Monthly Archives: November, 2021

ཉན་པ།: Listen ཕབ་ལེན། Download ཡུ་རོབ་མཐུན་ཚོཊ་ཀྱིས་རྒྱ་ནག་གི་དཔོན་རིགས་ཁག་ཅིག་གི་སྲིད་དོན་ཉེས་ཆད་འཕར་འགྱངས། ཨ་རིའི་གྲོས་འཐུས་ཁག་ཅིག་གིས་རྒྱ་ནག་ལ་གནོན་ཤུགས་སྤྲོད་དགོས་པའི་ཞུ་སྐུལ། དོན་ཚན་ལྔའི་ཐོག་ནས་རྒྱ་གར་བྱང་ཤར་ཁུལ་དུ་བོད་དོན་ཞུ་གཏུག་གི་ལས་འགུལ་སྤེལ་བཞིན་པ། ཕོ་མོ་དབྱེ་འབྱེད་ཀྱི་དྲག་རྩུབ་འགོག་ཐབས་ཀྱི་ལས་འགུལ་དབུ་འབྱེད། རྒྱ་གཞུང་གིས་རྒྱལ་སྤྱིའི་ཆབ་སྲིད་མི་སྣ་བསླུ་བྲིད་ཀྱིས་བོད་དོན་འཁྱོག་བཤད་ཀྱི་ལག་ཆར་བསྒྱུར་བཞིན་པ། Thursday 25/11/2021 EU renews sanctions China, US puts Chinese firms on trade blacklist US Lawmakers call on Olympic committee to press China on human rights abuses TWA commences Tibet campaign in North East India Dharamsala marks Elimination of Violence against Women with 16 day campaign CCP operates Parliamentarians to propagate Beijing’s Narrative on Tibet: Study

ཡུ་རོབ་མཐུན་ཚོགས་ཀྱིས་ཤིན་ཅང་ནང་དུ་འགྲོ་བ་མིའི་ཐོབ་ཐང་བརྩི་མེད་རྡོག་རོལ་གྱི་གནད་དོན་དང་འབྲེལ་ནས་སྔ་ལོའི་ལོ་འཇུག་ཏུ་རྒྱ་ནག་གི་དཔོན་རིགས་ཁག་གཅིག་ལ་སྲིད་དོན་ཉེས་ཆད་བཏང་ཡོད་པ་དེ་དག་གི་ཉེས་ཆད་དུས་ཡུན་འཕར་འགྱངས་བྱས་འདུག་པ་མ་ཟད་ཨ་རི་གཞུང་གིས་རྒྱ་ནག་གི་འཕྲུལ་ལས་དང་འབྲེལ་བའི་ཚོང་ལས་ཁང་ ༡༢ ཙམ་ཚོང་འབྲེལ་བཀག་སྡོམ་གྱི་མིང་གཞུང་ནག་པོའི་ཁོངས་སུ་བཞག་འདུགཤིན་ཅང་ནང་གི་ཡུ་གུར་དང་ཁ་ཆེའི་མང་ཚོགས་ཐོག་མི་སྤྱོད་ལས་འདས་པའི་དྲག་གནོན་དང་མི་རིགས་དེ་དག་གི་འགྲོ་བ་མིའི་ཐོབ་ཐང་བརྩི་མེད་རྡོག་རོལ་བཏང་བའི་གནད་དོན་དང་འབྲེལ། སྔ་ལོར་ཡུ་རོབ་མཐུན་ཚོགས་གཙོས་ཨ་རི་དང་ཁེ་ན་ཌ། དེ་བཞིན་དབྱིན་ཡུལ་བཅས་ཀྱི་ཤིན་ཅང་སྤྱི་དམངས་བདེ་འཇགས་ལས་ཁུངས་ཀྱི་འགན་འཛིན་ Chen Mingguo དང་ཤིན་ཅང་རང་སྐྱོང་ལྗོངས་ཀྱི་དམར་ཤོག་ཚོགས་པའི་དྲུང་ཆེ་གཞོན་པ་ཟུར་པ་ Zhu Hailun གཙོས་ལས་བྱེད་བགྲེས་པ་ Wang Junzheng དང་། Wang Mingshan བཅས་རྒྱ་ནག་དཔོན་རིགས་བཞི་དང་ Xinjiang Production and Construction Corps Public Security Bureau ཞེས་ཤིན་ཅང་བཟོ་སྐྲུན་དང་འཛུགས་སྐྲུན་སྤྱི་བདེ་ལས་ཁུངས་བཅས་སྒྲིག་འཛུགས་ཤིག་ལ་སྲིད་དོན་ཉེས་ཆད་བཏང་སྟེ་རྒྱ་ནག་གི་དཔོན་རིགས་དང་སྒྲིག་འཛུགས་དེར་ཡུ་རུབ་མཐུན་ཚོགས་ཀྱི་ས་ཁོངས་ནང་དུ་འགྲུལ་བཞུད་བྱེད་མི་ཆོག་པ་དང་རྒྱུ་དངོས་ཡོད་པ་དེ་དག་ལོངས་སུ་སྤྱོད་མི་ཆོག་པའི་ཉེས་ཆད་བཏང་ཡོད། སྐབས་དེར་རྒྱ་གཞུང་གིས་ཡུ་རོབ་མཐུན་ཚོགས་ཀྱི་གྲོས་ཚོགས་འཐུས་མི་དང་ལས་བྱེད་པ་ཁག་ཅིག་ལ་སྲིད་དོན་ཉེས་ཆད་བཏང་ནས་འཁོན་ལེན་ལོག་ཐབས་ཀྱི་གནད་དོན་བྱུང་ཡོད་པ་རེད། དེ་རིང་ Reuters སོགས་རྒྱལ་སྤྱིའི་བརྒྱུད་ལམ་ཁག་གིས་གནས་ཚུལ་སྤེལ་བར་ཁ་སང་རེས་གཟའ་ལྷག་པའི་ཉིན་ཡུ་རུབ་མཐུན་ཚོགས་ཀྱི་སྐུ་ཚབ་རྣམས་ཀྱིས་རྒྱ་ནག་གི་དཔོན་རིགས་བཞི་པོ་དང་སྒྲིག་འཛུགས་བཅས་ཀྱི་སྲིད་དོན་ཉེས་ཆད་ཀྱི་དུས་ཡུན་འཕར་འགྱངས་བྱས་ཡོད་པའི་སྐོར་ཡུ་རོབ་མཐུན་ཚོགས་ཀྱི་འབྲེལ་ཡོད་གཞུང་འབྲེལ་མི་སྣ་གཉིས་ནས་འགྲེལ་བརྗོད་གནང་ཡོད། དབྱེ་ཞིབ་པ་རྣམས་ཀྱིས་ད་ལན་རྒྱ་ནག་གི་དཔོན་རིགས་ཀྱི་ཉེས་ཆད་འཕར་འགྱངས་བྱ་རྒྱུའི་ཐག་གཅོད་དེ་ཟླ་བ་རྗེས་མའི་ཟླ་མགོར་ལག་བསྟར་གནང་གི་ཡོད་པ་ལྟར་ཐག་གཅོད་དེས་སྔ་ལོའི་ཕྱི་ཟླ་ ༡༢ ཀྱི་ཟླ་མཇུག་ཏུ་རྒྱ་ནག་དང་ཡུ་རུབ་མཐུན་ཚོགས་གཉིས་དབར་ཚོང་འབྲེལ་གྱི་མ་འཛུགས་གྲོས་མཐུན་བཞག་པར་འགོག་རྐྱེན་བཟོ་སྲིད་པར་གསུངས་ཡོད་པའི་གནས་སྟངས་འདིའི་བར་ན་ཉེ་ཆར་ཡུ་རོབ་ནང་གི་རྒྱ་ནག་གཞུང་ཚབ་པ་ Zhang Ming ཟེར་བས་ཡུ་རོབ་མཐུན་ཚོགས་ཀྱིས་རྒྱ་ནག་གི་དཔོན་རིགས་ལ་ཉེས་ཆད་བཏང་བ་དེ་རྒྱ་ནག་གི་ནང་སྲིད་གནད་དོན་ལ་ཐེ་བྱུས་བྱས་པ་ཞིག་མཚོན་གྱི་ཡོད་སྟབས། ཡུ་རོབ་མཐུན་ཚོགས་ཀྱི་ངོས་ནས་འགོག་རྐྱེན་བཟོས་ཏེ་ལོ་ངོ་ ༧ དང་གྲོས་མོལ་ཐེངས་ ༣༥ རྗེས་སུ་སྔ་ལོར་གཏན་འབེབས་བྱས་པའི་རྒྱལ་ཁབ་ཕྱོགས་གཉིས་ཀྱི་ཚོང་འབྲེལ་གྲོས་མཐུན་ཐོག་བཀའ་མོལ་གནང་ཐབས་ངལ་བ་ཡོད་སྐོར་བཤད་འདུག དེ་རིང་རྒྱལ་སྤྱིའི་བརྒྱུད་ལམ་ཁག་གིས་རྒྱ་ནག་དང་འབྲེལ་བའི་གནས་ཚུལ་གཞན་ཞིག་སྤེལ་བར་འདས་པའི་ལོ་ཤས་ནང་དུ་ཨ་རི་དང་རྒྱ་ནག་གཉིས་དབར་གྱི་འབྲེལ་ལམ་ཇེ་སྡུག་ཏུ་ཕྱིན་པའི་ཁྲོད་སྔ་ལོར་ཨ་རི་གཞུང་གིས་རྒྱལ་ཁབ་བདེ་འཇགས་ཀྱི་གནད་དོན་དང་འབྲེལ་ནས་རྒྱ་ནག་གི་འཕྲུལ་ལས་དང་མཉེན་ཆས་ཚོང་ལས་ཁང་ཁག་ཅིག་མིང་གཞུང་ནག་པོའི་གྲས་སུ་བཞག་སྟེ་དེ་དག་ཨ་རི་ནང་དུ་ཚོང་འབྲེལ་བྱ་རྒྱུར་བཀག་སྡོམ་བྱས་ཡོད་པའི་ཐོག་ཁར་ཉེ་ཆར་ ཨ་རི་གཞུང་གིས་རྒྱ་ནག་གི་འཕྲུལ་ལས་དང་འབྲེལ་བའི་ཚོང་ལས་ཁང་ ༡༢ ཙམ་ཚོང་འབྲེལ་བཀག་སྡོམ་གྱི་མིང་གཞུང་ནག་པོའི་ཁོངས་སུ་བཞག་འདུག ཨ་རི་གཞུང་གི་ངོས་ནས་རྒྱ་ནག་གི་མཉེན་ཆས་ཚོང་ལས་ཁང་དེ་དག་གིས་ཨ་རིའི་བཅའ་དངོས་བེད་སྤྱོད་བཏང་ནས་ Quantum Computing Programme ཞེས་རྒྱ་དམག་གིས་མཉེན་ཆས་བཟོ་སྐྲུན་ལ་མཐུན་འགྱུར་སྦྱར་གྱི་ཡོད་པ་དང་འབྲེལ་ཏེ་རྒྱལ་ཁབ་བདེ་འཇགས་ཀྱི་གནད་དོན་འོག་བཀག་སྡོམ་བྱས་ཡོད་པར་འགྲེལ་བརྗོད་གནང་ཡོད། རྩ་བའི་དེ་སྔ་ཨ་རིའི་སྲིད་འཛིན་ཊམ་སྲིད་གཞུང་སྐབས་ནས་རྒྱ་ནག་གཙོ་བོར་གྱུར་པའི་པ་ཀིས་ཐན་སོགས་ཀྱི་མཉེན་ཆས་ཚོང་ལས་ཁང་ཁག་ཅིག་མིང་གཞུང་ནག་པོའི་ནང་དུ་བཞག་སྟེ་བཀག་སྡོམ་བྱས་ཡོད་པའི་ཁྲོད་ད་བར་རྒྱ་ནག་དང་པ་ཀིས་ཐན། ཉི་ཧོང་། སིངྒ་པུར། ཨུ་རུ་སུ་བཅས་ཀྱི་ཚོང་ལས་ཁང་ ༢༧ ཙམ་མིང་གཞུང་ནག་པོའི་ཁོངས་སུ་བཞག་སྟེ་དེ་དག་ལ་ཨ་རིའི་ས་ཐོག་ཏུ་ཚོང་འབྲེལ་བྱ་རྒྱུར་བཀག་སྡོམ་ནན་པོ་བྱས་ཡོད་པ་རེད། ཨ་རིའི་ཚོང་འབྲེལ་དྲུང་ཆེ་ Gina Raimondo ལགས་ཀྱིས་བསྒྲགས་གཏམ་ཞིག་སྤེལ་བར་ ད་རེས་ཚོང་ལས་ཁག་ ༡༢ ཙམ་མིང་གཞུང་ནག་པོའི་ཁོངས་སུ་བཞག་པ་བརྒྱུད་ནས་ཨ་རིའི་འཕྲུལ་ལས་བེད་སྤྱོད་བཏང་ནས་རྒྱ་ནག་དང་ཨུ་རུ་སུ་སོགས་ཀྱི་དམག་དོན་མཉེན་ཆས་ཀྱི་ལས་གཞིར་མཐུན་འགྱུར་སྦྱར་རྒྱུར་བཀག་སྡོམ་གནང་བར་ཕན་ཐོགས་ཡོང་ངེས་སྐོར་གསུངས་འདུག

དེ་རིང་ཕྱི་ཟླ་ ༡༡ ཚེས་ ༢༥ ཉིན་མོ་འདི་ནི་རྒྱལ་སྤྱིའི་ཁྲོད་ International Day for the Elimination of Violence against Women ཞེས་བེུད་ལ་འཚེ་བ་འགོག་ཐབས་ཀྱི་ཉིན་མོར་སྲུང་བརྩི་ཞུ་བཞིན་པར་མ་ཟད་དེ་རིང་ནས་དབུ་འཛུགས་ཀྱིས་ཕྱི་ཟླ་ ༡༢ ཚེས་ ༡༠ བར་ཕོ་མོ་དབྱེ་བ་ལ་བརྟེན་ནས་རྩུབ་སྤྱོད་འགོག་ཐབས་ཆེད་ལས་འགུལ་སྣ་ཚོགས་སྤེལ་བཞིན་ཡོད་པ་ལྟར་བོད་མིའི་སྒྲིག་འཛུགས་ཀྱི་དཔལ་འབྱོར་ལས་ཁུངས་ཁྱབ་ཁོངས་བེུད་ནུས་སྟོབས་གོང་སྤེལ་ཚན་པས་གོ་སྒྲིག་འོག་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་ནང་ཉིན་མོ་དེ་སྲུང་བརྩི་ཞུས་པ་དང་འབྲེལ། བོད་ཀྱི་བེུད་ལྷན་ཚོགས་དང་ཟུང་འབྲེལ་ཐོག་དེ་རིང་ནས་ཉིན་གྲངས་ ༡༦ རིང་ཕོ་མོ་དབྱེ་འབྱེད་ཀྱི་དྲག་རྩུབ་འགོག་ཐབས་ཀྱི་ལས་འགུལ་ཞིག་དབུ་འཛུགས་གནང་ཡོད།དེ་རིང་གི་མཛད་སྒོའི་ཐོག་སྐུ་མགྲོན་གཙོ་བོར་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དབུས་པའི་བཀའ་བློན་རྣམ་པ། དེ་བཞིན་ལྷན་ཁང་ཁག་གི་དྲུང་ཆེ་དང་སྲི་ཞུ་བ་བཅས་ནས་ལྷན་བཞུགས་གནང་བ་མ་ཟད་ཉིན་མོ་དང་འབྲེལ་ནས་གསུང་བཤད་གནང་མཁན་མི་སྣ་བཞི་གདན་ཞུ་གནང་འདུགསྐབས་དེར་བོད་མི་མང་སྤྱི་འཐུས་ཚོགས་གཞོན་སྒྲོལ་མ་ཚེ་རིང་མཆོག་གིས་བེུད་འགོ་ཁྲིད་དང་བཙན་གཡེམ་དང་རྩུབ་སྤྱོད་འགོག་ཐབས་ཀྱི་བརྗོད་གཞིའི་ཐོག་གསུང་བཤད་གནང་བ་དང་ཕྱི་དྲིལ་ལས་ཁུངས་ཀྱི་འགྲོ་བ་མིའི་ཐོབ་ཐང་སྡེ་ཚན་གྱི་འགན་འཛིན་འབྲུག་བསྟན་སྐྱིད་ལགས་ཀྱིས་འགྲོ་བ་མིའི་ཐོབ་ཐང་། བཙན་གཡེམ་དང་རྩུབ་སྤྱོད་འགོག་ཐབས་དང་འབྲེལ་བའི་སྐོར་ལ་གཏམ་བཤད་གནང་སོང་། དེ་བཞིན་གྲོགས་མོ་ཚོགས་པའི་འགན་འཛིན་བསྟན་འཛིན་སྐལ་བཟང་ལགས་ཀྱིས་ཕྲུ་གུའི་སྲུང་སྐྱོབ་དང་ནུས་སྟོབས་གོང་སྤེལ་གྱི་སྐོར་ལ་གཏམ་བཤད་གནང་སོང་། Martha Farrell