Monthly Archives: June, 2022

ཉན་པ།: Listen ཕབ་ལེན། Download རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆེན་ཐེངས་བརྒྱད་པ་དབུ་འཛུགས། སྤྱི་མང་ཐོབ་ཐང་གི་ཐེབས་རྩ་ཁང་གསར་འཛུགས་གནང་རྒྱུའི་གསལ་བསྒྲགས། བུ་ཆུང་བསོད་ནམས་ལགས་སུ་སྒྱུར་རྩོམ་ཐོག་ཨོས་ཊ་ན་རྩོམ་རིག་གཟེངས་རྟགས་ཐོབ་པ། བོད་པའི་དགེ་རྒན་ཞིག་ལ་སློབ་ཟུར་རྣམས་ཀྱིས་བཀའ་དྲིན་རྗེས་དྲན་ཞུས་པ། Xu Zhiyong ལ་རྒྱལ་ཁབ་ཀྱི་སྲིད་དབང་མགོ་རྟིང་སློག་པའི་ཉེས་མིང་འོག་ཁྲིམས་ཐག་བཅད་འདུག Thursday 23/06/2022 8th World Parliamentarians Convention on Tibet begins in Washington D.C Former NBA star Enes Kanter announces civil rights foundation Tibetan writer Bhuchung D. Sonam wins Ostana Prize A Tibetan teacher who started ‘TEACH’ education center felicitated in Kollegal Dissident Xu Zhiyong stands trial in state subversion

དེ་རིང་ཕྱི་ཟླ་ ༦ ཚེས་ ༢༢ ཉིན་ཨ་རིའི་རྒྱལ་ས་ Washington DC དུ་རྟེན་གཞི་བྱས་པའི་ཨ་རིའི་གྲོས་ཚོགས་ཀྱི་ཚོགས་ཁང་ཨང་ DSG ༡༡ ནང་རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་གྱི་ཚོགས་ཆེན་ཐེངས་  ༨ པ་དངོས་སུ་དབུ་འཛུགས་གནང་སོང་།ཚོགས་ཆེན་གྱི་དབུ་འབྱེད་མཛད་སྒོའི་ཐོག་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བརྙན་འཕྲིན་བརྒྱུད་འདི་ལྟ་བུའི་ཚོགས་ཆེན་ཐོག་ལ་ཆབ་སྲིད་ཁོ་ན་ཙམ་མིན་པར་འཛམས་གླིང་སྤྱིར་ཞབས་འདེགས་སྒྲུབ་ཐུབ་པའི་བོད་ཀྱི་ཐུན་མོང་མ་ཡིན་པའི་རིག་གཞུང་དང་གོམས་གཤིས་བཟང་པོ་རྣམས་ཉམས་པ་སོར་ཆུད་དང་མི་ཉམས་གོང་འཕེལ་ཡོང་རྒྱུར་ཐུགས་འཁུར་ཆེ་ཙམ་བཞེས་གནད་ཡིན་པ་བཀའ་སྩལ་སོང་།ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གི་བར་བརྒལ་འགན་འཛིན་བུ་ཆུང་ཚེ་རིང་ལགས་ཀྱིས་ཐེངས་འདིའི་ཚོགས་ཆེན་ཐོག་ཕེབས་པའི་རྒྱལ་སྤྱིའི་གྲོས་ཚོགས་འཐུས་མི་རྣམ་པའི་རྒྱབ་སྐྱོར་འདི་ནི་བོད་མིའི་རང་དབང་འཐབ་རྩོད་དང་བོད་མི་རྣམས་རང་དབང་ལྡན་པའི་ཐོག་ནས་ཕྱིར་སོ་སོའི་ལུང་པར་ཕེབས་ཐུབ་རྒྱུའི་མངོན་འདོད་ལ་རྒྱབ་སྐྱོར་ཡོད་པའི་དཔང་རྟགས་ཤིག་མཚོན་གྱི་ཡོད་པ་སོགས་གསུངས་ཏེ་མཛད་སྒོ་དངོས་སུ་དབུ་འཛུགས་གནང་ཡོད།མཛད་སྒོའི་ཐོག་མར་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་ཐེངས་འདིའི་ཚོགས་ཆེན་འདི་ནི་ཨ་རིའི་གྲོས་ཚོགས་འོག་མའི་ཚོགས་གཙོ་ལྕམ་སྐུ་ Nancy Pelosi མཆོག་དང་གྲོས་ཚོགས་འཐུན་མི་སྐུ་ཞབས་ Jim McGovern མཆོག་རྣམ་གཉིས་ཀྱིས་དབུས་པའི་ཨ་རིའི་གྲོས་ཚོགས་འཐུས་མི་མང་དག་ཅིག་གི་མཐུན་འགྱུར་རོགས་རམ་གནང་བའི་ཐོག་ནས་གོ་སྒྲིག་ཞུ་རྒྱུ་བྱུང་ཡོད་པ་སོགས་འགྲེལ་བརྗོད་དང་སྦྲགས། ད་ལྟའི་ཆར་བོད་ནང་གི་གནས་སྟངས་ནི་ཛ་དྲག་རང་བཞིན་ཅན་ཞིག་དང་། ལྷག་པར་དུ་རྒྱ་ནག་གཞུང་གིས་མུ་མཐུད་བོད་ནང་གི་གཞི་རྩའི་འགྲོ་བ་མིའི་ཐོབ་ཐང་ཁག་རྩིས་མེད་རྡོག་རོལ་གཏོང་བཞིན་ཡོད་པ་ཐེར་འདོན་གནང་སྟེ། རྒྱ་གཞུང་གི་བྱེད་བབ་དེ་དག་ལ་བོད་མིའི་ངོས་ནས་ངོས་བཞེས་རྩ་བ་ནས་གནང་གི་མེད་པ་ལྟར་རྒྱལ་སྤྱིའི་ངོས་ནས་ཀྱང་རྒྱ་གཞུང་གི་བྱེད་བབ་དེ་དག་ལ་ངོས་བཞེས་གནང་རྒྱུ་མེད་པ་གསུངས་ཡོད།ལྷག་དོན་བོད་མི་མང་སྤྱི་འཐུས་ཚོགས་གཙོ་མཆོག་གིས