Monthly Archives: June, 2019

བོད་མིའི་ཐུན་མོང་མ་ཡིན་པའི་བྱ་གཏོར་གྱི་ལམ་ལུགས་དེ་རྒྱ་ནག་གི་ཡུལ་སྐོར་སྤྲོ་འཁྱམ་པའི་མཚར་འཛིན་གྱི་ལྟེ་གནས་ཤིག་ཏུ་གྱུར་ནས་དེང་སྐབས་བོད་ཀྱི་སྲོལ་རྒྱུན་རིང་བཞིན་གྱི་དུར་འཇུག་བྱེད་སྟངས་དེ་དེང་རབས་ཀྱི་དཔལ་འབྱོར་འདུ་འགོད་ཀྱི་ལག་ཆར་བསྒྱུར་བཞིན་ཡོད་པར་སྐྱོན་བརྗོད་བྱེད་མཁན་བྱུང་འདུག རྩ་བའི་བོད་ཀྱི་རིག་གཞུང་ནང་དུ་དུར་འཇུག་བྱེད་སྟངས་ལ་དབྱེ་ན་བཞི་ཡོད་པའི་ཁྲོད་དུ་བྱ་གཏོར་གྱི་དུར་འཇུག་བྱེད་སྟངས་དེ་ནི་ཡུལ་གཞན་དུ་མེད་པའི་བོད་པ་རང་གི་ཐུན་མོང་མ་ཡིན་པའི་ཁྱད་ཆོས་ཤིག་ཡིན་པ་དང་། དེང་སང་རྒྱ་ནག་གི་ཡུལ་སྐོར་སྤྲོ་འཆམ་པ་མང་པོས་ལམ་ལུགས་འདིར་མཚར་འཛིན་གྱིས་དཔར་རྒྱག་པ་དང་བརྙན་ལེན་པ་སོགས་ཀྱིས་བོད་ཀྱི་ལྷིང་འཇགས་ཀྱི་དགོན་གྲོང་དུ་འཚང་ཁ་ཤིག་ཤིག་བསླེབ་ཡོང་གི་ཡོད་སྟབས། ཁ་ཁུ་སིམ་པའི་དགོན་གྲོང་གི་འཚོ་བར་རང་བཞིན་གྱིས་འདུ་འཛི་ཆེ་བའི་ས་གནས་ཤིག་ཏུ་འགྱུར་བཞིན་ཡོད་པ་རེད། དེའང་དེ་རིང་སྤྱི་ཚོགས་དྲྭ་ལམ་ཁག་ཏུ་བོད་གསེར་རྟ་བླ་རུང་སྒར་གྱི་དུར་ཁྲོད་དུ་རྒྱ་མིའི་ཡུལ་སྐོར་བ་བརྒྱ་ཁྲག་བརྒལ་བས་བོད་མིའི་སྲོལ་རྒྱུན་བྱ་གཏོར་གྱི་ལམ་ལུགས་ལ་ལྟད་མོ་ལྟ་བཞིན་པའི་འདྲ་པར་ཁྱབ་སྤེལ་བྱེད་བཞིན་པ་དང་། བོད་ཀྱི་ལོ་རྒྱུས་སྨྲ་བ་ཚེ་རིང་ཤཱཀྱ་ལགས་ནས་བོད་མིའི་ཐུན་མོང་མ་ཡིན་པའི་ལམ་ལུགས་དེ་ཡུལ་སྐོར་བའི་སྣང་བ་སྤྲོ་སྐྱིད་ཀྱི་ལྟད་མོ་བལྟ་སའི་ཚོང་གི་ལྟེ་གནས་ལྟ་བུར་འགྱུར་བཞིན་པར་སྐྱོན་བརྗོད་གནང་བ་མ་ཟད། པེ་ཅིང་དུ་གནས་བཞུགས་བོད་ཀྱི་རྩོམ་པ་པོ་འོད་སེར་ལགས་ཀྱིས་ཀྱང་གསེར་རྟའི་དགེ་འདུན་པ་རྣམས་ནས་དུར་ཁྲོད་འདིར་སྐྱེ་བ་མི་རྟག་པ་མཚོན་ཆེད་ཀྱི་འཛུགས་སྐྲུན་རྒྱ་ཆེ་བྱས་དེ་ཡུལ་སྐོར་བ་རྣམས་ལ་གོ་རྟོགས་སྤེལ་ཐབས་བྱས་ཡོད་ཀྱང་། ད་ཆ་དུར་ཁྲོད་དེ་གློག་བརྙན་ལྟ་བུ་ཞིག་ཏུ་བསྒྱུར་བ་མ་ཟད་ཁ་ཁུ་སིམ་པའི་དགོན་གྲོང་གི་འཚོ་བ་དེར་རྔོན་པའི་དམིགས་འབེན་དུ་ལྷུང་འདུག་ཅེས་སྐྱོན་བརྗོད་གནང་འདུགསྤྱིར་དྲྭ་ལམ་དུ་ཡུལ་སྐོར་བ་རྣམས་གསེར་རྟའི་དུར་ཁྲོད་དེར་བསྐྱོད་པར་འཛིན་བྱང་ཉོ་དགོས་ཀྱི་ཡོད་ཚུལ་འབྲི་མཁན་ཁག་གཅིག་ཡོད་ཀྱང་བོད་ཀྱི་གནའ་བོའི་སྲོལ་རྒྱུན་གྱི་རིག་གཞུང་ནང་གི་བྱ་གཏོར་གྱི་ལམ་ལུགས་དེར་ཚོང་བསྒྱུར་བྱེད་མཁན་ནི་ས་གནས་ཀྱི་འགྲིམ་འགྲུལ་ལས་ཁུངས་སོགས་ཀྱིས་ཡུལ་སྐོར་སྤྲོ་འཁྱམ་པ་དག་ལ་ལམ་ཁྲིད་ཀྱིས་གོང་ཚད་རྒྱག་བཞིན་ཡོད་པ་ལས། དགོན་པ་རང་གི་ངོས་ནས་དུར་ཁྲོད་དུ་ཡུལ་སྐོར་སྤྲོ་འཆམ་པར་འཛིན་བྱང་བཙོང་ནས་བྱ་གཏོར་ལ་བལྟ་རུ་འཇུག་གི་ཡོད་པ་ཞིག་རེད་མི་འདུག  