Foundation ཚོགས་པའི་འགན་འཛིན་ Nandita Bhatt ལགས་ཀྱིས་ལས་ཀ་བྱ་ཡུལ་སུ་འཁྲིག་སྤྱོད་གྱི་བསྲུན་གཙེར་འགོག་ཐབས་དང་འབྲེལ་བའི་སྐོར་ལ་གཏམ་བཤད་གནང་ཡོད།གསར་འགོད་པས་བོད་ཀྱི་བུད་མེད་ནུས་སྟོབས་གོང་སྤེལ་ཚན་པའི་འགན་འཛིན་ཚེ་རིང་སྐྱིད་ལགས་སུ་ཉིན་མོ་དང་འབྲེལ་བའི་སྐོར་ལ་བཅར་འདྲི་ཞུས་པར་བེུད་ནུས་སྟོབས་ཚན་པས་བོད་མིའི་སྤྱི་ཚོགས་ནང་ཕོ་མོ་དབྱེ་འབྱེད་ཡོད་མེད་སོགས་ཀྱི་སྐོར་ལ་ཉམས་ཞིབ་གནང་བ་དང་ལྷག་པར་དུ་ ༢༠༢༠ ལོར་རོགས་པའི་འབྲེལ་ལམ་ཞེས་པ་ཞིག་གསར་འཛུགས་གནང་ནས་སྤྱི་ཚོགས་ཁྲོད་ཀྱི་གནས་སྟངས་རྒྱུས་ལོན་གནང་བ་སོགས་ལ་གཞིགས་ཏེ་ཉེ་བའི་ཉིན་གྲངས་ ༡༦ རིང་བོད་མིའི་གཞིས་ཆགས་ཁག་གཙོས་སློབ་གྲྭ་དང་མཐོ་སློབ་སོགས་ལ་གོ་རྟོགས་ཀྱི་ལས་འགུལ་སྤེལ་རྒྱུ་ཡིན་སྐོར་གསུངས་ཡོད།

ཨ་རིའི་གྲོས་ཚོགས་དང་འཛིན་སྐྱོང་གི་རྒྱ་ནག་ཐོག་གི་ཚོགས་ཆུང་CECCཞེས་པས་རྒྱལ་སྤྱིའི་ཨོ་རྩལ་ལྷན་ཚོགས་ཀྱི་གཙོ་འཛིན་Thomas Bach ལ་སང་ལོའི་རྒྱ་ནག་གི་དགུན་དུས་ཀྱི་ཨོ་རྩལ་འགྲན་ཚོགས་དང་འབྲེལ་ནས་རྒྱ་ནག་གི་ནང་གི་འགྲོ་བ་མིའི་ཐོབ་ཐང་གི་གནས་བབ་ཡར་རྒྱས་གཏོང་ཐབས་སུ་རྒྱ་ནག་ལ་གནོན་ཤུགས་སྤྲོད་དགོས་བའི་ཞུ་སྐུལ་གནང་འདུགདེ་ཡང་ཁ་སང་ཨ་རིའི་ནང་དུ་The Hill ཞེས་པའི་གསར་ཁང་གིས་གནས་ཚུལ་སྤེལ་བའི་ནང་དུ། ཉེ་སྔོན་ཟླ་བ་གཅིག་གི་གོང་དུ་རྒྱ་ནག་གི་ཊེ་ནི་སི་རྩེད་འགྲན་པ་གྲགས་ཅན་ལྕམ་ Peng Shuai ལགས་སུ་རྒྱ་ནག་གི་མཐོ་རིམ་དཔོན་རིགས་ཤིག་གིས་ཚུལ་མིན་ཆགས་སྤྱོད་སྤེལ་བའི་དོན་རྐྱེན་ཕྱི་ལ་གྱར་བ་དང་བསྟུན་ནས། རྒྱ་ནག་ནང་གི་འགྲོ་བ་མིའི་ཐོབ་ཐང་རྡོག་རོལ་གྱི་གནས་བབ་ཐད་སེམས་འཚབ་ཆེ་རུ་འགྲོ་བཞིན་པའི་ཁྲོད། ཨ་རིའི་གྲོས་ཚོགས་དང་འཛིན་སྐྱོང་གི་རྒྱ་ནག་ཐོག་གི་ཚོགས་ཆུང་ CECC ངོས་ནས་རྒྱལ་སྤྱིའི་ཨོ་རྩལ་ལྷན་ཚོགས་ཀྱི་གཙོ་འཛིན་ལ་ཞུ་སྐུལ་ཕྱག་བྲིས་ཞིག་བཏང་ཡོད་པ་རེད་འདུགཞུ་སྐུལ་དེའི་ནང་དུ། དེ་སྔོན་རྒྱལ་སྤྱིའི་ཨོ་རྩལ་ལྷན་ཚོགས་ངོས་ནས་ཚོགས་ཆུང་དེར་རྒྱ་ནག་ནང་གི་ཆེས་ཞན་པའི་འགྲོ་བ་མིའི་ཐོབ་ཐང་གི་གནད་དོན་ཐོག་ཐེ་གཏོགས་བྱ་ཐབས་མེད་པའི་འགྲེལ་བརྗོད་བྱས་ཡོད་ཀྱང་། ད་རེས་ལྷན་ཚོགས་དེས་རང་ཉིད་ཀྱི་དབང་ཤུགས་སྤྱད་ནས་རྒྱ་ནག་གིས་བཀག་སྡོམ་འོག་གནས་བཞིན་པར་ཚོད་དཔག་བྱེད་བཞིན་པའི་ལྕམ་ Peng Shuai ལགས་སུ་བརྙན་ལམ་ནས་དངོས་སུ་གླེང་མོལ་བྱས་ཏེ་ཁོ་མོའི་གནས་བབ་ལ་རྒྱུས་ལོན་བྱ་ཐབས་ཡོད་སྟབས། རྒྱལ་སྤྱིའི་ཨོ་རྩལ་ལྷན་ཚོགས་ཀྱི་གཙོ་འཛིན་ངོས་ནས་དེ་མཚུངས་རྒྱ་ནག་ནང་གི་སང་ལོའི་ཨོ་རྩལ་འགྲན་ཚོགས་འགོ་མ་བཙུགས་པའི་སྔོན་དུ་རྒྱ་ནག་ལ་གནོན་ཤུགས་སྤྲད་ནས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་བབ་སྔར་ལྷག་ཡར་རྒྱས་གོང་འཕེལ་དུ་གཏོང་རྒྱུར་གནོན་ཤུགས་སྤྲོད་རྒྱུའི་ནུས་པ་ཡོད་དང་དེ་ལྟར་ངེས་པར་དུ་གནང་དགོས་པའི་ཞུ་སྐུལ་ནན་མོ་གནང་འདུགཞུ་སྐུལ་དེའི་ནང་ད་དུང་། ཨོ་རྩལ་ལྷན་ཚོགས་ཀྱི་གཙོ་འཛིན་Thomas Bachལགས་ཀྱིས་ལྕམ་Peng Shuai ལགས་ལ་དངོས་སུ་བརྙན་ལམ་ནས་ཁ་པར་བཏང་སྟེ་རང་དབང་ལྡན་པའི་གསར་འགོད་པ་རྣམས་ཀྱིས་ཁོང་མོའི་གནས་བབ་ལ་རྒྱུས་ལོན་བྱེད་དུ་འཇུག་དགོས་བའི་སྐུལ་མ་གནང་བ་མ་ཟད། ཨོ་རྩལ་ལྷན་ཚོགས་ཀྱི་རྩེད་འགྲན་པའི་ཚོགས་པར་ཡང་ཞུ་སྐུལ་ཡི་གེ་ཞིག་བཏང་སྟེ་རྩེད་འགྲན་ཚོགས་པའི་ངོས་ནས་ཀྱང་རྒྱ་ནག་ནང་གི་དབང་ཤུགས་ཀྱི་ཆགས་སྤྱོད་མྱོང་མཁན་ལྕམ Peng Shuai ལགས་ལ་སྲུང་སྐྱོབ་ཀྱི་ལས་འགན་ཤུགས་ཆེར་བཞེས་དགོས་བའི་སྐུལ་མ་ཞུས་ཡོད་པ་ཡང་ཡོངས་གྲགས་གནང་འདུགགཞན་ཡང་ཞུ་སྐུལ་གྱི་ཡི་གེ་ནང་དུ། ཉེ་སྔོན་ཨོ་རྩལ་ལྷན་ཚོགས་ཀྱི་གཙོ་འཛིན་དང་ལྕམ་Peng Shuai གཉིས་ཀྱི་བར་དུ་བརྙན་ལམ་ནས་གླེང་མོལ་བྱས་པར་གཞིགས་ན་ཁོ་མོ་བདེ་ཐང་ཡིན་པར་བསྒྲགས་ཡོད་ཀྱང་། མི་སྒེར་གྱིས་བསྒྲགས་པའི་གནས་ཚུལ་ཁྲོད་ཁོ་མོ་བདེ་འཚམས་ཡིན་པར་བསྒྲགས་པ་དེ་ཆ་འཇོག་བྱས་ན་འོས་འཚམས་ཤིག་ཡིན་མིན་དྲི་བ་ཞིག་ཡིན་པར་མངོན་གསལ་གནང་འདུག གཞི་རྩའི་ལྕམ་Peng Shuaiལགས་ཀྱིས་དེ་སྔོན་སྤྱི་ཚོགས་དྲ་ལམ་ཐོག་རྒྱ་ནག་གི་མཐོ་རིམ་དཔོན་རིགས་ཤིག་གིས་ཁོ་མོར་བཙན་དབང་གི་ཚུལ་མིན་ཆགས་སྤྱོད་སྤེལ་ཡོད་པའི་གནས་ཚུལ་ཕྱིར་བསྒྲགསགནང་རྗེས། ཁོང་དུས་ཡུན་གང་ཙམ་རིང་གར་སོང་ཆ་མེད་དུ་གྱུར་བ་མ་ཟད། ཁོང་གིས་སྤྱི་ཚོགས་དྲ་ལམ་ཐོག་བཀོད་པའི་འབྲེལ་ཡོད་གནས་ཚུལ་དེ་ནག་བསུབ་བཏང་རྗེས། ་རྒྱལ་སྤྱིའི་སྤྱི་ཚོགས་སུ་ཁོང་རྒྱ་ནག་གིས་བཀག་སྐྱིལ་བྱས་པའི་གླེང་སློང་ཤུགས་ཆེ་རུ་ཕྱིན་པའི་ཁྲོད། Thomas Bach ལགས་ཀྱིས་ཁོང་མོར་དངོས་སུ་ཁ་པར་བཏང་པའི་བརྙན་ལམ་ཕྱིར་བསྒྲགས་བྱས་པ་དེ་ནི་རྒྱལ་སྤྱིའི་སྤྱི་ཚོགས་ཁྲོད་རྒྱ་ནག་ལ་སྐྱོན་བརྗོད་བྱེད་ཤུགས་ཆུང་དུ་གཏོང་ཐབས་ཤིག་ཡིན་པར་བརྗོད་མཁན་མང་པོ་བྱུང་ཡོད་པ་མ་ཟད། བུད་མེད་ཊེ་ནི་སི་རྩེད་འགྲན་ཚོགས་པའི་ངོས་ནས་ཀྱང་བསྒྲགས་གཏམ་ཞིག་སྤེལ་ཏེ། Thomas Bachལགས་ཀྱིས་ཁོ་མོར་ཁ་པར་བཏང་བ་ཙམ་གྱིས་ཁོ་མོ་རང་དབང་དང་བདེ་འཚམས་ངང་གནས་ཡོད་པར་སྒྲུབ་དཀའ་བ་ཞིག་ཡིན་པར་ཡོངས་གྲགས་ཀྱིས་ཁོ་མོའི་གནས་སྟངས་ལ་སེམས་འཚབ་ཡོད་པར་ཕྱིར་བསྒྲགས་བྱས་ཡོད་པ་རེད། དེའི་བར་ན་ཁ་སང་ཡོ་རོབ་མཐུན་ཚོགས་ཀྱི་ཕྱི་བྲེལ་ཚན་པའི་མགྲིན་ཚབ་པས་རྒྱ་ནག་གཞུང་ལ་ལྕམ་ Peng Shuai ལགས་བདེ་ཐང་ཡིན་པའི་དཔང་རྟགས་ཁུངས་བདེན་དང་རང་དབང་ལྡན་པ་ཞིག་མཁོ་སྤྲོད་བྱེད་དགོས་པའི་དགོས་འདུན་བཏོན་པ་དང་ཆབས་ཅིག ལྕམ་Peng Shuai ལགས་བརྙན་ལམ་དུ་ཉེ་ཆར་ཐོན་ཡོད་ཀྱང་། ཁོང་ལ་རྒྱ་ནག་གི་དཔོན་རིགས་ཤིག་གིས་ཆགས་སྤྱོད་སྤེལ་བའི་གནས་ཚུལ་དང་། དེ་བཞིན་ཁོང་ཉིན་ཤས་གར་སོང་ཆ་མེད་དུ་གྱུར་བའི་གནས་ཚུལ་ལ་ད་ལྟའི་ཆར་ལན་འདེབས་གསལ་བཤད་གང་ཡང་བྱུད་མེད་པ་དེ་ནི་སེམས་འཚབ་ཅན་ཞིག་ཡིོན་པ་གསུངས་འདུག རྩ་བའི་རྒྱ་ནག་ནང་གི་འགྲོ་བ་མིའི་ཐོབ་རྡོག་རོལ་གྱི་གནས་བབ་དང་འབྲེལ་ནས། བོད་མི་དང་ཡུ་གུར་བའི་ཚོགས་སྐྱིད་ཁག་གི་གཙོ་བྱས་པའི་རྒྱལ་སྤྱིའི་ཐོབ་ཐང་ཚོགས་པ་མང་པོ་ཞིག་གིས་སྔར་ལོ་ནས་རྒྱ་ནག་གི་ནང་གི་སང་ལོའི་ཨོ་རྩལ་འགྲན་ཚོགས་དེ་ཕྱིར་འཐེན་བྱེད་དགོས་བའི་ལས་འགུལ་རིམ་པ་སྤེལ་ཏེ་རྒྱལ་སྤྱིའི་སྲིད་གཞུང་དང་ཚོགས་སྡེ་ཁག་ལ་ཡང་དེ་འབྲེལ་གྱི་གནས་ཚུལ་ཡར་ཞུ་བྱས་ཡོད་པ་ལྟར། རྒྱལ་སྤྱིའི་སྤྱི་ཚོགས་ཀྱི་ཁྲོད་དུ་ཡང་རྒྱ་ནག་ལ་ཨོ་རྩལ་འགྲན་ཚོགས་གོ་སྒྲིག་བྱེད་རྒྱུའི་འོས་བབ་མེད་པར་གཟིགས་ནས་སྐྱོན་བརྗོད་བྱེད་མཁན་རིམ་པ་བྱུང་ཡོད་པའི་ཁྲོད། ཨ་རིའི་ངོས་ནས་གཞུང་འབྲེལ་གྱི་མི་སྣ་རྒྱ་ནག་གི་སང་ལོའི་ཨོ་རྩལ་འགྲན་ཚོགས་ཀྱི་མཛད་སྒོར་མི་གཏོང་རྒྱུའི་གནས་ཚུལ་ཕྱི་ལ་ཐོན་ཡོད་པ་དང་། ད་ཆ་ཨོ་གླིང་གི་ནང་དུ་ཡང་ཆབ་སྲིད་ཀྱི་ཚོགས་པ་ཁག་བརྒྱུད་གཞུང་འབྲེལ་གྱི་མི་སྣ་རྒྱ་ནག་ནང་གི་རྩེད་འགྲན་ལ་མི་ཞུགས་རྒྱུའི་སྐུལ་མ་གནང་མོས་རེད་འདུག  

དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་བསྟན་འཛིན་སྒྲོལ་མ་ལགས་དང་དྲུང་ཆེ་སྐལ་བཟང་སྒྲོལ་མ་ལགས་གཉིས་ཀྱིས་སྣེ་ཁྲིད་དེ་ཟླ་བ་འདིའི་ཕྱི་ཚེས་ ༡༧ ནས་དབུ་འཛུགས་ཀྱིས་རྒྱ་གར་བྱང་ཤར་ཁུལ་གྱི་ས་གནས་ཁག་ཅིག་གི་དཔོན་རིགས་དང་ཐུག་འཕྲད་བརྒྱུད་ནས་དོན་ཚན་ལྔའི་ཐོག་ནས་རྒྱ་གར་བྱང་ཤར་ཁུལ་དུ་བོད་དོན་ཞུ་གཏུག་གི་ལས་འགུལ་སྤེལ་བཞིན་འདུགབོད་དོན་ཞུ་གཏུག་གི་ལས་འགུལ་དེའི་ཁྲོད་རྒྱ་ནག་གཞུང་གིས་འདས་པའི་ལོ་ངོ་ ༦༠ ལྷག་གི་རིང་བོད་ནང་གི་བོད་མིའི་འགྲོ་བ་མིའི་ཐོབ་ཐང་རྡོག་རོལ་བཏང་བ་དང་བོད་ནང་གི་རང་བྱུང་ཁོར་ཡུག་གཏོར་བཅོམ་བཏང་བ། དེ་བཞིན་༸ཀུན་གཟིགས་༸པཎ་ཆེན་རིན་པོ་ཆེ་མཆོག་གི་གནད་དོན་གསལ་འདོན་གྱིས་རྒྱ་ནག་གཞུང་གི་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་གྲོས་མོལ་བསྐྱར་གསོ་བྱེད་དགོས་པའི་འབོད་སྐུལ། པེ་ཅིན་དུ་འཚོགས་རྒྱུའི་ཨོ་རྩལ་འགྲན་ཚོགས་ལ་ངོ་རྒོལ་གནང་དགོས་པ་བཅས་དོན་ཚན་ལྔ་ཅན་འཁོད་པའི་ཞུ་ཡིག་ཞིག་ཕུལ་ཏེ་ད་བར་རྒྱ་གར་ RSS དཔོན་རིགས་དང་གྲོས་ཚོགས་གོང་མའི་འཐུས་མི་སྐུ་ཞབས་ Hishey Lachungpa