Monthly Archives: December, 2021

འདི་ལོའི་ཕྱི་ཟླ་བརྒྱད་པའི་ནང་ལ་ཨོ་སི་ཊོ་ལི་ཡའི་ཕྱི་སྲིད་བློན་ཆེན་ལྕམ་སྐུ་ Marise Payne ལགས་ཀྱིས་ སྲིད་བློན་སྐུ་ཞབས་ Scott Morrison ལགས་ཀྱིས་དབུ་ཁྲིད་པའི་སྲིད་གཞུང་གི་ངོས་ནས་དེ་སྔ་ཨ་རི་གཞུང་གིས་གཏན་འབེབས་བྱས་པའི་ Magnitsky Act ཞེས་པའི་རྒྱལ་སྤྱིའི་ཁྲིམས་ལྟ་བུ་ཞིག་གཏན་འབེབས་གནང་རྒྱུ་ཡིན་པར་ཡོངས་གྲགས་གནང་ཡོད་པ་དང་། ཁ་སང་ཨོ་སི་ཊོ་ལི་ཡའི་གྲོས་ཚོགས་གོང་མར་སྤྱི་མོས་ཐོག་ནས་ Magnitsky ལྟ་བུའི་ཁྲིམས་གཞི་དེ་གསར་དུ་གཏན་འབེབས་གནང་འདུགདེ་རིང་ཨོ་སི་ཊོ་ལི་ཡའི་ ABC གསར་ཁང་དང་ Sydney སྔ་དྲོའི་ཚགས་ཤོག་སོགས་ཀྱི་ཐོག་གནས་ཚུལ་སྤེལ་བར་གཞིགས་ན། ཁ་སང་ཉིན་རྒྱབ་ཡུལ་དེའི་གྲོས་ཚོགས་མའི་ནང་ལ་ཨ་སི་ཊོ་ལི་ཡའི་གནས་བབ་དང་འཚམས་པའི་ Magnitsky Act ཞེས་པའི་ཁྲིམས་འཆར་དེ་སྤྱི་མོས་གཏན་འབེབས་གནང་སྟེ་དེ་རིང་ཡུལ་དེའི་གྲོས་ཚོགས་འོག་མར་མཐའ་མའི་གཏན་འབེབས་ཀྱི་ལས་རིམ་ཐོག་ཕེབས་རྒྱུ་ཡིན་པ་བཀོད་འདུག གལ་སྲིད་ཁྲིམས་འཆར་དེ་ཕྱོགས་ཡོངས་ནས་གཏན་འབེབས་ལེགས་གྲུབ་བྱུང་ཚེ་ཨོ་སི་ཊོ་ལི་ཡའི་སྲིད་གཞུང་གི་ངོས་ནས་ཤིན་ཅང་ཡུ་གུར་མི་རིགས་ཀྱི་འགྲོ་བ་མིའི་ཐོབ་ཐང་བརྩི་མེད་རྡོག་རོལ་གཏང་མཁན་རྒྱ་ནག་གི་འགོ་ཁྲིད་ཁག་དང་འབྲེལ་ཡོད་ལས་བྱེད། དེ་བཞིན་ཨོ་སི་ཊོ་ལི་ཡའི་བདེ་འཛགས་དང་རྒྱལ་སྤྱིའི་འགྲོ་བ་མིའི་ཐོབ་ཐང་བརྩི་སྲུང་མི་བྱེད་མཁན་དང་རུལ་སུངས་བྱས་པའི་གནས་ཚུལ་ཡོད་མཁན་རུ་སུའི་སྲིད་འཛིན་ Vladimir Putin གཙོས་འབྲེལ་ཡོད་རྒྱལ་སྤྱིའི་མི་སྣ་སུ་འདྲ་ཞིག་ཡིན་ཀྱང་ཨོ་སི་ཊོ་ལི་ཡར་བསྐྱོད་རྒྱུའི་མཐོང་མཆན་བཀག་སྡོམ་དང་ཨོ་སི་ཊོ་ལི་ཡར་ཡོད་པའི་མི་སྣ་དེ་དག་གི་དཔལ་འབྱོར་དང་ཚོང་ལས་ཡོངས་རྫོགས་བཀག་སྡོམ་བྱ་རྒྱུ་ཡིན་པ་གསལ་འདུག དེ་བཞིན་ཨོ་སི་ཀྲོ་ལི་ཡའི་ Magnitsky Act ལྟ་བུའི་ཁྲིམས་དེའི་ནང་ལ་དུས་ཀྱི་དགོས་མཁོ་དང་སྟུན། ཕྱི་ནང་གི་མི་སྣ་སུ་འདྲ་ཞིག་ནས་དྲ་རྒྱའི་བརྒྱུད་ལམ་ཁག་བེད་སྤྱོད་ལོགས་པར་སྤྱོད་དེ་རྒྱལ་ཁབ་ཀྱི་བདེ་འཇགས་དང་གཏན་ལྷིང་ལ་གནོད་པའི་བྱ་སྤྱོད་རིགས་སྤེལ་བ་ར་འཕྲོད་བྱུང་ཚེ། ཁྲིམས་འཆར་དེའི་ནང་འཁོད་པའི་བཀག་སྡོམ་སོགས་ཀྱི་ཉེ་ཆད་ཁག་བསྐལ་རྒྱུ་ཡིན་པ་ཡང་གསལ་ཡོད་པ་རེད་འདུགད་རེས་ཨོ་སི་ཊོ་ལི་ཡའི་གྲོས་ཚོགས་གོང་མས་ Magnitsky Act ལྟ་བུའི་ཁྲིམས་འཆར་དེ་གཏན་འབེབས་གནང་མ་ཐག་དེ་སྔ་ཨ་རི་ནང་ལ་ Magnitsky Act ཞེས་པ་དེ་གཏན་འབེབས་གནང་དགོས་པའི་ཞུ་སྐུལ་གནང་མཁན་ཆབ་སྲིད་ལས་འགུལ་བ་སྐུ་ཞབས་ Bill Browder