Monthly Archives: November, 2022

དེ་རིང་ཕྱི་ཟླ་ ༡༡ ཚེས་ ༢༤ ཉིན་བཞུགས་སྒར་ཕོ་བྲང་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འགྲོ་ཕན་སྨན་རྩིས་ཁང་གི་ལས་བྱེད་དང་སློབ་ཐོན་པ་རྣམས་ལ་མཇལ་ཁ་སྩལ་བ་དང་འབྲེལ་ཏེ་བོད་ཀྱི་གསོ་རིག་རིག་གཞུང་ཉམས་པ་སོར་ཆུད་མི་ཉམས་གོང་འཕེལ་ཐད་ལ་དོན་གཉེར་གནང་དགོས་ཞེས་ལམ་སྟོན་སྕལ་འདུག༸གོང་ས་༸སྐྱབས་མགོན་ཆེན་པོ་མཆོག་གིས་མཇལ་ཁའི་ཐོག་མར་བོད་ཀྱི་གསོ་བ་རིག་པས་རྩ་དང་ཆབ་རྟགས་ལ་བརྟེན་ནས་ནད་རིགས་དུ་མར་བརྟག་གི་ཡོད་པ་དེ་ནི་དམིགས་བསལ་བ་ཞིག་ཆགས་ཡོད་སྟབས་བོད་ཀྱི་གསོ་བ་རིག་པ་དེ་ཧ་ཅང་གལ་ཆེན་པོ་རེད་འདུག་ཅེས་བཀའ་སྕལ་འདུག དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོ་༸གང་ཉིད་མཆོག་༸སྐུ་ན་གཞོན་ནུའི་སྐབས་༸སྐུའི་བླ་སྨན་པས་བོད་ཀྱི་གསོ་རིག་ཐོག་ནས་སྨན་བཅོས་ཞུས་ཡོད་སྐོར་བཀའ་སྩལ་བ་དང་ཆབས་ཅིག གསོ་རིག་སྨན་པ་ཚོས་དེར་ཕྱོགས་གཅིག་ནས་དང་འདོད་དང་ཕྱོགས་གཉིས་ནས་བོད་ཀྱི་གསོ་བ་རིག་པ་དེ་བོད་ཀྱི་ཐུན་མོང་མ་ཡིན་པའི་རིག་པའི་གཞུང་ལུགས་ཤིག་ཆགས་ཡོད་པར་བཀའ་སྩལ་མཛད་འདུག གཞན་ཡང་མགོན་པོ་༸གང་ཉིད་མཆོག་གིས་བོད་ཀྱི་ནང་དོན་རིག་པ་དེ་ཉིད་ནང་སེམས་ཀྱི་ཞི་བདེ་ཡོང་བར་ཕན་ཐོགས་ཆེན་པོ་ཡོད་པ་དང་དེ་བཞིན་བོད་ཀྱི་གསོ་བ་རིག་པ་དེ་ཉིད་ཕྱིའི་ལུས་པོའི་བདེ་ཐང་ཡོང་བར་ཕན་ཐོགས་ཆེན་པོ་ཡོད་སྟབས། ཁྱེད་རང་ཚོས་རྣམ་ཀུན་ནས་འཕྲལ་གྱི་ནད་པར་སྨན་ཐབས་དང་ཕུགས་ལ་བོད་ཀྱི་གསོ་རིག་རིག་གཞུང་ཉམས་པ་སོར་ཆུད་མི་ཉམས་གོང་འཕེལ་ཐད་ལ་དོན་གཉེར་ཆེན་པོ་གནང་དགོས་ཞེས་ལམ་སྟོན་བཀའ་དྲིན་ཆེ་བ་སྩལ་འདུག དེ་མཚུངས་སུ་ཁ་སང་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་ཕོ་བྲང་གི་མཇལ་འཕྲང་ཁང་དུ་༸སྐུའི་གཅེན་པོ་སྟག་འཚེར་སྐུ་ཕྲེང་དྲུག་པ་ཐུབ་བསྟན་འཇིགས་མེད་ནོར་བུ་མཆོག་གི་མཆོག་སྤྲུལ་རིན་པོ་ཆེ་བསྟན་འཛིན་ཡོན་ཏན་རྒྱ་མཚོ་མཆོག་དང་ཁོང་གི་སྐུ་མཆེད་ཁ་ཤས། དེ་བཞིན་སྟག་འཚེར་རིན་པོ་ཆེ་སྐུ་གོང་མའི་སློབ་ཕྲུག་ཁག་གཅིག ཐེ་ཝན་ནས་ཕེབས་པའི་སྦྱིན་བདག་བཅས་ལ་མཇལ་ཁ་དང་བཀའ་སློབ་སྩལ་ཡོད་པ་དང་། སྐབས་དེར་༸གོང་ས་མཆོག་གིས་སྟག་འཚེར་རིན་པོ་ཆེ་སྐུ་གོང་མ་དང་མགོན་པོ་མཆོག་དབར་དམིགས་བསལ་མཛའ་འབྲེལ་སྐོར་བཀའ་སྩལ་བ་དང་སྦྲགས་ཏེ་སྟག་འཚེར་རིན་པོ་ཆེ་བསམ་བློ་ཧ་ཅང་གྱོང་པོ་ཡོད་པ་རེད་ཅེས་སོགས་བཀའ་སྩལ་འདུགམགོན་པོ་༸གང་ཉིད་མཆོག་གིས་མ་འོངས་པར་སྐུ་འབུམ་དགོན་པ་གཙོ་བོར་གྱུར་པའི་མདོ་སྨད་ཀྱི་ས་ཆ་ལ་ཕན་ཐོགས་རྒྱ་ཆེན་པོ་གནང་ཐུབ་པ་ཞིག་ཏན་ཏན་ཡོང་གི་རེད་ཅེས་དང་ཕྱག་དཔེ་ཡག་པོ་གཟིགས་དགོས་ཞེས་ལམ་སྟོན་མཛད་ཡོད་པར་མ་ཟད། ༸གོང་ས་མཆོག་གིས་ངོས་ཀྱི་རྨི་ལམ་གྱི་མཚན་མར་བརྟག་ན། ང་ཕལ་ཆེར་ལོ་བརྒྱ་དང་བཅུ་ཙམ་ལ་འདུག་ཐུབ་ཀྱི་རེད། ད་ལྟའི་ངོས་ཀྱི་མཛད་འཆར་གཙོ་གྲས་མང་པོ་ཞིག་རྗེས་སུ་དངོས་སུ་སྤྲུལ་སྐུ་འདི་ཚོས་འཁྱེར་དགོས་ཞེས་སོགས་བཀའ་སློབ་སྩལ་འདུག