གསར་འགོད་པས་གསེར་རྟ་དགོན་གྱི་མཁན་ཟུར་བོད་ཀྱི་སྨོན་ལམ་བརྡ་འཕྲིན་ཞིབ་འཇུག་ཁང་གི་སྤྱི་ཁྱབ་རྩོམ་སྒྲིག་པ་འཇུ་བསྟན་སྐྱོང་ལགས་སུ་དུར་ཁྲོད་ཟེར་དུས་མིའི་ཕུང་བོ་ཞུགས་འབུལ་བྱེད་ས་ཞིག་ཡིན་པར་བརྟེན། དེར་དགོན་པའི་ངོས་ནས་རྒྱས་སྤྲོས་ལྡན་པའི་འཛུགས་སྐྲུན་བྱེད་དོན་གང་ཡིན་ནམ་ཞེས་དྲིས་པར་དུར་ཁྲོད་དུ་འཛུགས་སྐྲུན་བྱེད་དགོས་དོན་དེ་ནི་ཆོས་གཞུང་དུ་གསལ་བའི་ཁྱད་ཆོས་ཤིག་ཡིན་པ་ལས་རྒྱས་སྤྲོད་ཀྱི་རྣམ་པ་གང་ཡང་མ་རེད་ཅེས་འགྲེལ་བརྗོད་གནང་བ་དང་ཆབས་ཅིག དུར་འཇུག་གནང་སྟངས་ལ་སྦྱིན་བསྲེག་དང་བྱ་གཏོར། ས་སྦས། ཆུར་སྐྱུར་སོགས་ཡོད་པ་ངོ་སྤྲོད་གནང་སོང་།རྩ་བའི་བོད་ཀྱི་དུར་འཇུག་གནང་སྟངས་དེར་རིགས་དབྱེ་ཆེན་པོ་བཞི་ཡོད་ཀྱང་བོད་ཀྱི་ས་ཕྱོགས་ཕལ་མོ་ཆེར་གཅིག་མཐུན་གྱི་བསམ་བློ་ཞིག་ཡོད་པ་ནི། རང་ཉིད་འཆི་བའི་དུས་སུ་བེམ་པོ་དེ་ལྟོག་སྐོམ་གྱིས་མནར་བའི་བྱ་རྒོད་ལ་སྤྲད་པ་ཡིན་ན་དེ་སྦྱིན་གཏོང་གི་བྱ་བཞག་ཅིག་ཡིན་པར་དགོངས་ཀྱི་ཡོད་པ་རེད། དེར་བརྟེན་དམིགས་བསལ་གྱི་འགོས་ནད་ཀྱི་མནར་ཏེ་ཤི་བ་སོགས་མིན་ཚེ་བོད་མི་ཕལ་ཆེ་བའི་བེམ་པོ་དེ་བྱ་རྒོད་ལ་སྤྲོད་བཞིན་ཡོད་པ་རེད།

ཨ་རི་ཕྱི་སྲིད་ལས་ཁུངས་ཀྱི་ཕྱི་ལོ་ ༢༠༡༨ ལོའི་རྒྱལ་སྤྱིའི་ཆོས་དད་རང་དབང་གནས་བབས་ཀྱི་ལོ་འཁོར་སྙན་ཐོའི་ནང་འདས་པའི་ལོ་ངོ་གཅིག་གི་ནང་ཚུད་ལ་ཨ་རི་གཞུང་ནས་རྒྱ་ནག་གི་མཐོ་རིམ་འགོ་ཁྲིད་ཚོ་དང་མཇལ་འཕྲད་གནང་སྐབས་བོད་ནང་གི་གཞི་རྩའི་འགྲོ་བ་མིའི་ཐོབ་ཐང་གི་གནས་སྟངས་ཙམ་མིན་པར་བོད་མིའི་ཆོས་དད་རང་དབང་ལ་བརྩི་བཀུར་དགོས་པའི་སྐུལ་མ་ལན་མང་གནང་ཡོད་ཀྱང་། རྒྱ་ནག་ཕྱོགས་ནས་བཟང་ཕྱོགས་ཀྱི་འགྱུར་བ་མེད་པའི་ཁར་བོད་མིའི་ཆོས་དད་རང་དབང་ཐོག་སྔར་ལྷག་དམ་དྲག་བྱེད་བཞིན་ཡོད་པ་ཐེར་འདོན་གྱིས་གསུངས་འདུགཟླ་བ་འདིའི་ཕྱི་ཚེས་ ༢༡ ཉིན་ཨ་རིའི་གཞུང་འབྲེལ་ལས་བྱེད་དང་དང་གནད་ཡོད་མི་སྣ་སོགས་འདུ་འཛོམས་སར་ཨ་རི་ཕྱི་སྲིད་དྲུང་ཆེ་སྐུ་ཞབས་ Mike Pompeo ལགས་ཀྱིས་ཡོངས་གྲགས་སུ་འདོན་སྤེལ་གནང་བའི་ ༢༠༡༨ ལོའི་རྒྱལ་སྤྱིའི་ཆོས་དད་རང་དབང་གནས་བབས་ཀྱི་ལོ་འཁོར་སྙན་ཐོ་དེར་ཁྱོན་ཤོག་གྲངས་ ༨༧ ལྷག་འདུག དེའི་ནང་ནས་རྒྱ་ནག་སྡེ་ཚན་ཁོངས་སུ་རྒྱ་ནག་དང་། བོད། ཤིན་ཅང་། ཧོང་ཀོང་། མ་ཁའོ་བཅས་སྡེ་ཚན་ལྔ་སོ་སོའི་ནང་གི་ཆོས་དད་རང་དབང་སྐོར་ཆེད་བཀོད་གནང་ཡོད།བོད་དང་འབྲེལ་བའི་སྡེ་ཚན་ཁོངས་སུ་ཨ་རི་ཕྱི་སྲིད་ལས་ཁུངས་ནས་རྒྱ་གཞུང་གི་རྩ་ཁྲིམས་དོན་ཚན་ ༣༠ པར་ས་གནས་མི་ཚོར་ཆོས་དད་ཀྱི་རང་དབང་ཡོད་པ་ཁ་གསལ་འཁོད་ཡོད་ཀྱང་། འདས་ལོ་ ༢༠༡༨ ལོར་རྒྱ་ནག་གཞུང་ནས་ཆོས་ཕྱོགས་ཀྱི་ལས་དོན་རྣམས་རྒྱལ་ཁབ་ཀྱི་བདེ་འཇགས་དང་མཐུན་པ་དགོས་སྐོར་སོགས་ཀྱི་ཁྲིམས་གཞི་གསར་པ་གཏན་འབེབས་ཀྱིས་རྒྱ་གཞུང་གིས་དབྱེད་བའི་བོད་རང་སྐྱོང་ལྗོངས་གཙོ་བོར་གྱུར་པའི་བོད་ཀྱི་ས་གནས་ཁག་ཏུ་ཡོད་པའི་དགོན་སྡེ་གྲྭ་ཚང་གི་དཔེ་ཁྲིད་ལས་དོན་ལ་དམ་དྲག་དང་། ཉིན་རེའི་ཆོས་ཕྱོགས་ཀྱི་བྱ་བ་ལ་ཐེ་བྱུས་སོགས་བྱས་པ་མ་ཟད་འདས་ལོའི་ནང་རྒྱ་གཞུང་གི་དམ་དྲག་སྲིད་བྱུས་འོག་གྲྭ་བཙུན་ཁག་གཅིག་ལ་སྡུག་སྦྱོང་མནར་གཅོད་དང་ཁག་གཅིག་ལ་ངེས་མེད་འཛིན་བཟུང་སོགས་བྱས་སྟབས། བོད་པའི་གྲྭ་བཙུན་ཁག་གཅིག་ད་ལྟའི་ཆར་གར་སོང་ཆ་མེད་དུ་གྱུར་ཡོད་ཅེས་གསུངས་འདུགལྷག་པར་དུ་སྙན་ཐོའི་ནང་འདས་ལོ་ ༢༠༡༨ ལོར་རྒྱ་གཞུང་གི་དྲག་པོའི་སྲིད་བྱུས་ལ་མ་བཟོད་པར་རང་ལུས་མེར་བསྲེགས་གནང་མཁན་རྒྱལ་གཅེས་པ་ཚེ་ཁོ་ལགས་ཀྱིས་གཙོས་པའི་གཞན་གསུམ་གྱི་ལོ་རྒྱུས་དང་། རྒྱ་ནག་གཞུང་ནས་བོད་དཀར་མཛེས་གསེར་རྟ་བླ་རུང་སྒར་དང་ཡ་ཆེན་སྒར་བཅས་སུ་གྲྭ་ཤག་ ༡༥༠༠ གཏོར་བཤིག་བཏང་བ་མ་ཟད། གྲྭ་བཙུན་ ༣༠༠༠ ཕྱིར་འབུད་བཏང་བའི་གནས་ཚུལ་སོགས་འབུར་འདོན་དང་སྦྲགས། རྒྱ་གཞུང་ནས་བོད་མིའི་ཆོས་ཕྱོགས་ཀྱི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དུས་ནས་དུས་སུ་མཚན་སྨད་ཞུས་པ་དང་མགོན་པོ་༸གང་ཉིད་མཆོག་དབུས་བོད་ཀྱི་བླ་སྤྲུལ་རྣམ་པའི་༸སྐུའི་ཡང་སྲིད་ཀྱི་གནད་དོན་ཐོག་མུ་མཐུད་ཐེ་བྱུས་བྱེད་བཞིན་པ་སོགས་ཐེར་འདོན་གནང་འདུགས་གནས་བོད་མི་ཚོར་སྲོལ་རྒྱུན་གྱི་ཆོས་ཕྱོགས་ལས་དོན་བྱེད་རྒྱུར་བཀག་སྡོམ་དང་གནས་སྐོར་སྐྱོད་མཁན་ཚོར་མཐོང་མཆན་མ་སྤྲད་པ་དང་། ལྷག་པར་དུ་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་དུས་ཆེན་སྲུང་བརྩི་ཞུ་རྒྱུ་གཙོས་ཆོས་ཕྱོགས་མཛད་སྒོ་ཁག་ལ་དམ་དྲག་བྱེད་བཞིན་ཡོད་པ་སོགས་ཐེར་འདོན་དང་འབྲེལ། ཨ་རིའི་གཞུང་ནས་བོད་ནང་གི་གནས་སྟངས་ལ་ཐུགས་ཚབས་ཆེན་པོ་ཡོད་པ་མ་ཟད་བོད་མི་ཚོར་གདུང་སེམས་མཉམ་བསྐྱེད་མཚོན་ཆེད་སྔ་ལོར་ཨ་རིའི་རྒྱལ་སར་ཚོགས་པའི་རྒྱལ་སྤྱིའི་ཆོས་དད་རང་དབང་གི་ཆེས་མཐོའི་ལྷན་ཚོགས་སྐབས་ཨ་རིའི་སྲིད་འཛིན་གཞོན་པ་སྐུ་ཞབས་ Mike Pence མཆོག་དང་ཕྱི་སྲིད་དྲུང་ཆེ་སྐུ་ཞབས་ Mike Pompeo ལགས་རྣམ་གཉིས་ནས་བོད་མིའི་ཆབ་སྲིད་བཙོན་ཟུར་མགོ་ལོག་འཇིགས་མེད་ལགས་དང་མཇལ་མོལ་གནང་ཡོད་པ་སོགས་གསུངས་འདུགགཞི་རྩའི་ཨ་རི་ཕྱི་སྲིད་ལས་ཁུངས་ནས་ལོ་ལྟར་རྒྱལ་སྤྱིའི་ཐོག་ཆོས་དད་རང་དབང་གི་གནས་བབས་གོང་མཐོར་ཡོང་སླད་རྒྱལ་ཁབ་སོ་སོའི་ནང་གི་ཆོས་དད་རང་དབང་གི་གནས་བབས་ཐོག་སྙན་ཐོ་འདོན་སྤེལ་གནང་བཞིན་ཡོད་པ་དང་། ཐེངས་འདིའི་སྙན་ཐོའི་ནང་རྒྱལ་ཁབ་ ༢༠༠ འི་ཆོས་དད་རང་དབང་སྐོར་བཀོད་ཡོད་པ་དང་། སྙན་ཐོ་དེ་འདོན་སྤེལ་གནང་སྐབས་ཕྱི་སྲིད་དྲུང་ཆེ་སྐུ་ཞབས་ Mike Pompeo ལགས་ནས་ཆོས་དད་རང་དབང་གི་སྙན་ཐོ་འདི་ནི་སྲིད་འཛིན་སྐུ་ཞབས་ Donald Trump མཆོག་གི་སྲིད་གཞུང་ཙམ་མ་ཟད་ཁོང་སྐུ་སྒེར་གྱི་ངོས་ནས་གནད་འགག་ཆེན་པོ་ཞིག་ཏུ་ངོས་འཛིན་གནང་གི་ཡོད་པ་གསུངས་ཡོད།

ཉན་པ།: Listen ཕབ་ལེན། Download ལྡི་ལི་བསམ་ཡས་གླིང་བོད་མིའི་གཞིས་ཆགས་སུ་གནས་བཞུགས་ཁབ་གཙགས་རི་མོའི་སྒྱུ་རྩལ་བ་བསྟན་འཛིན་ཚེ་བརྟན་ལགས་དང་གླེང་མོལ། Sunday 23/06/2019 In conversation with Tattoo Artist Tenzin Tseten