ལགས། འབྲས་ལྗོངས་མངའ་སྡེའི་ནགས་ཚལ་དང་ཁོར་ཡུག་གི་བློན་ཆེན་ཀརྨ་བློ་ལྡན་བྷོཊ་ཡ་ལགས་སོགས་དང་ཐུག་འཕྲད་གནང་འདུགསྐབས་དེར་ནགས་ཚལ་བློན་ཆེན་མཆོག་གིས་བོད་དང་འབྲས་ལྗོངས་དབར་གྱི་འབྲེལ་བའི་སྐོར་དང་ཁོང་ཉིད་བོད་མི་དང་ཐུགས་ཉེ་པོ་ཡོད་པར་འགྲེལ་བརྗོད་དང་སྦྲགས་ཏེ། བོད་དོན་ཐད་རྒྱབ་སྐྱོར་གང་གནང་དགོས་ཀྱང་དེ་ལྟར་གནང་ངེས་ཡིན་ཞེས་གསུངས་འདུག ཁོང་གིས་བོད་ནང་གི་ཤིང་ནགས་གཅོད་འབྲེག་དང་གཏེར་ཁ་སྔོག་འདོན་སོགས་བྱེད་ཕྱོགས་དེས་སླད་མར་འཛམ་གླིང་གི་ཁོར་ཡུག་ལ་ཤུགས་རྐྱེན་ངན་པ་ཞིག་ཐེབས་ངེས་ཡིན་སྐོར་གསུངས་པ་དང་འབྲེལ་རྒྱལ་སྤྱིའི་ཁྲོད་ནས་བོད་ནང་གི་ཁོར་ཡུག་གི་གནས་སྟངས་ཐད་ཐུགས་སྣང་གནང་དགོས་ཞེས་གསུངས་འདུགཚོགས་གཙོ་བསྟན་འཛིན་སྒྲོལ་མ་ལགས་སུ་བོད་དོན་ཞུ་གཏུག་གི་ལས་འགུལ་སྐོར་བཅར་འདྲི་ཞུས་སྐབས་ཁོང་གིས་བོད་དོན་ཞུ་གཏུག་ལས་འགུལ་དེ་སྤེལ་བའི་དམིགས་ཡུལ་གང་ཡིན་འགྲེལ་བརྗོད་དང་སྦྲགས།  བོད་པའི་བུད་མེད་ཚོར་རྒྱལ་ཁབ་གཞན་དང་མི་འདྲ་བར་འགན་འཕར་མ་ཞིག་ཡོད་པ་དང་ལྷག་པར་ད་ཆ་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་གཉན་རིམས་རྐྱེན་གྱིས་རྒྱ་གར་གཙོས་རྒྱལ་སྤྱིའི་ཁྲོད་རྒྱ་ནག་ལ་ལྟ་ཕྱོགས་འགྱུར་བ་ཆེན་པོ་ཕྱིན་ཡོད་སྟབས། གོ་སྐབས་དེ་དམ་འཛིན་གྱིས་བོད་དོན་ལས་འགུལ་སྤེལ་བ་ཞིག་ཡིན་སྐོར་དང་ས་གནས་དཔོན་རིགས་ཚོས་རྒྱ་ནག་གིས་ས་མཚམས་ཐོག་རྙོག་ཟིང་བཟོས་པ་གཙོས་ཆུ་མཛོད་གསར་རྒྱག་གི་ལས་གཞི་སོགས་ལ་དགག་བྱ་གནང་བ་དང་འབྲེལ་ནས་བོད་དོན་ཐད་མུ་མཐུད་རྒྱབ་སྐྱོར་གནང་ངེས་ཡིན་གསུངས་ཡོད་སྐོར་ངོ་སྤྲོད་གནང་ཡོད།

ཉན་པ།: Listen ཕབ་ལེན། Download མིའི་རིགས་ཀྱི་རྣམ་དཔྱོད་དེ་ཉིད་བྱམས་སྙིང་རྗེ་དང་མཉམ་སྤྱོད་གནང་གལ་སྐོར་བཀའ་སྩལ་བ། རྒྱལ་སྤྱིའི་ཨོ་རྩེད་མཐུན་ཚོགས་ཀྱི་ནོར་འཁྲུལ་ཅན་གྱི་ཐག་གཅོད་ལ་ཐེར་འདོན་ཞུ་གཏུག་ངོས་བཞེས། རྒྱལ་སྤྱིའི་དགེ་ལྡན་ལྷན་ཚོགས་ཀྱི་བགྲོ་གླེང་ཐེངས་དྲུག་པ་མངོན་པ་ཀུན་བཏུས་ཐོག་ལ་གནང་བ། ཧོང་ཀོང་གི་བདེ་འཇགས་ཁྲིམས་འཆར་འོག་རང་བཙན་དོན་གཉེར་བ་ Tony Chung ལགས་ལ་ཁྲིམས་བཅད། མང་ཚོགས་སུམ་སྟོང་ལྷག་དང་བླངས་ཀྱིས་ཌལ་མཚེའུ་སྐམ་སྟེ་འཆི་ཉེན་གྱི་ཉ་མྱུར་སྐྱོབ། Wednesday 24/11/2021 Human Intelligence should be combined with warmheartedness :HHDL Gelug International Foundation hosts 2-day debate on Abhidharma Samachaya OECD accepts complaint against IOC filed by Tibetan organisations Hong Kong activist Tony Chung jailed under national security law Tibetans and local volunteers rescue fishes as Dal Lake dries up

དེ་རིང་སྔ་དྲོ་ཕྱག་ཚོད་དགུ་བའི་ཐོག  བོད་ཀྱི་བླ་ན་མེད་པའི་དབུ་ཁྲིད། སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་བྷར་ཛལ་ (Brazil) གྱི་གཞུང་འབྲེལ་མ་ཡིན་པའི་ཚོགས་པ་པཱ་ལ་སི་ཨ་ཐེ་ན་ (Palas Athena) ནས་ཇི་ལྟར་གསོལ་འདེབས་ཞུས་དོན་ལྟར་སྟོང་ལོ་གསར་པར་སེམས་ཀྱི་ཤེས་ཡོན་ཞེས་པའི་བརྗོད་གཞིའི་ཐོག་བཀའ་སློབ་ལམ་སྟོན་སྩལ་ཏེ་དད་ལྡན་དོན་གཉེར་བ་ཁག་ཅིག་གི་བཀའ་འདྲི་དགོངས་སྐོར་ལ་བཀའ་ལན་བཀའ་དྲིན་ཆེ་བ་སྩལ་སོང་།དེ་རིང་གི་བཀའ་སློབ་ཀྱི་ཐོག་མར། མགོན་པོ་གང་ཉིད་མཆོག་གིས་དྲ་ཐོག་ནས་བཀའ་སློབ་ལམ་སྟོན་ཞུ་མཁན་རྣམས་ལ་འཚམས་འདྲི་གནང་བ་བརྒྱུད་ནས། མིའི་རིགས་ལ་སེམས་ཅན་གཞན་དང་མ་འདྲ་བའི་ཁྱད་ཆོས་ཤིག་ཡོད་པ་དེ་ནི་རྣམ་དཔྱོད་བཀྲ་བ་དེ་ཡིན་ཞིང་། དེ་ལྟ་བུའི་རྣམ་དཔྱོད་ཀྱི་ཁྲོད་ནས། འདས་བའི་ལོ་ངོ་སྟོང་ཕྲག་མང་པོའི་རིང་ལ་བདག་ཅག་གི་སྟོན་པ་ཤཀྱ་མུ་ནེ་མཆོག་གི་མཚོན་པའི་རླབས་ཆེན་གྱི་སྐྱེས་བུ་བྱོན་ཡོད་པ་དང་། མིའི་རིགས་ཀྱི་རྣམ་དཔྱོད་དེ་ཁོང་ཁྲོ་དང་ཞེ་སྡང་ལ་མཉམ་བསྲེས་བྱས་པ་ཡིན་ན། རྣམ་དཔྱོད་ཀྱི་སྤྱོད་སྒོ་དེ་རང་བཞིན་གྱིས་གཏོར་བཅོམ་གྱི་ངོ་བོར་འགྱུར་འགྲོ་བ་ཞིག་ཡིན་ཡང་། དེ་ལས་ལྡོག་སྟེ་རྣམ་དཔྱོད་དེ་ཉིད་བྱམས་སྙིང་རྗེ་ལ་བསྲེས་སྦྱོར་བྱས་པ་ཡིན་ན་མིའི་རིགས་ཀྱི་བདེ་དོན་ལ་ཕན་པ་མ་ཟད། གང་ཟག་སྒེར་གྱི་འཕྲོད་བསྟེན་ལ་ཆ་བཞག་ན་ཡང་ནང་སེམས་ཞི་བདེར་འགྱུར་རྒྱུར་ཕན་རླབས་ལྡན་པ་ཞིག་ཡིན་པར་བཀའ་སོང་།དེ་བཞིན་མགོན་པོ་གང་ཉིད་མཆོག་གིས། འདས་བའི་དུས་རབས་ཀྱི་ནང་དུ། མིའི་རིགས་ཀྱི་སྤྱི་ཚོགས་ཀྱི་ནང་དུ་མི་གསོད་ཁྲག་སྦྱོར་གྱི་འཛམ་གླིང་དམག་ཆེན་སྔ་རྗེས་གཉིས་བྱུང་ཟིན་པ་མ་ཟད། འཛམ་གླིང་གི་དམག་ཆེན་གསུམ་པ་ཞིག་ཀྱང་འབྱུང་མི་སྲིད་པ་མིན་དུས།  