་བོད་འདི་ལོ་ངོ་སྟོང་ཕྲག་མང་པོའི་རིང་ལ་རང་བཙན་གཙང་མའི་རྒྱལ་ཁབ་ཅིག་ཡིན་པའི་ལོ་རྒྱུས་ལྡན་ཡོད་ཀྱང་། བོད་མིའི་ངོས་ནས་དབུ་མའི་ལམ་གྱི་སྲིད་བྱུས་དགོངས་དོན་འོག་བོད་རྒྱ་གཉིས་ཀྱི་དཀའ་རྙོག་ཞི་སྒྲིག་ཡོང་རྒྱུར་བཅོས་མིན་གྱི་འབད་བརྩོ་ཞུས་དང་ཞུ་བཞིན་ཡོད་པ་འགྲེལ་བརྗོད་དང་སྦྲགས་ཏེ། རྒྱ་གཞུང་གི་འགོ་ཁྲིད་ཚོས་ལོ་རྒྱུས་ཀྱི་འགན་ཁུར་དང་ཆབ་སྲིད་ཀྱི་རྣམ་སྤྱོད་ལྡན་པའི་ཐོག་ནས་༸གོང་ས་མཆོག་གི་སྐུ་ཚབ་དང་ལྷན་དུ་གྲོས་མོལ་བསྐྱར་གསོ་གནང་དགོས་ཞེས་གསུངས་ཡོད།ཚོགས་ཆེན་གྱི་དབུ་འབྱེད་མཛད་སྒོའི་ཐོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བརྙན་འཕྲིན་བརྒྱུད་གསུང་འཕྲིན་ཞིག་སྩལ་འདུག་པའི་ནང་ཐེངས་འདིའི་ཚོགས་བཅར་བ་ཡོངས་ལ་ཐུགས་རྗེ་ཆེ་ཞེས་བཀའ་སྩལ་བ་དང་འབྲེལ། བོད་ཀྱི་གནད་དོན་ནི་ཕྱོགས་གཅིག་ནས་བདེན་པའི་གནད་དོན་དང་། ཕྱོགས་གཞན་ཞིག་ནས་བོད་ཀྱི་སེམས་ཁམས་རིག་པའི་རྣམ་གཞག་དང་འབྲེལ་བའི་ཐུན་མོང་མ་ཡིན་པའི་རིག་གཞུང་དང་བཟང་པོའི་གོམས་གཤིས་ཡོད་པ་འདི་བོད་མི་ཙམ་མིན་པར་འཛམ་གླིང་སྤྱིར་ཕན་ཐོགས་ཡོད་པ་ཞིག་ཡིན་སྟབས་ད་ཆ་བོད་ཀྱི་རིག་གཞུང་དང་འབྲེལ་བའི་བྱམས་བརྩེ་དང་བཟང་པོའི་ཆ་དེ་དག་ལ་ཐུགས་སྣང་གསར་པ་ཞིག་སླེབས་ཡོད་ཅེས་བཀའ་སྩལ་ཡོད།ལྷག་པར་དུ་མགོན་པོ་༸གང་ཉིད་མཆོག་གིས་དེ་རིང་རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆེན་ཚོགས་སྐབས་རྣམ་པ་ཚོས་བོད་ཀྱི་ཆབ་སྲིད་དཀའ་ངལ་ཐོག་བཀའ་མོལ་གནང་རྒྱུ་དང་གཙོ་བོར་བོད་ཀྱི་ཐུན་མོང་མ་ཡིན་པའི་རིག་གཞུང་དང་གོམས་གཤིས་བཟང་པོ་རྣམས་ཉམས་པ་སོར་ཆུད་དང་མི་ཉམས་གོང་འཕེལ་ཡོང་རྒྱུར་ཐུགས་འཁུར་ཆེ་བཞེས་གནང་དགོས་པའི་ལམ་སྟོན་བཀའ་དྲིན་ཆེ་བ་སྩལ་ཡོད།གསུང་འཕྲིན་ནང་ད་དུང་མགོན་པོ་༸གང་ཉིད་མཆོག་གིས་བོད་ཀྱི་རིག་གཞུང་གི་གལ་གནད་དང་འབྲེལ་བའི་བཀའ་སྩལ་ཏེ་སེམས་པ་བཟང་པོ་བྱ་རྒྱུའི་རིག་གཞུང་འདི་དེང་དུས་ཀྱི་ཤེས་ཡོན་སྡེ་ཁག་ཏུ་ཆོས་དང་མ་འབྲེལ་བའི་ཡ་རབས་བཟང་སྤྱོད་བསླབ་རྒྱུར་ཤུགས་སྣོན་རྒྱག་ཐུབ་ཚེ་དགེ་མཚན་ལྡན་ངེས་ཡིན་པ་ལམ་སྟོན་མཛད་སོང་།དབུ་འབྱེད་མཛད་སྒོའི་སྐུ་མགྲོན་གཙོ་བོ་ཨ་རིའི་གྲོས་ཚོགས་འོག་མའི་ཚོགས་གཙོ་ལྕམ་ Nancy Pelosi མཆོག་གིས་རྒྱ་ནག་གཞུང་གིས་བོད་ནང་ལ་གཞི་རྩའི་འགྲོ་བ་མིའི་ཐོབ་ཐང་རྩིས་མེད་རྡོལ་རོལ་དང་བོད་ཀྱི་ངོ་བོ་རྩ་མེད་གཏོང་རྒྱུའི་སྲིད་བྱུས་ཁག་ལག་བསྟར་བྱེད་བཞིན་པ་དེ་དག་ནི་རྒྱལ་སྤྱིའི་འགྲོ་བ་མིའི་ཐོབ་ཐང་གི་གཞི་རྩའི་ལྟ་གྲུབ་དང་ཡོངས་སུ་འགལ་ཡོད་པ་སོགས་འགྲེལ་བརྗོད་གནང་བ་དང་སྦྲགས་ཏེ། རྒྱལ་སྤྱིའི་མང་ཚོགས་ཀྱི་ངོས་ནས་བོད་ནང་གི་འགྲོ་བ་མིའི་ཐོབ་ཐང་སྐོར་གླེང་སློང་གནང་རྒྱུར་འཛེམ་ཟོན་གནང་ནས་བཞུགས་ཚེ་རྣམ་ཀུན་ནས་འགྲོ་བ་མིའི་ཐོབ་ཐང་དང་འབྲེལ་བའི་གླེང་སློང་གནང་རྒྱུའི་འོས་བབ་མེད་ཅེས་གསུངས་ཡོད། དེ་བཞིན་ལྕམ་སྐུ་མཆོག་གིས་སྐུ་ཉིད་མཆོག་ཐོག་མར་བོད་ཀྱི་གནད་དོན་དང་འབྲེལ་བ་ཇི་ལྟར་བྱུང་ཚུལ་བརྒྱུད་རིམ་ཁག་ཅིག་དྲན་གསོ་དང་སྦྲགས་ད་བར་ཨ་རིའི་གྲོས་ཚོགས་ནས་བོད་དོན་དང་འབྲེལ་བའི་སྲིད་བྱུས་གཏན་འབེབ་གནང་བ་ཁག་གི་གལ་གནད་སོགས་ཀྱི་སྐོར་གསུངས་ཡོད།དབུ་འབྱེད་མཛད་སྒོ་ཐོག་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་ཨ་རིའི་གློག་བརྙན་འཁྲབ་སྟོན་པ་གྲགས་ཅན་སྐུ་ཞབས་ Richard Gere ལགས་དང་ཨ་རིའི་རྒྱལ་ཡོངས་མང་གཙོ་གོང་འཕེལ་བསྟི་གནས་ཁང་གི་འགན་འཛིན་སྐུ་ཞབས་ Damon Wilson ལགས་ཀྱིས་ཀྱང་རྒྱ་གཞུང་གི་བྱེད་བབ་ཁག་ལ་གདོང་ལེན་གནང་བར་རྒྱལ་སྤྱིའི་རྒྱལ་ཁབ་ཚང་མས་མཉམ་རུབ་ཀྱི་ནུས་པ་སྤུངས་གནད་ཆགས་ཡོད་པ་དང་། བཙན་བྱོལ་བོད་མིའི་མང་གཙོའི་ནུས་པ་གོང་འཕེལ་གཏོང་རྒྱུ་སོགས་ཀྱི་གལ་གནད་ཐོག་གསུང་བཤད་གནང་ཡོད།གཞི་རྩའི་དེ་རིང་ཨ་རིའི་རྒྱལ་ས་ Washington DC ཁུལ་དུ་དབུ་འཛུགས་གནང་བའི་རྒྱལ་སྤྱིའི་གྲོས་ཚོགས་འཐུས་མིའི་བོད་རྒྱབ་སྐྱོར་གྱི་ཚོགས་ཆེན་ཐེངས་བརྒྱད་པ་འདི་དེ་རིང་དང་སང་ཉིན་བཅས་ཉིན་གྲངས་གཉིས་རིང་ཚོགས་ཀྱི་ཡོད་པ་དང་། ཐེངས་འདིའི་ཚོགས་ཆེན་ཐོག་རྒྱལ་སྤྱིའི་རྒྱལ་ཁབ་ ༢༦ ནས་གྲོས་ཚོགས་འཐུས་མི་དང་མཁས་དབང་། དེ་བཞིན་ལས་འགུལ་བ་སོགས་ཁྱོན་ཚོགས་བཅར་བ་ ༡༠༠ ལྷག་མཉམ་ཞུགས་གནང་ཡོད་པ་དང་། སང་ཉིན་ཚོགས་དུས་ཉིན་གཉིས་པའི་སྔ་ཐོག་ཨ་རིའི་གྲོས་ཚོགས་ནང་བོད་ཀྱི་དཀའ་རྙོག་སེལ་ཐབས་དང་འབྲེལ་བའི་དམིགས་བསལ་ཉན་ཞིབ་ཀྱི་ལས་རིམ་ཞིག་འཚོགས་ཀྱི་ཡོད་པ་རེད།

ཨ་རིའི་སིལ་སྤོལ་རྩེད་འགྲན་པ་གྲགས་ཅན་སྐུ་ཞབས་ Enes Kanter Freedom ལགས་ཀྱིས་ཁོང་ནས་གང་མགྱོགས་རྒྱ་ནག་དང་ཊར་ཀི་ལྟ་བུའི་མང་ཚོགས་ཀྱི་ཐོབ་ཐང་རྩོད་ལེན་སླད་ཐེབས་རྩ་ཁང་ཞིག་གསར་འཛུགས་གནང་རྒྱུ་ཡིན་པའི་གསལ་བསྒྲགས་གནང་འདུག སྐུ་ཞབས་ Enes Kanter Freedom ལགས་ཀྱིས་འཕྲུལ་སྒྲ་དྲ་ལམ་ཐོག་སྤྱི་མང་ཐོབ་ཐང་གི་ཐེབས་རྩ་ཁང་དེ་རྒྱལ་སྤྱིའི་ཁྲོད་རང་དབང་དང་ཞི་འཇགས། དབུལ་ཕོངས་ཀྱི་ངལ་བ་སེལ་ཐབས། འགྲོ་བ་མིའི་ཐོབ་ཐང་དང་མང་གཙོ་གོང་མཐོར་བཅས་ལ་ཆེད་དམིགས་གནང་བ་ཞིག་ཡིན་པ་གསུངས་འདུག་པ་དང་། རེས་གཟའ་ཕུར་བུ་ཉིན་ Capitol Hill དུ་གསར་འགོད་གསལ་བསྒྲགས་སྤེལ་བ་བརྒྱུད་ཐེབས་རྩ་ཁང་དབུ་འབྱེད་གནང་རྒྱུ་རེད་འདུག ཁོང་གིས་ Washington Times གསར་ཁང་ལ་མི་མང་པོ་ཞིག་གིས་ང་ལ་སྤྱི་མཐུན་ཚོགས་པའི་ཕྱོགས་གཏོགས་ཡིན་ནམ་མང་གཙོ་ཚོགས་པའི་ཕྱོགས་གཏོགས་ཡིན་ནམ་ཞེས་བཅར་འདྲི་གནང་གི་འདུག་ཀྱང་། རང་ཉིད་ནི་དྲང་བདེན་ལ་རྒྱབ་སྐྱོར་བྱེད་མཁན་ཞིག་དང་ཕྱོགས་གཏོགས་གང་གི་ཁོངས་སུ་ཞུགས་འདོད་མེད། ལྷག་པར་དྲང་བདེན་གྱི་དོན་དུ་ཡོད་ཚོད་བློས་བཏང་དགོས་ཀྱང་དེ་ལྟར་གནང་རྒྱུ་ཡིན་ཞེས་གསུངས་འདུག གཞི་རྩའི་སྐུ་ཞབས་ Enes Kanter Freedom ལགས་ཀྱིས་རྒྱ་གཞུང་གིས་བོད་མི་དང་ཡུ་གུར་ཁ་ཆེ་མི་རིགས་ཚོའི་འགྲོ་བ་མིའི་ཐོབ་ཐང་རྡོག་རོལ་གཏོང་བའི་བྱ་སྤྱོད་ལ་ཡོངས་གྲགས་ཀྱིས་སྐྱོན་བརྗོད་རིམ་པ་གནང་རྐྱེན་རྒྱ་གཞུང་ནས་དེ་སྔ་ཁོང་གི་རུ་ཁག་ Boston Celtics གི་རྩེད་མོ་ཡོངས་རྒྱ་ནག་དང་ཧོང་ཀོང་ནང་རྒྱང་བསྲིང་བཀག་སྡོམ་བྱས་ཡོད་པ་རེད།སིལ་སྤོལ་རུ་ཁག་ Boston Celtics གིས་ཁོང་ Houston Rockets རུ་ཁག་ལ་ཚོང་འབྲེལ་བྱས་པ་དང་མཐར་སིལ་སྤོལ་རུ་ཁག་དེས་ཀྱང་ཉར་མེད་པའི་གནས་ཚུལ་བྱུང་ཡོད།    ཁོང་གིས་གལ་ཏེ་ངས་ཊར་ཀིའི་གནད་དོན་གཅིག་པུ་བཤད་པ་དང་རྒྱ་ནག་གི་སྐོར་ལ་གང་ཡང་མ་བཤད་ཚེ་ད་ལྟའི་ཆར་སིལ་སྤོལ་རྩེད་འགྲན་ནང་མུ་མཐུད་མཉམ་ཞུགས་བྱ་རྒྱུའི་གོ་སྐབས་ཡོད་ངེས་རེད་ཅེས་དང་། ལྷག་དོན་ཁོང་གིས་སིལ་སྤོལ་རྩེད་འགྲན་རུ་ཁག་གི་སྦྱིན་བདག་རྣམས་ནི་དངུལ་དང་ཚོང་ཁོ་ནར་དམིགས་པ་མ་གཏོགས་སྤྱི་ཚོགས་ཀྱི་གནད་དོན་ལ་དོ་ཁུར་དང་དོ་སྣང་གནང་གི་མེད་ཅེས་གསུངས་འདུག

