Monthly Archives: December, 2021

ཇི་ནི་ཝར་ཚོགས་པའི་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ལྷན་ཁང་གི་གྲངས་ཉུང་མི་རིགས་ཀྱི་གནད་དོན་དང་འབྲེལ་བའི་ཚོགས་ཐེངས་ ༡༤ ཐོག་བོད་མིའི་སྐུ་ཚབ་ཀྱིས་བོད་ནང་རྒྱ་ནག་གཞུང་གིས་མི་རིགས་དབྱེ་འབྱེད་ཀྱི་སྲིད་བྱུས་ལག་བསྟར་བྱས་དང་བྱེད་བཞིན་པའི་གནས་སྟངས་འོག་བོད་མིའི་ཆོས་རིག་དང་ལེགས་བྱང་། སྐད་ཡིག་བཅས་པ་རྩ་མེད་བཟོས་ཏེ་བོད་མི་རིགས་ཀྱི་ངོ་བོ་རྩ་བརླག་གཏོང་བཞིན་ཛ་དྲག་གནས་སྟངས་ཁག་སྙན་སེང་ཞུས་འདུག ཟླ་བ་འདིའི་ཕྱི་ཚེས་ ༢ དང་ ༣ བཅས་ཉིན་གྲངས་གཉིས་རིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གིས་གཙོ་འགན་བཞེས་ཐོག་ཚོགས་པའི་གྲངས་ཉུང་མི་རིགས་ཀྱི་གནད་དོན་དང་འབྲེལ་བའི་ཚོགས་ཐེངས་ ༡༤ དེ་དེང་སྐབས་འཛམ་གླིང་ནང་གི་གྲངས་ཉུང་མི་རིགས་ཁག་གི་ཁྲོད་འཕྲད་བཞིན་པའི་གཞི་རྩའི་རྩོད་རྙོག་གི་བྱུང་རྐྱེན་དང་དེ་དག་ཁྲིམས་སྒྲིག་གི་སྒྲོམ་གཞིའི་འོག་ནས་སྔོན་འགོག་བྱེད་སྟངས་དང་གྲངས་ཉུང་མི་རིགས་ཁག་གི་རང་དབང་སྲུང་སྐྱོབ་དང་གོང་འཕེལ་བཅས་ཀྱི་གཙོ་གནད་ཐོག་ཚོགས་འདུ་ཚོགས་ཡོད་པ་རེད། ཡོ་རོབ་རྒྱལ་སྤྱིའི་བོད་དོན་ལས་འགུལ་ཁང་གི་སྐུ་ཞབས་ Vicnet metten ལགས་ཀྱིས་ཚོགས་འདུ་ཐོག་འདས་པའི་ལོ་བདུན་ཅུ་ལྷག་གི་ནང་རྒྱ་གཞུང་གིས་བོད་ནང་བོད་མིའི་ཆབ་སྲིད་དང་སྤྱི་དམངས་ཐོབ་ཐང། སྤྱི་ཚོགས་དང་དཔལ་འབྱོར། དེ་བཞིན་ལེགས་བྱང་གི་རང་དབང་བཅས་རྡོག་རོལ་བཏང་ཡོད་པར་མ་ཟད་ལྷག་པར་དུ་སྲིད་འཛིན་ཞི་ཅིན་ཕིང་གི་སྣེ་ཁྲིད་འོག་བོད་ནང་བོད་མིའི་ཐོག་ལྟ་སྲུང་དང་དམ་དྲག་བྱེད་ཤུགས་ཆེ་རུ་གཏོང་བཞིན་པའི་གནད་དོན་དེས་བོད་ཡུལ་རྒྱ་ཡུལ་ལྟ་བུར་བཟོ་རྒྱུའི་སྲིད་བྱུས་ཤིག་ལག་བསྟར་བྱེད་བཞིན་ཁག་ནི་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་སྒྲིག་རྡོག་རོལ་བཏང་བའི་ཁར་རྩོད་རྙོག་ཆེ་རུ་གཏོང་བཞིན་པར་རྟེན་ཕྱི་ལོ་ ༢༠༠༩ ལོ་ནས་ད་བར་བོད་མི་ཚོས་ཞི་བའི་ངང་ནས་རྒྱ་གཞུང་གི་སྲིད་བྱུས་ལ་ངོ་རྒོལ་གྱིས་སྐུ་ལུས་ཞུགས་འབུལ་གནང་བའི་གནས་སྟངས་བྱུང་ཡོད་སྐོར་སྙན་སེང་ཞུས་ཡོད། ཁོང་གིས་ད་དུང་རྒྱ་ནག་གཞུང་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མ་འོངས་པའི་ཡང་སྲིད་ཐོག་ཐེ་བྱུས་བྱེད་མཚམས་འཇོག་ནས་བོད་བརྒྱུད་ནང་བསྟན་ལམ་ལུགས་གཞིར་བཞག་ཡང་སྲིད་ངོས་འཛིན་ཞུ་རྒྱུའི་བོད་མིའི་རང་དབང་ལ་གུས་བརྩི་བྱེད་དགོས་པ་དང། བོད་རྒྱ་གཉིས་དབར་དཀའ་སེལ་ཐབས་སུ་རྒྱ་གཞུང་ནས་བོད་མིའི་སྐུ་ཚབ་སྲིད་སྐྱོང་སྤེན་པ་ཚེ་རིང་མཆོག་དང་ལྷན་གྲོས་མོལ་བྱེད་དགོས་པ་དང། དེ་བཞིན་དེ་སྔ་རྒྱལ་ཚོགས་ཀྱི་དམིགས་བསལ་ཁེ་ལས་སྡེ་ཁག་ ༥༠ ཡིས་ཆེད་བཏོན་གནང་བའི་བསམ་འཆར་གཞིར་བཞག་རྒྱ་ནག་གཙོས་བོད་དང་ཤར་ཏུ་ཀི་སི་ཐན། དེ་བཞིན་ཧོང་ཀོང་ནང་གི་འགྲོ་བ་མིའི་ཐོབ་ཐང་གི་གནད་དོན་་ཐོག་རྟོག་ཞིབ་ཆེད་རྒྱལ་ཚོགས་ནས་རང་དབང་ཅན་གྱི་དམིགས་བསལ་ཚོགས་ཆུང་ཆེད་འཛུགས་དགོས་པ་བཅས་རེ་འདུན་ཆེད་བཏོན་གནང་འདུག ཕྱོགས་མཚུངས་སུ་ཚོགས་འདུ་ཐོག་ཇི་ནི་ཝ་བོད་ཀྱི་སྐུ་ཚབ་དོན་ཁང་གི་རྒྱལ་ཚོགས་འབྲེལ་མཐུད་པ་སྐལ་ལྡན་མཚོ་མོ་ལགས་ནས་ Society for Threatened People གཞུང་འབྲེལ་མིན་པའི་ཚོགས་པའི་མིང་ཐོག་རྒྱལ་ཚོགས་ལ་རྒྱ་ནག་གཞུང་གིས་བོད་ནང་འཛིན་བཟུང་བྱེད་བཞིན་པའི་ད་ཡོད་སྤྱི་ཚོགས་སྒྲོམ་གཞི་དང་རྒྱ་རིགས་མི་འབོར་འཕེལ་རྒྱས་འཕོ་འགྱུར་ཁྲོད་བོད་མི་ཚོར་རང་མི་རིགས་ཀྱི་ལོ་རྒྱུས་དང་རིག་གཞུང་། སྐད་ཡིག་ཐོག་སློབ་གཉེར་བྱ་རྒྱུ་གོ་སྐབས་མེད་པ་བཟོ་བཞིན་པ་དང་། སྤྱི་ཚོགས་ཁྲོད་ཀྱི་ལས་རིགས་ཁག་གི་ནང་ལ་ས་གནས་བོད་མི་དང་མཐོ་སློབ་ཐོན་མཁན་བོད་རིགས་གཞོན་སྐྱེས་ཚོར་ལས་ཀའི་གོ་སྐབས་མེད་པ་སོགས། རྒྱ་གཞུང་གིས་མངོན་གསལ་མེད་པར་བོད་མིའི་ངོ་བོ་རྩ་མེད་གཏང་རྒྱུའི་སྲིད་བྱུས་ལ་བརྟེན་ནས་ད་བར་བོད་ནང་བོད་མི་ ༡༥༥ ནས་རྒྱ་གཞུང་ལ་ཞི་རྒོལ་གྱིས་རང་ལུས་མེར་བསྲེགས་གནང་བའི་གནས་ཚུལ་བྱུང་ཡོད་པ་རྒྱལ་ཚོགས་ལ་སྙན་སེང་ཞུས་འདུག ཁོང་གིས་བོད་ནང་གི་བོད་མི་ཚོའི་ཉིན་རེའི་འཚོ་བའི་ཁྲོད་ལ་རྒྱ་ནག་གཞུང་གིས་མི་རིགས་མཉམ་བསྲེས་ཀྱི་སྲིད་བྱུས་ལག་བསྟར་བྱེད་བཞིན་པ་དེས་བོད་མིའི་ངོ་བོ་རྩ་མེད་དུ་བཟོ་རྒྱུའི་ཉན་ཚབ་ཀྱི་གནད་དོན་དང་འབྲེལ་བ་ཡོད་སྟབས་རྒྱལ་ཚོགས་ཀྱི་ངོས་ནས་ཐུགས་སྣང་གནང་དགོས་པའི་རེ་འདུན་ཞུས་པ་དང་ཆབས་ཅིག ཐེངས་དེའི་གྲངས་ཉུང་མི་རིགས་ཀྱི་ཚོགས་འདུ་བརྒྱུད་བོད་ནང་བོད་མིའི་དཀའ་ངལ་སེལ་ཐབས་སུ་རྒྱ་གཞུང་ནས་བོད་ནང་བོད་མིའི་ཆོས་རིག་དང་ལེགས་བྱང་། སྐད་ཡིག དེ་བཞིན་ལོ་རྒྱུས་ཐོག་གུས་བརྩི་ཞུ་དགོས་པར་མ་ཟད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ལམ་སྟོན་མཛད་པའི་གཉིས་སྨན་དབུ་མའི་ལམ་གྱི་སྲིད་བྱུས་བརྒྱུད་བོད་མིའི་སྐུ་ཚབ་དང་ལྷན་དུ་དོན་སྙིང་ལྡན་པའི་འབྲེལ་མོལ་ཞུ་དགོས་པར་བསྐྱར་ནན་གནང་ཡོད།

