བོད་མདོ་ཁམས་ནང་ཆེན་ཁུལ་གྱི་བོད་མི་ཚོར་རྒྱ་ནག་གཞུང་ཉེན་རྟོག་པས་བཙན་གནོན་གྱིས་གཅར་བརྡུང་བཏང་ནས་བོད་མི་ ༣༠ ལྷག་ལ་རྨས་སྐྱོན་ཚབས་ཆེ་ཕོག་པས་མྱུར་སྐྱོབས་སླད་སྨན་ཁང་དུ་སྐྱེལ་དགོས་པའི་གནས་ཚུལ་ཐོན་ཡོད་པ་རེད་འདུག ཟླ་འདིའི་ཕྱི་ཚེས་ ༡ ཉིན་རྒྱ་ནག་གཞུང་གིས་བརྒྱད་གཅིག་དམག་མིའི་དུས་ཆེན་སྐབས་ཁམས་ནང་ཆེན་རྫོང་ཁོངས་སུ་རྫོང་ཆེ་ཆུང་མི་འདྲ་བ་བཅུ་ཙམ་ཡོད་པའི་ནང་ནས་ཀ་གཞུང་རྫོང་དུ་དུས་སྟོན་ཚོགས་དགོས་པའི་བཀའ་རྒྱ་ཕབ་པ་དང་སྦྲགས་རྒྱ་གཞུང་གིས་དུས་སྟོན་དེ་ནི་བོད་མི་རིགས་ཀྱི་རིག་གནས་དར་སྤེལ་ཆེད་ཡིན་ཚུལ་བཤད་ནས་བོད་མི་ཁྱིམ་ཚང་སོ་སོའི་མཆོར་ཆས་ལེགས་སྤྲས་ཀྱིས་གསལ་སྟོན་བྱ་དགོས་པ་དང་། དེ་བས་ཀྱང་སྲོལ་རྒྱུན་ལག་རྩལ་ཁག་འགྲེམས་སྟོན་བྱེད་དགོས་ཀྱི་འདུག་ཀྱང།
ནང་ཆེན་རྫོང་དུ་ཚེས་གཅིག་ནས་གསུམ་བར་རིག་གནས་དར་སྤེལ་ཞེས་པའི་དུས་སྟོན་ཚོགས་བཞིན་པའི་རིང་ལ་ས་གནས་བོད་མི་ཚོས་སྤྱིར་བཏང་གི་བོད་པའི་གྱོན་ཆས་གོན་པ་མ་གཏོགས་དེ་མིན་སྟག་སྤགས་དང་གཟིགས་པགས་ཀྱིས་བརྒྱན་པའི་གྱོན་གོས་རིགས་གྱོན་མེད་པ་དང། མགོ་དང་། སྐེ། ལག་པ་སོགས་ལུས་པོ་ཡོངས་རྫོགས་གཟི་དང་བྱུ་རུ། དེ་བཞིན་སྤོས་ཤེལ་ལ་སོགས་པའི་མཆོར་ཆས་གྱོན་མེད་པ་མ་ཟད། བོད་མི་བསམ་ཤེས་ཅན་འགས་ད་ལན་གྱི་དུས་སྟོན་དེའི་དམིགས་ཡུལ་ལེགས་པོ་ཞིག་མེད་སྟབས། ང་ཚོས་གཟབ་གཟབ་བྱེད་དགོས་ཀྱི་འདུག་ཅེས་ཕན་ཚུལ་གླེང་རེས་བྱས་པའི་སྐད་ཆ་དེ་རིམ་བཞིན་ཁྱབ་བརྡལ་སོང་བར་བརྟེན་ཚེས་གསུམ་གྱི་ཉིན་གུང་དང་ཚེས་བཞིའི་མཚན་མོ་བཅས་སུ་རྒྱ་གཞུང་ཉེན་རྟོག་པས་དོན་མེད་བོད་མི་ཚོར་མེ་མདའ་དང། གློག་རྒྱུགས་སོགས་གོ་མཚོན་སྤྱོད་ནས་བོད་མི་དེ་དག་ལ་མི་སྤྱོད་ལས་འདས་པའི་བཙན་གནོན་ཐོག་དུས་སྟོན་ཚོགས་སའི་མང་ཚོགས་ཉལ་གུར་ནང་ཡོང་ནས་རྣམ་འགྱུར་ལེགས་པོ་མེད་ལུགས་རྒྱུ་མཚན་དུ་ཁྱེར་ནས་གཅར་བརྡུང་ཚད་མེད་བཏང་ཡོད་པ་རེད་འདུག
དུས་མཚུངས་སུ་ཟླ་༨ ཚེས་ ༡ ཉིན་རྒྱ་གཞུང་གིས་བཙན་དབང་འོག་ཁམས་འབྲི་རུའི་བོད་མི་རྣམས་ལ་གཅན་གཟན་གྱི་པགས་རིགས་གྱོན་བཅུག་པ་དང། ཅི་ལྟེ་བོད་མི་དེ་དག་ནས་དང་ལེན་གྱིས་ས་གནས་སུ་བྱེད་དགོས་པ་བཞིའི་བཀོད་ཁྱབ་འོག གཞས་སྣ་འཁྲབ་སྟོན་པས་གཅན་གཟན་གྱི་པགས་རིགས་གྱོན་དགོས་པ་དང་དེའི་ཚེ་མང་ཚོགས་ཚོས་ཀྱང་ལྟད་མོ་བལྟ་བར་མཉམ་ཞུགས་མ་བྱེད་ཚེ་ཁུལ་དེའི་བོད་མིའི་འཚོ་རྟེན་གཙོ་བོ་་དབྱར་རྩ་དགུན་འབུ་རྐོ་མི་ཆོག་པའི་སྡིག་ར་སྐུལ་འདུག