བཞུགས་སྒར་དུ་གནས་བཞུགས་རྩོམ་པ་པོ་དང་སྙན་ངག་པ་བུ་ཆུང་ལྡུམ་ར་བསོད་ནམས་ལགས་སུ་ཁོང་གིས་རྩོམ་བྲིས་དང་སྒྱུར་རྩོམ་གྱི་ལས་དོན་བརྒྱུད་བོད་ཀྱི་སྐད་ཡིག་དང་རྩོམ་རིག་ཐད་ཞབས་འདེགས་རྒྱ་མི་ཆུང་བ་ཞུས་པར་ངོས་བཞེས་ཀྱིས་ Ostana Prize youth award ཞེས་པའི་རྩོམ་རིག་གཟེངས་རྟགས་གནང་འདུག བསོད་ནམས་ལགས་ཀྱིས་ཁོང་ལ་གཟེངས་རྟགས་དེ་ཐོབ་པར་དགའ་ཚོར་ཆེན་པོ་བྱུང་ཞེས་གསུངས་པ་དང་སྦྲགས། རྒྱ་ནག་གིས་རྩ་མེད་བཟོ་བཞིན་པའི་བོད་ཀྱི་སྐད་ཡིག་དང་རྩོམ་རིག་ལ་ངོས་འཛིན་ཞིག་ཐོབ་ཡོད་སྐོར་གསུངས་འདུག་པ་དང་། བཙན་བྱོལ་ལ་ཆ་མཚོན་ན་ནུབ་ཕྱོགས་སུ་མུ་མཐུད་དེ་གནས་སྤོ་གནང་བ་དེས་ང་ཚོའི་སྐད་ཡིག་སྲུང་སྐྱོབ་ཆེད་གདོང་ལེན་ཆེན་པོ་གནང་ཡུལ་ཞིག་ཆགས་ཡོད་སྐོར་ཁ་སང་བསྒྲགས་གཏམ་སྤེལ་བའི་ནང་གསུངས་འདུག Ostana Prize youth award ཞེས་པའི་རྩོམ་རིག་གཟེངས་རྟགས་དེ་ནི་ཨི་ཊ་ལི་ནང་གི་ཨོས་ཊ་ནའི་སྤྱི་ཁྱབ་ལྷན་ཁང་དང་། Chambra d'Oc རིག་གཞུང་མཐུན་ཚོགས་གཉིས་ཀྱི་གོ་སྒྲིག་འོག་རང་གི་སྐད་ཡིག་སྲུང་སྐྱོབ་དང་གོང་མཐོར་སླད་རྩོམ་བྲིས་གནང་མཁན་རྩོམ་པ་པོ་ཚོར་གནང་སྲོལ་ཡོད་པ་རེད། བུ་ཆུང་ལྡུམ་ར་བསོད་ནམས་ལགས་བོད་དུ་སྐྱེས་ཤིང་། ལོ་ན་ཆུང་དུས་ནས་བཙན་བྱོལ་དུ་འབྱོར་བ་ཞིག་ཆགས་ཀྱི་ཡོད་པ་རེད། ཁོང་དྷ་སྟེང་བོད་ཕྲུག་ཁྱིམ་སྡེ་ནང་སློབ་སྦྱོང་གནང་སྟེ་རིམ་པས་ཨ་རིའི་བྷོས་ཊོན་ནང་གི་ Emerson མཐོ་སློབ་ཏུ་གསར་འགོད་ལས་རིགས་ཐོག་གཙུག་ལག་རབ་འབྱམས་པའི་སློབ་མཐར་སོན། ཁོང་གིས་ Tibet Writes དཔར་སྐྲུན་ཁང་གསར་འཛུགས་གནང་ཡོད་པར་མ་ཟད་ཕྱི་ལོ་ ༢༠༢༢ ནང་བདེ་བ་ཅན་གྱི་གླུ་གཞས་དང་། ཕྱི་ལོ་ ༢༠༡༣ ལོར་གཡག་གི་རྭ་ཅོ་ Yak Horns གཙོས་སྤྱི་ཚོགས་ནང་ཤུགས་རྐྱེན་སྤྲོད་ཐུབ་པའི་སྒྱུར་རྩོམ་དང་བརྩམས་ཆོས་མི་ཉུང་བ་ཞིག་སྤེལ་མུས་ཡིན་པ་རེད། འབྲེལ་ཡོད་པར་བུ་ཆུང་ལྡུམ་ར་བསོད་ནམས་ཀྱི་ངོ་དེབ།

རྒྱ་གར་ལྷོ་ཕྱོགས་ཀོ་ལེ་གྷལ་དོན་ལྡན་གླིང་བོད་མིའི་གཞིས་ཆགས་ནས་འཚར་ལོངས་བྱུང་བའི་གཞིས་མི་ཟླ་བ་དོན་འགྲུབ་ལགས་ཀྱིས་འདས་པའི་མི་ལོ་ ༣༢ རིང་ TEACH ཞེས་པའི་ཟུར་ཁྲིད་བསྟི་གནས་ཁང་ཆེད་འཛུགས་ཀྱིས་གཞིས་སློབ་མང་དག་ཅིག་ལ་སློབ་ཁྲིད་ཀྱི་ཐབས་ལམ་དེའི་བརྒྱུད་ཕན་ཐོགས་ཆེན་པོ་བྱུང་ཡོད་པ་ལྟར། ཁ་སང་སློབ་ཟུར་རྣམ་པས་དམིགས་བསལ་མཛད་སྒོ་ཞིག་གོ་སྒྲིག་ཞུས་ཏེ་ཁོང་ལ་བཀའ་དྲིན་རྗེས་དྲན་ཞུས་སོང་།ཟླ་བ་དོན་འགྲུབ་ལགས་ནི། ཕྱི་ལོ་ ༡༩༨༢ ལོར་མཐོ་སློབ་ཐོན་མ་ཐག་གཞིས་ཆགས་ཀྱི་གནས་སྟངས་སྐྱོ་པོ་ཡོད་པ་དེ་དག་གཟིགས་ནས་གཞིས་གྲོང་ཆ་ཚང་ལ་སྐོར་སྐྱོད་ཀྱིས་གནས་སྟངས་རྒྱུས་ལོན་གནང་སྟེ་གཞིས་གྲོང་ནང་གི་སློབ་ཕྲུག་ཉམ་ཐག་ཤེས་ཡོན་གྱི་གོ་སྐབས་ཡག་པོ་མ་རག་པའི་སློབ་ཕྲུག་བརྒྱད་ལ་གཟིགས་རྟོག་གནང་ཡོད། དེ་ནས་རིམ་པས་ཟུར་སྦྱོང་སློབ་ཁྲིད་བསྟི་གནས་ཁང་རྒྱ་བསྐྱེད་གནང་ནས་སློབ་ཕྲུག་ ༨༥ ཙམ་གསོ་སྐྱོང་གནང་སྟེ་སློབ་ཕྲུག་རྣམས་ལ་སྔ་དྲོའི་ཚོུད་ ༥ ནས་ ༦ བར་སློབ་ཁྲིད་གནང་གི་ཡོད་པར་མ་ཟད། སློབ་ཕྲུག་ཚོར་ཕ་མ་ལྟ་བུས་བསླབ་བྱ་གནང་བར་བརྟེན་དེང་སང་ཁོང་གི་སློབ་མ་རྣམས་ས་གནས་གང་སར་ལས་རིགས་འདྲ་མིན་གཉེར་བཞིན་ཡོད་པ་རེད།ཁོང་གིས་རང་རེའི་སྤྱི་ཚོགས་ནང་སྐབས་འགར་ཁ་ཡོད་ལག་ཡོད་གཞན་ལ་ཕན་པའི་ཕྱག་ལས་གནང་སྐབས་གང་ཟག་ལ་ལས་དེར་མི་དགའ་བའི་དཀྲོག་གཏམ་བཟོ་ཡི་ཡོད་པ་ལྟར་ཁོང་རང་ཉིད་ལའང་དེ་ལྟར་ངལ་བ་འཕྲད་མྱོང་ཡོད་ཀྱང་། རང་གི་ངོས་ནས་ལས་ཀ་གང་གཉེར་བ་དེ་དག་ལྷག་བསམ་རྣམ་དག་གི་ཐོག་ནས་བྱས་ཡོད་སྟབས་གཞན་གྱིས་གང་བཤད་ཀྱང་དེར་སེམས་ཞུམ་རྒྱུ་མེད་པའི་ལམ་སྟོན་གནང་སོང་།སློབ་ཟུར་བསྟན་འཛིན་རྒྱལ་པོ་ལགས་ཀྱིས་རྒན་ཟླ་བ་ལགས་ལ་བཀའ་དྲིན་རྗེས་དྲན་མཚོན་པའི་མཛད་སྒོ་ཞིག་ཚོགས་ཡོད་ཀྱང་རྒན་ལགས་ཀྱིས་མི་ལོ་སུམ་ཅུ་ལྷག་གི་རིང་སྐུ་ངལ་འཛེམས་མེད་ཀྱིས་ཕྱག་ལས་གནང་ཁག་ལ་ཉིན་གཅིག་ནང་དྲིན་གསོ་ཐབས་མེད་སྐོར་འགྲེལ་བརྗོད་དང་འབྲེལ། ཁོང་གིས་ལམ་སྟོན་ལྟར་སྤྱི་ཚོགས་ལ་ཕན་པའི་ལས་ཀ་མང་ཙམ་བྱ་ཐུབ་རྒྱུར་འབད་བཙོན་བྱེད་བཞིན་ཡོད་ཅེས་གསུངས་སོང་།མཛད་སྒོའི་སྐུ་མགྲོན་གཙོ་བོར་ཀོ་ལེ་གྷལ་དོན་ལྡན་གླིང་བོད་མིའི་གཞིས་ཆགས་ཀྱི་ས་གནས་འགོ་འཛིན་དགེ་ལེགས་འབྱུང་གནས་ལགས་ཕེབས་ཏེ་རྒན་ཟླ་བ་ལགས་སུ་སྐུ་ཐང་ཞིག་འབུལ་བཞེས་གནང་ཡོད། རྒན་ཟླ་བ་དོན་འགྲུབ་ལགས་ཀྱིས་གཞིས་ཆགས་ནང་སྤྱི་པའི་ལས་དོན་མང་པོར་འགན་བཞེས་ཏེ་ཕྱག་ལས་མང་དག་ཅིག་གནང་མྱོང་འདུག

ཉན་པ།: Listen ཕབ་ལེན། Download བོད་མིའི་རྩོམ་པ་པོ་དང་ཤེས་ཡོན་ཅན་རྣམས་ཆ་རྐྱེན་གང་ཡང་མེད་པར་འཕྲལ་མར་གློད་བཀྲོལ་དགོས། བོད་མིའི་སྒྲིག་འཛུགས་ཀྱི་མཛད་གཙོས་ལྕམ་སྐུ་ Uzra Zeya མཆོག་དང་ Diane Fienstin མཆོག་མཇལ་མོལ། ཁེ་ན་ཌའི་གྲོས་ཚོགས་འཐུས་མི་ཁག་གཅིག་ལ་བོད་དོན་ཞུ་གཏུག ཨ་རི་གཞུང་གིས་ཤིན་ཅང་ནས་ཐོན་པའི་དངོས་ཟོག་བཀག་སྡོམ་གྱི་ཁྲིམས་གཞི་ཕྱག་བལྟར་དབུ་འཛུགས། གཉན་རིམས་སྔོན་འགོག་མུ་མཐུད་བསྟེན་དགོས་པའི་དྲན་སྐུལ། ༸རྒྱལ་ཡུམ་ཆེན་མོའི་རྩེད་འགྲན་མཐའ་མའི་རིམ་པ་གཉིས་པར་དྷ་ས་དང་དོན་གྲུབ་གླིང་རུ་ཁག་ཚུད་པ། བཀའ་སློབ་ལས་རིམ། ༸གོང་ས་མཆོག་གིས་ལྷ་བབ་གནས་སུ་བྱམས་བརྩེའི་སྐོར་བསྩལ་བའི་བཀའ་སློབ། Wednesday 22/06/2022 Imprisoned Tibetan scholars should be released unconditionally and immediately: CTA Sikyong led Tibet delegation meet Uzra Zeya and Diane Fienstin Peace walk for Tibet activists meet Canada’s Parliamentarians US ban on imports from forced Uyghur labour comes into force Covid-19 reminder: Tibetans urged not to lower guard and follow protocols Dharamshala United and Dhondupling FC through to Semis FEATURE: Dalai Lama speech on Compassion in Sankisa

ཉེ་ལམ་གཞིས་བཞུགས་རྩོམ་པ་པོ་གྲགས་ཅན་དང་རིག་གནས་འཆད་ཁྲིད་ཀྱི་དགེ་རྒན་རོང་བོ་དགེ་འདུན་ལྷུན་འགྲུབ་ལགས་དང་ན་གཞོན་ཤེས་ཡོན་པ་ས་བུ་ཆེའམ་ཐུབ་བསྟན་བློ་གྲོས་ལགས་གཉིས་སུ་ལོ་བཞི་དང་བཞི་དང་ཕྱེད་ཀའི་བཙོན་འཇུག་ཁྲིམས་ཐག་བཅད་པའི་གནས་ཚུལ་ཐོན་པ་དང་འབྲེལ་ནས་བོད་མིའི་སྒྲིག་འཛུགས་ཀྱིས་རྒྱ་གཞུང་གིས་རིག་གཞུང་བཙན་བསྒྱུར་གྱི་སྲིད་བྱུས་ལག་བསྟར་མཚམས་འཇོག་དང་བོད་མིའི་རྩོམ་པ་པོ་དང་ཤེས་ཡོན་ཅན་རྣམས་ཆ་རྐྱེན་གང་ཡང་མེད་པར་འཕྲལ་མ་ཉིད་དུ་གློད་བཀྲོལ་དགོས་ཞེས་གསུངས་འདུག བོད་མིའི་སྒྲིག་འཛུགས་ཕྱི་དྲིལ་འགྲོ་བ་མིའི་ཐོབ་ཐང་ཚན་པས་རྒྱ་ནག་གཞུང་ནས་གཞིས་བཞུགས་བོད་མི་རྣམས་ཀྱིས་གཞི་རྩའི་འགྲོ་བ་མིའི་ཐོབ་ཐང་ལོངས་སུ་སྤྱད་པའི་ཐོག་རང་གི་ངོ་བོ་དང་སྐད་ཡིག