ལགས་ཀྱིས་དགའ་བསུ་གནང་བ་དང་སྦྲགས། ཁྲིམས་འཆར་དེས་འགྲོ་བ་མིའི་ཐོབ་ཐང་བརྩི་མེད་རྡོལ་རོལ་གཏང་མཁན་རྣམས་རང་དབང་ཐོག་ནས་རྒྱལ་སྤྱིའི་སྤྱི་ཚོགས་ནང་འགྲོ་སྐྱོད་བྱ་རྒྱུ་དང་ལྷག་པར་དུ་དཔལ་འབྱོར་གྱི་ཁེ་ཕན་སྣ་ཚོགས་སྒྲུབ་བཞིན་པའི་ལས་དོན་ལ་དོ་ཕོག་ཆེན་པོ་ཐེབས་ངེས་ཡིན་པར་གསུངས་འདུག འགྲོ་བ་མིའི་ཐོབ་ཐང་ལྟ་ཞིབ་ཚོགས་པའི་ཨོ་སི་ཊོ་ལི་ཡའི་སྡེ་ཚན་གྱི་འགན་འཛིན་ Elaine Pearson ལགས་ནས་ཁྲིམས་འཆར་དེ་ནི་འགྲོ་བ་མིའི་ཐོབ་ཐང་ཐོག་ལ་འགན་ཁུར་བཞེས་དགོས་པའི་བརྡ་ལན་ཞིག་ཡིན་པར་མ་ཟད་རྒྱལ་ཁབ་ཀྱི་ཕྱི་འབྲེལ་སྲིད་བྱུས་ནང་ལ་འགྲོ་བ་མིའི་ཐོབ་ཐང་གི་གནད་དོན་དེ་གལ་ཆེན་པོ་ཡིན་པའི་རྣམ་པ་གསལ་པོ་བསྟན་ཐུབ་ཡོད་ཅེས་གསུངས་ཡོད།གྲོས་ཚོགས་འཐུས་མི་ James Paterson ལགས་ཀྱིས་ཁྲིམས་འཆར་གསར་པ་དེའི་ནང་ལ་འགྲོ་བ་མིའི་ཐོབ་ཐང་གི་གནད་དོན་ཁོ་ན་ཙམ་མིན་པར་དྲ་རྒྱའི་བདེ་འཇགས་དང་འབྲེལ་བའི་གནད་ཁག་ཁ་གསལ་བཀོད་ཐུབ་པ་དེ་ནི་སྤོབས་པ་བྱ་འོས་པ་ཞིག་རེད་ཅེས་གསུངས་འདུག གཞི་རྩའི་ Magnitsky Act ཞེས་པའི་ཁྲིམས་འཆར་དེ་དེ་སྔ་ཨུ་རུ་སུའི་ནང་དུ་མང་ཚོགས་ཀྱི་འགྲོ་བ་མིའི་ཐོབ་ཐང་བརྩི་མེད་རྡོག་རོལ་དང་ལྐོག་ཟ་རུལ་སུངས་ཀྱི་བྱ་སྤྱོད་ཐེར་འདོན་གནང་མཁན་ཡུལ་དེའི་ཁྲལ་བསྡུའི་སློབ་སྟོན་པ་ Sergei Magnitsky ལགས་ཕྱི་ལོ་ ༢༠༠༩ ལོར་ཨུ་རུ་སུའི་བཙོན་ཁང་ཞིག་གི་ནང་དུ་སྐུ་གྲོངས་པའི་དོན་རྐྱེན་ལ་དྲན་གསོ་མཚོན་ཆེད་དུ་ཨ་རིའི་སྲིད་འཛིན་སྐུ་ཞབས་ Obama མཆོག་གིས་ཕྱི་ལོ་ ༢༠༡༢ ལོར་ཨ་རི་ནང་དུ་ Magnitsky Act ཞེས་པ་ཞིག་གཏན་འབེབས་ཐོག་ཨུ་རུ་སུས་གཙོས་པའི་རྒྱལ་སྤྱི་ཁྱོན་ཡོངས་སུ་འགྲོ་བ་མིའི་ཐོབ་ཐང་བརྩི་མེད་རྡོག་རོལ་གཏང་མཁན་དཔོན་རིགས་ཚོར་ཉེས་ཆད་གཏོང་བཞིན་ཡོད་པ་དང་། རིམ་བཞིན་ཁེ་ན་ཌ་དང་དབྱིན་ཡུལ། ཨིས་ཊོ་ནིཡ་སོགས་རྒྱལ་སྤྱིའི་རྒྱལ་ཁབ་ཁག་ཅིག་ཀྱིས་དེ་མཚུངས་ཁྲིམས་འཆར་གཏན་འབེབས་ཐོག་ནས་ཕྱག་བསྟར་གནང་མུས་ཡིན་པ་རེད།

ཉན་པ།: Listen ཕབ་ལེན། Download ཡི་ཤུའི་ཆོས་གྲོགས་ཚོར་བྱམས་བརྩེ་གོང་སྤེལ་གནང་རྒྱུར་དམིགས་བསལ་ནུས་པ་ལྡན་ཡོད། བོད་པའི་སྤྱི་ཚོགས་ནང་དུ་གཉན་ནད་རེག་དུག་ཡོད་མཁན་མི་ ༥༣ འདུག རྒྱ་གཞུང་གིས་འཕཊ་བོད་གཉིས་ཀྱི་ས་མཚམས་སུ་ས་འོག་གི་དམག་དོན་ལས་གཞི་རྒྱ་ཆེར་སྤེལ་བ། བོད་ས་ཡོངས་ཀྱི་སློབ་ཁག་བརྒྱ་ཆ་བདུན་ཅུ་ཙམ་གྱི་ནང་དུ་རྒྱ་ཡིག་གཙོ་ཁྲིད་བྱས་པར་མངོན་གསལ། བཀའ་སློབ་ལེ་ཚན། ༸གོང་ས་མཆོག་གིས་བོད་ཀྱི་ཆོས་རིག་འཛིན་དགོས་པར་བཀའ་སློབ་སྩལ་བ། Wednesday 01/12/2021 Unified Consciousness: HHDL