ང་ཚོས་ངེས་བར་དུ་དེང་དུས་ཀྱི་སློབ་གྲྭ་ཁག་གི་གཙོ་བྱས་པའི་སྤྱི་ཚོགས་གང་སར་སེམས་པ་བཟང་བོའི་རང་བཞིན་ནམ་བྱམས་སྙིང་རྗེ་ཁྱབ་སྤེལ་བྱེད་རྒྱུ་གལ་ཆེན་པོ་ཡིན་པར་བཀའ་སྩལ་ཏེ། སེམས་པ་བཟང་པོའམ་སྙིང་རྗེ་རང་བཞིན་དེ་ནི་ཆོས་ལུགས་ཀྱི་ཆོ་ག་ཞིག་ཏུ་ངོས་འཛིན་གནང་རྒྱུ་མེད་པར། མིའི་རིགས་ཀྱི་ནང་སེམས་ཀྱི་འཕྲོད་བསྟེན་དང་སྤྱི་ཚོགས་འཆམ་མཐུན། དེ་བཞིན་འཛམ་གླིང་ཞི་བདེ་སོགས་ལ་དམིགས་ནས་སེམས་པ་བཟང་པོའི་རང་བཞིན་དེ་ཁྱབ་སྤེལ་གཏོང་དགོས་རྒྱུ་གལ་ཆེན་པོ་ཡིན་པར་བཀའ་གནང་ཡོད། གཞན་ཡང་མགོན་པོ་གང་ཉིད་མཆོག་གིས་དུས་རྒྱུན་ནས་འཛམ་གླིང་ཤར་ནུབ་གྱི་མི་རིགས་ཡོངས་རྫོགས་གཅིག་གྱུར་གྱི་འདུ་ཤེས་ཐོག་ནས་སྙིང་རྗེ་ཕྱག་བསྟར་གནང་གི་ཡོད་པར་བཀའ་སྩལ་ཏེ། དད་ལྡན་ཆོས་ཞུ་རྣམས་ཀྱིས་ཀྱང་རང་གི་ས་གནས་སུ་དེང་རབས་ཀྱི་ཤེས་ཡོན་ལམ་ལུགས་ནང་དུ་ཆོས་ལུགས་དང་མ་འབྲེལ་བྱམས་སྙིང་རྗེ་ཡི་དམིགས་བསལ་གྱི་བསླབ་གཞིའི་རྩ་འཛིན་ཞིག་གཏན་འབེབས་བྱེད་རྒྱུར་ཤུགས་སྣོན་གནང་རྒྱུའི་ལམ་སྟོན་སྩལ་གནང་སོང་།དེ་རིང་གི་བཀའ་སློབ་ལམ་སྟོན་གྱི་མཛད་རིམ་མཇུག་སྒྲིལ་བ་དང་བསྟུན་ནས། དད་ལྡན་ཆོས་ཞུ་བ་ཁག་ཅིག་གིས་མགོན་པོ་གང་ཉིད་མཆོག་ལ་བརྗོད་གཞི་སྣ་མང་དང་འབྲེལ་བའི་བཀའ་འདྲི་དགོངས་སྐོར་ཁག་ཅིག་ཞུས་པའི་ཁྲོད་སྤྱི་ཚོགས་ཀྱི་ནང་ཆབ་སྲིད་རང་བཞིན་གྱི་མི་མཐུན་པའི་འགལ་འདུའི་ཁྲོད་ནས་རྟེན་འབྱུང་དང་མི་རྟག་པ་བརྟེན་ཕྱོགས་ཀྱི་སྐོར་ནས་བཀའ་འདྲི་ཞུས་པར་མགོན་པོ་གང་གིས། རྟེན་འབྱུང་དང་མི་རྟག་པ་གཉིས་ནི་ནང་པ་སངས་རྒྱས་ཀྱི་ལྟ་གྲུབ་གལ་ཆེན་ཞིག་ཆགས་ཡོད་ཀྱང་དེ་ནི་ཆོས་ལུགས་བྱེ་བྲག་པ་ཞིག་གི་ལྟ་གྲུབ་ཅིག་ཆགས་ཡོད་དུས།  དེ་གཉིས་ཟུར་དུ་བཞག་ནས། གཙོ་བོ་མིའི་རིགས་ཐུན་མོང་ལ་མངའ་བའི་བྱམས་སྙིང་རྗེ་རང་བཞིན་དེ་བསྟེན་རྒྱུ་གལ་ཆེན་པོ་ཡིན་པར་གསུངས་སོང་།དེང་རབས་ཀྱི་གཞོན་སྐྱེས་རྣམས་ལ་ཁོར་ཡུག་ཉམས་རྒུད་ཀྱི་འཇིགས་སྣང་ཆེན་པོ་ཡོད་པ་དང་། འཇིགས་སྣང་དེ་དག་ལ་ཉུང་འཕྲི་བྱེད་པར་ཐབས་ལམ་གང་ཡོད་ཀྱི་ཐད་ནས་བཀའ་འདྲི་ཞུས་པར་མགོན་པོ་གང་ཉིད་མཆོག་གིས། དེང་གི་ཆར་འཛམ་གླིང་གི་ཚ་དྲོད་གོང་དུ་འཕེལ་བཞིན་པའི་རྟག་མཚན་མང་པོ་ཡོད་པར་བཀའ་བཀའ་ལན་གནང་སྟེ། བོད་མཐོ་སྒང་ནི་རྒྱ་ནག་དང་རྒྱ་གར་གྱི་མཚོན་པའི་ཁྱིམ་མཚེས་རྒྱལ་ཁབ་མང་པོ་ཞིག་གི་གཙང་ཆུའི་འགོ་ཁོངས་ཆགས་ཀྱང་ད་ཆ་བོད་མཐོ་སྒང་དུའང་ཁོར་ཡུག་ཉམས་རྒུད་དུ་འགྲོ་བཞིན་ཡོད་པར་བཀའ་གནང་སྟེ། གཙོ་བོ་ཉི་འོད་དང་རླུང་གི་ནུས་ཤུགས་བེད་སྤྱོད་དང་གཞན་ཡང་དེང་རབས་ཀྱི་འཕྲུལ་ལས་ཀྱི་ཐོག་ནས་ཁོར་ཡུག་སྲུང་སྐྱོབ་བྱེད་ཐབས་གནང་བར་འབད་བརྩོན་གནང་དགོས་བའི་ལམ་སྟོན་སྩལ་ཏེ་དེ་རིང་གི་མཛད་རིམ་ལེགས་པར་མཇུག་སྒྲིལ་སོང་།

རྒྱལ་སྤྱིའི་ཨོ་རྩལ་མཐུན་ཚོགས་ནས་རྒྱལ་སྤྱིའི་དཔལ་འབྱོལ་མཉམ་འབྲེལ་སྒྲིག་འཛུགས་ཀྱི་ལམ་སྟོན་དང་འགལ་ནས་ཕྱི་ལོ་ ༢༠༢༢ ལོའི་དགུན་དུས་ཨོ་རྩེད་འགྲན་ཚོགས་ཀྱི་མགྲོན་བདག་རྒྱ་ནག་ལ་སྤྲད་པར་སྐྱོན་བརྗོད་ཀྱི་ཞུ་གཏུག་ལ་རྒྱལ་སྤྱིའི་དཔལ་འབྱོར་མཉམ་འབྲེལ་སྒྲིག་འཛུགས་ཀྱིས་ངོས་བཞེས་གནང་འདུགའདི་ལོའི་ཕྱི་ཟླ་བདུན་པའི་ནང་སུད་སིར་རྟེན་གཞི་བྱས་པའི་སུད་བོད་མཛའ་འབྲེལ་ཚོགས་པས་སྣེ་ཁྲིད་དེ་ཡུ་རོབ་བོད་རིགས་གཞོན་ནུ་མཐུན་ཚོགས་དང་སུད་སི་དང་ལེག་ཊེན་སི་ཊེན་བོད་རིགས་མི་མང། དེ་བཞིན་སུད་སི་ས་གནས་བུད་མེད་ལྷན་ཚོགས་བཅས་གཞུང་འབྲེལ་མིན་པའི་ཚོགས་བཞིས་མཉམ་འབྲེལ་ཐོག་སུད་སི་གྲོང་ཁྱེར་ Lausanne ནང་རྟེན་གཞི་བྱས་པའི་རྒྱལ་སྤྱིའི་ཨོ་རྩེད་མཐུན་ཚོགས་ཀྱིས་རྒྱལ་སྤྱིའི་དཔལ་འབྱོལ་མཉམ་འབྲེལ་སྒྲིག་འཛུགས་ཀྱི་རྩ་བའི་ལམ་སྟོན་དང་འགལ་ཏེ་ཕྱི་ལོ་ ༢༠༢༢ ལོའི་དགུན་དུས་ཨོ་རྩེད་འགྲན་ཚོགས་རྒྱ་ནག་ཏུ་འཚོགས་རྒྱུར་ཐག་གཅོད་བྱས་པ་ནི་ནོར་འཁྲུལ་ཅན་གྱི་བྱ་སྤྱོད་ཅིག་ཡིན་པའི་བདེན་དཔང་རྒྱབ་ལྗོངས་བཅས་པའི་སྐྱོན་བརྗོད་ཀྱི་ཞུ་གཏུག་སྙན་ཞུ་ཞིག་སུད་སིར་རྒྱལ་ས་སྦན་ལ་ཡོད་པའི་རྒྱལ་སྤྱིའི་དཔལ་འབྱོར་མཉམ་འབྲེལ་གོང་འཕེལ་འབྲེལ་མཐུད་ལས་ཁུངས་ལ་ཕུལ་ཡོད་པ་རེད། ཉེ་ཆར་རྒྱལ་སྤྱིའི་དཔལ་འབྱོར་མཉམ་འབྲེལ་གོང་འཕེལ་སྒྲིག་འཛུགས་ནས་ཁོང་རྣམ་པའི་ཞུ་གཏུག་ལ་དང་ལེན་གནང་སྟེ་རིང་མིན་ཞུ་གཏུག་བྱེད་མཁན་གྱི་བོད་མིའི་གཞུང་འབྲེལ་མིན་པའི་ཚོགས་པ་བཞི་དང་རྒྱལ་སྤྱིའི་ཨོ་རྩལ་མཐུན་ཚོགས་དབར་ལ་འདུམ་འགྲིག་གི་བྱ་རིམ་གཞིར་བཞག་གནང་རྒྱུ་ཡིན་པར་ངོ་བཞེས་གནང་འདུག ཐེངས་འདིའི་ཞུ་གཏུག་གི་ལས་འགུལ་སྣེ་ཁྲིད་གནང་མཁན་སུད་བོད་འཛའ་འབྲེལ་ཚོགས་པའི་ཚོགས་གཙོ་ Thomas Buchli ལགས་ཀྱིས་རྒྱལ་སྤྱིའི་དཔལ་འབྱོལ་མཉམ་འབྲེལ་གོང་འཕེལ་སྒྲིག་འཛུགས་ཀྱི་ཐག་གཅོད་ལ་དགའ་ཚོར་དང་འདོད་བློ་འཁེངས་པ་བྱུང་སོང་། ཐག་གཅོད་འདིས་ང་ཚོས་སེམས་འཚབ་བྱེད་བཞིན་པའི་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་འགྲོ་བ་མིའི་ཐོབ་ཐང་གི་གནས་སྟངས་དང་ལྷག་པར་དུ་ ༢༠༢༢ ལོའི་པེ་ཅིང་དགུན་དུས་ཨོ་རྩལ་རྩེད་འགྲན་གནད་དོན་ལ་སྐྱོན་བརྗོད་བྱས་པ་དེ་དོན་སྙིང་ལྡན་པ་ཞིག་གྱུར་ཡོད་ལ། ང་ཚོས་རྒྱལ་སྤྱིའི་རྒྱལ་ཁབ་ཁག་གི་གཞུང་འབྲེལ་གནད་ཡོད་མི་སྣ་ཚོ་པེ་ཅིང་དགུན་དུས་ཨོ་རྩལ་འགྲན་ཚོགས་ནས་ཕྱིེར་འཐེན་གནང་དགོས་པའི་ཞུ་གཏུག་གནང་བ་དེ་རྒྱུ་མཚན་ལྡན་པ་ཞིག་ཆགས་ཡོད་ཅེས་གསུངས་ཡོད་པ་རེད། དེ་བཞིན་བོད་མིའི་གཞུང་འབྲེལ་མིན་པའི་ཚོགས་སྡེ་བཞིས་ད་ལན་རྒྱལ་སྤྱིའི་དཔལ་འབྱོར་མཉམ་འབྲེལ་སྒྲིག་འཛུགས་ནས་ཁོང་རྣམ་པའི་ཞུ་གཏུག་ལ་ངོ་བཞེས་གནང་བ་དང་འབྲེལ་དེ་མཉམ་འབྲེལ་གྱིས་སྤེལ་བའི་གསར་འགོད་བསྒྲགས་གཏམ་ནང་གསལ་བར་སང་ལོ་ཕྱི་ཟླ་གཉིས་པ་ནང་རྒྱ་ནག་ཏུ་འཚོགས་རྒྱུའི་དགུན་ཨོ་རྩལ་འགྲན་ཚོགས་བར་གྱི་དུས་ཡུན་ཐུང་ངོ་འདིའི་ནང་རྒྱལ་སྤྱིའི་མཉམ་འབྲེལ་གོང་འཕེལ་སྒྲིག་འཛུགས་གཙོ་འགན་འོག་ཞུ་གཏུག་བྱེད་མཁན་གྱི་བོད་མིའི་གཞུང་འབྲེལ་མིན་པའི་ཚོགས་པ་བཞིས་དང་རྒྱལ་སྤྱིའི་ཨོ་རྩལ་མཐུན་ཚོགས་དབར་ལ་འདུམ་འགྲིག་གི་བྱ་རིམ་ཁྲོད་དུ་གླེང་སློང་བྱ་རྒྱུའི་གནད་དོན་ཁག་ནི། རྒྱལ་སྤྱིའི་ཨོ་རྩལ་མཐུན་ཚོགས་ནས་ ༢༠༢༢ ལོའི་དགུན་དུས་ཨོ་རྩལ་འགྲན་ཚོགས་རྒྱ་ནག་ཏུ་མགྲོན་བདག་སྤྲད་པ་ལས་བྱུང་བའི་བོད་མིའི་གཞུང་འབྲེལ་མིན་པའི་ཚོགས་ཁག་གི་ཞུས་པའི་འགྲོ་བ་མིའི་ཐོབ་ཐང་གི་ཤུགས་རྐྱེན་ངན་པ་ཁག་རྩེད་འགྲན་སྐབས་ཇི་ལྟར་ཚབས་ཆུང་དུ་གཏང་ཐབས་དང་ཐབས་ལམ་གང་ཡོད། མ་འོངས་ཨོ་རྩལ་འགྲན་ཚོགས་གོ་སྒྲིག་བྱེད་མཁན་ཚོས་འགྲོ་བ་མིའི་ཐོབ་ཐང་ལ་གུས་བརྩི་ལྡན་པ་ཇི་ལྟར་བཟོ་རྒྱུ། དེ་བཞིན་ཐེངས་འདིའི་བར་འདུམ་བརྒྱུད་ནས་རྒྱལ་སྤྱིའི་མཉམ་འབྲེལ་གོང་འཕེལ་སྒྲིག་འཛུགས་ཀྱི་རྩ་བའི་ལམ་སྟོན་འོག་མ་འོངས་པར་ཨོ་རྩལ་འགྲན་ཚོགས་ལ་སྦྱིན་བདག་བྱེད་མཁན་གྱིས་མཚོན་པའི་མཐུར་འགྱུར་མཁོ་སྤྲོད་བྱེད་མཁན་འབྲེལ་ཡོད་ཚོང་ལས་སྡེ་ཁག་གི་ནུས་པ་དང་འགན་འཁྲི་ལ་དབྱེ་ཞིབ་གནང་བར་རོགས་རམ་གནང་ཕྱོགས་བཅས་དོན་ཚན་གསུམ་གྱི་ཐོག་གླེང་སློང་བྱ་རྒྱུ་རེད་འདུགསུད་བོད་འཛའ་འབྲེལ་ཚོགས་པའི་ཚོགས་གཙོ་ Thomas Buchli