐྱོར་ཚོགས་པའི་སྡེ་ཚན་ནང་མས་རྐང་གོ་སྒྲིག་ཐོག་བོད་དང་རྒྱ་གར་གཉིས་ཀྱི་ས་མཚམས་ས་ཁུལ་ཆུ་དྭངས་མོ་ནས་འགོ་འཛུགས་གནང་བའི་པཐ་ཡཏྲ་ཞེས་དྲན་གསོའི་གོམ་བགྲོད་ཀྱི་ལས་འགུལ་སྤེལ་དོན་ལྟར། དེ་རིང་རྒྱ་གར་གྱི་ཨ་སམ་མངའ་སྡེའི་གྲོང་ཁྱེར་ཏེ་ཛ་པུར་ནང་མཇུག་སྒྲིལ་ལེགས་གྲུབ་གནང་འདུག མཇུག་སྒྲིལ་གྱི་མཛད་སྒོ་དེ་དེ་རིང་སྔ་དྲོ་ཚོུད་ ༡༠ ཙམ་ལ་གོམ་བགྲོད་པ་རྣམས་གྲོང་ཁྱེར་ Tezpur ནང་འབྱོར་མ་ཐག་ཁུལ་དེར་དེ་སྔ་༸གོང་ས་༸སྐྱབས་མགོན་ཆེན་པོ་མཆོག་བོད་ནས་རྒྱ་གར་ནང་༸ཞབས་སོར་བདེ་བར་འཁོད་རྗེས་བོད་མི་ཚོར་བཀའ་སློབ་ཐོག་མ་བསྩལ་ཡུལ་ས་ཚིགས་ཆེས་ཐོག་མ་ཆགས་པའི་ Darrang མཐོ་རིམ་སློབ་གཉེར་ཁང་གི་ཚོགས་ཁང་ཆེན་མོར་ཚོགས་ཡོད་པ་དང་། སྐབས་དེར་ Darrang མཐོ་རིམ་སློབ་གཉེར་ཁང་གི་སློབ་སྤྱི་དང་། རྟ་དབང་དགོན་པའི་མཁན་པོ། ས་གནས་ཀྱི་གནད་ཡོད་མི་སྣ་དང་མང་ཚོགས་མང་དག་ཞིག་ནས་མཉམ་ཞུགས་གནང་འདུག གཞི་རྩའི་ཐེངས་འདིའི་དྲན་གསོའི་གོམ་བགྲོད་ཀྱི་ལས་འགུལ་འདི་ཟླ་བ་འདིའི་ཕྱི་ཚེས་ ༡༧ ཉིན་བོད་དང་རྒྱ་གར་གཉིས་ཀྱི་ས་མཚམས་ས་ཁུལ་ཆུ་དྭངས་མོ་ནས་འགོ་འཛུགས་གནང་སྟེ། འདས་པའི་ཉིན་གྲངས་༡༡ རིང་ལ་ཁུལ་དེའི་གྲོང་ཁྱེར་རླུང་ལ་གྲོང་ཁྱེར་དང་ས་གནས་རྟ་དབང་དང་བྱང་སྡེ་རང་། འབུམ་སྡེ་ལ། དེ་བཞིན་སེང་གེ་རྫོང་སོགས་དེ་སྔ་༸གོང་ས་མཆོག་ཆིབས་བསྒྱུར་མཛད་ཡུལ་ས་གནས་སོ་སོར་གོམ་བགྲོད་གནང་ནས་ཕེབས་པ་མ་ཟད་ས་གནས་དེ་དག་ནང་འབྱོར་སྐབས་མཛད་རིམ་འདྲ་མིན་གོ་སྒྲིག་ཐོག་ས་གནས་མང་ཚོགས་རྣམས་ལ་༸གོང་ས་མཆོག་གི་མཛད་རྣམ་ངོ་སྤྲོད་དང་༸སྐུ་པར་འགྲེམས་སྤེལ། དེ་བཞིན་དགོན་སྡེ་ཁག་ལ་ཆོས་ཕྱོགས་ཀྱི་ལས་དོན་སོགས་རྒྱ་ཆེ་སྤེལ་ཡོད་པ་རེད།