རིག་གཞུང་སྲུང་སྐྱོབ་གནང་བར་རྒྱལ་ཁབ་ཁ་བྲལ་གྱི་ཉེས་འཛུགས་བྱས་ཏེ་འཛིན་བཟུང་གིས་ཁྲིམས་ཐག་བཅད་པར་མ་ཟད་གཞིས་བཞུགས་རྩོམ་པ་པོ་དང་ཤེས་ཡོན་ཅན་རྣམས་ལ་ཆེད་དུ་དམིགས་ཏེ་ཟླ་བ་མང་པོའི་རིང་བཀག་བསྐྱིལ་ཁང་དུ་ཁྲིམས་ཆད་ལྕི་མོ་གཏོང་གི་ཡོད་པ་གསུངས་འདུག ལྷག་པར་དུ་གཞིས་ལུས་རྒྱ་ཆེ་མང་ཚོགས་ཁྲོད་ནས་རྩོམ་པ་པོ་རྣམས་རྒྱ་གཞུང་ཉེན་རྟོག་པས་ལྟ་སྲུང་དང་དྲ་རྒྱའི་དམ་དྲག་འོག་ལྷུང་བའི་གནས་སུ་གྱུར་ཡོད་པ་དང་། ཁོང་རྣམ་པའི་བྲིས་པའི་རྩོམ་རིག་གི་ནང་དོན་དེ་དག་ཁྲིམས་འགལ་དང་རྒྱལ་ཁབ་བདེ་འཇག་ལ་གནོད་གཞི་བཟོས་འདུག་ཟེར་ནས་ཉེས་འཛུགས་བྱས་ཀྱང་། འཛིན་བཟུང་བྱས་པའི་རྩོམ་པ་པོ་ཕལ་མོ་ཆེའི་རྩོམ་ཡིག་ནང་རྒྱལ་ཁབ་ཁ་བྲལ་དང་རྒྱལ་ཁབ་བདེ་འཇགས་ལ་གནོད་པའི་ནང་དོན་གང་ཡང་མེད་སྐོར་གསུངས་འདུག རྒྱ་ནག་གཞུང་གིས་ཉེ་བའི་ཆར་ནས་བོད་མིའི་རྩོམ་པ་པོ་དང་ཤེས་ཡོན་ཅན་འཛིན་བཟུང་བཙན་ཁྲིད་ཀྱིས་ཁྲིམས་ཆད་ལྕི་མོ་བཏང་བ་དེས་རྒྱ་ནག་གིས་འཆར་གཞི་ལྡན་པའི་ཐོག་ནས་བོད་མི་ཤེས་ཡོན་ཅན་རྣམས་ཀྱི་བོད་ཀྱི་སྐད་ཡིག་རྒྱུན་འཛིན་དང་ཞུ་གཏུག་ལས་གཞིར་གཉའ་གནོན་དང་ཁོང་རྣམ་པའི་ཞལ་བཀག་ཐབས་བྱེད་ཀྱི་ཡོད་སྟབས། རྒྱ་གཞུང་ནས་རིག་གཞུང་བཙན་བསྒྱུར་གྱི་སྲིད་བྱུས་དེ་ངེས་པར་དུ་མཚམས་འཇོག་དང་བོད་མིའི་རྩོམ་པ་པོ་དང་ཤེས་ཡོན་ཅན་རྣམས་ཆ་རྐྱེན་གང་ཡང་མེད་པར་འཕྲལ་མར་གློད་བཀྲོལ་དགོས་ཞེས་གསུངས་འདུག གཞི་རྩའི་ཉེ་ལམ་དེ་སྔ་ཕྱི་ལོ་ ༢༠༢༠ ཟླ་མཇུག་ཙམ་ནས་འཛིན་བཟུང་བྱས་པའི་རྩོམ་པ་པོ་གྲགས་ཅན་དང་རིག་གནས་འཆད་ཁྲིད་ཀྱི་དགེ་རྒན་རོང་བོ་དགེ་འདུན་ལྷུན་འགྲུབ་ལགས་སུ་འདས་ལོ་ཕྱི་ལོ་ ༢༠༢༡ ཟླ་ ༡༢ ཚེས་ ༡ ཉིན་ཟི་ལིང་འབྲིང་རིམ་མི་དམངས་ཁྲིམས་ཁང་ཟེར་བས་རྒྱལ་ཁབ་ཁ་བྲལ་ལ་ངན་བསྐུལ་ཞེས་པའི་ཉེས་མིང་འོག་ལོ་བཞིའི་བཙོན་འཇུག་དང་ལོ་གཉིས་ཀྱི་ཆབ་སྲིད་ཀྱི་ཐོབ་ཐང་འཕྲོག་པའི་ཁྲིམས་ཆད་བཏང་ཡོད་པ་དང་། དེ་བཞིན་བོད་ཁམས་ཕྱོགས་རྫ་ཆུ་ཁ་འབུམ་རྙིང་སྡེ་པ་ནས་ཡིན་པའི་ན་གཞོན་ཤེས་ཡོན་ཅན་ས་བུ་ཆེའམ་དངོས་མིང་ལ་ཐུབ་བསྟན་བློ་གྲོས་ཞེས་པ་ན་ནིང་ཕྱི་ལོ་ ༢༠༢༡ ལོའི་ཟླ་ ༡༠ ཟླ་དཀྱིལ་ཙམ་ལ་རྒྱ་གཞུང་གིས་གློ་བུར་དུ་འཛིན་བཟུང་བཙན་ཁྲིད་བྱས་ཏེ་ད་བར་ཡུན་རིང་གར་སོང་ཆ་མེད་ཀྱི་གནས་བབ་འོག་ལྷག་རྗེས་ཉེ་ལམ་ཕྱི་ཟླ་ ༦ ཚེས་ ༡༤ ཡས་མས་ཤིག་ལ་ལོ་བཞི་དང་ཕྱེད་ཀའི་བཙོན་འཇུག་ཁྲིམས་ཐག་བཅད་ཡོད་པའི་གནས་ཚུལ་ཐོན་ཡོད་པ་རེད། འབྲེལ་ཡོད་པར་སྒྲིག་བཟོ་བ་བོད་མིའི་སྒྲིག་འཛུགས།

ཨ་རིའི་རྒྱལ་ས་ Washington DC ནང་དེ་རིང་ནས་རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆེན་ཐེངས་  ༨ པ་དབུ་འཛུགས་གནང་གི་ཡོད་པ་ལྟར་ཁུལ་དེའི་ནང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྦྲེལ་པོ་དང་སྲིད་སྐྱོང་སྤེན་པ་ཚེ་རིང་མཆོག་གིས་དབུས་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་ལྷན་འཛོམས་གནང་བ་དང་བསྟུན། ཁ་སང་ཚེས་ ༢༡ སྔ་དྲོ་ཆུ་ཚོད་ ༡༠་༣༠ ཐོག་ཁོང་རྣམ་པས་ཨ་རིའི་ཕྱི་སྲིད་ལས་ཁུངས་ནང་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Uzra Zeya མཆོག་དང་མཇལ་མོལ་གནང་བ་དང་། ཕྱི་དྲོར་བོད་དོན་ལ་ཡུན་རིང་ནས་རྒྱབ་སྐྱོར་གནང་མཁན་ཨ་རིའི་གྲོས་ཚོགས་གོང་མའི་འཐུས་མི་ལྕམ་སྐུ་ Diane Fienstin