བོད་མི་མང་སྤྱི་འཐུས་ལྷན་ཚོགས་ཀྱི་གོ་སྒྲིག་འོག་སྤྱི་འཐུས་ཁག་གཅིག་ལ་རྒྱ་ནག་གི་ཆབ་སྲིད་འགྱུར་ལྡོག་ཁྲོད་བོད་ཐོག་འཛིན་པའི་སྲིད་བྱུས་དང་བོད་ཀྱི་ལོ་རྒྱུས་གནས་བབ་སོགས་དང་འབྲེལ་བའི་གྲོས་བསྡུར་སྦྱང་བཤད་གནང་སྟེ་བོད་མི་མང་སྤྱི་འཐུས་ལྷན་ཚོགས་ཀྱི་ཐབས་བྱུས་ཚོགས་འདུ་ཐེངས་གཉིས་པ་འཚོགས་བཞིན་འདུགབོད་མི་མང་སྤྱི་འཐུས་ལྷན་ཚོགས་ཀྱི་གོ་སྒྲིག་འོག་བཞུགས་སྒར་ཉེ་འཁྲིས་ Nibaana གསོལ་མགྲོན་ཁང་དུ་ཟླ་བ་འདིའི་ཚེས་ ༢༢ ནས་ ༢༥ བར་ཉིན་གྲངས་བཞིའི་རིང་ཐབས་བྱུས་ཚོགས་འདུ་ཐེངས་གཉིས་པ་འཚོགས་བཞིན་ཡོད་པ་རེད།ཚོགས་འདུ་ཐོག་གཙོ་བོ་བོད་ནང་གི་གནས་སྟངས་དང་འབྲེལ་ཏེ་ཞི་ཅིན་ཕིང་གི་སྣེ་ཁྲིད་པའི་རྒྱ་ནག་དམར་ཤོག་གཞུང་གིསཆབ་སྲིད་ཀྱི་སྲིད་བྱུས་འཛིན་ཕྱོགས་དང་སྒྲོམ་གཞི། ཞི་ཅིན་ཕིང་གཙོས་རྒྱ་ནག་གི་འགོ་ཁྲིད་གསར་པ་རྣམས་ཀྱི་བསམ་བློ་འཁྱེར་སོ་དང་མ་འོངས་ཁ་ཕྱོགས། བོད་ནང་གི་ཆོས་དད་རང་དབང་དང་ཁོར་ཡུག དཔལ་འབྱོར་བཅས་ཀྱི་གནས་བབ་ཐོག་ནས་བོད་མིའི་བཞེངས་ཕྱོགས། ལྷག་པར་དུ་བོད་ཀྱི་ལོ་རྒྱུས་གནས་བབ་ཐོག་འགྲེལ་བཤད་རྒྱག་ཕྱོགས་དང་སྒོས་རྒྱ་ནག་གི་འགྲེལ་བརྗོད་བྱེད་སྟངས་ཁྲོད་ནས་གཞིས་ལུས་བོད་མིའི་ལོ་རྒྱུས་ཀྱི་ཁ་ཕྱོགས་གསར་པ་ཞིག་ཆགས་ཉེན་ཡོད་པ་དང་འབྲེལ་ནས་འོས་འགན་ལྡན་པའི་ཐོག་མ་འོངས་མི་རབས་རྣམས་ལ་རྒྱུ་མཚན་དང་རྒྱབ་ལྗོངས་ལྡན་པའི་ཐོག་ནས་རྩིས་སྤྲོད་བྱེད་ཕྱོགས་བཅས་ཀྱི་ཐོག་གོ་བསྡུར་སྦྱང་བཤད་གནང་རྒྱུ་རེད་འདུགབོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་ཐེངས་འདིའི་ཚོགས་འདུ་ཐོག་ཆོལ་ཁ་རེ་རེ་ནས་སྤྱི་འཐུས་ལྔ་རེ་དང་ཆོས་བརྒྱུད་ཁག་གི་སྤྱི་འཐུས་བཅས་ཁྱོན་སྤྱི་འཐུས་ཉི་ཤུ་མཉམ་ཞུགས་གནང་ཡོད་པར་གསུངས་ཡོད།བརྗོད་གཞི་གལ་ཆེ་བ་གཅིག་ལ་བོད་ཀྱི་ལོ་རྒྱུས་ཀྱི་གནས་བབ་ཆགས་ཡོད་པས་དེའི་ཐོག་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་དེ་བྱུང་སློབ་དཔོན་མཁས་དབང་བྱམས་པ་བསམ་གཏན་ལགས་དང་། བོད་རྒྱ་འབྲེལ་མོལ་གྱི་གནད་དོན་ཐོག་གསུང་བཤད་གནང་བར་༸གོང་ས་མཆོག་གི་དམིགས་བསལ་སྐུ་ཚབ་ཟུར་པ་སྐལ་བཟང་རྒྱལ་མཚན་མཆོག་བཅས་ཆེད་མངགས་གདན་འདྲེན་ཞུས་འདུགདེ་བཞིན་བོད་མཐོ་སྒང་གི་ཁོར་ཡུག་གནས་བབ། བོད་ནང་འགྲོ་བ་མིའི་ཐོབ་ཐང་གི་གནས་སྟངས། རྒྱ་གཞུང་གིས་བོད་ནང་དཔལ་འབྱོར་སྲིད་བྱུས་ཀྱི་གནས་བབ་ཅེས་པའི་བརྗོད་གཞིའི་ཐོག་གསུང་བཤད་གནང་བར་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བདེ་ཆེན་དཔལ་མོ་ལགས་དང་བསྟན་འཛིན་ཚུལ་ཁྲིམས་ལགས། ཚེ་རིང་བསམ་གྲུབ་ལགས་གདན་ཞུས་གནང་དོན་ལྟར་ཁོང་རྣམས་དང་དྲི་བ་དྲིས་ལན་གྱི་ལས་རིམ་གནང་ཡོད་པ་རེད།དེ་སྔོན་ཕྱི་ཟླ་ ༩ པར་བོད་མི་མང་སྤྱི་འཐུས་ལྷན་ཚོགས་ཀྱི་གོ་སྒྲིག་འོག་ལྡི་ལི་ཉེ་འགྲམ་ཧར་ཡ་ན་མངའ་སྡེའི་ནང་ཐབས་བྱུས་ཚོགས་འདུ་ཐེངས་དང་པོ་དེ་ཚོགས་པ་དང་དེའི་ཐོག་རྒྱལ་སྤྱིའི་སྟེང་འབྲེལ་ལམ་གནང་ཕྱོགས་དང་རྒྱལ་སྤྱིའི་ནང་བོད་ཀྱི་གནད་དོན་འགྲེལ་བཤད་རྒྱག་ཕྱོགས། དོ་སྣང་བྱེད་ཕྱོགས། གནས་ཡུལ་རྒྱ་གར་གྱིས་གཙོས་པའི་ཨེ་ཤ་ཡ་ནང་བོད་དོན་དང་འབྲེལ་བའི་འབྲེལ་ལམ་གནང་ཕྱོགས་སོགས་ཀྱི་ཐོག་ཚོགས་འདུ་ཚོགས་ཡོད་པ་རེད།

