ཇོ་ནང་པའི་ཚོགས་ཆེན་ཐེངས་བདུན་པའི་ཐོག་ཇོ་ནང་པའི་ངོས་ནས་ཆོས་བརྒྱུད་ཀྱི་ཐོབ་ཐང་རྩོད་ལེན་འདི་དུས་རབས་ནས་དུས་རབས་བར་མཚམས་འཇོག་བྱེད་ཀྱི་མ་རེད་ཅེས་གསུངས་སོང། དེ་རིང་ཟླ་ ༩ ཕྱི་ཚེས་ ༡༡ ཉིན་མེ་གྷན་སཱུར་ཡཱ་གསོལ་མགྲོན་ཁང་དུ་འཕགས་ཡུལ་ཇོ་ནང་འགྲོ་ཕན་ལྷན་ཚོགས་ཀྱིས་གོ་སྒྲིག་འོག་སྐུ་མགྲོན་གཙོ་བོ་ཆོས་རིག་བཀའ་བློན་པདྨ་ཆོས་འབྱོར་མཆོག་དབུ་བཞུགས་ཐོག་ ཇོ་ནང་རྒྱལ་ཚབ་རིན་པོ་ཆེ་མཆོག་དབུས་པའི་རྒྱ་བལ་འབྲུག་གསུམ་དང་། ཨ་རི། ཡོ་རོབ། ར་ཤི་ཡ། སོག་པོ། མ་ལེ་ཤི་ཡ་དང་ བོད་བཅས་ཀྱི་ནང་ཇོ་ནང་ཆོས་བརྒྱུད་འཛིན་མཁན་གྱི་དགོན་པ་དང་ཆོས་ཚོགས་ཁག་གི་འཐུས་མི་ ༡༤༠ ལྷག་ཆེད་བཅར་ཐོག་ཚོགས་འདུ་དབུ་འཛུགས་གནང་སོང།
སྐབས་དེར་ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ་ལགས་ཀྱིས་ཐོག་མར་ཕྱི་ལོ་ ༡༩༩༧ ལོ་ནས་ད་བར་འདས་པའི་ལོ་ ༡༨ རིང་བོད་མིའི་སྒྲིག་འཛུགས་དང་བོད་མི་མང་སྤྱི་འཐུས་ལྷན་ཚོགས་བཅས་སུ་ཇོ་ནང་པ་ལ་ཆོས་བརྒྱུད་གཞན་དང་གཅིག་མཚུངས་ཀྱི་ཐོབ་ཐང་སྤྲོད་རོགས་ཅེས་ཞུ་སྙན་ཕུལ་བའི་བརྒྱུད་རིམ་དང་འབྲེལ། ད་ལན་གྱི་ཚོགས་ཆེན་དེ་བསྐོང་དོན་སོགས་ངོ་སྤྲོད་གནང་གྲུབ་རྗེས། ཇོ་ནང་འགྲོ་ཕན་ལྷན་ཚོགས་ཀྱི་སློབ་སྟོན་པ་མཁན་པོ་ངག་དབང་རྡོ་རྗེ་ལགས་ཀྱིས་ཚོགས་ཆེན་ཐོག་བཙན་བྱོལ་བོད་མིའི་ཁྲིམས་ཡིག་ལུང་འདྲེན་དང་འབྲེལ། བོད་མི་མང་སྤྱི་འཐུས་ལྷན་ཚོགས་དབུས་པའི་བོད་མིའི་སྒྲིག་འཛུགས་ཀྱི་ངོས་ནས་དགོངས་པ་ཆེ་བཞེས་ཀྱིས་སྔར་གྱི་རྒྱུ་འབྲས་ལ་གཟིགས་ནས་ཐག་གཅོད་གནང་མ་མྱོང་བ་ཞིག་གནང་རྒྱུའི་དུས་ལ་བབ་ཡོད་པ་གསུངས་པ་མ་ཟད། ཇོ་ནང་པའི་ངོས་ནས་ཆོས་བརྒྱུད་ཀྱི་ཐོབ་ཐང་རྩོད་ལེན་འདི་དུས་རབས་ནས་དུས་རབས་བར་མཚམས་འཇོག་བྱེད་ཀྱི་མ་རེད་ཅེས་གསུངས་སོང། དེ་བཞིན་ཇོ་ནང་རྒྱལ་ཚབ་རིན་པོ་མཆོག་གིས་འདས་པའི་ལོ་ ༡༨ རིང་བོད་གཞིས་བྱེས་གཉིས་ནས་༸གོང་ས་༸སྐྱབས་མགོན་ཆེན་པོ་མཆོག་གཙོས་པའི་བསྟན་བདག་བླ་ཆེན་རྣམ་པ་དང། བོད་མི་མང་སྤྱི་འཐུས་ལྷན་ཚོགས་སོགས་སོ་སོར་ཕུལ་སྙན་དང་བཀའ་ལན་བཅས་ཀྱི་ཡིག་ཆ་ཁག་ཚོགས་ཆེན་ཐོག་དཔང་པོའི་ཚུལ་དུ་བསྣམས་པ་དང་། ལྷག་དོན་༸གོང་ས་སྐྱབས་མགོན་ཆེན་པོ་མཆོག་ནས་ཐེངས་འདིའི་ཇོ་ནང་ཚོགས་ཆེན་ཐོག་ཕེབས་པའི་བཀའ་ཡིག་སྒྲོག་སྦྱང་གནང་ཡོད་པ་རེད།
སྐུ་མགྲོན་གཙོ་བོ་བོད་མིའི་སྒྲིག་འཛུགས་ཆོས་རིག་བཀའ་བློན་མཆོག་གིས་དེ་སྔ་ ༢༠༡༡ ལོའི་ཆོས་བརྒྱུད་ཆེན་མོའི་ཚོགས་ཆེན་ཐོག ཇོ་ནང་པའི་ཆོས་བརྒྱུད་དེ་བཞིན་ལྟ་གྲུབ་དང་ཆོས་བརྒྱུད་ཐོག་རང་ཁ་གསོན་པའི་ཆོས་བརྒྱུད་ལ་ངོས་ལེན་ཐོབ་པ་གཞི་བཟུང། ཆོས་རིགས་ལས་ཁུངས་ནས་ངོས་ལེན་ཞུ་མུས་ཐོག་ཇོ་ནང་པའི་དགེ་འདུན་ཚོར་འཚོ་སྣོན་དང། སློབ་ཡོན། ཆོས་ལུགས་ཚོགས་ཆེན་ཐོག་ཇོ་ནང་པའི་སྐུ་ཚབ་ལ་ཞབས་སྟེགས་ཕུལ་པ་མཚོན་འདས་པའི་ལོ་ངོ་ ༥༠ ལྷག་རིང་ནང་པ་སངས་རྒྱས་པའི་ཆོས་འདི་ལ་བརྟེན་ནས་བོད་མི་རིགས་འདི་འཛམ་གླིང་སྤྱི་ལ་ངོམ་ཆོག་པ་ཞིག་ཆགས་ཡོད་སྟབས། ཇོ་ནང་པའི་ཆོས་བརྒྱུད་འཛིན་མཁན་ཚོས་ཀྱང་རང་ཉིད་ཀྱི་ལྟ་གྲུབ་ལ་ཚད་མཐོ་པོའི་སློབ་གཉེར་གནང་དགོས་པ་སོགས་གསུངས་སོང་། རྩ་བའི་ད་ལན་གྱི་དམིགས་བསལ་ཚོགས་ཆེན་དེ་དེ་རིང་དང་སང་བཅས་ཉིན་གཉིས་རིང་ད་བར་ཇོ་ནང་པའི་ངོས་ནས་རང་གཞུང་ལ་ཞུ་གཏུགས་བྱས་པའི་བརྒྱུད་རིམ་ལ་བསྐྱར་ཞིབ་དང། ཡོང་ལ་ཉེ་བའི་གྲོས་ཚོགས་ལ་ཞུ་གཏུག་ཇི་ལྟར་བྱ་དགོས་མིན་སོགས་ཀྱི་ཐད་བགྲོ་གླེང་གནང་རྒྱུ་ཡིན་འདུག གཞན་ཡང་འཕགས་ཡུལ་ཇོ་ནང་འགྲོ་ཕན་ལྷན་ཚོགས་ཀྱི་དབུས་རྒྱུན་གསར་འདེམས་བཅས་གནང་རྒྱ་རེད་འདུག
ཇོ་ནང་པའི་དམིགས་བསལ་ཚོགས་ཆེན་ཐེངས་བདུན་པ་དབུ་འཛུགས་གནང་པ།
Tibetan News Headlines
- Sikyong Penpa Tsering Expresses Disappointment Over Trump’s Silence on Human Rights in Dealings with China