རི་ཀོན་ཆོས་འཁོར་དགོན་གསར་འཛུགས་གནང་ནས་མི་ལོ་ ༥༠ འཁོར་བའི་དུས་ཚིགས་དང་བསྟུན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འདི་ལོ་ཕྱི་ཟླ་ ༩ པའི་ནང་སུད་སིར་ཆིབས་བསྒྱུར་བཀྲིན་བསྐྱང་གཏན་ཁེལ་འདུག དེའང་དེ་རིང་སུད་སི་བོད་ཀྱི་སྐུ་ཚབ་དོན་གཅོད་ཁང་ནས་རི་ཀོན་ཆོས་འཁོར་དགོན་གྱིས་འདོན་སྤེལ་གནང་བའི་གསར་འགོད་གསལ་བསྒྲགས་ཤིག་འདི་གར་བཏང་འབྱོར་བྱུང་བའི་ནང་། བོད་མིའི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་འདི་ལོ་ ༢༠༡༨ ཟླ་ ༩ ཚེས་ ༢༡ ནས་ ༢༤ བར་ཉིན་གྲངས་བཞིའི་རིང་ཁུལ་དེར་ཆིབས་བསྒྱུར་དང་འབྲེལ། རི་ཀོན་དང། Winterthur དེ་བཞིན་ Zurich གྲོང་ཁྱེར་བཅས་སུ་དུས་ཆེན་གྱི་མཛད་རིམ་ཁག་ཅིག་གི་ཐོག་དབུ་བཞུགས་མཛད་རྒྱུ་རེད་འདུག མཛད་འཆར་ལྟར་ན། ཟླ་ ༩ ཚེས་ ༢༡ ཉིན་༸གོང་ས་མཆོག་དབུ་བཞུགས་ཐོག་རི་ཀོན་ཆོས་འཁོར་དགོན་དུ་ཆོས་ཕྱོགས་ཀྱི་མཛད་སྒོ་དང། ཚེས་ ༢༢ ཉིན་གཞུང་འབྲེལ་གྱི་མཛད་སྒོ་འཚོགས་རྒྱུ་མ་ཟད། མགོན་པོ་༸གང་ཉིད་མཆོག་ནས་ཚེས་ ༢༣ ཉིན་ Zurich གྲོང་ཁྱེར་དུ་མང་ཚོགས་ལ་ཉིན་གཅིག་རིང་བཀའ་ཆོས་བསྩལ་རྒྱུ་མ་ཟད། དེ་བཞིན་ཚེས་ ༢༤ ཉིན་འཇིག་རྟེན་ཀུན་ཁྱབ་འགྲོ་བ་མིའི་རིན་ཐང་དང་ཤེས་ཡོན་སྐོར་གྱི་བགྲོ་གླེང་ཐོག་དབུ་བཞུགས་མཛད་ཀྱི་འདུག རྩ་བའི་༸གོང་ས་མཆོག་རི་ཀོན་ཆོས་འཁོར་དགོན་དུ་སྔ་རྗེས་སུ་ཆིབས་བསྒྱུར་ཐེངས་ ༡༤ གནང་ཡོད་པ་དང་། ད་ལན་མགོན་པོ་༸གང་ཉིད་མཆོག་རི་ཀོན་ཆོས་འཁོར་དགོན་གསར་འཛུགས་གནང་ནས་མི་ལོ་ ༥༠ འཁོར་བའི་ལྔ་བཅུའི་དུས་སྟོན་གྱི་སྐུ་མགྲོན་གཙོ་བོར་ཆིབས་བསྒྱུར་བསྐྱང་རྒྱུ་ཡིན་པ་རེད། གཞི་རྩའི་རི་ཀོན་ཆོས་འཁོར་དགོན་དེ་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་གཞི་ལྟར། བཟོ་གྲྭའི་བདག་པོ་ (Kuhn) ཀུན་ཁྱིམ་ཚང་གི་མཐུན་འགྱུར་གནང་ཐོག་ཕྱི་ལོ་ ༡༩༦༨ ལོར་ཐོག་མར་གསར་འཛུགས་གནང་ཡོད་པ་དང། དགོན་པ་དེ་རིམ་པས་ཤེས་ཡོན་སློབ་ཁྲིད་བསྟི་གནས་ཤིག་ཏུ་གྱུར་ནས་ཕྱི་ནང་མི་རིགས་དང་། ལྷག་པར་དུ་བོད་ཀྱི་ཆོས་དང་རིག་གཞུང་མི་ཉམས་གོང་འཕེལ་སླད་བོད་པའི་གཞོན་སྐྱེས་ཚོར་དེ་འབྲེལ་ལས་དོན་སྣ་མང་སྤེལ་བཞིན་པ་མ་ཟད། ༸གོང་ས་མཆོག་གི་དགོངས་བཞེས་ལྟར་དགོན་པ་དེས་འདས་པའི་ལོ་མང་རིང་ནས་བོད་པའི་གྲྭ་བཙུན་རྣམས་ལ་ནུབ་ཕྱོགས་ཚན་རིག་སྐོར་དཔྱད་ཞིབ་དང་རྒྱུ་མཚན་འགོད་སྟངས་ལ་རྒྱུས་མངའ་ཡོང་ཐབས་སུ་རྒྱ་གར་ནང་གི་དགོན་སྡེ་ཁག་ཏུ་གྲྭ་བཙུན་རྣམས་ལ་ཚན་རིག་སློབ་སྟོན་གྱི་ལས་གཞི་ཡང་སྤེལ་དང་སྤེལ་མུས་ཡིན་པ་རེད།

ཉན་པ།: Listen ཕབ་ལེན། Download བོད་མིའི་འཕྲོད་བསྟེན་བསྐྱར་ཞིབ་ཚོགས་འདུ་ཐེངས་༦པ་དབུ་འཛུགས་གནང་སོང། ཐེ་ཝན་ནང་རྒྱ་ནག་དང་འབྲེལ་བའི་ཚོགས་འདུའི་ཐོག་བོད་དོན་ངོ་སྤྲོད་གནང་འདུག ཁེ་ན་ཌ་དང་རྒྱ་ནག་གི་ཚོང་འབྲེལ་གྱིས་བོད་ནང་གི་འགྲོ་བ་མིའི་ཐོབ་ཐང་ལ་ཤུགས་རྐྱེན་ཐེབས་སྲིད། Marriott གསོལ་མགྲོན་ཁང་ལ་རྒྱ་ནག་ནས་སྦྱོང་བརྡར་རྩ་བ་ནས་སྤྲད་མེད་པ་བརྗོད་འདུག སྦེང་ལོར་ནང་ལྷོ་ཕྱོགས་འཕྲོད་བསྟེན་ཆེད་ལས་པའི་བགྲོ་གླེང་ཚོགས་འདུ་ཚོགས་འདུག དམིགས་བསལ་ལེ་ཚན། ༸རྒྱལ་མཆོག་༸སྐུ་ཕྲེང་བཞི་པ་ཡོན་ཏན་རྒྱ་མཚོ་མཆོག་གིས་མཛད་རྣམ། Monday 26/03/2018 Sixth Tibetan Health Review Meeting commences in Dharamsala Tibet issue highlighted at Taiwan, Hong Kong and Minorities forum Ottawa event addresses impact of Canada-China free trade deal on human rights in Tibet Marriott firing man for liking pro-Tibet tweet shows China's long arm: Marco Rubio Tibetan medical professionals meet held in Bengaluru

དེ་རིང་ཟླ་ ༣ ཚེས་ ༢༦ ཉིན་སྔ་དྲོ་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱིས་གོ་སྒྲིག་འོག་དྷ་ས་གངས་སྐྱིད་སྤྱི་ཐབ་ཡང་སྟེང་གཉའ་ཁྲི་ཚོགས་ཁང་དུ་བཙན་བྱོལ་བོད་མིའི་འཕྲོད་བསྟེན་བསྐྱར་ཞིབ་ཚོགས་འདུ་ཐེངས་ ༦ དབུ་འཛུགས་གནང་སོང་བ་དང་། འཕྲོད་བསྟེན་ལས་ཁུངས་ནས་འགྲེལ་བརྗོད་གནང་གསལ་ཉེ་ལམ་བཙན་བྱོལ་བོད་མིའི་གཞོན་སྐྱེས་ཁྲོད་ Depression འམ་སེམས་བུག་དོག་པའི་ནད་གཞི་ཡོད་མཁན་ཇེ་མང་དུ་འགྲོ་བཞིན་ཡོད་པ་གསུངས་འདུག བཙན་བྱོལ་བོད་མིའི་འཕྲོད་བསྟེན་བསྐྱར་ཞིབ་ཚོགས་འདུ་ཐེངས་ ༦ པའི་ཐོག་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག་དང། ༸གོང་ས་མཆོག་གི་ཕྱི་ལུགས་༸སྐུའི་བླ་སྨན་པ་ས་འདུ་ཚང་ཚེ་བརྟན་རྡོ་རྗེ་ལགས། ༸གོང་ས་མཆོག་གི་བོད་ལུགས་༸སྐུའི་བླ་སྨན་པ་ཚེ་དབང་རྟ་མགྲིན་ལགས། བདེ་ལེགས་སྨན་ཁང་གི་འགན་འཛིན་སྤྱི་འཐུས་ཟླ་བ་ཕུན་སྐྱིད་ལགས། དེ་བཞིན་འཕྲོད་བསྟེན་ཁྱབ་ཁོངས་ཀྱི་གཞིས་སྒར་ཁག་གི་སྨན་ཁང་འགན་འཛིན་དང་སྨན་པ་དང། དབུས་སྨན་རྩིས་ཁང་གི་སྨན་པ། དེ་བཞིན་ནང་སྲིད་དང་ཤེས་རིག འཕྲོད་བསྟེན། ཆོས་རིག་སོགས་ཀྱི་འབྲེལ་ཡོད་སྐུ་ཚབ་བཅས་ཁྱོན་ཚོགས་བཅར་བ་ ༣༥ ནས་ཚོགས་ཞུགས་གནང་འདུག འདི་ག་རླུང་འཕྲིན་ཁང་ནས་འབྲེལ་ཡོད་འཕྲོད་བསྟེན་ལས་ཁུངས་ཀྱི་ཟུང་དྲུང་བྱམས་པ་ཕུན་ཚོགས་ལགས་སུ་བཅར་འདྲི་ཞུས་པར་ད་ལྟའི་ཆར་བཙན་བྱོལ་བོད་མིའི་སྤྱི་ཚོགས་ཀྱི་མི་འབོར་ལ་གཞིགས་པའི་གློ་ནད་ཊི་སྦི་དང་མཆིན་པའི་གཉེན་ཚད་ཀྱི་ནད་གཞི་གཉིས་པོ་དེ་ད་དུངའང་ཉེན་འཚབ་ཆེ་བའི་ནད་གཞི་ཆགས་ཀྱི་ཡོད་པ་དང། ལྷག་པར་དུ་དེ་སྔ་དང་མི་འདྲ་བར་ཉེ་བའི་ཆར་བཙན་བྱོལ་བོད་མིའི་གཞོན་སྐྱེས་ཁྲོད་ Depression འམ་སེམས་བུག་དོག་པའི་ནད་གཞི་ཡོད་མཁན་ཇེ་མང་དུ་འགྲོ་བཞིན་ཡོད་པའི་རྣམ་པ་འདུག་ཅེས་གསུངས་ཡོད། རྩ་བའི་ཕྱི་ལོ་ ༢༠༡༦ ལོར་༸གོང་ས་མཆོག་གིས་ནད་རིགས་སྔོན་འགོག་ཐོག་འཐུས་ཤོར་ཕྱིན་ཡོད་པར་བཀའ་སློབ་ནན་པོ་ཕེབས་ཡོད་པ་ལྟར། ལོ་དེའི་ནང་འཕྲོད་བསྟེན་ལས་ཁུངས་ཀྱི་ངོས་ནས་དམིགས་བསལ་ཚོགས་ཆེན་བསྐོང་ཚོགས་དང་འབྲེལ་དམིགས་བསལ་ཞིབ་འཇུག་ཚོགས་ཆུང་ཆེད་འཛུགས་གནང་ཡོད་པ་དང། ད་རེས་སླར་བཞུགས་སྒར་དུ་བཙན་བྱོལ་བོད་མིའི་འཕྲོད་བསྟེན་བསྐྱར་ཞིབ་ཚོགས་འདུ་ཐེངས་ ༦ བསྐོང་ཚོགས་གནང་ཡོད་པ་རེད། ཚོགས་འདུ་དབུ་འབྱེད་ཀྱི་མཛད་སྒོར་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ཆེད་ཕེབས་གནང་བ་དང་། སྐབས་དེར་སྲིད་སྐྱོང་མཆོག་གིས་ནད་རིགས་ཀྱི་ལས་དོན་དེ་ནི་ཁ་ཚ་དགོས་གཏུགས་ཀྱི་གལ་གནད་ཤིན་ཏུ་ཆེ་བ་ཡིན་སྐོར་གསུངས་བ་དང་ཆབས་ཅིག ཕྱི་ལོ་ ༢༠༢༡ ནང་ཚུལ་ལ་བོད་པའི་སློབ་གྲྭ་ཁག་ཏུ་གློ་ནད་ཊི་སྦི་ནད་གཞི་མེད་པ་བཟོ་དགོས་པ་དང་། དེ་བཞིན་ནད་རིགས་ཁག་གི་གྲངས་ཐོར་བསྐྱར་ཞིབ་ཚད་ལྡན་གནང་དགོས་གལ་ཡིན་པ་གསུངས་ཡོད། འཕྲོད་བསྟེན་བཀའ་བློན་མཆོག་གིས་ཚོགས་བཅར་བ་ཡོངས་ནས་ཚོགས་འདུ་ཐོག་དཀའ་ངལ་རྐྱང་པ་གསུང་བ་ཙམ་མ་ཡིན་པར་གཙོ་བོ་དེ་དག་སེལ་ཐབས་ཐོག་དགོངས་ཚུལ་སྤུངས་དགོས་པ་གསུངས་ཡོད། རྩ་བའི་བཙན་བྱོལ་བོད་མིའི་འཕྲོད་བསྟེན་བསྐྱར་ཞིབ་ཚོགས་འདུ་ཐེངས་ ༥ པ་དེ་ཕྱི་ལོ་ ༢༠༡༡ ལོར་ཚོགས་ཡོད་པ་དང་། ཐེངས་འདིའི་ཚོགས་འདུ་ཐོག་ཚོགས་ཐེངས་སྔ་མའི་གྲོས་ཆོད་ལ་བསྐྱར་ཞིབ་དང་། བཙན་བྱོལ་བོད་མི་སྤྱི་ཡོངས་ཀྱི་འཕྲོད་བསྟེན་གནས་སྟངས། དེ་དག་ལ་གདོང་ལེན་དང་ཐབས་ལམ། གསོ་རིག་དང་ཕྱི་ལུགས་ཟུང་འབྲེལ་གྱི་སྨན་བཅོས་ཞུ་ཕྱོགས། ཊི་སྦི་དང་མཆིན་པའི་གཉེན་ཚད། ཕོ་བ་དང་འབྲས་ནད། མྱོས་རྫས་ངན་གོམས་དང་གཉན་ནད་རེག་དུག་བཅས་ཀྱི་སྔོན་འགོག་སོགས་བརྗོད་གཞི་ཁག་འདྲ་མིན་ཐོག་ཆེད་ལས་སྨན་པ་ཁག་གི་གཏམ་བཤད་དང་བགྲོ་གླེང་། གོ་བསྡུར་སོགས་གནང་གི་ཡོད་པ་རེད། སྤྱིར་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ནས་ཕྱི་ལོ་ ༢༠༡༥ ལོའི་གྲངས་ཐོར་གཞིགས་ཚེ་བཙན་བྱོལ་བོད་མིའི་སྤྱི་ཚོགས་ཁྲོད་གློད་ནད་ཊི་སྦི་ཡོད་མཁན་མི་གྲངས་ ༢༩༦ དང་། མཆིན་པའི་གཉེན་ཚད་ཡོད་མཁན་ ༢༢༡ དེ་བཞིན་གཉེན་ནད་རེག་དུག་ཡོད་མཁན་ ༦༥ སེམས་ནད་ཡོད་མཁན་ ༣༠ བཅས་ཆགས་ཡོད་པ་རེད། རྩིས་ལོ་ ༢༠༡༨༌༌༌༡༩ ལོའི་སྔོན་རྩིས་ནང་བོད་མིའི་སྒྲིག་འཛུགས་ཀྱི་ལོ་འཁོར་མོ་གཅིག་གི་ལས་འཆར་ཁྲོད་ཤེས་ཡོན་གྱི་ལས་འཆར་རྗེས་སུ་དངུལ་འབོར་མང་ཤོས་དེ་འཕྲོད་བསྟེན་ཐོག་ཆགས་ཀྱི་ཡོད་པ་དང་། དབུས་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ནས་འདི་ལོའི་སྔོན་རྩིས་ནང་དུ་མང་ཚོགས་ཀྱི་འཕྲོད་བསྟེན་ལས་དོན་ཆེད་ཧིན་སྒོར་ས་ཡ་ ༡༣༠ ལྷག་གྲོས་ཚོགས་སུ་རྒྱབ་གཉེར་གྱིས་གཏན་འབེབས་གནང་ཡོད་པ་དང་། དེའི་ཁྲོད་ནས་སྨན་ཁང་ཉམས་གསོ་དང་འཕྲོད་ལས་པའི་ལས་ཤག་ཆེད་ཧིན་སྒོར་འབུམ་ ༨༠ འགྲོ་གྲོན་གནང་རྒྱུ་རེད་འདུག

ཁེ་ན་ཌའི་བོད་དོན་རྒྱབ་སྐྱོར་ཚོོགས་པས་ཟླ་ ༣ ཚེས་ ༢༢ ཉིན་ཁེ་ན་ཌའི་རྒྱལ་ས་ཨོ་ཊ་ཝར་རྟེན་གཞི་བྱས་པའི་ཨོ་ཊ་ཝའི་མཐོ་སློབ་ཀྱི་འགྲོ་བ་མི་ཐོབ་ཐང་ཞིབ་འཇུག་དང་ཤེས་ཡོན་བསྟི་གནས་ཁང་དང་མཉམ་སྦྲེལ་ཐོག་ཁེ་ན་ཌ་དང་རྒྱ་ནག་དབར་གྱི་རང་དབང་ཚོང་འབྲེལ་གྱི་གྲོས་མཐུན་བཞག་པ་དེས་བོད་ནང་གི་བོད་མིའི་འགྲོ་བ་མིི་ཐོབ་ཐང་གི་གནས་སྟངས་ཐད་ལ་ཤུགས་རྐྱེན་ཇི་ལྟར་སྤྲད་སྐོར་ཟབ་སྦྱོང་གི་ལས་རིམ་ཞིག་ཚོགས་འདུག རླུང་འཕྲིན་ཁང་ལ་གནས་ཚུལ་འབྱོར་གསལ་ལྟར་ན་རྒྱལ་སྤྱིའི་ཉེས་ཡངས་ཚོགས་པའི་དྲུང་ཆེ་སྐུ་ཞབས་ Ales Neve  ལགས་དང་ཨོ་ཊ་ཝའི་གཙུག་ལག་སློབ་གཉེར་ཁང་གི་ཁྲིམས་ཀྱི་སློབ་དཔོན་ལྕམ་ Penelope Simon ལགས། གྲོས་ཚོགས་འཐུས་མི་སྐུ་ཞབས་ Gernett Genius ལགས། ཁེ་ན་ཌའི་བོད་དོན་རྒྱབ་སྐྱོར་ཚོགས་པའི་ཞིབ་འཇུག་འབྲེལ་མཐུད་པ་དཀོན་མཆོག་སྒྲོལ་མ་ལགས། དྲྭ་རྒྱའི་སྲུང་སྐྱོབ་མཁས་ལས་པ་སྐུ་ཞབས་ Greg Walton ལགས་བཅས་གསུང་བཤད་གནང་མཁན་དང་།  གཞུང་འབྲེལ་གྱི་སྐུ་ཚབ། གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་དང་ཁྲིམས་ཀྱི་སློབ་ཕྲུག གྲོས་ཚོགས་ཀྱི་ལས་བྱེད།  དེ་བཞིན་ཚོང་འབྲེལ་གྱི་མི་སྣ་ཁག་ཅིག་བཅས་ཁྱོན་མི་གྲངས་ ༣༥ ནས་མཉམ་ཞུགས་གནང་འདུག