ཨ་རིར་རྟེན་གཞི་བྱས་པའི་འགྲོ་བ་མིའི་ཐོབ་ཐང་ལྟ་ཞིབ་ཚོགས་པ་དང་ཁེ་ན་ཌའི་ Citizenlab གཉིས་ཀྱིས་ཉེ་སྔོན་ཕྱི་ཟླ་དགུ་པའི་ནང་རྒྱ་ནག་སྲིད་གཞུང་གིས་བོད་མིར་སྟངས་འཛིན་སྔར་ལྷག་བྱ་ཕྱིར་བཙན་གྱིས་རིགས་རྫས་བསྡུ་རུབ་བྱེད་བཞིན་ཡོད་པའི་སྙན་ཐོ་བཏོན་ཡོད་པ་དང་བོད་མིའི་རིགས་རྫས་བསྡུ་རུབ་ཆེད་ Thermo Fisher ཞེས་ཨ་རི་ Massachusetts ནང་ཡོད་པའི་བཟོ་ཚོང་ཁང་གིས་རྒྱ་ནག་ཉེན་རྟོག་ལས་ཁང་ལ་དངོས་ཟོག་ཕྱིར་ཚོང་བྱེད་ཀྱི་ཡོད་པ་ར་འཕྲོད་བྱུང་ཡོད་སྟབས། དབྱིན་ཡུལ་དུ་རྟེན་གཞི་བྱས་པའི་བོད་རང་དབང་ཚོགས་པས་བཟོ་ཚོང་ཁང་དེས་རྒྱ་གཞུང་ལ་རིགས་རྫས་བསྡུ་རུབ་ཀྱི་ཡོ་ཆས་བཙོང་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུགབོད་རང་དབང་ཚོགས་པས་ Thermo Fisher བཟོ་ཚོང་ཁང་དང་བཟོ་ཚོང་ཁང་གི་གཙོ་འཛིན་སྐུ་ཞབས་ Marc Casper ལགས་སུ་ཞུ་ཡིག་ཕུལ་བའི་ལས་འགུལ་གཉེར་འདུག་པ་དང་ཞུ་ཡིག་ནང་ Thermo Fisher བཟོ་ཚོང་ཁང་གིས་རྒྱ་ནག་ལ་བོད་ནང་གི་བོད་མིའི་རིགས་རྫས་བསྡུ་རུབ་ཆེད་དེ་འབྲེལ་དངོས་ཟོག་ཕྱིར་བཙོང་གནང་རྒྱུ་མཚམས་འཇོག་བྱེད་དགོས་པ་དང་། རྒྱ་ནག་གིས་བོད་ནང་གི་བོད་མིའི་གཞི་རྩའི་འགྲོ་བ་མིའི་ཐོབ་ཐང་རྡོག་རོལ་བཏང་སྟེ་བོད་མིའི་འགྲོ་འདུག་སྤྱོད་གསུམ་ལ་དམ་དྲག་ཚད་མེད་བྱེད་བཞིན་པ་དང་སྒོས་འདས་པའི་ལོ་དུས་ནང་རྒྱ་གཞུང་གིས་རིགས་རྫས་བསྡུ་རུབ་ཀྱི་གཞི་རྒྱ་ཆེ་བའི་ལས་གཞི་སྤེལ་བ་བརྒྱུད་དམ་དྲག་དང་ལྟ་སྲུང་སྔར་ལྷག་བྱས་པ་ནི་ཆེས་བློ་ཚབས་གནང་ཡུལ་ཞིག་ཏུ་གྱུར་ཡོད་པ་གསུངས་འདུག རྒྱ་གཞུང་གིས་ལས་གཞི་དེའི་འོག་བྱིས་པ་ལོ་ལྔ་ཚུན་ཆད་ནས་ཁྱོན་བོད་མི་ས་ཡ་ ༡ ལྷག་ཙམ་གྱི་རིགས་རྫས་བསྡུ་རུབ་བྱས་ཡོད་པར་འགྲེལ་བརྗོད་ཀྱིས་ལས་གཞི་དེས་གཙོ་བོ་བོད་མིར་དབྱེ་འབྱེད་བྱས་པའི་ཐོག་ནས་སྲིད་གཞུང་དང་ཉེན་རྟོག་པས་བོད་མི་ཚོར་སྟངས་འཛིན་སྔར་ལྷག་བྱ་བར་གོ་སྐབས་སྤྲད་པ་ཞིག་ཆགས་ཡོད་ལ། Thermo Fisher བཟོ་ཚོང་ཁང་ནས་རྒྱ་ནག་སྲིད་གཞུང་ལ་དངོས་ཟོག་ཕྱིར་བཙོང་བྱས་པ་དེས་རྒྱ་གཞུང་གིས་བོད་མིར་སྡུག་སྦྱོང་གཏོང་རྒྱུར་རོགས་རམ་བྱས་ཡོད་པ་དང་གཅིག་མཚུངས་ཡིན་སྐོར་གསུངས་འདུགརྒྱ་ནག་གཞུང་གི་དྲ་ཚིགས་སུ་ལྷ་སའི་ཉེན་རྟོག་ལས་ཁང་གིས་ཕྱི་ལོ་ ༢༠༢༡ ཟླ་བ་ ༡༠ པའི་ནང་ Thermo Fisher ཚོང་ལས་ཁང་གི་རིགས་རྫས་མཁོ་སྒྲུབ་དང་འབྲེལ་དངོས་ཟོག་ཉོ་ཕྱིར་ཨ་སྒོར་ ༡༧༣།༠༠༠ འགྲོ་གྲོན་བཏང་ཡོད་པ་དང་དེ་བཞིན་བོད་རང་སྐྱོང་ལྗོངས་ཟེར་བའི་ནང་གི་ཉེན་རྟོག་པས་ཀྱང་ཕྱི་ལོ་ ༢༠༢༡ ཟླ་ ༨ པའི་ནང་དེ་འབྲེལ་དངོས་ཟོག་ཉོས་ཡོད་པ་འཁོད་ཡོད་པ་རེད།  Thermo Fisher  བཟོ་ཚོང་ཁང་ནས་བོད་ནང་རིགས་རྫས་མཁོ་སྒྲུབ་ཀྱི་དངོས་ཟོག་བཙོང་རྒྱུ་མཚམས་འཇོག་བྱེད་དགོས་པའི་ཐད་ལ་ཉེ་ལམ་བོད་རང་བཙན་སློབ་ཕྲུག་ཚོགས་པས་དྲ་ཐོག་བརྒྱུད་མཚན་རྟགས་བསྡུ་རུབ་ཀྱི་ལས་འགུལ་ཞིག་ཀྱང་ཡང་སྤེལ་ཡོད།