- China’s Overseas Surveillance Network Targets Tibetan Activists and Exile Administration, Rights Group Reports
- Tibetan Advocates from 20 Countries Gather in Barcelona to Strengthen Global Campaign for Tibet
- 7th Prof. Dawa Norbu Memorial Symposium Held in New Delhi
- Xi Jinping Describes Taiwan’s Reunification as an ‘Unwavering Historical Mission’ of the Chinese Communist Party
- Education Kalon Urges Tibetan Children in Exile to Preserve Their Identity and Uphold Tibetan Values in Children’s Day Speech
- Health and Wellness: World Diabetes Day- Prevention and Treatment of Diabetes
ཪེས་གཟའ་པ་སངས། ༢༠༢༦།༡༡།༡༣
- ཨ་རྒྱ་གཉིས་ཀྱི་གྲོས་མོལ་ཐོག་བོད་ཀྱི་གནད་དོན་དང་འགྲོ་བ་མིའི་ཐོབ་ཐང་སྐོར་གླེང་མེད་པའི་སེམས་འཚབ་ཀྱི་རྣམ་པ་མངོན་གསལ།
- སྙན་ཐོ་གསར་པ་ཞིག་གི་ནང་རྒྱ་ནག་གིས་བཙན་བྱོལ་བོད་མི་རྣམས་ལ་ལྟ་སྲུང་དྲག་གནོན་བྱེད་ཤུགས་ཆེ་རུ་བཏང་ཡོད་པ་གསལ་སྟོན།
- རྒྱལ་ཁབ་ ༢༠ ནས་བོད་དོན་ལས་འགུལ་བ་ལྷན་འཛོམས་ཐོག་བོད་དོན་འཐབ་རྩོད་ཀྱི་འཐབ་ཇུས་གསར་པའི་སྐོར་གྲོས་བསྡུར།
- རྒྱལ་ས་ལྡི་ལིར་མཁས་དབང་ཟླ་བ་ནོར་བུའི་རྗེས་དྲན་གྱི་ཉམས་ཞིབ་ཚོགས་འདུ་ཐེངས་ ༧ པ་འཚོགས་པ།
- ཞི་ཅིན་ཕིང་གིས་ཐེ་ཝན་རྒྱ་ནག་དང་ཟླ་སྒྲིལ་གཏང་རྒྱུ་ནི་རྒྱ་ནག་གི་ལོ་རྒྱུས་ཀྱི་རྒྱབ་རྟེན་ཡོད་པའི་ཕུགས་དམིགས་ཤིག་ཡིན་པར་ལྡོག་ཐབས་མེད་པ་ནན་བརྗོད།
- བཙན་བྱོལ་བོད་ཕྲུག་རྣམས་ནས་རང་ཉིད་ཀྱི་སྤྱོད་པ་དང་ཤེས་ཡོན་གཉིས་ཀའི་ཐད་ནས་མི་རིགས་དང་སྤྱི་ཚོགས་ལ་ཕན་འདོགས་ཐུབ་མཁན་ཞིག་བྱེད་དགོས་པ་གསུངས་འདུག
- གཅིན་སྙི་ནད་གཞི་ཉིན་མོ། གཅིན་སྙི་ནད་གཞིའི་སྔོན་འགོག་དང་བཅོས་ཐབས།