མཆོག་དང་ལྷན་མཇལ་མོལ་གནང་འདུགབོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་གསལ་ལྟར་ན། ལྕམ་སྐུ་ Zeya མཆོག་གིས་ཇི་ལྟར་མགྲོན་འབོད་གནང་བ་བཞིན་ཁ་སང་སྲིད་སྐྱོང་སྤེན་པ་ཚེ་རིང་མཆོག་གིས་དབུ་ཁྲིད་པའི་འོག་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་ཚོགས་གཞོན་སྒྲོལ་མ་ཚེ་རིང་མཆོག ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག བྱང་ཨ་རི་སྐུ་ཚབ་དོན་གཅོད་རྣམ་རྒྱལ་མཆོག་གྲུབ་ལགས་བཅས་ལྕམ་སྐུ་མཆོག་གི་ལས་ཁུངས་སུ་ཆེད་ཕེབས་ཀྱིས་མཇལ་མོལ་གནང་འདུགཚོགས་གཞོན་སྒྲོལ་མ་ཚེ་རིང་མཆོག་གིས་བོད་ཀྱི་དྲྭ་བརྙན་ཚན་པར་འགྲེལ་བརྗོད་གནང་བར་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པས་སྐབས་དེར་གཙོ་བོ་དམིགས་བསལ་འབྲེལ་མཐུད་པ་མཆོག་ལ་དབུ་མའི་ལམ་གྱི་སྒྲོམ་གཞིའི་འོག་བོད་ཀྱི་གནད་དོན་སེལ་ཆེད་བོད་རྒྱ་ཕྱོགས་གཉིས་དབར་གྱི་འབྲེལ་མོལ་བསྐྱར་གསོ་ཡོང་ཐབས་ཐད་ཞུ་འབོད་གནང་ཡོད་པ་དང་། སྤྱིར་ཨ་རི་གཞུང་གི་ངོས་ནས་བོད་རྒྱ་འབྲེལ་མོལ་བསྐྱར་གསོ་ཐད་ད་བར་རྒྱབ་སྐྱོར་ཆ་ཚང་གནང་ཡོད་ཀྱང་། ད་ལྟའི་ཆར་གདོང་ལེན་གནང་དགོས་པ་ནི་ཨ་རིའི་མཐུན་ཕྱོགས་རྒྱལ་ཁབ་ཚོར་ཇི་ལྟར་འབྲེལ་གཏུག་བརྒྱུད་བོད་ཀྱི་གནད་དོན་ལ་འཛིན་སྐྱོང་རིམ་པའི་ཐོག་ནས་རྒྱབ་སྐྱོར་འཚོལ་སྒྲུབ་བྱ་རྒྱུ་དེ་ཡིན་པ་གསུངས་འདུགབོད་མིའི་སྒྲིག་འཛུགས་ཀྱི་མཛད་གཙོ་རྣམ་པས་དེ་རྗེས་ཕྱི་དྲོར་འདི་ལོའི་ཕྱི་ཟླ་དང་པོའི་ནང་དགོངས་པ་རྫོགས་པའི་བོད་ཀྱི་གྲོགས་པོ་རྙིང་གྲས་དང་བོད་དོན་རྒྱབ་སྐྱོར་བ་སྐུ་ཞབས་ Richard Blum མཆོག་གི་སྐུ་ཟླ་དང་ཨ་རིའི་གྲོས་ཚོགས་གོང་མའི་འཐུས་མི་ལྕམ་སྐུ་ Diane Fienstin མཆོག་དང་ལྷན་མཇལ་མོལ་གྱིས་བོད་དོན་གླེང་མོལ་དང་འབྲེལ་ཁོང་ལ་བཀྲིན་རྗེས་དྲན་མཚོན་ཕྱིར་སྤྱན་རས་གཟིགས་ཕྱག་བཞི་མའི་ཞལ་ཐང་ཞིག་ཕུལ་འདུགགཞི་རྩའི་ཨ་རིའི་རྒྱལ་ས་ Washington DC ནང་དེ་རིང་ནས་རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆེན་ཐེངས་  ༨ པ་དབུ་འཛུགས་གནང་གི་ཡོད་པ་དང་། ཐེངས་འདིའི་ཚོགས་ཆེན་ཐོག་རྒྱལ་སྤྱིའི་རྒྱལ་ཁབ་ ༢༦ ནས་གྲོས་ཚོགས་འཐུས་མི་དང་མཁས་དབང་། དེ་བཞིན་ལས་འགུལ་བ་སོགས་ཁྱོན་ཚོགས་བཅར་བ་ ༡༠༠ ལྷག་དངོས་སུ་མཉམ་ཞུགས་གནང་སྟེ་བོད་ཀྱི་གནད་དོན་ཐད་ལ་བཀའ་བསྡུར་སྦྱང་བཤད་དང་བགྲོ་གླེང་སོགས་གནང་རྒྱུ་ཡིན་པ་རེད། འབྲེལ་ཡོད་པར་ཁག་བོད་མིའི་སྒྲིག་འཛུགས།

ཨ་རིའི་སྲིད་འཛིན་སྐུ་ཞབས་ Biden མཆོག་གིས་སྔ་ལོའི་ཕྱི་ཟླ་ ༡༢ ཚེས་ ༢༣ ཉིན་ཤིན་ཅང་ནང་བཙན་དབང་གིས་ངལ་རྩོལ་ལས་རིགས་མཚམས་འཇོག་བྱ་རྒྱུར་དམིགས་པའི་ Uyghur Forced Labor Prevention Act ཞེས་ཤིན་ཅང་ནས་ཐོན་པའི་དངོས་ཟོག་བཀག་སྡོམ་གྱི་ཁྲིམས་འཆར་ལ་མཚན་རྟགས་བཀོད་དེ་ཁྲིམས་སུ་བཅས་པ་ལྟར་ཨ་རིའི་གཞུང་གིས་ཁ་སང་ཚེས་ ༢༡ ནས་བཟུང་སྟེ་ཁྲིམས་གཞི་དེ་དངོས་སུ་ཕྱག་བསྟར་གནང་རྒྱུ་དབུ་འཛུགས་གནང་འདུགཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony J. Blinken མཆོག་གིས་ཁ་སང་ཕྱི་ཚེས་ ༢༡ ཉིན་གསར་འགོད་བསྒྲགས་གཏམ་ཞིག་སྤེལ་བའི་ནང་ཨ་རིའི་ཕྱི་ཚོང་དང་ས་མཚམས་བདེ་འཇགས་སྲུང་སྐྱོབ་ལས་ཁུངས་ཀྱིས་ཤིན་ཅང་ཁུལ་ནས་ཐོན་པའི་དངོས་ཟོག་ཡོངས་རྫོགས་བཀག་སྡོམ་གནང་རྒྱུའི་ཁྲིམས་གཞི་དངོས་སུ་ཕྱག་བསྟར་དབུ་འཛུགས་གནང་ཡོད་སྐོར་གསུངས་པ་དང་ཆབས་ཅིག