ཇར་མ་ནི་གཞུང་གིས་རྒྱ་ནག་ཐོག་སྲིད་བྱུས་མཁྲེགས་ཏུ་གཏོང་རྒྱུའི་ཡིག་ཆ་ཞིག་ཕྱིར་འདོན་བྱུང་ཡོད་པའི་ནང་རྒྱ་ནག་གིས་བོད་དང་ཤིན་ཅང་ཁུལ་དུ་འགྲོ་བ་མིའི་ཐོབ་ཐང་རྡོག་རོལ་ཚབས་ཆེན་གཏོང་བཞིན་ཡོད་པར་སྐྱོན་བརྗོད་ནན་པོ་གནང་འདུགདེ་ཡང་ཁ་སང་ཕྱི་ཚེས་ ༢༣ ཉིན་ Politico གསར་ཤོག་ཐོག་སྤེལ་བའི་གནས་ཚུལ་ལ་གཞིགས་ན། གསར་ཁང་དེར་ཇར་མ་ནིའི་ཕྱི་སྲིད་ལས་ཁུངས་ཀྱིས་རྒྱ་ནག་ཐོག་འཛིན་པའི་ཐབས་བྱུས་དང་འབྲེལ་ཤོག་གྲངས་ ༦༡ ཅན་གྱི་ཡིག་ཆའི་འདྲ་བཤུས་རག་སོན་བྱུང་བའི་ནང་། ཇར་མ་ནིའི་ངོས་ནས་རྒྱ་ནག་ཐོག་སྲིད་བྱུས་མཁྲེགས་ཏུ་བཏང་སྟེ་རིམ་པས་ཡུལ་དེའི་བཟོ་གྲྭ་དང་ཚོང་སྡེ་ཁག་ནས་རྒྱ་ནག་ལ་རྒྱབ་རྟེན་བྱ་རྒྱུ་ཇེ་ཉུང་དུ་གཏང་འཆར་ཡོད་པ་དང་ཆབས་གཅིག ཡོ་རོབ་མཐུན་ཚོགས་ནས་ཐའེ་ཝན་དང་ལྷན་དུ་མ་རྩ་འཛུགས་རྒྱུའི་གྲོས་མཐུན་ཐད་ཤུགས་སྣོན་རྒྱག་དགོས་སྐོར་བཀོད་ཡོད་པ་དང་། དེ་བཞིན་རྒྱ་ནག་གིས་བོད་དང་ཤིན་ཅང་ནང་འགྲོ་བ་མིའི་ཐོབ་ཐང་རྡོག་རོལ་ཚབས་ཆེན་གཏོང་གི་ཡོད་པ་སྐྱོན་བརྗོད་ནན་པོ་གནང་འདུག རྩ་བའི་ཟིན་བྲིས་ཡིག་ཆ་དེ་ཉིད་ཇར་མ་ནིའི་ཕྱི་སྲིད་ལས་ཁུངས་ཀྱིས་བཀོད་ཡོད་པ་དང་། དེར་སྲིད་འཛིན་གཙོས་པའི་བློན་ཆེན་གཞན་རྣམ་པས་གོ་བསྡུར་སྦྱང་བཤད་གནང་རྗེས་ལོ་རྗེས་མའི་འགོ་སྟོད་ཙམ་ལ་གཞུང་འབྲེལ་གྱི་ཐོག་ནས་གཏན་འབེབས་བྱ་རྒྱུ་ཡིན་སྟབས། ཡིག་ཆ་དེའི་ནང་དོན་ཐོག་ད་དུང་འགྱུར་བ་འགྲོ་སྲིད་པ་ཞིག་རེད་འདུགཇར་མ་ནིའི་ཕྱི་སྲིད་ལས་ཁུངས་ཀྱི་ཡིག་ཆ་དེའི་ནང་གཞན་ཡང་རྒྱ་ནག་གིས་རྒྱལ་ཁབ་གཞན་དང་ལྷན་དུ་ཚོང་འབྲེལ་གྱི་ཆག་ཡང་ཐོབ་ཆེད་རྒྱལ་ཁབ་སོར་སོར་རྔམ་འདོད་ཀྱི་ཁོར་ཡུག་བསྐྲུན་པའི་བརྒྱུད། རྒྱ་ནག་རང་ཉིད་ལ་ཁེ་ཕན་ལེན་རྒྱུའི་འདུན་པ་ཡོད་པའི་སྐོར་ཉེན་བརྡ་བཏང་འདུག་པ་དང་འབྲེལ། ཚོང་འབྲེལ་གྱི་ཁྲིམས་སྒྲིག་ལག་བསྟར་བརྒྱུད་ཇར་མ་ནིའི་ཚོང་གི་སྡེ་ཁག་ནས་རྒྱ་ནག་ལ་རྒྱབ་རྟེན་བྱ་རྒྱུ་ཇེ་ཉུང་དུ་བཏང་རྒྱུ་དང་ཆབས་ཅིག ལྷག་པར་དུ་རྒྱ་ནག་དང་རྒྱབ་ཀྱི་ཕྱོགས་པའི་ཇར་མ་ནིའི་ཚོང་སྡེ་ཁག་དང་ལྷན་དུ་གྲོས་མོལ་བརྒྱུད་མ་འོངས་པར་རྒྱ་ནག་དང་འབྲེལ་ལམ་ཇི་ལྟར་བྱ་དགོས་གལ་སོགས་འཁོད་ཡོད། ཇར་མ་ནིའི་གཞུང་གིས་རྒྱ་ནག་ཐོག་སྲིད་བྱུས་མཁྲེགས་པོ་འཛིན་རྒྱུའི་ཡིག་ཆ་ནང་གི་གནད་དོན་དང་འབྲེལ་ནས་། རྒྱ་ནག་གི་ཕྱི་སྲིད་བློན་ཆེན་གྱིས་ཇར་མ་ནིས་འགྲོ་བ་མིའི་ཐོབ་ཐང་གི་གནད་དོན་བེད་སྤྱོད་ཀྱིས་རྒྱ་ནག་ལ་ནག་པོའམ་མིང་ཆད་བཟོ་གི་འདུག་ཞེས་སྐྱོན་བརྗོད་བྱས་འདུག