ལོ་རྗེས་མའི་ཕྱི་ཟླ་ ༢ པའི་ནང་རྒྱ་ནག་ཏུ་འཚོགས་གཏན་འཁེལ་བའི་དགུན་དུས་ཨོ་རྩལ་འགོ་འཛུགས་བྱེད་རྒྱུར་ཟླ་བ་གཉིས་ལས་མེད་པའི་དུས་སྐབས་དང་བསྟུན། རྒྱ་གར་བྱང་ཕྱོགས་ལ་དྭགས་ཁུལ་དུ་ཆགས་པའི་རྒྱལ་སྤྱིའི་ཐོག་གི་རྐང་འཁོར་འགྲོ་སྐྱོད་ཐུབ་པའི་ས་ཚིག་མཐོ་ཤོས་Khardung La ཐོག་ལ་བོད་རིགས་ན་གཞོན་ཁག་ཅིག་གིས་རྐང་འཁོར་སྐོར་སྐྱོད་ཐོག་རྒྱ་ནག་ཏུ་འཚོགས་རྒྱུའི་དགུན་དུས་ཨོ་རྩལ་ལ་ངོ་རྒོལ་གྱི་ལས་འགུལ་སྤེལ་འདུག དེ་ཡང་ཉེ་ཆར་ཕྱི་ཚེས་༤ཉིན་ལ་དྭགས་ས་གནས་སུ་གནས་བཞུགས་གནང་མཁན་ཀརྨ་བསོད་ནམས་ལགས་ཀྱི་སྣེ་ཁྲིད་ཐོག་ས་གནས་ཀྱི་བོད་རིགས་གཞོན་སྐྱེས་ ༡༧ ནས་ལ་དྭགས་ཀྱི་ཁྲོམ་གཞུང་ནས་འགོ་འཛུགས་ཀྱིས་ Khardung La ་བར་ཁྱོན་སྤྱི་ལེ་ ༨༠ ལྷག་གི་རིང་ལ་རྐང་འཁོར་སྐོར་སྐྱོད་ཐོག་རྒྱ་ནག་ནང་འཚོགས་རྒྱུའི་དགུན་དུས་ཨོ་རྩལ་ལ་ངོ་རྒོལ་དང་། ས་གནས་ཡུལ་མི་གཙོས་པའི་ཕྱོགས་མཐའ་ཁག་ནས་ཕེབས་པའི་ཡུལ་སྐོར་སྤྲོ་འཆམ་པ་ཚོ་ལ་རྒྱ་ནག་གཞུང་གིས་བོད་ནང་གི་འགྲོ་བ་མིའི་ཐོབ་ཐང་རྩིས་མེད་རྡོག་རོལ་དང་། བོད་ཀྱི་ཁོར་ཡུག་ལ་གནོད་པའི་ལས་གཞི་སྣ་ཚོགས་སྤེལ་པའི་བྱ་སྤྱོད་ཁག་གི་ཐོག་ལ་གོ་རྟོག་ལས་འགུལ་སོགས་སྤེལ་འདུག འདི་ག་རླུང་འཕྲིན་ཁང་ནས་ལས་འགུལ་སྣེ་ཁྲིད་གནང་མཁན་ཀརྨ་བསོད་ནམས་ལགས་སུ་ཞལ་པར་བརྒྱུད་བཀའ་དྲི་ཁག་ཅིག་ཞུ་སྐབས། ད་རེས་ཀྱི་ལས་འགུལ་འདི་ནི་གཙོ་བོ་རྒྱ་ནག་ནང་འཚོགས་རྒྱུའི་དགུན་དུས་ཨོ་རྩལ་ལ་ངོ་རྒོལ་དང་། བོད་མིའི་རང་དབང་འཐབ་རྩོད་ལ་རྒྱབ་སྐྱོར་གནང་མཁན་ཨ་རིའི་སིལ་སྤོལ་རྩེད་འགྲན་པ་གྲགས་ཅན་སྐུ་ཞབས་ Enes Kanter Freedom ལགས་ལ་ཐུགས་རྗེ་ཆེ་ཞུ་མཚོན་བྱེད་དུ་ཡིན་ཞེས་གསུངས་བྱུང་། ལྷག་པར་དུ་ཁོང་རང་ཉིད་དེ་སྔ་ ༢༠༠༨ ལོར་རྒྱ་ནག་ཏུ་འཚོགས་པའི་ཨོ་རྩལ་སྐབས་སུ་ཡང་དེ་མཚུངས་ཀྱི་ལས་འགུལ་སྤེལ་བ་དྲན་གསོ་དང་སྦྲགས། ད་རེས་སླར་ཡང་རྒྱལ་སྤྱིའི་ཨོ་རྩལ་རྩེད་འགྲན་ཚོགས་ཆུང་གི་ངོས་ནས་རྒྱལ་སྤྱིའི་རྩེད་འགྲན་གལ་ཆེན་པོ་འདི་འདྲ་ཞིག་རྒྱ་ནག་ནང་འཚོགས་རྒྱུའི་གོ་སྐབས་སྤྲད་པར་ངོ་རྒོལ་ཡོད་ཅེས་གསུངས་བྱུང་། གཞི་རྩའི་ལ་དྭགས་ཁུལ་དུ་ད་རེས་ཙམ་མ་ཟད། ཟླ་ཤས་གོང་ལ་ས་གནས་ཀྱི་ཁྲོམ་གཞུང་དུ་མང་ཚོགས་རྣམས་ལ་བོད་ནང་གི་ད་ལྟའི་གནས་སྟངས་ངོ་སྤྲོད་དང་། གཏམ་བརྗོད་འཁྲབ་སྟོན་སོགས་བརྒྱུད་རྒྱ་ནག་ནང་འཚོགས་རྒྱུའི་དགུན་དུས་ཨོ་རྩལ་ཕྱིར་འཐེན་བྱེད་དགོས་པའི་ལས་འགུལ་སོགས་ཀྱང་སྤེལ་ཡོད་པ་དང་། ད་ཆ་བོད་གཙོས་པའི་རྒྱ་ནག་ཁྱོན་ཡོངས་ཀྱི་འགྲོ་བ་མིའི་ཐོབ་ཐང་གི་གནས་སྟངས་དང་འབྲེལ་བོད་མི་ཙམ་མ་ཟད། རྒྱལ་སྤྱིའི་སྲིད་གཞུང་མི་ཉུང་བ་ཞིག་ནས་ཀྱང་རྒྱ་ནག་གཞུང་ལ་ངོ་རྒོལ་མཚོན་ཆེད་དགུན་དུས་ཨོ་རྩལ་འགྲན་ཚོགས་འགོ་འཛུགས་ཀྱི་མཛད་སྒོའི་ཐོག་གཞུང་འབྲེལ་གྱི་མི་སྣ་ཆེད་གཏོང་མི་བྱེད་རྒྱུ་སོགས་ཀྱི་རྣམ་པ་སྟོན་བཞིན་པའི་གནས་སྟངས་ཆགས་ཡོད།

ཉན་པ།: Listen ཕབ་ལེན། Download བཙན་བྱོལ་བེུད་གསུམ་གྱིས་བཟོ་སྐྲུན་གནང་བའི་གློག་བརྙན་གཉིས་སྐོར་གླེང་མོལ། Sunday 05/12/2021 Women in Film: a conversation