ཨ་རིའི་ཕྱི་སྲིད་ལྷན་ཁང་གི་ངོས་ནས་ཨ་རིའི་གྲོས་ཚོགས་གོང་འོག་གཉིས་གཙོས་ཟུང་འབྲེལ་ཚོགས་སྡེ་ཁག་དང་ལྷན་དུ་མུ་མཐུད་མཉམ་ལས་གནང་སྟེ་ཤིན་ཅང་ནང་བཙན་དབང་གིས་ངལ་རྩོལ་བསྒྱུར་བཀོད་ཀྱི་ལམ་ལུགས་དེར་དགག་བྱ་ནན་མོ་གནང་རྒྱུ་དང་། འགྲོ་བ་མིའི་ཐོབ་ཐང་རྩིས་མེད་གདལ་བཤིག་བཏང་བ་དེ་ལྟ་བུའི་དྲག་སྤྱོད་ལ་གདོང་ལེན་སླད་རྒྱལ་སྤྱིའི་ཚོགས་སྡེ་ཁག་དང་མཉམ་རུབ་ཀྱིས་ནུས་ཤུགས་འདོན་རྒྱུ་ཡིན་སྐོར་བཀོད་འདུགཕྱི་སྲིད་དྲུང་ཆེ་མཆོག་གིས་ད་དུང་རྒྱ་ནག་མི་དམངས་སྤྱི་མཐུན་རྒྱལ་ཁབ་དང་། གཞན་ཡང་འཛམ་གླིང་གི་ས་ཕྱོགས་གང་འདྲ་ཞིག་ཏུ་བཙན་ཤེད་ཀྱིས་ངལ་རྩོལ་བསྒྱུར་བཀོད་གཙོས་འགྲོ་བ་མིའི་ཐོབ་ཐང་རྩིས་མེད་གདལ་བཤིག་བཏང་བའི་ལས་དོན་རིགས་ལ་གདོང་ལེན་གནང་རྒྱུ་ནི་སྲིད་འཛིན་སྐུ་ཞབས་ Joe Biden མཆོག་དང་ཁོང་གིས་དབུ་ཁྲིད་པའི་ཨ་རི་གཞུང་གཉིས་ལ་གལ་གནད་ཆེ་ཤོས་ཆགས་ཡོད་སྐོར་གསུངས་པ་དང་སྦྲགས། ང་ཚོས་ཤིན་ཅང་ནང་གི་ཡུ་གུར་བའི་ངལ་རྩོལ་གནས་སྟངས་ལ་གཞིགས་ཏེ་ད་བར་རྒྱ་ནག་ཐོག་ Magnitsky ཞེས་པའི་ཁྲིམས་གཞི་ལག་བསྟར་འོག་དཔོན་རིགས་ཁག་གཅིག་ལ་མཐོང་མཆན་བཀག་སྡོམ་དང་དཔལ་འབྱོར་གྱི་ཁྲིམས་བཅད། དེ་བཞིན་ཕྱི་ཚོང་དངོས་ཟོག་དམ་བསྒྲགས་གནང་རྒྱུ་སོགས་དོན་དམ་གྱི་འགན་ཁུར་ཐུབ་པའི་ལས་དོན་མང་དག་ཅིག་སྤེལ་ཡོད་པར་གསུངས་འདུགགཞན་ཡང་ཁོང་གིས་ང་ཚོས་བློ་མཐུན་ཟུང་འབྲེལ་ཚོགས་སྡེ་ཁག་དང་མུ་མཐུད་མཉམ་ལས་གནང་དགོས་པ་དང་ཁྲིམས་མཐུན་ཁ་དན་ཟིན་པའི་བཟོ་ཚོང་ཁག་ལའང་རྒྱ་ནག་གིས་ལོག་པར་སྤྱོད་པའི་བྱ་སྤྱོད་དག་ལས་ཁེ་འབབ་རྩ་བ་ནས་ལེན་རྒྱུ་མེད་པའི་དྲན་སྐུལ་མུ་མཐུད་གནང་རྒྱུ་ཡིན་སྐོར་གསུངས་པར་མ་ཟད། ང་ཚོའི་ངོས་ནས་མཐུན་ཕྱོགས་རྒྱལ་ཁབ་ཁག་དང་མཉམ་ལས་གནང་སྟེ་རྒྱལ་སྤྱིའི་ཁྲོམས་རའི་ཁྲོད་བཙན་དབང་གིས་ངལ་རྩོལ་བསྒྱུར་བཀོད་ལས་བྱུང་བའི་དངོས་ཟོག་རིགས་མེད་པ་བཟོ་ཐབས་དང་། ཤིན་ཅང་ནང་དུ་རྒྱ་གཞུང་གིས་ཚབས་ཆེན་གྱི་བཙན་གནོན་བྱ་སྤྱོད་སྤེལ་ཁག་མཚམས་འཇོག་ཐུབ་ཐབས། ཁྱད་པར་དུ་རྒྱ་ནག་གཞུང་ལ་འཕྲལ་མར་ཉིད་དུ་འགྲོ་བ་མིའི་ཐོབ་ཐང་རྩིས་མེད་དང་དེ་བཞིན་ངལ་རྩོལ་བསྒྱུར་བཀོད་ཀྱི་བྱ་སྤྱོད་སྤེལ་མཚམས་འཇོག་དགོས་པའི་ཞུ་འབོད་གནང་བཞིན་ཡོད་པ་གསུངས་འདུགགཞི་རྩའི་འདས་ལོ་ནང་ཨ་རིའི་གྲོས་ཚོགས་གོང་མས་རྒྱ་ནག་གིས་ཤིན་ཅང་ཁུལ་དུ་མི་མང་བཀག་སྐྱིལ་གྱིས་ངལ་རྩོལ་བསྒྱུར་བཀོད་བྱེད་བཞིན་པར་སྐྱོན་བརྗོད་གནང་སྟེ་ཁུལ་དེ་ནས་ཐོན་པའི་དངོས་ཟོག་ཡོངས་རྫོགས་བཀག་སྡོམ་གནང་རྒྱུའི་གྲོས་ཆོད་གསར་པ་ཞིག་སྤྱི་མོས་ཐོག་ནས་གཏན་འབེབས་གནང་ཡོད་པར་མ་ཟད། སྐབས་དེའི་གྲོས་འཆར་འདོན་མཁན་སྐུ་ཞབས་ Marco Rubio ལགས་དང་ Jeff Merkley ལགས་རྣམ་གཉིས་ཀྱིས་དེ་འབྲེལ་བསྒྲགས་གཏམ་ཞིག་སྤེལ་བ་བརྒྱུད་ཤིན་ཅང་དང་འབྲེལ་བའི་དངོས་ཟོག་བཀག་སྡོམ་གྱི་གྲོས་ཆོད་དེས་རྒྱ་ནག་དང་སྒོས་ཤིན་ཅང་གི་ངལ་རྩལ་བསྒྱུར་བཀོད་ལས་ཁེ་འབབ་བྱུང་མཁན་རྒྱལ་སྤྱིའི་ཚོང་ལས་ཁང་ཁག་ལ་བརྡ་ལན་གསལ་པོ་ཞིག་སྤྲོད་རྒྱུ་དང་། ལྷག་དོན་ཨ་རིའི་ངོས་ནས་རྒྱ་གཞུང་གིས་འགྲོ་བ་མིའི་རིགས་ལ་ནག་ཉེས་འགེལ་བཞིན་པ་དག་ལ་མིག་ལོང་བ་ལྟར་སྡོད་རྒྱུ་མེད་པར་བཟོ་ཚོང་ཁང་གཞན་ལའང་ཚུན་མིན་གྱི་བྱ་སྤྱོད་ཚབས་ཆེན་དག་ལས་ཁེ་འབབ་ལོངས་སུ་སྤྱོད་འཇུག་རྒྱུ་མིན་སྐོར་ནན་བརྗོད་གནང་ཡོད།