གཞི་རྩའི་རྒྱ་ནག་ནང་ཇར་མ་ནིའི་མ་འཛུགས་ཤུགས་ཆེ་ཡོད་པར་བརྟེན། ཇར་མ་ནི་ནི་དེ་སྔ་ཡོ་རོབ་མཐུན་ཚོགས་ཀྱིས་རྒྱ་ནག་དང་ཁ་གཏད་དུ་འཛིན་པའི་སྲིད་བྱུས་ལ་འགག་པ་རྒྱབ་མཁན་གཙོ་གྲས་ཤིག་ཡིན་པ་དང་འབྲེལ། ཕྱི་ལོ་ ༢༠༢༠ ལོར་རྒྱ་ནག་ནག་ཡོ་རོབ་མཐུན་ཚོགས་ཀྱི་མ་འཛུགས་སྲུང་སྐྱོབ་ཆེད་འགྲོ་བ་མིའི་ཐོབ་ཐང་རྡོག་རོལ་གྱི་གནད་དོན་ལ་ཡ་ལེན་བྱས་མེད་པ་རེད། རྒྱུ་མཚན་དེ་དག་ལ་བརྟེན་ནས་ཇར་མ་ནིས་རྒྱ་ནག་དང་ལྷན་དུ་ལོ་མང་རིང་འབྲེལ་ལམ་ཡོད་པ་དེ་ལ་ཇར་མ་ནིའི་ཕྱི་སྲིད་བློན་ཆེན་གྱིས་རྒྱ་ནག་ཐོག་སྲིད་བྱུས་མཁྲེགས་པོ་འཛིན་རྒྱུ་དེ་ཉིད་ཇི་ཙམ་གྱི་ལམ་ལྷོང་བྱུང་རྒྱུ་ཡིན་པ་འདྲི་རྟགས་ཅིག་ཡིན་པ་གནས་ཚུལ་ནང་བཀོད་འདུག

ཉན་པ།: Listen ཕབ་ལེན། Download རྡོར་གདན་གྱི་བཀའ་ཆོས་སྐབས་བོད་རིགས་དང་ཧི་མཱ་ལ་ཡའི་ཆོས་ཞུ་བ་རྣམས་ནས་ཕྱག་འཁྱེར་བཟོ་མི་དགོས། ཡོ་རོབ་མཐུན་ཚོགས་ནས་རྒྱ་ནག་གི་དཔོན་རིགས་བཞིར་སྲིད་དོན་ཉེས་ཆད་དུས་འགྱངས། Apple Daily ལས་ཟུར་དྲུག་ཕྱི་ཕྱོགས་དང་ངན་འབྲེལ་ངོས་ལེན་བྱས་ཡོད་ལུགས་བཤད་པ། ལ་དྭགས་ཤར་ཕྱོགས་སུ་རྒྱ་གར་གྱི་དམག་དོན་འཛུགས་སྐྲུན་རྒྱ་སྐྱེད་བྱེད་མུས། སུད་སི་ས་གནས་བོད་ཀྱི་བུད་མེད་ལྷན་ཚོགས་ཀྱི་སྐོར་གླེང་མོལ། Wednesday 23/11/2022 Tibetan and Himalayan devotees need not make pass for Bodhgaya teachings EU set to renew sanctions on Chinese officials accused of human rights violations in Xinjiang Six former Apple Daily staff plead guilty to collusion charge Defence infra push underway in Ladakh amid China standoff Feature: Swiss Tibetan Women’s Association

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རིང་མིན་ཕྱི་ཟླ་ ༡༢ པའི་ཟླ་མཇུག་ནས་གནས་མཆོག་རྡོ་རྗེ་གདན་དུ་བཀའ་ཆོས་བཀའ་དྲིན་སྩལ་གཏན་ཁེལ་བ་ལྟར་གྲྭ་བཙུན་དང་རང་ལོ་ ༦༠ ཡན་གྱི་བགྲེས་སོང་། དབང་པོ་སྐྱོན་ཅན། རྒྱ་གར་བ། ཕྱི་རྒྱལ་བ་བཅས་ལ་བཀའ་ཆོས་ཕྱག་འཁྱེར་གནང་རྒྱུ་ཡིན་པ་དང་། བོད་རིགས་དང་ཧི་མཱ་ལ་ཡའི་ཆོས་ཞུ་བ་རྣམས་ནས་ཕྱག་འཁྱེར་བཟོ་དགོས་ཀྱི་མི་འདུགདེ་རིང་བོད་མིའི་སྒྲིག་འཛུགས་ཀྱི་དྲ་གནས་ཐོག་བདེ་སྲུང་ལས་ཁུངས་ཀྱིས་གསལ་བསྒྲགས་གནང་འདུག་པའི་ནང་། ཕྱི་ཟླ་ ༡༢ ཚེས་ ༢༩ ནས་ ༣༡ བར་གནས་མཆོག་རྡོ་རྗེ་གདན་གྱི་དུས་དབང་གསུང་ཆོས་ར་བར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་བྱང་ཆུབ་སེམས་འགྲེལ་གྱི་བཀའ་ཆོས་དང་སྒྲོལ་མ་ཉེར་གཅིག་གི་རྗེས་གནང་བཀའ་དྲིན་སྩལ་གཏན་ཁེལ་ཡོད་པ་བཞིན། ཐེངས་འདིའི་བཀའ་ཆོས་ཐོག་བོད་རིགས་དང་ཧི་མཱ་ལ་ཡའི་ཆོས་ཞུ་བ་རྣམས་ནས་ཕྱག་འཁྱེར་བཟོ་མི་དགོས་པ་དང་། དེ་མིན་གྲྭ་བཙུན་དང་རང་ལོ་ ༦༠ ཡན་གྱི་བགྲེས་སོང་། དབང་པོ་སྐྱོན་ཅན། རྒྱ་གར་བ། ཕྱི་རྒྱལ་བ་བཅས་བཀའ་ཆོས་ཕྱག་འཁྱེར་བཟོ་དགོས་པ་རྣམས་ནས་ཕྱག་འཁྱེར་ཞུ་བདེའི་སླད་དྲ་རྒྱ་ www.dalailamateaching.com དྲ་རྒྱ་དང་དྲ་རྒྱ་བེད་སྤྱོད་གཏོང་མི་ཤེས་མཁན་རིགས་ནས་རྡོར་གདན་ཐོ་འགོད་ཁང་དུ་ངོ་བཅར་གྱིས་དེ་སྔ་བཞིན་གསུང་ཆོས་ཕྱག་འཁྱེར་ཞུ་འཐུས་ཆོག་པ་དང་། བཀའ་ཆོས་ཀྱི་ཕྱག་འཁྱེར་བཞེས་མི་སོ་སོའི་ངོ་སྤྲོད་ཡིག་ཆ་ (Passport/Aadhaar Card/Voter ID/Green Book/RC) བཅས་གང་རུང་མཉམ་འཁྱེར་ཐོག་ནས་རྡོར་གདན་གསུང་ཆོས་ཐོ་འགོད་ཁང་དུ་ངོ་བཅར་གྱིས་ཕྱག་འཁྱེར་བཞེས་དགོས་པ། གལ་ཏེ་ཆོས་ཞུ་བ་སུ་ཞིག་ནས་དེ་སྔ་གསུང་ཆོས་ཕྱག་འཁྱེར་ཞུས་ཡོད་ཚེ་དེ་སྔའི་གསུང་ཆོས་ཕྱག་འཁྱེར་ཨང་རྟགས་ (ID) ཐོག་དོ་བདག་ངོ་བཅར་གྱིས་གསུང་ཆོས་ཕྱག་འཁྱེར་གསར་པ་བཞེས་ཆོག་སྐོར་གསལ་འདུག སྤྱིར་འདི་ལོའི་ཕྱི་ལོ་ ༢༠༢༢ ཟླ་ ༡༢ ཚེས་ ༠༡ ཉིན་དྲ་རྒྱ་ཐོག་ནས་ཕྱག་འཁྱེར་གནང་རྒྱུ་དབུ་འཛུགས་གཏན་ཁེལ་འདུག་པ་དང་རྡོར་གདན་ས་གནས་སུ་ཐོ་འགོད་ཁང་ཕྱི་ལོ་ ༢༠༢༢ ཟླ་ ༡༢ ཚེས་ ༡༠ ནས་སྒོ་འབྱེད་གནང་རྒྱུ་རེད་འདུག༸གོང་ས་མཆོག་གི་མཛད་འཆར་ལ་གཞིགས་ན། ཕྱི་ཟླ་ ༡༢ ཚེས་ ༢༩ དང་ ༣༠ ཉིན་གཉིས་རིང་གི་སྔ་དྲོ་བྱང་ཆུབ་སེམས་འགྲེལ་གྱི་བཀའ་ཆོས་དང་། དེ་བཞིན་ཚེས་ ༣༡ ཉིན་གྱི་སྔ་དྲོ་སྒྲོལ་མ་ཉེར་གཅིག་གི་རྗེས་གནང་བཀའ་དྲིན་སྩལ་རྒྱུ། ཕྱི་ལོ་ ༢༠༢༣ ཕྱི་ཟླ་ ༡ ཚེས་ ༡ སྟེ་ཕྱི་ལོ་གསར་ཚེས་ཉིན་དགེ་ལུགས་ཆོས་བརྒྱུད་འཛིན་པ་ཡོངས་ནས་ཇི་ལྟར་གསོལ་བ་བཏབ་པ་ལྟར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་བཅས་ཀྱི་མཛད་འཆར་ཐུགས་གཏན་ཁེལ་འདུག སྐུ་པར་༸དཔལ་ལྡན་དགའ་ལྡན་ཕོ་བྲང་ཡིག་ཚང་།

ཡོ་རོབ་མཐུན་ཚོགས་ནས་ཤིན་ཅང་ནང་གི་འགྲོ་བ་མིའི་ཐོབ་ཐང་གནས་སྟངས་ཡར་རྒྱས་ཕྱིན་མེད་པའི་གནད་དོན་དང་འབྲེལ་ནས་དེ་སྔ་རྒྱ་ནག་གི་དཔོན་རིགས་བཞིར་སྲིད་དོན་ཉེས་ཆད་བཏང་ཡོད་པ་དེ་དག་གི་ཉེས་ཆད་དུས་ཡུན་འཕར་འགྱངས་གནང་རྒྱུའི་གྲ་སྒྲིག་གནང་བཞིན་པ་རེད་འདུགཤིན་ཅང་ནང་གི་ཡུ་གུར་དང་ཁ་ཆེའི་མང་ཚོགས་ཐོག་མི་སྤྱོད་ལས་འདས་པའི་དྲག་གནོན་དང་དེ་དག་གི་འགྲོ་བ་མིའི་ཐོབ་ཐང་བརྩི་མེད་རྡོག་རོལ་བཏང་བའི་གནད་དོན་དང་འབྲེལ། དེ་སྔ་ཕྱི་ལོ་ ༢༠༢༠ ལོར་ཡོ་རོབ་མཐུན་ཚོགས་གཙོས་ཨ་རི་དང་ཁེ་ན་ཌ། དབྱིན་ཡུལ་བཅས་ཀྱིས་ཤིན་ཅང་སྤྱི་དམངས་བདེ་འཇགས་ལས་ཁུངས་ཀྱི་འགན་འཛིན་ Chen Mingguo དང་ཤིན་ཅང་རང་སྐྱོང་ལྗོངས་ཀྱི་དམར་ཤོག་ཚོགས་པའི་དྲུང་ཆེ་གཞོན་པ་ཟུར་པ་ Zhu Hailun གཙོས་ལས་བྱེད་བགྲེས་པ་གཉིས་བཅས་ཁྱོན་རྒྱ་ནག་གི་དཔོན་རིགས་བཞི་དང་ Xinjiang Production and Construction Corps Public Security Bureau ཞེས་ཤིན་ཅང་བཟོ་སྐྲུན་དང་འཛུགས་སྐྲུན་སྤྱི་བདེ་ལས་ཁུངས་བཅས་ཀྱི་སྒྲིག་འཛུགས་ལ་སྲིད་དོན་ཉེས་ཆད་བཏང་སྟེ་རྒྱ་ནག་གི་དཔོན་རིགས་དང་སྒྲིག་འཛུགས་དེར་ཡོ་རུབ་མཐུན་ཚོགས་ཀྱི་ས་ཁོངས་ནང་འགྲུལ་བཞུད་མི་ཆོག་པ་དང་རྒྱུ་དངོས་གང་ཡོད་པ་དེ་དག་སྤྱོད་མི་ཆོག་པའི་ཉེས་ཆད་བཏང་ཡོད་པ་ལྟར། དེ་རིང་རྒྱལ་སྤྱིའི་བརྒྱུད་ལམ་ཁག་གིས་དེ་འབྲེལ་གནས་ཚུལ་སྤེལ་བར་ཕྱི་ལོ་ ༢༠༢༠ ལོར་ཡོ་རོབ་མཐུན་ཚོགས་ཀྱིས་རྒྱ་ནག་གི་དཔོན་རིགས་བཞིར་ཤིན་ཅང་གནད་དོན་དང་འབྲེལ་བའི་སྲིད་དོན་ཉེས་ཆད་བཏང་བ་ནས་བཟུང་ད་བར་འགྲོ་བ་མིའི་ཐོབ་ཐང་གནས་སྟངས་ལ་ཡར་རྒྱས་ཕྲན་བུ་ཙམ་ཡང་ཕྱིན་མེད་པར་འགྲེལ་བརྗོད་གནང་སྟེ་མཐུན་ཚོགས་དེ་ཉིད་ཀྱི་ངོས་ནས་ཟླ་བ་རྗེས་མའི་ནང་རྒྱ་ནག་གི་དཔོན་རིགས་དེ་དག་གི་སྲིད་དོན་ཉེས་ཆད་ཐོག་བགྲོ་གླེང་གང་ཡང་མི་གནང་བར་དུས་ཡུན་འཕར་འགྱངས་གནང་འཆར་འདུག སྤྱིར་ཟླ་ ༡༡ ཚེས་ ༣༠ ཉིན་ཡོ་རོབ་མཐུན་ཚོགས་ཀྱི་སྐུ་ཚབ་ཚོགས་ཆུང་གིས་འགྲོ་བ་མིའི་ཐོབ་ཐང་གི་ཉེས་ཆད་སྤྱི་ཡོངས་དང་འབྲེལ་ཏེ་རྒྱ་ནག་གི་དཔོན་རིགས་ཁག་གཅིག་གི་སྲིད་དོན་ཉེས་ཆད་ཐོག་བགྲོ་གླེང་གནང་གི་ཡོད་པ་དང་། དེ་རྗེས་ཟླ་བ་རྗེས་མའི་ཚེས་ཤར་ལ་ཡོ་རོབ་མཐུན་ཚོགས་ཀྱི་ཚོགས་མི་རྒྱལ་ཁབ་ཁག་གི་བློན་ཆེན་དབར་འཚོགས་རྒྱུའི་ཚོགས་འདུ་ཐོག་ནས་སྲིད་དོན་ཉེས་ཆད་འཕར་འགྱངས་གནང་རྒྱུའི་ཐག་གཅོད་བྱས་ཏེ་ལོ་རྗེས་མའི་ཕྱི་ཟླ་གསུམ་པར་ལག་བསྟར་གནང་གི་ཡོད་སྐོར་གསུངས་ཡོད། ཁ་སང་ཡོ་རོབ་གྲོས་ཚོགས་སུ་ཡོ་རོབ་མཐུན་ཚོགས་ཀྱི་ཕྱི་སྲིད་དང་བདེ་སྲུང་བློན་ཆེན་སྐུ་ཞབས་ Josep Borell ལགས་དབུ་བཞུགས་ཐོག་བགྲོ་གླེང་ལས་རིམ་ཞིག་གནང་ཡོད་པ་དང་གྲོས་ཚོགས་ཀྱི་ངོས་ནས་ཡོ་རོབ་མཐུན་ཚོགས་ཀྱིས་རྒྱ་ནག་གི་འགོ་ཁྲིད་ལ་སྲིད་དོན་ཉེས་ཆད་འགེལ་རྒྱུའི་ཁོངས་སུ་རྒྱ་ནག་གི་དཔོན་རིགས་གཞན་ཁག་གཅིག་ཀྱང་བཅུག་དགོས་པའི་གནོན་ཤུགས་སྤྲད་འདུག Photo: Reuters

ཉན་པ།: Listen ཕབ་ལེན། Download རྒྱ་གཞུང་གི་འགོ་ཁྲིད་ལ་སྐྱོན་བརྗོད་བྱས་པའི་ཉེས་མིང་འོག་དབྱངས་སྒྲོན་ལགས་འཛིན་བཟུང་། བླ་བྲང་བསང་ཆུ་རྫོང་ཁུལ་གྱི་རྩྭ་ཐང་རྒྱ་ཁྱོན་མུའུ་ཁྲི་ ༡༥༥ སྟེང་ཕྱུགས་འཚོ་མི་ཆོག་པའི་བཙན་བཀའ། ཨོ་སི་ཊོ་ལི་ཡ་གཞུང་ནས་༸སྐུའི་ཡང་སྲིད་གནད་དོན་ཐོག་སྲིད་བྱུས་གཏན་འབེབས་གནང་དགོས། ཇི་སྲིད་བོད་ཀྱི་བདེན་མཐའ་མ་གསལ་བར་དུ་རྒྱ་གར་གཞུང་གིས་རྒྱ་ནག་དང་ལྷན་དཀའ་ངལ་སེལ་རྒྱུ་ཁག་པོ་རེད་ཅེས་གསུངས་པ། ཨ་རི་ནང་རྒྱ་ནག་གི་ཉེན་རྟོག་ལས་ཁང་གསར་རྒྱག་ཐོག་བློ་འཚབ་ཡོད་པར་གསུངས་འདུག Tuesday 22/11/2022 Yangdon arrested for allegedly criticizing authorities, whereabouts unknown Sangchu Nomads barred from using over 15 lakh acres of land for animal grazing Australia urged to protect 14th Dalai Lama's succession India cannot resolve differences with China as long as Tibet issue stays unresolved FBI director express serious concern over Chinese police stations in US