ཉན་པ།: Listen ཕབ་ལེན། Download Decoding CCP ཞེས་རྒྱ་ནག་དམར་ཤོག་ཚོགས་པའི་བརྡ་དོན་གནད་འགྲེལ་གྱི་ལས་འཆར་སྐོར་གླེང་མོལ། Saturday 04/12/2021 Decoding Chinese Communist Party: a discussion on newly launched project by a Tibetan rights group

ཉན་པ།: Listen ཕབ་ལེན། Download ཨ་རི་དང་ཡུ་རོབ་གཉིས་ཀྱིས་བོད་དང་ཤིན་ཅང་ནང་གི་འགྲོ་མིའི་ཐོབ་ཐང་ལ་ཐུགས་འཚབ་ཆེ་བའི་གླེང་སློང་། ཨོ་མི་ཁོ་རོན་ཞེས་འབོད་པའི་ཏོག་དབྱིབས་ནད་དུག་གསར་པར་འཛེམས་ཟོན་གནང་དགོས། ནི་ཐར་ལན་ཌིའི་གྲོས་ཚོགས་སུ་རྒྱ་ནག་ལ་ཁ་གཏད་ཀྱི་གྲོས་འཆར་གཉིས་གཏན་འབེབས། གྷོ་བཱ་གཙུག་ལག་སློབ་གཉེར་ཁང་དུ་ནང་པའི་ལྟ་གྲུབ་དང་འབྲེལ་སེམས་ཁམས་བཅོས་ཐབས་ཀྱི་གཏམ་བཤད་གནང་རྒྱུ། མོན་གྷོ་གཞིས་མི་དོན་གྲུབ་ཚེ་རིང་ལགས་ཀྱི་དངོས་ཆས་སྐྱེལ་འདྲེན་ཞབས་ཞུ་ཁང་རྒྱུས་ལོན། Friday 03/12/2021 US, EU diplomats voice concern about situation in Tibet and Xinjiang Omicron: CTA task force issues warning on COVID variant Dutch parliament passes two motions backing Taiwan, Lithuania Course on dharma at GU under Dalai Lama chair

དེ་རིང་རྒྱ་གར་གྱི་རྒྱལ་ས་ལྡི་ལི་ནང་བོད་ཀྱི་འགྲོ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བརྡ་དོན་གནད་འགྲེལ་གྱི་དྲ་ཚིགས་ཤིག་དབུ་འབྱེད་གནང་ཡོད་པ་དང་གསར་དུ་དབུ་འབྱེད་བྱས་པའི་དྲ་ཚིགས་དེ་ནི་རྒྱ་ནག་དམར་ཤོག་ཚོགས་པས་རྒྱུན་དུ་ཆབ་སྲིད་དང་དཔལ་འབྱོར་སོགས་ཀྱི་ཁྱབ་བསྒྲགས་ནང་ཐ་སྙད་སྙན་པོ་དང་བབ་ཆགས་པོ་དེ་འདྲ་བེད་སྤྱོད་བྱེད་བཞིན་ཡོད་ཀྱང་། དོན་དངོས་སུ་ལག་ལེན་སྐབས་དེ་དག་གི་ཀུན་སློང་དང་རྒྱབ་ལྔོངས་ཀྱི་དམིགས་ཡུལ། ཤུགས་རྐྱེན་བཅས་ཕྱོགས་ལྷུང་གི་བསམ་བློའི་ཐོག་ནས་མི་མང་བསླུ་ཁྲིད་བྱ་རྒྱུའི་ཆབ་སྲིད་སྐམ་པོའི་དྲིལ་བསྒྲགས་ཤིག་ཡིན་པ་དེ་གསལ་འགྲེལ་གནང་རྒྱུ་ཞིག་རེད།དེ་རིང་སྔ་དྲོ་རྒྱལ་ས་ལྡི་ལིའི་ Press Club of India ནང་གསར་འགོད་ལྷན་ཚོགས་ཤིག་གོ་སྒྲིག་ཞུས་པ་བརྒྱུད་བཞུགས་སྒར་རྡ་རམ་ས་ལར་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་ decodingccp.org དྲ་ཚིགས་དེ་དབུ་འབྱེད་གནང་ཡོད་པར་མ་ཟད། སྐབས་དེར་ རྒྱ་གར་དང་རྒྱལ་སྤྱིའི་གསར་འགོད་པ་ཁག་ལ་འགན་འཛིན་ཚེ་རིང་མཚོ་མོ་ལགས་ཀྱིས་དྲ་ཚིགས་དེ་གསར་བཟོ་གནང་བའི་དགོས་དམིགས་དང་། གལ་གནད། དེ་བཞིན་བརྒྱུད་རིམ་བཅས་པ་ངོ་སྤྲོད་གནང་ཡོད།  