Monthly Archives: December, 2022

ཉན་པ།: Listen ཕབ་ལེན། Download ཁེ་ན་ཌའི་གྲོས་ཚོགས་སུ་སྤྱི་མོས་ཀྱིས་བོད་དོན་རྒྱབ་སྐྱོར་གྱི་གྲོས་ཆོད་གཏན་འབེབས། བོད་མཚོ་སྔོན་ཁུལ་དུ་མིག་འབྲས་རིགས་རྫས་བསྡུ་ལེན་རྒྱ་ཆེ་ཤོས་དེ་བྱས་ཡོད་པར་མངོན་གསལ། ༸སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ་སྐུ་ཕྲེང་བཞི་པས་༸གོང་ས་མཆོག་ལ་གསར་མཇལ་ཞུས་པ། བོད་མིའི་ཁྱིམ་ཚང་ལྔས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གཙོ་འཛིན་མཆོག་ལ་བོད་དོན་ཞུ་གཏུག རྒྱ་གཞུང་ནས་གཉན་རིམས་ཁྲོད་འདས་གྲོངས་ཕྱིན་པའི་གྲངས་འབོར་སྦས་སྐུངས་བྱས་པར་སྐྱོན་བརྗོད། Thursday 15/12/2022 Canadian Parliament passes Sino-Tibet dialogue motion unanimously New report exposes mass Iris scan collection in ‘Qinghai’ 4th Taklung Tsetrul Rinpoche receives blessing from Dalai Lama 5 Tibetan family appeal UN Rights Chief to intervene on Tibet China slammed for hiding Covid death in Tibet

ཁེ་ན་ཌའི་ཊོ་རོན་ཊོ་གཙུག་ལག་སློབ་གཉེར་ཁང་གི་ Citizen Lab ཞེས་པའི་དྲ་རྒྱའི་བདེ་འཇགས་ཉམས་ཞིབ་ཚན་པས་སྙན་ཐོ་ཞིག་འདོན་སྤེལ་གནང་བར་རྒྱ་ནག་གཞུང་གིས་ཕྱི་ལོ་ ༢༠༡༩ ལོའི་ཕྱི་ཟླ་ ༧ པ་བར་བོད་མཚོ་སྔོན་ཁུལ་གྱི་མཚོ་ཤར་དང་མཚོ་བྱང་། དེ་བཞིབ་ཡུལ་ཤུལ་བཅས་བོད་མིའི་ས་ཁུལ་གསུམ་གྱི་ནང་ནས་མང་ཚོགས་ས་ཡ་གཅིག་དང་ཕྱེད་ཀ་མིན་ཙམ་གྱི་ Iris Scan འམ་མིག་འབྲས་རིགས་རྫས་བསྡུ་ལེན་བྱས་ཡོད་པ་མངོན་གསལ་དང་སྦྲགས། ད་བར་རྒྱ་ནག་ནང་མི་འབོར་ལ་གཞིགས་པའི་མང་ཚོགས་ཀྱི་རིགས་རྫས་ཁྲོད་མིག་འབྲས་རིགས་རྫས་བསྡུ་ལེན་ཆེས་མང་ཤོས་བྱས་པ་དེ་ཆགས་ཀྱི་ཡོད་པར་གསལ་འདོན་གནང་འདུག ཁ་སང་ཚེས་ ༡༤ ཉིན་ Citizen Lab ཉམས་ཞིབ་ཁང་གི་དྲ་གནས་ཐོག་ཤོག་གྲངས་ ༣༠ ལྷག་གྱི་སྙན་ཐོ་ཞིག་འདོན་སྤེལ་གནང་བའི་ནང་རྒྱ་ནག་གཞུང་གིས་ཉེན་རྟོག་པ་བརྒྱུད་ནས་ཕྱི་ལོ་ ༢༠༡༩ ཕྱི་ཟླ་ ༧ པ་བར་བོད་མཚོ་སྔོན་ཁུལ་གྱི་མཚོ་ཤར་དང་མཚོ་བྱང་། དེ་བཞིན་ཡུལ་ཤུལ་བཅས་བོད་མིའི་ས་ཁུལ་གསུམ་གྱི་ནང་ནས་མང་ཚོགས་ས་ཡ་གཅིག་དང་ཕྱེད་ཀ་མིན་ཙམ་གྱི་ Iris Scan འམ་མིག་འབྲས་རིགས་རྫས་བསྡུ་ལེན་བྱས་ཡོད་པ་དང་། དེའང་མཚོ་སྔོན་ཞིང་ཆེན་གྱི་མི་འབོར་ཁྱོན་ས་ཡ་ ༥་༩ ཁྲོད་ནས་བརྒྱ་ཆ་ ༢༦ ཙམ་ཆགས་ཀྱི་ཡོད་སྟབས། ད་བར་རྒྱ་ནག་ནང་མི་འབོར་ལ་གཞིགས་པའི་མང་ཚོགས་ཀྱི་རིགས་རྫས་ཁྲོད་མིག་འབྲས་རིགས་རྫས་བསྡུ་ལེན་ཆེས་མང་ཤོས་བྱས་པ་དེ་ཆགས་ཀྱི་ཡོད་པར་གསལ་འདོན་གནང་ཡོད། རྒྱ་གཞུང་ཉེན་རྟོག་པས་ཉེས་དོན་འགོག་ཐབས་དང་བྱིས་པ་བཙན་ཁྲིད་འགོག་ཐབས། མི་འབོར་བརླག་ཤོར་བ་འཚོལ་ཐབས། མང་ཚོགས་ཀྱི་ངོ་སྤྲོད་ལག་འཁྱེར་བཟོ་སླད་ཡིན་ཁུལ་གྱི་རྒྱུ་མཚན་སྣ་ཚོགས་ཁག་དཀྲི་བྱས་ཡོད་ཀྱང་། Citizen Lab