engages in dialogue with Father Lawrence Freeman Dharamsala observes World Aids Day, HIV positive cases in exile Tibetan society 53 Building boom in the Himalayas as Beijing shores up troops and weapons for winter 70% of schools across Tibet now use Chinese medium instruction: Tibet rights group report FEATURE: Dalai Lama’s talk on importance of Tibetan religion and culture

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འཛམ་གླིང་ཡི་ཤུའི་སྒོམ་སྒྲུབ་ཚོགས་སྡེ་ཆེད་འཛུགས་གནང་སྟེ་ལོ་ངོ་ ༣༠ འཁོར་བའི་དུས་དྲན་དང་བསྟུན་གོ་སྒྲིག་ཞུས་པའི་གཅིག་འདུས་ཀྱི་ཤེས་པ། སེམས་གཅིག་དང་བློ་གཅིག་ཅེས་ཡི་ཤུ་པའི་བཞེད་སྲོལ་ཞིག་གི་བརྗོད་གཞིའི་ཐོག་དབུ་བཞུགས་མཛད་ནས་ཉེ་རིང་གི་དབྱེ་འབྱེད་མེད་པའི་དཀོན་མཆོག་གི་རྗེས་འབྲང་པར་ཡིད་ཆེས་གནང་མཁན་ཡི་ཤུའི་ཆོས་གྲོགས་ཚོར་ཆོས་ལུགས་མཐུན་སྒྲིག་དང་བྱམས་བརྩེ་གོང་སྤེལ་གནང་རྒྱུའི་ཐོག་དམིགས་བསལ་ནུས་པ་ལྡན་ཡོད་པར་བཀའ་སློབ་སྩལ་ཡོད།དབྱིན་ཡུལ་ནང་རྟེན་གཞི་བྱས་པའི་འཛམ་གླིང་ཡེ་ཤུའི་སྒོམ་སྒྲུབ་ཚོགས་སྡེ་ (World Community of Christian Meditation)  ཞེས་པས་ཇི་ལྟར་གསོལ་འདེབས་ཞུས་དོན་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཟླ་ ༡༢ ཚེས་ ༡ ཉིན་རྒྱ་གར་གྱི་སྔ་དྲོ་ཆུ་ཚོད་ ༨༌༣༠ ལ་བཞུགས་སྒར་༸རྒྱལ་བའི་ཕོ་བྲང་གི་གཟིམ་ཆུང་ནས་དྲྭ་ལམ་བརྒྱུད་ཚོགས་སྡེས་གོ་སྒྲིག་ཞུས་པའི་ Unified Consciousness: One Mind and One Heart གཅིག་འདུས་ཀྱི་ཤེས་པ། སེམས་གཅིག་དང་བློ་གཅིག་ཅེས་ཡི་ཤུ་པའི་བཞེད་སྲོལ་ཞིག་གི་བགྲོ་གླེང་ཐོག་དབུ་བཞུགས་མཛད་པ་དང་། སྐབས་དེར་ཡི་ཤུའི་སྒོམ་སྒྲུབ་ཚོགས་སྡེ་ཆེད་འཛུགས་གནང་མཁན་ཡི་ཤུའི་གྲྭ་བ་ Father Laurence Freeman ལགས་ཀྱིས་དེ་སྔ་ ༡༩༩༦ ལོར་དབྱིན་ཡུལ་གྱི་རྒྱལ་ས་ལོན་ཌོན་ནང་མགོན་པོ་༸གང་ཉིད་མཆོག་དང་དངོས་སུ་མཇལ་འཕྲད་བྱུང་བའི་དུས་ཚིག་དྲན་གསོ་ཞུས་པ་དང་སྦྲགས། ད་རེས་སླར་ཡང་མགོན་པོ་༸གང་ཉིད་མཆོག་དྲ་ཐོག་བརྒྱུད་ཞལ་མཇལ་ཞུ་རྒྱུ་བྱུང་བར་དགའ་བསུའི་འཚམས་འདྲི་ཞུས་ཡོད། སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་ཡི་ཤུའི་གྲྭ་བ་ཧྥ་དྷར་ལོ་རེན་སི་ཧྥརི་མེན་ལགས་ཀྱིས་གཙོས་པའི་འཛམ་གླིང་གི་ས་གནས་འདྲ་མིན་ནས་བགྲོ་གླེང་ཐོག་ལྷན་ཞུགས་གནང་བར་འཚམས་འདྲི་མཛད་པ་དང་འབྲེལ་ཏེ་འཛམ་བུ་གླིང་ཐོག་ཡོད་པའི་མི་གཙོ་གྱུར་འགྲོ་བ་སེམས་ཅན་ཐམས་ཅད་བདེ་བ་འདོད་ཅིང་སྡུག་བསྔལ་མི་འདོད་པ་གཅིག་མཚུངས་ཡིན་ཀྱང་། སྟབས་ལེགས་པ་ཞིག་ལ་དུས་རབས་ཀྱི་འགྱུར་བའི་ཁྲོད་དུ་མི་རྣམས་ནས་འགྲོ་བ་མིའི་རང་བཞིན་ལྷན་སྐྱེས་སུ་ཡོད་པའི་གཞན་ཕན་དང་སེམས་བཟང་གནང་རྒྱུ་སོགས་ལ་དོ་སྣང་དེ་ཙམ་མ་གནང་བའི་དབང་གིས་འགྲོ་བ་མིའི་སྤྱི་ཚོགས་ནང་ལ་དམག་འཁྲུག་གི་དོན་རྐྱེན་རིམ་པ་བྱུང་ཡོད་པ་སོགས་བཀའ་སྩལ་དང་ཆབས་ཅིག ད་ཆ་འཛམ་གླིང་ཐོག་དམག་འཁྲུག་ལ་ཡིད་སྨོན་གནང་མཁན་མེད་པར་མ་ཟད། ལྷག་པར་དུ་གོ་ལ་འདི་ནི་གོ་མཚོན་མེད་པ་ཞིག་ཏུ་བཟོ་བར་འབད་བརྩོན་དང་དོ་སྣང་གནང་མཁན་ཇེ་མང་དུ་འགྲོ་བཞིན་ཡོད་པ་ནི་བཟང་ཕྱོགས་ཀྱི་རྣམ་པ་ཞིག་ཡིན་སྐོར་ལམ་སྟོན་མཛད་ཡོད། མགོན་པོ་༸གང་ཉིད་མཆོག་གིས་ད་ཆ་དཔལ་འབྱོར་དང་ཁོར་ཡུག་སོགས་གནད་དོན་མང་དག་ཅིག་ནི་རྒྱལ་མཚམས་མེད་པར་རྒྱལ་སྤྱི་ཁྱོན་ཡོངས་ལ་འབྲེལ་བ་ཡོད་པའི་གནད་དོན་ཞིག་ཆགས་ཀྱི་ཡོད་སྟབས། ང་དང་ཁོ། ངའི་རྒྱལ་ཁབ་དང་ཁོའི་རྒྱལ་ཁབ་ཞེས་དབྱེ་འབྱེད་དང་ངར་འཛིན་གྱི་འཇིག་ལྟ་བ་དེ་དུས་ཚོད་ཡོལ་ཟིན་པའི་གནས་སྟངས་ཤིག་ཡིན་པར་བཀའ་སྩལ་དང་འབྲེལ། ང་ཚོའི་ངོས་ནས་གོ་ལ་གཅིག་གྱུར་དང་འགྲོ་བ་མི་གཅིག་གྱུར་གྱི་འདུ་ཤེས་འཛིན་པའི་ཐོག་ནས་དགོངས་པ་ཆེ་ཙམ་བཞེས་དགོས་ཞེས་ལམ་སྟོན་བཀྲིན་ཆེ་བ་སྩལ་སོང་།དེ་བཞིན་༸གོང་ས་མཆོག་གིས་མགོན་པོ་༸གང་ཉིད་མཆོག་བཙན་བྱོལ་དུ་ཕེབས་འབྱོར་མཛད་རྗེས་རང་དབང་གི་ཐོག་ནས་ཤེས་ལྡན་མི་སྣ་དང་ཆོས་ཕྱོགས་ཀྱི་དབུ་ཁྲིད་འདྲ་མིན་ཁག་དང་ལྷན་དུ་འགྲོ་བ་མིའི་བཟང་སྤྱོད་གོང་འཕེལ་གཏོང་ཐབས་དང་ཆོས་ལུགས་མཐུན་སྒྲིལ་སོགས་ཀྱི་ཐད་བཀའ་བསྡུར་མཛད་རྒྱུའི་དམིགས་བསལ་གོ་སྐབས་ཐོབ་སྐོར་བཀའ་སྩལ་བ་དང་ཆབས་ཅིག རྒྱ་གར་ལྟ་བུར་མཚོན་ན་ཆོས་ལུགས་འདྲ་མིན་མཉམ་གནས་ཐུབ་པའི་ཆོས་ལུགས་མཐུན་སྒྲིལ་གྱི་དཔེ་མཚོན་གཙོ་བོ་ཞིག་ཏུ་ངོས་མཛད་བཞིན་པ་མ་ཟད་ད་ཆ་མགོན་པོ་མཆོག་གིས་འཚེ་མེད་ཞི་བའི་ལྟ་གྲུབ་དང་སེམས་ཀྱི་རྣམ་གཞག་སོགས་རྒྱ་གར་གྱི་གནའ་བོའི་རིག་གནས་ནང་དུ་གསུངས་པ་ཁག་སླར་གསོ་མཛད་རྒྱུར་ཐུགས་འགན་བཞེས་བཞིན་ཡོད་པར་བཀའ་སྩལ་བ་དང་། ཡི་ཤུའི་ཆོས་ལུགས་པའི་རྗེས་འབྲང་པ་རྣམས་ཀྱང་ཆོས་ལུགས་གཞན་ལྟར་འཚེ་བ་མེད་པ་དང་བྱམས་སྙིང་རྗེ།སེམས་པ་བཟང་པོ་བྱ་རྒྱུ་སོགས་ལ་དགོངས་པ་བཞེས་མཁན་གཅིག་མཚུངས་ཡིན་པར་མ་ཟད་ལྷག་པར་དུ་ཉེ་རིང་གི་དབྱེ་འབྱེད་མེད་པའི་དཀོན་མཆོག་གི་རྗེས་འབྲང་པར་ཡིད་ཆེས་གནང་མཁན་ཞིག་ཡིན་པའི་ཆ་ནས་ཆོས་ལུགས་མཐུན་སྒྲིག་དང་བྱམས་བརྩེ་གོང་སྤེལ་གནང་རྒྱུར་དམིགས་བསལ་ནུས་པ་ལྡན་ཡོད་པ་སོགས་ལམ་སྟོན་བཀའ་སྩལ་མཛད་ཡོད།   ༸གོང་ས་༸སྐྱབས་མགོན་ཆེན་པོ་མཆོག་གིས་སྔོན་འགྲོའི་བཀའ་སློབ་སྩལ་གྲུབ་མཚམས་སུ་དྲ་ཐོག་ནས་ལྷན་ཞུགས་གནང་བ་ཡི་ཤུའི་གྲྭ་བ་ཧྥ་དྷར་ལོ་རེན་སི་ཧྥརི་མེན་ལགས་ཀྱིས་གཙོས་པའི་འཛམ་གླིང་ཡི་ཤུའི་སྒོམ་སྒྲུབ་ཚོགས་སྡེའི་ཚོགས་མི་ཁག་ཅིག་ནས་མགོན་པོ་༸གང་ཉིད་མཆོག་ལ་བཟང་སྤྱོད་གོང་འཕེལ་དང་སེམས་རྩེ་གཅིག་ཏུ་གནས་སྟངས་སོགས་ཀྱི་སྐོར་ལ་བཀའ་འདྲི་དགོངས་སྐོར་ཁག་ཅིག་ཞུས་སོང་བ་དང་། མགོན་པོ་༸གང་ཉིད་མཆོག་གིས་བཟང་སྤྱོད་དང་སེམས་ཀྱི་རྣམ་གཞག་དེ་དག་ཆོས་ཀྱི་ངོ་བོའི་ཐོག་ནས་མིན་པར་རྒྱུན་ལྡན་གྱི་ཤེས་བྱ་ལྟར་ཤེས་ཡོན་སློབ་གསོའི་ཁྲོད་ནས་སློབ་ཁྲིད་གནང་ཐུབ་གལ་ཡིན་པ་དང་། ལྷག་པར་དུ་དེང་སྐབས་རྒྱལ་སྤྱིའི་འགོ་ཁྲིད་རྣམས་ཀྱི་བསམ་བློར་འགྲན་རྩོད་ཀྱི་རྣམ་པ་ཆེན་པོ་ཡོད་པ་དང་། དེའང་ཕྱིའི་གནད་དོན་ཁག་ལ་གལ་འགངས་ཆེ་བར་ངོས་འཛིན་བཞིན་པའི་གྲུབ་འབྲས་ཤིག་ཀྱང་ཡིན་པར་བཀའ་ལན་སྩལ་བ་དང་སྦྲགས། ད་ཡོད་ཀྱི་ཤེས་ཡོན་ལམ་ལུགས་ཁྲོད་དུ་འགྲོ་བ་མིའི་རང་བཞིན་ལྷན་སྐྱེས་སུ་ཡོད་པའི་བཟང་པོའི་ཆ་དེ་དག་སློབ་ཁྲིད་གནང་གལ་ཡིན་པར་བཀའ་སྩལ་ཡོད།དེ་བཞིན་ཚོགས་མི་ཞིག་གིས་ཁོར་ཡུག་གི་གནད་དོན་ཐད་བཀའ་འདྲི་ཞུས་པར་ད་ཆ་འཛམ་གླིང་གི་ཚ་དྲོད་རྒྱས་བཞིན་པའི་ཁོར་ཡུག་གི་གནད་དོན་འདི་ནི་འགྲོ་བ་སྤྱི་དང་ལྷག་པར་འཛམ་གླིང་ཐོག་ཡོད་པའི་མི་ཐེར་འབུམ་བདུན་པོ་ཚང་མ་དང་འབྲེལ་བ་ཡོད་པ་ཞིག་ཡིན་སྟབས་ཚང་མས་གོ་ལའི་གནམ་བཤིས་འགྱུར་ལྡོག་གི་དཀའ་ངལ་ལ་དགོངས་པ་བཞེས་གལ་ཡིན་པ་དང་། ཁྱད་པར་དུ་བོད་ཀྱི་ཁོར་ཡུག་གི་གནས་སྟངས་ལ་མཚོན་ན། རྒྱ་གར་གཙོས་ཨེ་ཤ་ཡའི་རྒྱལ་ཁབ་མང་པོ་ཞིག་གི་ཆུའི་འབྱུང་ཁུངས་དེ་བོད་ཆགས་ཀྱི་ཡོད་སྟབས་བོད་ཀྱི་གནམ་གཤིས་ཀྱི་གནས་སྟངས་ལ་དགོངས་པ་བཞེས་གནད་ཡིན་པར་ལམ་སྟོན་སྩལ་སོང་།  གཞི་རྩའི་བགྲོ་གླེང་གི་མཛད་རིམ་དེ་ནི་རྒྱལ་སྤྱིའི་རྒྱལ་ཁབ་བརྒྱ་ལྷག་གི་ནང་ལ་ཡན་ལག་ཆོས་ཚོགས་ཡོད་པ་དབྱིན་ཡུལ་ནང་རྟེན་གཞི་བྱས་པའི་ World Community of Christian Meditation ཞེས་འཛམ་གླིང་ཡི་ཤུའི་སྒོམ་སྒྲུབ་ཚོགས་སྡེས་གོ་སྒྲིག་ཞུས་པ་ཞིག་ཡིན་ཞིང་། ༸གོང་ས་༸སྐྱབས་མགོན་ཆེན་པོ་མཆོག་གིས་ཚོགས་སྡེའི་རྒྱལ་སྤྱིའི་སྒོམ་གྲུབ་ལྟེ་གནས་ཁང་གསར་འཛུགས་ལེགས་གྲུབ་བྱུང་བར་བསྔགས་བརྗོད་དང་སྦྲགས་མ་འོང་པའི་ལས་དོན་ཇི་གནང་ཐབས་ཅད་ལམ་ལྷོངས་ཡོང་བའི་ཐུགས་སྨོན་བཅས་མཛད་ཡོད།