བོད་ཀྱི་འགྲོ་མའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་ཀྱིས་དྲ་ཚིགས་དེ་བོད་མི་ཙམ་དུ་མ་ཟད་རྒྱལ་སྤྱིའི་ཁྱོན་དུ་ཡོད་པའི་རྒྱལ་ཁབ་སོ་སོའི་གཞུང་དང་གཞུང་འབྲེལ་མ་ཡིན་པའི་ཚོགས་པ།  ཚོང་འབྲེལ་མི་སྣ་སོགས་རྒྱ་ནག་དང་འབྲེལ་བ་ཡོད་པའི་གཞུང་སྒེར་ཚང་མར་ཕན་ཐོགས་ཡོད་པ་ལྟར་བོད་ཀྱི་འགྲོ་མིའི་ཐོབ་ཐང་གི་ངོས་ནས་འདས་པའི་ཉིན་གྲངས་འགའ་ཤས་ཪིང་རྒྱ་གར་གྱི་རྒྱལ་ས་ལྡི་ལིར་ཡོད་པའི་ཕྱི་རྒྱལ་གཞུང་ཚབ་ཁག་ཅིག་དང་།   འབྲེལ་ཡོད་རྒྱ་གར་གྱི་ལྷན་ཁང་ཁག།དེ་བཞིན་རྒྱ་ནག་ཐོག་ཉམས་ཞིབ་གནང་མཁན་གྱི་ཚོགས་པ་ཁག་ཅིག་དང་དངོས་སུ་མཇལ་འཕྲད་བརྒྱུད་དྲ་ཚིགས་སྐོར་ངོ་སྤྲོད་ཞུས་འདུགའགན་འཛིན་ཚེ་རིང་མཚོ་མོ་ལགས་ཀྱིས་བརྡ་དོན་གནད་འགྲེལ་གྱི་དྲ་ཚིགས་དེའི་ནང་ཐ་སྙད་བརྒྱ་ཕྲག་འགའ་ཤས་ཡོད་པར་འགྲེལ་བརྗོད་གནང་བར་མ་ཟད་ཐ་སྙད་དེ་ཚོ་རྒྱལ་སྤྱིའི་ཐོག་ནས་ངོས་འཛིན་བྱེད་སྟངས་དང་རྒྱ་ནག་གི་ངོས་འཛིན་བྱེད་སྟངས་བཅས་ལ་ཁྱད་པར་ཆེན་པོ་ཡོད་སྐོར་འགྲེལ་བརྗོད་གནང་གི་འདུགགསར་འགོད་ལྷན་ཚོགས་སྐབས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་བསྟན་འཛིན་ཟླ་བ་ལགས་ཀྱིས་གསར་དུ་དབུ་འབྱེད་བྱས་པའི་དྲ་ཚིགས་དེ་བེད་སྤྱོད་བྱེད་སྟངས་དང་གོ་རིམ་སྒྲིག་སྟངས་སོགས་ཀྱི་རྒྱབ་ལྗོངས་གནས་ཚུལ་ཁག་ངོ་སྤྲོད་གནང་བར་མ་ཟད། སྐབས་དེར་བོད་དོན་རྒྱབ་སྐྱོར་བ་གསར་འགོད་པ་གྲགས་ཅན་སྐུ་ཞབས་ Vijay Kranti མཆོག་ལ་དམིགས་བསལ་གདན་ཞུ་ཕུལ་ཡོད་པ་ལྟར་ཁོང་གིས་དྲ་ཚིགས་དེ་ནི་བཙན་བྱོལ་བོད་མིའི་ངོས་ནས་རྒྱལ་སྤྱི་དང་ལྷག་པར་དུ་རྒྱ་གར་གཞུང་མང་ལ་ལག་རྟགས་རྩ་ཆེན་པོ་ཞིག་དང་ཁོང་སྒེར་གྱི་ངོས་ནས་རྒྱ་གར་གཞུང་དང་ཐབས་བྱུས་ཀྱི་ཕྱག་ལས་གནང་མཁན་ཚོས་དྲ་རྒྱ་དེར་དམིགས་བསལ་དོ་སྣང་གནང་བའི་ཐུགས་རེ་ཡོད་སྐོར་ཡང་གསུངས་ཡོད།གཞི་རྩའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནི་བོད་ནང་གི་འགྲོ་བ་མིའི་ཐོབ་ཐང་ལ་བྱ་ར་དང་བཙན་བྱོལ་ནང་གི་མང་གཙོ་གོང་འཕེལ་གནང་མཁན་གྱི་གཞུང་འབྲེལ་མ་ཡིན་པའི་ཚོགས་པ་ཞིག་ཡིན་པ་དང་། བཞུགས་སྒར་རྡ་རམ་ས་ལར་རྟེན་གཞི་བྱས་པའི་ཚོགས་པའི་ངོས་ནས་མ་འོངས་པར་དྲ་རྒྱའི་ཐ་སྙད་རིམ་བཞིན་ད་དུང་གསར་འཇུག་གནང་རྒྱུ་མ་ཟད་ལག་ཐོག་ཁ་པར་སོགས་ཀྱི་ནང་སྟབས་བདེའི་མཉེན་ཆས་ཞིག་ཀྱང་བཟོ་རྒྱུའི་འཆར་གཞི་འདུག