ཞིབ་འཇུག་གནང་བའི་ཁྲོད་ཉེན་རྟོག་པས་རིགས་རྫས་བགྲང་གསོག་བྱས་པ་དེ་དག་མང་ཚོགས་ལ་དམ་བསྒྲགས་དང་ལྟ་སྲུང་བྱ་ཕྱིར་སྤྱོད་སྲིད་པས་ལོ་མང་རིང་ནས་གསང་བའི་ལས་གཞིའི་ཆ་ཤས་ཡིན་པ་དང་། མིག་འབྲས་རིགས་རྫས་མཁོ་སྒྲུབ་ཀྱི་ལས་གཞི་བརྒྱུད་ནས་མཚོ་སྔོན་ཉེན་རྟོག་པས་བོད་མིའི་སྤྱི་ཚོགས་ཡོངས་ཀྱི་བརྟན་ལྷིང་ལ་ཉེན་ཁར་ངོས་འཛིན་བཞིན་ཡོད་པ་མངོན་རྒྱུ་འདུག་ཅེས་གསུངས་ཡོད། དེ་སྔ་ཕྱི་ལོ་ ༢༠༢༠ ལོར་ Bitter Winter ཞེས་པའི་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་གསལ་བཏོན་གནང་མཁན་གྱི་ཚོགས་པའི་དྲ་གནས་ཐོག་མཚོ་སྔོན་ཞིང་ཆེན་ཁུལ་གྱི་མཚོ་ཤར་ཁུལ་དུ་བཙན་དབང་ཐོག་མང་ཚོགས་ཀྱི་མིག་འབྲས་རིགས་རྫས་མཁོ་སྒྲུབ་བྱེད་བཞིན་པའི་སྙན་ཐོ་འདོན་སྤེལ་གནང་ཡོད་པ་ལྟར། Citizen Lab ངོས་ནས་སྙན་ཐོ དེར་གཞིར་བཞག་གིས་ཞིབ་འཇུག་འཕར་མ་གནང་བའི་ཁྲོད། བོད་མི་དང་ཧན་རྒྱ་རིགས་མ་ཡིན་པའི་མི་འབོར་བརྒྱ་ཆ་ ༤༩ ལྷག་ཡོད་པའི་མཚོ་སྔོན་ཞིང་ཆེན་ནང་ཉེན་རྟོག་པ་བརྒྱུད་ནས་མང་ཚོགས་ཀྱི་མིག་འབྲས་རིགས་རྫས་མཁོ་སྒྲུབ་བྱེད་བཞིན་པའི་དཔང་རྟགས་མང་དག་ཅིག་ལག་སོན་བྱུང་བར་མངོན་གསལ་གནང་འདུག དེ་བཞིན་རྒྱ་ནག་གཞུང་འབྲེལ་བརྒྱུད་ལམ་དང་སྤྱི་ཚོགས་དྲ་རྒྱ། སྐད་འཕྲིན་བཅས་ཀྱི་ཐོག་ནས་ཡིག་ཆ་དང་སྙན་ཐོ་བཅས་ཁྱོན་གནས་ཚུལ་ཡོང་ཁོངས་ ༡༨༩ ལག་སོན་བྱུང་ཡོད་པའི་ནང་མང་ཚོགས་ཀྱི་ལྟ་ཀློག་བྱ་ས་ཡོད་པའི་སྙན་ཐོ་ ༥༣ ཡོད་པའི་ནང་མཚོ་སྔོན་ཁུལ་གྱི་མཚོ་ཤར་དང་མཚོ་བྱང་། དེ་བཞིན་ཡུལ་ཤུལ་བཅས་བོད་པའི་ས་ཁུལ་གསུམ་གྱི་ནང་ཉེན་རྟོག་པས་བོད་རིགས་མང་ཚོགས་ཀྱི་མིག་འབྲས་རིགས་རྫས་མཁོ་སྒྲུབ་བྱས་ཡོད་པ་དང་། དེའང་ཡུལ་ཤུལ་ཁུལ་དུ་ས་འགུལ་གྱི་གནད་དོན་ཁྲོད་ནས་འབྲོག་མི་ ༣༥༩༨ ཙམ་གྱི་མིག་འབྲས་རིགས་རྫས་མཁོ་སྒྲུབ་བྱས་པ་དང་། དེ་རྗེས་མཚོ་ཤར་དང་མཚོ་བྱང་བཅས་ཀྱི་ནང་མང་ཚོགས་ནས་རྒྱ་སྒོར་ ༢༠༠ རེ་བསྡུ་ལེན་གྱིས་འཇིགས་སྐུལ་སྣ་ཚོགས་བྱས་པར་མ་ཟད། ལས་གཞི་དེའི་ནང་ Super Red ཞེས་པའི་རྒྱ་ནག་གཞུང་གི་ལྟ་སྲུང་འཕྲུལ་རིགས་ཚོང་ལས་ཁང་ཡང་མཉམ་ཞུགས་བྱས་ཡོད་པ་སོགས་ཤེས་རྟོགས་བྱུང་འདུག རྒྱ་གཞུང་ཉེན་རྟོག་པས་སྤྱི་ཚོགས་ཕན་བདེའི་ལས་གཞི་འདྲ་མིན་ལ་ཁ་གཡར་གྱི་ཡོད་ཀྱང་། དོན་དངོས་ཐོག་མིག་འབྲས་རིགས་རྫས་མཁོ་སྒྲུབ་ཀྱི་ལས་གཞི་དེ་དག་བརྒྱུད་ནས་མང་ཚོགས་ལ་དམ་བསྒྲགས་དང་ལྟ་སྲུང་ཆེས་ཆེར་བྱེད་བཞིན་ཡོད་པ་མ་ཚད་པར་བོད་མིའི་སྐད་ཡིག་རང་དབང་ལ་དམ་བསྒྲགས། དེ་བཞིན་འབྲོག་པ་གཞིས་སྤོས་ཀྱི་ལས་གཞི་བཅས་ལ་ཤུགས་ཆེར་སྤྱོད་བཞིན་ཡོད་པ་མངོན་གསལ་གནང་འདུག མཚོ་སྔོན་ཁུལ་དུ་ཉེན་རྟོག་པས་ཁྲིམས་དེ་དག་ལས་ཡོངས་སུ་འགལ་ཏེ། ཡུལ་དང་གྲོང་པ། དགོན་པ། ཐ་ན་ལོ་ཆུང་སློབ་ཕྲུག་རྣམས་ཀྱི་རིགས་རྫས་ཀྱང་བསྡུ་ལེན་བྱས་དང་བྱེད་བཞིན་ཡོད་པ་མངོན་གསལ་དང་སྦྲགས། རྒྱ་གཞུང་གི་ལས་གཞི་དེ་དག་ནི་ཁྲིམས་འགལ་ཆགས་ཀྱི་ཡོད་པར་མ་ཟད། བོད་མི་གཙོ་གྱུར་གྲངས་ཉུང་མི་རིགས་ཀྱི་སྤྱི་ཚོགས་ཡོངས་རྫོགས་ཀྱི་བརྟན་ལྷིང་ལ་ཉེན་ཁར་ངོས་འཛིན་བཞིན་ཡོད་པ་མངོན་རྒྱུ་འདུག་ཅེས་གསུངས་ཡོད། རྩ་བའི་འདི་ལོའི་ཕྱི་ཟླ་ ༩ པ་ནང་ཨ་རིར་རྟེན་གཞི་བྱས་པའི་འགྲོ་བ་མིའི་ཐོབ་ཐང་ལྟ་ཞིབ་ཚོགས་པ་དང་།  Ciitzen Lab གཉིས་ཀྱིས་སྙན་ཐོ་རིམ་པ་ཆེད་བཏོན་གནང་བར་རྒྱ་ནག་གཞུང་གིས་བོད་རང་སྐྱོང་ལྗོངས་ཟེར་བའི་ནང་གི་མི་འབོར་བརྒྱ་ཆ་གསུམ་ཆ་གཅིག་ཙམ་གྱི་ DNA འམ་རིགས་རྫས་མཁོ་སྒྲུབ་བྱེད་བཞིན་ཡོད་པ་ཐེར་འདོན་གནང་ཡོད་པ་རེད།