ལགས་ཀྱིས་ད་ལན་གྱི་ཁོང་རྣམ་པའི་ཞུ་གཏུག་ལ་ངོ་བཞེས་གནང་མཁན་གྱི་རྒྱལ་སྤྱིའི་དཔལ་འབྱོར་མཉམ་འབྲེལ་གོང་འཕེལ་སྒྲིག་འཛུགས་ཀྱི་འབྲེལ་མཐུད་ལས་ཁུངས་དེ་སུད་སི་ཀྱི་གཞུང་འབྲེལ་གྱི་ལྷན་ཁང་གི་ཁྱབ་ཁོངས་ཞིག་ཆགས་ཀྱི་ཡོད་སྟབས་ད་ལན་ངོ་བཞེས་གནང་བའི་ཞུ་གཏུག་འདི་གཞི་རྩར་བཟུང་ནས་ང་ཚོའི་ངོས་ནས་སུད་སི་དབུས་གཞུང་ལ་པེ་ཅིང་དགུན་དུས་ཨོ་རྩལ་འགྲན་ཚོགས་ཐོག་སུད་སི་གཞུང་འབྲེལ་གནད་ཡོད་མི་མཉམ་ཞུགས་གནང་རྒྱུ་ཕྱིར་འཐེན་དགོས་པ་དང་སུད་སི་རྒྱལ་ཁབ་པེ་ཅིང་དགུན་དུས་ཨོ་རྩལ་འགྲན་ཚོགས་ནས་ཡོངས་སུ་ཕྱིེར་འཐེན་གནང་སྐྱོང་ཡོང་བའི་འབོད་སྐུལ་ཞུ་རྒྱུ་ཡིན། གནད་དོན་དེའི་ཐོག་སུད་སི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་འཐུས་མི་ཚོས་ཀྱང་ང་ཚོར་རྒྱབ་སྐྱོར་གནང་གི་རེད་ཅེས་གསུངས་ཡོད། གཞི་རྩའི་ཕྱི་ལོ་ ༢༠༢༢ ལོའི་པེ་ཅིང་དགུན་དུས་ཨོ་ལམ་པིཀ་རྩེད་འགྲན་འཚོགས་རྒྱུའི་གནད་དོན་དང་འབྲེལ་ནས་ཨ་རི་དང་ཁེ་ན་ཌ། དབྱིན་ཡུལ། དེ་བཞིན་ནི་ཐར་ལན་ཌི་ལ་སོགས་པའི་རྒྱལ་སྤྱིའི་གཞུང་ཚོགས་མང་དག་ཅིག་གིས་རྒྱ་ནག་གཞུང་གིས་བོད་མི་གཙོས་ཡུ་གུར་མི་རིགས་བཅས་གྲངས་ཉུང་མི་རིགས་ཐོག་གཉེར་བཞིན་པའི་བྱ་སྤྱོད་དེ་དག་མི་རིགས་རྩ་མེད་གཏོང་རྒྱུའི་བྱ་སྤྱོད་ཡིན་པར་སྐྱོན་བརྗོད་ཀྱིས་སྔ་རྗེས་སུ་འགྲེལ་བརྗོད་གནང་བའི་ཐོག་ནས་རྒྱ་ནག་ཏུ་དགུན་དུས་ཀྱི་ཨོ་རྩེད་འགྲན་ཚོགས་འཞོགས་རྒྱུའི་གནས་བབས་མེད་པ་དང་། རྒྱལ་སྤྱིའི་དབུ་ཁྲིད་གཙོས་རྩེད་འགྲན་པ། དེ་བཞིན་གོ་སྒྲིག་གནང་མཁན་ཡོངས་ནས་རྒྱབ་སྐྱོར་གནང་མཚམས་འཇོག་དགོས་ཞེས་བསྒྲགས་གཏམ་རིམ་ཁག་སྤེལ་ཡོད་པར་མ་ཟད་ལྷག་པར་དུ་ཉེ་ཆར་ཨ་རིའི་སྲིད་འཛིན་ Joee Biden མཆོག་དང་ཨ་རིའི་གཞུང་འབྲེལ་མི་སྣ་སུ་འདྲ་རྒྱ་ནག་གི་ཨོ་རྩལ་འགྲན་ཚོགས་ལ་ཚོགས་ཞུགས་གནང་གི་མེད་པ་དང་། ཨ་རིའི་ཕོ་བྲང་དཀར་པོའི་ངོས་ནས་མགྱོགས་མྱུར་དེའི་ཐད་གསལ་བསྒྲགས་ཤིག་སྤེལ་འཆར་ཡོད་པ་རེད། དེ་བཞིན་དེ་སྔོན་ཡུ་རོབ་གྲོས་ཚོགས་སུ་ཚད་མཐོའི་མང་མོས་དང་དབྱིན་ཡུལ་གྲོས་ཚོགས་སུ་སྤྱི་མོས་ཀྱིས་གྲོས་ཆོད་ཅིག་གཏན་འབེབས་དང་འབྲེལ་ཕྱི་འབྲེལ་དཔོན་རིགས་དང་གཞུང་འབྲེལ་སྐུ་ཚབ་རྣམས་ཀྱིས་རྒྱ་ནག་གི་འགྲན་ཚོགས་དེར་ཞུགས་རྒྱུ་མེད་པའི་ཞུ་སྐུལ་ཡང་གནང་ཡོད།

དེའང་དེ་རིང་ཕྱི་ཟླ་ ༡༡ ཚེས་ ༢༤ ཉིན་འཇམ་མགོན་རྒྱལ་བའི་རྒྱལ་ཚབ་༸སྐྱབས་རྗེ་དགའ་ལྡན་ཁྲི་རིན་པོ་༸རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་དབུ་བཞུགས་ཐོག ཤར་བྱང་གི་ཆོས་རྗེ་རྣམ་གཉིས་གཙོས་གདན་ས་ཁག་གི་མཁན་རིན་པོ་ཆེ་རྣམ་པ། བགྲོ་གླེང་གི་གསུང་བཤད་གནང་མཁན་བཅས་དྲ་ཐོག་བརྒྱུད་ནས་ལྷན་ཞུགས་ཀྱིས་མངོན་པ་ཀུན་བཏུས་ཀྱི་བགྲོ་གླེང་ཆེན་མོ་དབུ་འཛུགས་གནང་ཡོད་པ་རེད།བགྲོ་གླེང་དེའི་ཐོག་མར་འཇམ་མགོན་རྒྱལ་བའི་རྒྱལ་ཚབ་སྐྱབས་རྗེ་དགའ་ལྡན་ཁྲི་རིན་པོ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གིས་དབུ་འབྱེད་ཀྱི་མཛད་སྐོར་ད་རེས་བགྲོ་གླེང་གི་ཆ་ཤས་བཞེས་མཁན་ཚོའི་ངོས་ནས་རང་ཉིད་ཀྱི་དཔྱད་རྩོམ་དེའི་ཐོག་ནས་གསན་གཟིགས་གནང་མཁན་ཚོར་ཐུགས་ཕན་སོས་པ་ཞིག་དང་ལྷག་པར་དུ་ནང་པའི་གཞུང་ཆེན་དག་ལ་བློ་ལྷག་པར་སྐྱེ་ཐབས་ཐོག་བགྲོ་གླེང་ལྷུག་པོ་གནང་རོགས་ཞེས་གཞེན་སྐུལ་གནང་བ་དང་། ལྷག་པར་དུ་༸གོང་ས་༸སྐྱབས་མགོན་ཆེན་པོ་མཆོག་གིས་ཆོས་བརྒྱུད་རིས་མེད་ཀྱི་གཞུང་ཆེན་དག་ལ་བགྲོ་གླེང་ལྷུག་པོ་གནང་གལ་ཡིན་པར་ལམ་སྟོན་བཀའ་སྩལ་ཕེབས་དོན་བཞིན་གནང་དགོས་པར་ལམ་སྟོན་གནང་འདུག རྩ་བའི་ཐེངས་འདིའི་དྲ་ཐོག་བརྒྱུད་ནས་མངོན་པ་ཀུན་བཏུས་ཀྱི་བགྲོ་གླེང་ཆེན་མོའི་ཐོག་ལ་རྒྱལ་སྤྱིའི་ཙོང་ཁ་པའི་ལོར་རྩོམ་རྩལ་འགྲན་བསྡུར་གྱི་དཔྱད་རྩོམ་དང་སྙན་རྩོམ་ཕྱོགས་བསྒྲིགས་ཕྱག་དེབ་གཉིས་དབུ་འབྱེད་གནང་བ་དང་། དེ་རྗེས་རིམ་བཞིན་གསུང་བཤད་གནང་མཁན་ཚོས་བགྲོ་གླེང་གི་ཆ་ཤས་བཞེས་ཡོད་པ་རེད།གསར་འགོད་པས་རྒྱལ་སྤྱིའི་དགེ་ལྡན་ལྷན་ཚོགས་ཀྱི་བགྲོ་གླེང་གོ་སྒྲིག་ཚོགས་ཆུང་གི་ཚོགས་གཙོ་༸དཔལ་ལྡན་འབྲས་སྤུངས་སྒོ་མང་མཁན་རིན་པོ་ཆེ་བློ་བཟང་རྒྱལ་མཚན་མཆོག་ལ་སྤྱིར་ད་བར་བགྲོ་གླེང་ཐེངས་ ༦ ཚོགས་པའི་དགོས་དམིགས་དང་ད་རེས་མངོན་པ་ཀུན་བཏུས་ཀྱི་བགྲོ་གླེང་ཆེན་མོ་དེ་གནང་བའི་དགོས་དམིགས་གང་ཡིན་དང་བསྟན་བྱ་གཙོ་བོ་ཇི་ཆགས་སོགས་ཀྱི་སྐོར་ལ་བཀའ་འདྲི་ཁག་ཅིག་ཞུས་ཡོད།