བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་འོག་རྒྱ་གར་གྱི་རྒྱལ་ས་ལྡི་ལིར་བོད་ཀྱི་གཞོན་ནུ་ལྷན་ཚོགས་སྤྱི་ཁྱབ་དབུས་རྒྱུན་ལས་ཁང་གི་རྒྱུན་ལས་གསུམ་ནས་དང་བླངས་ཀྱིས་་དམིགས་ཡུལ་གསུམ་དང་དགོས་འདོན་དོན་ཚན་ལྔ་བཅས་ཞུ་བསྐུལ་སྤེལ་བར་ཨ་རི་གཞུང་ཚབ་ནས་ཐུགས་སྣང་ཆེན་པོ་གནང་པ་མ་ཟད། དེ་བཞིན་བོད་མི་མང་སྤྱི་འཐུས་དང་ས་གནས་བོད་མི་མང་ཚོགས་བཅས་རིམ་བཞིན་ལས་འགུལ་བ་ཚོར་རྒྱབ་སྐྱོར་ཚུལ་དུ་ཐུག་འཕྲད་སླད་ཆེད་ཕེབས་གནང་མུས་ཡིན་པ་རེད་འདུག![IMG_8034[1]](http://vot.org/wp-content/uploads/2015/09/IMG_80341.jpg)
ལས་འགུལ་དེའི་ནང་དངོས་སུ་མཉམ་ཞུགས་གནང་མཁན་ཕྱི་འདྲིལ་འགན་འཛིན་ཚེ་དབང་སྒྲོལ་མ་ལགས་ནས་ཀྱང་བོད་རིགས་ཚོས་ངེས་པར་དུ་ལས་འགུལ་དེའི་ཐོག་རྒྱབ་སྐྱོར་གང་མང་གནང་རོགས་ཅེས་གཞེན་སྐུལ་གནང་འདུག སང་ཕྱི་ཚེས་ ༡༧ ཉིན་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་འཇིགས་མེད་ལགས་གཙོས་པའི་རྒྱུན་ལས་ཁག་ཅིག་ལྡི་ལི་རྒྱལ་ཚོགས་ཀྱི་ལས་ཁུངས་དང་རྒྱལ་ཁབ་གཞན་གྱི་གཞུང་ཚབ་ཁག་ཏུ་ཆེད་བཅར་ཞུ་རྒྱུ་རེད་འདུག 
རྩ་བའི་ཟླ་ ༩ ཕྱི་ཚེས་ ༡༠ ནས་འགོ་བཙུགས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་འོག་རྒྱ་གར་གྱི་རྒྱལ་ས་ལྡི་ལིར་བོད་ཀྱི་གཞོན་ནུ་ལྷན་ཚོགས་སྤྱི་ཁྱབ་དབུས་རྒྱུན་ལས་ཁང་གི་རྒྱུན་ལས་གསུམ་ནས་བོད་ཀྱི་མིག་སྔའི་ཛ་དྲག་གནས་སྟངས་དྲིལ་བསྒྲཊ་དང། རང་ལུས་མེར་སྲེག་གནང་མཁན་གྱི་རྒྱལ་གཅེས་དཔའ་བོ་དཔའ་མོ་ཚོའི་མངོན་འདོད་ལ་རྒྱབ་སྐྱོར། གཞིས་ལུས་བོད་མིར་གདུང་སེམས་མཉམ་སྐྱེལ་བཅས་ཀྱི་སླད་དམིགས་ཡུལ་གསུམ་དང་དགོས་འདོན་དོན་ཚན་ལྔ་བཅས་རྒྱལ་ཚོགས་ལ་ཞུ་སྐུལ་ཆེད་དུས་ཚོད་ངེས་མེད་ཀྱི་ཟས་བཅད་ངོ་རྒོལ་གནང་ནས་གཟའ་འཁོར་གཅིག་ཟིན་ཡོད་པ་རེད།