ཁེ་ན་ཌའི་གྲོས་ཚོགས་སུ་བོད་མིའི་བདེན་དོན་འཐབ་རྩོད་དང་འབྲེལ་བའི་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་དང་སྦྲགས་ཏེ་སྤྱི་མོས་ཀྱིས་ བོད་རྒྱ་གྲོས་མོལ་བསྐྱར་གསོ་ཡོང་ཐབས་ཀྱི་གྲོས་ཆོད་གཏན་འབེབས་གནང་འདུག ཁེ་ན་ཌའི་རྙིང་ཞེན་ཆབ་སྲིད་ཚོགས་པའི་གྲོས་ཚོགས་འཐུས་མི་དང་བོད་དོན་རྒྱབ་སྐྱོར་བ་སྐུ་ཞབས་ Garnett Genuis ལགས་ཀྱིས་ཁ་ཉིན་ཚེས་ ༡༣ ཉིན་གྲོས་ཚོགས་འོག་མར་ཁེ་ན་ཌའི་ངོས་ནས་བོད་མིའི་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་ཁ་གསལ་དགོས་པ་དང་། སྲིད་བྱུས་དེའི་བརྒྱུད་ནས་བོད་མིར་རང་ཐག་རང་གཅོད་ཀྱི་ཐོབ་ཐང་ཡོང་ཐབས་སླད་བོད་རྒྱ་གཉིས་དབར་གྲོས་མོལ་བསྐྱར་གསོ་དགོས་པའི་གྲོས་ཆོད་གྲོས་འཆར་ཞིག་བསྣམས་ཡོད་པ་ལྟར། ཁ་སང་ཚེས་ ༡༤ ཉིན་གྲོས་ཚོགས་སུ་འོས་ཤོག་གྲངས་ ༣༢༤ དང་ ༠ བཅས་སྤྱི་མོས་ཀྱི་ཐོག་ནས་གྲོས་ཆོད་དེ་གཏན་འབེབས་གནང་འདུག སྐུ་ཞབས་ Garnett Genuis ལགས་ཀྱིས་བཏོན་པའི་གྲོས་འཆར་དེའི་ནང་རྒྱ་ནག་གི་རྩ་ཁྲིམས་ཀྱི་སྒྲོམ་གཞི་འོག་ནས་བོད་མིའི་མིང་དོན་མཚུངས་པའི་རང་སྲིད་རང་སྐྱོང་གི་གནས་བབ་ཕྱག་བསྟར་ཐུབ་ཆེད་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གམ་མགོན་པོ་༸གང་ཉིད་མཆོག་གི་སྐུ་ཚབ། ཡང་ན་བོད་མིའི་སྒྲིག་འཛུགས་ཀྱི་སྐུ་ཚབ་དང་ལྷན་དུ་གྲོས་མོལ་ཡོང་བའི་འབོད་སྐུལ་གནང་བར་མ་ཟད། ད་ལྟའི་ཆར་བོད་འདི་རྒྱ་ནག་གི་བཙན་གནོན་འོག་ཏུ་གནས་ཡོད་པར་བློ་འཚབ་ཀྱི་རྣམ་པ་མངོན་གསལ་དང་འབྲེལ། ཁེ་ན་ཌའི་གཞུང་དང་གྲོས་ཚོགས་འཐུས་མི་རྣམས་ཀྱིས་བོད་དང་བོད་མིའི་མ་འོངས་གནས་བབ་ལ་དགོངས་པ་བཞེས་ཏེ་བོད་མི་རྣམས་ལ་མིང་དོན་མཚུངས་པའི་རང་སྲིད་རང་སྐྱོང་དང་རང་ཐག་རང་གཅོད་ཐོབ་ཐང་གི་གྲོས་འཆར་དེར་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་གནང་ཡོད། དེ་བཞིན་ཁོང་གིས་བོད་མིའི་དབུ་ཁྲིད་རྣམས་ཀྱིས་རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་འོག་དབུ་མའི་ལམ་གྱི་སྲིད་བྱུས་བརྒྱུད་མིང་དོན་མཚུངས་པའི་རང་སྲིད་རང་སྐྱོང་གི་གནས་བབ་རྩོད་བཞིན་པ་མ་གཏོགས་རང་བཙན་རྩོད་ཀྱི་མེད་པར་བསྐྱར་ནན་གནང་བ་དང་ཆབས་ཅིག ཐེངས་འདིའི་གྲོས་འཆར་འདི་ཉིད་རྒྱལ་སྤྱིའི་ཁྲིམས་ལུགས་དང་བཟང་ཕྱོགས་ལྟ་གྲུབ་དང་མཐུན་པ་ཞིག་ཡིན་སྟབས། གྲོས་གཞི་དེ་གཏན་འབེབས་ཀྱིས་བོད་མིའི་མངོན་འདོད་ལ་རྒྱབ་སྐྱོར་ཡོང་བའི་རེ་སྐུལ་དང་འབྲེལ་ནས་བོད་མི་རྣམས་ཀྱིས་རྩོད་བཞིན་པའི་དབུ་མའི་ལམ་གྱི་སྲིད་བྱུས་ནི་དངོས་ཡོད་དང་མཐུན་པ་གང་ཞིག་ནུས་པ་དང་ལྡན་པའི་འཐབ་རྩོད་ཀྱི་བཞེངས་ཕྱོགས་ཤིག་རེད། རྒྱ་ནག་གིས་མི་ལོ་ ༦༠ ལྷག་གི་རིང་ལ་བོད་མིའི་ངོ་བོ་རྩ་མེད་གཏོང་ཐབས་བྱས་དང་བྱེད་བཞིན་ཡོད་ཀྱང་སྲིད་བྱུས་དེ་ཉིད་ད་དུང་ཉམས་པ་མེད་པར་གནས་ཡོད་ཅེས་གསུངས་འདུག རྒྱལ་སྤྱིའི་ཁྲོད་ནས་དབུ་མའི་ལམ་གྱི་ཐོག་ནས་བོད་རྒྱའི་དཀའ་རྙོག་སེལ་ཐབས་ཀྱི་འབད་རྩོལ་ལ་ཆབ་སྲིད་ཀྱི་ཐོག་ནས་རྒྱབ་སྐྱོར་གནང་རྒྱུའི་ཞལ་བཞེས་གནང་ཞིང་། བོད་མི་རྣམས་ལ་མིང་དོན་མཚུངས་པའི་རང་སྲིད་རང་སྐྱོང་གི་གནས་བབ་དང་། རང་དབང་། མང་གཙོ་དང་འགྲོ་བ་མིའི་ཐོབ་ཐང་སོགས་བོད་མིའི་མངོན་འདོད་ལ་བོད་ཀྱི་གྲོགས་པོ་རྣམ་པས་ཁུ་སིམ་པོར་བཞུགས་རྒྱུ་མེད་ཅེས་སོགས་གསུངས་འདུག གཞི་རྩའི་ཁེ་ན་ཌ་ནང་བོད་དོན་དང་འབྲེལ་བའི་གྲོས་ཆོད་ཅིག་ལ་སྤྱི་མོས་སྒོ་ནས་རྒྱབ་སྐྱོར་ཐོབ་པ་མཐའ་མ་དེ་ནི་ཕྱི་ལོ་ ༢༠༠༧ ལོར་ཆགས་ཡོད་པ་དང་། སྐབས་དེའི་གྲོས་ཚོགས་འཐུས་མི་ལྕམ་སྐུ་ Peggy Nesh ལགས་ཀྱིས་བོད་རྒྱ་གྲོས་མོལ་བསྐྱར་གསོ་ཡོང་ཐབས་ལ་རྒྱབ་སྐྱོར་གནང་སྟེ་གྲོས་ཆོད་དེ་མཚུངས་ཆེད་བཏོན་གནང་བ་ལྟར་གྲོས་ཚོགས་ སྤྱི་མོས་ཀྱི་རྒྱབ་སྐྱོར་ཐོབ་ཡོད་པ་རེད།

དེ་རིང་སྔ་དྲོ་རྒྱ་གར་བྱང་ཕྱོགས་ཧི་མཱ་ཅལ་མངའ་སྡེའི་རྒྱལ་ས་སིམ་ལར་རྟེན་གཞི་བྱས་པའི་རྡོ་རྗེ་བྲག་དགོན་པའི་དགོན་བདག་སྔ་འགྱུར་རྙིང་མའི་དབུ་འཛིན་ཁྲི་རབས་དྲུག་པ་༸སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ་མཆོག་གི་ཡང་སྲིད་སྐུ་ཕྲེང་བཞི་པ་སྤི་སྟི་ནས་ཡིན་པ་འཇིགས་བྲལ་པདྨ་བཤད་སྒྲུབ་བསྟན་པའི་རྒྱལ་མཚན་མཆོག་༸རྒྱལ་བའི་བཞུགས་སྒར་དྷརྨ་སཱ་ལཱར་ཆེད་ཕེབས་ཀྱིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གསར་མཇལ་ཞུས་སོང་།དེ་རིང་གི་མཇལ་ཁ་ཐོག་ཡང་སྲིད་རིམ་པོ་ཆེ་མཆོག་གིས་དབུས་པའི་བླ་བྲང་གི་ཕྱག་མཛོད་དང་དབུ་ལས། དེ་བཞིན་ཡབ་ཡམ་གཙོས་སྐུ་འཁོར་རྣམས་ཕེབས་གནང་འདུགམཇལ་ཁ་གྲུབ་མཚམས་སུ་ཡང་སྲིད་རིན་པོ་ཆེ་མཆོག་གི་ཡུམ་སྐལ་བཟང་སྒྲོལ་མ་ལགས་ཀྱིས་ཡང་སྲིད་རིན་པོ་ཆེ་མཆོག་གི་ཐུགས་རྗེ་བཀའ་དྲིན་ལ་བརྟེན་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་གཟིམ་ཆུང་མཇལ་ཐོན་སོང་ཞེས་གསུངས་པ་དང་འབྲེལ། ཡང་སྲིད་རིན་པོ་ཆེ་མཆོག་ཡུམ་གྱི་ལྷུམས་སུ་མ་བཞུགས་གོང་ཁྱིམ་གྱི་འཚོ་བའི་གནས་སྟངས་ལ་ངལ་བ་ཆེས་ཆེར་འཕྲད་མྱོང་ཡོད་ཀྱང་རིན་པོ་ཆེ་མཆོག་ཡུམ་གྱི་ལྷུགས་སུ་བཞུགས་པ་ནས་བཟུང་ཁྱིམ་གྱི་འཚོ་བར་ཡར་རྒྱས་ཕྱིན་པར་མ་ཚད་པར་རྒྱ་གར་གཞུང་གི་སློབ་གྲྭར་དགེ་རྒན་གྱི་ཕྱག་ལས་རག་སྟབས་ཁྱིམ་ཚང་ལ་འགྱུར་ལྡོག་ཆེན་པོ་བྱུང་ཡོད་པ་གསུངས་སོང་། དེ་བཞིན་ཕྱག་མཛོད་ཡར་འཕེལ་ལགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མཇལ་ཁའི་སྐབས་རིན་པོ་ཆེ་མཆོག་གི་དབུ་སྐྲ་གཙུག་ཕུད་བཞེས་གནང་མཛད་པ་དང་། མགོན་པོ་༸གང་ཉིད་མཆོག་གིས་ཡང་སྲིད་རིན་པོ་ཆེ་མཆོག་གི་བསླབ་པ་སློབ་གཉེར་གནང་ཕྱོགས་ཐོག་ལམ་སྟོན་བཀའ་སློབ་སྩལ་ཡོད་པར་གསུངས་སོང་།༸སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ་མཆོག་གི་༸སྐུ་གོང་མ་ཕྱི་ལོ་ ༢༠༡༥ ལོའི་ཟླ་ ༡༢ ཚེས་ ༢༣ ཉིན་རྒྱ་གར་གྱི་གནས་མཆོག་རྡོ་རྗེ་གདན་དུ་རིན་པོ་ཆེ་མཆོག་དགུང་ལོ་ ༨༩ ཐོག་ལ་ཛ་དྲག་གི་སྙུང་གཞི་རིགས་གང་ཡང་མེད་པར་དགོངས་པ་ཆོས་དབྱིངས་སུ་ཐིམ་པའི་ཡིད་སྐྱོའི་གནས་ཚུལ་ཐོན་རྗེས་གོང་མའི་ཐུགས་སྲས་ལྷོ་བྲག་ནམ་མཁའི་སྙིང་པོ་རིན་པོ་ཆེ་མཆོག་གིས་ལམ་སྟོན་ལྟར་བླ་བྲང་ཐོུང་ནས་འཁོན་རིགས་བསྟན་པའི་སྲོལ་འབྱེད་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་ལ་ཡང་སྲིད་བཙལ་འཚོལ་དང་འབྲེལ་བའི་བཀའ་ལུང་གསོལ་འདེབས་ཞུས་པར་དགོན་པའི་ཤར་ཕྱོགས་སུ་སྐུ་འཁྲུངས་ཡོད་པར་བཀའ་ལུང་ཕེབས་དོན་ལྟར། ཡང་སྲིད་ངག་དབང་བཀྲིས་རབ་བརྟེན་མཆོག་ཕྱི་ལོ་ ༢༠༡༨ ཟླ་ ༤ ཚེས་ ༡༦ ཉིན་སྤི་སྟི་ནས་ཡིན་པ་ཡབ་བསོད་ནམས་ཆོས་འཕེལ་ལགས་དང་ཡུམ་སྐལ་བཟང་སྒྲོལ་མ་ལགས་རྣམ་གཉིས་ཀྱི་སྲས་སུ་༸སྐུ་འཁྲུངས་ཏེ་ཡང་སྲིད་འཁྲུལ་བྲལ་དུ་ངོས་འཛིན་མཛད་ཡོད།ཡང་སྲིད་མཆོག་གིས་དབུས་པའི་སྐུ་འཁོར་རྣམས་ཁ་སང་བཞུགས་སྒར་དུ་༸ཞབས་སོར་བདེ་བར་འཁོད་དེ་གནས་ཆུང་སྒྲ་དབྱངས་གླིང་གྲྭ་ཚང་དུ་༸སྐུ་བཞུགས་གནང་ཡོད།དེ་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མཇལ་བཅར་ཞུ་མཁན་ཁོངས་སུ་ལ་དྭགས་ནང་ཚོགས་དང་དགོན་ཚོགས་སོགས་ཀྱི་གཙོ་འཛིན་རྣམས་ནས་དུས་སང་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་སུ་ཆིབས་བསྒྱུར་བཀའ་དྲིན་མཛད་གནང་ཡོང་བའི་གསོལ་འདེབས་ཞུས་ཡོད་པ་རེད། ༸སྐུ་པར་བདག་དབང་༸དཔལ་ལྡན་དགའ་ལྡན་ཕོ་བྲང་ཡིག་ཚང་།  

སུད་སི་གྲོང་ཁྱེར་ཇི་ནི་ཝའི་མཉམ་འབྲེལ་རྒྱལ་ཚོགས་མདུན་དུ་རྣམ་ཀུན་ནས་༸རྒྱལ་བའི་༸སྐུའི་བླ་གཟའ་ལྷག་དཀར་ཉིན་བོད་མིའི་སྐྱིད་སྡུག་མཉམ་མྱོང་གི་ལས་འགུལ་སྤེལ་མཁན་བོད་མི་ཁྱིམ་ཚང་ལྔས་ཁ་སང་ཕྱི་ཚེས་ ༡༤ ཉིན་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་ལ་བོད་དོན་ཞུ་གཏུག་ལས་འགུལ་ཐེངས་ ༡༣༡ སྤེལ་ཡོད།ལས་འགུལ་དེ་ཕྱི་ལོ་ ༢༠༡༢ ཕྱི་ཟླ་ ༡༢ ཚེས་ ༡༠ སྟེ་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོར་སུད་སི་གནས་སྡོད་བོད་མི་སྟག་ཚང་དཀོན་མཆོག་ལགས་དང་ལྷུན་གྲུབ་ཚང་ཀརྨ་བཀྲ་ཤིས་ཁྱིམ་ཚང་གཉིས་ཀྱིས་རྒྱལ་ཚོགས་མདུན་ཐང་དུ་ད་བར་བོད་བསྟན་སྲིད་མི་རིགས་ཀྱི་དོན་དུ་བོད་ཕྱི་ནང་གཉིས་སུ་སྐུ་ལུས་ཞུགས་འབུལ་གནང་མཁན་རྒྱལ་གཅེས་པ་རྣམས་ཀྱི་ཞལ་གྲངས་དང་མཉམ་པའི་བོད་ཀྱི་རྒྱལ་དར་སྒྲེང་འཛུགས་དང། མང་ཚོགས་ལ་བོད་ཀྱི་གནས་བབ་འཁོད་པའི་ཡིག་ཆ་འགྲེམས་སྤེལ་གནང་བཞིན་ཡོད་པ་རེད།ཁ་སང་ལྷག་དཀར་ཉིན་ཁོང་རྣམ་པས་རྒྱལ་ཚོགས་ཀྱི་མདུན་དུ་བོད་མིའི་སྐྱིད་སྡུག་མཉམ་མྱོང་ལས་འགུལ་སྤེལ་ཏེ་ལོ་བཅུ་ཧྲིལ་པོ་འཁོར་བ་དང། དེ་བཞིན་རྒྱལ་ཚོགས་ལ་བོད་དོན་ཞུ་གཏུག་ལས་འགུལ་ཐེངས་ ༡༣༡ སྤེལ་བའི་དུས་ཚིགས་དང་བསྟུན། མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་གཙོ་འཛིན་སྐུ་ཞབས་ Volker Turk