ཁ་ཉིན་ཚེས་ ༣༠ ཉིན། ཡུ་རོབ་ཀྱི་ནི་ཐར་ལན་ཌིའི་གྲོས་ཚོགས་འོག་མའི་ནང་དུ་ཐེ་ཝན་དང་ལི་ཐོ་ནི་ཡར་རྒྱབ་སྐྱོར་གྱི་ཁྲིམས་འཆར་གཉིས་མང་མོས་ཀྱིས་གཏན་འབེབས་བྱས་ཏེ་རྒྱ་ནག་ནག་ལ་ཁ་གཏད་གཅོག་རྒྱུར་གྲོས་འཆམ་བྱུང་འདུག གསར་ལམ་ཁག་ཏུ་གནས་ཚུལ་ཐོན་པ་ལྟར་ན། ནི་ཐར་ལན་ཌིའི་གྲོས་ཚོགས་ཀྱི་ནང་དུ། གྲོས་ཚོགས་ཀྱི་འཐུས་མི་ Raymond de Roon ལགས་ཀྱིས་གྲོས་འགོ་བཏོན་པ་བརྒྱུད་ནས། ད་ལྟའི་ཆར་རྒྱ་ནག་དང་ཐེ་ཝན་གཉིས་ཀྱི་འབྲེལ་ལམ་དངངས་འཚབ་ཀྱི་ཁྲོད་གནས་བཞིན་པའི་སྐབས་འདིར། ནི་ཐར་ལན་ཌིའི་སྲིད་གཞུང་གིས་རྒྱ་ནག་གི་ཁ་གཏད་དུ་ལངས་ནས་ཐེ་ཝན་ལ་མངོན་སུམ་གྱིས་རྒྱབ་སྐྱོར་བྱེད་རྒྱུའི་གྲོས་ཆོད་ཅིག་རྒྱབ་སྐྱོར་བ་ ༡༢༠ དང་ཁ་གཏད་པ་ ༣༠ ཐོག་ནས་མང་མོས་ཀྱིས་གཏན་འབེབས་གནང་འདུགདེ་བཞིན་གྲོས་ཚོགས་ཀྱི་འཐུས་མི་སྐུ་ཞབས་ Ruben Brekelmans དང་ Agnes Mulderལགས་གཉིས་ཀྱིས་གྲོས་འགོ་བཏོན་པ་བརྒྱུད་ནས། ལི་ཐོ་ནི་ཡའི་རྒྱལ་ནང་དུ་ཐེ་ཝན་གྱི་གཞུང་ཚབ་ཁང་ཞིག་བཙུགས་རྗེས་རྒྱ་ནག་གིས་རྒྱལ་ཁབ་དེར་ཕྱོགས་ཡོངས་ནས་གནོན་ཤུགས་སྤྲོད་བཞིན་པའི་ཁྲོད། ནི་ཐར་ལན་ཌིའི་སྲིད་གཞུང་གི་ངོས་ནས་རྒྱལ་ཁབ་དེར་རྒྱབ་སྐྱོར་དང་རྒྱ་ནག་ལ་ངོ་རྒོལ་གྱི་རྣམ་འགྱུར་བསྟན་པའི་གྲོས་གཞི་ཞིག་གྲོས་ཚོགས་འཐུས་མི་ ༡༧༧ གྱིས་རྒྱབ་སྐྱོར་དང་འཐུས་མི་ ༣༣ གྱིས་དགག་གཞག་བྱས་ཏེ་ཚད་མཐོའི་མང་མོས་ཀྱི་ཐོག་ནས་གཏན་འབེབས་བྱས་འདུགསྤྱིར་ནེ་ཐར་ལན་ཌིའི་ཕྱི་སྲིད་བློན་ཆེན་སྐུ་ཞབས Ben Knapen ལགས་ཀྱིས་དེ་སྔོན་ནེ་ཐར་ལན་ཌིའི་ངོས་ནས་རྒྱ་ནག་དང་ཐེ་ཝན་གཉིས་ཀྱི་ཛ་དྲག་གི་འབྲེལ་ལམ་དེ་ཚད་དམའ་རུ་གཏོང་རྒྱུའི་རེ་འདུན་བཏོན་ཡོད་པ་མ་ཟད། ཁོང་གིས་ཐེངས་འདིར་གྲོས་ཚོགས་ནང་དུ་ཡུ་རོབ་རྒྱལ་མཐུན་ཚོགས་ཀྱིས་དེ་སྔོན་ལི་ཐོ་ནི་ཡར་རྒྱབ་སྐྱོར་གྱི་ལངས་ཕྱོགས་གསལ་བོར་བཟོས་ཟིན་པར་བརྟེན། ཐེངས་འདིའི་ནི་ཐར་ལན་ཌིའི གྲོས་ཆོད་དེ་ཡིས་ཡུ་རོབ་མཐུན་ཚོགས་ཀྱི་ལངས་ཕྱོགས་དེ་མངོན་གསལ་བཟོས་ཡོད་པར་བསྒྲགས་འདུགནི་ཐར་ལན་ཌིའི་གྲོས་ཚོགས་སུ་ཐེ་ཝན་ལ་རྒྱབ་སྐྱོར་གྱི་གྲོས་ཆོད་གཏན་འབེབས་བྱས་མ་ཐག   ཁུལ་དེར་རྟེན་གཞི་བྱས་པའི་ཐེ་ཝན་གྱི་ཆེས་མཐོ་གཞུང་ཚབ་པ་སྐུ་ཞབས Chen Hsin-hsin ལགས་ཀྱིས་ཐེ་ཝན་མི་མང་གི་ཚབ་བྱས་ཏེ་ནི་ཐར་ལན་ཌིའི་གྲོས་ཚོགས་ལ་ཐུགས་རྗེ་ཆེ་ཞུས་ཡོད་པ་མ་ཟད། གྲོས་ཚོགས་འཐུས་མི་རྣམས་ཀྱིས་ཐེངས་འདིར་ཐེ་ཝན་དང་འབྲེལ་བའི་གྲོས་ཆོད་གཉིས་གཏན་འབེབས་བྱས་པ་དེ་ཡིས་ནི་ཐར་ལན་ཌིའི་སྲིད་གཞུང་ལ་ཚད་མཐོ་བའི་རྒྱབ་སྐྱོར་ཡོད་པ་མཚོན་ཡོད་པར་མངོན་གསལ་གནང་བ་བརྒྱུད་ནས། གྲོས་ཆོད་དེ་ཡིས་ཡུ་རོབ་མཐུན་ཚོགས་ཀྱི་རྒྱལ་ཁབ་གཞན་དག་གིས་ཀྱང་ཐེ་ཝན་གྱི་བདེ་འཇགས་དང་ཞི་བདེ་ལ་རྒྱབ་སྐྱོར་བྱེད་རྒྱུར་སྐུལ་མ་ཐེབས་རྒྱུའི་རེ་སྐུལ་གནང་འདུགགཞི་རྩའི་བདུན་ཕྲག་གཅིག་གི་སྔོན་དུ། ནི་ཐར་ལན་ཌིའི་གྲོས་ཚོགས་སུ་ཐེ་ཝན་སྐུ་ཚབ་རྒྱལ་སྤྱིའི་ཉེན་རྟོག་སྒྲིག་འཛུགས་སུ་ཞུགས་རྒྱུར་རྒྱབ་སྐྱོར་ཀྱི་གྲོས་ཆོད་བཞག་ཡོད་པ་དང་ཁ་སང་སྔར་བཞིན་ལངས་ཕྱོགས་བརྟན་པོའི་ཐོག་ནས་རྒྱ་ནག་ལ་ཁ་གཏད་ཀྱི་གྲོས་ཆོད་གཉིས་བཞག་ཡོད་པ་མ་ཟད། རྒྱ་ནག་གིས་ཐེ་ཝན་ལ་མཚོ་འགག་ནས་འཇིགས་སྐུལ་རིམ་པ་བྱེད་བཞིན་པའི་དུས་སྐབས་འདིར། བདུན་ཕྲག་སྔོན་མའི་ནང་དུ་ཨ་རིའི་གྲོས་ཚོགས་ཀྱི་འཐུས་མི་ལྔ་དང་ཁོང་ཅག་གི་ལས་རོགས་ཁག་ཅིག་གི་གཙོ་བྱས་པའི་གཞུང་འབྲེལ་གྱི་མི་སྣ་བཅུ་བདུན་ཐེ་ཝན་དུ་གཟིགས་སྐོར་ལ་ཕེབས་ཏེ་ཐེ་ཝན་གྱི་སྲིད་འཛིན་ལྕམ Tsai Ing-wen ལགས་དང་བདེ་སྲུང་གི་བློན་ཆེན་ལྕམ Chiu Kuo-chengལགས་སུ་མཇལ་འཕྲད་གནང་སྟེ་རྒྱལ་ཁབ་ཕྱོགས་གཉིས་ཀྱི་ཁེ་ཕན་དང་མངོན་འདོད་ལ་གྲོས་བསྡུར་བྱས་ཡོད་པ་རེད།

ཉན་པ།: Listen ཕབ་ལེན། Download རྒྱ་ནག་གིས་བེད་སྤྱོད་བྱེད་བཞིན་པའི་མགོ་སྐོར་བསླུ་བྲིད་ཀྱི་བརྡ་དོན་གསལ་བཀྲོལ་གྱི་དྲ་ཚིགས་དབུ་འབྱེད། ཕྱི་ལོ་ ༢༠༢༥ བར་མི་སེར་བརྒྱ་ཆ ༨༥ ཡིས་རྒྱ་སྐད་གཙོ་བོ་བེད་སྤྱོད་གཏོང་རྒྱུར་བཟོ་འཆར། ཨོ་གླིང་གི་གྲོས་ཚོགས་གོང་མའི་ནང་ Magnitsky ལྟ་བུའི་ཁྲིམས་གཞི་གསར་པ་ཞིག་སྤྱི་མོས་ཐོག་གཏན་འབེབས། Peng Shuai གནད་དོན་དང་འབྲེལ་རྒྱལ་སྤྱིའི་ཊི་ནི་སི་བེུད་ལྷན་ཚོགས་ནས་རྒྱ་ནག་ནང་གི་རྩེད་འགྲན་ཡོངས་རྫོགས་ཕྱིར་འཐེན། ཐེ་བོད་བར་ཆབ་སྲིད་དང་མ་འབྲེལ་བའི་ཤེས་ཡོན་གྱི་འབྲེལ་ལམ་གོང་འཕེལ་གྱི་དུས་ལ་བབ་ཡོད། Thursday 02/12/2021 Decoding Chinese communist party: Tibetan rights group launches new project China says 85 per cent of citizens will use Mandarin by 2025 Australia Adopts Magnitsky Sanctions Rules, will target Chinese human rights violators WTA Suspends Tournaments in China Over Treatment of Peng Shuai Is there hope for Taiwan–Tibet relations?

རྒྱ་ནག་གིས་ཕྱི་ལོ་ ༢༠༢༥ བར་མི་སེར་བརྒྱ་ཆ་ ༨༥ ཡིས་རྒྱ་སྐད་གཙོ་བོ་བེད་སྤྱོད་བཏང་བ་དང་ལྷག་པར་སྲིད་བྱུས་དེ་དང་འབྲེལ་ཕྱི་ལོ་ ༢༠༣༥ བར་དུ་གྲོང་གསེབ་དང་གྲངས་ཉུང་མི་རིགས་ཁྲོད་རྒྱ་སྐད་དེ་དངོས་དོན་དུ་ཡོངས་ཁྱབ་ཀྱི་སྐད་ཡིག་ཞིག་ཏུ་བཟོ་འཆར་གྱི་དམིགས་འབེན་བཟུང་ཡོད་པའི་གནས་ཚུལ་ཐོན་འདུག ཁ་སང་བརྒྱུད་ལམ་ཁག་ཏུ་ཐོན་པའི་གནས་ཚུལ་ལ་གཞིགས་ན་རྒྱ་ནག་གཞུང་གིས་ཕྱི་ལོ་ ༢༠༢༥ བར་དུ་མི་སེར་བརྒྱ་ཆ་ ༨༥ ཡིས་རྒྱ་ནག་རྒྱལ་ཡོངས་སྤྱི་སྐད་སྤྱོད་ཐབས་སུ་རྒྱ་སྐད་གོང་མཐོར་གྱི་ལས་གཞི་ཤུགས་ཆེར་སྤེལ་རྒྱུ་རེད་འདུག