དེ་ལྟར་བྱེད་དོན་གཙོ་བོ་ནི་༸གོང་ས་༸སྐྱབས་མགོན་ཆེན་པོ་མཆོག་གིས་ ༢༠༠༦ ལོར་རྒྱ་གར་ལྷོ་ཕྱོགས་དཔལ་ལྡན་འབྲས་སྤུངས་སུ་དུས་དབང་ཐེངས་ ༣༠ པའི་སྐབས་བོད་མི་རྣམས་ལ་གཅན་གཟན་གྱི་པགས་རིགས་སྐོར་བླང་དོར་གྱི་བཀའ་སློབ་བསྩལ་མ་ཐག་མདོ་ཁམས་འབྲི་རུ་གཙོས་པའི་བོད་ས་ཡོངས་ནས་མགོན་པོ་༸གང་ཉིད་མཆོག་གི་བཀའ་དགོངས་ཇི་བཞིན་གཅན་གཟན་གྱི་པགས་རིགས་དང་གྲི་སོགས་གོ་མཚོན་རིགས་མེར་བསྲེགས་གནང་ཡོད་པ་རེད།
ཁམས་ནང་ཆེན་ཁུལ་གྱི་བོད་མི་ཚོར་རྒྱ་གཞུང་ཉེན་རྟོག་པས་གཅར་བརྡུང་བཏང་སྟེ་བོད་མི་ ༣༠ ལྷག་ལ་རྨས་སྐྱོན་ཚབས་ཆེ་ཕོག་འདུག
Tibetan News Headlines
- Sikyong dismisses China’s remarks on Tibet talks as ‘nothing new’, calls MWA only solution to Tibet problem
- Sikyong begins Europe visit with public talk in Switzerland, to meet MPs today
- UK MP detained and deported by China-allied nation for his outspoken advocacy on Tibetans, Uighurs, and Hong Kongers
- Talks with China going on smoothly, India will never bow down: Rajnath Singh
- 9th working committee meeting of NDPT concludes with a new mid term President
རེས་གཟའ་ཟླ་བ། ༢༠༢༤།༠༤།༢༩
- བོད་རྒྱ་འབྲེལ་མོལ་གྱི་གནད་དོན་དེ་༸གོང་ས་མཆོག་སྐུ་སྒེར་གྱི་གནད་དོན་མ་ཡིན་པར་བོད་མི་ས་ཡ་དྲུག་གི་གནད་དོན་ཡིན་པ་གསུངས་སོང་།
- སྲིད་སྐྱོང་མཆོག་སུད་སི་ནང་གཞུང་འབྲེལ་ཕྱོགས་ཕེབས་གནང་བཞིན་པ།
- རྒྱ་ནག་གི་གནོན་ཤུགས་འོག་དབྱིན་ཡུལ་གྱི་གྲོས་ཚོགས་འཐུས་མི་ཞིག་ཨ་ཕི་རི་ཀའི་རྒྱལ་ཁབ་ཞིག་ནས་ཕྱིར་འབུད།
- རྒྱལ་སྲུང་བློན་ཆེན་ Rajnath Singh མཆོག་གིས་རྒྱ་གར་གྱི་རྒྱ་ནག་ལ་ནམ་ཡང་མགོ་དགུར་གྱི་མ་རེད་གསུངས་འདུག
- བོད་རྒྱལ་ཡོངས་མང་གཙོ་ཚོགས་པའི་འགན་འཛིན་ལྷན་ཚོགས་དང་འབྲེལ་བར་བརྒལ་ཚོགས་གཙོ་འོས་འདེམས་གནང་འདུག