ཁ་སང་ཟླ་ ༦ ཚེས་ ༢༡ ཉིན་སྔ་དྲོ་ཚོུད་ ༡༡༌༠༠ སྟེང་བོད་མིའི་སྒྲིག་འཛུགས་ཤེས་རིག་བཀའ་བློན་འབུམ་རམས་པ་པདྨ་དབྱངས་ཅན་མཆོག་གིས་ལྡི་ལི་བཟོ་གྲྭ་ནང་གསར་འཛུགས་གནང་བའི་ཧིན་སྒོར་འབུམ་ ༥༨ ལྷག་གི་འགྲོ་གྲོན་བཏང་སྟེ་དེབ་བཟོའི་དཔར་བསྐྲུན་ཁང་ཞིག་གསར་རྒྱག་ལེགས་གྲུབ་བྱུང་བ་དབུ་འབྱེད་གནང་འདུག  མཛད་སྒོ་དེའི་སྐབས་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཤེས་རིག་བཀའ་བློན་དང་ཤེས་རིག་དཔར་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་གཅིག་ལྕོགས་འབུམ་རམས་པ་པདྨ་དབྱངས་ཅན་མཆོག་དང་ཤེས་རིག་དཔར་ཁང་གི་འགན་འཛིན་བག་དྲོ་བློ་བཟང་དཀོན་མཆོག་ལགས། ལྡི་ལི་དོན་གཅོད་བཀའ་ཟུར་འབྲོང་ཆུང་དངོས་གྲུབ་མཆོག  ཤེས་རིག་དཔར་ཁང་གི་དཔར་བསྐྲུན་འགན་འཛིན་ཀརྨ་རྒྱ་མཚོ་ལགས། དེ་བཞིན་གཞུང་འབྲེལ་དང་གཞུང་འབྲེལ་མིན་པའི་ཚོགས་སྐྱིད་ཁག་གི་སྐུ་ཚབ་རྣམ་པ། རྒྱ་གར་བ་མི་སྣ་ཁག་གཅིག ཤེས་རིག་དཔར་ཁང་གི་འགན་འཛིན་ལྷན་ཚོགས་ཀྱི་ཚོགས་མི་དང་ལས་བྱེད་རྣམ་པ་སོགས་ལྷན་འཛོམས་གནང་འདུགསྐབས་དེར་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཤེས་རིག་བཀའ་བློན་མཆོག་གིས་དེབ་བཟོའི་དཔར་བསྐྲུན་གསར་རྒྱག་གི་ལས་གཞི་དེའི་ཆེད་ཐོག་མཐའ་བར་གསུམ་དུ་ཕྱག་ལས་གནང་མཁན་ཀུན་ལ་ཡི་རངས་བསྔགས་བརྗོད་གནང་བ་དང་སྦྲགས། ཤེས་རིག་དཔར་ཁང་གི་དཔར་བསྐྲུན་སྡེ་ཚན་འདི་བཞིན་འཚོ་བ་རང་སྐྱོང་གི་གནས་བབ་ཐོག་ནས་ཕྱག་ལས་གནང་བཞིན་པའི་ཁར་ཕྱི་ལོ་ ༡༩༨༢ ལོ་ནས་ད་བར་དབུས་བོད་མིའི་སྒྲིག་འཛུགས་ལ་གཙང་ཁེ་ཧིན་སྒོར་འབུམ་ ༨༩ འབུལ་བཞིན་ཡོད་པར་ཐུགས་རྗེ་ཆེ་ཞེས་གསུངས་ཡོད་པ་མ་ཟད། ལས་བྱེད་ནང་ཁུལ་དབར་འཆམ་མཐུན་དང་ཕྱག་ལས་ལ་དགའ་སྤོབས་ཆེན་པོའི་ཐོག་ནས་གནང་ཚེ་གྲུབ་འབྲས་མི་དམན་པ་ཐོབ་ངེས་ཡིན་པ་སོགས་ལམ་སྟོན་གནང་འདུག ལྷག་དོན་བཀའ་བློན་མཆོག་གིས་སླད་མར་ཤེས་དཔར་ལ་བཀའ་ཤག་གི་ངོས་ནས་ཐུགས་ཕན་གསོས་པའི་ཕྱག་རོགས་གང་གནང་དགོས་ཀྱང་དེ་ལྟར་གང་ཐུབ་གནང་ངེས་ཡིན་པའི་ཞལ་བཞེས་གནང་འདུགའདི་ག་རླུང་འཕྲིན་ཁང་གི་གསར་པས་ཤེས་རིག་དཔར་ཁང་གི་འགན་འཛིན་བག་དྲོ་བློ་བཟང་དཀོན་མཆོག་ལགས་སུ་ཐེངས་འདིའི་དེབ་བཟོ་དཔར་བསྐྲུན་ཁང་གསར་འཛུགས་གནང་བའི་དགོས་དམིགས་སོགས་དང་འབྲེལ་བའི་བཅར་འདྲི་ཁག་གཅིག་ཞུས་པར་དཔར་བསྐྲུན་གྱི་སྤུས་ཚད་སྔར་ལྷག་གང་ལེགས་ཡོང་རྒྱུར་ཕན་ཐོགས་ཆེན་པོ་ཡོད་པ་མ་ཟད་བོད་མི་རང་ལ་ཕྱག་ལས་ཀྱི་གོ་སྐབས་མང་བ་བསྐྲུན་ཐུབ་པ་སོགས་ཀྱི་དགེ་མཚན་ལྡན་ཡོད་སྐོར་གསུངས་སོང་།རྩ་བའི་བོད་ཀྱི་སྣོད་བཅུད་ཡོངས་རྫོགས་རྒྱ་ནག་གིས་བཙན་འཕྲོག་བྱས་ཏེ་ཆེས་རྩ་ཆེའི་བོད་ཀྱི་ཆོས་དང་རིག་གཞུང་གི་གླེགས་བམ་ཆེ་ཕྲ་ཐམས་ཅད་རྩ་གཏོར་བཏང་སྟེ་མིང་གི་ལྷག་མར་བཟོས་པའི་བཀའ་བསྟན་གཉིས་གཙོ་བོར་གྱུར་པའི་གསུང་རབ་རྣམས་སླར་གསོ་ཞུ་ཐབས་དང༌། བོད་ཀྱི་མ་འོངས་པའི་སོན་རྩ་བོད་ཕྲུག་རྣམས་ལ་ཆེད་དུ་དམིགས་ནས་རང་ཉིད་ཀྱི་ཆོས་དང་སྐད་ཡིག