རེས་གཟའ་མིག་དམར་ཉིན་དེ་འབྲེལ་བཀོད་ཁྱབ་བཏང་བར་རྒྱ་ནག་སྤྱི་ཡོངས་ཀྱི་བེད་སྤྱོད་གཏང་རྒྱུའི་སྐད་ཡིག་དེ་ད་ཆ་སྤྱོད་སྐབས་འདང་ངེས་མེད་པ་དང་ཆ་མི་སྙོམས་པའི་ཐོག་ནས་རྒྱག་བཞིན་སྟབས་དེ་ངེས་པར་དུ་དེང་རབས་ཀྱི་དཔལ་འབྱོར་གྱི་དགོས་འདུན་དང་བསྟུན་ནས་ཡར་རྒྱས་གཏོང་དགོས་ཞེས་འཁོད་འདུག སྲིད་བྱུས་དེས་རྒྱལ་ཡོངས་ཀྱི་བེད་སྤྱོད་བྱེད་བཞིན་པའི་སྐད་ཡིག་དེ་གཞུང་ཁག་ཏུ་གཞུང་འབྲེལ་སྐད་རང་གི་ངོ་བོའི་ཐོག་ནས་སྤྱོད་རྒྱུ་དང་སློབ་གྲྭ་ཁག་དང་གསར་ཁང་། པར་འགྲེམས། རླུང་འཕྲིན། གློག་བརྙན། གཟུགས་མཐོང་རླུང་འཕྲིན། སྡེ་ཚན་གཞན་སོགས་ཀྱི་ནང་རྒྱ་སྐད་དེ་གཞི་རྩའི་སྐད་ཐོག་སྤྱོད་མིན་ཐད་ལ་ལྟ་རྟོག་ནན་པོ་བྱེད་དགོས་པ་བཀོད་འདུག་པར་མ་ཟད། གཞུང་འབྲེལ་ལས་བྱེད་ཚོས་ཤེས་ཡོན་གྱིས་མཚོན་པའི་རྒྱལ་སྤྱིའི་ཚོགས་པ་ཁག་དང་རྒྱལ་སྤྱིའི་ཁྲོད་འདུ་འཛོམས་སོགས་ལ་རྒྱ་ནག་གི་ཤུགས་རྐྱེན་གོང་མཐོར་སྤེར་དགོས་པ་བཅས་ཆེད་བཀོད་བྱས་ཡོད། གཞི་རྩའི་རྒྱ་ནག་གིས་བོད་པའི་སློབ་གྲྭ་ཁག་ཏུ་སྐད་གཉིས་སློབ་གསོའི་སྲིད་བྱུས་ཞེས་པའི་མིང་བྱང་འོག་རྒྱ་སྐད་གཙོ་བོར་སྤྱོད་ཀྱི་ཡོད་པ་དང་ལྷག་པར་ཁ་ཉིན་རྒྱལ་སྤྱིའི་བོད་དོན་ལས་འགུལ་ཁང་གི་སྙན་ཐོ་ཞིག་འདོན་སྤེལ་བརྒྱུད་རྒྱ་གཞུང་གིས་གཞི་རིམ་འོག་མ་ནས་རྒྱ་ཡིག་ཐོག་སློབ་ཁྲིད་ཀྱི་སྲིད་བྱུས། དེ་བཞིན་བོད་པའི་སློབ་གྲྭ་ཁག་ཏུ་རྒྱ་ཡིག་ཐོག་སློབ་ཁྲིད་བྱེད་དགོས་པའི་སྲིད་བྱུས་ལག་བསྟར་ཁྲོད་ད་བར་བོད་རང་སྐྱོང་ལྗོངས་ཟེར་བ་གཙོ་གྱུར་བོད་ཀྱི་ས་ཁུལ་གཞན་ཁག་བཅས་བོད་ས་ཁྱོན་ཡོངས་ཀྱི་སློབ་གྲྭ་བརྒྱ་ཆ་ ༧༠ ཙམ་གྱི་ནང་དུ་རྒྱ་ཡིག་གཙོ་བཟུང་གིས་སློབ་ཁྲིད་བྱེད་མུས་ཡིན་པ་མངོན་གསལ་གནང་ཡོད། སྤྱིར་རྒྱ་ནག་གི་སྐད་གཉིས་སློབ་གསོའི་ཤེས་ཡོན་སྲིད་བྱུས་དེ་བོད་ཙམ་མིན་པར་ཤིན་ཅང་དང་ནང་སོག་ཏུའང་རིམ་བཞིན་ལག་བསྟར་བྱ་གཏན་ཁེལ་ཡོད་པ་དང་ལྷག་དོན་འདས་ལོར་རྒྱ་ནག་གཞུང་གིས་ནང་སོག་ནང་གི་ཤེས་ཡོན་སྲིད་བྱུས་ལ་འགྱུར་བ་བཏང་སྟེ་སློབ་གྲྭ་ཁག་གི་སློབ་ཚན་དང་སློབ་ཁྲིད་ཡོངས་རྫོགས་སོག་པོའི་སྐད་ཡིག་ཚབ་ཏུ་རྒྱ་སྐད་ཐོག་སློབ་ཁྲིད་བྱེད་དགོས་པའི་སྲིད་བྱུས་ལག་བསྟར་བྱས་ཡོད་སྟབས། སྲིད་བྱུས་དེར་ངོ་རྒོལ་གནང་མཁན་མང་ཚོགས་སྟོང་ཕྲག་ཁ་ཤས་འཛིན་བཟུང་བྱས་པར་མ་ཟད་ལས་འགུལ་བ་དགུས་རང་སྲོག་བཅད་ནས་རྒྱ་ནག་ལ་ངོ་རྒོལ་གནང་བའི་གནས་སྟངས་ཡང་བྱུང་ཡོད། འོན་ཀྱང་རྒྱ་ནག་དམར་ཤོག་ཚོགས་པས་ངོ་རྒོལ་གྱི་ལས་འགུལ་དེ་དག་ཁ་བྲལ་རིང་ལུགས་པར་ངོས་འཛིན་བྱེད་བཞིན་ཡོད་པ་དང་། རྒྱལ་ཁབ་ཀྱི་དཔལ་འབྱོར་དང་མཐུན་སྒྲིལ་ཆེད་སྐད་ཡིག་དེ་ངེས་པར་དུ་གཅིག་མཚུངས་སྤྱོད་དགོས་ཞེས་བཤད་ཡོད།