མཆོག་གི་མཚན་ཐོག་ལ་བོད་ནང་གི་གནས་སྟངས་ཆེས་ཇེ་ཞན་ཇེ་སྡུག་ཏུ་འགྲོ་བཞིན་ཡོད་པ་སོགས་དོན་ཚན་ལྔ་ཅན་གྱི་བོད་དོན་ཞུ་སྙན་ཞིག་ཕུལ་འདུགབོད་མི་ཁྱིམ་ཚང་ལྔས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་གཙོ་འཛིན་མཆོག་ལ་ཕུལ་བའི་བོད་དོན་ཞུ་སྙན་ནང་གཙོ་བོ། བོད་ནང་རྒྱ་གཞུང་གིས་སྤེལ་བཞིན་པའི་མི་རིགས་མཉམ་བསྲེས་ཀྱི་སྲིད་བྱུས་དང་འགྲོ་བ་མིའི་ཐོབ་ཐང་རྡོག་རོལ་གྱི་བྱ་སྤྱོད་མཚམས་འཇོག་དགོས་པ། བོད་མི་ཚོར་བོད་བརྒྱུད་ནང་བསྟན་གྱི་བླ་སྤྲུལ་ཡང་སྲིད་ངོ་འཛིན་ཞུ་རྒྱུའི་ཐོབ་ཐང་སྤྲོད་དགོས་པ་སོགས་ཀྱི་ཐོག་རྒྱལ་ཚོགས་ཀྱི་ངོས་ནས་རྒྱ་གཞུང་ལ་གནོན་ཤུགས་སྤྲོད་གནང་ཡོང་བ། རྒྱ་གཞུང་ནས་བོད་རྒྱའི་དཀའ་སེལ་ཕྱིར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་ལྷན་དུ་འབྲེལ་མོལ་བསྐྱར་གསོ་བྱེད་དགོས་པ། བོད་ནང་ལག་བསྟར་བྱེད་བཞིན་པའི་མི་སེར་སྤེལ་ཡུལ་ལམ་ལུགས་ཀྱི་གཏན་འཇགས་སློབ་གྲྭ་མཚམས་འཇོག་དགོས་པ། བོད་ཕྲུག་ཚོར་བོད་ཀྱི་སྐད་ཡིག་སློབ་སྦྱོང་གི་ཐོབ་ཐང་སྤྲོད་དགོས་པ། རྒྱལ་ཚོགས་ཀྱིས་རྒྱ་ནག་ནང་གི་འགྲོ་བ་མིིའི་ཐོབ་ཐང་གི་གནས་སྟངས་ལ་ཞིབ་འཇུག་གནང་བའི་སྙན་ཐོའི་ཁག་ཏུ་བོད་གནད་ཆེད་བཅུག་གནང་དགོས་པ་བཅས་བཀོད་ཡོད་པ་རེད།ད་ལྟའི་ཆར་སྟག་ཚང་དཀོན་མཆོག་ལགས་ཀྱི་ཁྱིམ་ཚང་གཙོས་འདི་གར་གནས་སྡོད། མདུན་ཆུ་ཚེ་རིང་རྒྱལ་པོ་ལགས་དང། ངག་དབང་ཚང་ངག་དབང་དཔལ་ལྡན་ལགས། རྒྱལ་བ་ཚང་བཀྲིས་ལྷ་མོ་ལགས། དེ་བཞིན་ཡེ་ཤེས་ལྷ་མོ་ལགས་བཅས་བོད་མི་ཁྱིམ་ཚང་ལྔས་ལས་ཀ་དང་དུས་ཚོད། འགྲོ་གྲོན་སོགས་ལ་མ་འཛེམ་པར་འདི་ག་ཇི་ནི་ཝའི་རྒྱལ་ཚོགས་མདུན་དུ་ཟླ་རེའི་རེས་གཟའ་ལྷག་པ་གཉིས་པ་ནམ་ཡིན་ལ་རྒྱུན་ཆད་མེད་པར་བོད་དོན་ཞུ་གཏུག་ལས་འགུལ་སྤེལ་བཞིན་ཡོད་པ་རེད།ཕྱི་ལོ་ ༢༠༡༡ ལོ་ནས་བཟུང་འདས་པའི་ལོ་ ༡༡ ལྷག་གི་ནང་ཁོང་རྣམ་པས་བོད་མིའི་སྐྱིད་སྡུག་མཉམ་མྱོང་གི་ལས་འགུལ་མཚན་བྱང་འོག་ཡོ་རོབ་བོད་དོན་གོམ་བགྲོད་འགུལ་དང། བོད་དོན་དྲིལ་བསྒྲགས་ལས་འགུལ། ཡོ་རོབ་འཐུས་ཚོགས་དང་གྲོས་ཚོགས། དེ་བཞིན་སུད་སི་གྲོས་ཚོགས་སུ་བོད་དོན་ཞུ་གཏུག་ལས་འགུལ། གཞུང་ཚབ་ཁག་ལ་བོད་དོན་ཞུ་གཏུག། བོད་པའི་མི་འབོར་འཕེལ་རྒྱལ་ལས་འགུལ་སོགས་བོད་དོན་འཐབ་རྩོད་དང་སྤྱི་ཚོགས་ཞབས་ཞུའི་ལས་འགུལ་མང་དག་ཅིག་སྤེལ་ཡོད།

ཉན་པ།: Listen ཕབ་ལེན། Download ༸སྐྱབས་རྗེ་སྟང་ལུང་རྩེ་སྤྲུལ་རིན་པོ་ཆེ་མཆོག་གི་ཡང་སྲིད་བཞུགས་སྒར་དུ་ཆེད་ཕེབས། རྒྱ་ནག་གི་ལོ་ངོ་བཅུ་ཕྲག་གཉིས་རིང་གི་འགྲོ་བ་མིའི་ཐོབ་ཐང་གི་གནས་སྟངས་ལ་ཉན་ཞིབ་ཚོགས་པ། རྒྱ་གཞུང་གིས་འཕགས་བོད་ས་མཚམས་ཀྱི་དཀའ་རྙོག་སེལ་རྒྱུར་འདུན་པ་མེད་ཅེས་བཤད་འདུག སྦེལ་ཇམ་བོད་ཀྱི་ཆོས་རིག་འཛིན་སྐྱོང་ཁང་སྐོར་དམིགས་བསལ་ཆེད་སྒྲིག་ལེ་ཚན། Wednesday 14/12/2022 Reincarnation of Taklung Tsetrul Rinpoche arrives in Dharamshala China has taken advantage of trade and human rights ‘delinking’ 20 years ago: US lawmakers China has no intention to solve long standing border issue with India Special feature: Centre Culturel Tibetain, Belgium