རྒྱལ་རབས། ལོ་རྒྱུས་སོགས་ཚང་བའི་སློབ་དེབ་སྔོན་འགྲོ་དང་པོ་ནས་འཛིན་གྲྭ་བཅུ་གཉིས་བར་དང༌། དེ་ཡན་གྱི་སུམ་རྟགས་སྙན་གསུམ་ལ་སོགས་པའི་སྐོར་དང། བོད་ཀྱི་ཐུན་མིན་རིག་གནས་ཆེ་ཆུང་བཅུའི་སློབ་དེབ་ཉེར་མཁོའི་རིགས་ཡོངས་རྫོགས་དཔར་བསྐྲུན་ཞུ་རྒྱུར་དམིགས་ཡུལ་གཙོ་བོ་བཟུང་བ་ལྟར། སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་གིས་བཀའ་སློབ་ཕེབས་པ་དང་སྦྲགས། ༸སྐུ་སྒེར་གཟིམས་ཆུང་ནས་མ་རྩ་གསོལ་རས་གནང་ཞིང༌། དེ་སྟེང་ཕྱི་ཁག་ནས་བུ་ལོན་ཐོག་བོད་གཞུང་ཤེས་རིག་ལས་ཁུངས་ནས་ཐུགས་ཁུར་ཆེ་བཞེས་ཀྱིས་ཕྱི་ལོ་ ༡༩༦༡ ཟླ་ ༥ ཚེས་ ༢༣ ལ་ཐོག་མར་དབུ་བརྙེས་པ་དང་། ད་ལྟའི་ཆར་ཤེས་རིག་དཔར་ཁང་འདི་འཚོ་བ་རང་སྐྱོང་གི་གནས་བབ་ཐོག་ནས་འཛིན་སྐྱོང་གནང་བཞིན་ཡོད་པ་རེད།

ཉན་པ།: Listen ཕབ་ལེན། Download བཞུགས་སྒར་དུ་བོད་མི་ཚོས་ཧོང་ཀོང་གི་གནད་དོན་ལ་གདུང་སེམས་མཉམ་བསྐྱེད་གནང་བ། ཤེས་རིག་བཀའ་བློན་མཆོག་གིས་ལྡི་ལིར་དེབ་བཟོ་དཔར་བསྐྲུན་ཁང་དབུ་འབྱེད། པཎ་ཆེན་རྒྱལ་མཚན་ནོར་བུ་དང་རྒྱ་ནག་གི་ཁྱད་ཆོས་ལྡན་པའི་ཆོས་ལུགས་སྐོེར་དམིགས་བསལ་བཅར་འདྲི། Saturday 22/06/2019 Exile Tibetans hold solidarity action for Hongkong Sherig Kalon in augurates Sherig Parkhang’s new binding unit Chinese Panchen’s Thailand visit , religion with Chinese characteristic: Special Interview

ཉན་པ།: Listen ཕབ་ལེན། Download གཟུགས་པོའི་ཆ་ནས་བོད་དེ་ངོས་ཀྱི་ཕ་ཡུལ་དང་བསམ་བློའི་ཆ་ནས་རྒྱ་གར་འདི་ངོས་ཀྱི་ཕ་ཡུལ་ཡིན། ཨེ་ཤ་ཡའི་ནང་པའི་ཞི་བདེའི་ལྷན་ཚོགས་ཐོག་འཚམས་འཕྲིན་བསྩལ་བ། སྲིད་སྐྱོང་མཆོག་གིས་ Cambridge ལྷན་ཚོགས་ཐོག་གསུང་བཤད་གནང་བ། རྒྱ་ནག་ཉེན་རྟོག་པས་གང་བྱུང་དུ་མི་མང་གི་ཁ་པར་ལ་ཞིབ་བཤེར། བོད་མི་ནང་ཁུལ་མཐུན་སྒྲིལ་དམ་ཚིག་གཙང་མ་གནང་དགོས། ལྷོ་ཕྱོགས་ས་གནས་གྲོས་ཚོགས་ཁག་ལ་ལས་དོན་གནང་ཕྱོགས་ཀྱི་དམར་ཁྲིད། བཙན་བྱོལ་བོད་མིའི་གནས་སྟངས་ངོ་སྤྲོད། དྷ་ས་བོད་མིའི་ས་ཁང་སྐོར། Friday 21/06/2019 Physically Tibet is my home but spiritually India is my real home: Dalai Lama Dalai Lama sends special message to Asian Buddhist Conference for Peace Sikyong in UK; speaks at Cambridge Union Chinese netizens report police checking phone for VPNs 34th Menri Trizin visits Paris, bestows teaching to Tibetans TPiE leads training for South India local assemblies DIASPORA FEATURE: Dharamsala Tibetan community