དེ་རིང་རྒྱལ་སྤྱིའི་གཉན་ནད་རེག་དུག་གི་ཉིན་མོར། དབུས་བོད་མིའི་བོད་མིའི་འཕྲོད་བསྟེན་ལས་ཁུངས་དང་ཀུན་ཕན་ནད་གསོ་ཁང་སོགས་ཀྱི་མཚོན་པའི་གཞུང་འབྲེལ་དང་གཞུང་འབྲེལ་མིན་པའི་ཚོགས་སྐྱིད་ཁག་ཅིག་གི་གོ་སྒྲིག་གི་འོག་ནས། བཞུགས་སྒར་མེག་གྷན་ཁྲོམ་གཞུང་དུ་གཉན་ནད་རེག་དུག་དང་འབྲེལ་བའི་གོ་རྟོགས་ལས་འགུལ་དང་རིན་མེད་ཀྱིས་གཉན་ནད་རེག་དུག་བརྟག་དཔྱད་ཀྱི་ལས་འགུལ་ཞིག་སྤེལ་སོང་།དེ་རིང་གི་གཉན་ནད་རེག་དུག་གི་ཉིན་མོ་དང་འབྲེལ་བའི་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་གྱི་བསྒྲསག་གཏམ་གྱི་ནང་དུ། བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ཀྱིས་རྒྱལ་སྤྱིའི་གཉན་ནད་རེག་དུག་གི་ཉིན་མོར་མང་ཚོགས་ནང་གཉན་ནད་རེག་དུག་ནད་གཞི་གོ་རྟོགས་ཡོད་པའི་ཐོག་སྔོན་འགོག་ཐུབ་ཐབས་དང་ནད་པར་བྱམས་བརྩེའི་སྒོ་ནས་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་དང་སྦྲགས། སྤྱིར་རང་རེའི་སྤྱི་ཚོགས་ནང་དུ་གཉན་ནད་རེག་དུག་ཡོད་མཁན་རྣམས་ལ་དབྱེ་འབྱེད་མི་ཉུང་བ་ཞིག་ཡོང་གི་ཡོད་པ་དང་འབྲེལ་ནས། མང་ཚོགས་ཀྱིས་ནད་པར་དབྱེ་འབྱེད་དང་ཚིག་རྩུབ་རིགས་མི་བྱེད་རྒྱུའི་སྐུལ་མ་གནང་འདུགདབུས་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ཀྱི་གཉན་ནད་རེག་དུག་གི་འབྲེལ་ཡོད་ལས་བྱེད་བསྟན་འཛིན་བསོད་ནམས་ལགས་ཀྱིས་གསར་འགོད་པར་ད་བར་རྒྱ་གར་དུ་རྟེན་གཞི་བྱས་པའི་བོད་པའི་སྤྱི་ཚོགས་ཀྱི་ནང་དུ་གཉན་ནད་རེག་དུག་འགོས་ཡོད་པའི་ཕོ་མོ་གྲངས་ལྔ་བཅུ་ང་གསུམ་དངོས་སུ་ར་སྤྲོད་བྱུང་ཡོད་པ་ལྟར། དབུས་བོད་མིའི་སྒྲིག་འཛུགས་ཀྱི་ངོས་ནས་ནད་པ་དེ་དག་ལ་སྨན་བཅོས་ལྟ་སྐྱོང་དང་ཟས་དོད་དུ་ཟླ་རེར་ཧིན་སྒོར་ཆིག་སྟོང་རེ་འབུལ་མུས་ཡིན་པར་གསུངས་ཏེ། བོད་མི་འདུས་སྡོད་ས་ཕྱོགས་གང་སར་འཛེམ་ཟོན་མེད་པའི་ཐོག་ནས་གཉན་ནད་རེག་དུག་ཚོད་འཛིན་ཆེད་དུ་དུས་ལྟར་བརྟག་དཔྱད་གནང་རྒྱུའི་འབོད་སྐུལ་ཞུས་སོང་།དེ་བཞིན་སྐབས་དེར་བཞུགས་སྒར་དུ་རྟེན་གཞི་བྱས་པའི་ཀུན་ཕན་ནད་གསོ་ཁང་གི་འགན་འཛིན། བོད་མི་མང་སྤྱི་འཐུས་ལས་ཐོག་ཟླ་བ་ཚེ་རིང་ལགས་ཀྱིས་གསར་འགོད་པར། སྤྱི་ཡོངས་ཀྱི་ཆ་ནས་སྤྱི་ཚོགས་ཀྱི་ནང་དུ་གཞུང་འབྲེལ་དང་གཞུང་འབྲེལ་མིན་པའི་ཚོགས་པ་ཁག་གིས་དུས་ནས་དུས་སུ་ནད་གཞི་སྔོན་འགོག་དང་གོ་རྟོག་གི་ལས་འགུལ་སྤེལ་རྒྱུ་དེ་གལ་ཆེན་པོ་ཡིན་པ་ཟད། མང་ཚོགས་ཀྱི་ཁྲོད་ནས་གཉན་ནད་རེག་དུག་གི་མཚོན་པའི་མྱོས་རྫས་ངན་གོམས་སོགས་ལ་འགན་ཁུར་བའི་ཐོག་ནས་དོ་སྣང་བྱེད་རྒྱུ་གལ་ཆེན་པོ་ཡིན་སྟབས། གཞུང་མང་ཡོངས་ཀྱིས་སྤྱི་ཚོགས་ཀྱི་དཀའ་ངལ་ལ་འགན་ཁུར་བཞེས་ཏེ་མདུན་དུ་ཐོན་ནས་ལས་འགུལ་སྤེལ་རྒྱུ་གལ་ཆེན་པོ་ཡིན་པར་གསུངས་སོང་། གཞི་རྩའི་དེ་རིང་གི་གཞུང་འབྲེལ་དང་གཞུང་འབྲེལ་མིན་པའི་ཚོགས་སྐྱིད་ཁག་གིས་མཉམ་རུབ་ཀྱིས་གཉན་ནད་རེག་དུག་གི་ཉིན་མོ་སྲུང་བརྩའི་ཁོངས་སུ།  