དེ་རིང་ཉིན་རྒྱབ་ཕྱག་ཚོད་ ༥༌༠༠ ཡོལ་ཙམ་ལ་རྒྱ་གར་བྱང་ཕྱོགས་ཧི་མཱ་ཅལ་མངའ་སྡེའི་རྒྱལ་ས་སིམ་ལར་རྟེན་གཞི་བྱས་པའི་རྡོ་རྗེ་བྲག་དགོན་པའི་དགོན་བདག་སྔ་འགྱུར་རྙིང་མའི་དབུ་འཛིན་ཁྲི་རབས་དྲུག་པ་༸སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ་མཆོག་གི་ཡང་སྲིད་སྤི་སྟི་ནས་ཡིན་པ་འཇིགས་བྲལ་པདྨ་བཤད་སྒྲུབ་བསྟན་པའི་རྒྱལ་མཚན་མཆོག་བཞུགས་སྒར་དུ་རྟེན་གཞི་བྱས་པའི་གནས་ཆུང་རྡོ་རྗེ་སྒྲ་དབྱངས་གླིང་དུ་༸ཞབས་སོར་བདེ་བར་འཁོད་གནང་སོང་། ༸སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ་མཆོག་གི་༸སྐུ་གོང་མ་ཕྱི་ལོ་ ༢༠༡༥ ལོའི་ཟླ་ ༡༢ ཚེས་ ༢༣ ཉིན་གྱི་ཐོ་རེངས་ཚོུད་ ༢༌༣༠ ཙམ་ལ་རྒྱ་གར་གྱི་གནས་མཆོག་རྡོ་རྗེ་གདན་དུ་རིན་པོ་ཆེ་མཆོག་དགུང་ལོ་ ༨༩ ཐོག་ལ་ཛ་དྲག་གི་སྙུང་གཞི་རིགས་གང་ཡང་མེད་པར་དགོངས་པ་ཆོས་དབྱིངས་སུ་ཐིམ་པའི་ཡིད་སྐྱོའི་གནས་ཚུལ་ཐོན་རྗེས་གོང་མའི་ཐུགས་སྲས་ལྷོ་བྲག་ནམ་མཁའི་སྙིང་པོ་རིན་པོ་ཆེ་མཆོག་གིས་ལམ་སྟོན་ལྟར་བླ་བྲང་ཐོུང་ནས་འཁོན་རིགས་བསྟན་པའི་སྲོལ་འབྱེད་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་ལ་ཡང་སྲིད་བཙལ་འཚོལ་དང་འབྲེལ་བའི་བཀའ་ལུང་གསོལ་འདེབས་ཞུས་པར་དགོན་པའི་ཤར་ཕྱོགས་སུ་སྐུ་འཁྲུངས་ཡོད་པར་བཀའ་ལུང་ཕེབས་དོན་ལྟར། ཡང་སྲིད་ངག་དབང་བཀྲིས་རབ་བརྟེན་མཆོག་ཕྱི་ལོ་ ༢༠༡༨ ཟླ་ ༤ ཚེས་ ༡༦ ཉིན་སྤི་སྟི་ནས་ཡིན་པ་ཡབ་བསོད་ནམས་ཆོས་འཕེལ་ལགས་དང་ཡུམ་སྐལ་བཟང་སྒྲོལ་མ་ལགས་རྣམ་གཉིས་ཀྱི་སྲས་སུ་༸སྐུ་འཁྲུངས་ཏེ་ཡང་སྲིད་འཁྲུལ་བྲལ་དུ་ངོས་འཛིན་མཛད་ཡོད།འདི་ལོའི་ཕྱི་ཟླ་ ༡༡ ཚེས་ ༢༨ ཉིན་སིམ་ལར་རྟེན་གཞི་བྱས་པའི་རྡོ་རྗེ་བྲག་དགོན་པར་གོང་མའི་ཐུགས་སྲས་ལྷོ་བྲག་ནམ་མཁའི་སྙིང་པོ་རིན་པོ་ཆེ་མཆོག་གིས་དབུ་སྐྲ་གཙུག་ཕུད་དང་སྐུ་ཁྲུས་གསོལ་ན་བཟའ་བཞེས་པའི་རྟེན་འབྲེལ་གྱི་མཛད་སྒོ་ཞིག་རྡོ་རྗེ་བྲག་དགོན་དུ་ཚོགས་ནས་འཇིགས་བྲལ་པདྨ་བཤད་སྒྲུབ་བསྟན་པའི་རྒྱལ་མཚན་ཞེས་མཚན་བཟང་པོ་གསོལ་གནང་ཡོད།རིན་པོ་ཆེ་མཆོག་དེ་རིང་བཞུགས་སྒར་དུ་༸ཞབས་སོར་འཁོད་མ་ཐག་གནས་ཆུང་སྒྲ་དབྱངས་གླིང་གྲྭ་ཚང་དུ་ཆིབས་བསྒྱུར་མཛད་སྐབས་གནས་ཆུང་སྐུ་རྟེན་མཆོག རྙིང་མའི་ཆོས་བརྒྱུད་ཀྱི་སྤྱི་འཐུས་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག དེ་བཞིན་དད་ལྡན་མང་ཚོགས་ཀྱིས་ཕེབས་བསུའི་སྣེ་ལེན་གཟབ་རྒྱས་ཞུས་པ་དང་སྦྲགས། ཡང་སྲིད་རིན་པོ་ཆེ་མཆོག་གི་དབུས་པའི་བླ་བྲང་གི་དབུས་ལས་གཙོས་སྐུ་འཁོར་རྣམས་གནས་ཆུང་རྡོ་རྗེ་སྒྲ་དབྱངས་གླིང་གི་འདུ་ཁང་དུ་གདན་འདྲེན་ཞུས་པ་དང་ཆབས་ཅིག་ཡང་སྲིད་རིན་པོ་ཆེར་མཎྜལ་རྟེན་གསུམ་འདེགས་འབུལ་ཞུས་ཡོད། གཞི་རྩའི་དེ་སྔ་བོད་ལ་དུས་འགྱུར་མ་བྱུང་བའི་སྔོན་དུ་སྔ་འགྱུར་རྙིང་མའི་དབུ་འཛིན་ཁྲི་རབས་ཕེབས་ཕྱོགས་ཀྱི་ལམ་སྲོལ་དམིགས་བསལ་ཞིག་མེད་ཀྱང་། བྱེས་སུ་འབྱོར་རྗེས་རྙིང་མའི་མ་དགོན་དྲུག་ནས་རེ་མོས་ཐོག་དབུ་འཛིན་ཁྲི་རབས་གནང་གི་ཡོད་པ་རེད། སྔ་འགྱུར་རྙིང་མའི་ཆོས་བརྒྱུད་ཀྱི་དབུ་འཛིན་ཆེས་ཐོག་མ་༸སྐྱབས་རྗེ་བདུད་འཇོམས་རིན་པོ་ཆེ་མཆོག་གིས་གནང་བ་དང་དེ་རྗེས་༸སྐྱབས་རྗེ་དིལ་མགོ་མཁྱེན་བརྩེ་རིན་པོ་ཆེ་མཆོག ༸སྐྱབས་རྗེ་གྲུབ་དབང་པདྨ་ནོར་བུ་མཆོག ༸སྐྱབས་རྗེ་སྨིན་གླིང་ཁྲི་ཆེན་རིན་པོ་ཆེ་མཆོག ༸སྐྱབས་རྗེ་འཁྲུལ་ཞིག་རིན་པོ་ཆེ་མཆོག ༸སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ་མཆོག ༸སྐྱབས་རྗེ་ཀཿ ཐོག་དགེ་རྩེ་རིན་པོ་ཆེ་མཆོག་སོགས་ནས་ཁྲི་རབས་ཀྱི་མཚན་གནས་རིམ་པ་བཞེས་ཏེ་བསྟན་འགྲོ་སྤྱི་དང་སྒོས་སྔ་འགྱུར་རྙིང་མའི་ཆོས་བརྒྱུད་ལ་ཕན་ཐོགས་རྒྱ་ཆེན་པོ་བྱུང་ཡོད་པ་རེད།

ཁ་སང་ཕྱི་ཚེས་ ༡༣ ཉིན་ CECC ཞེས་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གིས་རྒྱ་ནག་གི་ལོ་ངོ་བཅུ་ཕྲག་གཉིས་རིང་གི་འགྲོ་བ་མིའི་ཐོབ་ཐང་གི་གནས་སྟངས་དང་འབྲེལ་འགྲོ་བ་མིའི་ཐོབ་ཐང་བརྡལ་བཤིག་དང་སྲུང་སྐྱོབ་ཐད་ཉན་ཞིབ་ལས་རིམ་Zig ཚོགས་ཡོད་པ་ལྟར་ལྕམ་སྐུ་པེ་ལོ་སི་མཆོག་གིས་ཚོང་དང་འགྲོ་བ་མིའི་ཐོབ་ཐང་གི་གནད་དོན་གཉིས་འབྲེལ་མེད་དབྱེ་བ་དེས་ང་ཚོ་ཕྱོགས་གཉིས་ཀྱི་ཚོང་འབྲེལ་དང་རྒྱ་ནག་ནང་གི་འགྲོ་བ་མིའི་ཐོབ་ཐང་ལ་ཡར་རྒྱས་གང་ཡང་ཕྱིན་མེད་ཅེས་གསུངས་འདུགཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གི་ཉན་ཞིབ་ལས་རིམ་ཐེངས་ ༢༠ ཐོག་དཔང་པོར་ Hunter མཐོ་སློབ་ནང་གི་འགྲོ་བ་མིའི་ཐོབ་ཐང་ཚན་པའི་མཁས་པ་སྐུ་ཞབས་ Teng Biao ལགས། ཨ་རིའི་ Texas མཐོ་སློབ་ཀྱི་རྒྱལ་སྤྱིའི་བདེ་འཇགས་དང་ཁྲིམས་ཀྱི་ལྟེ་གནས་ཁང་ Robert S. Strauss Center ནང་ཕྱག་ལས་གནང་མཁན་རྩོམ་པ་པོ་  Rana Siu Inboden ལགས། འགྲོ་བ་མིའི་ཐོབ་ཐང་ལྟ་ཞིབ་ཚོགས་པའི་རྒྱ་ནག་ཚན་པའི་འགན་འཛིན་ལྕམ་སྐུ་ Sophie Richardson ལགས་གསུམ་མཉམ་ཞུགས་གནང་ཡོད་པ་དང་། ཨ་རིའི་གྲོས་ཚོགས་འོག་མའི་ཚོགས་གཙོ་ལྕམ་སྐུ་ Nancy Pelosi མཆོག་སོགས་འབྲེལ་ཡོད་ཁག་གཅིག་ལྷན་ཞུགས་གནང་འདུག  

ཉན་པ།: Listen ཕབ་ལེན། Download གཏོང་ལེན་སློབ་གྲྭས་ཧིན་སྐད་ཐོག་ནས་རྟགས་གསལ་སྤྱན་འབུལ་ཞུས་པ། ཚོགས་པའི་འགྲོ་བ་མིའི་ཐོབ་ཐང་ལྷན་ཚོགས་ཐོག་བོད་མིའི་སྐུ་ཚབ་ཀྱིས་བོད་གནད་གླེང་བ། ཨ་རུ་ནཱ་ཅལ་ཁུལ་གྱི་འཕགས་བོད་ས་མཚམས་སུ་རྒྱ་དཀར་ནག་གཉིས་ཀྱི་མཐའ་སྲུང་དམག་མི་དབར་གདོང་ཐུག། ལྷོ་སྤྱིའ་ཁྱབ་ཁོངས་སུད་ཚོང་གཉེར་སར་འཚམས་གཟིགས་གྲུབ་ནས་གཞིས་ཁག་ཏུ་ཆེད་ཕེབས། ཨ་རིས་རྒྱ་ནག་དཔོན་རིགས་ལ་ཉེས་ཆད་བཏང་བ་དེས་རྒྱ་ནག་ཐོག་བོད་ཀྱི་གནད་དོན་གསལ་དགོས་པར་གནོན་ཤུགས་ཇེ་ཆེར་འགྲོ་རྒྱུ། Tuesday 13/12/2022 For the time ever, Tonglen students conduct buddhist dialectic in Hindi OOT Geneva rep. Thinlay Chukki speaks at UN rights event India-China border clashes erupted on December 9, says Delhi MPs Ngodup Dorjee and Tsering Yangchen meet sweater sellers in Andhra Pardesh US sanctions on Chinese officials raise pressure on Beijing