གཅེས་ཕྲུག་གཉིས་ཀྱི་མ་དང་བོད་འདམ་གཞུང་རྫོང་ནས་ཡིན་པའི་བོད་པའི་བུད་མེད་དབྱངས་སྒྲོན་ལགས་ལ་རྒྱ་གཞུང་ཉེན་རྟོག་པས་སྤྱི་ཚོགས་དྲྭ་ལམ་བརྒྱུད་སྲིད་གཞུང་གི་འགོ་ཁྲིད་དང་ལས་བྱེད་རྣམས་ལ་སྐྱོན་བརྗོད་བྱས་འདུག་ཅེས་ཁག་དཀྲི་པའི་ཉེས་མིང་འོག་གློ་བུར་དུ་འཛིན་བཟུང་བྱས་ཏེ་ད་ཆ་ཁོང་གི་གནས་སྟངས་ཇི་ཆགས་སོགས་ཤེས་རྟོགས་མེད་པར་གྱུར་འདུགཟླ་ ༡༡ ཚེས་ ༡༥ ཙམ་ལ་དབྱངས་སྒྲོན་ལགས་འདམ་གཞུང་རྫོང་ཐོག་ཏུ་ཅ་ལག་ཉོ་བར་འགྲོ་སྐབས་གློ་བུར་དུ་ཁྲོམ་གཞུང་དཀྱིལ་ནས་རྒྱ་གཞུང་ཉེན་རྟོག་པས་ཁོང་འཛིན་བཟུང་བྱས་འདུག གསར་འགོད་པར་གནས་ཚུལ་མཁོ་སྤྲོད་པས་གསུངས་པར་གཞིགས་ན་འདམ་གཞུང་རྫོང་ཁོངས་ནས་ཡིན་པའི་དབྱངས་སྒྲོན་ལགས་ཀྱིས་སྤྱི་ཚོགས་དྲྭ་ལམ་བདེ་སྤྱོད་བྱས་ཏེ་དེང་སྐབས་རྒྱ་གཞུང་གི་འགོ་ཁྲིད་དང་ལས་བྱེད་རྣམས་ཀྱིས་རང་གི་དབང་ཚད་སྤྱོད་ནས་བོད་མི་རྣམས་ལ་དཀའ་ངལ་རབ་དང་རིམ་པ་སྤྲོད་བཞིན་ཡོད་པའི་གནས་ཚུལ་དྲ་ཐོག་ཏུ་སྤེལ་འདུག་ཅེས་ཉེས་འཛུགས་ཀྱིས་འཛིན་བཟུང་བྱས་ཡོད་པར་གསུངས་ཡོད། ཁོང་འཛིན་བཟུང་བྱས་ནས་ད་ཆ་བདུན་ཕྲག་འགའ་ཤས་སོང་ཡོད་ཀྱང་ས་གནས་དང་བཙོན་ཁང་གང་དུ་བཙན་ཁྲིད་བྱས་ཡོད་མེད་གཙོས་གཟུགས་གཞིའི་གནས་སྟངས་སོགས་ཤེས་རྟོགས་མེད་པར་གྱུར་བར་བརྟེན་ཁོང་སྐུ་ཟླ་དང་ནང་མི་ཚོས་རྫོང་གི་ཉེན་རྟོག་ཁང་ལ་ཐེངས་ཕྱིན་ནས་ཁོང་གི་གནས་སྟངས་ཇི་ཆགས་ཐད་ལ་འདྲི་རྩད་ཞུས་སྐབས་ ་ཉེན་རྟོག་པས་དེར་ལན་འདེབས་གང་སྤྲད་མེད་པ་དང་ཉེན་རྟོག་ཁང་ལ་ཡང་ཡང་བཅར་མི་ཆོག་པའི་ བཀག་སྡོམ་བཀའ་རྒྱ་བཏང་འདུག དེ་སྔ་བོད་ས་ཡོངས་ལ་ཏོག་དབྱིབས་གཉན་རིམས་ཁྱབ་གདལ་ཆེས་ཆེར་སོང་བའི་དཀའ་ངལ་འཕྲད་སྐབས་རྒྱ་གཞུང་གི་ཏོག་དབྱིབས་ཀླད་ཀོར་གྱི་སྲིད་བྱུས་ལག ་བསྟར་བྱས་ནས་བོད་མི་རྣམས་ལ་མི་སྤྱོ་ལས་འདས་པའི་སྡུག་པོ་མང་དུ་ཅིག་བཏང་ཡོད་སྟབས། བོད་མི་རྣམས་ཀྱིས་དེར་མ་བཟོད་ནས་སྤྱི་ཚོགས་དྲ་ལམ་ཁག་ཏུ་ངལ་འཕྲད་ཀྱི་གནས་སྟངས་སྐོར་གསུང་མཁན་མི་ཉུང་བ་ཞིག་བྱུང་ཡོད་ཀྱང་། ད་ཆ་ཁོང་རྣམ་པའི་བདེ་འཇགས་དང་གནས་སྟངས་ཇི་ཆགས་སོགས་དང་འབྲེལ་བའི་གནས་སྟངས་སྐོར་ཤེས་རྟོགས་གང་ཡང་ཐུབ་ཀྱི་མེད་པ་རེད། དབྱངས་སྒྲོན་ལགས་ནི། དམའ་རིམ་དང་འབྲེང་རིམ་སློབ་གྲྭ་ཆ་ཚང་སློབ་ཐོན་ཟིན་རྗེས་བོད་ལྗོངས་མི་རིགས་སློབ་གྲྭ་ཆེན་མོ་ནས་སློབ་སྦྱོང་གནང་མྱོང་བའི་བོད་རིགས་ཤེས་ལྡན་པ་ཞིག་ཆགས་ཡོད་སྟབས། ཁོང་གིས་སྤྱི་ཚོགས་དྲ་ལམ་ནང་བོད་ནང་གི་དངོས་ཡོད་གནས་སྟངས་དང་འབྲེལ་བའི་བཀའ་མོལ་གནང་སྐབས་དེར་རྒྱབ་སྐྱོར་དང་དགའ་རྟགས་གནང་མཁན་མང་དག་ཅིག་བྱུང་ཡོད་པ་དང་དེ་སྔ་ཁྱིམ་སྡོད་བཀའ་རྒྱ་སྐབས་སུའང་དབྱངས་སྒྲོན་ལགས་དང་ཁོང་གི་སྐུ་ཟླ་རིན་ཆེན་བཀྲ་ཤིས་ལགས་རྣམ་གཉིས་ཀྱིས་རང་གི་བདེ་འཇགས་སྲུང་སྐྱོབ་ལ་མ་འཛེམས་པར་ས་གནས་ཀྱི་བོད་མི་རྣམས་ལ་བཟའ་འབྲུ་སོགས་གནང་སྟེ་རོགས་སྐྱོར་མང་པོ་གནང་ཡོད། ལོ་གཅིག་ཙམ་གྱི་སྔོན་ནས་ཁོང་བཟའ་ཚོ་གཉིས་པོས་འདམ་གཞུང་རྫོང་ཐོག་ཏུ་ཉི་འོད་ཟ་ཁང་ཞེས་པ་ཞིག་གཉེར་ཡོད། ཁོང་བཟའ་ཚོ་གཉིས་ལ་བུ་ཕྲུག་གཉིས་འདུག