གཅིག་ནས་ནད་གཞི་སྔོན་འགོག་དང་འབྲེལ་ནས་གཏམ་རྒྱུད་འཁྲབ་སྟོན་བརྒྱུད་ནས་གོ་རྟོགས་ཁྱབ་སྤེལ་དང་དེ་བཞིན་རིན་མེད་ཀྱི་ནད་གཞི་བརྟག་དཔྱད་བཅས་གནང་ཡོད་པ་མ་ཟད། མང་ཚོགས་ཁྲོད་དུ་སྲུང་ཤུབ་དང་ཁ་རས་སོགས་ཀྱང་རིན་མེད་ཀྱིས་བཀྲམས་ཏེ། མེག་གྷན་ཁྲོམ་གཞུང་གི་གཙོ་བྱས་པའི་གངས་སྐྱིད་ཁུལ་དང་ནོར་གླིང་སོགས་སུ་ཡང་སྐོད་སྐྱོད་ཀྱིས་ཉིན་གང་གི་རིང་གོ་རྟོགས་ཁྱབ་སྤེལ་གྱི་ལས་འགུལ་སྤེལ་སོང་།རྩ་བའི་རྒྱལ་སྤྱིའི་སྤྱི་ཚོགས་ཁྲོད། གཉན་ནད་རེག་དུག་གི་ནད་གཞི་ངོས་འཛིན་ཐུབ་པ་ནས་ད་བར་ཁྱོན་མི་གྲངས་ས་ཡ་༧༩།༣ ལ་ནད་གཞི་ཕོག་ཡོད་པ་དང་། ད་བར་མི་གྲངས་ས་ཡ་༣༦ ལྷག་འདས་གྲོངས་སུ་ཕྱིན་ཡོད་པ་ལྟར། ཕྱི་ལོ་ ༢༠༢༠ ལོར་གཅིག་པོར། གཉན་ནད་རེག་དུག་ནད་གཞི་ཕོག་མཁན་མི་གྲངས་ས་ཡ ༡།༥ ཙམ་བྱུང་ཡོད་པ་དང་མི་གྲངས་འབུམ་༦།༨ ལྷག་འདས་གྲོངས་སུ་ཕྱིན་ཡོད་པ་རེད།

རྒྱ་དཀར་ནག་གཉིས་ཀྱི་འཕགས་བོད་ས་མཚམས་ཀྱི་རྩོད་རྙོག་ཁྲོད་དུ་རྒྱ་ནག་གིས་ས་མཚམས་སུ་ས་འོག་གི་ཁང་པ་འཛུགས་སྐྲུན་སོགས་ཀྱི་དམག་དོན་ལས་གཞི་རྒྱ་ཆེར་སྤེལ་བ་དང་སྦྲགས།  རྒྱ་ནག་གཞུང་གིས་གཉེར་བའི་གསར་ཁང་གིས་འཕགས་བོད་མཐའ་མཚམས་ཁུལ་དུ་ལྟ་རྟོག་ཀྱི་འགན་ཡོད་པའི་ Western Theatre Command ཞེས་རྒྱ་ནག་བཅིངས་གྲོལ་དམག་གི་ནུབ་རྒྱུད་ཤོག་ཁག་ཟེར་བས་འོག་གི་དམག་དོན་ལས་གཞི་རྣམས་དམག་འགུལ་འཐབ་བྱུས་དང་།  དམག་དཔུང་དེ་བཞིན་གོ་མཚོན་སོགས་སྲུང་སྐྱོབ་སླད་རྒྱ་བསྐྱེད་བྱེད་མུས་ཡིན་པ་བཤད་འདུག དེ་ཡང་རྒྱ་ནག་གི་སྤྱི་ཚོགས་དྲ་ལམ་ཐོག་ས་འོག་དམག་དོན་གྱི་ལས་གཞིའི་པར་རིས་ཐོན་པ་དང་རྒྱ་ནག་གི་ཆེད་ལས་པས་ལས་གཞི་དེ་ཆེད་མངགས་གནམ་གྲུ་དང་མེ་ཤུགས་འཕུར་མདའ་འཇོག་ས་སོགས་ཀྱི་མཚོན་པའི་དམག་འགུལ་འཐབ་བྱུས་ཀྱི་ལྟེ་གནས་དང་དམག་དོན་དང་འབྲེལ་གོ་མཚོན་རིགས་འཇོག་སའི་ཆེད་བཟོས་པ་ཞིག་ཡིན་པར་བརྗོད་པ་མངོན་གསལ་བྱུང་འདུག  ཉམས་ཞིབ་པ་ Zhou Chenming ཟེར་བ་ཞིག་གིས་འཕགས་བོད་མཐའ་མཚམས་ཀྱི་མཐར་ས་འོག་དམག་དོན་གྱི་ལས་གཞི་སྤེལ་བ་དེ་ལུང་ཁུག་ཏུ་ཡོད་པའི་རྒྱ་ནག་བཅིངས་གྲོལ་དམག་མི་ཚོར་སྲུང་སྐྱོབ་དང་ལས་ཀ་བྱེད་བདེ་བའི་ཁོར་ཡུག་ཞིག་སྐྲུན་ཐབས་ཆེད་ཡིན་པ་དང་།  ལྷག་པར་རྒྱ་གར་གྱི་ཕྱོགས་ནས་རྒོལ་རྡུང་མི་ཡོང་བའི་ཆེད་དུ་ས་འོག་གི་དམག་མིའི་སྡོད་ཁང་རྣམས་རྒྱ་མཚོའི་ངོས་ནས་མཐོ་ཚད་ཕི་ཊི་ ༡༦༠༠༠ ཙམ་ལ་གསར་རྒྱག་བྱེད་བཞིན་ཡོད་སྐོར་བཤད་པ་མ་ཟད།  