དེ་རིང་ཕྱི་ཚེས་ ༢༡ ཉིན་སོག་པོའི་རྒྱལ་ས་ Ulaanbaatar ནང་ཨེ་ཤ་ཡའི་ནང་པའི་ཞི་བདེའི་ལྷན་ཚོགས་དངོས་སུ་དབུ་འཛུགས་གནང་བ་དང་བསྟུན། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བརྙན་པར་གྱི་ཐོག་ནས་ཚོགས་བཅར་བ་ཡོངས་ལ་འཚམས་འཕྲིན་བསྩལ་འདུགའཚམས་འཕྲིན་དེའི་ནང་༸གོང་ས་༸སྐྱབས་མགོན་ཆེན་པོ་མཆོག་ནས་དེ་སྔ་ཕྱི་ལོ་ ༡༩༧༩ ལོར་སོག་ཡུལ་དུ་ལྷན་ཚོགས་ཚོགས་སྐབས་མགོན་པོ་༸གང་ཉིད་མཆོག་དངོས་སུ་ལྷན་ཞུགས་མཛད་ཡོད་པ་དྲན་བསྐུལ་དང་། ད་རེས་སླར་ལྷན་ཚོགས་དེ་བསྐོང་ཚོགས་གནང་བར་ཐུགས་དགྱེས་ཚོར་ཆོན་པོས་འཚམས་འདྲི་བསྩལ་བ་མ་ཟད་བདག་ཅག་གི་སྟོན་པ་སངས་རྒྱས་བཅོམ་ལྡན་འདས་ཀྱིས་དད་པ་གཅིག་པོའི་སྐད་ཆ་མིན་པར་སྡུག་བསྔལ་གྱི་འབྱུང་ཁུངས་གཙོ་བོ་དེ་མ་རིག་པར་བརྟེན་ནས་ཡོང་གི་ཡོད་པ་དང་། མ་རིག་པའི་བློ་དེ་དག་རྟེན་འབྱུང་གི་དེ་ཁོ་ན་ཉིད་ཀྱི་ཐོག་ནས་སེལ་དགོས་སྟབས། གཞུང་ཆེན་དག་ལ་སློབ་གཉེར་གནང་དགོས་གལ་ཡིན་པ་བཀའ་བསྩལ་འདུག   མགོན་པོ་༸གང་ཉིད་མཆོག་གིས་འདས་པའི་ལོ་བཅུ་ཕྲག་ཁ་ཤས་ནང་ཆེན་པོ་ཧོར་གྱི་ཡུལ་ནས་ནང་པའི་གཞུང་ལུགས་ཐོག་མཁས་པ་དང་གྲུབ་པའི་སྐྱེས་བུ་བསམ་གྱིས་མི་ཁྱབ་པ་མང་པོ་བྱུང་ཡོད་པ་སོགས་བཀའ་བསྩལ་དང་སྦྲགས། སོག་པོ་བ་ཚོས་ཆོས་ལ་དད་པ་གནང་དང་མི་གནང་སོ་སོའི་འདོད་མོས་རེད། འོན་ཀྱང་སངས་རྒྱས་པའི་ལྟ་གྲུབ་ཐོག་ལ་དེང་སྐབས་ཚན་རིག་མཁས་པ་ཚོས་དོ་སྣང་ཆེན་པོ་བྱེད་བཞིན་ཡོད་སྟབས། དེ་དག་གི་ཐོག་ལ་སློབ་གཉེར་གནང་རྒྱུ་ཆེས་གནད་ཆེར་ཆགས་ཡོད་པ་ལམ་སྟོན་མཛད་འདུགགཞི་རྩའི་ཨེ་ཤ་ཡའི་ནང་པའི་ཞི་བདེའི་ལྷན་ཚོགས་ཐེངས་ ༡༡ པ་འདི་དེ་རིང་ནས་དབུ་འཛུགས་ཀྱིས་ཕྱི་ཚེས་ ༢༤ བར་འཚོགས་གནང་གི་ཡོད་པ་རེད།

དེ་རིང་གསར་ལམ་ཁག་ཏུ་གནས་ཚུལ་ཐོན་པར་ཧྲང་ཧེ་ས་འོག་འགྲུལ་ལམ་ས་ཚིགས་ཤིག་ཏུ་རྒྱ་ནག་གི་ཉེན་རྟོག་པས་གང་བྱུང་དུ་མི་མང་བཀག་འགོག་གིས་ཐོབ་ཐང་ལག་འཁྱེར་དང་མཛུབ་རུས་སོགས་ཐོ་འགོད་བྱས་པ་མ་ཟད། མི་མང་གི་ལག་ནས་ཁ་པར་བླངས་ཏེ་ཁ་པར་ནང་དུ་ཝི་པི་ཨེན་  VPN ཡོད་མེད་གང་བྱུང་དུ་ཞིབ་བཤེར་བྱས་པའི་བརྙན་པར་དང་བཅས་ཏེ་སྤྱི་ཚོགས་དྲྭ་ལམ་དུ་ཐོན་འདུག རྒྱ་ཡིག་གི་ལམ་ནས་གནས་ཚུལ་བྲིས་པའི་པར་ཞིག་གི་ནང་འགྲེལ་བརྗོད་བྱེད་དོན་མི་འགའ་ལམ་བུར་དུ་འགྲོ་སྐབས་རྒྱ་ནག་གི་ཉེར་རྟོག་པས་བཀག་འགོག་བྱས་ནས་དེབ་སྐྱེལ་བྱེད་དུ་བཅུག་པ་དང་། ཁ་པར་ཞིབ་བཤེར་དགོས་ལུགས་བཤད་པར་བརྟེན་མི་དེས་གང་མགྱོགས་རང་གི་ཁ་པར་ནང་ VPN  ནག་གསུབ་བཏང་ནས་ཕར་སྤྲད་དུས་ཉེན་རྟོག་པས་ཁ་པར་ནང་དུ་གང་བྱུང་དུ་ཞིབ་བཤེར་བྱས་ཏེ་ཁོང་གི་ཁ་པར་གྱི་ནང་དུ་མཉེན་ཆས་ MFscoke ཞེས་པ་ཞིག་བླུགས་ནས་ཞིབ་བཤེར་བྱས་འདུགགོང་གི་མཉེན་ཆས་དེ་བླུགས་པ་ཡིན་ན་སྔོན་ཆད་ཁྱེད་ཀྱིས་ཁ་པར་གྱི་ནང་དུ་མཉེན་ཆས་ཀྱི་མ་ལག་ཅི་ཞིག་བླུགས་ཡོད་མེད་གསལ་པོར་མངོན་གྱི་འདུག་ཅེས་བྲིས་ཏེ། ཉེན་རྟོག་པས་གང་བྱུང་དུ་མི་མང་སྔོག་བཤེར་བྱས་ནས་བཙོན་པ་ལྟ་བུར་ངོས་འཛིན་བྱེད་ཀྱི་འདུག་ཅེས་བཀོད་འདུག