སྐབས་དེར་ཟབ་སྦྱོང་ཐོག་མཉམ་ཞུགས་གནང་མཁན་ཁག་ཅིག་གིས་ཁེ་ན་ཌ་གཞུང་གི་ངོས་ནས་བོད་ནང་གི་བོད་མི་རྣམས་ཀྱི་འཚོ་གནས་དང་འགྲོ་བ་མིའི་ཐོབ་ཐང་ལ་དོ་ཕོག་མི་འགྲོ་བའི་སྒོ་ནས་རྒྱ་ནག་དང་ལྷན་དུ་རང་དབང་ཚོང་འབྲེལ་གྱི་གྲོས་མཐུན་འཇོག་སྟངས་ཀྱི་ཐབས་ལམ་བྱེ་བྲག་ཐོག་གྲོས་བསྡུར་གནང་བ་མ་ཟད་ཚོང་འབྲེལ་གྱི་གྲོས་མཐུན་དེའི་ཆ་ཤས་འོག་འགྲོ་བ་མིའི་ཐོབ་ཐང་ཐད་ལ་ཞིབ་བཤེར་འཐུས་ཚང་ཞིག་གནང་དགོས་པའི་དགོངས་ཚུལ་ཡང་ཕུལ་འདུག ཁེ་ན་ཌའི་བོད་དོན་རྒྱབ་སྐྱོར་ཚོགས་པའི་ཞིབ་འཇུག་འབྲེལ་མཐུད་པ་དཀོན་མཆོག་སྒྲོལ་མ་ལགས་ཀྱིས་ངོ་སྤྲོད་གླེང་མོལ་གནང་སྐབས་རང་དབང་ཚོང་འབྲེལ་གྱི་གྲོས་མཐུན་ཐོག་འགྲོ་བ་མིའི་ཐོབ་ཐང་གི་རྣམ་པའི་ཐོག་ནས་གཟིགས་ཚེ་བོད་དེ་དཔེ་མཚོན་ཞིག་ཡིན་པར་འགྲེལ་བརྗོད་དང་སྦྲགས། བོད་ནང་གི་བོད་མི་ཚོར་རང་ཉིད་ཀྱི་འཚོ་གནས་དང་ཐད་ཀར་འབྲེལ་བ་ཡོད་པའི་དཔའ་འབྱོར་དང་ཆབ་སྲིད་ཀྱི་གནད་དོན་ཅི་འདྲ་ཞིག་གི་ཐོག་ཐག་གཅོད་གནང་རྒྱུའི་གོ་སྐབས་རྩ་བ་ནས་མེད་པ་རེད་ཅེས་གསུངས་འདུག གཞན་ཡང་ཁེ་ན་ཌའི་བོད་དོན་རྒྱབ་སྐྱོར་ཚོགས་པའི་སྤྱི་ཁྱབ་ངེས་སྟོན་པ་ཤེས་རབ་མཐར་ཕྱིན་ལགས་ནས་དྲྭ་རྒྱར་དམ་དྲག་གི་གནད་དོན་དང། ལྷག་ཏུ་རྒྱ་ནག་ནང་ལས་མི་ཚོར་དཀའ་ངལ་འཕྲད་སྐབས་ཞུ་གཏུག་བྱ་རྒྱུའི་ལམ་ལུགས་རན་འཚམ་མེད་པའི་གནས་སྟངས་ཐོག་ཐུགས་འཚབ་ཀྱི་རྣམ་པ་གསལ་བཏོན་དང་འབྲེལ། རྒྱ་ནག་གི་ད་ལྟའི་ཆབ་སྲིད་ལམ་ལུགས་ཀྱིས་བོད་མི་རྣམས་ཀྱི་རེ་འདུན་མི་བསྒྲུབ་པ་མ་ཟད་འགྲོ་བ་མི་ཐོབ་ཐང་གི་ཁྲིམས་རྩོད་པ་མང་དག་ཞིག་བཀག་སྐྱིལ་བྱེད་མུས་ཁར། བོད་ས་ཁྱོན་ཡོངས་ཀྱི་དྲྭ་རྒྱའི་ཐོག་མང་ཚོགས་ལ་སྨྲ་བརྗོད་ཀྱི་རང་དབང་ཙམ་ཡང་མེད་སྐོར་འགྲེལ་བརྗོད་གནང་འདུག  

ཉན་པ།: Listen ཕབ་ལེན། Download སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ལྔ་པའི་སྐོར་སྤྱི་འཐུས་ཚོགས་གཙོ་མཆོག་དང་གླེང་མོལ། Sunday 25/03/2018 Interview with the Speaker on 5th Session of 16th TPiE