ཁོས་རྒྱ་ནག་བཅིངས་གྲོལ་དམག་མིའི་དམག་དཔུང་གི་བདེ་འཇགས་ཆེད་ས་འོག་གི་དམག་མིའི་སྡོད་ཁང་སོགས་རྒྱག་རྒྱུ་ནི་དེ་སྔ་རྒྱ་ནག་ནས་ཀོ་རི་ཡའི་དམག་སྐབས་ནས་བཟུང་བརྒྱབ་ཡོད་པར་བཤད་འདུག གཞི་རྩའི་ས་འོག་གི་དམག་དོན་དང་འབྲེལ་བའི་འཛུགས་སྐྲུན་རྣམས་ཕྱི་ཕྱོགས་ནས་བཟོ་དབྱིབས་བཅད་གཏུབ་བྱས་པ་ལྟ་བུར་མངོན་པ་དང་ལྷག་པར་རྒྱལ་སྒོ་ཁག་ཅིག་གི་མདོག་དེ་བཞིན་གཞན་ལ་གཡོ་བྱུས་སླད་ཚོན་བཏང་བའི་ཐོག་བཟོས་ཡོད་པ་རེད་འདུག    ཕྱོགས་མཚུངས་རྒྱ་ནག་གཞུང་གིས་གཉེར་བའི CCTV གསར་ཁང་ནས་འདོན་སྤེལ་བྱས་པའི་བརྙན་ནང་ཤིན་ཅང་ནང་དམག་གི་སྦྱོང་བརྡར་བྱས་པའི་སྐབས་དམག་མི་རྣམས་ས་འོག་ནས་ཐོན་པ་དང་དེ་བཞིན་རྒྱལ་སྒོ་ཐོན་ས་དེའང་གཡོ་བྱུས་ཀྱིས་ཚོན་བཏང་ཡོད་པའང་མཐོང་རྒྱུ་འདུག ཕྱོགས་མཚུངས་ཟླ་བ་དང་པོའི་ནང་ CCTV ལས་རིམ་ནང་འདོན་སྤེལ་བྱས་པའི་བརྙན་གཞན་ཞིག་གི་ནང་འབྲོག་ལམ་ཁུལ་དུ་དམག་མི་མང་དག་ཅིག་གི་སྡོད་ཁང་སོགས་ལ་ས་འོག་གི་མཐུན་རྐྱེན་སྦྱར་ཡོད་པའང་མཐོང་རྒྱུ་ཡོད་པ་དང་།   དེ་དོན་CCTV ཡིས་ཕྱི་ལོ་ ༢༠༡༧ ལོའི་འབྲོག་ལམ་གྱི་རྩོད་རྙོག་རྗེས་སུ་མཐའ་མཚམས་སུ་ས་འོག་གི་སྡོད་ཁང་སོགས་ཀྱི་མཐུན་རྐྱེན་སྦྱོར་རྒྱུ་དེ་རྒྱུན་ལྡན་ལྟ་བུ་ཞིག་ཆགས་ཡོད་པ་བཤད་ཡོད་པ་རེད།  སྤྱིར་ཕྱི་ལོ་ ༢༠༡༩ ལོར་ The Print གསར་ཁང་གིས་ཟུང་སྐར་བརྒྱུད་པར་རིས་ཞིག་འདོན་སྤེལ་གྱིས་རྒྱ་ནག་བཅིངས་གྲོལ་དམག་མིས་ལྷོ་ཁ་ནང་ས་འོག་འཛུགས་སྐྲུན་གྱི་ལས་གཞི་དེ་བཞིན་རྒྱ་བསྐྱེད་བཏང་ཡོད་པ་མངོན་གསལ་གནང་བ་དང་ཆབས་ཅིག  རྒྱ་ནག་གིས་ལོ་རབས་དགུ་བཅུའི་ལོ་མཇུག་ཏུ་འཛུགས་སྐྲུན་བྱས་པའི་ས་འོག་གི་སྡོད་ཁང་དེ་ཉེན་སྲུང་སོགས་ཀྱི་སླད་རྒྱ་བསྐྱེད་དུ་བཏང་ཡོད་པ་དང་ལྷག་པར་དེར་གོ་མཚོན་དང་མེ་ཤུགས་འཕུར་མདའ་སོགས་ཉར་ཚགས་དང་དེ་བཞིན་བོད་ཀྱི་དམག་དཔུང་གི་ལྟེ་གནས་ཞིག་ཀྱང་ཡིན་པར་ཚོད་དཔག་གནང་ཡོད་པ་རེད། རྩ་བའི་ལོ་རྒྱུས་ཁྲོད་རྒྱ་དཀར་ནག་གཉིས་དབར་འཕགས་བོད་ཀྱི་མཐའ་མཚམས་དང་འབྲེལ་རྙོག་གླེང་མི་ཉུང་བ་བྱུང་ཡོད་པ་དང་ཡང་སྒོས་སྔར་ལོར་རྒྱ་གར་བྱང་ཕྱོགས་ལ་དྭགས་གྷལ་ཝན་ལུང་གཤོང་དུ་རྒྱ་དཀར་ནག་གཉིས་ཀྱི་ས་མཚམས་དམག་མིའི་དབར་གདོང་ཐུག་གི་གནད་དོན་རིམ་པ་བྱུང་ཡོད་པ་རེད།  མཐའ་མཚམས་ཀྱི་གནད་དོན་དང་འབྲེལ་རྒྱ་ནག་གཞུང་གིས་བོད་མིའི་གཞོན་སྐྱེས་བསྡུ་སྐོང་གི་ལས་གཞི་སྤེལ་ཡོད་པ་དང་།  ལས་གཞི་དེའི་ཁོངས་སུ་རྒྱ་གཞུང་གིས་འཕགས་བོད་གཉིས་ཀྱི་ས་མཚམས་སུ་དམག་མི་ཆེད་གཏོང་སླད་བོད་པའི་ཁྱིམ་ཚང་རེ་རེ་ནས་ནང་མི་གཅིག་གམ་བོད་རིགས་གཞོན་སྐྱེས་གཅིག་བཅིངས་གྲོལ་དམག་མིའི་ཁོངས་སུ་ངེས་པར་དུ་ཞུགས་དགོས་པའི་བཙན་བཀའ་བཏང་ཡོད་པ་རེད།