ཁ་པར་གྱི་ནང་དུ་གྷོ་གྷལ་ཡོད་སྟབས་ཉེན་རྟོག་པས་ཁོང་ལ་གྷོ་གྷལ་བླུགས་ནས་ཝི་པི་ཨེན་དང་མཐུད་ཀྱི་ཡོད་མེད་སྐད་ཆ་དྲིས་སྐབས་ཁོང་ཞེ་སྣང་དང་བཅས་མ་རེད་ཅེས་ལན་འདེབས་བྱས་པར་ཁ་པར་ཉེན་རྟོག་པ་གཞན་ཞིག་ལ་སྤྲད་འདུག སྟབས་ལེགས་པ་ཞིག་ལ་ཉེན་རྟོག་པའི་མཉེན་ཆས་ MFscoke ཞེས་པ་དེ་ཁོང་གི་ཁ་པར་དུ་བླུག་མ་ཐུབ་པར་བརྟེན་དོན་དག་ཆེན་པོ་བྱུང་མེད་པ་བྲིས་འདུག གནས་ཚུལ་དེ་དང་འབྲེལ་ནས་གོང་གི་ཡི་གེ་འབྲི་མཁན་དེས་མི་སྒེར་གྱི་བདེ་འཇགས་དགོས་ན་ཀུ་ཤུ་རྟགས་ཅན་གྱི་ཁ་པར་ཡག་པོ་ཡོད་པ་དང་། རབས་བྱུང་ན་རྒྱ་ནག་གི་ཁ་པར་བེད་སྤྱོད་མ་གནང་ན་བཟང་ཞེས་བྲིས་ཏེ་ཕྱི་ལོག་གི་ཁ་པར་ཉོ་བ་ཡིན་ན་མི་སྒེར་གྱི་བདེ་འཇགས་ལ་ཕན་ཐོགས་ཆེན་པོ་ཡོད་པ་ཆེད་བཀོད་གནང་འདུག Twitter སྟེང་དུ་གནས་ཚུལ་འདིའི་བརྙན་དང་བཅས་པ་ཁྱབ་བརྡལ་དུ་སོང་ཡོད་སྟབས། མི་མང་པོ་ཞིག་གིས་རྒྱ་ནག་གི་ཉེན་རྟོག་པའི་བྱེད་སྟངས་དེར་ཁ་རྡུང་གཏོང་མཁན་མང་པོ་བྱུང་བཞིན་པ་ལྟར། མི་ཁ་ཤས་ཀྱིས་རྒྱ་ནག་གི་གཉེན་རྟོག་པས་གང་བྱུང་དུ་མི་མང་གི་ཁ་པར་ལ་ཞིབ་བཤེར་བྱེད་དོན་ནི་ཧོང་ཀོང་དང་འབྲེལ་བའི་གནས་ཚུལ་ལ་རྟོག་དཔྱོད་བྱེད་བཞིན་ཡོད་པའི་དོགས་སློང་སོགས་མང་དག་ཅིག་གནང་ཡོད། རྩ་བའི་ VPN ཞེས་པ་ནི་བཀག་འགོག་བྱས་ཡོད་པའི་དྲྭ་རྒྱ་ཁག་ལ་གསང་བའི་སྒོ་ནས་ལྟ་བྱེད་ཀྱི་མཉེན་ཆས་མ་ལག་ཞིག་ཡིན་པ་རེད། རྒྱ་ནག་གི་ནང་དུ་ཕྱི་ཕྱོགས་ཀྱི་གནས་ཚུལ་ཡོད་ཚད་བཀག་ནས་ཡོད་སྟབས་མི་མང་པོ་ཞིག་གིས་ལྐོག་ནས་ཝི་པི་ཨེན་བརྒྱུད་ནས་གནས་ཚུལ་འཚོལ་ཞིབ་དང་རྒྱུས་ལོན་བྱེད་བཞིན་ཡོད་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱིར་མཐོང་རྒྱུ་ཡོད་པའི་གཟུགས་པོའི་གནས་བབས་ཀྱི་ཆ་ནས་བོད་དེ་ངོས་ཀྱི་ཕ་ཡུལ་དང་ནང་བསམ་བློའི་ཆ་ནས་རྒྱ་གར་འདི་ངོས་ཀྱི་ཕ་ཡུལ་ཡིན་ཞེས་བཀའ་བསྩལ་འདུག ཁ་སང་ཕྱི་ཟླ་ ༦ ཚེས་ ༢༠ ཉིན་རྒྱལ་སྤྱིའི་མཉམ་འབྲེལ་ཚོགས་ཀྱིས་རྒྱལ་སྤྱིའི་སྐྱབས་བཅོལ་ཉིན་མོ་ཞེས་གཏན་འབེབས་གནང་བ་ལྟར་རྒྱལ་སྤྱིའི་ཁྱོན་ལ་ཉིན་མོ་དེ་སྲུང་བརྩི་ཞུ་བཞིན་ཡོད་པ་དང་བསྟུན། ཨ་རིར་རྟེན་གཞི་བྱས་པའི་ཨ་རི་རླུང་འཕྲིན་ཁང་གི་རྒྱ་སྐད་སྡེ་ཚན་ནས་༸གོང་ས་༸སྐྱབས་མགོན་ཆེན་པོ་མཆོག་ལ་དམིགས་བསལ་བཀའ་འདྲི་ཞུས་པའི་བརྙན་ཐུང་ཞིག་སྤེལ་འདུག བརྙན་ཐུང་དེའི་ནང་གསར་འགོད་པས་༸གོང་ས་༸སྐྱབས་མགོན་ཆེན་པོ་མཆོག་ལ་མགོན་པོ་༸གང་ཉིད་མཆོག་གི་༸སྐུ་ཚེ་ཕལ་མོ་ཆེ་རྒྱ་གར་ནང་སྐྱབས་བ་གནང་ནས་བཞུགས་ཡོད་སྟབས། ཕ་ཡུལ་ཞེས་པ་དེ་གང་འདྲ་ཞིག་ལ་ངོས་བཞེས་མཛད་ཀྱི་ཡོད་དམ་ཞེས་བཀའ་འདྲི་ཞུས་པར་༸གོང་ས་མཆོག་གིས་ཕྱིར་མཐོང་རྒྱུ་ཡོད་པའི་གཟུགས་པོའི་གནས་བབས་ཀྱི་ཆ་ནས་བོད་དེ་ངོས་ཀྱི་ཕ་ཡུལ་དང་། བོད་མི་ཚོས་རྒྱ་ནག་དང་ཁ་བྲལ་ནམ་ཡང་རྩོད་ཀྱི་མེད་སྟབས་རྒྱ་ནག་མི་དམངས་སྤྱི་མཐུན་རྒྱལ་ཁབ་དེའང་ང་ཚོའི་ཕ་ཡུལ་རེད་ཅེས་བཀའ་བསྩལ་བ་དང་ཆབས་ཅིག ཆོས་ཕྱོགས་ཀྱི་ཐོག་ནས་བོད་ཀྱི་ཐུན་མོང་མ་ཡིན་པའི་ནང་པའི་རིག་གཞུང་བཟང་པོ་དེ་དག་གི་བྱུང་རྩ་རྒྱ་གར་འཕགས་པའི་ཡུལ་ཡིན་སྟབས་སྐྱབས་བཅོལ་དུ་ཕེབས་པ་ནས་བཟུང་ཆོས་ཕྱོགས་དང་ནང་བསམ་བློའི་ཆ་ནས་རྒྱ་གར་འདི་ང་ཚོའི་ཕ་ཡུལ་ཡིན་ཞེས་བཀའ་བསྩལ་འདུག༸གོང་ས་༸སྐྱབས་མགོན་ཆེན་པོ་མཆོག་གིས་དེང་སྐབས་རྒྱལ་སྤྱིའི་ཁྱོན་ཡོངས་སུ་ཉིན་རེ་ནས་ཉིན་རེ་བཞིན་དུ་སྐྱབས་བཅོལ་བ་མང་དུ་འགྲོ་བཞིན་སྐོར་བཀའ་འདྲིར་སྐྱབས་བཅོལ་བ་རྣམས་ས་གནས་གང་དུ་ཡོད་ཀྱང་། ང་ཚོ་སྐྱབས་བཅོལ་བ་ཡིན་པ་དང་ཁོ་ཚོ་ས་གནས་ཀྱི་མི་ཡིན་པ་སོགས་ཀྱི་དགོངས་པ་བཞེས་རྒྱུ་མེད་པ་དང་། དུས་རྟག་ཏུ་ང་ཚོ་ཚང་མ་འཛམ་གླིང་འདིའི་ཐོག་ཡོད་པའི་འགྲོ་བ་མི་གཅིག་གྱུར་ཡིན་པ་མ་ཟད་འགྲོ་བ་མི་ཐེར་འབུམ་བདུན་ལྷག་ཡོད་པ་རྣམས་གཅེན་གཅུང་ཡིན་པའི་འདུ་ཤེས་འཛིན་དགོས་གལ་ཡིན་པ་དང་། དེ་ལྟར་གནང་ཚེ་རང་ཉིད་གྲོགས་མེད་ཁོ་ན་ཡིན་པའི་བསམ་བློ་དང་དགོས་མེད་ཀྱི་སེམས་སྡུག་གི་ངལ་བ་ནས་གྲོལ་ཐུབ་ཀྱི་རེད་ཅེས་བཀའ་བསྩལ་འདུག མགོན་པོ་༸གང་ཉིད་མཆོག་ནས་དེང་གི་འཛམ་གླིང་ཐོག་འཕྲད་བཞིན་པའི་ངལ་བ་མང་དག་ཅིག་ང་ཚོ་དང་ཁོ་ཚོ་ཞེས་དབྱེ་འབྱེད་ཀྱི་བློའི་ཐོག་ནས་ཡོང་གི་ཡོད་པ་བཀའ་བསྩལ་བ་དང་སྦྲགས། ང་ཚོ་ཚང་མ་མཉམ་མཐུན་གྱིས་འགྲོ་བ་མི་ཐེར་འབུམ་བདུན་པོ་སྤྱི་ལ་དབང་བའི་སྤྱི་ཚོགས་ཤིག་བསྐྲུན་ཐབས་གནང་དགོས་པའི་ལམ་སྟོན་ནན་པོ་མཛད་འདུག གཞན་ཡང་༸གོང་ས་མཆོག་ནས་སྤྱིར་མགོན་པོ་༸གང་ཉིད་མཆོག་ནང་པ་ཞིག་ཡིན་པ་དང་ལྷག་པར་དུ་ཉིན་ལྟར་ཆད་མེད་ཀྱིས་བྱང་ཆུབ་སེམས་ཉམས་ལེན་མཛད་བཞིན་པ་དེས་སེམས་ཀྱི་ཞི་བདེ་དང་གཞན་ཕན་བསྒྲུབ་རྒྱུ་སོགས་ལ་ཕན་ཐོགས་ཆེན་པོ་ཡོང་བཞིན་ཡོད་པ་བཀའ་བསྩལ་དང་སྦྲགས། དོན་དམ་པའི་བདེ་བ་དང་བདེ་སྐྱེད་ཅེས་པ་དེ་དངུལ་དང་རྒྱུ་ནོར་དེ་བཞིན་མཚན་སྙན་གྲགས། དབང་ཐང་བཅས་ལ་བརྟེན་ནས་བསྒྲུབ་རྒྱུ་མེད་སྟབས། དང་ཐོག་དེར་ང་ཚོས་ཕྱི་དངོས་པོའི་གནས་ལུགས་གལ་ཆེར་ངོས་འཛིན་བཞིན་པའི་དེང་དུས་ཀྱི་ཤེས་ཡོན་སློབ་གསོ་ལ་བསྒྱུར་བཅོས་ཤིག་ངེས་པར་དུ་གནང་དགོས་པ་དང་། ཤེས་ཡོན་སློབ་གསོའི་ཁྲོད་དུ་མིའི་ལྷན་སྐྱེས་སུ་ཡོད་པའི་གཞན་ཕན་དང་བྱམས་བརྩེ། དེ་བཞིན་སེམས་ཁམས་ཀྱི་བྱེད་ལས་སོགས་ཀྱི་ཐོག་ལ་སློབ་ཁྲིད་གནང་དགོས་གལ་ཡིན་པ་བཀའ་བསྩལ་འདུག། གཞི་རྩའི་ད་ལྟའི་ཆར་སྐྱབས་བཅོལ་གྱི་གནད་དོན་དེ་ནི་རྒྱལ་སྤྱིའི་ཐོག་ལ་དཀའ་ངལ་ཆེ་ཤོས་ཤིག་ཏུ་ངོས་འཛིན་ཞུ་བཞིན་ཡོད་པ་དང་། རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱི་སྐྱབས་བཅོལ་སྡེ་ཚན་གྱི་སྙན་ཐོ་ལ་གཞིགས་ཚེ་འཛམ་གླིང་ཐོག་མི་ས་ཡ་ ༦༥ ལྷག་གཞན་ཡུལ་དུ་སྐྱབས་བཅོས་ནས་གནས་མུས་ཡིན་པ་དང་། དེ་དག་ཁྲོད་ནས་ཕྱེད་ཀ་ལྷག་ཙམ་རང་ལོ་ ༡༨ མན་ཆད་ཆགས་ཀྱི་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་གིས་རྣམ་ཀུན་ནས་ང་ཚོ་བོད་མི་རྣམས་བཙན་དབང་འོག་གྲོས་བྱོལ་དུ་ཡོང་བ་ཡིན་སྟབས་བཙན་བྱོལ་བ་རེད་ཅེས་བཀའ་བསྩལ་ཡོད་པ་རེད།